Batumelebi | ქედის სოფლებში მეწყერი ჩამოწვა ქედის სოფლებში მეწყერი ჩამოწვა – Batumelebi
RU | GE  

ქედის სოფლებში მეწყერი ჩამოწვა

მეწყერი ჩამოწვა სოფელ ჯალაბაშვილებში, გოგიაშვილებში ასევე გეგელიძეებში. სტიქიამ სამი საცხოვრებელი სახლი დააზიანა.
ქედის გამგეობის საზოგადოებასთან ურთიერთობის სამსახურის ინფორმაციით ადამიანების სიცოცხლეს საფრთხე არ შექმნია,  დაზარალებული ოჯახები კი ნათესავებთან არიან გადაყვანილი.
სოფელ გეგელიძეებში, თამაზ ბერიძის საცხოვრებელ სახლთან მეწყერი დღეს დილით განვითარდა. გუშინ, 7 იანვარს დილის საათებში კი მეწყერმა სოფელ ჯალაბაშვილებში მცხოვრები ჩხობაძეების 7-სულიანი ოჯახის საცხოვრებლი სახლი დააზიანა.
7 იანვარს, საღამოს, სოფელ გოგიაშვილებში, გოჩა არძენაძის საცხოვრებელი სახლთანც ჩამოწვა მეწყერი.
გამგეობის ინფორმაციით მათგან ყველაზე მეტად ჩხუბაძეების სახლია (30%-ით) დაზიანებული.
გამგეობისვე ინფორმაციით ადგილზე გამოძახებული იყო სამაშველო სამსახური და სიტუაცია ამ დროისთვის სტაბილურია.
გარდა ამისა, მეწყერი ჩამოწვა სოფელ კოკოტაურში, ვანაძეების უბანშიც, რამაც საავტომობილო გზაზე მოძრაობა შეზღუდა, ამ დროისთვის კი გზა გაწმენდილია და მოძრაობა აღდგენილი. სოფელ მახუნცეთში, ბელტურის უბანში კი ამჟამადაც მუშაობს ტექნიკა, სადაც მეწყერმა ხუთ ოჯახთან მისასვლელი გზა ჩაკეტა.
„სიტუაციას გეოლოგების ჯგუფი და გამგეობის  მუდმივმოქმედი კომისია სწავლობს, რის შემდეგაც მოხდება მეწყერსაწინააღმდეგო ღონისძიებების გატარება, [და დასკვნის საფუძველზე, თუკი საჭირო გახდა] კომპენსაციის გაცემა [დაზარალებული ოჯახების] ადგილმონაცვლეობისთვის“- განუცხადეს „ბათუმელებს“ქედის გამგეობის პრესსამსსახურში.
ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი