საქართველოს განათლების ახალი მინისტრი ალექსანდრე წულაძე იქნება. ის დღეს, 2 ოქტომბერს წარადგინეს აღნიშნულ თანამდებობაზე.
ალექსანდრე წულაძე მოქმედი მოსამართლე იყო, როცა განათლების სამინისტროში 2023 წლის დეკემბერში, მაშინდელი მინისტრის გიორგი ამილახვრის პირველ მოადგილედ დაინიშნა.
მინისტრის მოადგილის პოსტზე დანიშვნის შემდეგ, ალექსანდრე წულაძისგან რაიმე განსაკუთრებული ინიციატივა არ არის საჯაროდ ცნობილი, უცნობია მისი პოზიციაც სკოლაში კვების დანერგვასა თუ სხვა პრობლემურ საკითხებზე.
თუმცა ერთი მნიშვნელოვანი დეტალი, რომელიც ალექსანდრე წულაძესთან დაკავშირებით შეიძლება გავიხსენოთ, მისი პასუხი იყო კონსტიტუციაში ქორწინების დეფინიციის განსაზღვრაზე.
2019 წელს ალექსანდრე წულაძე უზენაესი სასამართლოს უვადო მოსამართლეობის კანდიდატი იყო. გასაუბრებაზე, იურიდიულ საკითხთა კომიტეტზე ევროპული საქართველოს წევრმა, სერგი კაპანაძემ მას ჰკითხა, მისი აზრით, რა შეიცვალა კონსტიტუციის ახალ რედაქციაში უარესობისკენ, რაზეც ალექსანდრე წულაძემ უპასუხა, რომ „ქორწინების განსაზღვრების შეცვლის აუცილებლობა არ ყოფილა“.
„ადამიანის უფლებების ნაწილში, პირადად ჩემი შეხედულებით, ქორწინების დეფინიციის, როგორც აი, ამ სამოქალაქო ინსტიტუტის ამ ხარისხში აყვანა არ იყო აუცილებელი კონსტიტუციით, რადგან ამით არათუ ჩვენ განვსაზღვრავთ პირებს ვისთანაც შეგვიძლია (ქორწინება) და ეს მხარეთა თანასწორობაზე და სამოქალაქო სამართლის ყველა პრინციპის გამტარებელი ინსტიტუტია, არამედ შეგვიძლია ხელშეკრულებაც დავდოთ ხომ ამ ადამიანებთან და აქედან გამომდინარე, როგორც ცივილისტმა, არ მიმაჩნდა, რომ კონსტიტუციაში ამის ჩაწერის აუცილებლობა იყო“,- ამბობდა ალექსანდრე წულაძე.
2022 წელს ქონებრივი დეკლარაციის მიხედვით, ალექსანდრე წულაძემ ხელფასის სახით საქართველოს უზენაესი სასამართლოდან 116 620 ლარი მიიღო. საქართველოს ადვოკატთა ასოციაციიდან, როგორც სასწავლო მოდულის ხელმძღვანელმა კი, – 10 305 ლარი.
2023 წელს კი, როგორც უზენაესი სასამართლოს მოსამართლემ, ანაზღაურების სახით 129 532 ლარი მიიღო.
მინისტრის მოადგილის პოსტზე კი, დანიშვნიდან სამ დღეში, მისი ანაზღაურება 694.89 ლარი იყო. მიმდინარე წლის დეკლარაცია წულაძეს ჯერ არ წარმოუდგენია.
გაეროს უახლესი ანგარიშისთანახმად, 2024 წლის 1-ელი ივნისიდან 31 აგვისტომდე პერიოდში უკრაინაში ომის შედეგად 589 მშვიდობიანი მოქალაქე დაიღუპა და 2685 დაშავდა.
დაღუპულთა შორის 324 კაცი იყო, 238 – ქალი, 14 გოგო და 13 ბიჭი.
გაერო წერს, რომ წინა სამ თვესთან შედარებით დაღუპულთა რიცხვი 45 პროცენტით გაიზარდა. ყველაზე სასტიკი დღე იყო 8 ივლისი, როდესაც რუსეთის ფედერაციის ფართომასშტაბიანი სარაკეტო თავდასხმის შედეგად უკრაინაში დაიღუპა სულ მცირე 43 მშვიდობიანი მოქალაქე.
გაერო აღნიშნავს, რომ მნიშვნელოვანი მოვლენა იყო უკრაინის შეიარაღებული ძალების შეჭრა რუსეთის ფედერაციის კურსკის ოლქში 6 აგვისტოს. გაერო წერს, რომ დაადგინა ზოგიერთი დაღუპულის ვინაობა, თუმცა შეზღუდული საჯარო ინფორმაციის გამო ორგანიზაცია ვერ ასახელებს მსხვერპლის რაოდენობას. აქვე, გაერო აღნიშნავს, რომ სთხოვეს რუსეთის ხელისუფლებას, ხელი შეეწყოთ ინფორმაციაზე ხელმისაწვდომობისთვის, თუმცა ეს თხოვნა დღემდე არ დაკმაყოფილდა.
31 აგვისტოს მდგომარეობით, გაეროს ადამიანის უფლებათა სადამკვირვებლო მისიამ უკრაინაში (HRMMU) დაადასტურა, რომ ომის გამო 2022 წლის 24 თებერვლიდან უკრაინაში დაიღუპა 11,743 მშვიდობიანი მოქალაქე და დაშავდა 24,614.
______________
ფოტოზე: კიევი, 2022 წელი. ფოტო: ევროპის პრესფოტო სააგენტო. EPA-EFE/MIGUEL A. LOPES
შს სამინისტროს ინფორმაციით, დღეს, 2 ოქტომბრის, დილიდან საპატრულო პოლიციის ცხელ ხაზზე მოქალაქეების ზარები შევიდა, რომლებიც ამბობენ, რომ პირად მეილებზე პოლიციისა სახელით გაურკვეველი შინაარსის შეტყობინებები მიიღეს.
პოლიცია მეილების დაგზავნას არ ადასტურებს.
„საპატრულო პოლიციის ერთიანი მომსახურების ცენტრის ცხელ ხაზზე დღეს დილიდან იურიდიული და კერძო პირების მიერ არაერთი სატელეფონო ზარი შემოვიდა, მოქალაქეები მიუთითებენ, რომ ელექტრონული ფოსტის მეშვეობით საპატრულო პოლიციის დეპარტამენტისა და მისი ხელმძღვანელის სახელით გაურკვეველი შინაარსის შეტყობინებები მიიღეს.
მოქალაქეების ინფორმირების მიზნით გვსურს განვმარტოთ, რომ არანაირი შეტყობინება არ არის დაგზავნილი საპატრულო პოლიციის დეპარტამენტის მხრიდან და მოქალაქეებს მოვუწოდებთ, არ შევიდნენ შეცდომაში.
ასევე, განვმარტავთ, რომ აღნიშნული ფაქტი შესწავლილი იქნება შინაგან საქმეთა სამინისტროს შესაბამისი სამსახურის მიერ“, – აცხადებს შსს.
ანტიკორუფციულმა ბიურომ გააუქმა „საერთაშორისო გამჭვირვალო საქართველოს” და მისი ხელმძღვანელის, ეკა გიგაურის წინააღმდეგ მიღებული გადაწყვეტილება, რომლითაც ისინი საარჩევნო მიზნების მქონე სუბიექტებად ცნო.
„ქვეყნის ეროვნული ინტერესების გათვალისწინებით, აუცილებლად მივიჩნევ რომ გამოვიყენო დისკრეცია და გამჭვირვალობა საქართველოს და ეკა გიგაურს გავუუქმო ყველა ის გადაწყვეტილება, რომლის თანახმადაც ორგანიზაციას და ეკა გიგაურს დაევალდებულათ გამჭვირვალე გაეხადათ პოლიტიკურ პროცესებში გაწეული დანახარჯები და ეს გაეცნოთ საზოგადოებისთვის,“ – ეს განცხადება დღეს, 2 ოქტომბერს გააკეთა ანტიკორუფციული ბიუროს ხელმძღვანელმა რაჟდენ კუპრაშვილმა.
კუპრაშვილის ამ განცხადებას წინ უძღოდა საქართველოს პრემიერ-მინისტრის, ირაკლი კობახიძის განცხადება, სადაც კობახიძემ ანტიკორუფციულ ბიუროს მოუწოდა, გადაეხედა თავისი გადაწყვეტილებისთვის, რომელიც „საერთაშორისო გამჭვირვალობა – საქართველოს“ და მისი ხელმძღვანელის, ეკა გიგაურის წინააღმდეგ მიიღო.
ანტიკორუფციულმა ბიურომ 24 სექტემბერს გამოაქვეყნა გადაწყვეტილება, რომლითაც TI, ეკა გიგაური, „აირჩიე ევროპა“ და მისი დამფუძნებლები „საარჩევნო მიზნების მქონე სუბიექტებად“ ცნო.
ბიუროს ხელმძღვანელის, რაჟდენ კუპრაშვილის მტკიცებით, მონიტორინგის შედეგად მათ გამოავლინეს, რომ გიგაური, როგორც პერსონალურად, ისე ორგანიზაციის სახელით, ჩართული იყო საარჩევნო კამპანიაში. აღნიშნული გადაწყვეტილების შემდეგ იყო საფრთხე, რომ „საერთაშორისო გამჭვირვალობა-საქართველო“ (TI) ორგანიზაციის სახელით არჩევნებს ვეღარ დააკვირდებოდნენ.
ამომრჩეველთა ერთიანი სია დგება კანონმდებლობით განსაზღვრული დაწესებულებების, მათ შორის საქართველოს იუსტიციის სამინისტროს სახელმწიფო სერვისების განვითარების სააგენტოს და საქართველოს საგარეო საქმეთა სამინისტროს საკონსულო დეპარტამენტის მიერ მოწოდებული ინფორმაციის საფუძველზე.
საზღვარგარეთ უბნის შექმნის ერთადერთი პირობაა ერთიან სიაში მყოფი არანაკლებ 50 ამომრჩევლის (და არა მხოლოდ საქართველოს მოქალაქის) საკონსულო აღრიცხვა. შესაბამისად, თუ არ არის დაცული ეს მოცემულობა, საარჩევნო უბანი არ გაიხსნება:
მნიშვნელობა არ აქვს, საქართველოს რამდენ მოქალაქეს აქვს კონკრეტული ქვეყნის მისამართზე საზღვარგარეთის რეგისტრაცია, მოქმედი კანონმდებლობის თანახმად;
იმ ქვეყნებში არსებულ დიპლომატიურ წარმომადგენლობაში, სადაც საკონსულო აღრიცხვაზე დგას 50-ზე ნაკლები ამომრჩეველი.
საზღვარგარეთ არჩევნებში მონაწილეობის მისაღებად ამომრჩეველი შეიყვანება სპეციალურ სიებში, რომელშიც შეიტანება ამომრჩევლების შესახებ იგივე მონაცემები, რომლებიც არის ამომრჩეველთა ერთიან სიაში.
იმ საარჩევნო უბნებში, რომლებიც უკვე შექმნილია საზღვარგარეთ, სპეციალურ სიაში ამომრჩევლების შეყვანა ხდება, თუ:
სხვა ქვეყანაში მყოფი ამომრჩეველი დგას საქართველოს საკონსულო აღრიცხვაზე და ამომრჩეველს აქვს რეგისტრაციის მისამართი საქართველოში:
ასეთი ამომრჩეველი 2024 წლის 26 სექტემბრამდეც ნებისმიერ პერიოდში შეძლებდა და ახლაც შეუძლია საკუთარი მონაცემების გადამოწმება ამომრჩეველთა სიაში, ვინაიდან, საქართველოს ტერიტორიაზე შექმნილია საარჩევნო უბნები.
ამომრჩეველს აქვს საზღვარგარეთ რეგისტრაცია (მისი რეგისტრაციის მისამართი არის სხვა ქვეყანაში, მაგალითად, საფრანგეთი, აშშ, ქალაქი ნიუ-იორკი და ა.შ):
ეს ამომრჩევლებიც შედიან ამომრჩეველთა ერთიან სიაში, მაგრამ, ვინაიდან, საზღვარგარეთ საარჩევნო უბნები გაიხსნა კენჭისყრის დღემდე 30 დღით ადრე (26 სექტემბერი), სწორედ ამ ვადის შემდეგ ხდება მათი გადანაწილება იმ ქვეყნების მიხედვით, სადაც გაიხსნა საარჩევნო უბნები და შესაბამისი პროცედურების დასრულების შემდეგ, მათ შეუძლიათ საკუთარი მონაცემები გადაამოწმონ ამომრჩეველთა სიაში.
ამომრჩეველი, რომელიც დადგენილ ვადაში გაივლის საარჩევნო რეგისტრაციას შესაბამის საარჩევნო უბანში/დიპლომატიურ წარმომადგენლობაში, ან დადგება საკონსულო აღრიცხვაზე მიმდინარე წლის 7 ოქტომბრის ჩათვლით.
საბოლოო მონაცემებს საგარეო საქმეთა სამინისტრო ცესკოს მიაწვდის 8 ოქტომბერს, ხოლო შესაბამისი სახელმწიფო უწყებები (სერვისების განვითარების სააგენტო, შსს და სხვა) კი – 9 ოქტომბერს. აღნიშნული მონაცემების დამუშავების შემდგომ, ამომრჩეველთა სიები მიიღებს საბოლოო სახეს.
ამ ეტაპზე, ცესკოს ვებგვერდზე განთავსებულია სპეციალურ სიაში შესაყვანი ამომრჩევლების შესახებ ინფორმაცია ქვეყნების მიხედვით. საბოლოო სიების დამუშავების შემდეგ ინფორმაცია განთავსდება სხვა ქვეყანაში შექმნილი საარჩევნო უბნების მიხედვით.
საყურადღებოა, იმისათვის რომ, საზღვარგარეთ მყოფი ამომრჩეველი მოხვდეს სიაში აუცილებელია ის ფლობდეს 7 ოქტომბრის მდგომარეობით მოქმედ საქართველოს მოქალაქის პირადობის მოწმობას ან საქართველოს მოქალაქის პასპორტს, ხოლო ხმის მიცემის უფლების განხორციელებას კი შეძლებს, თუ აღნიშნული რომელიმე დოკუმენტი ასევე ძალაში იქნება 26 ოქტომბრის მდგომარეობით.
აქვე, კიდევ ერთხელ განვმარტავთ საგარეო საქმეთა სამინისტროს ელექტრონულ საკონსულო პორტალ geoconsul.gov.ge-ზე გამოქვეყნებულ სტატისტიკასთან დაკავშირებულ საკითხს. ცალკეულმა პირებმა გააკეთეს განცხადება, რომლის მიხედვითაც საპარლამენტო არჩევნებისთვის რეგისტრაცია 128 000-მა თანამემამულემ გაიარა, მაშინ, როდესაც საგარეო საქმეთა სამინისტრომ ცენტრალურ საარჩევნო კომისიას 65 508 ამომრჩევლის მონაცემი გადასცა.
საგარეო საქმეთა სამინისტროს მიერ საჯაროდ გავრცელებული ინფორმაციიდან ირკვევა, რომ ვებგვერდის geoconsul.gov.ge სტატისტიკური მაჩვენებელი აღრიცხავს იმ პირთა რაოდენობას, ვინც 2015 წლიდან ისარგებლა ამ ვებგვერდით, მათ შორის დადგა საკონსულო აღრიცხვაზე.
ამასთან მნიშვნელოვანია აღინიშნოს, რომ საკონსულო აღრიცხვაზე დადგომის უფლება აქვთ არა მხოლოდ საქართველოს სრულწლოვან მოქალაქეებს, არამედ საქართველოს არასრულწლოვან მოქალაქეებს, საქართველოში მოქალაქეობის არმქონე პირის სტატუსის მქონე პირებს და ნეიტრალური სამგზავრო დოკუმენტის მფლობელ პირებსაც, რომლებიც არ შედიან საარჩევნო უფლების მქონე პირთა კატეგორიაში. შესაბამისად, ვებ-გვერდის სტატისტიკური მაჩვენებელი (128 000 პირი) მოიცავს ყველა ამ კატეგორიის ადამიანს 2015 წლიდან. ეს სტატისტიკა მოიცავს იმ პირებსაც, ვინც თავის დროზე ამ ვებგვერდის მეშვეობით დადგა საკონსულო აღრიცხვაზე და შემდეგ მოიხსნა, თუმცა როგორც აღნიშნული ვებ-გვერდით მოსარგებლე, კვლავ რჩება სტატისტიკურ მონაცემში.
