Batumelebi

„თალიბანის შემოსვლის შემდეგ მომიწია ქაბულის ქუჩებში გადაადგილება და დამიჯერეთ, უკვე მზეც სხვანაირად ამოდის იქ,“ – ასე იწყებს საუბარს ავღანეთზე ლევან ჯანგირაშვილი.

ის ერთ-ერთია საქართველოს იმ მოქალაქეებიდან, რომლებიც ავღანეთში მუშაობდნენ.

მას შემდეგ, რაც 15 აგვისტოს თალიბანმა ავღანეთის დედაქალაქი ქაბული უბრძოლველად დაიკავა და ქვეყნის მართვა გადაიბარა, ათასობით ადამიანმა დაიწყო ქვეყნის დატოვება.

საქართველოს 16 მოქალაქე, რომლებიც ქაბულში ერთ-ერთ საერთაშორისო კომპანიაში სამოქალაქო კონტრაქტორად მუშაობდნენ, ერთი კვირა ელოდნენ ქაბულიდან გამომგზავრებას. საბოლოოდ კი საქართველოს მოქალაქეები ავღანეთიდან ამერიკულ, ბრიტანულ, თურქულ და უნგრულ მხარეებთან თანამშრომლობით გამოიყვანეს.

ლევან ჯანგირაშვილი სანამ ქაბულში სამოქალაქო კონტრაქტორი გახდებოდა, რამდენიმე საერთაშორისო მისიაში მონაწილეობდა. შესაბამისად, ავღანეთში არსებულ სიტუაციას კარგად იცნობდა.

ქაბულში, როგორც სამოქალაქო კონტრაქტორი 2018 წლის სექტემბერში ჩავიდა. ლევანის და სხვა კონტრაქტორების მისია მწვანე ზონის (სადაც განლაგებული იყო ავღანეთის ყველა ძირითადი სახელმწიფო ობიექტი) უსაფრთხოების დაცვა იყო.

თავის სამსახურზე საუბრისას, ლევან ჯანგირაშვილი ყოველდღიურ საფრთხეზე აკეთებს აქცენტს და გვიხსნის:

„წარმოიდგინეთ, მიდიხარ ქალაქში, მოძრაობა გადატვირთულია. არ იცი, რომელ მანქანაში ზის თვითმკვლელი ტერორისტი, არ იცი საიდან დაგეჯახება და სად აიფეთქებს თავს. ასეთ სიტუაციაში მუშაობა მაღალი რისკია“.

ქაბულის ყოველდღიურ ცხოვრებაზე საუბრისას, ხალიდ ჰოსეინის „ფრანით მორბენალს“ იხსენებს და გვეუბნება, რომ ის, რაც მწერალმა საკუთარ წიგნში აღწერა, ავღანეთის და ავღანელების ყოველდღიური ცხოვრების ნაწილია.

„გაჭირვებაში ცხოვრობენ. არ არსებობს საშუალო ფენა. არსებობენ ძალიან მდიდრები, რომლებიც არიან სამთავრობო კორპუსის წარმომადგენლები და არიან ღარიბები. ან ძალიან უჭირს იქ ადამიანს ან საერთოდ არაფერი არ უჭირს. მათი ცხოვრების ძირითად მიზანია გადარჩნენ და იცოცხლონ. იშოვონ საკმარისი საჭმელი, გამოკვებონ საკუთარი ოჯახი, ელემენტარული რაღაც ჰქონდეთ. ჩვენს ქვეყანას თუ შევადარებთ, იქ რომ ჩახვალ და ადგილობრივ სიტუაციას გაეცნობი, კიდევ ერთხელ ბედნიერი ხდები იმით, რომ იქ არ დაიბადე და დაიბადე საქართველოში.

სტატისტიკისთვის გეტყვით, რომ კვირაში ხუთი ტერაქტი ნორმა იყო ქალაქში. საერთაშორისო მნიშვნელობის ეს ამბები მაშინ ხდებოდა, როდესაც ამ ტერაქტებს ეწირებოდა ვინმე კოალიციის წარმომადგენელი, ნატოს ქვეყნიდან ან ევროკავშირიდან. ადგილობრივები… იქ ყოველდღე ვიღაც კვდება. მე, პირადად, ორ ტერაქტს შევესწარი. ერთი იყო, როდესაც ჩემს მეგობარს შეეჯახა თვითმკვლელი კამიკაძე. საბედნიეროდ, შეჯავშნულმა მანქანამ უშველა და ფეხი დაკარგა მხოლოდ. გადარჩა, საოცრად გადარჩა.

მეორე იყო მცდელობა ჩვენს ბაზაზე შემოღწევის. ღობესთან აიფეთქა თავი თვითმკვლელმა ტერორისტმა. საკმაოდ ძლიერი აფეთქება იყო, ლამის თავზე დაგვენგრა შენობა, სადაც ვცხოვრობდით. ნანგრევებიდან გამოვძვერით და დავინახეთ, რომ უკვე ბაზაზე იყო შემოსული რამდენიმე ტერორისტი თვითმკვლელის ქამრებით. ასე ვთქვათ წმენდაზე შემოვიდნენ, იმ ადამიანების გასანადგურებლად, ვინც აფეთქებას გადაურჩა, მაგრამ ჩვენ ვიმარჯვეთ. რამდენიმე კაცი დაგვეღუპა, მაგრამ საბოლოო ჯამში მიზანს ვერ მიაღწიეს. ჩვენ გავანადგურეთ ისინი.

ეს იყო ჩვენი ყოველდღიური ცხოვრება. რისკი, ხიფათი, იარაღი ყოველთვის თან გაქვს, თავთან. არ იცი რა დროს რა მოხდება.

ადგილობრივებზე რა შეიძლება გითხრათ, ძირითადი ნაწილის განათლების დონე დაბალია. საარსებო პირობები, სოციალური ცხოვრების დონე დაბალია. ჯანდაცვის სისტემა მოშლილია, თუნდაც დღეს, კოვიდპანდემიიდან გამომდინარე სრულიად უკონტროლო ვითარებაა. არავინ არ აწარმოებს იმის აღრიცხვას, რამდენია დაავადებული, რამდენია გარდაცვლილი, ვის კოვიდი აქვს, ვის რა აქვს,“ – გვიყვება ლევან ჯანგირაშვილი.

ქაბულში თალიბების შესვლის შემდეგ ათასობით ავღანელმა საკუთარი სახლი დატოვა და აეროპორტს მიაშურა. ლევან ჯანგირაშვილის თქმით, შეიძლება ყველა ავღანელი, ვინც აეროპორტში მივიდა, არ თანამშრომლობდა კოალიციურ ძალებთან, არც შეერთებული შტატების წარმომადგენლებთან, მაგრამ როცა დაინახეს, რომ ავღანეთიდან თავის დაღწევის შანსი გაჩნდა, მისი გამოყენება გადაწყვიტეს.

„ყველა იმაზე ოცნებობს, რომ ამ ქვეყანას თავი დააღწიონ, ნორმალურად, მშვიდობიანად იცხოვრონ, რომ მათ სიცოცხლეს საფრთხე არ დაემუქროს.

ავღანელები განსხვავებული კულტურის ხალხია და მათთან ურთიერთობას თავისებური ნიუანსები სჭირდება. ჩვენ გვყავდა ავღანელი თარჯიმნები, ვინც იცოდა ინგლისური და გვეხმარებოდნენ ადგილობრივებთან ურთიერთობის დამყარებაში. ესენი ყველა განწირულები არიან. თუმცა, როგორც შეერთებულმა შტატებმა განაცხადა, ის იღებს პასუხისმგებლობას ამ ხალხზე და ცდილობს მაქსიმალურად გაიყვანოს ეს ხალხი ქვეყნიდან.

კინოფილმებში გინახავთ ალბათ ზომბები, რომ მოდიან და არაფერი აკავებთ, აი, ასეთ რაღაცეებს ვუყურე. ჩემი თვალით ვუყურებდი თვითმფრინავიდან რომ ცვიოდა ხალხი, ვერც წარმოვიდგენდი იმ სიმაღლეზე თვითმფრინავს თუ აყვებოდა ვინმე. რამდენიმე ადამიანი პირდაპირ ჩვენს ბაზასთან ახლოს ჩამოცვივდა.

ახლაც, ის ავღანელები, ჩვენთან ერთად ვინც მუშაობდა, მეც და ჩემს თანამშრომელ ბიჭებსაც გვწერენ: „იქნება დაგვეხმაროთ, წაგვიყვანოთ აქედან, მოწვევა გაგვიკეთოთ“.

გამორიცხულია ასეთი რამ, რადგან ჩვენ არ ვართ იმ კომპეტენციის მქონეები ვიღაცა მოვიწვიოთ ლტოლვილის სტატუსით, ჩემს ქვეყანას დავაკისრო ვალდებულებები. ეს მთავრობის გადასაწყვეტია და ჩვენ მაგ თემაში არ ვერევით,“ – ამბობს ლევან ჯანგირაშვილი.

ქაბული მას შემდეგ, რაც თალიბანმა ის დაიკავა

მას შემდეგ, რაც თალიბანმა ქაბული დაიკავა, 16 ქართველი კონტრაქტორი იზოლაციაში აღმოჩნდა. გზა, რომელიც აეროპორტს აშორებდა, სახიფათო და ძნელად გასავლელი იყო. სამოქალაქო კონტრაქტორი ზაზა არაბული ქაბულში მუშაობდა ლევან ჯანგირაშვილთან ერთად. ერთკვირიან იზოლაციაში ერთად აღმოჩნდნენ.

„ჩემთვის ეს დღეები იყო წარმოუდგენელი შეგრძნება. აქ არ ვსაუბრობ შიშზე. შიში ნაკლებად იყო. ჩვენ ვიცოდით, რომ უბრძოლველად არავის არ დავნებდებოდით, ბოლოს და ბოლოს ჩვენს გამოცდილებას გამოვიყენებდით. მაგრამ ყოველი დღე იყო ახალი და ახალი ადრენალინის ზღვა. ვცდილობდით ზედმეტად არ გვეფიქრა. ერთმანეთით გადაგვქონდა ყველაფერი. ის იქნება ჩემი ცხოვრების ყველაზე დასამახსოვრებელი მომენტი. არ დამავიწყდება არასდროს,“ – იხსენებს ზაზა არაბული.

ლევან ჯანგირაშვილის თქმით კი, თუ მსუბუქად შევხედავთ, მათი ცხოვრების ერთი კვირა, ეს იყო თალიბების ტყვეობაში ყოფნა.

„იმ დღეს (14 აგვისტოს) მორიგეები ვიყავით. თავად დავინახე თალიბანის რაზმები ქალაქში. მოწმენდილ ცაზე მეხის გავარდნასავით იყო. ტყვია არ გავარდნილა საერთოდ ისე შემოვიდნენ ქაბულში და ისე გადაიბარეს ხელისუფლება. არავის არ უბრძოლია. ფაქტობრივად, ხელისუფლებამ კაპიტულაცია გამოაცხადა, ყველა პასუხისმგებელმა პირმა თავს უშველა. ზოგი ტაჯიკეთში გაიქცა, ზოგი სხვა პროვინციაში წავიდა. ფაქტობრივად, დედაქალაქი მიატოვეს ღვთის ანაბარა.

თალიბები არ არიან გუშინ გამოჩეკილი მებრძოლები, 30 წელია დაახლოებით იბრძვიან, საკმაოდ გამოცდილი მებრძოლები ჰყავთ, გამობრძმედილები და დამიჯერეთ არც დიპლომატიური ურთიერთობები ეშლებათ.

შემოვიდნენ ქალაქში, ბლოკადა გააკეთეს, გამოაცხადეს – არავის არ ვკლავთ, უბრალოდ ჩვენ გვინდა ხელისუფლებაში მოსვლა. 14 აგვისტოს გვიან საღამოს ადგილობრივი პოლიციის უფროსს დავურეკე. რა ხდება, სიტუაცია როგორია? მან მითხრა – მე აღარ ვარ პოლიციის უფროსი, აღარანაირი უფლება აღარ გამაჩნია, ჩვეულებრივი მოქალაქე ვარ, თალიბებმა ახალი პოლიციის უფროსი დანიშნესო.

ქალაქი ბლოკირებული იყო ყველა მოსახვევში, ყველა მნიშვნელოვან საკვანძო ადგილას უკვე იდგა თალიბანის გამშვები პუნქტები. შეჯავშნული მანქანებით პატრულირებდნენ. გადაადგილება შეუძლებელი იყო.

ჩვენი დამქირავებელი კომპანია გამოუვალ მდგომარეობაში აღმოჩნდა. არავის არ შეეძლო იქ ჩვენი შველა. ბევრი საუბრობს იმას, რომ აი, ჩვენმა ხელისუფლებამ ვერაფერი გააკეთა. როგორ არა, ყველაფერი გააკეთეს, ალექსანდრე ღვთისიაშვილს, საგარეო საქმეთა მინისტრის მოადგილეს დავუკავშირდით იმ დღესვე და ვუთხარით, რომ ასეთი სიტუაცია იყო. მართლაც, ამ ადამიანმა, რაც მის შესაძლებლობებში იყო, ყველაფერი გააკეთა. მუდმივ კონტაქტზე იყო, გვამხნევებდა, ეგეც დიდ რაღაცას ნიშნავს ასეთ დროს. თითქმის ყოველდღე ქაბულის აეროპორტში ჩვენ გველოდებოდა რომელიმე ქვეყნის სამხედრო ბორტი. პრობლემა ის იყო, რომ ჩვენ ვერ გამოვდიოდით ბაზიდან. ბაზის მთელი პერიმეტრი დაიჭირა თალიბანმა და უკვე მათ ნება-სურვილზე იყო გაგვიშვებდნენ თუ არ გაგვიშვებდნენ.

არ მინდა გავამუქო რა სიტუაციაშიც აღმოვჩნდით, მაგრამ ფაქტობრივად ხუთი დღე ვიყავით თალიბანის ტყვეობაში.

საბოლოოდ თავად თალიბები მოვიდნენ. მათი მაღალი თანამდებობების პირები და მაღალ დონეზე მოხდა მოლაპარაკება. ზოგადად, თალიბანი ცნობილია, როგორც ტერორისტული ორგანიზაცია. ტერორისტებთან არცერთი ქვეყანა მოლაპარაკებებს არ აწარმოებს, მაგრამ ფაქტია, რომ დღევანდელ ავღანეთის ხელისუფლებას წარმოადგენს თალიბანი.

ჩვენი კომპანიის ხელმძღვანელობა ელაპარაკა, მივიდნენ რაღაც შეთანხმებამდე, რის შედეგად ჩვენ მიგვიყვანეს აეროპორტის შესასვლელამდე. ეს იყო და ეს. იქიდან უკვე ბრიტანულმა სამხედრო თვითმფრინავმა განახორციელა ჩვენი ევაკუაცია პირდაპირ ლონდონში“, – გვიყვება ლევან ჯანგირაშვილი.

ზაზა არაბული იხსენებს გზას ბაზიდან ქაბულის აეროპორტამდე და ამბობს, რომ ერთ-ერთი რთული გზა იყო, რომელიც ოდესმე გაუვლია.

„თალიბებმა მიგვაცილეს აეროპორტამდე. იმ წერტილიდან (სადაც თალიბებმა მიგვიყვანეს) აეროპორტის შესასვლელამდე იყო დაახლოებით 500 მეტრი, რომელსაც შეიძლება ვუწოდოთ ღია სივრცე – არანაირი დაცვა, არაფერი არ ჰქონდა. თალიბანმა პასუხისმგებლობა მოიხსნა და წავიდა. აეროპორტის შესასვლელში იდგნენ შეიარაღებული პირები, რომლებიც დროდადრო ისროდნენ, რომ აეროპორტში შეკრებილი ხალხის მასა გაეფანტათ. იქ ერთი საათი შევყოვნდით.

ლოდინის დროს, როცა ხალხი მიხვდა, რომ ჩვენ უცხოელები ვიყავით, ალბათ ერთი 100-150 კაცი მოგროვდა ჩვენი ავტობუსის ირგვლივ. მოდიოდნენ ჩუმად და საბუთებს გვაჩვენებდნენ. გვეუბნებოდნენ, რომ ნამუშევარი ჰქონდათ ამერიკელებთან, გვეხვეწებოდნენ იქედან წაგვეყვანა. სამწუხაროდ, ჩვენ დახმარების უფლება არ გვქონდა,“ – იხსენებს ზაზა.

საქართველოში დაბრუნებული ლევან ჯანგირაშვილი ლოდინის ერთ კვირას იხსენებს და ამბობს, რომ ეს ყველაზე რთული პერიოდი იყო:

„იქ ვინც ვიყავით, 16-ივეს გვქონდა საბრძოლო გამოცდილება, ყოფილი სამხედროები ვიყავით ყველა. ავღანეთში რომ მიდიხარ, მით უმეტეს ისეთ სამსახურზე, როგორზეც ჩვენ ვიყავით, ყველას აქვს გათავისებული რისკები, რასთანაც შეიძლება შეხება მოგვიწიოს. მაგრამ ეს სულ სხვა რაღაცაა დამიჯერეთ. როცა არ იცი რას ელოდები, როცა არ იცი რას გადაწყვეტ, ყოველი დღე იწყება იმაზე ფიქრით დღეს რა იქნება, დაღამდება თუ არა. ეს ფსიქოლოგიურად განადგურებს ადამიანს. მოლოდინის რეჟიმი არის საშინელება. მაგას ისევ ბრძოლა სჯობს“.

