On 26 July, ten people were detained in Tbilisi after displaying handwritten protest posters in support of freedom of speech and in protest against censorship detentions.
The arrests came less than a week after Georgian journalist Vakho Sanaia was ordered to 14 days of administrative detention over Facebook posts that the Ministry of Internal Affairs (MIA) said insulted members of the ruling Georgian Dream party.
Activist Tornike Toshkhua staged a one-person protest outside the Tbilisi City Council building, holding a handwritten sign reading “Is Bidzina a d**k? Yes. No.”
The handwritten sign took the form of a simple yes-or-no poll, using only the Georgian male first name “Bidzina”, the same first name as Georgian Dream founder, oligarch Bidzina Ivanishvili, without explicitly referring to any specific person.
Within minutes, several police officers approached Toshkhua, placed him in a police vehicle and took him away. The detention was livestreamed on Facebook by activist Luka Khizadze.
The Ministry of Internal Affairs told Netgazeti that Toshkhua had been detained under Article 166 of Georgia’s Code of Administrative Offences, which covers petty hooliganism.
Following Toshkhua’s arrest, supporters gathered outside the City Council building carrying posters bearing the same text. Police subsequently detained nine more demonstrators: Ia Melitauri, Lasha Dgebuadze, Mariam Mekantsishvili, Vaso Beridze, Sandro Sekhniashvili, Marine Nanava, Shako Baghdoshvili, Tornike Tikaridze and Nato Bolkvadze.
Videos shared on social media also appear to show senior police official Davit Mamageishvili striking Ilia State University student Sandro Sekhniashvili in face during his arrest.
Social media users reacted to the arrests by drawing parallels with Russia. Many recalled incidents in which Russian police detained people over a piece of paper bearing the word “Khuilo” without explicitly naming anyone.
Several users also pointed to the irony of Toshkhua’s detention, noting that his sign was phrased as a question rather than a statement and did not explicitly identify any individual.
“Even setting aside the fact that it was a question rather than a statement, there are plenty of people named Bidzina. It’s just like the old joke from Russia, where a detainee argued that ‘Khuilo’ was a general term and not directed at Putin, only to be told: ‘We all know who Khuilo is.'”
In a statement, the Ministry of Internal Affairs said:
“Officers of the Patrol Police Department of the Ministry of Internal Affairs detained ten individuals in the vicinity of the Tbilisi City Council building who were displaying offensive banners in a public space. In addition, they were using insulting language, disrupting public order and resisting law enforcement officers. The individuals were detained under Articles 166 and 173 of the Code of Administrative Offences.”
Article 166 of the Code of Administrative Offences relates to petty hooliganism, while Article 173 concerns failure to comply with a lawful order issued by a law enforcement officer. The offences are punishable by a fine or by administrative detention for up to 60 days.
Tornike Toshkhua was previously arrested together with Mindia Shervashidze on 16 August 2025. The two were accused of acting in a group violence against Beka Gotsiridze. Toshkhua spent approximately one year in prison before the Court of Appeal reduced his sentence, leading to his release on 1 July.
პარლამენტში კითხვის დასმა ისჯება – ახალი წესით, დეპუტატისთვის არასასურველი კითხვის დასმის გამო, ჟურნალისტს პარლამენტში აკრედიტაცია შეიძლება შეუწყდეს“- აცხადებს „საერთაშორისო გამჭვირვალობა-საქართველო“.
ჟურნალიტების დევნასთა დაკავშირებით, განცადება დღეს, 27 ივლისს გააკეთა ორგანიზაციამ.
„დეპუტატებისთვის კრიტიკული კითხვების დასმის გამო, ბოლო ორი თვის განმავლობაში, საპარლამენტო აკრედიტაციები გააუქმეს ან/და საკანონმდებლო ორგანოში ჟურნალისტური საქმიანობა შეუზღუდეს კრიტიკული მედიის 15-მდე წარმომადგენელს.
ეს, ბუნებრივია, მნიშვნელოვნად აფერხებს საზოგადოების ჯეროვან ინფორმირებას საკანონმდებლო ორგანოში მიმდინარე პროცესების შესახებ“-აცხადებს არასამთავრობო ორგანიზაცია „საერთაშორისო გამჭვირვალობა-საქართველო“.
მათი შეფასებით, „ქართული ოცნება“ აგრძელებს დამოუკიდებელი, კრიტიკული მედიის საქმიანობის სხვადასხვა ფორმით შეზღუდვას და ამისთვის სახელმწიფო ინსტიტუციებისა და მისი გავლენის ქვეშ მყოფი ორგანოების გამოყენებას.
„29 ივნისს, დეპუტატისთვის კითხვების დასმის გამო, პარლამენტში საქმიანობა 1 წლით შეუჩერეს „ტელეკომპანია პირველის“ საგამოძიებო გადაცემა „ნოდარ მელაძის შაბათის“ ჟურნალისტს, ნატალია ქაჯაიას. ჟურნალისტმა „ქართული ოცნების“ დეპუტატის, გურამ მაჭარაშვილისგან აინტერესებდა, თუ როგორ მოხვდა მისი მეუღლე სააფთიაქო ქსელ „ავერსიდან“ ენერგეტიკისა და წყალმომარაგების მარეგულირენელ კომისიაში, მას შემდეგ, რაც მაჭარაშვილი „ქართული ოცნების“ გუნდს შეუერთდა.
23 ივნისს, აგრეთვე დეპუტატისთვის შეკითხვების დასმის გამო, პარლამენტში აკრედიტაცია 6 თვით შეუჩერდა ტელეკომპანია „ფორმულას“ ჟურნალისტს, ნინი ბალანჩივაძეს. იგი „ოცნების“ დეპუტატებს 2008 წლის რუსეთ-საქართველოს აგვისტოს ომის თაობაზე არასამთავრობო ორგანიზაცია „ახალგაზრდა იურისტთა ასოციაციის“ მიერ ევროპის ადამიანის უფლებათა სასამართლოში რუსეთის წინააღმდეგ მოგებული საქმის შესახებ უსვამდა კითხვას.
22 ივნისს, იმავე მიზეზით, საპარლამენტო აკრედიტაცია 1 თვის ვადით შეუჩერეს აგრეთვე „ნოდარ მელაძის შაბათის“ ჟურნალისტს, მაკა ანდრონიკაშვილს. ჟურნალისტმა „ქართული ოცნების“ დეპუტატებს ჰკითხა, თუ რა მისიით ჩამოდიან მათთან ჩეჩნეთის რესპუბლიკის ე.წ. პრეზიდენტის, რამზან კადიროვის „დაჯგუფების“ წევრები და ჩამოაქვთ თუ არა მათთან ოქრო არალეგალური გზებით.
8 ივნისს, იმავე მიზეზით პარლამენტში ჟურნალისტური საქმიანობის განხორციელება 6 თვით აეკრძალა „ნოდარ მელაძის შაბათის“ კიდევ ერთ ჟურნალისტს, მაკა ჩიხლაძეს. ჟურნალისტს „ოცნების“ დეპუტატებისგან აინტერესებდა, თუ რატომ არ აქვთ მათ ზოგიერთ თანაგუნდელს – მაგალითად, ეკა ჭიჭინაძეს – წარდგენილი პარლამენტში უმაღლესი განათლების დამადასტურებელი დოკუმენტი.
მანამდე, მაისის თვეში, საპარლამენტო აკრედიტაციები ვადაზე ადრე გააუქმეს ონლაინგამოცემა „პუბლიკასა“ და საგამოძიებო სტუდია „მონიტორის“ ჟურნალისტებს. მათ საკანონმდებლო ორგანოში 4-4 აკრედიტებული ჟურნალისტი ჰყავდათ. საპარლამენტო აკრედიტაციების გაუქმების მიზეზად ბოლო 10 კვირის განმავლობაში საკანონმდებლო ორგანოში ჟურნალისტების არყოფნა დასახელდა.
ამასთან, 26 ივნისს, პარლამენტში „ქართული ოცნების“ პრემიერმინისტრის, ირაკლი კობახიძის ანგარიშის გასაშუქბელად, ონლაინგამოცემა „პუბლიკას“ ჟურნალისტს, მინდია გაბაძეს არც ერთჯერადი საშვი მისცეს“.
რას გულისხმობს საპარლამენტო აკრედიტაცია?
საკანონმდებლო ორგანოში აკრედიტაციის ახალი წესი „ქართულმა ოცნებამ“ 2023 წლის თებერვალში შეიმუშავა, რის საფუძველზეც, მედიის წარმომადგენლებს პარლამენტში ქცევის წესები განუსაზღვრა. ერთ-ერთი პუნქტის თანახმად, „პარლამენტის წევრის, აპარატის თანამშრომლის ან სტუმრად მყოფი პირის მიერ ინტერვიუზე უარის შემთხვევაში“ ჟურნალისტმა ინტერვიუ უნდა შეწყვიტოს. სწორედ აღნიშნული ნორმა აქცია „ქართულმა ოცნებამ“ კრიტიკულ კითხვებზე თავის არიდების, აგრეთვე კრიტიკული მედიისა და ჟურნალისტების დასჯის მექანიზმად. ნორმაზე მითითებით, ბოლო წლების განმავლობაში, საპარლამენტო აკრედიტაცია სხვადასხვა ვადით შეუჩერეს და საკანონმდელო ორგანოში საქამიანობა შეუზღუდეს კრიტიკული მედიის ათობით წარმომადგენელს.
საგულისხმოა, რომ 2026 წლის მაისში, მას შემდეგ, რაც ეროპარლამენტმა ბრიტანეთის მხრიდან სანქცირებული პროპაგანდისტული, პროსამთავრობო „იმედს“ აკრედიტაცია ერთი წლით შეუჩერა, „ქართული ოცნების“ პარლამენტის თავმჯდომარემ, შალვა პაპუაშვილმა განაცხადა, რომ ისინი საქართველოს პარლამენტში აკრედიტაციის წესსაც გადახედავდნენ. რაც იმთავითვე კრიტიკული მედიისადმი მუქარად იქნა აღქმული. დაპირებიდან მალევე, დაახლოებით 1 თვეში, „ქართულმა ოცნებამ“ აკრედიტაციის წესი მართლაც შეცვალა და მისი დარღვევისთვის სანქციები კიდევ უფრო გაამკაცრა. კერძოდ:
აკრედიტაციის წესის განმეორებითი დარღვევისთვის ჟურნალისტისთვის აკრედიტაციის შეჩერების 6-თვიანი ვადა 1 წლამდე გაზარდა.
„დარღვევის სიმძიმისა და სიხშირის გათვალისწინებით“, საპარლამენტო აკრედიტაცია, შესაძლოა, არა მხოლოდ კონკრეტულ ჟურნალისტს, არამედ იმ მედიასაც გაუუქმდეს, რომელსაც იგი წარმოადგენს.
პირველი დარღვევის შემთხვევაში, ჟურნალისტს აკრედიტაცია 1 თვით უჩერდება.
„გამჭვირვალობა-საქართველოს“ შეფასებით, „წლებია, „ქართულ ოცნებას“ მიზანში ჰყავს ამოღებული დამოუკიდებელი, კრიტიკული მედია, რომელიც ამხელს ყველა იმ დანაშაულებრივ სქემასა თუ კორუფციულ გარიგებებს, რომლებთანაც მმართველი გუნდისა და მათთან დაკავშირებული პირების სავარაუდო ჩართულობა ან/და კავშირები იკვეთება.
„ოცნების“ გუნდს დისკოფორტს უქმნის ამგვარი თემების გარშემო დასმული ნებისმიერი კითხვა და მათზე პასუხების თავიდან არიდების მიზნით, ის კრიტიკული მედიის გასაჩუმებლად აქტიურად იყენებს მისი გავლენების ქვეშ მყოფ ინსტიტუციებს, რომელთაც ნაცვლად იმისა, რომ საზოგადოების ინტერესებს ემსახურებოდნენ, პარტიული დანამატის ფუნქცია აქვთ შეთავსებული და კონკრეტული პოლიტიკური ჯგუფის ძალაუფლების შენარჩუნების სამსახურში გვევლინებიან.
ჩინოვნიკებს უნდა ახსოვდეთ, რომ ისინი რიგითი მოქალაქეეების გადასახადებით ფინანსდებიან და ვალდებულნი არიან უპასუხონ მათ მიმართ არსებულ ყველაზე მწვავე კითხვასაც კი. ამდენად, დაუშვებელია საკანონმდებლო ორგანოში არსებული ფორმალური წესების ბოროტად გამოყენება და მნიშვნელოვანი საკითხების გარშემო კითხვების დასმის აკრძლვის ინსტრუმენად გადაქცევა.
დამოუკიდებელი მედიის წარმომადგენლებისთვის, რომლებსაც ისედაც შეზღუდული რესურსების პირობებში უწევთ პროფესიული მოვალების შესრულება, კრიტიკულად მნიშვნელოვანია საკანონმდებლო ორგანოში სრულფასოვნად მუშაობისა და კითხვების დასმის შესაძლებლობით სარგებლობა, მით უფრო, იმ ფონზე, როდესაც „ქართული ოცნების“ წარმომადგენლები უარს ამბობენ მათთან სხვა ფორმატებში თანამშრომლობაზე, თავის მხრივ კი – ასევე „ოცნების“ გავლენის ქვეშ მყოფი კომუნიკაციების კომისია მათ ბალანსის დარღვევისთვის სოლიდურ ფინანსურ სანქციებს უწესებს.
„საერთაშორისო გამჭვირვალობა-საქართველო“ სოლიდარულია ყველა იმ ჟურნალისტის მიმართ, რომელიც ბოლო წლებში ხელისუფლების მხრიდან შექმნილი მტრული სამუშაო გარემოს მიუხედავად, კეთილსინდისიერად ასრულებს მის მოვალეობას და ინარჩუნებს პროფესიულ ღირსებას“-აცხადებს „გამჭვირვალობა“.
გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის ინფორმაციით, 27 ივლისის 21 საათიდან 28 ივლისის 21 საათამდე აჭარაში მოსალოდნელია ცვალებადი მოღრუბლულობა, უმეტესად უნალექოდ.
იქროლებს ცვალებადი მიმართულების ქარი 8-13 მეტრი წამში.
ჰაერის ტემპერატურა სანაპირო ზოლსა და მთიან მუნიციპალიტეტებში:
88 წლის პედაგოგი, ზურაბ წითელაძე საკუთარი სახლის ეზოდან გაჰყურებს იმ სოფელს, რომელსაც ადრე ზედა მარადიდი ერქვა, შემდეგ კი მურათლი დაურქმევიათ. ზედა მარადიდი მურათლი მას შემდეგ გახდა, რაც ერთი სოფლის ორ უბანს შორის სახელმწიფო საზღვარი გავიდა – ზედა ნაწილი თურქეთში, ქვედა კი საბჭოთა საქართველოს შემადგენლობაში მოექცა.
აი, რას იხსენებს ზურაბ წითელაძე:
ცხოვრება საბჭოთა საზღვართან
„კომუნისტური პარტიის წევრებს დიდი პრივილეგიები ჰქონდენ – სამსახურზე, მთავრობაში და ა.შ. როდესაც გავხდი სტუდენტი – მესამე კურსზე ვიყავი თუ მეორეზე ზუსტად არ მახსოვს, ვიფიქრე, პარტიაში შევალ-მეთქი და არ მიმიღეს. განცხადება დავწერე, პასუხი არ მომცეს. მეორეჯერ რომ მოვიკითხე, შენი კომუნისტურ პარტიაში შესვლა არ შეიძლებაო, მიპასუხეს – მამიდები გყავს თურქეთშიო. ესე იგი, უნდო ვიყავი“, – გვიყვება ზურაბ წითელაძე.
საშვის აღება საკუთარ სახლში მისასვლელად
ზურაბ წითელაძე გვიყვება, რომ საბჭოთა კავშირის დროს, საზღვრისპირა სოფლებში თავისუფლად შესვლა მხოლოდ იქ მცხოვრებთ შეეძლოთ, სხვები კი მხოლოდ სპეციალური საშვებით შედიოდნენ. სოფელ აჭარისწყალთან იყო სასაზღვრო შლაგბაუმი, სადაც ყველა გამვლელ-გამომვლელს ამოწმებდნენ.
ის იხსენებს პერიოდს, როცა ბათუმში ცხოვრობდა და სახლში, სადაც დაიბადა და გაიზარდა, საშვის გარეშე არ უშვებდნენ.
„აჭარისწყალზე შლამბაო იყო [რუს. შლაგბაუმი – სასაზღვრო ბარიერი]. ან პროპუსკი [რუს. საშვი] უნდა გქონოდა, ან აქაურ მცხოვრები უნდა ყოფილიყავი და პასპორტით გამოივლიდი-გეივლიდი. ჩავლაიც გსინჯავდა, ამოვლაიც. ქალაქში თუ ცხოვრობდი, ოფიციალურად, მილიციიდან პროპუსკი გინდოდა. მილიცია გაძლევდა კომენდანტურასთან შეთანხმებით – ვის შეეძლო გასულიყო საზღვარზე?! ყველას არც უშვებდნენ. მაგ მომენტში მეც მოვხვდი: ჯარიდან რომ ჩამოვედი, ქალაქში ჩევეწერე და უპროპუსკოთ დედაჩემთან ვერ მოვდიოდი“, – ამბობს ზურაბ წითელაძე.
რუსი ოფიცრის „გაქცევა“ თურქეთში
ის იხსენებს შემთხვევას, როცა თურქეთში გაიქცა არა ადგილობრივი, არამედ რუსი ოფიცერი, რომელიც სოფელ კირნათში საზღვრის დასაცავად იყო გამწესებული. ზურაბ წითელაძის თქმით, მოგვიანებით გაირკვა, რომ რუსი ჯარისკაცის თურქეთში გაქცევა კომუნისტური მთავრობს დაგეგმილი სცენარი ყოფილა. ამ გეგმას კირნათელი კაცის, თუფან შოთიძის თავისუფლების 10 წელი შეეწირა.
„კირნათის სკოლაში დირექტორად მუშაობდა თუფან შოთიძე. მიდიოდა სკოლისკენ და შეხვდა ოფიცერი, რუსი. დეილაპარაკის, ხელი ჩამოართვეს. მეორე დღეს დეიჭირეს მაგი – თუფანაი. რატომ? იმიტომ, რომ იმ ლაპარაკის შემდეგ, ეს ოფიცერი მოაჯდა ცხენზე, გავარდა და გედევდა თურქეთში. აქეთიდან დააყარეს ტყვიები რუსებმა, კომუნისტებმა, მაგრამ ვითომ ვერ დაატანესო. სინამდვილეში პირდაპირ არ ისვროდნენ. იქიდანაც დახვდნენ, დეიჭირეს, წეიყვანეს.
მერე და მერე გამომჟღავნდა, რომ გაგზვანილი იყო კომუნისტების მიერ. ავტომატით ტყვიები იმიტომ დააყარეს, რომ იქ ემუშავა [ჯაშუშად]. ეს დაამტკიცა წითელაძე ახმედ ბიძამ – მოსკოვში გამოფენაზე იყო და ის ოფიცერი კაცი იცნა. დაბრუნებულიყო. იცნა, მარა ვერ დაელაპარაკა ამან – შიში ჰქონდა. ვინმეს ვერ დეელაპარაკებოდი. იმანაც მიყურა, მეც ვუყურეო და ისე დავცილდით ერთმანეთსო“, – გვიყვება ის.
თუფან შოთიძე 10 წლით დაუპატიმრებიათ იმის გამო, რომ რუსი ოფიცრის „გაქცევამდე“ მასთან ლაპარაკში შენიშნეს.
„ახალდაქორწინებული იყო მაშინ თუფანაი“ – სინანულით ამბობს ზურაბ წითელაძე.
ციხიდან გათავისუფლების შემდეგ თუფან შოთიძეს განაჩენი გაუსაჩივრებია. ციხეში გატარებულ 10 წელს უკან ვერ დაუბრუნებდნენ, ამიტომ ეს პერიოდი სამუშაო სტაჟში ჩაუთვალეს.
შინაგან საქმეთა სამინისტროს ცნობით, ჯგუფურად ჩადენილი ქურდობის ბრალდებით 4 პირი დააკავეს.
შსს-ს ცნობით, გამოძიებით დადგინდა, რომ ბრალდებულებმა, გორის მუნიციპალიტეტის ერთ-ერთი სოფლის მიმდებარე ტერიტორიაზე გამავალი სარკინიგზო მაგისტრალიდან, ჩამოჭრეს და ფარულად დაეუფლნენ 300 მეტრამდე სპილენძის სადენს.
„სამართალდამცველებმა ბრალდებულები იმ დროს დააკავეს, როდესაც ნაქურდალ სადენებს ავტომობილში ტვირთავდნენ“ – იუწყება შსს.
საქართველოს რკინიგზის სპილენძის სადენები ნივთმტკიცებაა ამოღებული.
გამოძიება სისხლის სამართლის კოდექსის 177-ე მუხლის მესამე ნაწილით მიმდინარეობს, რაც 7 წლამდე ვადით თავისუფლების აღკვეთას ითვალისწინებს.
უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2026 წლის 27 ივლისამდე პერიოდში, რუსეთის არმიის საბრძოლო დანაკარგი არის:
ცოცხალი ძალა – დაახლოებით 1 440 580 ადამიანი [გასულ დღე-ღამეში +1 590. ამ მონაცემებში შედის როგორც დაღუპულები, ასევე დაჭრილები]
ტანკი – 12 225 ერთეული [+8]
ჯავშანტექნიკა – 25 032 ერთეული [+13]
საარტილერიო სისტემა – 46 831 ერთეული [+37]
MLRS – 1 969 ერთეული [+0]
საზენიტო საბრძოლო სისტემა – 1 519 ერთეული [+1]
თვითმფრინავი – 439 ერთეული [+0]
ვერტმფრენი – 354 ერთეული [+0]
უპილოტო საფრენი აპარატის ოპერატიულ-ტაქტიკური დონე – 429 555 ერთეული [+1 269]
სახმელეთო რობოტიზებული კომპლექსი – 2 038 ერთეული [+7]
გემი/ნავი – 34 ერთეული [+0]
წყალქვეშა ნავი – 2 ერთეული [+0]
მანქანები და საწვავის ავზები – 126 302 ერთეული [+491]
სპეცტექნიკა – 4 472 ერთეული [+7]
ფრთოსანი რაკეტა [ჩამოაგდეს] – 4 950 ერთეული [+6]
უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.
უკრაინის სამხედრო დანაკარგებზე სტატისტიკური ინფორმაცია 2026 წლის 25 თებერვლის შემდეგ აღარ განუახლებია რუსეთს.
რუსეთის თავდაცვის სამინისტროს მიერ ტელეგრამ არხზე ბოლოს გავრცელებული მონაცემებით, ომის დაწყებიდან 2026 წლის 25 თებერვლამდე პერიოდში სულ განადგურებულია უკრაინის:
670 თვითმფრინავი
283 ვერტმფრენი
117 299 უპილოტო საფრენი აპარატი
651 საზენიტო სარაკეტო სისტემა
27 873 ტანკი და სხვა ჯავშანტექნიკა
1 674 მრავალჯერადი სარაკეტო გამშვები
33 474 საველე არტილერია და ნაღმმტყორცნი
55 252 სპეციალური სამხედრო მანქანა
ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.
ამასთან, აღნიშნულ მონაცემებთან ერთად რუსეთის თავდაცვა, უკრაინის და რუსეთის არმიის ცოცხალი ძალის საერთო დანაკარგების შესახებ სტატისტიკას არ აქვეყნებს. უკრაინის არმიის ცოცხალი ძალის დანაკარგების შესახებ მონაცემებს არ აქვეყნებს არც უკრაინა.
ქონების ეროვნული სააგენტო შეკვეთილში, „ბლექ სი არენას“ წინ, ზღვის მხარეს, ორ მიწის ნაკვეთს, ჯამში 2 ჰექტარზე მეტს [24 999 კვ.მეტრი] სიმბოლურ ფასად – 1 ლარად და პირობით ყიდის. აუქციონი 15 ივლისს გამოაცხადეს და 29 ივლისს უნდა დასრულდეს.
მიწის ნაკვეთის კონკრეტული პირობებით გაყიდვაზე „ოცნების“ პრემიერმა, ირაკლი კობახიძემ 8 ივლისს გამოსცა განკარგულება, 15 ივლისს კი ქონების ეროვნულმა სააგენტომ ის ელექტრონულ აუქციონზე გასაყიდად გაიტანა.
პირობის მიხედვით, მყიდველმა ნასყიდობის ხელშეკრულების გაფორმებიდან არაუმეტეს 3 წელში, პირადად ან მესამე პირის მეშვეობით, შესყიდული ტერიტორიიდან არანაკლებ 5000 კვ.მეტრზე არანაკლებ 7 956 000 ლარის დანახარჯი უნდა გასწიოს შპს „სთარინგ ჯორჯიასთან“ შეთანხმებული კონცეფციის შესაბამისად [„სთარინგ ჯორჯია“ სახელმწიფოს შპს-ა].
პირობების მიხედვით, მყიდველმა არანაკლებ 4000 კვ.მეტრზე უნდა ააშენოს შენობა, სადაც იქნება 65 ერთეული [შესაძლოა არ შემოიფარგლებოდეს], არანაკლებ 30 კვ.მეტრი შიდა სივრცის მქონე აპარტამენტები ინდივიდუალური სველი წერტილებითა და სამზარეულო კუთხით, 6 ერთეული არანაკლებ 60 კვ.მეტრი და 1 ერთეულ 40 კვ.მეტრი [შიდა სივრცე] ფართობის მქონე აპარტამენტი ან სასტუმრო ნომერი, იმავე განაშენიანებით.
არანაკლებ 800 კვ.მეტრ საერთო სარგებლობის ფართობს, რომელიც მოიცავს არანაკლებ 100 ადამიანზე გათვლილ საკონფერენციო დარბაზს, კაფეტერიასა და არანაკლებ 50 ადამიანზე გათვლილ სამუშაო სივრცეს.
შემსყიდველს დაევალება შენობა-ნაგებობების ექსპლუატაციაში მიღების უზრუნველყოფა.
მყიდველმა უნდა აიღოს ასევე ვალდებულება მშენებლობის დასრულებიდან 12 თვეში, მაგრამ არაუგვიანეს შესაბამისი ხელშეკრულების გაფორმებიდან 48 თვისა, უზრუნველყოს რემონტის დასრულება, შემდეგ კი არაუმეტეს 1 თვის ვადაში ეს ქონება სახელმწიფოს გადასცეს [საუბარია ზემოთ მითითებულ შენობაზე].
მყიდველს ასევე დაევალება, შესაბამისი ნასყიდობის ხელშეკრულების გაფორმებიდან არაუმეტეს 6 წელში, პირადად ან მესამე პირის მეშვეობით გადაცემული ტერიტორიის განვითარება. ეს მოიცავს, მაგრამ შესაძლოა, არ შემოიფარგლებოდეს არანაკლებ 100 ნომრის მქონე ჰოსტელის, სასტუმროს ან აპარტამენტის, სპორტულ-გამაჯანსაღებელი სივრცის, ღია სივრცეების მქონე კვების ობიექტების, საბავშვო სივრცისა და შინაური ცხოველებისთვის განკუთვნილი სივრცის შექმნა-მოწყობას და კანონმდებლობით დადგენილი წესით შენობა-ნაგებობების ექსპლუატაციაში მიღებას.
ამ ვალდებულების შესრულების მიზნით, მყიდველმა, პირადად ან მესამე პირის მეშვეობით, არანაკლებ 3 მილიონი ლარის ინვესტიცია უნდა განახორციელოს, დამატებული ღირებულების გადასახადის გათვალისწინების გარეშე.
მყიდველი ვალდებულია საპრივატიზებო პირობების შეუსრულებლობის შემთხვევაში, შესაბამისი ხელშეკრულების საფუძველზე დაკისრებული პირგასამტეხლოს გადახდის უზრუნველყოფის მიზნით, შესაბამისი ნასყიდობის ხელშეკრულების გაფორმებამდე, სახელმწიფო ქონების ეროვნულ სააგენტოში, წარადგინოს არანაკლებ 300 000 ლარის უპირობო და გამოუხმობი საბანკო გარანტია, რომლის ვადაც პროექტის ჩაბარების ვადას 4 თვით უნდა აღემატებოდეს.
ბათუმში, გორგასლის ქუჩაზე, 7 წლის ბავშვს ავტომანქანა დაეჯახა. თვითმხილველის ინფორმაციით, ბავშვი დედასთან ერთად იმყოფებოდა. ის სასწრაფო დახმარების მანქანამ კლინიკაში გადაიყვანა.
შს სამინისტროს ინფორმაციით, ბავშვი მსუბუქად დაშავდა და მის სიცოცხლეს საფრთხე არ ემუქრება.
გამოძიება დაიწყო 276-ე მუხლით, რაც ტრანსპორტის მოძრაობისას უსაფრთხოების წესების დარღვევას გულისხმობს.
დღესვე, „მთავარის“ ინფორმაციით, კლინიკაში გარდაიცვალა კახეთში ავარიის შედეგად დაშავებული 29 წლის ქალი.
ავტოსაგზაო შემთხვევა დღეს, 26 ივლისს, ყვარელში, ალაზნის ხიდთან მოხდა – ერთმანეთს ორი მსუბუქი ავტომობილი შეეჯახა. შემთხვევის შედეგად 4 პირი დაშავდა, მათ შორის 2 არასრულწლოვანი და ქალი, რომელიც კლინიკაში დაიღუპა.
შს სამინისტროს ინფორმაციით, გამოძიება სისხლის სამართლის კოდექსის 276-ე მუხლით დაიწყო.
დღეს, კიდევ ერთი ავარია მოხდა ქუთაისი – ზესტაფონის გზაზე. ავარიის შედეგად 13 ადამიანი დაშავდა, დაშავებულები სასწრაფო სამედიცინო დახმარების ჯგუფებმა კლინიკებში გადაიყვანეს.
„ინტერპრესნიუსის“ ინფორმაციით, დაშავებულები ტურისტები არიან და თბილისიდან დასავლეთის მიმართულებით მიემგზავრებოდნენ.
ავარია ბათუმში მსხვერპლით დასრულდა გუშინაც – ტურისტების მიკროავტობუსს მსუბუქი ავტომანქანა შეეჯახა. დაიღუპა 2 ადამიანი.
საქართველოში მოქმედი ბიზნესი არასაარჩევნო წელსაც არ წყვეტს სიმპათიისა და კმაყოფილების ფინანსური მხარდაჭერით გამოხატვას მმართველი პარტიის მიმართ.
ბიზნესმენები აჭარიდან ისევ აქტიურობენ, შეიძლება ითქვას, რომ „ოცნების“ ყულაბა არასაარჩევნო წელსაც აჭარიდან ივსება, შემწირველებს შორის არიან მონდომებულები და უფრო მონდომებულებიც. 2026 წელს 5 თვეში „ოცნებამ“ შემოწირულობის სახით 3 მილიონ ლარზე მეტი მიღო, ამდენს ოპოზიციური პარტიები მთელი წინასაარჩევნო პერიოდის განმავლობაში ვერ აგროვებენ.
„უფრო მონდომებულებს შორის“ შეგვიძლია დავასახელოთ მაგალითად ჰიპერმარკეტ „ნოვას“ თანამფლობელები, რომელთა შენატანი არასაარჩევნო წელს, მმართველი პარტიის ბიუჯეტში, 200 000 ლარზე მეტია, საერთო ჯამში კი წლების მიხედვით მილიონ ლარს აღწევს.
2026 წლის აპრილში ჰიპერმარკეტ „ნოვას“ თანამფლობელმა ჯემალ ბოლქვაძემ „ოცნებას“ 60 000 ლარი შესწირა, იმავე დღეს მმართველი პარტიის ანგარიშზე თანხები ჩარიცხეს მისმა პარტნიორებმაც, რამაზ ირემაძემ 54 000 ლარი, ჯემალ ანთაძემ 50 000 ლარი, ზვიად აბულაძემ 60 000 ლარი, ემზარ ირემაძემ კი 54 000 ლარი. ეს, ჯამში, 218 000 ლარია.
„ნოვას“ მფლობელმა „ოცნების“ ანგარიშზე 152 000 ლარი შეიტანეს გასულ წელსაც. 2024 წლის საპარლამენტო არჩევნების წინ კი „ნოვას“ მფლობელმა – ჯემალ ბოლქვაძემ, ზვიად აბულაძემ და ჯემალ ანთაძემ „ოცნებას“ 300 000 ლარი შესწირეს.
„ნოვა“ ბაზარზე სამშენებლო მასალებისა და ავეჯის აქსესუარების ერთ-ერთი მსხვილი მიმწოდებელია.
საერთო ჯამი 2012 წლიდან დღემდე, ჯემალ ანთაძის შენატანი „ოცნების“ ანგარიშზე, 235 000 ლარია, რამაზ ირემაძეს 225 000 ლარი აქვს ჩარიცხული, ზვიად აბულაძეს 252 000, ჯემალ ბოლქვაძის შენატანი 250 000 ლარია, ემზარ ირემაძემ კი 223 000 ლარი ჩარიცხა „ოცნების“ ანგარიშზე – ეს ჯამში 1 მილიონ 185 000 ლარია.
2026 წლის აპრილში „ოცნებას“ 50 000 ლარი შესწირა ბიზნესმენმა ლაშა ბალაძემ. საერთო ჯამში კი, სამშენებლო კომპანია „გუმბათის“ დამფუძნებლის შენატანი მმართველი პარტიის ანგარიშზე 2021 წლიდან დღემდე 290 000 ლარია.
სამშენებლო კომპანია „ალიანსის“ დამფუძნებლის შვილმა „ოცნებას“ 2026 წლის მარტში 60 000 ლარი შესწირა, ნანა ბიწაძემ კი 15 000 ლარი. საერთო ჯამში თემურ ბიწაძის შენატანი „ოცნების“ ანგარიშზე 205 000 ლარია, ნანა ბიწაძის შენატანი კი 25 000 ლარი.
„ალიანის“ ბიზნესპარტნიორმა ბესიკ ჟღენტმა „ ოცნებას“ 2026 წლის მარტში 60 000 ლარი შესწირა, სულ მისი შენატანი „ოცნების“ ანგარიშზე 300 000 ლარზე მეტია.
2026 წლის მაისში „ოცნებას“ 25-25 000 ლარი შესწირეს ბექა მანველიძემ და ბექა თვალაძემ, ისინი პარტნიორები არიან სამშენებლო ბიზნესში. გარდა ამისა, ბექა თვალაძე აჭარის ფინანსთა და ეკონომიკის მინისტრის მოადგილის, გიორგი მანველიძის ოჯახის ბიზნესპარტნიორია.
2026 წლის მარტში „ოცნებას“ 60 000 ლარი შესწირა გია ჭყონიამ – ის ამავე პარტიიდან საქართველოს პარლამენტში შევიდა 2024 წელს. რომ არაფერი ვთქვათ მის პარტნიორებზე, მხოლოდ ჭყონიას ნახევარ მილიონ ლარზე მეტი აქვს შეწირული „ოცნებისთვის“.
2026 წლის მაისში „ოცნებას“ 50 000 ლარი შესწირა ბიზნესმენმა ირაკლი ანანიძემ, ის სამშენებლო კომპანია „ამ დეველოპმენტის“ 50 პროცენტის მფლობელია.
60 000 ლარი შესწირა „ოცნებას“ ბიზნესმენმა აკაკი მგელაძემ, ის საბროკერო კომპანიების თანამფლობელია.
30 000 ლარი ჩარიცხა „ოცნების“ ანგარიშზე ნინო ვარშანიძემ – ისიც რამდენიმე კომპანიის თანამფლობლად ფიქსირდება.
„პირველი ქართული სკოლა ამ ხეობაში იმ სოფელში გახსნილა“, – გვეუბნება ზურაბ წითელაძე და მიგვითითებს დასახლებაზე, რომელიც მდინარის გაღმა ნაპირზე მოჩანს.
88 წლის პედაგოგი საკუთარი სახლის ეზოდან გაჰყურებს იმ სოფელს, რომელსაც ადრე ზედა მარადიდი ერქვა, შემდეგ კი მურათლი დაურქმევიათ.
ზედა მარადიდი მურათლი მას შემდეგ გახდა, რაც ერთი სოფლის ორ უბანს შორის სახელმწიფო საზღვარი გავიდა – ზედა ნაწილი თურქეთში, ქვედა კი საბჭოთა საქართველოს შემადგენლობაში მოექცა. საზღვრის საკითხი 1921 წლის ყარსის ხელშეკრულებით განისაზღვრა, თუმცა ზურაბ წითელაძე გვიყვება, რომ დაახლოებით 1928 წლამდე – „სანამ [საბჭოთა] მთავრობა კარგად ეეწყობოდა“ – სოფლებს შორის მიმოსვლა ჯერ კიდევ იყო შესაძლებელი.
კოლექტივიზაციის პროცესში საზღვრის კონტროლი უფრო და უფრო მკაცრდებოდა, თუმცა გამონაკლის შემთხვევებში მისი გადაკვეთა ისევ შესაძლებელი იყო – სახელმწიფო საზღვარმა ხომ არა მხოლოდ სოფელი, არამედ ოჯახები გაყო?!
ზურაბ წითელაძის თქმით, დედამ – როხსეთ ბაგრატიონმა 1920-30-იან წლებში ორჯერ გადაკვეთა საბჭოთა საზღვარი და თურქეთის ქართულ სოფელში, მულების სანახავად ჩავიდა. პედაგოგი გვიყვება, რომ მისი მამიდები, აიშე და ჰაჯერი, რომლებიც ოჯახებთან ერთად მდინარე ჭოროხის გაღმა ნაპირზე ცხოვრობდნენ, საზღვრის გავლების შემდეგ თურქეთის ტერიტორიაზე აღმოჩნდნენ. როსხეთ ბაგრატიონი იქ სწორედ მულების მიწვევით გადავიდა.
„მამიდები მყავდა გათხოვილი, ორივე. დედაჩემი რომ მოსულა – დედაჩემი 1928 წელს მოუყვანიათ – იქ მულებმა დაპატიჟეს და პროპუსკით [რუს. საშვი] გედევდა. ორჯერ ნამყოფი იყო დედაჩემი თურქეთში“, – გვეუბნება ზურაბ წითელაძე.
საბჭოთა რეპრესიული პოლიტიკის გაძლიერების შემდეგ, არა თუ საზღვრის გადაკვეთა, საზღვრისკენ გახედვაც კი აიკრძალა.
„ხელს ვერ გუუთითიებდი. მოსულ სტუმრებს აფრთხილებდნენ, რომ ხელი იმკენ არ გეიშვიროო. უშლიდნენ. ებრძოდნენ კომუნისტები“, – გვიხსნის ზურაბ წითელაძე.
უფრო მეტიც, მისი თქმით, სოფელში ამ თემაზე საუბარსაც კი უფრთხოდნენ – „აკრძალული იყო, ასეთი რამე არდა თქმულიყო“.
სოფელ მურათლის ხედი ზურაბ წითელაძის სახლიდან
ასე განსაჯეთ, თავად ზურაბ წითელაძემ მხოლოდ 15-16 წლის ასაკში გაიგო, რომ იმ საზღვრის მიღმა, რომლისკენ გახედვა და ზედმეტი ინტერესის გამოხატვაც ეკრძალებოდა, ქართველები, უფრო მეტიც, მისი ღვიძლი ნათესავები ცხოვრობდნენ.
„მე-10 კლასში ვიქნებოდი, დაახლოებით, დედაჩემმა რომ მითხრა, ნამყოფი ვარ იქო. პროპუსკით გადამიყვანეს და გადმომიყვანეს [ახალი რძალი] რომ ვიყავიო. მაშინ გავიგე, რომ ეს ტერიტორია საქართველოს ყოფილა. იქამდე ვიცოდი, რომ თურქები იყვნენ მაგენი. ვინ მეტყოდა?! ბაღანა ვიყავ“, – გვეუბნება ის.
ცხოვრება საბჭოთა საზღვართან
„კომუნისტური პარტიის წევრებს დიდი პრივილეგიები ჰქონდენ – სამსახურზე, მთავრობაში და ა.შ. როდესაც გავხდი სტუდენტი – მესამე კურსზე ვიყავი თუ მეორეზე ზუსტად არ მახსოვს, ვიფიქრე, პარტიაში შევალ-მეთქი და არ მიმიღეს. განცხადება დავწერე, პასუხი არ მომცეს. მეორეჯერ რომ მოვიკითხე, შენი კომუნისტურ პარტიაში შესვლა არ შეიძლებაო, მიპასუხეს – მამიდები გყავს თურქეთშიო. ესე იგი, უნდო ვიყავი“, – გვიყვება ზურაბ წითელაძე.
მთელი სოფლის გადასახლება
მისი თქმით, საბჭოთა ხელისუფლება არასანდოდ მიიჩნევოდა არა მხოლოდ მის ოჯახს, არამედ მთელ სოფელს. ამის მიზეზი კი საზღვრის პირას ცხოვრება იყო. ზურაბ წითელაძე გვიყვება ამბავს მშობლიური სოფლის, კირნათის მაღლა არსებულ დასახლებაზე – ოღლავზე, რომლის მოსახლეობა მთლიანად გადაასახლეს სხვაგან.
„ხალხის მიმართ ნდობა არ ჰქონდა მთავრობას. განსაკუთრებით საზღვარზე მცხოვრებლების მიმართ. რატომ იცი? გეტყვი მაგასაც: სოფელი ოღლავი გაგონილი გაქვს? სოფელში ჩამოდის მდინარე. იმ მდინარეზე წისქვილი იყო. აქედან ჩვენები ჩადიოდნენ, ოღლაველები, აფქვავდენ, იქიდან თურქები ჩამოდიოდნენ, ისინიც აფქვავდენ. ურთიერთკავშირი ჰქონდენ – ლაპარაკი, გაზეთს გადატანა, ასეთები ხდებოდა და მთელი სოფელი აასახლეს კომუნისტებმა 1945-1947 წლებში. კირნათიც შეიძლება ეესახლებიათ. სტალინი მოკვდა თვარა, საშიში იყო“, – ამბობს ზურაბ წითელაძე.
კომუნისტების შიში, რომ თუ საზღვრის პირას მცხოვრები მოსახლეობა „თავისუფალ ქვეყანაში“ გაქცევას შეეცდებოდა და ამას სხვებთან შედარებით მარტივად მოახერხებდა, მთლად უსაფუძვლოც არ იყო. წითელაძის თქმით, საბჭოთა კავშირის შექმნის პირველ წლებში არაერთი ადამიანი გაიქცა თურქეთში.
„აქედან გეიქცენ ცინცაძეები. გაბიტაძეებთან მკვლელობა მოუხდათ და გეიქცენ. ნახევარი მაჭახელი გაქცეულია და დარჩენილია დღემდე. არ უნდოდენ საბჭოთა კავშირი. თავისუფლება იყო იქ მეტი. ჩვენთან შეზღუდული იყვნენ. დამოკიდებული იყავი რუსებზე. თავისუფლად გავლის უფლება არ გქონდა“, – ამბობს ზურაბ ცინცაძე.
სოფელი შუშანეთი (კირნათის თემი)
რუსი ოფიცრის „გაქცევა“ თურქეთში
ის იხსენებს შემთხვევას, როცა თურქეთში გაიქცა არა ადგილობრივი, არამედ რუსი ოფიცერი, რომელიც სოფელ კირნათში საზღვრის დასაცავად იყო გამწესებული. ზურაბ წითელაძის თქმით, მოგვიანებით გაირკვა, რომ რუსი ჯარისკაცის თურქეთში გაქცევა კომუნისტური მთავრობს დაგეგმილი სცენარი ყოფილა. ამ გეგმას კირნათელი კაცის, თუფან შოთიძის თავისუფლების 10 წელი შეეწირა.
„კირნათის სკოლაში დირექტორად მუშაობდა თუფან შოთიძე. მიდიოდა სკოლისკენ და შეხვდა ოფიცერი, რუსი. დეილაპარაკის, ხელი ჩამოართვეს. მეორე დღეს დეიჭირეს მაგი – თუფანაი. რატომ? იმიტომ, რომ იმ ლაპარაკის შემდეგ, ეს ოფიცერი მოაჯდა ცხენზე, გავარდა და გედევდა თურქეთში. აქეთიდან დააყარეს ტყვიები რუსებმა, კომუნისტებმა, მაგრამ ვითომ ვერ დაატანესო. სინამდვილეში პირდაპირ არ ისვროდნენ. იქიდანაც დახვდნენ, დეიჭირეს, წეიყვანეს.
მერე და მერე გამომჟღავნდა, რომ გაგზვანილი იყო კომუნისტების მიერ. ავტომატით ტყვიები იმიტომ დააყარეს, რომ იქ ემუშავა [ჯაშუშად]. ეს დაამტკიცა წითელაძე ახმედ ბიძამ – მოსკოვში გამოფენაზე იყო და ის ოფიცერი კაცი იცნა. დაბრუნებულიყო. იცნა, მარა ვერ დაელაპარაკა ამან – შიში ჰქონდა. ვინმეს ვერ დეელაპარაკებოდი. იმანაც მიყურა, მეც ვუყურეო და ისე დავცილდით ერთმანეთსო“, – გვიყვება ის.
თუფან შოთიძე 10 წლით დაუპატიმრებიათ იმის გამო, რომ რუსი ოფიცრის „გაქცევამდე“ მასთან ლაპარაკში შენიშნეს.
„ახალდაქორწინებული იყო მაშინ თუფანაი“ – სინანულით ამბობს ზურაბ წითელაძე.
ციხიდან გათავისუფლების შემდეგ თუფან შოთიძეს განაჩენი გაუსაჩივრებია. ციხეში გატარებულ 10 წელს უკან ვერ დაუბრუნებდნენ, ამიტომ ეს პერიოდი სამუშაო სტაჟში ჩაუთვალეს.
გამოქცევა სამშობლოში
ზურაბ წითელაძემ მოგვიყვა ისტორია მამიდაშვილზე, რომელიც თურქეთიდან საბჭოთა საქართველოში გამოიქცა. მისი სურვილი იყო გარდაცვალების შემდეგ საქართველოში, ბიძას მიწაზე დაესაფლავებინათ. წლების შემდეგ, როცა საბჭოთა კავშირი დაინგრა და საზღვრები გაიხსნა, თურქეთიდან მის მოსაძებნად ძმა ჩამოვიდა, თუმცა უკვე გარდაცვლილი დახვდა.
„ერთ-ერთი მამიდაშვილი გამოიქცა იქიდან – თურქეთიდან გამოიქცა საბჭოთა კავშირში. მიზეზი მკვლელობის ამბავი იყო. მამა მუუკლეს თუ ბიძა, არ ვიცი. მანაც შური იძია და გამოიქცა. მამაჩემი ეპატრონა. ჯერ აქ ცხოვრობდა, კირნათში, მერე შოფრობა ისწავლა და მარადიდში, კოლმეურნეობის მანქანაზე დაჯდა. მერე ბათუმში გადაიბარგა.
იმან დამიბარა – მე რომ მოვკვდები, ტაიას [ბიძა დედის მხრიდან] მიწაში დამასაფლავეთო და ჩემი ძმის, მურადის სახლის თავზე დავასაფლავე. მისი ძმა იყო ჩემთან. სასაფლაოზე მივყვანე და ძმის საფლავი ვაჩვენე. სასაფლაოდან მიწა ეიღო, პლატოკში გაახვია და წეიღო. ახლა არაა ცოცხალი, მაშინაც მოხუცებული იყო“, – გვიყვება ზურაბ წითელაძე.
ზურაბ წითელაძე
საშვის აღება საკუთარ სახლში მისასვლელად
ზურაბ წითელაძე გვიყვება, რომ საბჭოთა კავშირის დროს, საზღვრისპირა სოფლებში თავისუფლად შესვლა მხოლოდ იქ მცხოვრებთ შეეძლოთ, სხვები კი მხოლოდ სპეციალური საშვებით შედიოდნენ. სოფელ აჭარისწყალთან იყო სასაზღვრო შლაგბაუმი, სადაც ყველა გამვლელ-გამომვლელს ამოწმებდნენ.
ის იხსენებს პერიოდს, როცა ბათუმში ცხოვრობდა და სახლში, სადაც დაიბადა და გაიზარდა, საშვის გარეშე არ უშვებდნენ.
„აჭარისწყალზე შლამბაო იყო [რუს. შლაგბაუმი – სასაზღვრო ბარიერი]. ან პროპუსკი [რუს. საშვი] უნდა გქონოდა, ან აქაურ მცხოვრები უნდა ყოფილიყავი და პასპორტით გამოივლიდი-გეივლიდი. ჩავლაიც გსინჯავდა, ამოვლაიც. ქალაქში თუ ცხოვრობდი, ოფიციალურად, მილიციიდან პროპუსკი გინდოდა. მილიცია გაძლევდა კომენდანტურასთან შეთანხმებით – ვის შეეძლო გასულიყო საზღვარზე?! ყველას არც უშვებდნენ. მაგ მომენტში მეც მოვხვდი: ჯარიდან რომ ჩამოვედი, ქალაქში ჩევეწერე და უპროპუსკოთ დედაჩემთან ვერ მოვდიოდი“, – ამბობს ზურაბ წითელაძე.
რეპრესიები
ისედაც შეზღუდვებით სავსე საბჭოთა კავშირში, მისი ოჯახი განსაკუთრებული კონტროლის ქვეშ იყო მამის წარსული საქმიანობის გამო. მამამ, შუქრი წითელაძემ, ჯერ სასულიერო განათლება მიიღო, შემდეგ კი გახდა ყადი – სასულიერო მსაჯული, დაახლოებით იგივე, რაც მოსამართლე. მეფის რუსეთის პერიოდში ის ქედის მაზრის ყადი იყო. გასაბჭოების შემდეგ, როგორც იმპერიის დროინდელი მოხელე, კომუნისტური წყობის მოწინააღმდეგედ შერაცხეს.
შუქრი წითელაძე დახვრეტას გადაურჩა, თუმცა მისი ოჯახი მძიმე რეპრესიების ქვეშ ცხოვრობდა.
„მე ძალიან ცუდი ბავშვობა მქონდა. მამა რეპრესირებული იყო და ჩვენ ყოველგვარი უფლება წართმეული გვქონდა. მახსოვს, მე-5 თუ მე-6 კლასში ვიყავი, შემოწმებაზე მოვიდნენ და დამმალეს – მე არ მქონდა უფლება, მესწავლა; მამაჩემს უფლება არ ჰქონდა დასწრებოდა მშობელთა კრებას.
მიზეზი – ძველი მთავრობის წარმომადგენელი იყო. კირნათი, აჭარისწყალი, მაჭახლის ხეობა შედიოდა ქედის მაზრაში, სადაც მამაჩემი იყო ყადი. ყადი ნიშნავს რაიონის სასამართლოს თავმჯდომარეს. რევოლუცია რომ მოხდა და თანდათანობით კომუნისტური პარტია მიიწევდა აღმა – ქედაში ავიდა, შუახევში ავიდა, ხულოში ავიდე, ორხელისუფლებიანობა რომ შეიქმნა ქედაში, მამაჩემი გამოიქცა. გამოიპარა. მაინც მოაკითხეს და დეიჭირეს“, – ამბობს ზურაბ წითელაძე.
მისი თქმით, დაკავების საფუძვლად პროკლამაციები გამოიყენეს, რომელიც თავადვე „ჩაუდეს“. შედეგ აწამეს, ბოლოს კი დახვრეტა მიუსაჯეს, რისგანაც სიმამრმა იხსნა.
„მამა გადაარჩინა სიმამრმა. შემთხვევით, მეგობარი ჰყავდა ჩეკისტებში – ახლა უსაფრთხოების სამსახურს ეძახიან, მაშინ ერქვა უშიშროება. თბილისში გადაყვანილ მამაჩემს, ჩაუსწრო და ჩამეიყვანა. მიუსწრო დახვრეტამდე. მანამდე აწვალეს – ბოდიში თქვენთან და კბილები დათხარეს, ბოთლზედ დასვეს მამაჩემი. გამოსატეხად, ვითომ. პროკლამაციები დაუდეს მამაჩემს. ბუხარში ჩამოუკიდეს. დასაჭერად რომ მოვიდნენ, სანამ მამას ბორკილებს გაუკეთებდნენ მანამდე ბუხარს ეცნენ და პროკლამაციები ჩამეიღეს. ასე დეიჭირეს მამაჩემი“, – გვიყვება ზურაბ წითელაძე.
შუქრი წითელაძე 1947 წელს გარდაიცვალა, ზურაბი მაშინ 10 წლისაც არ იყო. ოჯახი მამის გარდაცვალების შემდეგაც გრძნობდა წნეხს საბჭოთა ხელისუფლებისგან.
„სიმამრმა გადაარჩინა, სიცოცხლე შეუნარჩუნა, მაგრამ ხმა წაართვეს. კოლექტივში არ ვიყავით. მამა რომ მოკვდა, მერე შევედით კოლექტივში. ისიც წვალებით. არ გღებულობდნენ რაიონში. საოლქო კომიტეტის მდივანი იყო ბეჭვაია, სამეგრელოდან მოვლენილი, იმასთან მივიდა ბიძაჩემი, დედაჩემი წეიყვანა, ელაპარაკენ და ისე მიგვიღეს. მამა გადარჩა დახვრეტას, მაგრამ ცხოვრებისთვის ყოველგვარი უფლებები წართმეული ჰქონდა. მაგალითად, გადასახადს ორმაგს ვიხდიდით“, – იხსენებს ის.
მამის გარდაცვალებიდან დაახლოებით 30 წლის შემდეგ, 1970-იან წლებში ზურაბ წითელაძემ მისი რეაბილიტაცია შეძლო. საბჭოთა ხელისუფლებამ აღიარა, რომ ის უსამართლოდ იყო დასჯილი და შეზღუდული. პედაგოგს გული სწყდება, რომ ვერ მოიპოვა ოფიციალური მტკიცებულებები, რომლითაც დაადასტურებდა, რომ არა მხოლოდ მამა, არამედ მთელი მისი ოჯახი იყო რეპრესიების მსხვერპლი.
საზღვრის გახსნა
საბჭოთა კავშირის დანგრევის შემდეგ, როცა დამოუკიდებელ საქართველოსა და თურქეთს შორის მიმოსვლა შესაძლებელი გახდა, ზურაბის ძმები, მურადი და ომერი საზღვარზე გადავიდნენ და მამიდების შთამომავლები მოძებნეს. ზურაბს გული სწყდება, რომ მამიდაშვილებმა მათთან კომუნიკაციისა და ნათესაური ურთიერთობების აღდგენის შესაძლებლობას დიდი ენთუზიაზმით არ შეხვდნენ.
„ჩემს მამიდებს შვილიშვილები და შვილთაშვილები ჰყავთ. საზღვრები რომ გაიხსნა, ჩემი ძმები იყვნენ გადასულები. ქართული იციან, მარა გათურქებული არიან – ვინმეს არ ცნობენ, არ უნდებიან მიხვიდე-მოხვიდე, არ გვესტუმრნენ, ჩვენ ვესტუმრეთ – დიდი ყურადღება არ მოგვაქციეს. მეც დამაინტერესა, მაგრამ აგენი რომ იყვნენ და ყურადღება არ მიაქციეს, მეც არ ვისურვე გადასვლა. არ აინტერესებს კაცს და ძალით ხომ ვერაფერს იზამ?!”, – ამბობს ზურაბ წითელაძე.
საბჭოთა კავშირის დაშლას დადებით მოვლენად აფასებს. ბრაზობს მათზე, ვინც საბჭოთა წარსულს დადებითად იხსენიებენ.
„300 წელზე მეტი ოსმალებმა იბატონეს. მერე, რუსებმაც ბევრი გავლენა მოახდინეს. ხალხი დაჩაგრეს რუსებმა, მონა-მორჩილი გახადეს. მერე და მერე, ჩვენები კომუნისტურ პარტიაში შევდენ – ორჯონიკიძე, ფილიპე მახარაძე, მაგენი … ქართველები წუუძღვენ რუსებს წინ და ორჯონიკიძემ და მახარაძემ შამეიყვანეს საქართველოში რუსები. ლენინს მიწერეს, თბილისის თავზე წითელი დროშა ფრიალებს, გაუმარჯოს საბჭოთა საქართველოსო.
ვიღაცები ამბობენ, კაი დრო იყოო. მაგას იმიტომ ფიქრობენ, რომ გაყიდეს საქართველო, გახდენ კომუნისტები და აწვალებდნენ ხალხს. ვისთვის იყო კაი? მათთვის“, – ამბობს 88 წლის კაცი.
45 წელი სკოლაში და პენსიაზე გასვლა
ზურაბ წითელაძე თავისი კლასის გამოშვების ფოტოს გვაჩვენებს. „კირნათის საშუალო სკოლის პირველი გამოშვება“ – აწერია ფოტოს, რომელიც 1959 წელსაა გადაღებული. მასზე 30-მდე ადამიანია გამოსახული – მოსწავლეები, რომლებმაც პირველებმა დაასრულეს სოფელ კირნათის სკოლა და მათი მასწავლებლები.
„აქედან არცერთი აღარაა ცოცხალი ჩემ გარდა. მე ვარ ბოლო“, – გითხრა მას შემდეგ, რაც ყველას სახელი ჩამოგვითვალა და თითოეულ მათგანი გაიხსენა.
გაიხსენა, რომ სკოლაში სწავლისას „ჭვარტლიანი ლამპით ბუხარში შევძვრებოდი და გაკვეთილებს ვამზადებდი. აქეთ რომ გამომეტანა, ჭვარტლი მოედებოდა სახლ-კარს. გაჭირვება იყო”.
სკოლის დასრულების შემდეგ ჯარში წავიდა – 8 თვე აზერბაიჯანში, 2,5 წელი კი ურალში გაატარა. დაბრუნების შემდეგ ბათუმში დასახლდა, სადაც ჯერ სატვირთო მანქანის მძღოლად მუშაობდა, შემდეგ ბავშვთა პოლიკლინიკაში – იქაც მძღოლად. პარალელურად სწავლობდა ე.წ. დაუსწრებელ განყოფილებაში გეოგრაფიის ფაკულტეტზე, შემდეგ კი მშობლიურ სოფელში დაბრუნდა. 1979 წლიდან კირნათის თემში შემავალ, სოფელ შუშანეთის დაწყებით სკოლაში ასწავლიდა. 2019 წელს, 81 წლის ასაკში სწავლებას თავი დაანება და პენსიაზე გავიდა. სკოლაში, სადაც 45 წელი გაატარა, ახლა მისი შვილი ასწავლის.
„ჯერ ვიყავი რიგითი მასწავლებელი, მერე გამგე მასწავლებელი. ბოლოს დირექტორი და მერე პენსიაში გავედი“, – გვიხსნის ის.
პენსიაზე გასვლამდე სოფლის სამი თაობის მასწავლებელი იყო – ასწავლიდა მისი პირველი მოსწავლეების შვილიშვილებსაც. ფაქტობრივად, მთელი სოფელი მისი ყოფილი მოსწავლეა. ამის შესახებ საუბრისას გულისწყვეტა შეეტყო.
„მე სამი თაობა გამოვზარდე, მაგრამ ვინ გიფასებს ახლა?! ჩაბარდა ისტორიას. რამე დაგჭირდეს, მიხვალ – არა. რამე დახმარებას არ გიგიკეთებენ“, – გვითხრა მოკლედ. ამ თემაზე საუბრის გაგრძელება აღარ ისურვა.
გვითხრა, რომ ჰყავს 5 შვილი, 11 შვილიშვილი და 4 შვილთაშვილი. დროს ძირითადად სახლში და მის შემოგარენში ატარებს.
„ხანდახან ბაღჩაში ჩევპარები და მიშლიან“, – გაგვიმხილა სიცილით.
იმედი
ზურაბ წითელაძე ამბობს, რომ უკეთესი მომავლის შესაქმნელად ახალგაზრდებმა წარსულის გამოცდილება უნდა იცოდნენ. გვითხრა, რომ ამიტომ მოგვიყვა დეტალურად მისი ოჯახის და სოფლის ისტორია.
„მომავალმა თაობამ უნდა იცოდეს ვინ ვყავით, დღეს ვინ ვართ და ხვალ ვინ ვიქნებით. ამიტომაა საჭირო ისტორიის ცოდნა. ბევრი გარბის სოფლიდან. სულ არ მომწონს ეს. სოფელი საჭიროა. სოფელში უნდა იცხოვრო. სოფელმა გამზარდა მე. აქ დევბადე, აქ გევზარდე. დღეს დაცლილია. სოფელში რომ გაიარო და დეელაპარიკო, ვინმე არ არის. წასულია აქიდან ყველა, – ამბობს ზურაბ წითელაძე.
ზურაბ წითელაძე მხარს უჭერს საქართველოს გაწევრიანებას ევროკავშირში და დაბეჯითებით გვეუბნება, რომ ეს აუცილებლად მოხდება.
„ევროპული ქვეყანა ჯობია. ყოველნაირად დაცულები ვიქნებით. დღეს საქართველო საშიშროების ქვეშაა. რუსებისგან, ძირითადად და თურქებისგან კიდევ. ევროპული ცხოვრება თავისუფალი ცხოვრებაა. დღეს ჩვენც თავისუფლება ვართ, დამოუკიდებელი ქვეყანა გვაქვს. მართალია, ჯერ სახელმწიფო არაა აწყობილი იმ დონეზე, რომ ევროპა მიიღოს, მაგრამ შევალთ, ევროპაში შევალთ, აუცილებლად“, – ამბობს 88 წლის ზურაბ წითელაძე.
„როცა ცხოვრობ დიქტატორის განმტკიცების, ფეხის მოკიდების პირობებში, იქ აუცილებლად იქნება თავისუფალ ადამიანებზე ნადირობა და ამას ეროვნული მნიშვნელობის ამოცანადაც გამოგვიცხადებენ. მთავარია, არ შევეგუოთ და სასოწარკვეთას არ მივეცეთ.
ვახო სანაიას პოსტი ჩემთვის შესანიშნავი პროტესტი იყო სიტყვისა და აზროვნების წინააღმდეგ დაწყებული შეზღუდვების გამოხატვისთვის.
რომელ ტრიბუნასთან და რა სტატუსითაც არ უნდა წარსდგეს ბატონი პაპუაშვილი, ვახოს პატიმრობის განაჩენის შემდეგ, მჯერა, ყოველ ჯერზე, ვახოს ფეისბუქის სტატუსის ეპითეტით გაახსენდება ის საზოგადოებას.
თუ რეპრესიული კანონისთვის ვახოს პატიმრობა იყო სამართალი, მაშინ მოისმინეთ და შეირგეთ იმ ხალხის გულწრფელი ხმაც, რომელიც ისმის – დაილოცოს ქართული სიტყვის მადლი.
მადლობა ვახოს. როგორც მაყურებელი ველოდები მის გათავისუფლებას და ტელეეთერს“, – ამბობს მზია ამაღლობელი, რომელიც უკვე თითქმის 19 თვეა უკანონო პატიმრობაშია.
___
22 ივლისს, მოსამართლე ზვიად ცეკვავამ 14-დღიანი ადმინისტრაციული პატიმრობა შეუფარდა „ფორმულას“ ჟურნალისტს, ვახო სანაიას, შალვა პაპუაშვილისა და ლადო ბოჟაძის სოციალურ ქსელში შეურაცხყოფის საბაბით.
„კამერა მივაწოდე, არაფერი მეტი, მალე მოვიდნენ ბიჭებიც და გამოვიყვანეთ“, – ასე გვიყვება ლელა ფარტენაძე ამბავს, რომელზეც საზოგადოება სოციალურ ქსელში აქტიურად წერს და გმირობას უწოდებს, ლელას კი – ამ ამბის გმირს.
ლელა ამბობს, რომ „კამერა მიაწოდა და არაფერი მეტი“, მაგრამ თვითმხილველები ფეისბუქზე წერენ, რომ ბიჭის გადარჩენას სხვებიც შეეცადნენ, მაგრამ „ამ გოგომ ყველაზე მეტად გარისკა.“
შემთხვევა საღამო ხანს, ბათუმის სანაპიროზე მოხდა, „სანრემოს“ მიმდებარედ 20 წლის ბიჭი ზღვაში ტივტივაზე ოდნავ შორს იყო გასული, ყვიროდა და შველას ითხოვდა.
ამ დროს სანაპიროზე იყო და სახლში წასასვლელად ემზადებოდა ლელა ფარტენაძე. ის მცირეწლოვან შვილთან, მულთან და მის შვილებთან ერთად იყო, როცა საფრთხეში ჩავარდნილი ბიჭის ხმა გაიგო.
ლელა არც კი დაფიქრებულა, დაუყოვნებლივ გადახტა წყალში, სწრაფად გაცურა და ე.წ. დამცავი კამერა მიუტანა მას, ბიჭი კამერას დაეყრდნო, ამ დროს მიუახლოვდნენ სხვებიც და ახალგაზრდა ნაპირზე უსაფრთხოდ გამოიყვანეს.
„ბავშვს ჩავაცვი, ის იყო წასვლას ვაპირებდით, როცა ხმა გავიგე. ცურვა კარგად ვიცი, ბათუმში გავიზარდე, ახლა თბილისში ვცხოვრობ, როცა დავოჯახდი იქ გადავედი.