შესაბამისად, ვებ-გვერდზე მოცემული მაჩვენებელი ასახავს იმ პირთა რაოდენობას, ვინც ზოგადად ისარგებლა საკონსულო აღრიცხვაზე დადგომის ელექტრონული სისტემით და არ გახლავთ ამჟამად საკონსულო აღრიცხვაზე მყოფი ადამიანების სტატისტიკა.
26 ოქტომბრის არჩევნებთან დაკავშირებით საგარეო საქმეთა სამინისტრომ ცენტრალურ საარჩევნო კომისიას 25 სექტემბერს გადმოსცა ინფორმაცია საკონსულო აღრიცხვაზე მყოფი 68 024 პირის შესახებ, გადამოწმების შედეგად აღმოჩნდა, რომ აღნიშნულ სიაში მყოფ 2 516 პირს არ ჰქონდა ვალიდური დოკუმენტები და საარჩევნო უფლება, შედეგად საბოლოო ჯამში ცენტრალურმა საარჩევნო კომისიამ 65 508 ამომრჩევლის მონაცემების საფუძველზე 42 ქვეყანაში შექმნა 60 საარჩევნო უბანი.
უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2024 წლის 2 ოქტომბრამდე პერიოდში, რუსეთის არმიის საბრძოლო დანაკარგი არის:
ცოცხალი ძალა – დაახლოებით 655 560 ადამიანი [გასულ დღე-ღამეში +1 130]
ტანკი – 8 887 ერთეული [+4]
ჯავშანტექნიკა – 17 579 ერთეული [+32]
საარტილერიო სისტემა – 18 869 ერთეული [+14]
MLRS – 1 204 ერთეული [+0]
საზენიტო საბრძოლო სისტემა – 963 ერთეული [+0]
თვითმფრინავი – 368 ერთეული [+0]
ვერტმფრენი – 328 ერთეული [+0]
უპილოტო საფრენი აპარატის ოპერატიულ-ტაქტიკური დონე – 16 348 ერთეული [+26]
ფრთოსანი რაკეტა [ჩამოაგდეს] – 2 613 ერთეული [+0]
გემი/ნავი – 28 ერთეული [+0]
წყალქვეშა ნავი – 1 ერთეული [+0]
მანქანები და საწვავის ავზები – 25 692 ერთეული [+71]
სპეცტექნიკა – 3 318 ერთეული [+4]
უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.
უკრაინის სამხედრო დანაკარგებზე ინფორმაცია განაახლა რუსეთმაც.
რუსეთის თავდაცვის სამინისტროს მიერ გავრცელებული მონაცემებით, ომის დაწყებიდან 2024 წლის 2 ოქტომბრამდე პერიოდში სულ განადგურებულია უკრაინის:
646 თვითმფრინავი
283 ვერტმფრენი
32 590 უპილოტო საფრენი აპარატი
579 საზენიტო სარაკეტო სისტემა
18 471 ტანკი და სხვა ჯავშანტექნიკა
1 469 მრავალჯერადი სარაკეტო გამშვები
15 463 საველე არტილერია და ნაღმმტყორცნი
26 794 სპეციალური სამხედრო მანქანა
რუსეთის თავდაცვა, ამ მონაცემებთან ერთად, უკრაინის არმიის ცოცხალი ძალის დანაკარგების შესახებ სტატისტიკას არ აქვეყნებს.
ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.
—
რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.
„ოცნების“ სია მილიარდერი ექსპრემიერით, ბიძინა ივანიშვილით იწყება, სიის ნახევარზე მეტი კი მილიონერია, რომლებიც ბიზნესში უფრო წარმატებულნი არიან, ვიდრე პოლიტიკაში. მოქმედი პარლამენტარებიდან უმეტესობა, რომლებიც პოლიტიკაში ბიზნესიდან მივიდნენ, სხდომებს არ ესწრებოდნენ, თუ ესწრებოდნენ, არ აქტიურობდნენ.
„ოცნების“ ახალი სახეები 2024 წლის საპარლამენტო არჩევნების სიის მიხედვით პოპულარული სპორტსმენები და ხელოვანებიც არიან, მეტწილად კი ბიზნესიდან მოსული პოლიტიკოსები. მათგან უმეტესობა მილიონერია.
„ოცნების“ სიაშია მილიონერი ბიზნესმენი შოთა ბერეკაშვილი. BK constraction-ის დამფუძნებელი მე-16 ნომრად ჩაწერეს. მას ორმაგი მოქალაქეობა აქვს და რუსეთის მოქალაქეც არის. ბერეკაშვილი კიდევ რამდენიმე კომპანიის დამფუძნებელი და თანამფლობელია. სამშენებლო ბიზნესშია 2017 წლიდან, 2003-2009 წლებში მუშაობდა „ბიქეი კაპიტალის“ აღმასრულებელ დირექტორად მოსკოვში, 1999 წლიდან 2003 წლამდე კი საინვესტიციო საბანკო სექტორში ნიუ იორკსა და ლონდონშიც უმუშავია.
პოლიტიკაში ბიზნესიდან მოვიდა და მილიონერია ზაალ დუგლაძეც. ზაალ დუგლაძე ბიძინა ივანიშვილის ძმის, ალექსანდრე ივანიშვილის ბიზნესპარტნიორია. აქვს ღვინის ბიზნესი. „გამჭვირვალობა საქართველოს“ კვლევის თანახმად, საქართველოს პარლამენტის წევრ, ზაალ დუგლაძესთან დაკავშირებულმა კომპანიებმა სახელმწიფო პროგრამის ფარგლებში 8 მილიონზე მეტი ლარი მიიღეს.
„ოცნების“ სიაშია მოქმედი პარლამენტარი გოჩა ენუქიძე. ის ორჯერ „ერთიანი ნაციონალური მოძრაობის“ და ორჯერ „ქართული ოცნების“ წარდგენით გახდა ამბროლაურის მაჟორიტარი დეპუტატი. გოჩა ენუქიძე მილიონერია. ის რამდენიმე კომპანიის მფლობელი და თანამფლობელია. მისი ერთ-ერთი კომპანია ბათუმში, ზღვასთან ახლოს, ცათამბჯენებს აშენებს.
გოჩა ენუქიძე და მისი ოჯახი რამდენიმე კომპანიისა და დიდძალი უძრავი ქონების მფლობელები არიან. მისივე ქონებრივი დეკლარაციის მიხედვით, ენუქიძე ასევე ფლობდა „ტესლას“ აქციებსაც.
ილია ინჯია მეათე მოწვევის პარლამენტის დეპუტატის და ბიზნესმენ ფრიდონ ინჯიას ვაჟია. მამა, ფრიდონ ინჯია, მილიონერია. ფრიდონ ინჯია და მისი მეუღლე ფლობენ უძრავ ქონებას თბილისში, ბათუმში, კასპში, მარტვილში. მისივე ქონებრივი დეკლარაციის მიხედვით, ინჯიას დანაზოგი რუსულ ბანკებშიც აქვს. მართვაში გადაცემული წილებიდან გასულ წელს ფრიდონ ინჯიას მეუღლემ მილიონზე მეტი ლარი მიიღო შემოსავლის სახით.
სიაშია ბიზნესმენი ვასილ ჩიგოგიძეც, ისიც მილიონერია. ის ერთ-ერთია მილიონერ დეპუტატებს შორის, რომელიც 2020 წელს, როცა პარლამენტის წევრი გახდა, უკვე ფლობდა არაერთ უძრავ ქონებას თბილისში, ბაკურიანსა და საგურამოში.
გიორგი ჭყონია და მისი პარტნიორები წლებია „ოცნების“ შემწირველები არიან. ის ერთ-ერთია იმ ბიზნესმენებს შორის, ვინც 2022 წელს, აჭარის მთავრობასთან ერთად იმყოფებოდა კუნძულ მალიორკაზე. აჭარის მთავრობის ინფორმაციით, ეს ვიზიტი სწორედ ბათუმელმა ბიზნესმენებმა დააფინანსეს.
გიორგი ჭყონიას კომპანიები: შპს „გზა“, შპს „ბათუმი ცენტრალი“ და შპს „შატო კვირიკე“ აქტიურად მონაწილეობენ სახელმწიფო შესყიდვებში, საიდანაც 2011-2023 წლებში, შემოსავლის სახით, მიიღეს 335 მილიონ 638 ათას 719 ლარი.
გიორგი ჭყონიამ და მისმა ბიზნესპარტნიორებმა მმართველ პარტიას და საპრეზიდენტო კანდიდატს, სალომე ზურაბიშვილს, ჯამში 1 394 000 ლარი შესწირეს. ბიზნესმენის საქმიანობაზე დეტალურად წაიკითხეთ აქ.
2016 წლიდან 2023 წლის ჩათვლით პირადად გიორგი ჭყონიამ „ქართულ ოცნებას“ ჯამში 400 000-ზე მეტი ლარი შესწირა.
კორუფციის მკვლევრები დიდი ხანია მისი მხრიდან სახელმწიფო რესურსების საეჭვო გამოყენების ფაქტებზე წერენ. „საერთაშორისო გამჭვირვალობა საქართველოს“ კვლევის მიხედვით, გიორგი ჭყონია ფლობს 20 კომპანიის წილს და ხელმძღვანელობს 3 კომპანიას. ეს კომპანიები, თავის მხრივ, ფლობენ სხვა კომპანიების წილებს.
გიორგი ხახუბია მეათე მოწვევის პარლამენტის წევრი 2023 წელს გახდა, შუალედური არჩევნების შედეგად, როგორც ფოთის, სენაკისა და ხობის მაჟორიტარი. ამ ოლქში არჩევნების ჩატარება მას შემდეგ გახდა საჭირო, რაც გიორგი ხახუბიას მამა, დეპუტატი ირაკლი ხახუბია სახლში გარდაცვლილი იპოვეს.
პარლამენტში შესვლამდე გიორგი ხახუბია მუშაობდა საგანგებო სიტუაციების კოორდინაციისა და გადაუდებელი დახმარების ცენტრში და საქართველოს გაზის ტრანსპორტირების კომპანიაში. ხახუბია ერთ-ერთია მილიონერ დეპუტატებს შორის – მისი და მისი მეუღლის სახელზეა რეგისტრირებული არაერთი უძრავი ქონება თბილისში, ბაკურიანში, ფოთში, ჩოხატაურში, ბათუმში.
„ოცნების“ სიაში არიან მილიონერები:
ისკო დასენი,
გოდერძი ჩანქსელიანი,
გიორგი ბარვენაშვილი,
ანზორ ბოლქვაძე და სხვები.
ანზორ ბოლქვაძე არაერთხელ მოხვდა „საერთაშორისო გამჭვირვალობა – საქართველოს“ კვლევაში, როგორც სავარაუდო კორუფციასთან დაკავშირებული პირი. მაგალითად, 2021 წელს „გამჭვირვალობამ“ გამოაქვეყნა კვლევა – „მაჟორიტარობის 13 წელი და 13 მილიონ ლარზე მეტი სახელმწიფო შესყიდვებიდან ანზორ ბოლქვაძის ოჯახს და ახლობლებს“.
26 ოქტომბრის არჩევნებამდე 25 დღე რჩება. ქვეყნის მასშტაბით გახსნილია 3 031 საარჩევნო უბანი. საუბნო საარჩევნო კომისიებმა 26 სექტემბრიდან დაიწყეს ფუნქციონირება.
საუბნო საარჩევნო კომისიების წევრებმა უკვე დაიწყეს ამომრჩეველთა ბარათების დარიგება. ამასთან, როგორც ჩვენთვის ცნობილია, ზოგიერთი პარტიის მიერ დანიშნული წევრები არ ცხადდებიან საარჩევნო უბნებზე და არ არიან ჩართული კომისიების მუშაობაში, მათ შორის ამომრჩეველთა ბარათების დარიგებაში. გვინდა მოვუწოდოთ მათ, სრულფასოვნად ჩაერთონ კომისიების მუშაობაში, რადგან აღნიშნული პროცესის მასშტაბურობა ყველა წევრის ჩართულობას საჭიროებს.
აქვე შეგახსენებთ, რომ საარჩევნო რეფორმის ფარგლებში, საარჩევნო უბანზე ამომრჩეველთა რაოდენობის ზედა ზღვრის ზრდის გამო, გამსხვილდა ზოგიერთი საარჩევნო უბანი. შესაბამისად, ამომრჩეველთა ნაწილს ამ არჩევნებზე ხმის მიცემა გასულ არჩევნებისგან განსხვავებულ ლოკაციაზე მოუწევთ. ამიტომ მნიშვნელოვანია ამომრჩევლებმა დროულად გადაამოწმონ საკუთარი მონაცემები და წინასწარ იცოდნენ სად არის მათი საარჩევნო უბანი.
ამომრჩეველთა სიაში ცვლილების მოთხოვნა 8 ოქტომბრის ჩათვლით არის შესაძლებელი. საარჩევნო ადმინისტრაცია კიდევ ერთხელ მოგიწოდებთ აქტიურობისა და ამომრჩეველთა ერთიან სიებში მონაცემების გადამოწმებისკენ.
ამომრჩეველთა ერთიან სიაში მონაცემების გადამოწმება შესაძლებელია კომპიუტერის, პლანშეტის, მობილურის და სწრაფი გადახდის აპარატის გამოყენებით. მათ შორის წელს პირველად, საარჩევნო ადმინისტრაცია ამომრჩევლებს მონაცემების გადამოწმებას ცესკოს ახალი მობილური აპლიკაციის საშუალებითაც სთავაზობს. ამ სერვისით სარგებლობისთვის საჭიროა ჩამოტვირთოთ აპლიკაცია Voters Georgia – Cesko და გაეცნოთ თქვენ და ოჯახის წევრების მონაცემებს, ასევე რუკის საშუალებით ნახოთ საარჩევნო უბნის მისამართი და გაიგოთ სად უნდა მისცეთ ხმა 26 ოქტომბერს.
მნიშვნელოვანია, რომ ვებგვერდზე voters.cec.gov.ge ეთნიკური უმცირესობებით კომპაქტურად დასახლებულ რეგიონებში მცხოვრებ ამომრჩევლებს ერთიან სიაში საკუთარი მონაცემების გადამოწმება შეუძლიათ აზერბაიჯანულ და სომხურ ენებზე.
გარდა ამისა, ამომრჩეველს შეუძლია მივიდეს იმ საუბნო საარჩევნო კომისიის მისამართზე, სადაც არის რეგისტრირებული და ადგილზე გადაამოწმოს მონაცემები ამომრჩეველთა ერთიანი სიის საჯარო ვერსიაში. უზუსტობის აღმოჩენის შემთხვევაში კი განცხადებით მიმართოს საუბნო ან საოლქო საარჩევნო კომისიას და მოითხოვოს ამომრჩეველთა სიაში ცვლილების შეტანა. ასევე შეგიძლიათ დაგვიკავშირდით ცესკოს კონტაქტ-ჰაბის ნომერზე – 2 51 00 51.
საქართველოს ოკუპირებული ტერიტორიიდან იძულებით გადაადგილებული პირი, თუ მისი რეგისტრაციის მისამართი, საქართველოს მოქალაქის პირადობის მოწმობის ან სააგენტოს მონაცემთა ბაზის მიხედვით, საქართველოს ოკუპირებულ ტერიტორიაზეა, ამომრჩეველთა ერთიან სიაში შეჰყავთ მისი ფაქტობრივი საცხოვრებელი ადგილის მიხედვით.
საქართველოს მოქალაქე, რომელიც მოიხსნა საცხოვრებელი ადგილის მიხედვით რეგისტრაციიდან ან რომლის რეგისტრაციაც ძალადაკარგულად გამოცხადდა სააგენტოს გადაწყვეტილებით, ამომრჩეველთა ერთიან სიაში შეიყვანება ბოლო რეგისტრაციის ადგილის (მისამართის) ან ფაქტობრივი (დროებითი) საცხოვრებელი ადგილის (მისამართის) მიხედვით.
ხოლო საქართველოს ის მოქალაქეები, რომელთაც სააგენტოს მონაცემთა ბაზის მიხედვით, ფიქსირდებიან მისამართის მითითების გარეშე, ამომრჩეველთა ერთიან სიაში შეჰყავთ სააგენტოს მონაცემთა ელექტრონულ ბაზაში არსებული ფაქტობრივი (დროებითი) საცხოვრებელი ადგილის (მისამართის) მიხედვით.