სახელმწიფო უსაფრთხოების სამსახურის ინფორმაციით, ყალბი დოკუმენტის დამზადება-გასაღების ფაქტზე 7 პირი დააკავეს.

„გამოძიებით დგინდება, რომ აღნიშნული პირებიდან ოთხმა ბრალდებულმა, 350 ევროს სანაცვლოდ შემდგომი გამოყენებისათვის, საქართველოს მოქალაქეს დაუმზადა და გადასცა კოვიდ 19-ის საწინააღდეგო „ფაიზერის“ ვაქცინით აცრის დამადასტურებელი ყალბი საბუთი, ხოლო სამმა პირმა 400 ლარის სანაცვლოდ შემდგომი გამოყენებისათვის, საქართველოს მოქალაქეს დაუმზადა და გადასცა კოვიდ 19-ის საწინააღმდეგო „სინოფარმის“ ვაქცინით აცრის დამადასტურებელი ყალბი საბუთი, რა დროსაც მოხდა მათი დაკავება“, – ნათქვამია სუს-ის განცხადებაში.

გამოძიება საქართველოს სისხლის სამართლის კოდექსის 362-ე მუხლის პირველი ნაწილით მიმდინარეობს.

ეს არ არის პირველი შემთხვევა, როცა ვაქცინაციის ყალბი დოკუმენტის დამზადების ბრალდებით ადამიანებს აკავებენ საქართველოში.

დღეს, 31 აგვისტოს, ჯანდაცვის მინისტრის მოადგილემ, თამარ გაბუნიამ ძვირადღირებული პრეპარატის – „ტოცილიზუმაბის“ ხელმისწავდომობაზე უპასუხა ჟურნალისტების კითხვებს. როგორც პაციენტების ახლობლები წერდნენ სოციალურ ქსელებში, პრეპარატი ძალიან მნიშვნელოვანია კოვიდით დაავადებულთათვის, თუმცა კლინიკებში მათ ეუბნებიან, რომ მედიკამენტი არ აქვთ და საკუთარი სახსრებით უნდა შეიძინონ. მომხმარებლების თქმით, აღნიშნული პრეპარატი შავ ბაზარზე 4 100 ლარი ღირს.

ჟურნალისტების კითხვაზე, როგორ უნდა მოიქცეს პაციენტი, თუკი კლინიკა ეუბნება მას, რომ მედიკამენტი არ აქვთ და თვითონ უნდა შეიძინოს? – გაბუნია ამბობს, რომ ასეთ შემთხვევაში პაციენტის ახლობლები ჯანდაცვის სამინისტროს უნდა დაუკავშირდნენ.

„მეც წავიკითხე ასეთი პოსტები ფეისბუქში, რომ იქნებ შევაგროვოთ ფული, ვიყიდოთ, რომ იქნება პაციენტი გადარჩეს, მაგრამ ეს არ არის გამოსავალი, რადგან მედიკამენტი აქვთ მხოლოდ დიდ კლინიკებს და ჩვენ ვახერხებთ მათთან კომუნიკაციას, რომ მოხდეს პრეპარატის გადანაწილება იქ, სადაც ეს პრეპარატი სჭირდებათ. აქ არ უნდა ჩაერიოს პაციენტი და არანაირი თანხის მობილიზება არ არის საჭირო.

არც ერთ შემთხვევაში არ შეიძლება პაციენტის ოჯახისთვის ამ მედიკამენტის მოთხოვნა, რადგან ბაზარზე ასე მედიკამენტი არ იყიდება. არავითარი შავი ბაზარი „ტოცილიზუმაბთან“ დაკავშირებით არ არსებობს. თუ სადმე გაიგეთ, რომ ასეთი ბაზარი არსებობს, კარგი იქნება, თუ ჩვენც შეგვატყობინეთ“, – ამბობს გაბუნია.

მან ასევე ისაუბრა მონოკლონურ ანტისხეულებთან დაკავშირებით, რომელიც შესაძლოა საქართველოში შემოიტანონ.

„ბოლო პერიოდში მონოკლონური ანტისხეულების გამოყენების პრაქტიკა აქტიურდება, ევროპის მარეგულირებელმა მიანიჭა ავტორიზაცია რამდენიმე კომპანიის მიერ წარმოებულ მონოკლონურ ანტისხეულებს და ჩვენ ვმუშაობთ მათთან იმისთვის, რომ მონოკლონური ანტისხეულების შემოტანა მოხდეს საქართველოში და მომდევნო 3-4 კვირის განმავლობაში ამ მიმართულებით პროგრესი გვექნება,“- ამბობს გაბუნია.

ბოლო რამდენიმე დღეა საქართველოში კოვიდით 70-80 ადამიანი კვდება. დღევანდელი ინფორმაციით, ბოლო 24 საათში 79 პაციენტი გარდაიცვალა კოვიდით.

დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ, დღეს, 31 აგვისტოს, გამართული საკოორდინაციო საბჭოს სხდომის შემდეგ ისაუბრა აცრებზე, მოზარდებში კორონავირუსის გავრცელებასა და სიკვდილიანობის შემცირებაზე.

„14 წლამდე ბავშვების ინფიცირება გვაქვს 15 პროცენტი, თუ 19 წლამდე ჩავთვლით, ეს არის 20 პროცენტი“, – განაცხადა ამირან გამყრელიძემ.

რაც შეეხება სიკვდილიანობის მაჩვენებელს, ამირან გამყრელიძის განმარტებით, სიკვდილიანობა შემცირდება მხოლოდ იმ შემთხვევაში, თუ ინფიცირება შემცირდება:

„თუ ჩვენ მომდევნო 2 კვირაში დავიცავთ ყველა იმ წესს – პირბადე, ვაქცინაცია, შეზღუდვების და რეგულაციების დაცვა, რაც მოწოდებულია, თანდათან სიკვდილიანობის მაჩვენებელი… იცით, რომ სიკვდილიანობის მაჩვენებელი პროპორციულ დამოკიდებულებაშია შემთხვევათა რაოდენობასთან. ყოველ 1000 შემთხვევაზე, სამწუხაროდ, არის 10, 15, 20-მდეც გარდაცვალება. აქედან გამომდინარე, როგორც კი შევამცირებთ ჩვენ ახალ შემთხვევათა რაოდენობას, თანდათან, ერთი კვირის შემდეგ, ამას მოჰყვება სიკვდილიანობის მაჩვენებლის შემცირებაც“.

ამირან გამყრელიძის თქმით, დეკემბრისთვის ერთი ან ორი ასეულის ფარგლებში ჩამოვა ინფიცირება, ოღონდ მხოლოდ იმ შემთხვევაში, თუ ვაქცინაცია გაგრძელდება, მაღალი მაჩვენებელი იქნება პირბადის ტარების და ასევე დაცული იქნება ყველა ის წესი, რასაც დაავადებათა კონტროლი მოუწოდებს მოსახლეობას.

ამირან გამყრელიძის ინფორმაციით, 31 აგვისტოს მდგომარეობით, ქვეყანაში გამოყენებულია 1,2 მილიონი დოზა ვაქცინა, 800 000 ადამიანი აცრილია ერთი დოზით. ხოლო 400 000 ადამიანი – სრულად.

___

ბოლო 24 საათში საქართველოში კორონავირუსით 79 ადამიანი გარდაიცვალა.

უწყებათაშორისი საკოორდინაციო საბჭოს გადაწყვეტილებით, სკოლამდელი აღზრდის დაწესებულებები 4 ოქტომბრამდე მუშაობას ვერ განაახლებენ. შეზღუდვა ეხება როგორც საჯარო, ასევე კერძო საბავშვო ბაღებს და სააღმზრდელო დაწესებულებებს.

საკოორდინაციო საბჭოს გადაწყვეტილებით, 13 სექტემბრამდე შეზღუდვები გაგრძელდება საზოგადოებრივ ტრანსპორტზე. 

ხოლო სკოლები და უმაღლესი სასწავლებლები ახალ სასწავლო წელს 15 სექტემბრიდან დისტანციურ რეჟიმში განაახლებენ.

დღეს, 31 აგვისტოს, კორონავირუსით ქვეყანაში 79 ადამიანი გარდაიცვალა. მთავრობა მოქალაქეებს მოუწოდებს, აქტიურად გამოიყენონ პირბადეები და დაიცვან დისტანცია.