მსგავსი შემთხვევა არასდროს მქონია, ერთადერთი, რაც ვიცი, არის ის, რომ პანიკაში მყოფ ადამიანს წყალში უკანა მხრიდან უნდა მოუახლოვდე, მხრებში უნდა მოკიდო ხელი, მე ეს არ დამჭირვებია, კამერა გავუტანე, მალევე კაცები მოვიდნენ და ისინი დაეხმარნენ, ერთად გამოვიყვანეთ.“
ლელას სიმამაცის ამბავი ფეისბუქზე გავრცელდა. ლელა ამბობს, რომ ძალიან ბედნიერია, როცა ხალხი პოზიტიური კომენტარებით ეხმაურება მის ამბავს:
„იმდენი მეხმიანება და მლოცავს, როცა ამას ვკითხულობ, ძალიან ბედნიერი ვარ, მეც და ჩემს ოჯახიც. მეუღლეც ბედნიერია, ისიც კი არ უთქვამს – გარისკეო და ასე შემდეგ. მითხრა, ამხელაა მადლი რომ გააკეთე, ძალიან ბედნიერი ვარო. ყველას მადლიერი ვარ, ძალიან დიდი მადლობა“.
ლელა ფარტენაძე ოჯახთან ერთად
ლელას გადარჩენილი ბიჭის მამიდამ დაურეკა, უთხრა, რომ ბიჭი კარგად არის.
ლელა პროფესიით ექთანია, თუმცა ამ მიმართულებით არ მუშაობს, ახლა ბაგა-ბაღშია დასაქმებული.
ლელა გვიყვება, რომ ბავშვობიდან ცურავს, თუმცა შორს გასვლას აღარ რისკავს: „ახლა უკვე პატარა მყავს, არ ვრისკავ“, თუმცა სხვის გადასარჩენად შორს გასვლაზე არ უყოყმანია.
უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2026 წლის 26 ივლისამდე პერიოდში, რუსეთის არმიის საბრძოლო დანაკარგი არის:
ცოცხალი ძალა – დაახლოებით 1 438 990 ადამიანი [გასულ დღე-ღამეში +1 440. ამ მონაცემებში შედის როგორც დაღუპულები, ასევე დაჭრილები]
ტანკი – 12 217 ერთეული [+9]
ჯავშანტექნიკა – 25 019 ერთეული [+8]
საარტილერიო სისტემა – 46 794 ერთეული [+70]
MLRS – 1 969 ერთეული [+1]
საზენიტო საბრძოლო სისტემა – 1 518 ერთეული [+0]
თვითმფრინავი – 439 ერთეული [+0]
ვერტმფრენი – 354 ერთეული [+0]
უპილოტო საფრენი აპარატის ოპერატიულ-ტაქტიკური დონე – 428 286 ერთეული [+1 450]
სახმელეთო რობოტიზებული კომპლექსი – 2 031 ერთეული [+8]
გემი/ნავი – 34 ერთეული [+0]
წყალქვეშა ნავი – 2 ერთეული [+0]
მანქანები და საწვავის ავზები – 125 811 ერთეული [+453]
სპეცტექნიკა – 4 465 ერთეული [+3]
ფრთოსანი რაკეტა [ჩამოაგდეს] – 4 944 ერთეული [+1]
უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.
უკრაინის სამხედრო დანაკარგებზე სტატისტიკური ინფორმაცია 2026 წლის 25 თებერვლის შემდეგ აღარ განუახლებია რუსეთს.
რუსეთის თავდაცვის სამინისტროს მიერ ტელეგრამ არხზე ბოლოს გავრცელებული მონაცემებით, ომის დაწყებიდან 2026 წლის 25 თებერვლამდე პერიოდში სულ განადგურებულია უკრაინის:
670 თვითმფრინავი
283 ვერტმფრენი
117 299 უპილოტო საფრენი აპარატი
651 საზენიტო სარაკეტო სისტემა
27 873 ტანკი და სხვა ჯავშანტექნიკა
1 674 მრავალჯერადი სარაკეტო გამშვები
33 474 საველე არტილერია და ნაღმმტყორცნი
55 252 სპეციალური სამხედრო მანქანა
ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.
ამასთან, აღნიშნულ მონაცემებთან ერთად რუსეთის თავდაცვა, უკრაინის და რუსეთის არმიის ცოცხალი ძალის საერთო დანაკარგების შესახებ სტატისტიკას არ აქვეყნებს. უკრაინის არმიის ცოცხალი ძალის დანაკარგების შესახებ მონაცემებს არ აქვეყნებს არც უკრაინა.
ტელეკომპანია „პირველის“ ინფორმაციით, აჭარის პოლიციის ყოფილი უფროსი, გრიგოლ ბესელია, რომელიც „ბათუმელებისა“ და „ნეტგაზეთის“ დამფუძნებლის, მზია ამაღლობელის საქმის ერთ-ერთი ფიგურანტი და ცრუმოწმეა, სამსახურიდან წასვლის შემდეგ სამშენებლო კომპანია M2-ის დაცვის უფროსად დანიშნეს.
გრიგოლ ბესელიამ აჭარის პოლიციის დეპარტამენტის უფროსის პოსტი 4 აპრილს დატოვა. 2025 წლის მაისში იგი ცენტრალური კრიმინალური პოლიციის დეპარტამენტის დირექტორის, თეიმურაზ კუპატაძის მოადგილედ დანიშნეს, მალევე კი ამ თანამდებობიდანაც გაუშვეს.
ბოლო წლებში მის მიერ შევსებული ქონებრივი დეკლარაციების მიხედვით, გრიგოლ ბესელია უძრავ ქონებას არ ფლობს. მას არც სახლი აქვს, არც ბინა და არც მანქანა. სამაგიეროდ, თბილისთან ახლოს მდებარე სოფელ ტაბახმელაში, პრესტიჟულ უბანში, სახლი აიშენა გრიგოლ ბესელიას დედამ, დალი წეროძემ.
სწორედ ამ სახლის აივანზე გადაიღო ის დღეს, 25 ივლისს „ტვ პირველმა“.
დალი წეროძე საკუთრებაში ფლობს მიწის ნაკვეთს ტაბახმელაში. რეესტრის ამონაწერის მიხედვით, დალი წეროძეს ეკუთვნის 530 კვ.მეტრი, გიორგი წეროძეს კი 670 კვ.მეტრი მიწის ნაკვეთი. ორივე ნაკვეთზე ახალაშენებული სახლი დგას. თითოეული სახლის ფართობი 260 კვ.მეტრზე მეტია. ეს ნაკვეთი 2012 წელს ეკუთვნოდა კომპანიას, რომელიც კვიპროსშია დარეგისტრირებული.
გრიგოლ ბესელიამ დეკლარაციაში ცოლი არ ჩაწერა. დეკლარაციის მიხედვით, პოლიციის მაღალჩინოსანს „სულ არაფერი არა აქვს“, არც სახლი, არც მანქანა.
2024 წელს შევსებული დეკლარაციის მიხედვით კი [წინა დეკლარაციები არ იძებნება] ბესელიას თიბისი ბანკის ვალი ჰქონდა, 65 000 დოლარის იპოთეკური სესხი 2021 წელს აუღია და 2036 წლის ჩათვლით უნდა გადაეხადა. 2023 წელს გასავალში 63 212 13 USD მიუთითა.
მამა – ავთანდილ ბესელია ფლობს 3994 კვ.მეტრ მიწის ნაკვეთს სენაკის მუნიციპალიტეტის სოფელ ნოსირში. ეს ნაკვეთი მან 2023 წელს სისტემური რეგისტრაციის ფარგლებში დაირეგისტრირა. ამ ნაკვეთთან ახლოს ის ფლობს კიდევ ორ ნაკვეთს, ერთი 659 კვ.მეტრია და ამ ნაკვეთზევეა განთავსებული ორსართულიანი სახლი, მეორე ნაკვეთი კი სახლისა და ეზოს მომიჯნავედ 2377 კვ.მეტრია.
ავთანდილ ბესელია ფლობს ასევე ბინას თბილისში, ბუდაპეშტის ქუჩაზე [91 კვ.მეტრი].
გრიგოლ ბესელია შინაგან საქმეთა სამინისტროში 2005 წლიდან მუშაობს. ის თავდაპირველად ფოთის პოლიციის სამმართველოს უფროსის მოადგილე იყო, 2009 წლიდან კი, თბილისის მთავარი სამმართველოს გლდანი-ნაძალადევის სამმართველოს უფროსად გადაიყვანეს.
ხელისუფლების შეცვლის შემდეგ, 2013 წელს, გრიგოლ ბესელია სამეგრელო-ზემო სვანეთის სამხარეო მთავარი სამმართველოს უფროსად დანიშნეს, თუმცა ერთ წელში ის ისევ თბილისში დაბრუნდა. 2014 წლიდან გრიგოლ ბესელია თბილისის მთავარი სამმართველოს უფროსის მოადგილედ დანიშნეს. 2022 წლიდან კი აჭარის პოლიციის უფროსი იყო.
საჯარო რეესტრის მონაცემებით, გრიგოლ ბესელია ფლობდა ბინას თბილისში 118 კვ.მ-ს, ჭავჭავაძის გამზირზე, ახლა ეს ბინა მისი ყოფილი ცოლის, თამარ დოლიძის სახელზეა გადაფორმებული, ჩუქების ხელშეკრულების საფუძველზე. ეს ბინა ბესელიას 2016 წელს უყიდია.
გრიგოლ ბესელია მზია ამაღლობელის საქმის ერთ-ერთი მთავარი მონაწილეა. გრიგოლ ბესელია და ბათუმის პოლიციის დეპარტამენტის უფროსი, ირაკლი დგებუაძე უშუალოდ ხელმძღვანელობდნენ ბათუმში მიმდინარე პროევროპულ საპროტესტო აქციებზე პროტესტის მონაწილეების დაკავებასა და ცემას. სწორედ გრიგოლ ბესელიამ დააკავა მზია ამაღლობელი 2025 წლის 11 იანვარს სტიკერის გაკვრისთვის, თუმცა შსს-მ დაკავების ოქმი გააყალბა, იმის მიუხედავად, რომ არსებობს მზია ამაღლობელის დაკავების ამსახველი, უწყვეტი ვიდეოკადრები.
გრიგოლ ბესელიას ამტკიცებდა, რომ მზია ამაღლობელი მას არ დაუკავებია.
გრიგოლ ბესელიამ 28 აპრილს მისცა ჩვენება მზია ამაღლობელის საქმეზე. „ცრუპენტელა, ცრუ მოწმე, მატყუარა“, – ამ შეძახილებითგააცილეს იგი მოქალაქეებმა ბათუმის საქალაქო სასამართლოს შენობიდან.
რუსული მედიის თანახმად, დღეს, 25 ივლისს, პირადად პუტინის თანდასწრებით ისაუბრა ყაზახეთის პრეზიდენტმა უკრაინასთან ომის შეჩერების აუცილებლობაზე.
ამის შესახებ ყასიმ-ჟომართ თოყაევმა ომსკში ვლადიმირ პუტინთან შეხვედრის დროს განაცხადა, სადაც ყაზახეთის პრეზიდენტი ყაზახეთისა და რუსეთის რეგიონთაშორისი თანამშრომლობის XXII ფორუმში მონაწილეობის მისაღებად ჩავიდა.
„ეს ყველაფერი უნდა შეჩერდეს. რადგან, ჩემი მტკიცე რწმენით, რაც ახლა ხდება, მხოლოდ ჩვენი მოწინააღმდეგეების ინტერესებსა ემსახურება – როგორც რუსეთის, ისე უკრაინის სახელმწიფოს მოწინააღმდეგეების გახარებას“, – განაცხადა მან.
თოყაევმა აღნიშნა, რომ რუსეთისა და უკრაინის კონფლიქტთან დაკავშირებით „ევროპიდან და აშშ-დან უამრავ სიგნალს იღებს“.
„ჩვენ ყოველთვის პატივისცემით ვეკიდებოდით უკრაინელ ხალხს. ამ კონფლიქტის ბუნება ბევრისთვის ბოლომდე გასაგები არ არის, მათ შორის არც ჩვენთვის… ვიცი, რომ თქვენ ალასკაზე მაქსიმალური დიპლომატიური მოქნილობა გამოიჩინეთ. ეს ჩემი მოკრძალებული აზრია. შესაძლოა, უკვე დროა კონფლიქტი გაიყინოს და მხარეები დაუბრუნდნენ სტამბოლის 2.0 შეთანხმებებს. რა თქმა უნდა, ისეთი დიდი სახელმწიფოს გარანტიით, როგორიცაა აშშ-ია. მე კატეგორიულად ვამბობ უარს შუამავლის როლზე“, – დასძინა მან.
___
მეხუთე წელი რუსეთი სრულმასშტაბიან ომს აწარმოებს უკრაინაში.
სტუდია „მონიტორის“ ინფორმაციით, დღეს, 25 ივლისს, დილიდან „მონიტორის“ არხი YouTube-ზე გათიშულია. ამის მიზეზი არხზე განხორციელებული კოორდინირებული კიბერშეტევაა.
„1 ივლისს ჩვენ გავავრცელეთ განცხადება, რომ კოორდინირებული კიბერშეტევის შედეგად Meta-მ „მონიტორის“ რამდენიმე მასალა წაშალა, თუმცა პლატფორმასთან კომუნიკაციის შედეგად ეს მასალები რამდენიმე დღეში აღდგა. ამჯერად, YouTube-ზე გაასაჩივრეს (ე.წ. დაარეპორტეს) ჩვენი 3 მასალა:
პირველი ეხება თბილისის მერის, კახა კალაძის მეუღლის, ანა არეშიძის Hermès-ის კოლექციას;
მეორე მასალა შეეხება სანქცირებულ მოსამართლეებს;
მესამე კი არის ჩვენი ვრცელი ჟურნალისტური გამოძიების ნაწილი, რომელიც ეხება სიგარეტზე აქციზის ფასის ცვლილებას — ის ხელისუფლებასთან დაახლოებული ბიზნესმენის, ვანო ჩხარტიშვილის ბიზნესინტერესებს აკმაყოფილებდა.“ – წერს „მონიტორი“ ფეისბუქის გვერდზე.
„მონიტორის“ გუნდი ამ ფაქს აფასებს როგორც ზეწოლის და გაჩუმების მცდელობას:
„ჩვენ ამ ტიპის შეტევებს განვიხილავთ, როგორც დამოუკიდებელი მედიის გაჩუმებისა და საზოგადოებისთვის ობიექტური ინფორმაციის მიწოდების შეზღუდვის მორიგ მცდელობას. თუმცა, მსგავსი მეთოდებით ჩვენს საქმიანობას ხელს ვერ შეუშლიან. მადლობა, რომ გვგულშემატკივრობთ! ვიდრე YouTube არხის პრობლემას აღმოვფხვრით, აუცილებლად გამოგვყევით ჩვენს სხვა პლატფორმებზე: Facebook-ზე, Instagram-სა და TikTok-ზე.“
„მონიტორის“ ინფორმაციით, გუნდი აქტიურად მუშაობს კოორდინირებული შეტევით გამოწვეული პრობლემის მოსაგვარებლად და არხის დროულად აღსადგენად.
„ოცნების“ მთავრობა აქვეყნებს სტატისტიკას, რომლის მიხედვითაც კიდევ უფრო გამკაცრებული ნარკოპოლიტიკის შემდეგ, ნარკოდანაშაულის რაოდენობა ქვეყანაში მკვეთრად გაიზარდა.
მაგალითად, შსს-ს სტატისტიკის მიხედვით, 2026 წლის პირველ კვარტალში 3 553 ნარკოდანაშაულის [სსკ-ის 260 – 274 მუხლები] შემთხვევა დაფიქსირდა. 2025 წლის ანალოგიურ პერიოდში ქვეყანაში 1738 ნარკოდანაშაულის ფაქტის ჩადენა დაფიქსირდა. მხოლოდ ნარკოდანაშაულის მაჩვენებელი 104 %-ით გაიზარდა.
„ეს არის რუსული მოდელი – არ არის ადამიანი, არ არის პრობლემა,“ – მკაფიო შეფასება აქვს ნარკოდანაშაულის გაზრდილ სტატისტიკაზე ექიმ-ნარკოლოგს და “ფედერალისტების” ერთ-ერთ ლიდერს – ზურაბ სიხარულიძეს. – „ციხეებში დაპატიმრებულები ვეღარ მოიხმარენ ნარკოტიკს?… თუ დასჭირდებათ, საარჩევნოდ, გამოუშვებენ. რეალიზატორებს კი, რომლებსაც წესით უვადო ან 20 წელი უნდა ჰქონდეთ, საპროცესოს უფორმებენ… როცა მხოლოდ მიწოდებას ებრძვი და მოთხოვნა ისევ დიდია, ასე პრობლემა არსად არ გვარდება.
ჩვენ უკვე დაბრუნებული ვარ 90-იან წლებში, კიდევ უფრო უარეს მდგომარეობაში ვართ ახლა, ვიდრე 90-იანებში გვქონდა, ისეთი ნარკოტიკული საშუალებები შემოვიდა ბაზარზე, არავინ იცის, რა არის, კიდევ უფრო მეტად გაზრდილია საფრთხე,“ – ამბობს „ბათუმელებთან“ ექიმი-ნარკოლოგი, ფედრალისტი ზურაბ სიხარულიძე.
რა იცვლება ნარკოდანაშაულის მიმართ სისხლის სამართლის პოლიტიკის გამკაცრებით? – „ბათუმელები“ ამ საკითხზე ექიმს, ფედერალისტს, ზურაბ სიხარულიძეს და ადვოკატ ირაკლი ჩომახაშვილს ესაუბრა.
კიდევ რა ჩანს სტატისტიკიდან?
ნარკოდანაშაულის მაჩვენებელი საქართველოში 2025 წლიდან მკვეთრად იზრდება, მას შემდეგ, როცა ქვეყანაში ნარკოდანაშაულის მიმართ სისხლის სამართლის პოლიტიკა კიდევ უფრო გამკაცრდა.
შსს-ს სტატისტიკით, 2025 წელს ქვეყნის მასშტაბით 10 4475 ნარკოდანაშაულის ფაქტი დაფიქსირდა. აქედან 5322 პირი გახდა მსჯავრდებული [უცნობია, მათ შორის, რამდენია პატიმრობაში]. 2024 წელს კი ნარკოდანაშაულის 5 598 ფაქტი დაფიქსირდა, შესაბამისად, წინა წელთან შედარებით 87 %-ით გაიზარდა.
სხვადასხვა დანაშაულის მიხედვით მსჯავრდებულთა რაოდენობას პერიოდულად აქვეყნებს სტატისტიკის ეროვნული სამსახური.
2025 წელს ნარკოდანაშაულისთვის მსჯავრდებული 5322 პირი
2024 წელს 2814 პირი
2023 წელს – 2636
2022 წელს – 2063
2021 – 1254
2020 – 1216.
ნარკოდანაშაულის 2025 წლის მაჩვენებელი – 5322, არც წინა მთავრობის წლებში არ დაფიქსირებულა, მაგალითად, 2012 წელს ნარკოდანაშაულისთვის 1 100 პირი იყო მსჯავრდებული, 2010 წელს – 2374.
რა უთხრა მოსამართლეს ნარკოდანაშაულში ბრალდებულმა ქალმა?
დღე არ გავა, მინიმუმ რამდენიმე ნარკოდანაშაულის საქმე არ განიხილონ ბათუმის საქალაქო სასამართლოში. სასამართლო სხდომების ჩამონათვალზე თვალის გადავლებაც საკმარისია იმის დასანახავად, რომ საქმეების თითქმის ნახევარი ყოველ დღე ნარკოდანაშაულს ეხება.
მაგალითად, გუშინ, 24 ივლისს, მოსამართლე ნინო სახელაშვილმა ნარკოტიკების შეძენა-შენახვაში ბრალდებულ ქალს ანასტასია ჩ.-ს მოუსმინა. პროკურატურის ვერსიით, მან დაუდგენელ დროსა და ვითარებაში შეიძინა 0.282 გრამი კოკაინი, რაც ბრალდებულის ბინის ჩხრეკის დროს იპოვეს. მანამდე კი, ბრალდებული ქალი, ციხისძირში, ერთ-ერთი სასტუმროს მიმდებარე ტერიტორიაზე გაჩხრიკეს და 44,867 გრამი ტეტრაჰიდროკანაბინოლი ამოუღეს.
ბრალდებული რუსეთის მოქალაქეა. მისი თქმით, იგი მეგობარ კაცთან ერთად, რომელიც IT სპეციალისტია, საქართველოში საცხოვრებლად რუსეთ-უკრაინის ომის შემდეგ წამოვიდა. წყვილი მახინჯაურში ცხოვრობდა ნაქირავებ ბინაში.
ანასტასია ჩ.-ს ჩვენების მიხედვით, მას ამ ნარკოტიკულ საშუალებებთან არანაირი შეხება არ ჰქონია და წარსულში პარტნიორმა რამდენჯერმე მხოლოდ მარიხუანა მოაწევინა.
„დანიელთან დაშორება მქონდა გადაწყვეტილი, ვიდრე დამაკავებდნენ… დაკავებამდე 2 კვირით ადრე დანიელი მოვიდა სახლში თავზე ჭრილობით, სხეულზე სხვადასხვა დაზიანება ჰქონდა, მაგრამ არ თქვა, რა მოხდა… მითხრა, არ მსურს პოლიციასთან კავშირი და შენც არ მოგიყვები, რა მოხდა, ასე სჯობია შენივე უსაფრთხოებისთვისო. დანიელმა კერძო ექიმის მოყვანაზეც უარი მითხრა, თავისით სვამდა ტკივილგამაყუჩებლებს.
იმ დღეს, ვიდრე დამაკავებდნენ, მთხოვა, რაღაც ნივთია გამოგზავნილი და სანატორიუმის ტერიტორიაზე უნდა შევხვედროდი მეგობარს… დავთანხმდი, რადგან მას სიარული არ შეეძლო… იქ ღობეზე დამხვდა ჩამოკიდებული ნაჭრის ჩანთა. დანიელს დავურეკე და ვკითხე, ეს უნდა იყოს შენი მეგობრის დანატოვარი ნივთი-მეთქი და კიო.
ტაქსის გამოძახებას ვაპირებდი, ამ დროს მოვიდა ჩემთან ორი პოლიციელი,“ – დაახლოებით ამ სიტყვებით მიმართა მოსამართლეს ბრალდებულმა.