იურიდიული მისამართისა და მისამართის მითითების გარეშე რეგისტრაციის მქონე პირებმა ცვლილების განხორციელების მიზნით უნდა მიმართონ იუსტიციის სახლს (სახელმწიფო სერვისების განვითარების სააგენტოს). ხოლო იძულებით გადაადგილებულმა პირმა ფაქტობრივი საცხოვრებელი მისამართის ცვლილების მიზნით – საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს.
გვინდა მივმართოთ რეგისტრაციიდან მოხსნილ, რეგისტრაცია ძალადაკარგულ და მისამართის მითითების გარეშე რეგისტრირებულ ამომრჩევლებს, დროულად მიმართონ სააგენტოს 5 ოქტომბრის ჩათვლით, გადაამოწმონ საკუთარი მონაცემები და საჭიროების შემთხვევაში გაიარონ შესაბამისი პროცედურები არჩევნებში მონაწილეობის მიზნით. სხვა შემთხვევაში ამომრჩეველი, ამომრჩეველთა ერთიან სიაში შეიყვანება სააგენტოს მონაცემთა ელექტრონულ ბაზაში არსებული ბოლო რეგისტრაციის ადგილის ან ფაქტობრივი (დროებითი) საცხოვრებელი ადგილის მისამართის მიხედვით.
ასევე გვინდა შევახსენოთ პროცედურები საზღვარგარეთ მყოფ ამომრჩევლებს. როგორც ცნობილია, ცესკომ უკვე შექმნა საზღვარგარეთ 42 სახელმწიფოს 53 ქალაქში 60 საარჩევნო უბანი. იმ შემთხვევაში, თუ საზღვარგარეთ მყოფი საქართველოს მოქალაქე არ იმყოფება საკონსულო აღრიცხვაზე და არ აქვს რეგისტრაცია საზღვარგარეთ, მას აქვს შესაძლებლობა 7 ოქტომბრის ჩათვლით, საარჩევნო მიზნებისთვის გაიაროს რეგისტრაცია საქართველოს დიპლომატიურ წარმომადგენლობაში, ან საკონსულო დაწესებულებაში, ან შესაბამის სახელმწიფოში შექმნილ საუბნო საარჩევნო კომისიაში, რის შემდეგაც მას ექნება საშუალება მიიღოს მონაწილეობა არჩევნებში. საკონსულო აღრიცხვაზე დადგომასთან დაკავშირებით ინფორმაცია შეგიძლიათ იხილოთ შემდეგ ვებგვერდებზე: https://www.geoconsul.gov.ge/
შეგახსენებთ, რომ კენჭისყრაში მონაწილეობის მისაღებად ამომრჩეველს თან უნდა ჰქონდეს პირადობის დამადასტურებელი ელექტრონული მოწმობა ან პასპორტი. ამომრჩეველი ხმის მიცემას ასევე შეძლებს საკანონმდებლო დონეზე არსებული საგამონაკლისო შემთხვევებისას (რწმენის გამო, ჯანმრთელობის მდგომარეობის გამო) გაცემული მოქმედი არაელექტრონული (ე.წ. ,,ლამინირებული’’) პირადობის მოწმობითაც, რომლის ჯამური რაოდენობა, სერვისების განვითარების სააგენტოს მოწოდებული მონაცემების თანახმად, შეადგენს მხოლოდ 394-ს. აქვე შეგახსენებთ, რომ კანონში შესული ცვლილების თანახმად, 2024 წლის 1 ივლისიდან გაუქმდა 2011 წლის 28 ივლისამდე გაცემული არაელექტრონული (ე.წ. ლამინირებული) პირადობის მოწმობები.
ამასთანავე შეგახსენებთ ინფორმაციას გადასატანი საარჩევნო ყუთისა და ადაპტირებული/მისაწვდომი საარჩევნო უბნის მოთხოვნის პროცედურასთან დაკავშირებით.
ამომრჩეველმა გადასატანი საარჩევნო ყუთის მეშვეობით ხმის მიცემის მოთხოვნით საუბნო საარჩევნო კომისიას უნდა მიმართოს არაუგვიანეს 15 ოქტომბრისა. გადასატანი საარჩევნო ყუთის მეშვეობით კენჭისყრის პროცედურა იწყება 09:00 საათიდან და სრულდება 19:00 საათზე. სიახლეა, ის რომ წელს არჩევნებზე მარკირება იმ ამომრჩევლებსაც გაუკეთდებათ, რომლებიც გადასატანი ყუთით ისარგებლებენ.
ეტლით მოსარგებლე ამომრჩეველი უფლებამოსილია მონაწილეობა მიიღოს შესაბამისი საოლქო საარჩევნო კომისიის სამოქმედო ტერიტორიაზე არსებულ ნებისმიერ ადაპტირებულ საარჩევნო უბანზე. მან, ადაპტირებული საარჩევნო უბნის მოთხოვნის მიზნით, უნდა მიმართოს წერილობით ან ზეპირი განცხადებით, შესაბამის საოლქო ან საუბნო საარჩევნო კომისიას არაუგვიანეს 15 ოქტომბრისა. ადაპტირებული/მისაწვდომი საარჩევნო უბნების შესახებ განახლებული ინფორმაცია განთავსებულია ცესკოს ვებგვერდზე ბანერში „საარჩევნო რუკა“ https://ems-map.cec.gov.ge/.
ილიას სახელმწიფო უნივერსიტეტს ავტორიზაციის საბჭომ პირობითი ავტორიზაცია მიანიჭა, ერთი წლის თავზე მონიტორინგის პირობით. მიუხედავად იმისა, რომ ავტორიზაციის ექსპერტთა ჯგუფმა – როგორც ადგილობრივმა, ასევე უცხოელმა ექსპერტებმა ყველა სტანდარტში უმაღლესი შეფასება მისცეს. „გაოგნებულები და გაბრაზებულებიც ვართ“, – ამბობს ილიაუნის რექტორი ნინო დობორჯგინიძე „ბათუმელებთან“.
ქალბატონო ნინო, ჩვენ ვნახეთ უნივერსიტეტის განცხადება, სადაც ამბობთ, რომ პრინციპულად არ ეთანხმებით ავტორიზაციის საბჭოს გადაწყვეტილებას. როგორ ფიქრობთ, ავტორიზაციის საბჭოს გადაწყვეტილებას პოლიტიკური სარჩული უდევს და რატომ?
განცხადებაშიც ვთქვით, რომ ჩვენ ჯერჯერობით არ მიგვიღია ავტორიზაციის საბჭოს წერილობითი გადაწყვეტილება. თუმცა ეს გადაწყვეტილება ვერ შეიცვლება, რადგან ზეპირად რასაც გამოგვიცხადებენ, იგივე გადაწყვეტილება უნდა გამოგვიგზავნონ.
ერთი პრინციპული ამბავია, რომ ავტორიზაციის საბჭოს გადაწყვეტილება არანაირად არ ეფუძნება მთელ იმ პროცესს და დოკუმენტაციას, რაც მათ ხელთ ჰქონდათ.
საბჭოს გადაწყვეტილებას რაღაც ხომ უნდა ჰქონდეს საფუძვლად. ჩვენ გვაქვს უმაღლესი შეფასებები ყველა სტანდარტში. მათ კი, ისე, რომ ახალი გარემოებები არ გამოუვლენიათ, ეს სტანდარტები შეცვალეს. თავისთავად, ეს არის ყველაზე დიდი დარღვევა. იმიტომ, რომ თუ ცვლი სტანდარტებს, მაშინ უნდა აცნობო ამის შესახებ უნივერსიტეტს და განმარტო, რის საფუძველზე ცვლი. მათ ეს ჩვენ არ განგვიმარტეს.
ვფიქრობ, ამას რაღაც სხვა საფუძველი უდევს, რადგან ავტორიზაციის პროცესში მათ არ გამოუძიებიათ დამატებითი გარემოებები. ეს აჩენს ეჭვს, რომ საბჭოს სხვა მიზანდასახულობა ჰქონდა. ამას აუცილებლად გავიგებთ, როცა გვექნება წერილობითი გადაწყვეტილება.
სიმართლე გითხრათ, ამ პროცესში ჩვენ მარტო არ ვართ. გაოგნებული ვართ ყველანი. გაოგნებული ვართ როგორც ჩვენ, გაოგნებულები არიან ექსპერტებიც, თუკი ვინმეს საგანმანათლებლო სფეროში უმუშავია, ყველანი, ასევე, ჩვენი უცხოელი პარტნიორებიც, რადგან ილიას უნივერსიტეტი 14 სხვადასხვა საბაკალავრო. სამაგისტრო და სადოქტორო მიმართულებაზე ახორციელებს საერთაშორისო პროგრამებს და ჩვენი საერთაშორისო პარტნიორები არიან ამ პროცესის მონაწილეები და ისინიც გაოგნებულნი არიან.
ეს არ არის ასეთი მარტივი, რადგან „ხარისხის განვითარების ეროვნული ცენტრი“ გახლავთ ევროპის ხარისხის მიმნიჭებელი ინსტიტუტების (EQF LLL/QF-EHEA) წევრი და ამ ორგანიზაციების წევრობა მას ავალდებულებს, დაიცვას ხარისხის მინიჭების სტანდარტი. ჩვენს შემთხვევაში კი ნამდვილად დარღვეული იყო ყოველგვარი სტანდარტი და რა იყო ამის საფუძველი, აუცილებლად გამოჩნდება, როგორც კი მივიღებთ წერილობით დასკვნას.
საბჭოს ყველა წევრი ესწრებოდა ამ სხდომას? რას ამბობდნენ ისინი ამ შეხვედრაზე, ჰქონდათ რაიმე კონკრეტული შენიშვნა.
შეხვედრა მიმდინარეობდა ZOOM-ით, ამიტომ მიჭირს ამაზე საუბარი. ჩვენ დაახლოებით 60 ადამიანი დავთვალეთ, ოღონდ ეს იყვნენ ჩვენი პროფესორები, მათ შორის უცხოელი პროფესორები და ჩვენი საერთაშორისო პარტნიორები, ამიტომ საბჭოს რამდენი წევრი ესწრებოდა, ზუსტად ვერ გეტყვით. კვორუმი რომ არ ყოფილიყო, სხდომა უბრალოდ ვერ ჩატარდებოდა.
თქვენ თქვით, რომ საბჭოს გადაწყვეტილებას გაასაჩივრებთ სააპელაციოში. თუკი ამ პროცესს პოლიტიკური საფუძველი აქვს, არსებობს გონივრული ეჭვი, რომ სააპელაციომაც იგივე გადაწყვეტილება დატოვოს ძალაში – მდუმარედ და უარგუმენტოდ. რა ბერკეტი არსებობს, რომ სააპელაციო ვერ გამოიყენონ პოლიტიკური მიზნებისთვის?
სააპელაციოს შემდეგ არსებობს სამართლებრივი დავა და კიდევ ერთხელ ვიმეორებ, რომ ხარისხის ეროვნული ცენტრი არის დიდი საერთაშორისო ორგანიზაციების წევრი. მან, როგორც ამ საერთაშორისო ორგანიზაციების წევრმა, უხეშად დაარღვია ამ ორგანიზაციის წესები. ამიტომ ჩვენი უცხოელი პარტნიორები ამ მიმართულებითაც აპირებენ ბრძოლას, რომლებიც ჩვენზე მეტად არიან შეშფოთებულები. ყველა სტანდარტში გვქონდა დადებითი შეფასება ამ ექსპერტებისგან.
არც ერთი არგუმენტი არ მოგისმენიათ ამ შეხვედრაზე, აბა რის საფუძველზე იმსჯელა საბჭომ?
კი, რამდენიმე კითხვა დაგვისვეს და არსებობს ამის ჩანაწერი. თვითონ აწარმოებდნენ ჩაწერას და ეს ჩანაწერი უნდა იყოს გამოყენებული სხდომის ოქმის შესადგენად. ჩვენ იმ დღესვე გავაგზავნეთ მოთხოვნა ცენტრში, რომ არ განადგურდეს ეს ჩანაწერი, რადგან უნდა გამოვიყენოთ სააპელაციო პროცესებისთვის.
დაგვისვეს ისეთი კითხვები, რომლებიც არანაირ შეხებაში არ იყო სტანდარტების აწევა-დაწევასთან.
ერთი რეკომენდაცია იყო, რომ უნივერსიტეტმა ჩაწეროს სტუდენტების რაოდენობა, რომელ ინსტიტუციაში რამდენ სტუდენტს უშვებს პრაქტიკაზე.
კომისიას, რომელიც ჯერ კიდევ ზაფხულში მუშაობდა ჩვენთან, მაშინ არ ჰქონია ამაზე შენიშვნა, გაიზიარა ჩვენი პოზიცია, რადგან ჩვენ დავუსაბუთეთ, რომ ყველგან, ყველა მემორანდუმში, სადაც იგულისხმება სტუდენტების პრაქტიკა, მითითებული გვაქვს სტუდენტების რაოდენობაც.
მაგრამ არსებობს მემორანდუმები, რომლებიც წმინდა კვლევითი ხასიათისაა ან არსებობს მემორანდუმები, რომლებსაც ხანგრძლივი ვადა აქვს და საერთოდ იქამდეა დადებული, სანამ ჩვენ, მაგალითად, ინჟინერიის ან მედიცინის პროგრამას დავიწყებდით. ამ მემორანდუმებს მაშინ შევცვლით, როცა გაუვა ვადა.
საქართველოს ეროვნულ არქივთან როცა მაქვს დადებული 15-წლიანი მემორანდუმი, რატომ უნდა შევცვალო, თუკი ის კვლევითი მემორანდუმია.
ამიტომ მათ ეს გაიზიარეს და გადაიტანეს რჩევებში. ახლა ისევ ამაზე დაგვისვეს კითხვა, რომ „ბოლოს და ბოლოს როდის შეცვლით?“ ეს, სიმართლე გითხრათ, სრულიად გაუგებარი კითხვაა.
წინა აკრედიტაციის დროს ჰქონდა საბჭოს რაიმე შენიშვნაან მინიშნებები, რაზეც ახლა გააკეთა აქცენტი თუნდაც?
2018 წელს მივიღეთ სრული აკრედიტაცია ყოველგვარი პირობების გარეშე. ამიტომ ჩვენ ზუსტად იგივე შეფასებას ველოდით ახლაც, რადგან პირიქით, უკეთესი დასკვნა გვქონდა. ყველა სტანდარტში მაქსიმალური შეფასება.
ახლა ვერც ვხვდებით, რამდენად შეგვიცვალეს ეს შეფასებები, რადგან სამწუხაროდ არ გამოგვიცხადეს. უბრალოდ გვითხრეს, რომ მე-4, მე-3, მე-7 და ასე შემდეგ სტანდარტებში შეიცვალა შეფასება. ეს არის ავტორიზაციის წესების ძალიან უხეში დარღვევა, რადგან თუკი რაიმე იცვლება სტანდარტებში, ამის შესახებ ინფორმირებული უნდა იყვნენ უნივერსიტეტები.
საბჭოს აქვს ამის ვალდებულება. თავმჯდომარემ კი განგვიცხადა, ჩვენ არ გვაქვს ვალდებულება განგვიმარტოთ რა შეფასებებს ვცვლითო. შემდეგ შეხვედრიდან გავიდა, გამოაცხადა რაღაც ტექნიკური შეფერხებააო. როცა დაბრუნდნენ, ჩვენ მივმართეთ აკრედიტაციის ცენტრის წარმომადგენელს, რომელიც ასევე ესწრებოდა შეხვედრას და ვთხოვეთ განემარტა იყო თუ არა ვალდებული საბჭოს ეცნობებინა ჩვენთვის თუკი სტანდარტებს ცვლიდა. ცენტრის წარმომადგენელმა დაგვიდასტურა, რომ კი.
ეს მითითებულია საბჭოს ფუნქციონირების წესებშიც, ასევე ყველა საერთაშორისო წესი ითვალისწინებს ამას, რომელსაც იზიარებს ხარისხის ეროვნული ცენტრიც.
თუკი საბჭოს წერილობით გადაწყვეტილებაში იქნება ისეთი განსხვავებული გადაწყვეტილება, რომელთა შესახებაც არ ყოფილა ზეპირი განხილვისას საუბარი, ეს იქნება ოქმის შეცვლა, ანუ გაყალბება. ოქმში უნდა მოხვდეს მხოლოდ ის, რაც ზეპირ განხილვაზე იყო.
გაქვთ მოლოდინი, რომ შეიძლება გააყალბონ სხდომის ოქმი?
ძალიან მარტივად დავადასტურებთ, როცა მივიღებთ იმ ჩანაწერს.
შეიძლება, რომ ჩანაწერი გაანადგურონ?
ჩვენ მოვითხოვეთ, რომ არ განადგურდეს ჩანაწერი. ჩვენ არ მოგვცემენ, მაგრამ სასამართლოს შეუძლია გამოითხოვოს.
ჩვენ გამოვიყენებთ სამართლებრივი ბრძოლის ყველა გზას. გავაგრძელებთ მუშაობას, რადგან ეს არის რეპუტაციული ზიანი, რომელსაც უპასუხოდ ვერავის დავუტოვებთ.
არ შეიძლება ასეთი რეპუტაციული ზიანის მიყენება, როცა ამას არანაირად არ იმსახურებს უნივერსიტეტი და როცა ამის საფუძველი არ არსებობს. თუ არსებობს და ამას არ გიმარტავენ, გამოდის, პროცესი მიდის ძალიან დიდი დარღვევებით და რა არის ამის საფუძველი, მალე გამოჩნდება.
ქალბატონო ნინო, თუ არ ვცდები, თქვენ იყავით ერთადერთი რექტორი, რომელმაც ღიად გააპროტესტა რუსული კანონი და ილიაუნმა ასევე გამოხატა ღია მხარდაჭერა სტუდენტების მიმართ, რომლებიც რუსული კანონის საწინააღმდეგო აქციებში მონაწილეობდნენ. ამის გამო ხდება ეს ყველაფერი? „ქართული ოცნება“ ასე ცდილობს შურისძიებას, დაშინებას ან თქვენ განეიტრალებას?
შარშან, როდესაც ჩემზე იყო პიროვნული თავდასხმა, რაც ასევე ნიშნავდა თავდასხმას უნივერსიტეტზე, სხვათა შორის, იმავე დღეს, როგორც კი ეს მოხდა, გავეცი პასუხი ამ ადამიანებს და ვთქვი, რომ ჩემი პირადი ტრაგედიის გამოყენება უნივერსიტეტის დაზიანების მცდელობაა და არა მარტო მე, მთელმა აკადემიურმა საზოგადოებამ გასცა ამას პასუხი.
ასეთი შეტევებით ჩვენ არ დავზიანდებით. არ მინდა გავუსწრო მოვლენებს, მინდა, რომ მქონდეს გადაწყვეტილება, ოქმი და ამის შემდეგ აუცილებლად გავაგრძელებ სამართლებრივ და უმაღლესი სასწავლებლებისთვის დადგენილი აკრედიტაციის ფარგლებში ჩვენი უფლებების დაცვას.
გარდა იმისა, რომ გაოგნებულები ვართ, გაბრაზებულებიც ვართ ყველანი, რადგან ასე არ შეიძლება. ჩვენ ვართ ახალგაზრდა დემოკრატიის ქვეყანა და ძალიან დიდი ძალისხმევით ვაშენებთ ინსტიტუციებისადმი ნდობას. მათ შორის, ძალიან მნიშვნელოვანია ხარისხის განვითარების ეროვნული ცენტრის და იმ პროცესების მიმართ ნდობა, რასაც ეს ცენტრი ემსახურება.
საბჭოს წევრების მიმართ იმ დღესვე გაჩნდა კრიტიკული კითხვები საზოგადოების მხრიდან, წერდნენ, რომ მათ თავი შეირცხვინეს პროფესიულ წრეებში. ეს ადამიანები ხომ თავად წარმოადგენენ სხვადასხვა უნივერსიტეტს. როგორ ფიქრობთ, რატომ უღირთ მათ პოლიტიკურ თამაშში მონაწილეობა?
ამიტომ ვამბობ, უნდა მივიღო ჯერ ეს დოკუმენტი, რომ ვთქვა, რა დგას ამის მიღმა.
პიროვნული თავდასხმის გარდა, „ქართული ოცნების“ წარმომადგენლების მხრიდან სულ იყო იმაზე საუბარი, რომ ილიაუნი „ნაცების“ თავშესაფარია, რომ იქ პროფესორები პოლიტიკური ნიშნით ინიშნებიან და მსგავსი ბრალდებები. შემდეგ კი კობახიძემ თქვა, რომ მხოლოდ ორი უნივერსიტეტია ხელისუფლებისთვის პრიორიტეტული – თსუ და KIU. არ ფიქრობთ, რომ ხელისუფლება იმ უნივერსიტეტების დასუსტებას ცდილობს, სადაც მეტი თავისუფლება და კრიტიკული ხმა ისმის?
ამ ქვეყანაში არსებობს წვალებით, ნაბიჯ-ნაბიჯ ნაშენები ინსტიტუციები, რომლებიც წყვეტენ, რომელ უნივერსიტეტებს უნდა ჰქონდეთ ავტორიზაცია, ვინ უნდა იყოს მნიშვნელოვანი. ამისთვის კიდევ არსებობს საერთაშორისო რეიტინგები და არა ვიღაც პარტიის თავმჯდომარეები და დირექტორები.
ეს უნდა გადაწყვიტონ ინსტიტუციებმა, თუკი ისინი მოქმედებენ წესებით. როცა ისინი არღვევენ ამ წესებს, მათ ამისთვის მოეთხოვებათ პასუხი.
ჩვენ ვხედავთ, ივანიშვილის ხელისუფლება როგორ არყევს იმ ინსტიტუციების მიმართ ნდობას, რომლებიც უნდა იცავდნენ ადამიანის უფლებებს. მათ შორის სასამართლო სისტემა მიტაცებულია. ასეთ პირობებში ვისი იმედი გაქვთ, ვინ იქნება თქვენი დასაყრდენი – სამეცნიერო საზოგადოება, საერთაშორისო ინსტიტუტები? რა არის თქვენი ძალა ამ შემთხვევაში, როგორც რექტორის?
საუნივერსიტეტო საზოგადოება საკმაოდ მტკიცე საზოგადოებაა. ილიაუნის არსებობის ისტორიაში მახსოვს რაღაც რყევები, მაგრამ საუნივერსიტეტო საზოგადოება არ ყოფილა დამარცხებული ამ რყევებში. საერთაშორისოდ გაზიარებული წესების ფარგლებში ვფუნქციონირებთ ჩვენ და ამის შეცვლა ასე მარტივი არ არის. ეს ამ შემთხვევამაც დაადასტურა.
მე ძალიან ოპტიმისტურად ვარ განწყობილი, რადგან როცა მართალი ხარ, არ გეშინია.
ჩვენ გვერდით დგას მთელი საუნივერსიტეტო საზოგადოება, სტუდენტები და სიმართლე ჩვენს მხარესაა. ეს სიმართლე ასახულია ჩვენი თვითშეფასების ანგარიშში, ადგილობრივი და საერთაშორისო ექსპერტების დასკვნაში და შემდეგ პროცედურებში, რომლებიც საბჭომ დაარღვია და ამაში ჩვენ პრინციპულად არ ვეთანხმებით.
10 სამუშაო დღეში უნდა გამოგვიგზავნონ წერილობითი შეფასება და ამის შემდეგ გავაგრძელებთ სამართლებრივ პროცესებს.
ბოლოს მაინც გკითხავთ, ორი წელია „ქართული ოცნების“ მხრიდან ვისმენთ ანტიდასავლურ, ანტიევროპულ რიტორიკას. ამ ყველაფრის ფონზე, რამდენად მოსალოდნელია, რომ ხარისხის ეროვნულმა ცენტრმაც დაკარგოს სახე და გადააბიჯოს საერთაშორისო სტანდარტებს?
გამორიცხულია. ეს ასე ვერაფრით ვერ იქნება.
ჩვენ ვითხოვთ მათ მიერ შეთანხმებული, ჩვენთან ერთად დადგენილი წესების მიხედვით ავტორიზაციის პროცესის გაყვანას.
ჩვენ სამართლებრივი ნორმებით დავიცავთ იმას, რაც ჩვენს დასკვნასა და თვითშეფასების ანგარიშში წერია.
ამერიკული რესტორნების ქსელი „ვენდისი“, „დანკინი“ და „საბვეი“ 1200 ლარის ოდენობის სტუდენტურ გრანტს გასცემს.
გრანტით სარგებლობა შეეძლებათ აქტიური სტატუსის მქონე სტუდენტებს ან აბიტურიენტებს, რომლებიც დასაქმდებიან 1 ოქტომბრიდან 30 ნოემბრის ჩათვლით, ან უკვე მუშაობენ „ვენდისის“, „საბვეის“ და „დანკინის“ რესტორნების ქსელში.
„სტუდენტური გრანტი გვაძლევს საშუალებას კიდევ უფრო მეტად მხარი დავუჭიროთ ჩვენს ჯგუფში დასაქმებულ სტუდენტებს, სადაც მათ, სწავლის პარალელურად მუშაობისთვის, ყველა საჭირო პირობა აქვთ: ხელსაყრელი ლოკაცია, მოქნილი სამუშაო გრაფიკი, კარიერული ზრდისა და განვითარების შესაძლებლობა და სხვა მრავალი ბენეფიტი. სტუდენტები, რომლებიც ჩვენი კომპანიის ერთ-ერთ მნიშვნელოვან ნაწილს წარმოადგენენ, მყარ საფუძველს ქმნიან არა მხოლოდ კომპანიის, არამედ მთლიანად ქვეყნის მომავლისთვის, შესაბამისად მათი მხარდაჭერა და განათლების ხელშეწყობა ჩვენი პრიორიტეტია“- აცხადებს გივი გვეტაძე, „ვენდისი“, „დანკინი“ და „საბვეი“- ის აღმასრულებელი დირექტორი საქართველოში.
„ვისოლ ჯგუფი“ დღეს „საბვეის“, „ვენდისის“ და „დანკინის“ ლეგენდარული ბრენდების ქვეშ გაერთიანებული 121 რესტორნით, ქვეყნის სარესტორნო ინდუსტრიის ყველაზე მსხვილი მოთამაშეა. წლის ბოლომდე ამერიკული რესტორნების რაოდენობა 130 მდე გაიზრდება. მხოლოდ სარესტორნო მიმართულებით „ვისოლ ჯგუფმა“ 2200-ზე მეტი ადამიანის დასაქმების შესაძლებლობა შექმნა.
ცენტრალური საარჩევნო კომისიის (ცესკო) თავმჯდომარე გიორგი კალანდარიშვილმა 26 ოქტომბრის არჩევნებისთვის განხორციელებული და დაგეგმილი საქმიანობები ადგილობრივი არასამთავრობო ორგანიზაციების წარმომადგენლებს გააცნო.
შეხვედრა, რომელიც სამუშაო ჯგუფის ფორმატში გაიმართა იმ მნიშვნელოვანი საქმიანობების და სიახლეების გაცნობას ემსახურებოდა, რომელსაც ადმინისტრაცია 26 ოქტომბრის არჩევნების საერთაშორისო სტანდარტების შესაბამისად ჩასატარებლად ახორციელებს.
„ცესკოში ჩამოყალიბებული სამუშაო პლატფორმის ფარგლებში გამართულ შეხვედრაზე დეტალურად განვიხილეთ 26 ოქტომბრის არჩევნებისთვის მზადების პროცესი. ადგილობრივი სადამკვირვებლო ორგანიზაციების წარმომადგენლებს დეტალური ინფორმაცია მივაწოდე ყველა მნიშვნელოვანი სიახლისა თუ საქმიანობის შესახებ, რომელსაც ადმინისტრაცია აქტიურად ახორციელებს ან მომავალში განახორციელებს. 26 ოქტომბრის არჩევნებამდე ცოტა დრო რჩება, ამიტომ ვფიქრობ არჩევნებში ჩართულ მხარეებს უნდა ჰქონდეთ ამომწურავი და განახლებული ინფორმაცია არჩევნებისთვის მზადების პროცესზე. შეხვედრის განმავლობაში ჩვენ მოვისმინეთ და გავცვალეთ მოსაზრებები. აღსანიშნავია, რომ გასული შეხვედრებისას გამოთქმული მოსაზრებებისა და სადამკვირვებლო მისიების რეკომენდაციების უმრავლესობა, საარჩევნო ადმინისტრაციის მხრიდან გათვალისწინებულია. ამით ვადასტურებთ ჩვენს ღიაობას და ინკლუზიური პროცესის ხელშეწყობას იმისთვის, რომ ჩართულ მხარეებთან აქტიური და ინტენსიური კომუნიკაციით, ერთობლივი ძალებით უზრუნველვყოთ საერთაშორისო სტანდარტის შესაბამისი არჩევნების ჩატარება“, – აღნიშნა ცესკოს თავმჯდომარემ შეხვედრის დასრულების შემდეგ.
შეხვედრა აქტიური დისკუსიის ფონზე წარიმართა, რომლის ფარგლებშიც მხარეებმა მიმდინარე საარჩევნო საკითხები განიხილეს. ადმინისტრაციის წარმომადგენლებმა სადამკვირვებლო ორგანიზაციებისგან სხვადასხვა მიმართულებით გამოთქმული მოსაზრებები და რეკომენდაციები მოისმინეს.
გიორგი კალანდარიშვილმა ასევე დეტალურად ისაუბრა ადმინისტრაციის მიერ განხორციელებული ინფორმირების კამპანიისა და ტექნოლოგიების საყოველთაო დემონსტრირების შესახებ, რომელიც ასევე პასუხობს ეროვნულ დემოკრატიული ინსტიტუტის (NDI) რეკომენდაციას საარჩევნო ტექნოლოგიების ეროვნული მასშტაბით ტესტირების შესახებ.
შეხვედრა საარჩევნო სისტემების საერთაშორისო ფონდის (IFES) ტექნიკური მხარდაჭერით გაიმართა.
სამუშაო პლატფორმის ფარგლებში არასამთავრობო სექტორის წარმომადგენლებთან შეხვედრები პერიოდულად იმართება.
სამშაბათს, 2 ოქტომბერს, 19:00 საათზე, ბათუმში, „ბიბლუსის“ გალერეაში გაიმართება წიგნის – „საქართველო იოსებ სტალინის წინააღმდეგ“ პრეზენტაცია.
წიგნის ავტორია ლაშა ბუღაძე, რედაქტორი – ირაკლი ხვადაგიანი. წიგნი „საბჭოთა წარსულის კვლევის ლაბორატორიამ“, იგივე „სოვლაბმა“ გამოსცა.
„საქართველო იოსებ სტალინის წინააღმდეგ“ მე-20 საუკუნის საქართველოს ბედზე, სტალინის როლსა და გავლენაზე ფოკუსირების პირველი მცდელობაა. მისი იდეა ორი წლის წინ გაჩნდა, როდესაც სტალინის ფიგურა რუსული საინფორმაციო ომის დღის წესრიგში სულ უფრო თვალშისაცემი გახდა. წიგნი წარმოადგენს სოვლაბისა და მწერალ ლაშა ბუღაძის ერთობლივ ნამუშევარს.
წიგნი არ არის აკადემიური ნაშრომი, თუმცა, იგი აღჭურვილია სამეცნიერო აპარატით. კვლევის პროცესში გუნდმა დაამუშავა დოკუმენტური წყაროების ვრცელი კორპუსი და რამდენიმე, დიდწილად დავიწყებული, მემუარი, სადაც ავტორები პირად გამოცდილებაზე ჰყვებიან. ამ ტექსტების უმრავლესობა არასდროს გამოქვეყნებულა“ – წერია ღონისძიების შესახებ გავრცელებულ ინფორმაციაში.
ბათუმში წიგნის წარდგენასთან ერთად გაიმართება დისკუსია „სოვლაბის“ მკვლევრებთან.
დღეს, პირველ ოქტომბერს, დილით, რუსეთის ჯარებმა არტილერიით დაარტყა უკრაინაში, ქალაქ ხერსონში საზოგადოებრივი ტრანსპორტის გაჩერებასა და ქალაქის ერთ-ერთ ბაზარს.
ხერსონის რეგიონული სახელმწიფო ადმინისტრაციის თავმჯდომარე ალექსანდრე პროკუდინი Telegram-ზე წერს, რომ ოკუპანტები თავს დაესხნენ ხერსონის საცალო ვაჭრობის ობიექტებს, სადაც ხერსონის მცხოვრებები ყიდულობდნენ პროდუქტებს.
წინასწარი ინფორმაციით, რუსეთის შეტევის შედეგად ხერსონში დაიღუპა 6 ადამიანი, არიან დაშავებულები.
საავტომობილო გზების დეპარტამენტის ცნობით, ბათუმის შემოვლითი გზისა და ბათუმი-ანგისა ახალციხის ავტომაგისტრალის დაერთების სამუშაოების გამო ხალვაშის გამზირზე მოძრაობა რამდენიმე დღით შეიზღუდება.