საკოორდინაციო საბჭოს განცხადებით, ეპიდსიტუაციიდან გამომდინარე, საზოგადოებრივ ტრანსპორტზე დაწესებული შეზღუდვა, რომელიც 4 სექტემბრამდე იყო გათვალისწინებული, 13 სექტემბრამდე გახანგრძლივდება.

ამის შესახებ  დღეს, 31 აგვისტოს, განაცხადეს.

დღეს საკოორდინაციო საბჭომ სხვა შეზღუდვებზე ისაუბრა. 15 სექტემბრიდან 4 ოქტომბრამდე დისტანციურ რეჟიმში განახლდება სასწავლო პროცესი როგორც სკოლებში, ასევე უმაღლეს და პროფესიულ სასწავლებლებში.

სასწავლო პროცესი 4 ოქტომბრამდე შეზღუდულია საბავშვო ბაღებში, როგორც საჯაროში, ასევე კერძოში.

საქართველოში ბოლო 24 საათში კოვიდით 79 ადამიანი გარდაიცვალა.

ბოლო 24 საათში კორონავირუსის 4 778 ახალი შემთხვევა დადასტურდა. Stopcov.ge-ზე გამოქვეყნებული ინფორმაციის თანახმად, გასული დღე-ღამის განმავლობაში საქართველოში კორონავირუსით 79 ადამიანი გარდაიცვალა. პანდემიის დაწყებიდან დღემდე საქართველოში კორონავირუსით სულ 7 408  ადამიანია გარდაცვლილი.

31 აგვისტოს კორონავირუსისგან გამოჯანმრთელდა 4 753 ადამიანი.

ბოლო 24 საათში ჩატარდა 43 741 კვლევა, მათ შორის ანტიგენის სწრაფი ტესტით – 31 605, PCR ტესტით – 12 136. დადებითობის მაჩვენებელი: დღიური – 10,92%, ბოლო 14 დღის – 10,26%, ბოლო 7 დღის – 9,76%.

ინფიცირების 4 778 ახალი შემთხვევები ასე ნაწილდება: თბილისში გამოვლენილია 1 888 შემთხვევა, აჭარა – 423, იმერეთი – 608, ქვემო ქართლი – 244, შიდა ქართლი – 364, გურია – 146, სამეგრელო – ზემო სვანეთი – 405, კახეთი – 438, მცხეთა-მთიანეთი – 159, სამცხე-ჯავახეთი – 67, რაჭა-ლეჩხუმი და ქვემო სვანეთი – 36.

აჭარის ფინანსთა და ეკონომიკის მინისტრი ჯაბა ფუტკარაძე დღეს, 30 აგვისტოს, სახელმწიფო უსაფრთხოების სამსახურში [სუს-ში] მივიდა. სუს-ის პრესცენტრის ინფორმაციით, მინისტრი არ გამოუკითხავთ და მას მხოლოდ ერთ საქმეზე „ინფორმაცია გააცნეს“.

„ჯაბა ფუტკარაძე არ გამოუკითხავთ, სხვა ინფორმაცია არ გვაქვს“, – გვიპასუხეს აჭარის ფინანსთა და ეკონომიკის სამინისტროს პრესცენტრში. აქ არც ის დაადასტურეს, რომ ჯაბა ფუტკარაძე სუს-ში იმყოფებოდა.

სუს-ის პრესცენტრის ინფორმაციით კი, ჯაბა ფუტაკარაძეს სუს-ში ინფორმაცია გააცნეს ქობულეთში რამდენიმე თვის წინ ქრთამის აღების საქმეზე.

ქრთამის აღების ფაქტზე სუს-მა ქობულეთის საკუთრების უფლების აღიარების კომისიის თავმჯდომარე, ვიტალი ქარცივაძე 2021 წლის 18 მარტს დააკავა. მაშინ სუს-მა ინფორმაცია გაავრცელა, რომ ვიტალი ქარცივაძემ მიწის კონკრეტული ნაკვეთის საკუთრებაში რეგისტრაციის სანაცვლოდ ქრთამის სახით 10 ათასი აშშ დოლარი მოითხოვა, ხოლო 2 ათასი აშშ დოლარი წინასწარ აიღო.

სუს-ის პრესცენტრში დღეს განმარტეს, რომ ამ საქმეში მოწმეებმა დაასახელეს ჯაბა ფუტკარაძეც, რომელიც საბოლოოდ არ გამოუკითხავთ და არც დღეს ჰქონია გამოძიებას მინისტრთან კითხვები.

რას გულისხმობს „ინფორმაციის გაცნობა“ და რატომ ჩათვალა საჭიროდ სუს-მა, რომ მინისტრისთვის, რომელსაც საქმეში არანაირი სტატუსი არ აქვს, ინფორმაცია უნდა გააცნოს? – სუს-ის პრესცენტრში მოკლედ მხოლოდ ის გვითხრეს, რომ მსგავსი პროცედურა დასაშვებია.

„საქმის მასალებს, როგორც წესი, აცნობენ დაზარალებულებს,“ – ამბობს საია-ს იურისტი, პაატა დიასამიძე, თუმცა ის დასძენს, რომ მასაც სმენია მსგავსი პრაქტიკის შესახებ, როცა გამონაკლის შემთხვევებში საქმის მასალებს დაინტერესებულ პირებს აცნობენ და ეს საგამოძიებო ორგანოს კეთილ ნებაზეა დამოკიდებული.

„გამიჭირდება ამ ციფრის დასახელება, მაგრამ სიტუაცია არის სრულად კონტროლირებადი,“ – უპასუხა დღეს, 30 აგვისტოს, ჟურნალისტებს ჯანდაცვის მინისტრის მოადგილე თამარ გაბუნიამ პატიმრების კორონავირუსით ინფიცირებასთან დაკავშირებით. ჟურნალისტებმა მინისტრის მოადგილეს ჰკითხეს, იცოდა თუ რამდენი პატიმარია ინფიცირებული, რადგან ადვოკატების თქმით, ათეულობით პატიმარია კორონავირუსით დაავადებული.

პატიმრის კორონავირუსით ინფიცირების შესახებ „ბათუმელებს“ ერთ-ერთი პატიმრის დედაც ესაუბრა. მისი თქმით, პატიმარი უკვე გადაიყვანეს კლინიკაში.

„მაისის ბოლოდან ვმუშაობთ პენიტენციურ სისტემაში, ერთხელ ვაქცინირებულია ამ დროისთვის პატიმრების 66 პროცენტი, ხოლო ორჯერ ვაქცინირებულია 55 პროცენტზე მეტი, თანამშრომლების ვაქცინაცია დაიწყო აპრილის ბოლოდან. თანამშრომლების 80 პროცენტი ერთხელ ვაქცინირებულია, ხოლო ორჯერ ვაქცინირებულია – 62 პროცენტი. ამგვარი ვაქცინაციის პირობებში ინფექციის გადადების ალბათობა არის დაბალი,“ – აღნიშნა თამარ გაბუნიამ, ჯანდაცვის მინისტრის მოადგილემ.

თამარ გაბუნიას თქმით, პატიმრების მისაღებად ასევე მზადაა კონკრეტული კლინიკები, თუმცა რამდენ პატიმარს დასჭირდა კლინიკაში გადაყვანა, ეს ციფრი მინისტრის მოადგილეს არ დაუსახელებია.

რამდენი ბრალდებული  და მსჯავრდებულია ინფიცირებული covid 19 – ით, რამდენს დასჭირდა კლინიკაში გადაყვანა და როგორ მოხდა პატიმრების ინფიცირება მკაცრად კონტროლირებად ტერიტორიაზე? – ამ კითხვებით პენიტენციური სამსახურის პრესცენტრს დღეს დილით მივმართეთ, თუმცა ამ დრომდე პასუხი არ მიგვიღია.

„შეზღუდვების შემსუბუქების საფუძველი არ გვაქვს. სიტუაცია არის საკმაოდ რთული. კლინიკები გადატვირთულია. თითქმის 8 700-მდეა მობილიზებული საწოლების რაოდენობა, მაქსიმალური დატვირთვით მუშაობს სექტორი. ამიტომ ყველა ის რეგულაცია, რომელიც ძალაშია, უნდა აღსრულდეს მაქსიმალური სიმკაცრით,“ – განაცხადა ჯანდაცვის მინისტრის მოადგილემ, თამარ გაბუნიამ საკოორდინაციო საბჭოს სხდომის დასრულების შემდეგ.

მინისტრის მოადგილის თქმით, დღევანდელი მონაცემი აჩენს იმედს, რომ სიტუაცია ნელ-ნელა სტაბილიზაციისკენ მიდის.

