Batumelebi | რა შემთხვევაში განახლდება სწავლა სკოლებში – თამარ გაბუნიას განმარტება რა შემთხვევაში განახლდება სწავლა სკოლებში – თამარ გაბუნიას განმარტება – Batumelebi
ნეტგაზეთი • RU

რა შემთხვევაში განახლდება სწავლა სკოლებში – თამარ გაბუნიას განმარტება

დღეს, 30 აგვისტოს, ჯანდაცვის მინისტრის მოადგილემ, თამარ გაბუნიამ განაცხადა, რომ სასკოლო გარემოში სწავლა იმ შემთხვევაში განახლდება, თუკი პედაგოგები აიცრებიან და ეპიდემიოლოგიური მდგომარეობა გაუმჯობესდება.

„სასკოლო გარემოში სწავლის განახლება, რა თქმა უნდა, არის ყველაზე სასურველი მოდელი, ჯანდაცვის მსოფლიო ორგანიზაციაც ამ მიდგომას მხარს უჭერს. ყველაზე ბოლოს რაც უნდა შეჩერდეს და შეეხოს კოვიდრეგულაცია, არის სწავლა სასკოლო გარემოში, ასე იყო პანდემიის პირველი დღეებიდან.

თუმცა, ვიდრე არ მოხდება ეპიდსიტუაციის საკმარისად დასტაბილურება, იმისთვის, რომ სასკოლო გარემო იყოს უსაფრთხო, რა თქმა უნდა, ამასთან დაკავშირებით გადაწყვეტილების მიღება ჯერჯერობით ვერ მოხდება. ამიტომ პედაგოგთა ვაქცინაცია და ეპიდსიტუაცია – ეს ორი წინაპირობაა, რაც საშუალებას მოგვცემს, რომ სწავლა განახლდეს,“- ამბობს გაბუნია.

განათლების სამინისტროს ინფორაციით, ამ დროისთვის პედაგოგების მხოლოდ 46 პროცენტია აცრილი.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com