„ბათუმის შემოვლითი საავტომობილო გზის მშენებლობის ფარგლებში, შიდასახელმწიფოებრივი მნიშვნელობის ბათუმი (ანგისა)-ახალციხის საავტომობილო გზის მე-4 კმ-ზე დაგეგმილი ბათუმის შემოვლითი გზის – ბათუმი-ახალციხის საავტომობილო გზასთან დაერთების სამუშაოების გამო, 2024 წლის 1 ოქტომბრიდან 5 დღის განმავლობაში, აღნიშნული გზის კმ1-კმ8 [ხალვაშის გამზირი – ანგისის საავადმყოფოდან ე.წ. „მახოს ხიდამდე“] მონაკვეთზე დროებით შეიზღუდება ყველა სახის ავტოტრანსპორტის მოძრაობა, გარდა ადგილობრივი მაცხოვრებლების მსუბუქი ავტოტრანსპორტისა“ – აცხადებს დეპარტამენტი.
ამ პერიოდში ავტოტრანსპორტი იმოძრავებს ჭოროხის ქუჩაზე გამავალი ადგილობრივი მნიშვნელობის საავტომობილო გზის გამოყენებით.
____________
ფოტო არქივიდან: ბათუმის შემოვლითი გზისა და ხალვაშის ქუჩების დაერთება
გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის ინფორმაციით, პირველი ოქტომბრის 21 საათიდან 2 ოქტომბრის 21 საათამდე აჭარაში მოსალოდნელია ღრუბლიანი ამინდი, წვიმა, ჭექა-ქუხილი, ზოგან შესაძლებელია ძლიერი.
იქროლებს დასავლეთის მიმართულების ქარი 10-15 მეტრი წამში, ღამით ქარი შესაძლოა გაძლიერდეს წამში 22 მეტრამდე.
ჰაერის ტემპერატურა სანაპირო ზოლში:
დღისით: 18 – 23 გრადუსი
ღამით: 15 – 20 გრადუსი სითბო
მთიან რაიონებში:
დღისით: 13 – 18 გრადუსი
ღამით: 8 – 13 გრადუსი
ზღვის წყლის ტემპერატურა +24 გრადუსია.
სინოპტიკოსების ცნობით, აჭარაში 3-4 ოქტომბერს მოსალოდნელია უმეტესად უნალექო ამინდი.
უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2024 წლის პირველ ოქტომბრამდე პერიოდში, რუსეთის არმიის საბრძოლო დანაკარგი არის:
ცოცხალი ძალა – დაახლოებით 654 430 ადამიანი [გასულ დღე-ღამეში +1 370]
ტანკი – 8 883 ერთეული [+9]
ჯავშანტექნიკა – 17 547 ერთეული [+44]
საარტილერიო სისტემა – 18 855 ერთეული [+33]
MLRS – 1 204 ერთეული [+0]
საზენიტო საბრძოლო სისტემა – 963 ერთეული [+0]
თვითმფრინავი – 369 ერთეული [+0]
ვერტმფრენი – 328 ერთეული [+0]
უპილოტო საფრენი აპარატის ოპერატიულ-ტაქტიკური დონე – 16 322 ერთეული [+98]
ფრთოსანი რაკეტა [ჩამოაგდეს] – 2 613 ერთეული [+3]
გემი/ნავი – 28 ერთეული [+0]
წყალქვეშა ნავი – 1 ერთეული [+0]
მანქანები და საწვავის ავზები – 25 621 ერთეული [+73]
სპეცტექნიკა – 3 314 ერთეული [+1]
უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.
უკრაინის სამხედრო დანაკარგებზე ინფორმაცია განაახლა რუსეთმაც.
რუსეთის თავდაცვის სამინისტროს მიერ გავრცელებული მონაცემებით, ომის დაწყებიდან 2024 წლის პირველ ოქტომბრამდე პერიოდში სულ განადგურებულია უკრაინის:
646 თვითმფრინავი
283 ვერტმფრენი
32 558 უპილოტო საფრენი აპარატი
579 საზენიტო სარაკეტო სისტემა
18 468 ტანკი და სხვა ჯავშანტექნიკა
1 469 მრავალჯერადი სარაკეტო გამშვები
15 450 საველე არტილერია და ნაღმმტყორცნი
26 765 სპეციალური სამხედრო მანქანა
რუსეთის თავდაცვა, ამ მონაცემებთან ერთად, უკრაინის არმიის ცოცხალი ძალის დანაკარგების შესახებ სტატისტიკას არ აქვეყნებს.
ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.
—
რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.
„შეუძლებელია არჩევნების გაყალბების გარეშე „ოცნებამ“ არჩევნები მოიგოს. არჩევნების გაყალბებაც ვერ უშველით, რადგან ხალხი გამოვა და გადათელავს ამ ხელისუფლებას,“ – ამბობს რომან გოცირიძე, საქართველოს მეათე მოწვევის პარლამენტის წევრი და ეკონომისტი.
პოლიტიკოსი მიიჩნევს, რომ იმ შემთხვევაშიც კი, თუ მმართველი პოლიტიკური ძალა არჩევნებს გააყალბებს და ამ გზით შეეცდება ძალაუფლების შენარჩუნებას, „ოცნება“ ვერ დარჩება ხელისუფლებაში, რადგან ხალხი ამის უფლებას არ მისცემს.
გთავაზობთ ინტერვიუს რომან გოცირიძესთან.
ბატონო რომან, რა შემთხვევაში ვერ უშველის არჩევნების გაყალბება „ოცნებას“ ?
შექმნილი ვითარება, გეოპოლიტიკური გარემო, რუსეთის უკრაინაში აგრესია, აქედან გამომდინარე საქართველოს ხელისუფლების პირდაპირ მოღალატეობრივი ქცევა, რუსეთის მეგობარ ქვეყნებში ჩაწერა – იცით, რომ რუსეთმა გამოაქვეყნა არამეგობრული ქვეყნების სია და მათ შორის არაა საქართველო.
ბოლო პერიოდის საშინელი განცხადებები, რომ ბოდიში უნდა მოვუხადოთ ოს და აფხაზ თანამოქალაქეებს, მაგრამ თავიდანვე ჩანდა, რომ ბოდიში უნდა მოგვეხადა რუსეთისთვის. ამას დამატებული წარუმატებლობა ყველა მიმართულებით, ტოტალიტარული რეჟიმის დამყარების მცდელობა რუსული კანონის სახით. ამ ყველა ფაქტორის გათვალისწინებით, წარმოუდგენელია, რომ „ქართულმა ოცნებამ“ გაიმარჯვოს მნიშვნელოვანი გაყალბების გარეშე.
ერთადერთი, რაც „ქართულ ოცნებას“ შეიძლება დახმარებოდა, ეს იყო ოპოზიციის დაქუცმაცებული გასვლა არჩევნებში, მაგრამ ოპოზიციამ გამოიჩინა კეთილგონიერება და გარდა ერთი-ორი ახირებული პარტიისა, რომლებიც აუცილებლად დარჩებიან გარეთ (1 %-ზე მეტს აიღებენ), ყველამ შეძლო 4 მსხვილ ოპოზიციურ ბლოკში გაერთიანება.
სამწუხაროდ, მეორე მაშველი რგოლი „ოცნებისთვის“ არის წარმატებული პროპაგანდა ომთან დაკავშირებით. დღეისათვის ყურებადი არხი „იმედია“, მოგვწონს თუ არა ეს. შემდეგ მოდის სხვა სამთავრობო არხები – „რუსთავი 2“, „პოსტივი“, „საზოგადოებრივი მაუწყებელი“. ამ პროპაგანდას ვერაფერი დაუპირისპირა ოპოზიციამ. მიუხედავად იმისა, რომ არსებობს ოპოზიციური არხები, ეს თემა ვერ გადატეხეს პატარა ქალაქებისა და სოფლების მოსახლეობაში. დიდი ქალაქები ოპოზიციურია, მაგრამ პატარა ქალაქებში პროპაგანდა მძლავრობს.
ყველა დიდ ქალაქში წააგო პროპორციული არჩევნები „ქართულმა ოცნებამ“ და შემდეგ მანიპულაციებით მიიწერა გამარჯვება. ახლა გაცილებით დიდი იქნება ოპოზიციის უპირატესობა მსხვილ ქალაქებში. „ქართულმა ოცნებამ“ ყველა ლოგიკით უნდა წააგოს, მიუხედავად ამ ომის საფრხის პედალირებისა, იმდენი დანაშაული და შეცდომა აქვთ ჩადენილ-დაშვებული.
დღეს რომ „ოცნებამ“ მოიგოს არჩევნები, კატასტროფა იქნება, პირდაპირ რუსეთს მიგვიერთებენ.
რას ეტყოდით იმ ამომრჩეველს, რომელიც არ აძლევს ხმას „ოცნებას“, ევროკავშირში გაწევრიანება მისთვის პრიორიტეტია, თუმცა აქვს შიში, რომ მაინც „ოცნება დარჩება“, რადგან გააყალბებს?
„ქართული ოცნება“ აყალბებდა ყველა არჩევნებს, მაგრამ „ოცნებას“ ყველა მოგებული არჩევნები არ მოუგია გაყალბების გამო.
„ქართულმა ოცნებამ“ მოიგო ყველა წინა არჩევნები, გვინდა თუ არა ამის აღიარება. ოღონდ გააჩნია გაყალბების ხარისხს და რა უპირატესობას აძლევდა გაყალბებით დამატებული მანდატები.
ისმის კითხვა, თუ გაყალბებული იყო არჩევნები, რატომ არ მოჰყვა მას მასობრივი პროტესტი? მოჰყვა ისეთი პროტესტი, რომელიც სწრაფად ჩაცხრა. ყველაფერი დამოკიდებულია ხალხზე, ამომრჩეველზე. ამომრჩეველი ყოველთვის გრძნობს, სად მოუვიდა ზედმეტი ხელისუფლებას.
ამომრჩეველი აუცილებლად იგრძნობს, რომ არჩევნები მოგებული იქნა გაყალბების ხარჯზე. ანუ გაყალბების ზომამ მიაღწია ისეთ მასშტაბს, რომელმაც ხელისუფლების არ დათმობა გამოიწვია და რომ არა გაყალბება, მოიგებდა ოპოზიცია. ამას ამომრჩეველი ორგანულად გრძნობს და ამ მომენტში იფეთქებს.
წინა წლებში, რამდენი მოწოდებაც არ უნდა გაეკეთებინა ოპოზიციას პროტესტზე, ამ აქციებზე მოდიოდა ოპოზიციის მოყვანილი ხალხი. მთავარი ბარომეტრი ის არის, რომ თბილისი მილიონიანი ქალაქია. პროტესტზე ნაწილი მაინც უნდა გამოდიოდეს. მაგალითად, როგორც მოხდა რუსული კანონის დროს, როდესაც პარტიების როლი იყო უმცირესი და 90 % აქციაზე მიმსვლელი იყო გულწრფელად აღშფოთებული ადამიანი. იქ იყო ევროპული მომავლის წართმევის საფრთხის გამო გამოხატული გულწრფელი პროტესტი.
რა შემთხვევაში არ შერჩება „ქართულ ოცნებას“ არჩევნების გაყალბება?
იმ შემთხვევაში, თუ გაყალბებით ისინი დარჩებიან ხელისუფლებაში და არა ის ვარიანტი, რაც დღემდე ხდებოდა – გაყალბებით მეტ მანდატებს იღებდნენ, მაგრამ გაყალბების გარეშეც იგებდნენ არჩევნებს.
მაგრამ თუ ხელისუფლებაში დარჩენის ფაქტორი გახდა გაყალბება, მაშინ, რა თქმა უნდა, ხალხი გამოვა და გადათელავს ამ ხელისუფლებას.
მნიშვნელოვანი იქნება საერთაშორისო დამკვირვებლების როლი. როგორი სიტყვებით შეაფასებენ ისინი არჩევნებს.
შეაფასებენ ასე – „არჩევნები ჩატარდა დარღვევებით, მაგრამ არსებითად შედეგზე გავლენა არ მოუხდენია“ ან მეორე, რაც დაიწერა შევარდნაძის არჩევნების დროს, რომელმაც ვარდების რევოლუცია გამოიწვია. შევარდნაძის არჩევნები არ ჩათვალეს ლეგიტიმურად, ისე, როგორც არ ითვლება ლეგიტიმურად ბელარუსის და რუსეთის არჩევნები. უდიდესი მნიშვნელობა ექნება მათ მიერ დაწერილი შეფასების ფორმულირებას.
ყველაზე მეტი ხმა „ოცნებამ“ მიიღო 2012 წელს -1 181 862-მა (54,97 %) ადამიანმა დაუჭირა მხარი. ამის შემდეგ ყველა არჩევნებზე კარგავდა ამომრჩეველს. მაგალითად, 928 004-მა ამომრჩეველმა მისცა ხმა 2020 წელს, ხოლო 824 755 ხმა მიიღო 2021 წელს. 2024 წლის არჩევნებზე წინა არჩევნების შედეგების გათვალისწინებით და ასევე იმის, თუ როგორ დააზიანა მმართველმა პარტიამ ქვეყნის ევროპული მომავალი, რა შედეგი შეიძლება დადოს „ოცნებამ?“
2012 წლიდან 2024 წლამდე მნიშვნელოვნად შემცირდა აქ ხმის მიმცემი ამომრჩევლის რიცხვი. ეს ადამიანები წავიდნენ უცხოეთში, ასეულ ათასობით. მათი უდიდესი ნაწილი უკმაყოფილო ხალხია და შეგვიძლია ოპოზიციის მომხრედ მივიჩნიოთ. ამან დაასხა „ქართული ოცნების“ წისქვილზე წყალი. ვინაიდან, უცხოეთში წასული ჩვენი მოქალაქეებიდან 2020 წლის არჩევნებში მხოლოდ 12 ათასმა მიიღო მონაწილეობა ანუ უცხოეთში მცხოვრები ჩვენი ემიგრანტების მხოლოდ 1%-მა.
დანარჩენი ხალხი სადაა? ეს ხალხი არის საარჩევნო სიაში, მაგრამ არჩევნებში მოდის 2 მილიონი და რეალურად არის 3,6 მილიონი. სად არის ეს მილიონ ექვსასი ათასი?
მხოლოდ 2023 წელს საქართველოდან გავიდა 164 ათასი ადამიანი. ეს ხომ ამომრჩეველია? ეს არის სამუშაო ძალა, რომელიც დაკარგა საქართველომ და აშშ-ში გადავიდა, ან მექსიკის საზღვრით, ან ევროპაში დარჩა არალეგალურად.
„ქართული ოცნების“ მმართველობის პერიოდში 2012-2023 წლებში 800 ათასმა ჩვენმა მოქალაქემ დატოვა ქვეყანა. აქედან უცხოეთში დარჩა 316 500-ით მეტი მოქალაქე, ვიდრე დაბრუნდა. შედარებისთვის, კახეთის მოსახლეობა არის 303 ათასი. ფაქტობრივად ერთი კახეთი დავკარგეთ ამათი მმართველობის დროს.
„ოცნებას“ აწყობს, რომ უმუშევრები და ოპოზიციურად განწყობილები წავიდნენ. ამასთან, ამ ადამიანებს არ უხსნიან საარჩევნო უბნებს საზღვარგარეთ.
გაცილებით პატარაა მოლდოვა საქართველოსთან შედარებით და მოლდოვამ უცხოეთში 228 საარჩევნო უბანი გახსნა, ხოლო საქართველოს გახსნილი აქვს 60 უბანი, ოთხჯერ ნაკლები, მაშინ როცა ჩვენი მოსახლეობა მეტია, ვიდრე მოლდოვის. რეალურად „ოცნების“ ინტერესია ქვეყანა დაიცალოს, რადგან უკმაყოფილო ხალხი ტოვებს ქვეყანას.
თქვენი ვარაუდით და წინა არჩევნებზე დაკვირვებით, გაყალბების გარეშე რა შედეგის მიღება შეუძლია „ოცნებას?“
რეალური არის ის, რომ წარმოუდგენელია ამ ვითარებაში მოიგონ, მიუხედავად იმისა, რომ მათზე მოქმედებს რამდენიმე ფაქტორი – ომი და ომის საფრთხის პროპაგანდა, 800 ათასამდე ჩვენი მოქალაქის უცხოეთში წასვლა, რომელთა დიდი ნაწილი ოპოზიციურადაა განწყობილი და რომელთაც ხმის მიცემის უფლება წაართვეს, რადგან უბნებს არ უხსნიან. და, რა თქმა უნდა, მაღალი საარჩევნო ბარიერი.