„არის გარკვეული სტაბილიზაციის ნიშნები, ჩვენ პიკი გარკვეულწილად გადავიარეთ და ახლა დაიწყება დაღმასვლის ეტაპი. მაგრამ აქ მთავარია ის, თუ რამდენად სწრაფად მოხდება დაღმასვლა. პრევენციული ღონისძიებები, რომელიც აქამდე გვქონდა ჩატარებული, ახლა არანაკლებ მნიშვნელოვანია, რადგან არ მოხდეს კიდევ ესკალაცია.

რაც შეეხება გარდაცვალების შემთხვევებს, ვიცით, რომ გარდაცვალების შემთხვევების კვლევას სჭირდება გარკვეული პერიოდი, დაახლოებით 2 კვირა არის ის პერიოდი, როდესაც შემთხვევების სტაბილიზაციას შემდეგ უკვე მოჰყვება გარდაცვალების სტაბილიზაცია.

ჩვენი მოლოდინიც ასეთია, რომ ოქტომბრის დასაწყისი მშვიდი უნდა იყოს, მაგრამ მანამდე მოგვიწევს საკმაოდ სერიოზული პერიოდის გავლა,“ – თქვა თამარ გაბუნიამ.

თამარ გაბუნიას თქმით, კლინიკები როტაციის პრინციპით ცდილობენ გაუმკლავდნენ ექიმებისა და ექთნების გადაღლილობას.

___

ბოლო 24 საათის განმავლობაში საქართველოში 78 ადამიანი გარდაიცვალა კოვიდით, მათ შორის აჭრაში 8. ჯანდაცვის სამინისტრო გარდაცვალების კლების ტენდენციას შემდეგი ორი კვირა არ ელოდება.

30 აგვისტოს მდგომარეობით, კოვიდით ქვეყანაში სულ 7 329 ადამიანია გარდაცვლილი.

ბოლო 24 საათში აჭარაში კორონავირუსის 247 ახალი შემთხვევა დაფიქსირდა. კოვიდით გარდაიცვალა 8 ადამიანი. გამოჯანმრთელდა 748 პაციენტი.

Stopcov.ge-ზე გამოქვეყნებული ინფორმაციის თანახმად, აჭარაში მდებარე საავადმყოფოებში 1 012 ადამიანი მკურნალობს კორონავირუსზე, კოვიდსასტუმროში კი – 1 026 ადამიანი.

ბოლო 24 საათში საქართველოში კორონავირუსის 1 915 ახალი შემთხვევა დაფიქსირდა, გარდაიცვალა 78 ადამიანი.

ბოლო 24 საათში საქართველოში კორონავირუსის 1 915 ახალი შემთხვევა დაფიქსირდა. Stopcov.ge-ზე გამოქვეყნებული ინფორმაციის თანახმად, გასული დღე-ღამის განმავლობაში გარდაიცვალა 78 ადამიანი. პანდემიის დაწყებიდან დღემდე საქართველოში კორონავირუსით 7 329 ადამიანი გარდაიცვალა.

30 აგვისტოს კორონავირუსისგან გამოჯანმრთელდა 5 929 ადამიანი.

ბოლო 24 საათში ჩატარდა 21 411 კვლევა, მათ შორის ანტიგენის სწრაფი ტესტით – 12 305, PCR ტესტით – 9 106. 29 აგვისტოს მდგომარეობით, დადებითობის დღიური მაჩვენებელი არის 8.94%, ბოლო 14 დღის მანძილზე – 10.44% ხოლო 7 დღის მანძილზე – 10.04%.

ქვეყანაში გამოვლენილი ინფიცირების 1 915 ახალი შემთხვევა რეგიონების მიხედვით ასე ნაწილდება: თბილისში გამოვლენილია 727 შემთხვევა, აჭარაში – 247, იმერეთში – 180, ქვემო ქართლში – 88, შიდა ქართლში – 140, გურიაში – 72, სამეგრელო – ზემო სვანეთში – 171, კახეთში – 174, მცხეთა-მთიანეთში – 32, სამცხე-ჯავახეთში – 53, რაჭა-ლეჩხუმსა და ქვემო სვანეთში – 31.

სექტემბრიდან დეკემბრის ჩათვლით პერიოდში საქართველოს ტურიზმის ეროვნული ადმინისტრაცია მიზნობრივ ბაზრებზე საერთაშორისო მარკეტინგულ აქტივობებში 7 988 000 ლარს ტენდერის გარეშე დახარჯავს.

ადმინისტრაციის ინფორმაციით, ის გეგმავს „როგორც ვირტუალურ, ასევე სტანდატრულ საერთაშორისო გამოფენა-ბაზრობებზე მონაწილეობის მიღებას და საქართველოს კომპლექსური სარეკლამო კამპანიების წარმოებას“.

„სამწუხაროდ, პანდემიის შედეგად ტურიზმი ერთ-ერთი ყველაზე დაზარალებული სექტორია მსოფლიოში და ამ მხრივ არც საქართველოა გამონაკლისი.
ამდენად, მნიშვნელოვანია თანმიმდევრული, დროული ნაბიჯების განხორციელება ინდუსტრიის სწრაფი და ეფექტიანი აღდგენისთვის, რაც გულისხმობს მიზნობრივ ბაზრებზე სწორი საკომუნიკაციო არხების გამოყენებით მოთხოვნადი ტურისტული პროდუქტის პოზიციონირებას, კერძო სექტორის ხელშეწყობას, სამუშაო ადგილების შექმნის სტიმულირებას და ტურისტული ნაკადის სწრაფ და გრძელვადიან აღდგენას“, – აღნიშნულია ტურიზმის ადმინისტრაციის განაცხადში.

ამ განაცხადის მიხედვით, 2021 წელს საქართველოს ტურიზმის ეროვნული ადმინისტრაციის ძირითადი პრიორიტეტია:

• „შიდა და საერთაშორისო ბაზრებზე, ქვეყნის იმ ტურისტული პროდუქტების წარმოჩენა, რომელიც აქტუალურია კოვიდ 19-ის გათვალისწინებით“.
• „აღნიშნული აქტივობები ხელს შეუწყობს საქართველოს, როგორც ტურისტული ქვეყნის პოპულარიზაციას, ცნობადობის ამაღლებას, პოტენციური მომხმარებლებისათვის კონკრეტული ტურისტული პროდუქტების შეთავაზებასა და დამატებითი ვიზიტორების მოზიდვას.“
• „სტატისტიკური ინფორმაციის სრულყოფის მიზნით, ადმინისტრაცია ასევე ახორციელებს მონაცემების შესყიდვას საქართველოში არსებული საერთაშორისო ბრენდის სასტუმროების შესახებ“.
• „დაგეგმილია ადმინისტრაციის ახალი პორტალის შექმნა, კონტენტის მომზადება და მართვა. ადმინისტრაციის ყველა არხის განახლება ახალი ციფრული სტრატეგიის შესაბამისად. ზემოხსენებული მნიშვნელოვანია ვინაიდან ადმინისტრაციის მფლობელობაში არსებული პორტალი და სოც.ქსელები ქვეყნის მთავარი ტურისტული საკომუნიკაციო არხებია. მოხდება ყველა აქტივობის მუდმივი რეპორტინგი“.

ძირითადი ღონისძიებები და სავარაუდო ღირებულება:

1. რეკლამა საერთაშორისო არხებზე (30/15 წამიანი სარეკლამო ვიდე რგოლის განთავსება) – სავარაუდო ღირებულება – 1 800 000 ლარი;
2. ციფრული მომსახურების შესყიდვა – 1 500 000 ლარი;
3. FB& IG რეკლამა & ციფრული მედია მარკეტინგი – 500 000 ლარი;
4. წარმომადგენლობითი კომპანიების მომსახურება მიზნობრივ ბაზრებზე – 3 000 000 ლარი;
5. რეგიონების პოპულარიზაცია: რაჭისა & სვანეთის პოპულარიზაცია – 1 000 000 ლარი;
6. გასტრონომიული ტურიზმის პოპულარიზაცია – 176 000 ლარი;
7. საქართველოში არსებული ბრენდის სასტუმროების სტატისტიკური მონაცემები -12 000 ლარი

ტურიზმის ადმინისტრაცია აცხადებს, რომ „საერთაშორისო ტურისტულ გამოფენა/ბაზრობებში მონაწილეობისთვის საგამოფენო სტენდის აგების მომსახურების შესყიდვის, შესაბამისი სატენდერო პროცედურების ჩატარება დიდ სირთულესთან არის დაკავშირებული, რადგან ორგანიზაციები და აგრეთვე მათი ქვეკონტრაქტორები, რომლებიც უზრუნველყოფენ აღნიშნულ მომსახურებებს საზღვარგარეთ, ელექტრონული ტენდერის პროცედურებში მონაწილეობას არ იღებენ“.

