ხელვაჩაურის პროკურორის განცხადებით სტატისტიკური მონაცემებით, ყველაზე ხშირად ქედის მუნიციპალიტეტის სოფლებიდან, საზღვარგარეთ სამუშაოდ სწორედ ამ სოფლებში მცხოვრები მოსახლეობა მიდის, შესაბამისად ტრეფიკინგის მსხვერპლი შესაძლოა ეს ადამიანები გახდნენ და შემთხვევის თავიდან ასაცილებლად მოსახლეობის ინფორმირება აუცილებელია.
„მოგეხსენებათ რომ ტრეფიკინგთან მიმართებაში ქვეყანაში არაჯანსაღი მდგონარეობაა, საქართველოს პროკურატურის ეგიდით ეს კვირა ტრეფიკინგთან ბრძოლის კვირად გამოცხადდა, ხელვაჩაურის რაიონული პროკურატურის ორგანიზებით ტრეფიკინგთან დაკავშირებით შეხვედრა მოვაწყეთ შუახევისა და ხულოს მუნიციპალიტეტებშიც, მოსახლეობას ავუხსენით რამდენად მნიშვნეოვანია საზოგადოების როლი და ჩართულობა ამ დანაშაულის წინააღმდეგ ბრძოლაში, რაც შეეხება დღევანდელ შეხვედრას ქედაში, სოფლები სტატისტიკურ მონაცემებზე დაყრდნობით შევარჩიეთ, სწორედ ამ სოფლებიდან ყველაზე ხშირად გადიან საზღვარგარეთ სამუშაოდ.
ვფიქრობთ, სამომავლოდ სკოლებში მოვაწყოთ მსგავსი შეხვედრები და ტრეფიკინგთან დაკავშირებით ინფორმაცია მოსწავლეებს მვაწოდოთ“ – ამბობს ხელვაჩაურის პროკურორი რომან ბოლქვაძე.
„სოფლის მოსახლეობა განსაკუთრებით ამ დროს გადადის თურქეთში სამუშაოდ, მეტ-ნაკლებად კმაყოფილები ბრუნდებიან, რაც შეეხება ტრეფიკინგის შემთხვევას ვინმე მსხვერპლი ყოფილიყო არ გამიგია“- ამბობს სოფელ ორცვის მკვიდრი ბადრი კაკაბაძე.
შეხვედრის ბოლოს ტრენიგის მონაწილეებს ტრეფიკინგის თემაზე სპეციალურად მომზადებული ტესტები დაურიგეს.
სოფლის მოსახლეობასთან შეხვედრა ხელვაჩაურის რაიონული პროკურატურის ორგანიზებით ჩატარდა.