ანასტასია ჩ.-ს თქმით, მას დანიელი, ანუ პარტნიორი დაჰპირდა, რომ სასამართლოში მოვიდოდა და ყველაფერს იტყოდა, თუმცა ჩვენების მიცემამდე დანიელი გაუჩინარდა. დღევანდელ პროცესზე ადვოკატმა შოთა ხორავამ ანასტასიას პარტნიორის – დანიელის გამოკითხვის ოქმი თავად წაიკითხა. ამ ოქმის მიხედვით, დანიელი ამბობს, რომ ქალს ნარკოტიკებთან არანაირი შეხება არ ჰქონია, ხოლო როცა ანასტასიას დაკავების შემდეგ მათი ბინა გაჩხრიკეს და იქიდანაც ნარკოტიკული ნივთიერება ამოიღეს, ის ნარკოტიკული ნივთიერება პოლიციელებმა ჩაუდეს.
„რაც დაფიქსირდა, არ იყო სინამდვილე… პოლიციელები მემუქრებოდნენ გაუპატიურებით, ამიტომაც მოვაწერე ხელი გარკვეულ დოკუმენტებს,“ – უთქვამს დანიელს ადვოკატისთვის.
აქ საინტერესო ერთი გარემოებაა: პოლიციელებმა სახლის ჩხრეკის დროს ამოიღეს ნარკოტიკული საშუალება, სადაც მხოლოდ დანიელი იყო, მაგრამ მათ არათუ არ დააკავეს ეს კაცი, ნარკოლოგიური შემოწმებაც კი არ ჩაუტარეს.
ადვოკატი შოთა ხორავა ამბობს, რომ ეჭვი აქვს, ეს კაცი მართლაც იყო ჩართული ნარკოდანაშაულში და მუშაობდა „დამდებად“, ანუ რეალიზების ხელშემწყობი იყო:
„სავარაუდოდ, იმ დღეს, როცა ის გასისხლიანებული გავიდა, პოლიციელებმა შენიშნეს, ვერაფერი დაუდასტურეს, მაგრამ აიძულებდნენ თანამშრომლობას, შემდეგ კი, შედგა გარიგება…
პროკურატურას არ აქვს პასუხი: რატომ არ დააკავეს ეს კაცი. დღეს ამბობენ, ვერ ვპოულობთო, მაგრამ მანამდე? მას ნარკოლოგიური შემოწმებაც კი არ ჩაუტარეს. გარდა ამისა, ექსპერტიზა არ ჩაუტარეს ტელეფონს, რაც ჩემი დაცვის ქვეშ მყოფს გამოართვეს, შინაარსობრივად მიმოწერა არავის გამოუკვლევია. გამოძიებას არც ექსპერტიზა დაუნიშნავს, რომ დაედგინა ბრალდებულის კავშირი ამ ნარკოტიკულ ნივთიერებებთან.
სავარაუდოდ, რადგან ეს ქალი მასთან დაშორებას აპირებდა, კაცმა ეს მოიფიქრა,“ – უთხრა „ბათუმელებს“ ადვოკატმა შოთა ხორავამ.
ბრალდებულმა ქალმა მოსამართლეს უთხრა ისიც, რომ ბიპოლარული, აფექტური აშლილობა აქვს და ეს დადასტურებულია შესაბამისი დასკვნებით.
ანასტასია ჩ.-ს თქმით, დარღვეულია ასევე დაკავების პროცედურები: ადვოკატთან დაკავშირების საშუალება არ მისცეს, კაცმა პოლიციელებმა გაჩხრიკეს მისი წინააღმდეგობის მიუხედავად, შემთხვევის ადგილზე ვიდეო გადაიღეს და ოქმებიც შეავსეს ქალი პოლიციელების გამოჩენის შემდეგ.
ადვოკატი ირაკლი ჩომახაშვილი: „მოსამართლეებს შეუძლიათ შეაჩერონ საქმის განხილვა და მიმართონ საკონსტიტუციოს… “
ადვოკატი ირაკლი ჩომახაშვილი „ბათუმელებთან“ განმარტავს, როგორ აუარეს გვერდი ბოლო პერიოდში „ოცნების“ პარლამენტში, საკონსტიტუციო სასამართლოს მიერ ნარკოდანაშაულის შესახებ მანამდე მიღებულ გადაწყვეტილებებს, მაგალითად, იმას, რომ მარიხუანას მცირე ოდენობაზე არ შეიძლება ადამიანს თავისუფლების აღკვეთა მიუსაჯონ.
„მოგეხსენებათ, საკონსტიტუციო სასამართლოს მიღებული აქვს გადაწყვეტილება ტეტრაჰიდროკანაბინოლთან მიმართებით, სადაც აღნიშნულია, რომ კონკრეტული რაოდენობის შეძენა-შენახვის შემთხვევაში, არ შეიძლება სასჯელის სახით თავისუფლების აღკვეთის დანიშვნა. აღნიშნული მუხლი არაკონსტიტუციურად იქნა ცნობილი, ამიტომ საკანონმდებლო ორგანომ შეიმუშავა ახალი მუხლი, თუ მანამდე ამოიღეს 273-ე მუხლი, ამჯერად კანაფი გადავიდა 260-ე მუხლში, ანუ ზოგად ნარკოტიკულ დანაშაულში და გამკაცრდა პოლიტიკა.
ირაკლი ჩომახაშვილი
რახან 273-ე მუხლი გაუქმდა საკონსტიტუციო სასამართლოს გადაწყვეტილების მიღების შემდეგ, მიიღეს ახალი მუხლები: 260 პრიმა, 260 სეკუნდა, 260 ტერცია – ახლები მიიღეს. ეს არის საკანონმდებლო რეგულაციის ტექნიკის ამბავი… მცირე ოდენობით მარიხუანას შეძენა-შენახვაზე [5 გრამი მარიხუანა გამომშრალი და 10 გრამი – ნედლი მარიხუანა], ფაქტობრივად, ახალი რეგულაციებით, სასამართლომ შესაძლებელია დანიშნოს ისევ თავისუფლების აღკვეთა.
ასე მოხდა კიდეც: ერთ-ერთ საქმეზე, საპროცესო შეთანხმების დამტკიცებაზე პირველი ინსტანციის სასამართლომ თქვა უარი, რადგან შეთანხმება ითვალისწინებდა ერთწლიან თავისუფლების აღკვეთას პირობით, მაგრამ სააპელაციომ დააკმაყოფილა საპროცესო: ჩვენ დღეს მოქმედ კანონმდებლობას აღვასრულებთო, თუ ვინმე მიმართავს საკონსტიტუციოს, შემდეგ ვიმსჯელოთო.
გამოდის, სიკვდილით დასჯა რომ შემოვიდეს, ვიდრე საკონსტიტუციოს არ მივმართავ და ის არ იტყვის, რომ ეს არაკონსტიტუციურია, სასამართლომ ასეთი კანონით უნდა აღასრულოს სამართალი?
265-ე მუხლი ეხებოდა მცენარე კანაფის კულტივირებას. რადგან საკონსტიტუციომ 265-ე მუხლის ნორმატიული შინაარსიც გააუქმა, ამათ ტექნიკა გამოიყენეს – გააუქმეს 265-ე მუხლი, მაგრამ 265 პრიმა დაამატეს, შინაარსობრივად აბსოლუტურად იგივე ჩაწერეს: ეს ახალი ჩანაწერია და შეგიძლიათ ხელახლა მიმართოთ საკონსტიტუციოსო. სავარაუდოდ, შეიძლება უკვე იციან, რომ საკონსტიტუციომ მიდგომა შეცვალა,“ – გვიყვება ადვოკატი ირაკლი ჩომახაშვილი.
რა შეუძლია ამ დროს მოსამართლეს? – ადვოკატი კითხვის პასუხად თეთრიწყაროს ცნობილ მოსამართლეს გვახსენებს, ვლადიმერ ხუჭუას, რომელმაც მარიხუანას ნაწილშიც მიმართა საკონსტიტუციოს, „ოცნების“ პარლამენტის რეპრესიული კანონებით ვერ გავასამართლებ მე ადამიანებსო. ამ მოსამართლის წარდგინებები საკონსტიტუციომ არც კი განიხილა. მაგრამ რა მოხდება იმ შემთხვევაში, თუ ერთდროულად რამდენიმე მოსამართლე გააჩერებს საქმის განხილვას და საკონსტიტუციო სასამართლოს მიმართავს?
თუ რომელიმე მოსამართლე მიიჩნევს, რომ კონკრეტული სამართლებრივი ნორმა ბუნდოვანია, ან უსამართლოა და ეწინააღმდეგება საქართველოს კონსტიტუციას, მას შეუძლია საქმის განხილვა შეაჩეროს და საკონსტიტუციო სასამართლოს მიმართოს. საქმისწარმოების განახლება ამ შემთხვევაში საკონსტიტუციო სასამართლოს გადაწყვეტილებაზეა დამოკიდებული.
„სასამართლოს, რა თქმა უნდა, შეუძლია, შეაჩეროს საქმის განხილვა და მიმართოს საკონსტიტუციო სასამართლოს, როდესაც საუბარია ნარკოტიკული საშუალების პირად მოხმარებაზე და თავისუფლების აღკვეთის სასჯელის სახით განსაზღვრაზე. ეს შეუძლია სასამართლოს და არ აკეთებს,“ – დასძინა ადვოკატმა ირაკლი ჩომახაშვილმა.
ექიმი ზურაბ სიხარულიძე: „ეს არის რუსული მოდელი… ამიტომ სჭირდებოდათ კიდევ უფრო გამკაცრება“
ნარკოპოლიტიკის გაზრდილ სტატისტიკაზე საუბრისას ექიმი-ნარკოლოგი, ფედერალისტი ზურაბ სიხარულიძე შეკითხვას გვიბრუნებს:
„რამდენჯერ მოგისმენიათ შსს-ს ნიუსებში, ნარკოტიკების რეალიზებისთვის დავაკავეთ ხალხიო? ახლა ის ვიკითხოთ, რამდენი უვადო პატიმარი გვყავს? ნარკოტიკების რეალიზება უვადოს ითვალისწინებს, ან 20 წლით პატიმრობას?
მაგრამ უვადო პატიმრობაში მხოლოდ რამდენიმე ადამიანია საქართველოში. სინამდვილე ისაა, რომ პატიმრობაში არიან მომხმარებლები. სხვებს ძირითადად საპროცესოს უფორმებენ,“ – ამბობს ზურაბ სიხარულიძე, იგი ექიმი-ნარკოლოგია და პარტია „ფედერალისტების“ ერთ-ერთი ლიდერი.
ზურაბ სიხარულიძე
ექიმი ცდილობს, დაგვანახოს სურათი, რომელიც დღითიდღე მძიმდება, რადგან მთავრობა ზიანის შემცირებას კი არ ცდილობს, რაც დასავლური გამოცდილებაა, არამედ ებრძვის მხოლოდ ნარკოტიკების მიწოდებას. ზურაბ სიხარულიძე ხაზს უსვამს, რომ ზიანის შემცირების პროგრამა მხოლოდ რუსეთში არ აქვთ. „ოცნების“ მთავრობა კი, ნარკოპოლიტიკასაც რუსულ მოდელს ამსგავსებს.
„ჩვენ გვაქვს დაახლოებით 60 ათასი ინტრავენური მომხმარებელი, ეს არის პოპულაციის 2.2 %,“ – გვესაუბრება ზურაბ სიხარულიძე. – „ამას ემატება გაურკვეველი რაოდენობა, ვინც მოიხმარს სააფთიაქო ნარკოტიკს. პლუს ადამიანები, რომლებიც არაინტრავენურად, ანუ მოწევით, შესუნთქვით, ან ახალ ფსიქოაქტიურ ნივთიერებებს მოიხმარენ… შემიძლია ვთქვა, რომ საქართველოში დაახლოებით 250 000-მდე ადამიანი მოიხმარს დღეს ნარკოტიკს. ეს არის კატასტროფული ციფრი.
ბაზარზე დღეს ტრიალებს ძირითადად ოპიატები, რომელიც იწვევს დამოკიდებულებას. თუ ეს ადამიანი სათანადო დახმარებას არ მიიღებს, ის აუცილებლად მოძებნის ნარკოტიკს. როცა შენ მხოლოდ ებრძვი მიწოდებას, რაც რეალურად ნამდვილად კარგია, მეორეს მხრივ, როცა დეფიციტი აღმოჩნდება ბაზარზე, მაშინ ჯანდაცვა უნდა ჩაერთოს, რომ ეს მოთხოვნა ქუჩის ნარკოტიკით არ იქნას დაკმაყოფილებული… ამას უნდა დაუპირისპირო ზიანის შემცირება, მკურნალობა, რეაბილიტაცია, პრევენცია.
ერთადერთი ქვეყანა, სადაც ზიანის შემცირება არ არის…ეს არის რეპრესიული მიდგომა, ზიანის შემცირების პროგრამების დაიგნორება, რომ ეს ლეგალური ნარკომანიაა, როგორც ამას ჩვენი მთავრობაც ამბობს უკვე. გასაგებია ხომ საითკენაც მივდივართ? ადამიანი, რომელიც უარყოფს ევროპულ ღირებულებებს და ადამიანის უფლებებს, ზოგადად დემოკრატიის პრინციპებს.
კვლევებში მოსახლეობა ნომერ პირველ პრობლემად ასახელებს ნარკომანიის პრობლემად და არსებობს გაცნობიერების პრობლემა, რომ მიწოდების აკრძალვით არ გვარდება პრობლემა. პატიმრობის შემდეგ რამდენი ადამიანი უბრუნდება ნარკოტიკს? ზედოზირების სტატისტიკას რატომ არ აქვეყნებენ? – იმიტომ, რომ ეს იქნება მათი ნარკოპოლიტიკის კრახი.
ციხეებში გამოკეტვით რა იცვლება? დააკვირდით საარჩევნო წლებს – რამდენ მომხმარებელს უშვებენ გარეთ იმიტომ, რომ ასე სჭირდებათ. პოლიტიკურ იარაღად არიან ქცეული ეს ადამიანები, მუდმივად ზეწოლის და შანტაჟის მსხვერპლი… ზეწოლის ქვეშ არიან მათი ოჯახებიც.
ამგვარად, ჩვენ მივალთ უკონტროლობამდე, დაბრუნებული ვართ უკვე 90-იანებში…“ – გვითხრა ექიმმა, „ფედერალისტების“ ერთ-ერთმა ლიდერმა, ზურაბ სიხარულიძემ.
თვითმხილველის ინფორმაციით ხელვაჩაურის მუნიციპალიტეტის სოფელ ერგესთან ორი მსუბუქი ავტომანქანა შეეჯახა ერთმანეთს, დაშავებულები კლინიკაში გადაიყვანეს.
ადგილზე მობილიზებული იყო სასწრაფო სამედიცინო დახმარების ჯგუფი და პოლიცია.
შინაგან საქმეთა სამინისტროს ინფორმაციით საავადმყოფოში გადაიყვანეს ორი ახალგაზრდა კაცი, მათგან ერთი მსუბუქად არის დაშავებული, მეორე შედარებით მძიმედ, მის სიცოცხლეს საფრთხე არ ემუქრება.
შსს-ს ინფორმაციით, მომხდარ ფაქტზე ძიება სისხლის სამართლის კოდექსის 276-ე მუხლით დაიწყო. ეს მუხლი ტრანსპორტის მოძრაობისას უსაფრთხოების წესების დარღვევას გულისხმობს, რამაც ადამიანის სიცოცხლის მოსპობა გამოიწვია.
უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2026 წლის 25 ივლისამდე პერიოდში, რუსეთის არმიის საბრძოლო დანაკარგი არის:
ცოცხალი ძალა – დაახლოებით 1 437 550 ადამიანი [გასულ დღე-ღამეში +1 450. ამ მონაცემებში შედის როგორც დაღუპულები, ასევე დაჭრილები]
ტანკი – 12 208 ერთეული [+7]
ჯავშანტექნიკა – 25 011 ერთეული [+11]
საარტილერიო სისტემა – 46 724 ერთეული [+78]
MLRS – 1 968 ერთეული [+0]
საზენიტო საბრძოლო სისტემა – 1 518 ერთეული [+2]
თვითმფრინავი – 439 ერთეული [+0]
ვერტმფრენი – 354 ერთეული [+0]
უპილოტო საფრენი აპარატის ოპერატიულ-ტაქტიკური დონე – 426 836 ერთეული [+1 596]
სახმელეთო რობოტიზებული კომპლექსი – 2 023 ერთეული [+17]
გემი/ნავი – 34 ერთეული [+0]
წყალქვეშა ნავი – 2 ერთეული [+0]
მანქანები და საწვავის ავზები – 125 358 ერთეული [+571]
სპეცტექნიკა – 4 462 ერთეული [+8]
ფრთოსანი რაკეტა [ჩამოაგდეს] – 4 943 ერთეული [+5]
უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.
უკრაინის სამხედრო დანაკარგებზე სტატისტიკური ინფორმაცია 2026 წლის 25 თებერვლის შემდეგ აღარ განუახლებია რუსეთს.
რუსეთის თავდაცვის სამინისტროს მიერ ტელეგრამ არხზე ბოლოს გავრცელებული მონაცემებით, ომის დაწყებიდან 2026 წლის 25 თებერვლამდე პერიოდში სულ განადგურებულია უკრაინის:
670 თვითმფრინავი
283 ვერტმფრენი
117 299 უპილოტო საფრენი აპარატი
651 საზენიტო სარაკეტო სისტემა
27 873 ტანკი და სხვა ჯავშანტექნიკა
1 674 მრავალჯერადი სარაკეტო გამშვები
33 474 საველე არტილერია და ნაღმმტყორცნი
55 252 სპეციალური სამხედრო მანქანა
ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.
ამასთან, აღნიშნულ მონაცემებთან ერთად რუსეთის თავდაცვა, უკრაინის და რუსეთის არმიის ცოცხალი ძალის საერთო დანაკარგების შესახებ სტატისტიკას არ აქვეყნებს. უკრაინის არმიის ცოცხალი ძალის დანაკარგების შესახებ მონაცემებს არ აქვეყნებს არც უკრაინა.
ბათუმში ავარიას ორი ადამიანის სიცოცხლე ემსხვერპლა.
ავტოავარია დღეს, 25 ივლისს, გამთენიისას მოხდა ვაჟა-ფშაველასა და ზურაბ გორგილაძის ქუჩების კვეთაში. ერთმანეთს ტურისტებით სავსე სამარშრუტო ტაქსი და მსუბუქი ავტომობილი შეეჯახა.
ავარიის შედეგად ორი ადამიანი დაიღუპა, რამდენიმე კი დაშავდა.
თვითმხილველთა თქმით, შეჯახება იმდენად ძლიერი იყო, მგზავრები სამარშრუტო ტაქსიდან გადმოცვივდნენ.
რუსული მედიის თანახმად, პოლიციამ დააკავა 19 წლის გოგო, რომელმაც დრონების თავდასხმის შედეგები, ანუ ხანძარი გადაიღო და შემდეგ ეს ვიდეო სოციალურ ქსელში გაავრცელა.
მედიის თანახმად, 22 ივლისს, კრასნოდარის მხარეში უკრაინული დრონების თავდასხმის შემდეგ, ადგილობრივ Telegram არხებზე გავრცელდა ვიდეო, სადაც ახალგაზრდა ქალი ხანძრისკენ მიუთითებს და სარკასტულად ამბობს: „მაგარია, დედა უმუშევარი დარჩა“.
პოლიციის ცნობით, ცენტრი E-ის თანამშრომლებმა ერთ-ერთი აპლიკაციის შეტყობინებაში აღმოაჩინეს პოსტი, „რომელშიც ქალი მიუთითებს საწყობზე, სადაც დრონით თავდასხმის შემდეგ ხანძარი გაჩნდა და მის გვერდით არსებულ სხვა ობიექტებზე“.
სამართალდამცავებმა დაადგინეს ამ ვიდეოს ავტორი – ის აღმოჩნდა 19 წლის გოგო, ადგილობრივ მცხოვრები.
ქალმა დაარღვია ყუბანის ტერიტორიაზე არსებული აკრძალვა, რაც არეგულირებს საჰაერო თავდაცვის სისტემების მუშაობის, დრონების გამოყენების შედეგების და სამხედრო ნაწილების ადგილმდებარეობის შესახებ მასალების გადაღებასა და გავრცელებას – აცხადებენ რუსეთის სახელმწიფოს წარმომადგენლები.
პოლიციამ ასევე გამოაქვეყნეს ამ გოგოს ბოდიშის მოხდის ვიდეო.
სახელმწიფოს საკუთრებაში ცალკე საკადასტრო კოდად დაარეგისტრირეს ნაკვეთი მდინარე ჭოროხზე, რომელიც ბათუმი-სარფის ახალი ავტომაგისტრალის პროექტის არეალშია და სადაც საავტომობილო ხიდი უნდა აშენდეს.
ახალი ხიდი მდინარე ჭოროხზე მოქმედი [ე.წ. გონიოს] ხიდიდან ზემოთ, დაახლოებით 2,4 კილომეტრით იქნება დაშორებული.
ხიდი ბათუმის შემოვლით გზას ქალაქის სამრეწველო ზონიდან დააკავშირებს გვირაბს, რომლის მშენებლობაც ხელვაჩაურის სოფელ ახალსოფელში დაიწყება.
ახალი ხიდის საპროექტო ტერიტორია [აღნიშნულია წითელი ხაზით] მდინარე ჭოროხზეჭოროხის კალაპოტის სიგანე, იმ ადგილზე, სადაც ხიდი უნდა აშენდეს, დაახლოებით 1 კილომეტრია.
მდინარე ჭოროხი. მარცხნივ, ფოტოზე ადგილი, სადაც ახალი ხიდი უნდა აშენდეს. 23.07.2026
ახალი გვირაბი, რომლის მშენებლობა სოფელ ახალსოფლის ტერიტორიაზე დაიწყება, სარფში, ანდრიას ჩანჩქერის მიმდებარედ გამოვა. ამ გვირაბის სიგრძე პროექტის მიხედვით 7,6 კილომეტრი იქნება
პროექტის გამო კერძო საკუთრების გამოსყიდვა უკვე დაწყებულია, ზოგან კი ექსპროპრიაცია გახდა საჭირო.