ამასთან,  „ციფრული მომსახურების შესყიდვა კი, მიზანშეწონილია OUTSOURCE კომპანიისგან. ვინაიდან პორტალის ინფრასტრუქტურის აგება და ეფექტური კონტენტის შექმნა აღნიშნული გეგმის მნიშვნელოვანი ნაწილია, საქართველოს ფარგლებში კი კომპეტენტური კომპანიის მოძიება სირთულეებთან არის დაკავშირებული, მიზანშეწონილია მოხდეს კონკრეტული კომპანიების მოძიება და კვლევის ფარგლებში შემსრულებლის გამოვლენა“.

მთავარი ფოტო: ბათუმი, 29 აგვისტო, 2021 წელი

შემოსავლების სამსახურის ინფორმაციით, გადასახადის გადამხდელებისთვის, რომლებიც მომსახურების გაწევის მოთხოვნით სამსახურს განცხადებას [ავტორიზებული მომხმარებლის გვერდიდან] ელექტრონული ფორმით წარუდგენენ, ახალი შეღავათები 2021 წლის 25 სექტემბრიდან ამოქმედდება.

შეღავათები გულისხმობს მომსახურების გაწევისთვის დადგენილი საფასურის გადახდის ახალ პირობებს, მათ შორის, რიგ შემთხვევებში საფასურის გადახდისგან სრულად გათავისუფლებას ან განახევრებას.

„ცვლილება ემსახურება შემოსავლების სამსახურში განცხადებების ელექტრონული ფორმით მომართვიანობის წახალისებას და დისტანციური სერვისებით სარგებლობას, რისი მნიშვნელობაც განსაკუთრებით თვალნათლივ წარმოჩინდა გლობალური პანდემიის პირობებში. ამასთან განცხადების წარდგენა შესაძლებელია დისტანციურ რეჟიმში, ნებისმიერ დროს.“ – აცხადებს შემოსავლების სამსახური.

განცხადებების ჩამონათვალი, რომელთა ავტორიზებული მომხმარებლის გვერდიდან რეგისტრაციის შემთხვევაშიც პირი თავისუფლდება მომსახურების საფასურის გადახდისგან:

•    საბანკო ანგარიშების შესახებ ცნობის გაცემის თაობაზე;
•    საგადასახადო დავალიანების შესახებ ცნობის გაცემის თაობაზე;
•    გადასახადის გადამხდელის მოწმობის აღდგენის შესახებ;
•    მიკრო ბიზნესის სტატუსის მინიჭება;
•    მცირე ბიზნესის სტატუსის მინიჭება;
•    ფიზიკური პირის შემოსავლების შესახებ ინფორმაციის მოთხოვნა;
•    გადახდის წყაროდან მიღებულ შემოსავლებზე შეღავათის გამოყენების უფლების შესახებ (დაქირავებული პირის მომართვის შემთხვევაში);
•    ნავთობპროდუქტების მიწოდების აღრიცხვის ელექტრონული ჟურნალის რეგისტრაცია.

საფასურები განახევრდება ავტორიზებული მომხმარებლის გვერდიდან რეგისტრაციის შემთხვევაში შემდეგ განცხადებებზე:

•    საგადასახადო ორგანოსთან შედარების აქტის გაფორმების შესახებ;
•    შვიდნიშნა კოდის რეგისტრაცია სტაციონარული ობიექტებისათვის-ნავთობპროდუქტების რეალიზატორებისათვის;
•    მოსარგებლედ რეგისტრაცია ან ვადის გაგრძელება-ნავთობპროდუქტების რეალიზატორებისათვის.

საფასურის გადახდის ახალი პირობით სარგებლობა მიმდინარე წლის 25 სექტემბრიდან იქნება შესაძლებელი.

ფინანსთა სამინისტროს შემოსავლების სამსახური გადასახადის გადამხდელებს მიმართავს თხოვნით, „საქართველოში კორონავირუსის გავრცელების პრევენციისა და საზოგადოებრივი ჯანმრთელობის უსაფრთხოების უზრუნველყოფის მიზნით, ასევე, ჯანდაცვის სამინისტროს რეკომენდაციების გათვალისწინებით, მაქსიმალურად გამოიყენონ ელექტრონული და დისტანციური მომსახურებები“.

29 აგვისტოს დილის მონაცემებით ბოლო 24 საათში საქართველოში კორონავირუსის 2 669 ახალი შემთხვევა დადასტურდა; ამავე პერიოდში კოვიდით 76 პაციენტი გარდაიცვალა.

Stopcov.ge-ზე გამოქვეყნებული ინფორმაციის თანახმად, ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 25 217 კვლევა ტესტით, მათ შორის 15 027 კვლევა ანტიგენის ტესტით და 10 190 PCR ტესტით.

რაც შეეხება დადებითობის მაჩვენებელს, 28 აგვისტოს მდგომარეობით, დადებითობის დღიური მაჩვენებელი არის 10,58%, ბოლო 14 დღის მანძილზე – 10.49%, 7 დღის მანძილზე  – 10.15%.

ამ დროისთვის კოვიდსტატისტიკა ქვეყანაში ასეთია:

• კორონავირუსის დადასტურებული შემთხვევა – 543 118 , ბოლო 24 საათში – 2 669
• მათ შორის გამოჯანმრთელებული – 482 732 , ბოლო 24 საათში – 6 177
• მათ შორის გარდაცვლილი – 7 251 , ბოლო 24 საათში – 76
• ბოლო 24 საათში ჩატარებული კვლევა ტესტით – 25 217, მათ შორის ანტიგენის სწრაფი ტესტით – 15 027, PCR ტესტით – 10 190
• დადებითობის მაჩვენებელი: დღიური – 10,58%, ბოლო 14 დღის – 10,49%, ბოლო 7 დღის – 10,15%
• სულ ჩატარდა – 1 145 925 აცრა, დღიურად აცრილია – 20 678
• კარანტინის რეჟიმში – 113
• სტაციონარში მეთვალყურეობის ქვეშ – 7 571
• კლინიკურ სასტუმროში მყოფი პირები – 3 072

დღეს ქვეყანაში გამოვლენილი ინფიცირების 2 669 ახალი შემთხვევიდან: თბილისში გამოვლენილია 1 004 შემთხვევა, აჭარაში – 385, იმერეთში – 327, ქვემო ქართლში – 181, შიდა ქართლში – 129, გურიაში – 66, სამეგრელო – ზემო სვანეთში – 183, კახეთში – 247, მცხეთა-მთიანეთში – 75, სამცხე-ჯავახეთში – 57, რაჭა-ლეჩხუმსა და ქვემო სვანეთში – 15.

ამ ეტაპზე მძიმე პაციენტია 1 637 პირი, მათ შორის, თბილისში – 700, აჭარაში – 162, იმერეთში – 349. ხელოვნური სუნთქვის აპარატზე იმყოფება 376 პირი,  მათგან თბილისში – 224, აჭარაში – 40, იმერეთში – 28.

ამ ეტაპისთვის თვითიზოლაციაში იმყოფება 53 799 ადამიანი, მათ შორის თბილისში – 28 127, აჭარაში – 6 529, იმერეთში – 4 063.

ასპინძაში, თავკვეთულას მონასტერში მცხოვრებმა ბერმა იოანემ ტელეკომპანია „ფორმულას“ ჟურნალისტს სიტყვიერი შეურაცხყოფა მიაყენა.

„ფორმულას“ ინფორმაციით, ბერი კულტურული მემკვიდრეობის ძეგლთან უკანონო მშენებლობას აწარმოებს, კერძოდ, სატრაპეზოს აშენებს. სწორედ ამ ინფორმაციის გადასამოწმებლად იყო ჟურნალისტი მონასტერში მისული.

კადრებში, რომელიც „ფორმულამ“ გაავრცელა ჩანს, რომ ჟურნალისტი დაინტერესდა ჰქონდა თუ არა ბერს კულტურული მემკვიდრეობის ძეგლზე მშენებლობის წარმოების ნებართვა და იყო თუ არა შეთანხმებული კულტურის სამინისტროსთან.

კითხვაზე პასუხის გაცემის ნაცვლად ბერმა ჟურნალისტს შეურაცხყოფა მიაყენა.

„კულტურული მემკვიდრეობა რას ნიშნავს, ძეგლთა დაცვაზე ამბობ? ერთ რაღაცას გეტყვით, ძეგლი დაუდგით დედათქვენს და მამათქვენს, როცა გარდაიცვლებიან. ეს ეკლესიაა. ეს ცოცხალი ორგანიზმია…კითხვა დაუსვი შენს იმას, ვინცა გყავთ წერეთელი თუ ვიღაცა, იმასაც კარგად ვიცნობ რა. ახლა იწერთ ხო? ისე შეგეწიოთ უფალი, როგორც იქცევით…

მისმინე შვილო დეგენერატი ხარ? ხომ არ ხარ დეგენერატი. წადი შენი დედა და**ცი. იდი ***უი რა. შეურაცხყოფას გაყენებ კი არა, დედას გიტირებთ…“ – ეს და სხვა შეურაცხმყოფელი სიტყვები ისმის ხუთწუთიან ვიდეოჩანაწერში, რომელიც ტელეკომპანია „ფორმულამ“ გაავრცელა.

