Batumelebi | ქედელ მეღვინეებს ღვინის დაყენების სპეციფიკა გააცნეს ქედელ მეღვინეებს ღვინის დაყენების სპეციფიკა გააცნეს – Batumelebi
RU | GE  

ქედელ მეღვინეებს ღვინის დაყენების სპეციფიკა გააცნეს

აჭარის აგროსერვის ცენტრის წარმომადგენლებმა ქედელ მეღვინეებთან საინფორმაციო შეხვედრა გამართეს და მათ ვაზის წარმოება და ღვინის დაყენების სპეციფიკა გააცნეს.

TataraSvili_cr

დავით თამარაშვილი

შეხვედრაზე მებაღეობა, მევენახეობის და ღვინის სამეცნიერო ინსტიტუტის დამფუძნებელმა, დავით თამარაშვილმა, ქედაში წარმოებული ღვინის პოპულარიზაციაზე ისაუბრა და ფერმერებს ყურძნის მოყვანის თანამედროვე ხერხები გააცნო.

„მევენახე ფერმერები და ღვინის მწარმოებლები აჭარაში ცოდნის ნაკლებობას განიცდიან, თუმცა ამ ხალხს შენარჩუნებული აქვს ღვინის დაყენების ტრადიციული წესი. ძირითად პრობლემას აჭარაში ვაზის ჰიბრიდული ჯიშები ქმნიან. ჰიბრიდული ჯიშების ნაცვლად კულტურული ჯიშები უნდა გაშენდეს, რომ გვქონდეს ღვინის მაღალხარისხოვანი წარმოება აჭარაში და მან კონკურენცია გაუწიოს საერთაშორისო ბაზარზე არსებულ ღვინოს,“ – აღნიშნა დავით თამარაშვილმა.

დავით თამარაშვილმა შეხვედრაზე ყურადღება გაამახვილა შხამ-ქიმიკატების გამოყენებაზეც. მისი თქმით, ბაზარზე არსებული ფალსიფიცირებული შხამ-ქიმიკატები მნიშვნელოვან გამოწვევას ქმნის ფერმერებისთვის ღვინის წარმოებაში.

12837141_976012409161132_579313193_o

შეხვედრა ქედაში / ფოტოები: ეკა ბარამიძე

12528634_976012542494452_260289600_o

ნეტგაზეთის მასალების სხვა გამოცემებში გადაბეჭდვის წესი
ავტორი