ბათუმი-სარფის გზის პროექტის ფარგლებში მომზადებული მიწის შესყიდვისა და განსახლების გეგმის თანახმად, გზის განთავსების ზოლში მოქცეულია კერძო საკუთრებაში/სარგებლობაში არსებული 117 მიწის ნაკვეთი, 9 საცხოვრებელი სახლი, 10 ბინა/არასაცხოვრებელი ფართობი, 27 კომერციული/ადმინისტრაციული შენობა და 37 დამხმარე ნაგებობა.
„მიწის შესყიდვისა და განსახლების გეგმის თანახმად, ჯამური საკომპენსაციო თანხა მიწის ნაკვეთებისათვის შეადგენს 61 410 384 ლარს, ხოლო შენობა-ნაგებობებისათვის – 44 630 671 ლარს. მიწის შესყიდვისა და განსახლების გეგმის განხორციელება დაიწყო 2025 წლის აგვისტოს თვეში“, – აღნიშნულია გზების დეპარტამენტისგან „ბათუმელებისთვის“ 2025 წლის 11 სექტემბერს გამოგზავნილ წერილში.
ავტობანი, გვირაბიდან თურქეთის საზღვრამდე მონაკვეთში, ბათუმი-სარფის არსებულ გზას დაემთხვევა.
ადგილები სადაც ბათუმი-სარფის ახალი გზა გაივლის / 23.07.2026
პროექტით, ზღვის სანაპირო ზოლში დაგეგმილია დარღვეული ნაპირდამცავი კონსტრუქციის შეკეთება. ასევე, ზოგ ადგილებში სანაპიროს დიდი ზომის ლოდებით და ტეტრაპოდებითაც გაამაგრებენ.
ბათუმი-სარფის ავტობანის მშენებლობა 2031 წელს უნდა დასრულდეს, თუმცა მშენებელ კომპანიასთან ხელშეკრულება ჯერ გაფორმებული არ არის.
მიუხედავად ამისა, ბათუმი-სარფის ახალი გზის მშენებლობასთან დაკავშირებით „ოცნების“ მთავრობის ინფრასტრუქტურის მინისტრმა განაცხადა, რომ რამდენიმე კვირაში გვირაბის მშენებლობა დაიწყება.
საგზაო მოძრაობის წესების დარღვევისთვის ჯარიმებიდან 2026 წლის ბიუჯეტში, 6 თვეში, 148 მილიონი ლარი შევიდა.
სახელმწიფო ხაზინის ანგარიშის მიხედვით ამ თანხიდან 59.3 მილიონი ცენტრალურ ბიუჯეტში, 89 მილიონი კი – თვითმმართველი ქალაქების ბიუჯეტში შევიდა.
მათ შორის, პარკირების წესების დარღვევის გამო ჯარიმამ 11 მილიონ 193 937 ლარი შეადგინა;
უბილეთოდ მგზავრობის გამო გადახდილი ჯარიმებიდან ბიუჯეტში 1 მილიონ 660 792 ლარი გადაიხადეს, საქალაქო რეგულარული სამგზავრო გადაყვანის პირობების დარღვევის გამო კი – 82 044 ლარი.
ფინანსთა სამინისტროს ხაზინის ანგარიშის მიხედვით შემოსავალი ავტომობილის გაჩერების წესების დაუცველობისათვის ბიუჯეტში შევიდა 20 მილიონ 099 941 ლარი.
თვითმმართველობის მიერ განსაზღვრულ გზებზე დადგენილი ავტობუსების გაჩერების ადგილების გარდა სხვა ადგილებზე გაჩერება ან ავტობუსების გაჩერების ადგილებზე სხვა სახის სატრანსპორტო საშუალების გაჩერება – დგომისათვის ბიუჯეტში 52 757 ლარი გადაუხდიათ.
ველობილიკზე ან ველოსიპედის მოძრაობის ზოლზე ველოსიპედის გარდა სხვა სახის სატრანსპორტო საშუალების მოძრაობის, გაჩერების ან დგომისათვის ან სატრანსპორტო საშუალების გზაზე გაჩერება – დგომისათვის სატრანსპორტო საშუალების რეგისტრაციის ნომრის (სახელმწიფო სანომრე ნიშნის ან ნიშნების), შიდა ტრანზიტის, ტრანზიტული ნომრის ან TEST ნომრის გარეშე – 1 მილიონ 173 940 ლარია გადახდილი.
ეკონომიკური საქმიანობის განხორციელების მიზნით სატვირთო ავტომობილის [N1, N2 და N3 კატეგორიების] მოძრაობა ან ეკონომიკური საქმიანობის განსაზღვრული ადგილის ან/და დროის დარღვევისათვის ბიუჯეტში 651 335 ლარი გადაუხდიათ.
10 ივლისს ბათუმში, იაშვილის სახელობის ბათუმის დედათა და ბავშვთა ცენტრალურ ჰოსპიტალში ქალის რძის პირველი ბანკი გაიხსნა.
ეს პირველი შემთხვევაა როცა საქართველოში და რეგიონში ქალის რძის ბანკი იხსნება. როგორც ბათუმის ბავშვთა ჰოსპიტლის ადმინისტრაცია განმარტავს, ახალი პროექტი მნიშვნელოვნად შეუწყობს ხელს ახალშობილთა ინტენსიური მოვლის ხარისხის გაუმჯობესებას.
დედის რძე განსაკუთრებით აუცილებელია იმ ჩვილებისთვის, რომლებიც სიცოცხლის პირველივე დღეებიდან განსაკუთრებული სამედიცინო მხარდაჭერა სჭირდებათ.
საქართველოში და აჭარის რეგიონში პირველი რძის ბანკის პირველი დონორი 34 წლის ბათუმელი ხათუნა ფაღავაა.
ხათუნა დედა მესამედ 5 ივნისს გახდა. სწორედ მესამე ფეხმძიმობისას აღმოაჩნდა ჭარბი რძე და მიიღო შეთავაზება კლინიკისგან, რომ დედის რძის პირველი დონორი გამხდარიყო.
რა არის საჭირო იმისათვის რომ დონორი გახდე და რა პროცედურას გადის ქალის რძე, სანამ ის საჭიროების მქონე ახალშობილამდე მივა, ამის შესახებ „ბათუმელები“ დედის რძის პირველ დონორ ქალს, ხათუნა ფაღავას ესაუბრა.
ქალბატონო ხათუნა, როგორ გაიგეთ, რომ დედის რძის დონორობა იყო შესაძლებელი საქართველოში?
ამჟამად ლაქტაციას გავდივარ ჩემი მესამე შვილის წყალობით, რომელიც შემეძინა ხუთ ივნისს. გამოწერის დღეს როცა უკვე დაწყებული მქონდა ჰიპერლაქტაცია, ექიმმა მითხრა, რომ იგეგმებოდა რძის ბანკის გახსნა და შემეძლო ვყოფილიყავი დონორი.
თქვენი პირველი რეაქცია რა იყო,როდესაც შემოგთავაზეს დონორობა, რა დრო დაგჭირდათ დასათანხმებლად?
პირველი ბავშვის გაზრდა მომიწია „ფორმულით“ რაღაც მიზეზების და სირთულეების გამო, ახალბედა და გამოუცდელი დედა ვიყავი. მეორე ბავშვზე ძალიან ბევრი ინფორმაცია მოვიძიე და დავაგროვე. ვიცოდი, თუ რაოდენ მნიშვნელოვანი იყო ჩვილისთვის დედის რძე. როცა გავიგე რძის ბანკის შესახებ, უყოყმანოდ დავთანხმდი, არც კი მიფიქრია, იმიტომ რომ ამით დღენაკლულ პატარებს გამოკვებავენ.
რას ნიშნავს თქვენთვის ეს ფაქტი, რომ საქართველოში პირველი რძის ბანკის პირველი დონორი ხართ?
ძალიან მიხარია, რომ ჩემი წვლილი შემაქვს ამ კარგ საქმეში და შესაძლებლობა მომეცა მცირედით დავეხმარო პატარებს. ვფიქრობ, რაც უფრო მეტი მეძუძური დედა გაიგებს რძის ბანკის არსებობის შესახებ და გამოთქვამს სურვილს დონორობაზე, მით უკეთესი იქნება პატარებისათვის.
თან ძალიან მადლიანი საქმეა.
თავად პროცესი რომ აღგვიწეროთ დონორობის, რა დროს მოითხოვს ქალისგან?
რძის შეგროვება ხდება შესაბამისი წესების დაცვით. სტერილური რძის საწველით ყოველდღიურად ვაგროვებ, ვასხამ ისევ კლინიკის მიერ მოწოდებულ რძის პაკეტებში და ვყინავ მინუს-მაცივარში. პაკეტებიდან უნდა გამოიტუმბოს ჰაერი მაქსიმალურად, უნდა იყოს შენახული საკვები პროდუქტებისგან იზოლირებით, მაგალითად, თავდახურულ კონტეინერში შეუძლიათ გაყინონ რძის პაკეტები.
სამ-ოთხ დღეში ერთხელ ვუკავშირდები პერსონალს და თერმობოქსით მიაქვთ გაყინული პაკეტები.
დედებს, რომლებსაც სურთ დონორობა და ასევე დედებს, რომლებსაც აინტერესებთ რა პროცესს გადის რძე, სანამ მათი პატარა გამოიკვებება, ვეტყვი შემდეგს:
პირველ რიგში დონორი იტარებს კვლევებს, შემდეგ იღებს თანხმობას რძის დონორობაზე, შემდეგ აბარებს შეგროვებულ რძეს და უკვე ჩაბარებულ რძეს უტარდება ცალკე კვლევა ბაქტერიოლოგიაზე. ამის შემდეგ რძე გაივლის პასტერიზაციას.
ყველა პროცედურა ტარდება ევროპული სტანდარტებით და მკაცრად კონტროლდება.
მე ორივე გამოვცადე, ხელოვნური კვებაც და ლაქტაციაც. პირველი შვილი „ფორმულით“ გამოვკვებე, ხოლო დანარჩენ ორზე გავდივარ ლაქტაციის პროცესს. დედები, რომლებსაც არ მიეცათ საშუალება რომ ბავშვი ბუნებრივი რძით გამოეკვებათ, თავს იდანაშაულებენ ხოლმე… როგორც მე ვიყავი პირველ ბავშვზე… მაგრამ მთავარია პატარას ჰყავდეს ბედნიერი დედა. ამის ხაზგასმა მინდა პირველ რიგში. ხელოვნურით გამოიკვებება თუ ლაქტაციით, დედებმა თავი არ დაიდანაშაულონ ამაში.
მეორეს მხრივ, მე ვხედავ განსხვავებას. ვინაიდან პირველი შვილი „ფორმულით“ გავზარდე, მომიწია შეჯახება კუჭ-ნაწლავის პრობლემებთან. დანარჩენ ორ ბავშვზე არ მქონია მსგავსი პრობლემა.
ბუნებრივი კვება გავლენას ახდენს ძილის პროცესზეც. ლაქტაციის დროს ჩემთვის უფრო მარტივია ბავშვის დაძინება. გავლენა აქვს ჯანმრთელობაზეც.
აი, ჩვილობაში მქონდა მეორე ბავშვზე რაღაც პრობლემა, ვირუსი და ვფიქრობ, ალბათ ხელოვნურზე რომ ყოფილიყო, გამოჯანმრთელების პროცესი უფრო რთული იქნებოდა.
ეს პირველი შემთხვევაა, როცა საქართველოში რძის ბანკი გაიხსნა. თქვენი აზრით, რატომ არის მნიშვნელოვანი მსგავსი ბანკების არსებობა სხვა რეგიონებშიც?
ძალიან კარგი იქნება თუ სხვა რეგიონებშიც ექნებათ დღენაკლულ ჩვილებს დედის რძით გამოკვების საშუალება. როგორც ვიცი, ისეთი დღენაკლული ბავშვები იკვებებიან დონორის რძით, რომლებსაც აქვთ სხვადასხვა ჯანმრთელობის პრობლემა, მაგალითად, კუჭ-ნაწლავის და ასე შემდეგ.
დედებს, რომლებიც ფიქრობენ, რომ სხვისი რძე არ არის სასარგებლო მათი შვილისთვის, ვეტყვი, რომ დონორის რძე ვრცელ გზას და პროცედურას გადის, სანამ მათ პატარასთან მოხვდება. ეს ხდება ევროპული სტანდარტებით და რძე იმდენ პროცედურას გადის სანამ პატარამდე მივა და იმდენ კვლევას გადის თუნდაც დონორი, რომ ნამდვილად არ წარმოადგენს საშიშროებას.
ლაბორატორია
დედის რძის ბანკი ბავშვთა ჰოსპიტალში აჭარის ჯანდაცვის სამინისტროს საზოგადოებრივი ჯანდაცვის ცენტრმა გახსნა.
„მაღალი რისკის ახალშობილთა დედის რძის ბანკით უზრუნველყოფა“ – ასე ეწოდება პროგრამას, რომლის ფარგლებშიც გაიხსნა დედის რძის ბანკი.
პროგრამით ისარგებლებენ მაღალი რისკის ახალშობილები, რომელთა შერჩევა განსაზღვრული სამედიცინო რისკ-ფაქტორების მიხედვით მოხდება.
ქალის დონორული რძე გაიცემა ნეონატალური სერვისის მიმწოდებელი სამედიცინო დაწესებულების მოთხოვნის საფუძველზე, ვაუჩერული სისტემის გამოყენებით.
24 ივლისს, ღამით, მთელ საქართველოში ელექტროენერგია დაახლოებით 5 საათით გაითიშა. დენი არ მიეწოდებოდა არცერთ სტრატეგიულ ობიექტს. გასვლა ვერ შეძლო თბილისი-ბათუმის მატარებელმა. ამ დროის მანძილზე არცერთ ოფიციალურ უწყებას არ გაუკეთებია განმარტება, რამ გამოიწვია მთელი ქვეყნის ჩაბნელება.
რამდენად მოწყვლადია ქვეყნის ენერგოსისტემა და რას შეიძლება გამოეწვია მასობრივი გათიშვა ქვეყანაში? – ამ თემაზე „ბათუმელები“ ენერგეტიკოს მურმან მარგველაშვილს ესაუბრა.
ბატონო მურმან, რა არის თქვენი ვერსია, რის გამო გაითიშა ქვეყნის ელექტროსისტემა ამდენი ხნით და რატომ არ გაკეთდა ამაზე განმარტება შესაბამისი უწყებების მხრიდან?
ცხადია, ნორმალური არ არის, თუმცა გამონაკლისი შემთხვევაა. ეს არის სისტემური ავარია, რომელიც უკიდურესად იშვიათად ხდება, მაგრამ ამისგან არ არის დაზღვეული არცერთი ქვეყანა და არცერთი ენერგოსისტემა – ეს არის უამრავი ერთმანეთთან დაკავშირებული, დაძაბულ და ცვალებად რეჟიმში მომუშავე კომპონენტების ერთობლიობა.
ხაზებია, ტრანსფორმატორებია, სარელეო დაცვაა, გენერატორები და ასე შემდეგ. უამრავი ერთმანეთთან დაკავშირებული დინამიკური კომპონენტია. ამ სისტემის მედეგობის უზრუნველყოფა, დიდი საინჟინრო დარგია და ამას ემსახურება სარელეო დაცვა.
მაგრამ შეიძლება იყოს როგორც ბუნებრივი მოვლენა, ასევე ადამიანური შეცდომაც, რაღაც ტექნიკური დაზიანება, რომელიღაც ამ დანადგარიდან, მაგრამ ეს პირველწყარო უნდა ყოფილიყო აღმოფხვრილი სწრაფად.
თქვენ ამბობთ, რომ რაღაცამ არ იმუშავა, მაგრამ შეიძლება, რომ არავინ იცოდეს რამ არ იმუშავა?
ამის გამოკვლევა, თუ რატომ მოხდა ეს ავარია, ჩვეულებრივი სტანდარტული პროცედურაა და მიღებული პრაქტიკაა, რომ ასეთი განსაკუთრებული ავარიების შემდეგ შეისწავლონ და გაითვალისწინონ შემდგომ მუშაობაში. ცალსახა პასუხი შეიძლება მაინც არ იყოს, მაგრამ იყოს რაღაც შეფასება, რომ ვთქვათ, აქ სხვანაირად იქნებოდა უკეთესი. ამისგან არ არის დაცული არცერთი ქვეყანა.
რომელი ქვეყანა გათიშულა ამდენი ხნით, რა გაქვთ მხედველობაში?
2025 წლის აპრილში ერთად გაითიშა მაგალითად პორტუგალია, ესპანეთი და საფრანგეთის ნაწილი. 10-12 საათი იყო გათიშული ესპანეთი, როგორც მახსოვს.
არც იქ გაუკეთებია ხელისუფლებას რაიმე განმარტება ამ 12 საათის განმავლობაში?
ამდენი არ ვიცი, მაგრამ რა თქმა უნდა, ინფორმირება სჯობს. ასეთ დროს უნდა იმუშაოს საზოგადოებასთან ურთიერთობის სამსახურებმა და დროულად აცნობონ მოსახლეობას. უთხრან, რომ შეიძლება ისევ განმეორდეს ან არ განმეორდეს. ახსნა-განმარტება ყოველთვის საჭიროა. შეიძლება დივერსია იყოს, რა ვიცი, ყველაფერი ხდება.
ითქვა, რომ ენგურჰესზე იყო პრობლემა. რუსეთის მიერ ოკუპირებულ ტერიტორიაზე. თქვენ თუ გაქვთ ამაზე რაიმე ვერსია?
არაფერი ვიცი ამაზე და ნუ ვიჩქარებთ დასკვნების გაკეთებას. როგორც ვთქვი, ეს არის ერთიანი, დაკავშირებული სისტემა, შეიძლება ერთმა მოვლენამ გამოიწვიოს მეორე, იმას მესამე მოჰყვეს და ასე შემდეგ. ამიტომ ეს არ უნდა იყოს პოლიტიზების საგანი. შეუძლიათ აგვიხსნან, დაგვამშვიდონ, უფრო გასაგები იქნება.
მაგალითად, დივერსია რომ მოაწყოს რუსეთმა ენგურჰესზე, პრევენციის რა ზომები არსებობს ქვეყანაში?
ასე პირდაპირ არ არის რუსეთის კონტროლის ქვეშ, მაგრამ გავლენა აქვს. მაინც და მაინც ენგურჰესზე დივერსია არც დასჭირდება რუსეთს, თუკი ამას მოინდომებს. სხვა ადგილებშიც შეძლებს. გადამცემ ხაზთან, 100 მეტრში არიან თუ 400 მეტრში – აგერ ტანკები უყენიათ შიდა ქართლში.
ეს ნიშნავს, რომ ენერგოუსაფრთხოების თვალსაზრისითაც, როგორც სახელმწიფო მოწყვლადი ვართ?
მოწყვლადი ყველაა, მაგრამ ეს არ არის ენერგოუსაფრთხოების თემა ამ წუთში. ჯერ, სანამ არ ვიცით რა მოხდა. ეს არის უფრო ტექნიკური საკითხი, ამიტომ დაველოდოთ ტექნიკურ შეფასებას და თუ რაიმე მოსათხოვია, მოვითხოვოთ განმარტება პასუხისმგებელი პირების მხრიდან.
თქვენ ამბობთ, რომ არ ვიცით რა ხდება, მაგრამ თან ამბობთ, რომ ეს ტექნიკური საკითხია. თუ არ ვიცით რა მოხდა, მაშინ როგორ ვამბობთ, რომ მხოლოდ ტექნიკური საკითხია და არა პოლიტიკურიც?
გასაგებია, მაგრამ სანამ არ ვიცით, არ შეგვიძლია, რომ პოლიტიკური საკითხი დავარქვათ.
ის, რომ სისტემა ჩაქრა, ეს ჯერჯერობით არანაირ მინიშნებას არ შეიცავს არც ენერგეტიკულ უსაფრთხოებაზე, არც პოლიტიკაზე. ეს მინიშნება არის, რომ რაღაცამ არ იმუშავა სისტემაში.
ჯერ გავიგოთ რამ არ იმუშავა და მერე გავაკეთოთ დასკვნები. თუ ეს იყო გამოწვეული დივერსიით, ან ვიღაცის უცოდინარობით, ეს დასკვნა უნდა დაიდოს.
შეიძლება ეს იყოს დაგეგმვის შეცდომა, ათასი რამე შეიძლება იყოს. შეიძლება იყოს ახალი რეჟიმი, რომელიც არ ჰქონდათ გათვალისწინებული საერთოდ.
თვითონ ენერგოსისტემის მესვეურები უყურებენ ხოლმე სხვადასხვა ავარიულ სიტუაციას და გეგმავენ, როგორ უნდა აღმოიფხვრას პრობლემა.
მინიმუმ 4 საათის განმავლობაში ელექტროენერგიის გარეშე იყო სტრატეგიული ობიექტები, მათ შორის საავადმყოფოები, რკინიგზა – რაში ვართ სუსტები, რა აჩვენა ამ ყველაფერმა?
თვითონ ენერგოსისტემაში არის გათვალისწინებული უამრავი დაცვის მექანიზმი, რომელმაც უნდა უზრუნველყოს ის, რომ თუ ქსელის ერთ ადგილას დაზიანდა, გენერატორი ამოვარდა ვთქვათ სადღაც, უნდა ჩაირთოს სხვა, სარეზერვო გენერატორი.
სავარაუდოდ, ამის პრობლემა იყო. მეორეა ის, რომ თუ რომელიღაც გადამცემი ხაზი ამოვარდა სისტემიდან, მაშინ სხვა ხაზებმა უნდა აიღოს ის ტვირთი და ასე შემდეგ. ამას ავტომატურად აკეთებს სარელეო შესაბამისი დაცვის სისტემები და ამის გათვლა ხდება წინასწარ.
ავარიები ხშირად არის სისტემაში, უბრალოდ დაცვითი სისტემა მუშაობს, გადართვები ხდება და ჩვენ ვერ ვიგებთ ამას. ბევრი რამ შეიძლება მოხდეს ხაზზე, მეხი დაეცეს და ასე შემდეგ.