მომხდარ ფაქტზე ამ დრომდე კომენტარი არ გაუკეთებია საქართველოს საპატრიარქოს.

ბათუმში, ბათუმში, არდაგანის ტბასა და საცხოვრებელ კორპუს „მაგნოლიას“ შორის ტერიტორიაზე სანიაღვრე სატუმბი სადგურის მშენებლობა დასრულდა. ამ სადგურმა უნდა შეამციროს როგორც ქალაქის დატბორვის საფრთხე, ისე არდაგანის ტბის დაჭაობება.

პროექტი KFW-სთან და საერთაშორისო პარტნიორებთან ერთად განხორციელდა. პროექტის მთლიანი ღირებულება 5,5 მილიონი ევროა.

აჭარის მთავრობის ინფორმაციით, „წლის ბოლოსთვის დასრულდეს სხვა მიმდინარე პროექტები, ასევე დაიწყება მე-5 ფაზა, რაც ჯამში მოგვცემს საშუალებას, რომ ბათუმს ჰქონდეს წყალმომარაგების და წყალარინების თანამედროვე ინფრასტრუქტურა“.

ბათუმში, არდაგანის ტბასა და საცხოვრებელ კორპუს „მაგნოლიას“ შორის ტერიტორიაზე სატუმბი სადგურის, მშენებლობა 2020 წლის აპრილში უნდა დასრულებულიყო. ეს პროექტი დროში გაიწელა.

ამ სატუმბ სადგურში თავს იყრის ორი სანიაღვრე არხიდან შემომავალი წყალი – ნინოშვილის ქუჩის სანიაღვრე არხიდან და ჯავახიშვილის ქუჩის სანიაღვრე არხიდან [რომელსაც თავის მხრივ, „ჭაობის“ დასახლებაში უერთდება კიდევ ერთი ცენტრალური სანიაღვრე არხი, რომელიც გიორგი ბრწყინვალის ქუჩიდან გამოდის].

სატუმბ სადგურთან არხს ჰქონდა ე.წ. ფანჯარა [ფარდები], რომლიდანაც დიდი წვიმის დროს სანიაღვრე არხიდან წყალი ტბაში გადადიოდა.

ახალი სადგურის აშენებით, ნინოშვილისა და ჯავახიშვილის სანიაღვრე არხებიდან წყალი ზღვაში გადაიტუმბება, რამაც ქალაქის დატბორვის რისკიც უნდა შეამციროს და არდაგანის ტბაშიც სანიაღვრე წყლები აღარ უნდა ჩავიდეს.

____

ბათუმში კორონავირუსით დედა-შვილი გარდაიცვალა. ორივე მათგანი კორონავირუსზე ბათუმის საუნივერსიტეტო კლინიკაში [ბაუ] მკურნალობდა.

დედა-შვილი კლინიკაში 30 ივლისს შეიყვანეს, კოვიდის მწვავე ფორმით.

„რთულად მიმდინარეობდა კოვიდის მართვა. შემდეგ მოხდა ორივე მათგანის ინტუბაცია [მართვით სუნთქვაზე გადაყვანა]. გუშინ, 27 აგვისტოს, გარდაიცვალა დედა, 54 წლის. დღეს დილით კი შვილი, 31 წლის მამაკაცი“ – უთხრეს „ბათუმელებს“ კლინიკაში.

დღეს საქართველოში კოვიდით 74 ადამიანი გარდაიცვალა.

28 აგვისტოს დილის მონაცემებით საქართველოში ხელოვნური სუნთქვის აპარატზე იმყოფება 378 პირი,  მათგან აჭარაში – 40.

ომბუდსმენმა სახალხო დამცველის აპარატში მომუშავეებს კოვიდ საბუთის წარდგენის ვალდებულება დააკისრა. შესაბამის ბრძანებას ნინო ლომჯარიამ ხელი 26 აგვისტოს მოაწერა.

ამ ბრძანების თანახმად, სახალხო დამცველის აპარატის ყველა თანამშრომელი ვალდებულია სამსახურში წარადგინოს სრული ვაქცინაციის დამადასტურებელი დოკუმენტი ან კვირაში ერთხელ, საკუთარი ხარჯით აღებული PCR ტესტის უარყოფითი პასუხი.

„კოვიდ საბუთის გარეშე სახალხო დამცველის აპარატის თანამშრომელი არ დაიშვება არც სამსახურში და არც სამსახურებრივი მოვალეობების შესასრულებლად ოფისს გარეთ (გარდა დისტანციურად მუშაობისა); ხოლო, გამოუცხადებლობა ანდა სამსახურებრივი მოვალეობების შეუსრულებლობა ჩაითვლება არასაპატიოდ,“ – ნათქვამია ოფიციალურ განცხადებაში, რომელიც ომბუდსმენის აპარატმა გამოაქვეყნა.

რაც შეეხება იმ თანამშრომლებს რომლებიც ვაქცინაციას ჯანმრთელობის მდგომარეობიდან გამომდინარე ვერ იტარებენ, მათ ევალებათ სამსახურში წარადგინონ ექიმის მიერ გაცემული დოკუმენტი, სადაც ეწერება, რომ არ შეუძლიათ ვაქცინის გაკეთება.

„თანამშრომლებმა, რომლებსაც ჯანმრთელობის მდგომარეობიდან გამომდინარე აქვთ ვაქცინაზე სამედიცინო უკუჩვენება ან დროებითი უკუჩვენება (მათ შორის, Covid-19-ით ავადობის შემდგომი პერიოდი), უნდა წარადგინონ ექიმის მიერ გაცემული დოკუმენტი (ცნობა, ფორმა N100 ან მსგავსი ტიპის სხვა დოკუმენტი), რომელშიც პირდაპირ იქნება მითითება ვაქცინაციის ჩატარების შეუძლებლობის ან/და კონკრეტულ დროის განმავლობაში ვაქცინაციის ჩატარების შეუძლებლობის შესახებ. ამ შემთხვევაში, სახალხო დამცველის აპარატი, თანამშრომლის მიერ დაკავებული პოზიციის სპეციფიკიდან და სახალხო დამცველის აპარატის საჭიროებებიდან გამომდინარე, უფლებამოსილია იმსჯელოს ამ თანამშრომლისათვის განსხვავებული სამუშაო რეჟიმის დადგენის შესახებ ან/და დროებითი უკუჩვენების პერიოდში, აპარატის ხარჯით PCR ტესტის ჩატარების თაობაზე,“ – ნათქვამია ბრძანებაში.

ომბუდსმენის აპარატის ცნობით,  27 აგვისტოს მდგომარეობით, სახალხო დამცველის აპარატის თანამშრომელთა 80% ვაქცინირებულია.

ამავე თემაზე:

28 აგვისტოს დილის მონაცემებით ბოლო 24 საათში საქართველოში კორონავირუსის 4 247ახალი შემთხვევა დადასტურდა. ამავე პერიოდში ვირუსით გარდაიცვალა 74 ადამიანი.

რაც შეეხება გამოჯანმრთელებულთა რაოდენობას, გასულ 24 საათში 3 053 ადამიანი გამოჯანმრთელდა კორონავირუსისგან.

Stopcov.ge-ზე გამოქვეყნებული ინფორმაციის თანახმად, ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 45 100 კვლევა ტესტით, მათ შორის 26 737 კვლევა ანტიგენის ტესტით და 18 363 PCR ტესტით.

დღეს ქვეყანაში გამოვლენილი ინფიცირების 4 247 ახალი შემთხვევიდან თბილისში გამოვლენილია 1 755 შემთხვევა, აჭარა – 456, იმერეთი – 447, ქვემო ქართლი – 295, შიდა ქართლი – 254, გურია – 121, სამეგრელო – ზემო სვანეთი – 304, კახეთი – 389, მცხეთა-მთიანეთი – 102, სამცხე-ჯავახეთი -86, რაჭა-ლეჩხუმი და ქვემო სვანეთი – 38.

ინფიცირების მიმდინარე აქტიური შემთხვევა 56 693 საიდანაც 7 546 ადამიანი მკურნალობს საავადმყოფოში, მათ შორის, თბილისის საავადმყოფოებში – 3 232, აჭარაში – 1 010, იმერეთში – 1 171.

ამ ეტაპზე მძიმე პაციენტია 1 624 პირი, მათ შორის, თბილისში – 695, აჭარაში – 159, იმერეთში – 336. ხელოვნური სუნთქვის აპარატზე იმყოფება 378 პირი, მათგან თბილისში – 222, აჭარაში – 40, იმერეთში – 26.

