Batumelebi | რატომ არ მუშაობს ნაგვის მიწისქვეშა კონტეინერები? – ენმ-ს კითხვა მერიას რატომ არ მუშაობს ნაგვის მიწისქვეშა კონტეინერები? – ენმ-ს კითხვა მერიას – Batumelebi
RU | GE  

რატომ არ მუშაობს ნაგვის მიწისქვეშა კონტეინერები? – ენმ-ს კითხვა მერიას

„ქალაქში მიწისქვეშა ნაგვის კონტეინერები არ მუშაობს, ანტისანიტარიაა, ნახეთ, ყველგან ქვებია ზემოდან დაწყობილი,“ – ამბობს რეზო ხარაზი, „ნაციონალური მოძრაობის“ ბათუმის საკრებულოს პარტიული საარჩევნო სიის მეორე ნომერი. მან დღეს ჰაიდარ აბაშიძის ქუჩაზე ნაგვის ერთ-ერთ კონტეინერთან ბრიფინგი მოაწყო.

რეზო ხარაზის თქმით, მიწისქვეშა კონტეინერებისთვის ბოლო წლებში ასი ათასზე მეტი ლარი დაიხარჯა, მაგრამ მათი გამოყენება ვერ ხერხდება.

„მაგალითად, 2015 წელს მოეწყო ბათუმში 25 ადგილზე მიწისქვეშა კონტეინერი და ჯამში 80 ათას ლარამდე დაიხარჯა. შემდეგ წლებში კიდევ დაამატეს… არც ერთი კონტეინერი დღეს არ მუშაობს. სანდასუფთავების თანამშრომლებისგან გამიგია, რომ რამდენჯერმე ხელით დაასუფთავეს კონტეინერი, რადგან ეს ტექნიკურად ვერ მოხერხდა… თუ არ მუშაობს, მაშინ უნდა დალუქონ, მაგრამ დალუქულიც არაა, ქვები მოაწყვეს, მაგრამ ზოგიერთ ადგილზე ისევ ყრიან ნაგავს,“ – ამბობს რეზო ხარაზი.

„ბათუმელები“ დაუკავშირდა ბათუმის მერიის პრესცენტრს, სადაც გვითხრეს, რომ განმარტებას „ბათუმის სანდასუფთავებაში“ გააკეთებენ, თუმცა ამ დრომდე უწყებაში ჩვენს სატელეფონო შეტყობინებას არ უპასუხეს.

ნეტგაზეთის მასალების სხვა გამოცემებში გადაბეჭდვის წესი
ავტორი