ახლაც, რაღაც ასეთმა დაცვამ ვერ იმუშავა და ამიტომ გამოირთო სისტემა. ვაცალოთ, იმუშაონ პროფესიონალებმა და სწორი, პროფესიული დასკვნა დადონ.
ჩვენ მოვთხოვოთ ის, რომ სამინისტრო იქნება თუ სემეკი, თუ თვითონ ელექტროსისტემა, მოახდინონ მოსახლეობის ინფორმირება, რომ ეს აჟიოტაჟი არ იყოს.
პრევენციული ღონისძიება არის ის, რომ მაგალითად იგივე ენგურჰესზე ერთი გენერატორი თუ გამოირთო, მეორე უნდა ჩაირთოს. ენგურჰესი არის ხუთი აგრეგატი და ერთი ყოველთვის შეიძლება იყოს გაჩერებული, თუ სხვა გამოირთო, ეს ჩაირთვება. რაღაც მოხდა ტექნიკურად, რომ ვერ ჩაირთო. არც ის ვიცით, იყო თუ არა ეს ენგურჰესზე.
ნუ გავაკეთებთ ზედაპირულ დასკვნებს. ტექნიკურმა პერსონალმა თავისი საქმე უნდა შეასრულოს, პოლიტიკური პასუხისმგებლობის ხელისუფლებამ მოსახლეობას დროული და სწორი ინფორმაცია უნდა მიაწოდოს.
თბილისის საქალაქო სასამართლომ უცხო ქვეყნის ტერორისტულ ორგანიზაციაში გაერთიანების და ტერორისტულ საქმიანობაში დახმარების ფაქტზე ორ პირი დამნაშავედ ცნო.
საუბარია ბათუმში, 2026 წლის მარტში დაკავებულ პირებზე, რომელთაგან ერთი საქართველოს მოქალაქეა, მეორე კი – უცხო ქვეყნის. სპეცოპერაციაბათუმში სუს-მა ჩაატარა.
„მტკიცებულებებით დადასტურდა, რომ უცხო ქვეყნის ერთი მოქალაქე და საქართველოს ერთი მოქალაქე ტერორისტულ ორგანიზაცია „ისლამურ სახელმწიფოში“ გაერთიანდნენ, მისი ლიდერის წინაშე ერთგულების ფიცი დადეს და ტერორისტული საქმიანობაში დახმარების მიზნით, მზად იყვნენ შეესრულებინათ ნებისმიერი დავალება. ჩატარებული საგამოძიებო მოქმედებების შედეგად, სხვა მტკიცებულებებთან ერთად ამოღებულია ნივთები ტერორისტული ორგანიზაციის სიმბოლიკით“ – წერს პროკურატურა.
ბრალდებულებს ბრალდება სისხლის სამართლის კოდექსის 328-ე მუხლით (უცხო ქვეყნის ტერორისტულ ორგანიზაციაში გაერთიანება და ტერორისტულ საქმიანობაში მისი დახმარება) ჰქონდათ წარდგენილი.
სასამართლომ ორივე ბრალდებული დამნაშავედ ცნო წარდგენილ ბრალდებაში და სასჯელის ზომად 11-11 წლით თავისუფლების აღკვეთა განუსაზღვრა.
პროკურატურამ მეუღლის დამამძიმებელ გარემოებებში ჩადენილი მკვლელობის მცდელობის, დედის ჯანმრთელობის დაზიანებისა და ძალადობის ფაქტებზე ერთ პირს ბრალდება წარუდგინა.
შემთხვევა 22 ივლისს მოხდა მარნეულში. გამოძიების ვერსიით, ბრალდებულმა მეუღლეს დანით დაზიანებები მიაყენა, ასევე არასრულწლოვანის თანდასწრებით იძალადა საკუთარი დედის მიმართ, რომელსაც ჯანმრთელობის დაზიანება მიაყენა.
სამართალდამცველებმა ბრალდებული იმავე დღეს დააკავეს. მას ბრალდება საქართველოს სისხლის სამართლის კოდექსის 126 პრიმა მუხლის მეორე ნაწილის „ბ“ ქვეპუნქტით (ოჯახში ძალადობა არასრულწლოვანის თანდასწრებით მისივე ოჯახის წევრის მიმართ,), 11 პრიმა 120-ე მუხლის მეორე ნაწილით (ჯანმრთელობის განზრახ მსუბუქი დაზიანება, ოჯახის წევრის მიმართ) და 11 პრიმა 19-109-ე მუხლის „თ“ და „კ“ ქვეპუნქტებით (განზრახ მკვლელობის მცდელობა დამამძიმებელ გარემოებაში, ქალისა და მამაკაცის თანასწორობის შეუწყნარებლობის გამო, ოჯახის წევრის მიმართ) წარედგინა.
აღნიშნული ბრალდება, დამტკიცების შემთხვევაში, სასჯელის სახით 20 წლამდე თავისუფლების აღკვეთას ითვალისწინებს.
აჭარის მთავრობა ყიდის უმაღლესი საბჭოს ყოფილი შენობას ჩაქვში – 13 147 კვ.მეტრ მიწის ნაკვეთს და მასზე განლაგებულ შენობას, რომელიც 2508.53 კვ.მეტრია. პირობიანი აუქციონის საწყისი ფასით 5 მილიონ ლარია.
დაზუსტებული საწყისი ფასი 4 900 000 ლარია, ბიჯი 125 000 ლარი. აუქციონი 10 ივლისს გამოაცხადეს და 30 ივლისს უნდა დასრულდეს.
წითელი ფერით მონიშნულია გასაყიდი მიწის ნაკვეთიუმაღლესი საბჭოს ყოფილი შენობა
აუქციონის პირობის მიხედვით, მყიდველმა საბოლოო საპრივატიზებო საფასური აუქციონის დასრულებიდან 2 ეტაპად უნდა გადაიხადოს. კერძოდ, 2026 წლის პირველ ოქტომბრამდე საბოლოო საპრივატიზებო საფასურის არანაკლებ 30% უნდა გადაიხადოს, 2026 წლის პირველ დეკემბრამდე კი დარჩენილი საპრივატიზებო საფასური.
მყიდველს ასევე დაევალება შესაბამისი ნასყიდობის ხელშეკრულების გაფორმებიდან არაუგვიანეს ორი თვის ვადაში არანაკლებ 200 000 ლარის უპირობო და გამოუხმობი საბანკო გარანტიის წარმოდგენა.
შესაბამისი ნასყიდობის ხელშეკრულების გაფორმებიდან 18 თვის ვადაში კი მყიდველმა შესყიდული ქონების ზონისთვის დაშვებული ობიექტის მშენებლობის ნებართვის მიღება უნდა შეძლოს და 8 მილიონი ლარის ინვესტიცია განახორციელოს.
ნასყიდობის ხელშეკრულების გაფორმებიდან 36 თვეში კი, საკუთრებაში გადაცემულ ქონებაზე შესაბამისი შენობა-ნაგებობ(ებ)ის ექსპლუატაციაში მიღება უნდა უზრუნველყოს.
აჭარის უმაღლესი საბჭოს ჩაქვიდან ბათუმში 2020 წელს გადაიტანეს. საბჭო ბათუმში იმ შენობაში განთავსდა, სადაც მანამდე ბათუმის ხელოვნების სასწავლო უნივერსიტეტი, მანამდე კი – ქალაქის N1 საავადმყოფო იყო. ეს შენობა კულტურული მემკვიდრეობის ძეგლია.
გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის ინფორმაციით, 24 ივლისის 21 საათიდან 25 ივლისის 21 საათამდე აჭარაში მოსალოდნელია ცვალებადი მოღრუბლულობა, ღამით უმეტესად უნალექოდ, დღის ბოლოს ზოგან ხანმოკლე წვიმა.
იქროლებს ცვალებადი მიმართულების ქარი 8-13 მეტრი წამში.
ჰაერის ტემპერატურა სანაპირო ზოლსა და მთიან მუნიციპალიტეტებში:
სანამ საქართველოში ზაფხულის პიკი და პაპანაქება სიცხეა, ატლანტის ოკეანეში მდებარე კუნძულ ტენერიფეზე იდეალური ამინდია – ოკეანის ნიავი და ზომიერი სითბო დასვენებას განსაკუთრებით კომფორტულს ხდის.
ტენერიფეზე, „მარადიული გაზაფხულის კუნძულზე“, არის გამორჩეული ადგილი – Regency Country Club, სადაც ტროპიკული ეგზოტიკა და ევროპული კომფორტი ერთმანეთს იდეალურად ერწყმის.
რატომ RCC Tenerife?
კუნძული ტენერიფე მსოფლიოში ცნობილია იდეალური კლიმატით – ვულკანური პეიზაჟები, ოკეანის სიგრილე და მზიანი დღეები წლის ნებისმიერ დროს საუკეთესო განწყობას ქმნის.
სწორედ ამ მშვიდ და მწვანე გარემოში, არონას მუნიციპალიტეტში, მდებარეობს Regency Country Club. სასტუმრო ცნობილი სანაპიროებიდან (ლოს კრისტიანოსი და პლაია დე ლას ამერიკასი) სულ რამდენიმე წუთის სავალზეა, თუმცა აქ მოხვედრისას სულ სხვა სამყაროში გადადიხართ:
აზიური ეგზოტიკა ევროპაში: ბალის სტილში შექმნილი არქიტექტურა, ხელნაკეთი ქვის ქანდაკებები, მარმარილოს იატაკი და ტროპიკული ბაღები სრულ სიმშვიდესა და იდეალურ განწყობას გიქმნით.
დაუვიწყარი ხედები: ჰორიზონტთან შერწყმული აუზიდან პირდაპირ ატლანტის ოკეანესა და მეზობელ კუნძულ ლა გომერას გადაჰყურებთ – ეს ის ხედია, რომელიც საღამოს მზის ჩასვლისას უბრალოდ უნდა ნახოთ.
რა გელით კურორტზე:
სრული რელაქსაცია:უსასრულო აუზი, ჯაკუზის ტერასა და ცალკე ზონა ბავშვებისთვის;
გასტრონომია:PURA Restaurant Lounge, სადაც ხმელთაშუა ზღვისა და საერთაშორისო სამზარეულოს საუკეთესო კერძებს დააგემოვნებთ;
განტვირთვა და ენერგია: სპა, მასაჟის რიტუალები, საუნა და თანამედროვე ფიტნესდარბაზი;
აქტიური დასვენება: საოჯახო გასართობი პროგრამები და საველოსიპედო მარშრუტები კუნძულის აღმოსაჩენად.
როგორ და როდის ვესტუმროთ?
ევროპის ძირითადი ჰაბებიდან (მადრიდი, ბარსელონა და ა.შ.) ტენერიფემდე ფრენა სულ რამდენიმე საათს გრძელდება, რაც ამ მიმართულებას ქართველი მოგზაურებისთვისაც ძალიან მოსახერხებელს ხდის.
ტენერიფე უნიკალურია იმითაც, რომ აქ სეზონი არასდროს სრულდება – იქნება ეს ზაფხულის შვებულება თუ ზამთარში მზიან დღეებში დაბრუნების სურვილი, კუნძული წელიწადის 12-ვე თვეს იდეალურ პირობებს გვთავაზობს.
სასარგებლო ინფორმაცია:
სასტუმრო ნომრების ტიპების, ფასებისა და დაჯავშნის პირობების სანახავად ეწვიეთ სასტუმროს ოფიციალურ ვებგვერდს :www.regencycountryclub.com
პარასკევს, 24 ივლისს, ღამით, სანქტ-პეტერბურგზე, ლენინგრადის ოლქსა და ტვერზე დრონებით თავდასხმების შედეგად Wildberry-ის საწყობებში ხანძარი გაჩნდა.
ლენინგრადის ოლქის გუბერნატორმა ალექსანდრე დროზდენკომ დაადასტურა ხანძარი ვსევოლოჟსკის ოლქის სოფელ ნოვოსარატოვკაში მდებარე Wildberries-ის საწყობში. მედიის ცნობით, თავდასხმის შემდეგ Wildberries-მა შეაჩერა მუშაობა სანქტ-პეტერბურგში არსებულ ორ საწყობში. ასევე, ოკუპირებულ ყირიმში, სიმფეროპოლში მდებარე Wildberries-ის დახარისხების ცენტრი ევაკუირებულ იქნა.
Wildberries-ის დამფუძნებელმა და აღმასრულებელმა დირექტორმა ტატიანა კიმმა კომპანიის საწყობებზე თავდასხმებთან დაკავშირებით განაცხადა, რომ შეტევა მოხდა მათ სამ საწყობზე, თუმცა საქონლის გადარჩენა შეძლეს და წინასწარი მონაცემებით მსხვერპლი არ არის.
ამავე დროს, ლენინგრადის ოლქის გუბერნატორმა განაცხადა, რომ დრონების შეტევის შედეგად სამი ადამიანი დაშავდა.
უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2026 წლის 24 ივლისამდე პერიოდში, რუსეთის არმიის საბრძოლო დანაკარგი არის:
ცოცხალი ძალა – დაახლოებით 1 436 100 ადამიანი [გასულ დღე-ღამეში +1 410. ამ მონაცემებში შედის როგორც დაღუპულები, ასევე დაჭრილები]
ტანკი – 12 201 ერთეული [+10]
ჯავშანტექნიკა – 25 000 ერთეული [+6]
საარტილერიო სისტემა – 46 646 ერთეული [+76]
MLRS – 1 968 ერთეული [+7]
საზენიტო საბრძოლო სისტემა – 1 516 ერთეული [+1]
თვითმფრინავი – 439 ერთეული [+1]
ვერტმფრენი – 354 ერთეული [+0]
უპილოტო საფრენი აპარატის ოპერატიულ-ტაქტიკური დონე – 425 240 ერთეული [+1 652]
სახმელეთო რობოტიზებული კომპლექსი – 2 006 ერთეული [+12]
გემი/ნავი – 34 ერთეული [+0]
წყალქვეშა ნავი – 2 ერთეული [+0]
მანქანები და საწვავის ავზები – 124 787 ერთეული [+544]
სპეცტექნიკა – 4 454 ერთეული [+1]
ფრთოსანი რაკეტა [ჩამოაგდეს] – 4 938 ერთეული [+2]
უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.
უკრაინის სამხედრო დანაკარგებზე სტატისტიკური ინფორმაცია 2026 წლის 25 თებერვლის შემდეგ აღარ განუახლებია რუსეთს.
რუსეთის თავდაცვის სამინისტროს მიერ ტელეგრამ არხზე ბოლოს გავრცელებული მონაცემებით, ომის დაწყებიდან 2026 წლის 25 თებერვლამდე პერიოდში სულ განადგურებულია უკრაინის:
670 თვითმფრინავი
283 ვერტმფრენი
117 299 უპილოტო საფრენი აპარატი
651 საზენიტო სარაკეტო სისტემა
27 873 ტანკი და სხვა ჯავშანტექნიკა
1 674 მრავალჯერადი სარაკეტო გამშვები
33 474 საველე არტილერია და ნაღმმტყორცნი
55 252 სპეციალური სამხედრო მანქანა
ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.
ამასთან, აღნიშნულ მონაცემებთან ერთად რუსეთის თავდაცვა, უკრაინის და რუსეთის არმიის ცოცხალი ძალის საერთო დანაკარგების შესახებ სტატისტიკას არ აქვეყნებს. უკრაინის არმიის ცოცხალი ძალის დანაკარგების შესახებ მონაცემებს არ აქვეყნებს არც უკრაინა.
საქართველოს ელექტროსისტემა განცხადებას ავრცელებს დღეს, 24 ივლისს, ქვეყნის მასშტაბით ელექტორენერგიის გათიშვასთან დაკავშირებით.
„დღეს, დაახლოებით 00:10 საათზე, ქვეყნის მასშტაბით ელექტროენერგიის მიწოდება ავარიულად გაითიშა.
მიმდინარეობს აღდგენითი სამუშაოები.
ამ დროისთვის ელექტროენერგიის მიწოდება ნაწილობროვ აღუდგა მცხეთა-მთიანეთის რეგიონს და თბილისის დიდ ნაწილს.
ელექტროენერგიის გათიშვის მიზეზთან დაკავშირებით ვრცელდება დეზინფორმაცია. მოვუწოდებთ მედიასაშუალებებს, დაეყრდნონ მხოლოდ ოფიციალურ ინფორმაციას და თავი შეიკავონ დაუდასტურებელი ინფორმაციის გავრცელებისგან.
პარალელურად მიმდინარეობს ავარიის ზუსტი მიზეზების დადგენა, რის შესახებაც საზოგადოებას დამატებით მივაწოდებთ ინფორმაციას“ – იუწყება „ელექტროსისტემა“.
24 ივლისს, დაახლოებით 00:10 საათზე ელექტროენერგია გაითიშა ბათუმში, თბილისში და საქართველოს სხვადასხვა რეგიონებსა და ქალაქებში.
მოქალაქეები საქართველოს რეგიონებიდან ფეისბუქზე წერენ, რომ ელექტროენერგია არ მიეწოდებათ.
„სახელმწიფო ელექტროსისტემიდან არ მოგვეწოდება ძაბვა“ – უთხრეს „ბათუმელებს“ „ენერგო პრო-ჯორჯიაში“. აქ განმარტეს, რომ დენის გათიშვა კომპანიის მიზეზით არ მომხდარა.
ამ დრომდე [00:50 სთ] გათიშვის მიზეზის შესახებ განცხადება არ გაუვრცელებია სახელმწიფო ელექტროსისტემას.
დენის გათიშვის გამო თბილისიდან ვერ გამოდის თბილისი-ბათუმის მატარებელი.
თბილისი, 24 ივლისი, მატარებლის სადგური
განახლებული ინფორმაცია:
24 ივნისს, 01:30 საათზე განცხადება გაავრცელა სახელმწიფო ელექტროსისტემამ. უწყების განცხადებით, დენი ქვეყნის მასშტაბით ავარიულად გაითიშა და ამჟამად მიმდინარეობს აღდგენითი სამუშაოები. „ელექტროსისტემისვე“ განცხადებით, პარალელურად მიმდინარეობს ავარიის ზუსტი მიზეზების დადგენა.
ბათუმის მუნიციპალურმა ინსპექციამ ბულვარის გენგეგმასთან შესაბამისობაში მოყვანა უნებართვო კომერციული ობიექტების დაშლით დაწყო, თუმცა რამდენიმე გამონაკლისი დაუშვეს და გენგეგმაში შესაბამისი ცვლილებებიც შეიტანეს.
შეუსაბამო ნაგებობების ნგრევის პროცესს აქტიურად ეხმაურებოდა და მხარს უჭერდა საკრებულოში „ოცნების“ უმრავლესობა. ამაში, თავისთავად, ცუდი არაფერია, იმ შემთხვევაში, თუ მიდგომა შერჩევითი არ იქნება და მერია რეალურად „გაჰყვება“ სპეციალისტების მიერ შემუშავებულ დოკუმენტს.
ობიექტების დემონტაჟის პროცესი ბათუმის ბულვარში
ბათუმის ბულვარის გენგეგმაზე ბიუჯეტიდან ნახევარი მილიონი ლარი დაიხარჯა.
ნგრევის პროცესის შეჩერების შემდეგ სოციალურ ქსელებში მოქალაქეებმა არაერთხელ დააფიქსირეს ეჭვები იმის თაობაზე, რომ ბულვარში კაფე-რესტორნების ძველ მფლობელებს ახლები ჩაანაცვლებენ და რეალურად არაფერი შეიცვლება.
შეძლებს ბათუმის მერი გიორგი ცინცაძე, რომ ეს მოლოდინი არ გაამართლოს? – საეჭვოა, რადგან რამდენიმე გამონაკლისი მერიის ინიციატივით საკრებულომ უკვე დაუშვა. მაგალითად, გენგეგმაში ახალი ჩანაწერი გაჩნდა „სანრემოსთან “ დაკავშირებით. ფაქტობრივი გარემოებაა ისიც, რომ მერია არ იმჩნევს რესტორან „G17“-ს , რომელიც მუნიციპალიტეტის ტერიტორიაზე ვადაგასული ხელშეკრულებით, ანუ უკანონოდ ფუნქციონირებს.
გარდა იმისა, რომ საიჯარო ხელშეკრულებას ვადა გასული აქვს, „ბათუმელები“ მშენებლობის მომენტიდან ამ დრომდე არკვევს, თუ იყო გაცემული ნებართვა პლაჟზე იმ მასშტაბის მშენებლობისთვის, როგორშიც რესტორანი „G17“ არის განთავსებული. ჩვენი ინფორმაციით, რომელიც სანდო წყარომ დაგვიდასტურა, კომპანიას მხოლოდ პირსის აღდგენისა და მცირე ზომის მსუბუქი კონსტრუქციის მოწყობაზე ჰქონდა ნებართვა.
მშენებლობის პროცესში მერიაში გვითხრეს ისიც, რომ ადმინისტრაციული წარმოება იყო დაწყებული, თუმცა კონკრეტულად რა დარღვევაზე – არ დაგვიკონკრეტეს.
„G17-ს“ ბიზნესმენი ედნარ პაპუნაიშვილი ფლობს. ცნობილია, რომ ის აჭარის მთავრობის თავმჯდომარის, ზურაბ პატარაძის მეგობარია. საინტერესოა, იმიტომ ხომ არ ხუჭავს თვალს მერია, რომ რესტორნის მფლობელს ზურაბ პატარაძე ლობირებს? – ამაზე ზურაბ პატარაძეს ჰკითხეს კიდეც აჭარის უმაღლესი საბჭოს სხდომაზე, როცა თავის გეგმებზე ისაუბრა.
მაშინ ზურაბ პატარაძემ ამ შეკითხვაზე უპასუხა, რომ საქმე გვქონდა სამართლებრივ პროცესთან, თუმცა მას არ დაუზუსტებია, რა სამართლებრივ პროცესს გულისხმობდა.
სამაგიეროდ, აჭარის მთავრობის თავმჯდომარე ამ უკანონო რესტორანში, გასულ კვირას, ქორწილში მივიდა. ბიზნესმენმა პაპუნაიშვილმა სწორედ ამ რესტორანში გადაიხადა შვილის ქორწილი, რომელსაც „ოცნების“ საპატიო თავმჯდომარის ვაჟი, ბერა ივანიშვილიც ესწრებოდა მეჯვარის ამპლუაში, ბათუმის საკრებულოს კიდევ ერთი წევრი კი თამადა იყო.
სხვათა შორის, „ბათუმელებისთვის“ ცნობილია, რომ ყოფილი მერი, არჩილ ჩიქოვანი მიპატიჟების მიუხედავად არ მივიდა ერთ-ერთ ღონისძიებაზე, რომელიც ბათუმში უკანონოდ აშენებულ რესტორანში იმართებოდა: „გვითხრა მანდ ვერ წამოვალ, უკანონოდ აშენებულიაო“, თუმცა ვერაფერი გააკეთა უკანონო მშენებლობის შესაჩერებლად – ამ შემთხვევაშიც საქმე დიდ ფულთან ერთად დიდ გავლენებს ეხებოდა.
ისეთ მასშტაბებს, როგორიც არის „G17“ და „სანრემო“ ბულვარის გენგეგმა არ უშვებს. აქვე უნდა გავიხსენოთ ისიც, რომ საკრებულომ დოკუმენტის დამტკიცებამდე ამოიღო ჩანაწერი მშენებარე სასტუმრო „ამბასადორზე“ – გენგეგმაში ეწერა, რომ ის ბულვარისთვის შეუსაბამოა. შემდეგ „სანრემოსთან“ დაკავშირებული ჩანაწერიც შეცვალეს, საკრებულოს თავმჯდომარის მოადგილემ ჩვენი ურბანული მეხსიერების ნაწილიაო.
„ბათუმელები“ ამჯერად იმით დაინტერესდა, როგორ უნდა გადანაწილდეს კომერციული ობიექტები ბულვარში, თუ გადაწყვეტილებებს მართლაც მიიღებენ უკვე დამტკიცებული გენგეგმის მიხედვით.
გენგეგმით განსაზღვრულია ძირითადი გასასვლელები სანაპიროზე და თითოეული ასეთი გასასვლელი წერტილიდან დადგენილია ხედვის არეალები [120 გრადუსიანი კუთხე], ამ არეალებში კი დადგენილია შეზღუდვის ზონა, რომელშიც არ უნდა განთავსდეს არც ერთი შენობა – ბულვარიდან პრომენადზე გამოსვლისას, შენობებმა რომ არ შეუშალოს ხელი ზღვის ხედის აღქმას. სწორედ ამ მიდგომით განსაზღვრეს შენობების განთავსების არეალები.
სპეციალისტები ასევე განმარტავენ, რომ მსოფლიო ანალოგების გათვალისწინებით, განისაზღვრა იმ ობიექტების ჩამონათვალი, რომელთა განთავსებაც შესაძლებელია სანაპირო ზოლში – მცირე ზომის კაფე, საჩრდილობელი, ტუალეტი, საშხაპე, გასახდელი, სამაშველო კოშკი, ბავშვთა სათამაშო მოედანი, ქვიშის სპორტული მოედანი.
დოკუმენტის მიხედვით, სანაპირო ზოლში განთავსებული კვების ობიექტები განკუთვნილი უნდა იყოს ძირითადად პლაჟის მომსახურებისთვის, თუმცა მათთან წვდომა შესაძლებელი უნდა იყოს პრომენადის მხრიდანაც.
ესკიზი გენგეგმიდან
ჯამში სანაპირო ზოლში გათვალისწინებულია 20 მცირე ზომის კაფე, რომლებიც ერთმანეთისგან საშუალოდ 240 მეტრით უნდა იყოს დაშორებული. თითოეულ კვების ობიექტს, პრომენადის გასწვრივ უნდა ეკუთვნოდეს ტერიტორიის გარკვეული ნაწილი, სადაც შესაძლებელი იქნება შეზლონგების, სპორტული მოედნების ან საბავშვო ზონის განთავსება.
დოკუმენტის მიხედვით, სანაპირო ზოლში კაფე-რესტორნებისთვის ალტერნატიული ადგილი გამოინახა საოცრებათა პარკის ტერიტორიაზე, რომელიც უმეტესად თავისუფალია.
სპეციალისტები წერენ ისტორიული ბულვარის საზღვრის მიჯნაზე, ნინოშვილის ქუჩის საფეხმავლოდ გარდაქმნაზე სეზონურად, კვირის არასამუშაო დღეებში, ან მუდმივად. მათი მოსაზრებით, ეს შექმნის განსხვავებულ საჯარო სივრცეს. მეორე მხრივ კი მოხსნის ეკონომიკურ დაწოლას ბულვარში რესტორნებისა და კაფეების მშენებლობის კუთხით.
„ქუჩაზე შესაძლებელია ღია, სეზონური [საზაფხულო] კაფე-ბარების განთავსება, რომელიც დღის და საღამოს განმავლობაში აქტიურად მოემსახურება ბათუმის სტუმრებს.“
გენგეგმა ცალკე განიხილავს არდაგანის ტბის მიმდებარე ტერიტორიის შესაძლებლობებს:
„არდაგანის ტბას სამხრეთ-დასავლეთით მდებარეობს ე.წ. რესტორნების კლასტერი. ეს ტერიტორია თავიდანვე განვითარდა, როგორც კვების ობიექტების არეალი და აქ განთავსებულია სხვადასხვა ქვეყნის ტრადიციული არქიტექტურის იმიტაციით შესრულებული შენობები სარესტორნო ფუნქციებით, შენობების არქიტექტურული ხარისხი უმეტესად მდარეა.“
სპეციალისტები წერენ, რომ კვების ობიექტები ამ ტერიტორიაზე უსისტემოდ არის განლაგებული. ამასთან, ისინი ძირითადად პრომენადის პირას მდებარეობენ და ფასადებით უხეშად გამოდიან ზღვისპირა ღია ფრონტზე. ეს არღვევს ბულვარისთვის მნიშვნელოვან გეგმარებით პრინციპს, რომ სანაპირო ზოლს გასდევს პრომენადი, მას თავის მხრივ ველობილიკი, რომელსაც მოსდევდეს გამწვანების ზოლი.
„გრძელვადიან პერსპექტივაში ამ შენობებმა უნდა გადაინაცვლონ ხიმშიაშვილის ქუჩის პირზე. ასე უკეთესად მოხდება ამ რესტორნების მომსახურება ქუჩის მხრიდან, ხოლო გამოთავისუფლებული ადგილი უნდა შეივსოს გამწვანებით და ამგვარად აღდგეს მწვანე ზოლის განგრძობადობა პრომენადის გასწვრივ და კავშირი ტბასთან.“
გენგეგმა კაფესთვის სივრცის მოწყობის შესაძლებლობას განიხილავს საზაფხულო თეატრშიც:
„ბათუმის ბულვარის ერთ-ერთი ღირსშესანიშნაობა გახლდათ საზაფხულო თეატრი. თავდაპირველ საზაფხულო თეატრს გააჩნდა მსუბუქი, საპარკო არქიტექტურისთვის შესაფერისი გადაწყვეტა და ის ხის მასალით იყო შესრულებული. ახლანდელი თეატრი უფრო დიდი ზომისაა და მისი არქიტექტურული იერ-სახე ამოვარდნილია გარემო კონტექსტიდან.
მიგვაჩნია, რომ მომავალში უნდა აღდგეს ხანძრის შედეგად განადგურებული საზაფხულო თეატრის შენობა, რომელსაც გარდა გარკვეულ დღეებში, კონკრეტულ საათებში გამართული საკონცერტო ან თეატრალური წარმოდგენებისა, შეუძლია დღის და საღამოს განმავლობაში შეითავსოს საზაფხულო კაფე-რესტორნის, ხოლო ღამის საათებში ღამის საცეკვაო თუ კლუბური მუსიკის ფუნქციები. ამისათვის შესაძლებელია მოეწყოს ტრანსფორმირებადი შიდა სივრცე.“
ბოლო რამდენიმე დღეა, უკრაინის სამხედროებმა იერიში მიიტანეს რუსულ უმსხვილეს ონლაინ სავაჭრო ქსელის Wildberries-ის სათაო ოფისებზე. უკრაინული და სხვა გამოცემების მიხედვით, განადგურებულია კომპანიის საწყობების 552 000კვ.მეტრი ფართობი, რაც ბაზრის ლოჯისტიკური შესაძლებლობების დაახლოებით 10%-ია.
კომპანია Wildberrie-ი, რუსეთში ერთ-ერთ უმდიდრეს ქალს ტატიანა კიმს ეკუთვნის. თუმცა 2024 წლის ზაფხულში Wildberries-ი შეუერთდა რუსეთის უმსხვილეს სარეკლამო ოპერატორს, Russ Group-ს. ამ გაერთიანების შედეგად შეიქმნა ახალი კომპანია სახელწოდებით RVB (РВБ).
ახალ კომპანიაში კიმს 65%-ი ეკუთვნის, 35%-ი კი კომპანია „სტუნს“, რომლის უკანაც ძმები მირზოიანები დგანან. როგორც დასავლური მედიები (მაგალითად, Forbes და The Bell) წერენ, ამ კომპანიების გაერთიანების მომხრე თავად პუტინი იყო, რადგან მას სურდა რუსეთში Amazon-სა და დასავლური SWIFT-ის ალტერნატივა შეექმნა, რომელიც მას სანქციების გვერდის ავლაში დაეხმარებოდა.
რუსეთის მიერ უკრაინაში ომის დაწყების შემდეგ, Wildberrries დასანქცირებულია აშშ-ის, პოლონეთისა და უკრაინის მიერ, რადგან როგორც სხვადასხვა გამოძიებიდან ირკვევა, ეს კომპანია ერთ-ერთი მთავარი პლატფორმა გახდა, რომლის საშუალებითაც რუსი სამხედროები, მოხალისეები და კერძო შემწირველები ფრონტის ხაზს, მაგალითად, დრონებით ამარაგებენ.
სანქციების პირობებში კი, Wildberries-ი ხშირად გამოიყენებოდა, როგორც არხი იმ საქონლის რეალიზაციისთვის, რომელიც ოფიციალურად რუსეთში აღარ უნდა შედიოდეს, მაგრამ მესამე ქვეყნების გავლით მაინც ხვდება საწყობებში.
ბოლო ერთი წელია, ამ დასანქცირებულმა კომპანიამ აქტიურად დაიწყო საქართველოში ოფისების გახსნა. ყველაზე მეტი ოფისი გახსნილი აქვს თბილისსა და ბათუმში.
„ბათუმელებმა“ გუგლის რუკაზე გადაამოწმა ოფისების განლაგება და მისამართები.
ამ დროისთვის ბათუმში ამ რუსული, დასანქცირებული კომპანიის 20-მდე ოფისი იძებნება, თუმცა რაოდენობრივად, შესაძლოა უფრო მეტიც იყო. საქართველოს მასშტაბით კი, გუგლის რუკაზე, მინიმუმ 100 კომპანია დავთვალეთ.
ლერმონტოვის ქუჩა/ბათუმი
ბათუმში ერთ-ერთი ასეთი ოფისი, რუსეთში გაქცეული აჭარის მთავრობის ყოფილი თავმჯდომარის, ასლან აბაშიძის სიძის, თეიმურაზ კომახიძის სახლშია გახსნილი.
ამ ოფისებში ადამიანების დიდი მოძრაობა არ შეინიშნება. დავაკვირდით რამდენიმე ოფისს, სადაც მცირე ავეჯია განთავსებული, ზოგი ოფისი მასაჟის კაბინეტს ჰგავს, თუმცა მომხმარებლების აქტიური მიმოსვლა არ შეინიშნება.
ამიტომ დაზუსტებით არ შეგვიძლია ვთქვათ, კონკრეტულად რა საქმიანობას ეწევიან რუსული კომპანიის ბათუმის ოფისებში.
ბათუმი, ფარნავაზ მეფის ქუჩა.
Google-ის რუკის მიხედვით, Wildberries-ს თბილისში 50-ზე მეტი ფილიალი აქვს გახსნილი, ასევე ოფისები აქვს თითქმის ყველა პატარა ქალაქში – ყვარელში, რუსთავში, მარნეულში, სენაკსა და ფოთში. ფილიალები იძებნება ქუთაისშიც. ოფისები ძირითადად ქალაქების ცენტრალურ უბნებშია განთავსებული.
რუსული კომპანიის ფილიალები საქართველოს თითქმის ყველა ქალაქშია გახსნილი.
მას შემდეგ, რაც Wildberries-ის ოფისები უკრაინული დრონების სამიზნე გახდა და ასევე შემჩნეულია უკრაინის წინააღმდეგ კრემლის ინტერესების გატარებაში, რამდენად საფრთხის შემცველია ამ კომპანიის ოფისების მომრავლება და აქტიური საქმიანობა საქართველოში?
„ბათუმელები“ ამ თემაზე ესაუბრა უსაფრთხოების საკითხების მკვლევარს, გიორგი შაიშმელაშვილს. მისი თქმით, Wildberries-ის ოფისები სწორედ იმიტომ გახდა უკრაინული დრონების სამიზნე, რომ კომპანიის ლოჯისტიკური ჰაბები და მისი გადაზიდვის სერვისები გამოიყენება რუსული შეიარაღების წარმოების მომარაგებისთვის.
„ამ შემთხვევაში უკრაინელებისთვის ლეგიტიმური სამიზნე მაგიტომ იყო ეს კომპანია და მათი საწყობები. ჩვენ შემთხვევაში, ეს არ არის უბრალოდ ერთი კონკრეტული ქსელის პენეტრაცია საქართველოში, არამედ ვხედავთ, რუსეთის მთელი სოციალურ-ეკონომიკური ქსოვილის და დარწმუნებული ვარ, რუსული სპეცსამსახურების ძალიან ღრმა პენეტრაციას საქართველოს საზოგადოებრივ და ეკონომიკურ ცხოვრებაში.
ჩემთვის, როგორც ამ სფეროს სპეციალისტისთვის, სრულიად ცხადია, რომ არის საფრთხე“, – ამბობს გიორგი შაიშმელაშვილი.
გიორგი შაიშმელაშვილი.
მისი თქმით, ცალკე აღებულ Wildberries-ზე ლაპარაკს ერთი შეხედვით აზრი არ აქვს, რადგან მთელი სახელისუფლებო პოლიტიკური ლოგიკა, საქართველოს საგარეო პოლიტიკა და ეკონომიკაც მათ შორის, დაეფუძნა უკრაინაში მიმდინარე ომზე სარგებლის და მოგების ძებნას.
„რუსეთისთვის სანქციების გვერდის ავლის, რაღაც საშუალებად იქცა ქვეყანა.
როდესაც ჩვენს მეზობლებთან საქართველოდან გაიზარდა მაგალითად ავტომანქანების ექსპორტი, ეს მიუთითებს იმაზე, რომ აქედან ეს მანქანები შედის რუსულ ბაზარზე.
ფორმალურად, თითქოს ცდილობენ რაღაც ტიპის სანქციებისგან თავის არიდებას, თუმცა ფაქტია, რომ ქვეყანაში რუსული ინვესტიციები შემოდის და ეს ზრდის ჩვენს ეკონომიკას.
შემოდიან რუსეთის მოქალაქეებიც, რომლებიც ყიდულობენ უძრავ ქონებას, ხარჯავენ ფულს და ამას კარგად ვხედავთ თუნდაც ბათუმის მაგალითზე.
Wildberries-იც არის ამ საერთო ეკონომიკური და პოლიტიკური ლოგიკის შედეგი, რომელსაც „ქართული ოცნება“ ეწევა. უბრალოდ Wildberries კიდევ უფრო საინტერესოა იმის გამო, რომ მის მეპატრონეს ძალიან ახლო ურთიერთობები აქვს ვლადიმერ პუტინთან. პუტინისთვისაც იმიტომ არის ეს კომპანია მნიშვნელოვანი, რომ, როგორც ჩანს, გარდა მომარაგების ჯაჭვისა და საყოფაცხოვრებო ნივთების გაყიდვისა, ეს არის ფულის გათეთრებისა და გადარიცხვების ერთ-ერთი საშუალებაც“, – ამბობს გიორგი შაიშმელაშვილი.
ეს კომპანია, როგორც სანდო მედიასაშუალებები წერენ, რუსეთის სამხედრო კომისარიატს აწვდიდა დასაქმებულების მონაცემებს, რის შემდეგაც, პირდაპირ დასაქმების ადგილებიდან მიჰყავდათ ადამიანები ფრონტზე.
ასეთი კომპანიის გაძლიერება საქართველოში, რა ტიპის რისკია საქართველოს მოქალაქეებისთვის? – ვკითხეთ გიორგი შაიშმელაშვილს.
მისი თქმით, პრობლემაა ის, რომ არა მარტო ომის, მშვიდობიანობის დროსაც კი, რუსულ ბიზნესსა და რუსეთის სპეცსამსახურებს შორის ზღვარი პრაქტიკულად მოშლილია.
„ისევე როგორც ჩინეთში. რუსეთში ეს არის ყოფილი საბჭოთა მემკვიდრეობის გაგრძელება და ავტორიტარული სახელმწიფოების დამახასიათებელი რამ. ახლა მით უმეტეს, როცა რუსეთი ომშია, ამ ტიპის ბიზნესები, რომელსაც შეუძლია სამხედრო ამოცანებიც შეასრულოს, მაგალითად ლოგისტიკას დაეხმაროს, მაღალი ინტერესის ქვეშაა სახელმწიფო უსაფრთხოების სამსახურების მხრიდან.
ცხადია, რომ დღეს Wildberries-ი ამ მხრივ, თავისი მომარაგების ჯაჭვებით, მანქანებით, გადაზიდვებით, სერიოზული დასაყრდენია რუსეთის სახელმწიფოსთვის“, – ამბობს შაიშმელაშვილი.
რამდენად შეიძლება გამოიყენოს რუსეთმა საქართველოში არსებული ფილიალები უკრაინის წინააღმდეგ?
გიორგი შაიშმელაშვილის თქმით, რასაკვირველია, ეს დასაშვებია.
„სამხედრო შეიარაღებას ვერ დაასაწყობებენ და ეს არც სჭირდებათ. მიზანი ის არის, რომ დონბასში და ყირიმში მოხვდეს საჭირო ნივთები როგორმე. ომი რომ დაიწყო, გახსოვთ ალბათ, ჰუმანიტარული კოლონა რომ შევიდა დონბასში რუსეთიდან, მაშინაც მალევე გახდა ცნობილი ჩვენი პარტნიორებისა და უკრაინელებისთვის, რომ იმ ჰუმანიტარული ტვირთების ქვეშაც კი იყო შეიარაღება.
მოკლედ, ომის დროს შენიღბვის კარგი საშუალებაა, დაარქვა რაღაცას ბიზნესი და ამასობაში გამოიყენო ეს ომის მიზნებისთვის. მაგრამ, რაც დრო გადის უკრაინელების ტექნოლოგიები იხვეწება, რუსული ზურგი კი სულ უფრო დაუცველია.
ამიტომ, კითხვები, თუ რას საქმიანობს რუსული კომპანია საქართველოში ამ დოზით, ცხადია უნდა დავუსვათ „ქართული ოცნების“ ხელისუფლებას. თუმცა „ოცნებამ“ დღეს იმდენ ფრონტზე გაუხსნა რუსეთს შესაძლებლობები საქართველოში და იმდენად ღიად ხდება რუსული ინტერესების რეალიზება ქვეყანაში, რომ ერთ პრობლემაზე ფოკუსს ვეღარ ვასწორებთ, რომ საზოგადოებრივი წნეხი შევქმნათ.
ამაზეც იტყვიან, რომ ეს ბიზნესია, რომლითაც რუსეთიდან საქართველოში შემოსული პატიოსანი მოქალაქეები სარგებლობენ. მაგრამ ამდენი ოფისის გახსნა, ეს არ არის უბრალოდ მარკეტინგი, როგორც ჩანს, სხვა ინტერესებიც ამოძრავებთ. შესაძლოა ეს უკავშირდებოდეს ადგილზე საკუთრების შეძენას, ფულის გათეთრებას და ასე შემდეგ.
თვითონ ოფისებში ხდება თუ არა მერე ასეთი ადამიანების რეკრუტირება და არიან თუ არა იქ ფსბ-სთან დაკავშირებული ადამიანები, ეს სახელმწიფო უსაფრთხოების სამსახურის პრეროგატივა. ის ვალდებულია არკვევდეს, რატომ აქვთ ამდენი ოფისი, ვინ არიან აქ დასაქმებული ადამიანები, რა კავშირი აქვთ მათ ქვეყანაში არსებულ პოლიტიკურ პროცესებთან, რა ტიპის ინფორმაცია შეიძლება გადიოდეს აქედან? – ეს კითხვები არის ლეგიტიმური, მაგრამ ისენი დაკავებულები არიან პოლიტიკური ოპონენტების დევნით“, – ამბობს გიორგი შაიშმელაშვილი.
საჯარო რეესტრის მონაცემებით, საქართველოში Wildberries-ის სავაჭრო ნიშნით კომპანია შპს „ტრანსკომ გრუპ“-ი სარგებლობს, რომლის 100%-იანი წილის მფლობელიც 30 წლის სერგი თვალჭრელიძეა.
„ტრანსკომ გრუპის“ ერთ-ერთი მიწის ნაკვეთი რუსთავში/23 417კვ. მეტრი მიწა. [თბილის-წითელი ხიდის მე-17 კ/მ-ის მიმდებარე ტერიტორია]კომპანია „ტრანსკომ გრუპ“-ს 2026 წელს სამი მიწის ნაკვეთი აქვს დარეგისტრირებული:
23 417კვ. მეტრი მიწა რუსთავში, რომელიც 13 იანვარს დაურეგისტრირებია;
23180.00 კვ. მეტრი მიწა გარდაბანში, სოფელ გამარჯვებაში;
27743.00 კვ. მეტრი მიწა სოფელ კრწანისში.
სერგი თვალჭრელიძეს 2025 წელს „ქართული ოცნებისთვის“ 30 ათასი ლარიც შეუწირია.