„არც ერთი ლარი, არც ერთი თეთრი სესხი წელს არ აგვიღია“ – განაცხადა ირაკლი ღარიბაშვილმა 2021 წლის 26 ივლისს. 26 ივლისის შემდეგ „ბათუმელების“ მიერ ფინანსთა სამინისტროდან გამოთხოვილი ინფორმაციების დამუშავება ცხდყოფს, რომ პრემიერი ტყუის, რადგან 2021 წლის მაისიდან ივლისამდე პერიოდში საქართველოს მთავრობამ 2 ახალი სასესხო ხელშეკრულება გააფორმა.

ლარი და თეთრი სახელმწიფოს სესხად ნამდვილად არ აუღია. მთავრობამ ღარიბაშვილის პრემიერობის დროს, ზემოთ აღნიშნული 2 ახალი სასესხო ხელშეკრულებით, IBRD-ისგან დამატებით ჯამში 113 700 000 ევრო ისესხა.

[checklist]

• 2021 წლის 17 მაისს გაფორმდა –  საქართველოსა და რეკონსტრუქციისა და განვითარების საერთაშორისო ბანკს (IBRD) შორის სასესხო შეთანხმება (საქართველოს მიკრო, მცირე და საშუალო ზომის საწარმოების დახმარებისა და აღდგენის პროექტი) – 85 მილიონ ევროზე.

[/checklist]

პროექტის მიზანია მიკრო, მცირე და საშუალო ზომის საწარმოების დახმარება, მათ შორის, ციფრული გადახდებისა და ფინანსური ინფრასტრუქტურის განახლების უზრუნველყოფის გზით.

[checklist]

• 2021 წლის 9 ივნისს კი გაფორმდა –  რეკონსტრუქციისა და განვითარების საერთაშორისო ბანკს (IBRD) და საქართველოსა შორის სასესხო შეთანხმება (COVID-19-ის წინააღმდეგ სწრაფი რეაგირების პროექტის დამატებითი დაფინანსება) – 28 700 000 ევროზე.

[/checklist]

ამ სესხის დანიშნულებაა: COVID-19-ის ვაქცინის დანერგვის ეროვნული გეგმის განსახორციელება.

• 2021 წლის 21 მაისს გაფორმდა – ამერიკის შეერთებულ შტატებსა და საქართველოს შორის განვითარების მიზნის შესახებ საგრანტო შეთანხმება (საქართველოს მდგრადი განვითარების ხელშეწყობისათვის 1. გარე საზიანო გავლენების მიმართ მდგრადობის გაძლიერება; 2. მოქალაქისადმი ანგარიშვალდებული მმართველობის გაძლიერება დემოკრატიული მიღწევების განსამტკიცებლად და 3. ეკონომიკური ზრდის შედეგად ინკლუზიური, მაღალანაზღაურებადი და მაღალხარისხიანი დასაქმების შესაძლებლობების შექმნა) – 66 960 382 აშშ დოლარზე.

საგრანტო შეთანხმების მიზანია საქართველოს მდგრადი განვითარების ხელშეწყობა, გარე საზიანო გავლენების მიმართ მდგრადობის გაძლიერებისა და ეკონომიკური ზრდის შედეგად ინკლუზიური, მაღალანაზღაურებადი და მაღალხარისხიანი დასაქმების შესაძლებლობების შექმნის საშუალებით, ასევე მოქალაქისადმი ანგარიშვალდებული მმართველობის გაძლიერებითა და დემოკრატიული მიღწევების განმტკიცებით.

• 2021 წლის 24 ივნისს გაფორმდა – რეკონსტრუქციის საკრედიტო ბანკსა (KfW) და საქართველოს შორის საგრანტო შეთანხმება „ბიომრავალფეროვნება და მდგრადი ადგილობრივი განვითარება საქართველოში“ – 23 737 626 ევროზე.

ეს საგრანტო შეთანხმება გაფორმდა არსებული და ახალი დაცული ტერიტორიების დასახმარებლად, ასევე აჭარის ავტონომიურ რესპუბლიკაში მდგრადი სატყეო მეურნეობის დასაარსებლად, რაც მოიცავს ადგილობრივ სატყეო ოფისებს, მოსაზღვრე თემების სოციალურ-ეკონომიკურ განვითარებასა და განმახორციელებელი კონსულტანტების მომსახურებას.

2021 წლის ახალ სესხებსა და გრანტებზე ინფორმაცია „ბათუმელებმა“ საქართველოს ფინანსთა სამინისტროდან ოფიციალურად დაახლოებით 1 თვის წინ გამოითხოვა, პასუხი კი დღეს, 27 აგვისტოს მივიღეთ.

სასესხო ხელშეკრულებებისა და საგრანტო შეთანხმებების გარდა, მთავრობა სწორედ წელს გახდა იძულებული ძველი ევრობონდების დასაფარად ახალი ევრობონდები გამოეშვა, ანუ 1,7 მილიარდი ლარის სესხი/ვალი აეღო. ევრობონდები, ობლიგაციები და სხვა ფასიანი ქაღალდები სწორედ ვალის აღების ფორმებია.

ფინანსთა სამინისტროს ინფორმაციით, ახალი ევრობონდების გამოშვება 2021 წლის 15-21 აპრილს განხორციელდა. საქმე იმაშია, რომ ადრე გამოშვებული 500 მილიონი აშშ დოლარის ევრობონდები საქართველოს 2021 წლის აპრილში უნდა დაეფარა. სახელმწიფო ამ ვალის დაფარვას მიმდინარე წელს გეგმავდა, თუმცა, საბოლოოდ იძულებული გახდა ძველი ვალი ახალი ვალით დაეფარა.

პრემიერის თქმით, „ჩვენ მოგვეცა საშუალება, რომ მილიარდზე მეტით გაგვეზარდა ბიუჯეტი“, რასაც ის მიმდინარე წელს ეკონომიკის ზრდას უკავშირებს: „12% ზრდა გვაქვს პრაქტიკულად პირველ 6 თვეში“.

2021 წლის სახელმწიფო ბიუჯეტში ცვლილებები 22 ივლისს შევიდა.

ცვლილებაშესულ და გაზრდილ ბიუჯეტში გაწერილი 19,4 მილიარდი ლარიდან კი, ჯამში 5,2 მილიარდი ლარი, სწორედ სახელმწიფოს მიერ სხვადასხვა დროს გაფორმებული ხელშეკრულებების საფუძველზე აღებული სესხია. აქედან:

• ევრობონდის რეფინანსირებისთვის – 1 მილიარდ 713 მილიონ 200 ათასი ლარი;

ასევე, სხვადასხვა პროგრამებისა და პროექტების დასაფინანსებლად:

• საფრანგეთის განვითარების სააგენტოდან (AFD) მისაღები სახსრები – 172 მილიონი ლარი;
• გერმანიის რეკონსტრუქციის საკრედიტო ბანკიდან (KfW) მისაღები სახსრები – 229 მილიონი ლარი;
• COVID-19-ის პანდემიის კონტექსტში სოციალური უსაფრთხოების პროგრამის ფარგლებში გერმანიის რეკონსტრუქციის საკრედიტო ბანკიდან (KfW) მისაღები სახსრები – 57 მილიონი ლარი;
• აზიის განვითარების ბანკიდან (ADB) მისაღები სახსრები – 1 მილიარდ 427 მილიონი ლარი;
• ევროკავშირიდან (EU) მისაღები სახსრები – 286 მილიონი ლარი;
• საერთაშორისო საფინანსო ორგანიზაციებისა და უცხო ქვეყნების მთავრობების მიერ საქართველოს მთავრობისთვის გამოსაყოფი გრძელვადიანი საინვესტიციო, შეღავათიანი კრედიტები – 1 მილიარდ 389 მილიონ 800 ათასი ლარი.

გარდა ამისა, 2021 წელს, სახელმწიფო ბიუჯეტიდან სხადასხვა ღონისძიება, ჯამში 49 მილიონ 480 ათასი ლარის უცხოური გრანტითაც დაფინანსდება.

სესხები[კრედიტები]:

537,78 მილიონი [USD] აშშ დოლარი [აქედან ევრობონდები – 500 მილიონი აშშ დოლარი],
518,87 მილიონი [EUR] ევრო,
0,03 მილიონი [KWD] ქუვეითური დინარი,
84,16 მილიონი [SDR] ინტერნაციონალური ვალუტა – ნასესხობის სპეციალური უფლებები;

გრანტები:

1,67 მილიონი [EUR] ევრო,
9,29 მილიონი [USD] აშშ დოლარი.

ამავე თემაზე: