Batumelebi | გამყრელიძე: 600 ათასი დოზა „სინოფარმი“ ამოიწურა – მეორე დოზა შენახულია ყველასთვის გამყრელიძე: 600 ათასი დოზა „სინოფარმი“ ამოიწურა – მეორე დოზა შენახულია ყველასთვის – Batumelebi
ნეტგაზეთი • RU

გამყრელიძე: 600 ათასი დოზა „სინოფარმი“ ამოიწურა – მეორე დოზა შენახულია ყველასთვის

დაავადებათა კონტროლის ეროვნული ცენტრის ხელმძღვანელის, ამირან გამყრელიძის ინფორმაციით, საქართველოს ნაყიდი ჰქონდა 600 ათასი დოზა „სინოფარმი“ და ეს დოზა ამოიწურა. შესაბამისად, „სინოფარმის“ პირველ დოზაზე რეგისტრაცია შეიზღუდა, „ველოდებით „სინოფარმის“ შემდეგ პარტიას.

ქვეყანამ იყიდა 600 ათასი დოზა. ეს 600 ათასი დოზა საკმარისია 300 ათასი ადამიანის ორჯერადად აცრისთვის. ამიტომ გადადებულია ეს 300 ათასი დოზა, ვინც მეორეჯერ იცრება. ეს შენახულია ყველასთვის და პირველ აცრაზე სადღაც ავედით 270 ათასზე და პლუს, ვისაც დაჯავშნილი აქვს.

მინდა განვმარტო, მხოლოდ პირველ დოზაზე და ჩაუწერლად მისვლა შეიზღუდა. ვისაც პირველი აცრა აქვს დაჯავშნილი, ყველა აიცრება. მეორე აცრა ვისაც აქვს დაჯავშნილი, შეუძლია ჯავშნის გარეშე მივიდეს და აიცრება მეორე აცრაზე.

ვისაც ჩინური ვაქცინა უნდა, მათ ვთავაზობთ აიცრან „სინოვაკით“, იგივე დამცველობითი უნარი აქვს. „სინოვაკზე“ აცრა უკვე 100 ათასზეა ასული“.

___

ბოლო 24 საათში საქართველოში კოვიდით 73 ადამიანი დაიღუპა, მათ შორის 11 აჭარაში. ჯანდაცვის მინისტრის განმარტებით, შემდეგი ორი კვირის განმავლობაში ლეტალობის მაჩვენებლის კლება მოსალოდნელი არ არის.

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან