Batumelebi | არა დიქტატორთან შეთანხმებას – დევნილი ბელარუსების საპროტესტო აქცია ბათუმში არა დიქტატორთან შეთანხმებას – დევნილი ბელარუსების საპროტესტო აქცია ბათუმში – Batumelebi
RU | GE  

არა დიქტატორთან შეთანხმებას – დევნილი ბელარუსების საპროტესტო აქცია ბათუმში

დღეს, 28 აგვისტოს, ბათუმში ბელარუსმა აქტივისტებმა სახელმწიფოს უსაფრთხოების სამსახურის შენობის წინ საპროტესტო აქცია გამართეს. მათ ამ ფორმით კიდევ ერთხელ გააპროტესტეს საქართველოს სუს-სა და ბელარუსის უშიშროების კომიტეტს შორის თანამშრომლობის შესახებ შეთანხმების ამოქმედება.

“ბათუმიდან ბრესტამდე არ არის დიქტატურის ადგილი”, “არა დიქტატორთან შეთანხმებას”, “თანამშრომლობა კაგებესთან არის მონაწილეობა ტერორში”, – სკანდირებდნენ ბელარუსი აქტივისტები.

“ბელორუსიაში გასული წლიდან ცუდი ვითარებაა. ლუკაშენკომ არჩევნებში თავი გამარჯვებულად გამოაცხადა, მოქალაქეები მის ამ გადაწყვეტილებას არ ეთანხმებიან. ამის შემდეგ დაიწყო ქვეყანაში ადამიანებზე ნადირობა, დევნა.

ადამიანებს არ აქვთ ხმის უფლება, სიტყვის თავისუფლება, მიტინგების გამართვის უფლება. ძალიან ბევრი ბელარუსი ჩამოვიდა აქ ბათუმში. ჯერ ერთი იმიტომ, რომ საჭირო არაა ვიზა. ჩვენთვის ეს საკმარისად მეგობრული ქვეყანა და ხალხია. ჩვენ ძალიან თბილად მიგვიღეს აქ.

სამწუხაროდ გაფორმდა ბელარუსის კაგებესა და საქართველოს სუსს შორის შეთანხმება. ამ შეთანხმების გამო ბელარუსებისთვის აქ ცხოვრება სავსებით აღარაა უსაფრთხო. ადამიანები დაძაბულები არიან, მათ აღარ იციან დარჩნენ აქ თუ სასწრაფოდ წავიდნენ სხვა ქვეყანაში. ჩვენ დღეს სწორედ კაგებესა და სუსს შორის შეთანხმებას ვაპროტესტებთ,“ – განაცხადა აქციის ერთ-ერთმა მონაწილემ ნატალია მელიევსკაიამ.

საპროტესტო აქციაზე ბელარუს აქტივისტებთან იყვნენ ქართული ოპოზიციური პოლიტიკური პარტიების წარმომადგენლებიც.

ამავე თემაზე: 

“სამარცხვინო”, “საშიში” – გამოხმაურებები სუს-ისა და ბელარუსის უშიშროების კომიტეტის შეთანხმების ამოქმედებაზე

ნეტგაზეთის მასალების სხვა გამოცემებში გადაბეჭდვის წესი
ავტორი