მაგრამ არსებული განწყობილებით და საერთაშორისო კლიმატით, ეს ფაქტორებიც კი ვერ უშველის „ქართულ ოცნებას“. ანუ მათი მაშველი არის გაყალბება. გაყალბების გარეშე „ქართული ოცნება“ არჩევნებს ვერ მოიგებს. შექმნილ ვითარებაში არ არის საკმარისი, რომ „ქართულმა ოცნებამ“ ამ მაშველი რგოლებით ისარგებლოს.
წინა მოწვევის პარლამენტში „ოცნებას“ ჰყავდა 30 მაჟორიტარი. ახლა ეს გარანტირებული მანდატები გამოეცალა. რა შანსს აძლევს ეს ფაქტორი ოპოზიციას, მეტი ხმა მიიღოს?
რა შეიცვალა 2020 წელთან შედარებით ოპოზიციის სასარგებლოდ? ორი რამ – ერთი ის, რომ პირდაპირ ღალატის გზას დაადგა „ქართული ოცნება“, იმ წარმოუდგენელი ნაბიჯებით, რაც გადადგა დასავლეთის წინააღმდეგ, ამასთან რუსეთს მხარი დაუჭირა და მეორე, 30 მაჟორიტარის, ფეოდალური სისტემის გაუქმება. ეს არის მნიშვნელოვანი დადებითი ფაქტორი, რომ „ქართული ოცნება“ ვერ დარჩეს ხელისუფლებაში.
5 %-იანი ბარიერი რა გავლენას მოახდენს ამ არჩევნების შედეგებზე?
ეს არის ძალიან მძიმე ბარიერი. ორი პარტია, რომელიც 1 %-ზე მეტს აიღებს და პირობითად ახირებულები ვუწოდოთ, ესენი არცერთ ბლოკში არ შევიდნენ და ამ პარტიების ხმები ოპოზიციისთვის პირდაპირ დაკარგულია. არჩევნების შემდეგ ამ ხმებს გადაინაწილებს „ოცნება“ და ოპოზიცია. მაგრამ ეს უფრო ნაკლები იქნება, ვიდრე ის, რომ ესენი რომელიმე ბლოკში შესულიყვნენ.
რამდენიმე დღის წინ დაწერეთ, რომ „არ ყოფილა საქართველოს არჩევნების ისტორიაში, მაღალი ბარიერის შემთხვევაში ოთხ ოპოზიციურ პოლიტიკურ სუბიექტს დაეძლიოს ბარიერი“. რა მოხდება იმ შემთხვევაში, თუკი ამ 4 ოპოზიციური კოალიციიდან ერთი მაინც ბარიერს მიღმა დარჩება?
საქართველოს არჩევნების ისტორიაში, მაღალი ბარიერის პირობებში როცა ჩატარდა არჩევნები და ასეთი არჩევნები იყო 7, არ ყოფილა შემთხვევა, რომ ოთხ ოპოზიციურ ბლოკს გადაელახოს ბარიერი. უფრო მეტიც, სულ ორჯერ მოხდა, რომ სამი ოპოზიციური ბლოკი შევიდა პარლამენტში. უფრო ჩვეულებრივი სქემა იყო, იმარჯვებდა ერთი პარტია, რომელიც სახელისუფლებო ხდებოდა და მეორე, რომელიც ოპოზიციაში აღმოჩნდებოდა. ბევრჯერ ყოფილა, როცა მხოლოდ ორი სუბიექტით იყო პარლამენტში პოლიტიკური ძალები წარმოდგენილი.
ამიტომ ოთხი ოპოზიციური ბლოკის შემთხვევაში არის რისკი, რომ ერთი რომელიღაცა პარლამენტს გარეთ დარჩეს. ეს ნიშნავს, ამ ხელისუფლების ძალაუფლების შენარჩუნებას.
დიდი ალბათობით, ყველა ოპოზიციური ბლოკი გადალახავს ბარიერს, მაგრამ ფაქტია, რომ რისკები არსებობს.
ბარიერი ძალიან სარისკოა, თუმცა ოპოზიციამ მაინც მოახერხა, იმ რაოდენობით მოეზიდა პოლიტიკური პარტიები, რომ რისკი მინიმუმამდე დასულიყო.
თქვენი აზრით, რამდენად აქვთ ეს რისკები გაცნობიერებული ამ ოპოზიციურ დაჯგუფებებს და რისი გაკეთება შეიძლება ამ რისკების დასაზღვევად?
ეს ყველამ ძალიან კარგად იცის. ამ რისკების დასაზღვევად იყო ყველას სურვილი, რომ გაერთიანებულიყო „ლელო“ და გახარიას პარტია, მაგრამ ძალიან გვიან დაიწყო პროცესი. ტექნიკურად, სამართლებრივად, პოლიტიკურად, ფინანსურად თუნდაც როცა ამდენია დახარჯული ამა თუ იმ ბლოკის ნომრის ცნობადობის ასამაღლებლად, ეს იყო შეუძლებელი.
გაერთიანებაზე მოლაპარაკებები თუნდაც ერთი თვით ადრე რომ დაწყებულიყო, მეტი დრო რჩებოდა მოლაპარაკებებისთვის. ამიტომ ახლა რომელიმე მხარის დადანაშაულება არ იქნება სწორი.
ყველა პოლიტიკური მიმომხილველი ამბობს, რომ ძალაუფლების შენარჩუნების შემთხვევაში „ოცნება“ საქართველოს გადააქცევს იზოლირებულ, ღარიბ, რუსეთზე დამოკიდებულ ქვეყნად. თქვენი აზრით, რამდენად აქვს ეს ამბავი გათავისებული რიგით ამომრჩეველს?
სამწუხაროდ „ქართული ოცნების“ ხელისუფლებაში დარჩენის რისკები არ აქვს გაცნობიერებული ყველას, თუ რამდენად ცუდი შეიძლება ეს იყოს. „ოცნების“ დარჩენა იქნება საერთაშორისო იზოლაციის დასაწყისი.
ყველა საერთაშორისო დახმარება შეწყდება. მაგალითად, 800 მილიონი დოლარი ჩაგვირიცხა სავალუტო ფონდმა, რომ ლარი არ განადგურებულიყო. ამის მეშვეობით შეინარჩუნა ლარმა მდგრადობა. მსგავსი რამ არასდროს მოხდება იზოლირებულ ქვეყანაში. მათ შორის შეჩერდება ის ინფრასტრუქტურული პროექტები, რომელიც აქამდე ხორციელდებოდა.
იზოლირებულ ქვეყანაში ძალიან გართულდება გზების და გვირაბების გაყვანა. უვიზო მიმოსვლა გაჩერდება. ფაქტობრივად, საქართველოს მოქალაქე ვიზას ვერ მიიღებს. წინათ კი იყო დიდი რიგები ვიზებზე, თვეობით, მაგრამ ის რიგები საოცნებო გაგვიხდება. ვინაიდან ნებისმიერი განაცხადი ვიზის მიღებაზე ამ ქვეყნების საკონსულოების მიერ იქნება აღქმული როგორც იქ დარჩენა და უკან არ დაბრუნება.
ძალიან მძიმე მდგომარეობაში აღმოჩნდება ქვეყანა და რუსეთი მძლავრად შემოაბიჯებს საქართველოში.
ქედაში კულტურული მემკვიდრეობის ძეგლი, ძენწმანის მეჩეთი დაშალეს. ეს მეჩეთის რეაბილიტაციის პირველი ეტაპის ნაწილია.
ზვარესა და ძენწმანის მეჩეთების სარეაბილიტაციო პროექტები გაძვირდა. მეჩეთების რეაბილიტაციის სატენდერო თანხა 650 ათას ლარს შეადგენს.
ადგილი, სადაც ძენწმანის მეჩეთი იდგა
„ბათუმელები“ აჭარის კულტურული მემკვიდრეობის ძეგლთა დაცვის სააგენტოს დირექტორის მოადგილეს, სოფიო სანიკიძეს ესაუბრა. მას ვკითხეთ, ძეგლის სრული დემონტაჟი იყო თუ არა შეთანხმებული სააგენტოსთან, როგორ მოხერხდება ძეგლის ავთენტური სახით შენარჩუნება, დაახლოებით რა ვადაში უნდა აღადგინონ ძეგლი, როგორ არის შესაძლებელი ძეგლის ორნამენტების, მოჩუქურთმებული მოაჯირისა და სვეტების შენარჩუნება და ა.შ.
სოფიო სანიკიძე ამბობს, რომ ადგილზე მიმდინარე სამუშოები ტენდერით გათვალისწინებულ სამუშაოებს შეესაბამება.
„ძენწმანისა და ზვარეს მეჩეთების სრული რესტავრაცია იგეგმება პირვანდელი სახით.
მე-19 საუკუნის ბოლოსაა ეს მეჩეთები აშენებული და დამპალია ფაქტობრივად. ვიყავით და ყველაფერი ვნახეთ. ინტერიერის რაღაც ნაწილები დაკარგულია, ჩამოცვენილი, ჩამოშლილი, რაღაც ნაწილები არის საღი.
დაშლილი ნაწილები დაინომრა, რა თქმა უნდა, რესტავრატორების მეთვალყურეობით. გადატანილია ეს ნაწილები გურიაში, სოფელ ზოდში, სადაც გაიწმინდება, დაზიანებული ნაწილები აღდგება და დამუშავდება სპეციალური ხსნარით… გაცილებით ადრე, წლების წინ უნდა მომხდარიყო ამ მეჩეთების რესტავრირება. ძალიან დაზიანებულია“ – ამბობს სოფიო სანიკიძე.
მისი თქმით, რესტავრაციის პროცესში ჩართულები არიან სპეციალისტები და მეჩეთის დაკარგული ნაწილები ნიმუშის მიხედვით აღდგება. სოფიო სანიკიძის თქმით, მეჩეთი პირვანდელ სახეს შეინარჩუნებს:
„თუ პირვანდელი სახე არ ექნა, მაშინ ის დაკარგავს ძეგლის ღირებულებებს. გარანტირებულად შეგვიძლია ვთქვათ, რომ ეს ასე არ იქნება. პროექტის მიხედვით რესტავრირდება და შესაბამისად, მონიტორინგის სამსახური პერიოდულად განახორციელებს ზედამხედველობას. როგორც კი დაიწყება დეკორატიული ელემენტების რესტავრირება, იქ უკვე ჩაერთვება ჩვენი რესტავრატორი და თავიდან ბოლომდე გააკონტროლებს ყველაფერს“.
ძენწმანის დაშლილი მეჩეთი
სოფიო სანიკიძეს ვკითხეთ, დაშლილი მეჩეთის კიდევ უფრო დაზიანების საფრთხე ხომ არ არის, რადგან ხის ფიცრები ღია ცის ქვეშ სველდება.
„ნელ-ნელა ხდება ამ ნაწილების გადატანა. ყველა ნაწილი უნდა იყოს გადატანილი. …იმ დღესაც წვიმდა სხვათა შორის და შევწუხდით, რადგან [წვიმა] ესხმებოდა და მართალი ხართ, ისედაც დამპალს რომ დაასხამ წყალს, ხომ სულ გაფუჭდება. ამიტომ მოვითხოვეთ, რაც შეიძლება სწრაფად, მნიშვნელოვანი, ფასეული ნაწილები გადაიტანონ პირველ რიგში”.
ძენწმანის მეჩეთის რეაბილიტაცია ხელშეკრულების მიხედვით2025 წლის 15 ოქტომბერს უნდა დასრულდეს, თვითმმართველობის არჩევნების წინ.
სპეციალისტების შეფასებით, ძენწმანის მეჩეთი განსაკუთრებულ ყურადღებას თავისი ავთენტურობის ხარისხით იქცევს. ის მე-19 საუკუნეში, სავარაუდოდ, პირველ ნახევარშია აგებული და უცვლელი სახითაა შემორჩენილი. მეჩეთს აქვს უნიკალური მხატვრული გაფორმება.
შენობისთვის გამოყენებულია ხე და ქვა, სახურავად კი – კრამიტი.
თიბისი ბიზნესისა და დიზაინ ინსტიტუტის ინიციატივით, 4 და 5 ოქტომბერს ჩატარდება შემოქმედებით კემპი, რომელიც არის ინტენსიური პროგრამა მცირე და საშუალო ბიზნესებისთვის. კურსი ბიზნესის წარმომადგენლებს დაეხმარება ბიზნესის სტრატეგიის და შემოქმედებითი რესურსების მართვაში.
შემოქმედებით კემპს გაუძღვებიან:
კოკა ქამუშაძე
ნიკუშა ანთაძე
ეკა ბაბუნაშვილი
ბეკი ფანცხავა
ნინო ეგაძე
გიორგი ქვლივიძე
კურსი ჩატარდება ფიზიკურად, 4 და 5 ოქტომბერს, 10:00 დან 16:30 საათამდე დიზაინ ინსტიტუტში.
დღეს, 30 სექტემბერს, ბათუმში ჰაერი მტვრის ნაწილაკებითაა დაბინძურებული.
გარემოს ეროვნული სააგენტოს ინფორმაციით, ატმოსფერულ ჰაერში მყარი ნაწილაკების [PM10, PM2.5] შემცველობის მატება საქართველოს ტერიტორიაზე 30 სექტემბრიდან ფიქსირდება, „რაც ძირითადად ტრანსასაზღვრო დაბინძურებას უკავშირდება და სამხრეთ და სამხრეთ-აღმოსავლეთიდან უდაბნოს მტვრის მასების გავრცელებით არის განპირობებული.“
ატმოსფერული ჰაერის ხარისხის პორტალის მიხედვით, ბათუმში მტვრის შემცველობის მაჩვენებელი დილით გაცილებით ცუდი იყო, ვიდრე დღის პირველი საათისთვის.
ავტომატური სადგურების მიერ ბათუმში 30 სექტემბერს ჰაერში მყარი ნაწილაკების [PM10] შემცველობის შემდეგი მაჩვენებლები დაფიქსირდა: „ცუდი“ და „დამაკმაყოფილებელი“,
წყარო: გარემოს ეროვნული სააგენტო
გარემოს ეროვნული სააგენტოს ატმოსფერული ჰაერის ხარისხის პორტალზე მოცემულია ჯანდაცვითი რეკომენდაციებიც.
ამ რეკომენდაციების მიხედვით:
თუ ჰაერში მტვრის ნაწილაკების შემცველობა არის „ცუდი“, ამ შემთხვევაში:
„ყველამ შეიძლება განიცადოს ზემოქმედება ჯანმრთელობაზე; ხოლო, სენსიტიური ჯგუფების წევრები შესაძლებელია განიცდიდნენ უფრო სერიოზულ ზემოქმედებას, ვიდრე მოსახლეობა ზოგადად;
შემდეგმა ჯგუფებმა თავი უნდა აარიდონ გახანგრძლივებულ ან დატვირთულ გარე ფიზიკურ აქტივობას: გულის ან ფილტვის დაავადებების მქონე პირები ბავშვები და ხანდაზმულები;
ყველა დანარჩენმა უნდა შეამციროს გახანგრძლივებული ან დატვირთული გარე ფიზიკური აქტივობა.“
თუ ჰაერში მტვრის ნაწილაკების შემცველობა არის „დამაკმაყოფილებელი“, ამ შემთხვევაში:
„ჰაერის დაბინძურებისადმი სენსიტიური ჯგუფები შესაძლებელია განიცდიდნენ ზემოქმედებას ჯანმრთელობაზე. თუმცა მთელი მოსახლეობისათვის მავნე ზეგავლენა მოსალოდნელი არ არის.
შემდეგმა ჯგუფებმა უნდა შეამცირონ გახანგრძლივებული ან დატვირთული გარე ფიზიკური აქტივობა: გულის ან ფილტვის დაავადებების მქონე პირები ბავშვები და ხანდაზმულები“.
„ტრანსასაზღვრო დაბინძურების“ გარდა აღნიშნული ნაწილაკების ჰაერში გაფრქვევის ძირითადი წყაროა სამშენებლო პროცესები, ღია გრუნტი, შეშის ღუმელი, დიზელის ძრავები, მრეწველობის სექტორი, ქარის მიერ მიმოფანტული მტვერი. ასევე, ე.წ. მეორადი მყარი ნაწილაკები წარმოიქმნება სხვადასხვა დამაბინძურებლის ფოტოქიმიური რეაქციის შედეგად.
მტვრის ნაწილაკების გავლენა ჯანმრთელობაზე:
თვალის გაღიზიანება, ასთმა, ბრონქიტი, ფილტვის დაზიანება, სიმსივნე, მძიმე ლითონებით მოწამვლა, უარყოფითი ზემოქმედება გულსისხლძარღვთა სისტემაზე.
გარემოს ეროვნული სააგენტოს ცნობით, ხვალ, პირველი ოქტომბერს, დღის მეორე ნახევრიდან 3 ოქტომბრამდე საქართველოში მოსალოდნელია: დროგამოშვებით წვიმა, ელვა-ჭექა, ზოგან ძლიერი, შესაძლებელია სეტყვა, ქარის გაძლიერება, ზღვაზე 3-ბალიანი შტორმული ღელვა.
„მოსალოდნელმა ნალექმა საქართველოს პატარ-პატარა მდინარეებზე შესაძლებელია წყლის დონის მნიშვნელოვანი მატება, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს. საფრთხის დონე – საშუალო“ – იუწყება სააგენტო.
უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2024 წლის 30 სექტემბრამდე პერიოდში, რუსეთის არმიის საბრძოლო დანაკარგი არის:
ცოცხალი ძალა – დაახლოებით 653 060 ადამიანი [გასულ დღე-ღამეში +1 250]
ტანკი – 8 874 ერთეული [+5]
ჯავშანტექნიკა – 17 503 ერთეული [+27]
საარტილერიო სისტემა – 18 822 ერთეული [+27]
MLRS – 1 204 ერთეული [+0]
საზენიტო საბრძოლო სისტემა – 963 ერთეული [+1]
თვითმფრინავი – 369 ერთეული [+0]
ვერტმფრენი – 328 ერთეული [+0]
უპილოტო საფრენი აპარატის ოპერატიულ-ტაქტიკური დონე – 16 224 ერთეული [+38]
ფრთოსანი რაკეტა [ჩამოაგდეს] – 2 610 ერთეული [+0]
გემი/ნავი – 28 ერთეული [+0]
წყალქვეშა ნავი – 1 ერთეული [+0]
მანქანები და საწვავის ავზები – 25 548 ერთეული [+53]
სპეცტექნიკა – 3 313 ერთეული [+16]
უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.
უკრაინის სამხედრო დანაკარგებზე ინფორმაცია განაახლა რუსეთმაც.
რუსეთის თავდაცვის სამინისტროს მიერ გავრცელებული მონაცემებით, ომის დაწყებიდან 2024 წლის 30 სექტემბრამდე პერიოდში სულ განადგურებულია უკრაინის:
646 თვითმფრინავი
283 ვერტმფრენი
32 527 უპილოტო საფრენი აპარატი
579 საზენიტო სარაკეტო სისტემა
18 460 ტანკი და სხვა ჯავშანტექნიკა
1 469 მრავალჯერადი სარაკეტო გამშვები
15 400 საველე არტილერია და ნაღმმტყორცნი
26 741 სპეციალური სამხედრო მანქანა
რუსეთის თავდაცვა, ამ მონაცემებთან ერთად, უკრაინის არმიის ცოცხალი ძალის დანაკარგების შესახებ სტატისტიკას არ აქვეყნებს.
ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.
—
რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.
კვირის დაიჯესტით შეგიძლიათ თვალი გადაავლოთ ამბებს, რომლებიც 21-28 სექტემბერს მოხდა საქართველოში ან/და გავლენას ახდენს საქართველოში მიმდინარე პროცესებზე.
საქართველოს დიპლომატიური წარმომადგენლობები ევროპის რამდენიმე ქალაქში საარჩევნო უბნებს არ ხსნის. ამის პარალელურად კი ემიგრანტების ნაწილი ამომრჩეველთა სიებში ვერ პოულობს საკუთარ თავს. დადგინდა, რომ საარჩევნო პროცესში მონაწილეობას მიიღებს 19 პოლიტიკური გაერთიანება.
ე.წ. რუსული კანონის საქმეზე საკონსტიტუციო სასამართლოს გადაწყვეტილება კვლავ უცნობია.
გასულ კვირას ტრამპისა და ზელენსკის შეხვედრა შედგა ამერიკაში, პოლიტიკოსებმა ომის დასრულების პერსპექტივებზე ისაუბრეს.
ამერიკაში იმყოფებოდა საქართველოს პრემიერ მინისტრი ირაკლი კობახიძეც, თუმცა კობახიძის მიწვევა ბაიდენის ტრადიციულ მიღებაზე გაუქმდა.
ბაიდენის ტრადიციული მიღება მნიშვნელოვან დიპლომატიურ ღონისძიებას წარმოადგენს და მიწვევის გაუქმება მიანიშნებს იმაზე, რომ საქართველოს მთავრობის ქმედებები არ შეესაბამება დასავლურ ღირებულებებსა და მოლოდინებს.
ეს ფაქტი ხაზს უსვამს საქართველოსა და დასავლეთს შორის არსებული ურთიერთობის გაუარესებას, რაც შესაძლოა გამოიწვიოს ქვეყნის საგარეო პოლიტიკაში რუსული გავლენის ზრდამ და დემოკრატიის უკუსვლამ.
კობახიძის მიწვევის გაუქმება შესაძლოა შიდა პოლიტიკაშიც გავლენიანი გახდეს. კვირის მთავარ ამბადაც შეგვიძლია ეს საგანგაშო პოლიტიკური ჟესტი დავასახელოთ.
ბუკნარში, ძველ, მიტოვებულ შენობაში, უსახლკაროები შეიჭრნენ. ისინი აჭარის მთავრობის თავმჯდომარესთან თორნიკე რიჟვაძესთან შეხვედრას და საცხოვრებელი ფართობით დაკმაყოფილებას ითხოვენ.
შენობაში, სადაც უსახლკაროები შეიჭრნენ, ადრე მაღაზია იყო, ამჟამად კი მიტოვებულია.
„სანაგვედაა ეს შენობა ქცეული. არანაირი საცხოვრებელი პირობები აქ არაა, მაგრამ ჩვენთვის, უსახლკარო ხალხისთვის, ეს გამოსავალია. აქ ვაპირებთ იქამდე ყოფნას, სანამ მთავრობა საცხოვრისით არ დაგვაკმაყოფილებს,“ – უთხრა „ბათუმელებს“ დალი თებიძემ, ერთ-ერთმა უსახლკარომ.
„ბათუმელების“ ინფორმაციით ძველ შენობაში დაახლოებით 25 უსახლკარო ოჯახი შეიჭრა.
„ამ შენობაში, სადაც უსახლკაროები შემოიჭრნენ, ოდესღაც მაღაზია ყოფილა. ახლა მიტოვებულია, ეკონომიკის სამინისტროს ბალანსზეა და აპირებენ აუქციონზე გაყიდვას. წუხელ შემოიჭრნენ უსახლკაროები, ითხოვენ ალტერნატიულ საცხოვრებელ ფართს.
ეს ხალხი წლებია ეძებს სამართალს და საცხოვრებელს. შეიჭრნენ ჩაქვში, უმაღლესი საბჭოს ყოფილ შენობაში, შეიჭრნენ ჯავახიშვილზე, ხელვაჩაურში, მაგრამ ყველა ადგილიდან გამოაძევეს,“ – ამბობს „ბათუმელებთან“ საუბარში ორგანიზაცია „ხმა ერისა, ხმა ხსნისას“ წარმომადგენელი ნაილი ფერაძე.
მისი თქმით, ეს ორგანიზაცია უსახლკაროთა და იპოთეკით დაზარალებულთა უფლებებს იცავს.
როგორც „ბათუმელებისთვის“ გახდა ცნობილი, ბუკნარში, შენობასთან, რომელშიც უსახლკაროები შეიჭრნენ, იმყოფება აჭარის ჯანდაცვის მინისტრის მოადგილე ედუარდ ნაკაშიძე.
„ბათუმელებთან“ საუბარში მინისტრის მოადგილემ თქვა, რომ ის მზადაა თითოეულ უსახლკარო ოჯახს ინდივიდუალურად შეხვდეს ხვალ, 30 სექტემბერს, მათ პრობლემებს მოუსმინოს და მისი კომპეტენციის ფარგლებში გადაწყვიტოს მათი საკითხი.
თუმცა მინისტრის მოადგილის დაპირებების არ სჯერათ უსახლკაროებს.
„როცა სხვა ადგილებში შევიჭრებოდით, აჭარის ჯანდაცვის მინისტრის მოადგილე, ედუარდ ნაკაშიძე მიდიოდა და ჰპირდებოდა ოჯახებს ოღონდ ახლა გამოდით და დაგეხმარებითო. გამოდიოდა ეს ხალხი და ტყუილი აღმოჩნდებოდა მერე ეს დაპირება.
თუ არ მოვა მთავრობის წარმომადგენელი, არ ვაპირებთ აქედან სადმე წასვლას. ედუარდ ნაკაშიძე კი მოვიდა, მაგრამ გვეუბნება მაგ საკითხში კომპეტენტური არ ვარ და ვერ დაგპირდებით ვერაფერსო. მოვიდეს ის, ვინც კომპეტენტურია და დაგველაპარაკოს. ვითხოვთ თორნიკე რიჟვაძესთან შეხვედრას, რადგან ხალხი დაიღალა ცრუ დაპირებებით, მაგრამ რიჟვაძე არ გვხვდება ცოცხალი თავით,“ – ამბობს ნაილი ფერაძე.
ნაილი ფერაძე მოუწოდებს მთავრობის წარმომადგენლებს, მივიდნენ და შეხვდნენ უსახლკარო ადამიანებს, წინააღმდეგ შემთხვევაში უსახლკაროები ცენტრალური მაგისტრალის გადაკეტვას აანონსებენ.
გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის ინფორმაციით, 29 სექტემბრის 21 საათიდან 30 სექტემბრის 21 საათამდე ბათუმსა და მთლიანად აჭარაში მოსალოდნელია ცვალებადი მოღრუბლულობა, უმეტესად უნალექოდ;
იქროლებს ცვალებადი მიმართულების ქარი 7-12 მეტრი წამში, რომელიც შესაძლოა გაძლიერდეს 20-25 მ/წმ-მდე;
ჰაერის ტემპერატურა სანაპირო ზოლში:
დღისით: 26 – 31 გრადუსი
ღამით: 17 – 22 გრადუსი სითბო
მთიან რაიონებში:
დღისით: 23 – 28 გრადუსი
ღამით: 8 – 13 გრადუსი
ზღვის ღელვა: 2-3 ბალი; ზღვის წყლის ტემპერატურა +25 გრადუსია.
სინოპტიკოსების ცნობით, პირველ და 2 ოქტომბერს აჭარაში მოსალოდნელია დროგამოშვებით წვიმა.
უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2024 წლის 29 სექტემბრამდე პერიოდში, რუსეთის არმიის საბრძოლო დანაკარგი არის:
ცოცხალი ძალა – დაახლოებით 651 810 ადამიანი [გასულ დღე-ღამეში +1 170]
ტანკი – 8 869 ერთეული [+9]
ჯავშანტექნიკა – 17 476 ერთეული [+38]
საარტილერიო სისტემა – 18 795 ერთეული [+62]
MLRS – 1 204 ერთეული [+1]
საზენიტო საბრძოლო სისტემა – 962 ერთეული [+1]
თვითმფრინავი – 369 ერთეული [+0]
ვერტმფრენი – 328 ერთეული [+0]
უპილოტო საფრენი აპარატის ოპერატიულ-ტაქტიკური დონე – 16 186 ერთეული [+93]
ფრთოსანი რაკეტა [ჩამოაგდეს] – 2 610 ერთეული [+0]
გემი/ნავი – 28 ერთეული [+0]
წყალქვეშა ნავი – 1 ერთეული [+0]
მანქანები და საწვავის ავზები – 25 495 ერთეული [+84]
სპეცტექნიკა – 3 297 ერთეული [+6]
უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.
უკრაინის სამხედრო დანაკარგებზე ინფორმაცია განაახლა რუსეთმაც.
რუსეთის თავდაცვის სამინისტროს მიერ გავრცელებული მონაცემებით, ომის დაწყებიდან 2024 წლის 29 სექტემბრამდე პერიოდში სულ განადგურებულია უკრაინის:
646 თვითმფრინავი
283 ვერტმფრენი
32 503 უპილოტო საფრენი აპარატი
579 საზენიტო სარაკეტო სისტემა
18 454 ტანკი და სხვა ჯავშანტექნიკა
1 469 მრავალჯერადი სარაკეტო გამშვები
15 370 საველე არტილერია და ნაღმმტყორცნი
26 695 სპეციალური სამხედრო მანქანა
რუსეთის თავდაცვა, ამ მონაცემებთან ერთად, უკრაინის არმიის ცოცხალი ძალის დანაკარგების შესახებ სტატისტიკას არ აქვეყნებს.
ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.
—
რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.
Die in Berlin ansässige Organisation „Gza“ hat bereits zahlreiche Aktionen sowohl gegen das russische Gesetz als auch zur Unterstützung der Ukraine durchgeführt. Giorgi Kakabadze, einer der Gründer der Organisation, ist Student. Er studiert Geschichte und schreibt derzeit seine Doktorarbeit über „Erinnerungspolitik“ an der Freien Universität Berlin.
Gaga Gogoladze, der ebenfalls aktiv in der Organisation mitarbeitet studierte Internationale Beziehungen. Zurzeit arbeitet er an einem Projekt des Berliner Senats. Den größten Teil seiner Freizeit widmet er der Arbeit in der Organisation.
Das Ziel von „Gza“ ist es, die georgische Kultur und die georgischen Anliegen in Deutschland bekannt zu machen.
Was für eine Organisation ist „Gza“ und was ist ihr Ziel?
Giorgi Kakabadze:
Unsere Organisation nimmt derzeit eine offizielle Form an, d.h. sie wird als Verein registriert und anerkannt. Die Initiativgruppe hat der Organisation den Namen „GZA“ (Georgisches Zentrum im Ausland) gegeben.
Zunächst haben wir Aktionen im Zusammenhang mit dem Krieg in der Ukraine durchgeführt, um unsere Solidarität mit der Ukraine zu zeigen und gleichzeitig die georgischen Behörden daran zu erinnern, eine klare Position zu diesem Thema einzunehmen.
Nach der Einführung des „Agentengesetzes“ in Georgien wurden wir noch aktiver. Wir haben gemerkt, dass viele Menschen nichts über die Probleme Abchasiens oder der Region Zchinwali wissen. Deshalb haben wir beschlossen, eine Organisation zu gründen, um den Kampf für die europäische Integration Georgiens zu strukturieren.
Neben den politischen Aktivitäten verfolgen wir auch kulturelle Ziele. Wir wollen zeigen, wie sich Georgien entwickelt und vor welchen Herausforderungen es steht. Gleichzeitig setzen wir uns aktiv gegen die russische Propaganda ein, indem wir Informationen in deutscher und englischer Sprache veröffentlichen, um ein breiteres Publikum zu erreichen.
Giorgi Kakabadze
Unser Ziel ist es, Georgien als Teil der westlichen Welt zu etablieren. Viele Politiker in Georgien sagen, sie wollen in die EU, aber sie führen das Land in eine ganz andere Richtung – sie schicken ihre Kinder in den Westen, aber sie kümmern sich nicht um das Wohl der georgischen Gesellschaft. Wir wollen, dass die positiven Entwicklungen, die wir hier in Europa sehen, auch in Georgien Fuß fassen. Das ist unsere Hauptmotivation.
Wie läuft die Registrierung einer Organisation im Ausland ab?
Im Vergleich zu Georgien ist der Prozess zwar anspruchsvoll, aber nicht allzu kompliziert. Unsere Organisation wird nicht als klassische NGO registriert, sondern als Verein. Dafür benötigen wir eine Satzung, die den geltenden Gesetzen entspricht. Diese Satzung beschreibt unsere Werte, Ziele und geplanten Aktivitäten.
Wir haben uns an einer Vorlage orientiert und diese an unsere Interessen angepasst. Nachdem die Satzung fertig war, hielten wir am 4. Juli eine Gründungssitzung ab. Das unterschriebene Protokoll und die Satzung wurden dann an das Finanzamt geschickt, das prüft, ob sie den gesetzlichen Anforderungen entspricht. Schließlich wird ein Gericht über die offizielle Registrierung entscheiden. Wir rechnen damit, dass dieser Prozess im Oktober abgeschlossen sein wird. Es ist kein schwieriger Prozess, aber er erfordert Geduld.
Giorgi Kakabadze
Obwohl wir einen Vorstand und einen Vorsitzenden haben, kann niemand allein Entscheidungen treffen, insbesondere bei sensiblen Themen. In solchen Fällen entscheiden wir mit Mehrheit.
Woran arbeitet der Verein heute?
In letzter Zeit haben sich viele Projekte angesammelt. Deshalb haben wir verschiedene Strukturen geschaffen, die für die einzelnen Projekte verantwortlich sind – sie entwickeln konkrete Projekte und stimmen diese dann mit den anderen Gruppenmitgliedern ab.
Unser Ziel ist es, dass möglichst viele Menschen in Deutschland wählen gehen. Wir glauben, dass Beteiligung die Qualität der Demokratie verbessert. Im Team erstellen wir Karten und Beiträge. Im Moment arbeiten wir mit mehreren Organisationen zusammen, darunter „Promotion Georgia“ und „Generations for the Country“. Außerdem unterstützen uns Organisationen in Georgien bei der Informationsbeschaffung.
Wir haben Statistiken erhalten, nach denen im Jahr 2021 etwa 42.000 Georgier legal nach Deutschland eingereist sind. Davon sind etwa 30.000 wahlberechtigt, der Rest sind Kinder.
An den letzten Wahlen in Deutschland haben nur etwa 1.500 Georgier teilgenommen, das ist sehr wenig.
Wir helfen den Menschen zu überprüfen, ob sie konsularisch registriert sind und posten dazu regelmäßig in verschiedenen sozialen Netzwerken wie Instagram und Facebook. Vor allem auf Instagram sind unsere Beiträge sehr beliebt. Wir haben auch damit begonnen, Videos zu drehen, die erklären, wie Georgier im Ausland an Wahlen teilnehmen können.
Das häufigste Problem ist, dass viele nicht wissen, wo sie sich registrieren müssen. Deshalb haben wir Informationen recherchiert, Designs erstellt und Videos produziert, die wir täglich veröffentlichen.
Viele Menschen befürchten Wahlbetrug, aber in Wirklichkeit liegt die Betrugsrate immer zwischen 5 und 10 %. Diese Befürchtung mindert das Vertrauen vieler Menschen in den Prozess und verschärft das Problem.
Derzeit sind etwa 600.000 Georgier im Ausland wahlberechtigt, aber nur 12.000 von ihnen haben bei den letzten Wahlen ihre Stimme abgegeben. Wenn 50 Prozent dieser Wähler an den Wahlen teilnehmen würden, wäre die Fälschungsrate nicht mehr so hoch.
Was passiert, wenn ein Wähler illegal eingereist ist?
Auch dann kann er wählen, das ist überhaupt nicht gefährlich. Wir haben mit den Politikern hier darüber gesprochen und es besteht kein Risiko – das wird auch von der Opposition immer wieder betont. Der rechtliche Status einer Person hat keinen Einfluss auf das Wahlrecht.
Demonstration in Berlin
Es stimmt nicht, dass die Polizei kommt und jemanden bei der Stimmabgabe verhaftet oder in sein Herkunftsland zurückschickt. Dafür gibt es keine gesetzliche Grundlage und es ist auch noch in keinem Land vorgekommen.
Bis wann kann die konsularische Registrierung beantragt werden?
Nach unseren ersten Informationen war die Online-Registrierung bis zum 15. September möglich. Danach besteht die Möglichkeit, sich persönlich im Konsulat in das Wählerverzeichnis eintragen zu lassen. Nach verschiedenen Quellen soll die Online-Registrierung auch bis zur Öffnung der Wahllokale, also bis spätestens einen Monat vor der Wahl, also bis zum 26. September, möglich sein. Da CESKO (The Election Administration of Georgia) dies jedoch nicht offiziell bestätigt hat, herrscht auch bei uns eine gewisse Unsicherheit.
Aus diesem Grund orientieren wir uns vorsichtshalber am frühesten Termin.
Wie können Jugendliche an Ihrer Kampagne teilnehmen?
Junge Menschen können sich jederzeit an unserer Kampagne beteiligen – unsere Tür steht allen offen. Es wäre großartig, wenn Sie uns über Facebook oder eine andere Social-Media-Plattform kontaktieren würden. Wir reagieren auf allen Plattformen sehr schnell.
Zum Beispiel haben schon viele Schüler den Wunsch geäußert, mit uns zusammenzuarbeiten. Manchmal fällt es uns jedoch schwer, sie in unsere laufenden Projekte einzubinden. Für diese jungen Leute möchten wir unsere TikTok-Seite, die wir in naher Zukunft einrichten wollen, zur Verfügung stellen. Meistens brauchen wir Hilfe bei der Vorbereitung von Veranstaltungen. Wenn wir weiter wachsen, wird natürlich auch die Arbeit zunehmen.
Wenn jemand Ideen einbringen möchte, sind wir jederzeit bereit, diese zu diskutieren und bei der Umsetzung zu helfen.
Wie werden Veranstaltungen geplant?
Die Planung von Demonstrationen ist ein recht komplexer Prozess, der viel Arbeit erfordert. Am Anfang war es einfacher – wir mussten uns nur beim Konsulat anmelden. Aber mit der Zeit wuchs die Zahl der Teilnehmer und wir standen vor der Herausforderung, spezielle Ausrüstung zu beschaffen.
Anfangs haben wir das Geld dafür selbst gesammelt. Aber als die Zahl der Teilnehmer wuchs, brauchten wir eine Bühne und ein Mikrofon, um zu den Leuten sprechen zu können. Schließlich bauten wir die Bühne selbst und kauften dank der Spenden unserer Unterstützer einen Lautsprecher. Leider haben wir keine finanziellen Mittel und sind daher sehr auf Spenden angewiesen, für die wir sehr dankbar sind.
Nach unserer Erfahrung ist es am besten, eine Veranstaltung mindestens zwei Wochen im Voraus zu planen. Aus technischer Sicht müssen wir genau festlegen, wer spricht, in welcher Reihenfolge und wie lange die Redner sprechen, um sicherzustellen, dass der Inhalt nicht anstößig ist. Wir müssen auch organisieren, von wem wir ein Fahrzeug für den Transport bekommen, und viele andere Details klären. Das alles kostet Geld.
Am Anfang hat uns eine Bühne zwischen 100 und 120 Euro gekostet. Es war nicht einfach, eine eigene Bühne zu bauen, und auch heute noch ist der Auf- und Abbau ein sehr zeitaufwendiger Prozess. Diejenigen, die aktiv an der Organisation beteiligt sind, arbeiten oft bis spät in die Nacht.
Um den Überblick zu behalten, haben wir eine Checkliste mit 21 Hauptpunkten und weiteren Unterpunkten erstellt, die uns hilft, die Veranstaltungen erfolgreich durchzuführen.
Manchmal gab es Probleme mit den georgischen Medien, die unsere Aktionen als die von Migranten bezeichneten, obwohl unsere Organisation „Gza“ heißt. Für uns ist es sehr wichtig, dass die Organisation korrekt benannt wird, da dies unsere Arbeit erleichtert und effizienter macht.
Gaga Gogoladze:
Wenn unsere Arbeit in den Medien richtig dargestellt wird, bekommt sie mehr Aufmerksamkeit und wird ernster genommen. Die Leute sehen uns nicht nur als Migranten, die nebenbei Instagram benutzen. Außerdem haben wir hier Kontakte zu vielen Politikern und Teams, die einen gewissen Einfluss haben.
Früher haben wir bei Kundgebungen oft gehofft, dass jemand eine Rede hält. Heute ist es umgekehrt – wir haben so viele Redner, dass es schwierig ist, noch jemanden hinzuzufügen. Unsere Liste von Politikern, Persönlichkeiten des öffentlichen Lebens und Aktivisten ist sehr solide, und wir haben großartige Redner.
Durch unseren Aktivismus haben wir erkannt, dass unsere Diaspora sehr vielfältig, effektiv und interessant ist – und größtenteils erfolgreich. Es gibt viele Georgier in Deutschland, die seit 20 oder 30 Jahren hier leben und vielleicht nicht viel in ihrem Leben erreicht haben. Diese Menschen freuen sich sehr, wenn sie andere Georgier treffen und mit ihnen in Kontakt treten können.
Es gibt viele nationale Minderheiten in Deutschland, deren Diaspora besser organisiert ist als die georgische. Eine gut organisierte Diaspora kann jedoch viel bewirken – sowohl für das Leben der in Deutschland lebenden Georgier als auch für die Georgier in der Heimat. Sie kann sogar das Schicksal und das Wohlergehen des Heimatlandes beeinflussen.
Leider ist uns das bisher nicht in gleichem Maße gelungen.
In den letzten Monaten hat unsere Organisation begonnen, genau diese Rolle zu übernehmen. Als wir zum Beispiel erkannten, wie wichtig es für die Georgier ist, den Unabhängigkeitstag in Berlin zu feiern, haben wir die Veranstaltung organisiert. Es wurde eine der schönsten Feiern, die die Georgier je in Berlin erlebt haben – eine Meinung, die von vielen in der Diaspora geteilt wird.
Demonstration in Berlin
Über Georgien kursieren viele Fehlinformationen, die von russischen Narrativen geprägt sind. Weder die georgische Botschaft noch die Regierung haben sich je darum bemüht, die deutsche Öffentlichkeit darüber aufzuklären, was Georgien wirklich ist, wer die Georgier sind und dass sich hinter dem guten Essen, den Tänzen und Traditionen viele wichtige Entwicklungen im Land verbergen. Das ist eine der Aufgaben und Missionen unserer Organisation.
Wir werden in Deutschland die Organisation sein, die die genauesten, ehrlichsten und russlandfreien Informationen über Georgien verbreitet.
Europa ist sehr vielfältig und jedes Land hat die Möglichkeit, seine Stimme zu erheben. Wenn Georgien Mitglied der Europäischen Union wird, wird es eine eigene Stimme haben und nicht nur ein Mitläufer sein.
Zusammengefasst haben wir vier Hauptziele: die europäische Integration Georgiens, den Kampf gegen die russische Aggression, die Befreiung von der Besatzung und die Stärkung der georgischen Diaspora. Der letzte Punkt ist uns besonders wichtig. Wir sind derzeit in Berlin, aber wir wollen einen starken Kern bilden und die georgische Diaspora miteinander verbinden. Wir sind eine überparteiliche, aber politisch aktive Organisation.
რა ხდებოდა 100 წლის, 1924 წლის 28 აგვისტოს საქართველოში? – ქართველები საბჭოთა ოკუპაციის წინააღმდეგ აჯანყდნენ. აჯანყდნენ და დამარცხდნენ. მაშინ სტალინის ბრძანებით ძალიან ბევრი ადამიანი დახოცეს.
სწორედ ეს აჯანყება გაიხსენეს ვაშინგტონში გუშინ, 27 სექტემბერს, სოხუმის დაცემის დღეს.
„პოლიტიკური მეხსიერება არის უკიდურესად მნიშვნელოვანი“, – ამბობს საბჭოთა კვლევების ლაბორატორიის მკვლევარი ირაკლი ხვადაგიანი, რომელიც გუშინ, ვაშინგტონში, ამერიკის შეერთებულ შტატებში ქართული ასოციაციის, საბჭოთა წარსულის კვლევის ლაბორატორიისა და ჰარვარდის დევისის ცენტრის ქართველოლოგიის პროგრამასთან თანამშრომლობით, 1924 წლის ანტისაბჭოთა ეროვნული აჯანყების 100 წლისთავისადმი მიძღვნილი ღონისძიების ერთ-ერთი პრეზენტატორი იყო.
„როცა პოლიტიკური მეხსიერება არის დაშლილი, შეცვლილი და დამახინჯებული, საზოგადოება არის დეზორიენტირებული. დღეს უკვე ჩვენ შეგვეძლო და შეგვიძლია რეალური სურათი აღვადგინოთ რა ხდებოდა ოკუპაციის შემდეგ, როგორ იბრძოდა საზოგადოება და რა მასშტაბის წინააღმდეგობა ჰქონდა თავისუფლების დაკარგვამდე“, – განაცხადა ირაკლი ხვადაგიანმა.
ღონისძიების მასპინძელმა, ქართული ასოციაციის პრეზიდენტმა, სალომე წერეთელმა თქვა, რომ ღონისძიება სოხუმის დაცემის დღეს სპეციალურად დაამთხვიეს.
„ჩვენ ვიხსენებთ საბჭოთა ოკუპაციის და აჯანყების ასი წლის თავს. ეს დღე დაემთხვა სოხუმის დაცემის თარიღს. უმნიშვნელოვანესია, რომ აღნიშნულმა თარიღმა შეუმჩნევლად არ ჩაიაროს და საზოგადოებას კიდევ ერთხელ შევახსენოთ ჩვენი ქვეყნის უახლესი ისტორიისთვის ამ მოვლენის მნიშვნელობის შესახებ. ამიტომ ძალიან მნიშვნელოვანია გვახსოვდეს, რა მოხდა, რა გადაგვხდა, რომ მომავალში არ განმეორდეს იგივე ტრაგედია“, – თქვა სალომე წერეთელმა.
საქველმოქმედო ხასიათის შეკრება მიზნად ისახავდა საქართველოს უახლესი ისტორიის საკვანძო მოვლენის გახსენებასა და პატივის მიგებას იმ გმირებისთვის, რომლებმაც თავი შესწირეს ქვეყნის თავისუფლებისთვის ბრძოლას.
ასოციაციის გადაწყვეტილებით, ღონისძიებიდან შემოსული თანხის ნაწილი ვეტერანთა საქველმოქმედო ფონდს გადაეცემა, რომელიც ქართველი სამხედრო ვეტერანების მიერაა დაფუძნებული და აშშ-ში, ამერიკის, საქართველოს, უკრაინის და სხვა პარტნიორი ქვეყნების შეიარაღებული ძალების ვეტერანებსა და მათი ოჯახის წევრებს უწევს დახმარებას.
ღონისძიებაზე სიტყვით გამოვიდნენ ქართული ასოციაციის წარმომადგენლები, საბჭოთა წარსულის კვლევის ლაბორატორიის მკვლევრები, ილიას სახელმწიფო უნივერსიტეტისა და ჰარვარდის უნივერსიტეტის პროფესორები.
მოწვეულ სტუმართა შორის იყვნენ ვაშინგტონში საქართველოს საელჩოს წარმომადგენლები, სენატორები და კონგრესმენები, საქართველოში ამერიკის ყოფილი ელჩები, მათ შორის, ელჩი კელი დეგნანი. აკადემიური წრის წარმომადგენლები, ქართული სათვისტომო. ღონისძიება საბჭოთა წარსულის კვლევის ლაბორატორიის მიერ მომზადებული გამოფენით დასრულდა.
1924 წლის ანტისაბჭოთა ეროვნული აჯანყების 100 წლისთავისადმი მიძღვნილ ღონისძიება ვაშინგტონში, კომუნიზმის მსხვერპლთა მემორიალურ მუზეუმში გაიმართა.
ქართული ასოციაცია აშშ-ში 92 წელია არსებობს.
მოვლენის შესახებ: 1924 წლის 28 აგვისტოს საბჭოთა რუსული ოკუპაციის წინააღმდეგ საქართველოს საერთო-სახალხო აჯანყება დაიწყო, რომელიც მიზნად ისახავდა რეჟიმის დამხობასა და საქართველოს სუვერენიტეტის აღდგენას.
აჯანყებულებმა მნიშვნელოვან წარმატებას მიაღწიეს რამდენიმე რეგიონში, თუმცა საბჭოთა რუსულმა საოკუპაციო რეჟიმმა მის ჩასახშობად იოსებ სტალინის უშუალო ჩართულობით, პოლიტპატიმრებისა და აჯანყების მხარდამჭერი მოქალაქეების მასობრივი დახვრეტა-დაპატიმრება დაიწყო.
საბჭოთა რუსულმა საოკუპაციო რეჟიმმა 3000 ადამიანზე მეტი დასაჯა სიკვდილით, მათ შორის მწერლები, საზოგადო მოღვაწეები, სასულიერო პირები, მასწავლებლები, სტუდენტები და უბრალო მოქალაქეები.
ხვალ, 29 სექტემბერს, ბათუმის საავტორო კინოფესტივალზე ნაჩვენები იქნება ელენე მიქაბერიძის დოკუმენტური ფილმი „ლურჯი მოცვი“.
კინოჩვენების შემდეგ მაყურებელს შესაძლებელობა ექნება შეხვდეს რეჟისორს და ფილმის შესახებ ესაუბროს.
კინოფესტივალი წელს კინოთეატრ CAVEA GRAND MALL-ის [მისამართი: ბათუმი, შერიფ ხიმშიაშვილის 29] დარბაზებში გაიმართება.
„კავეაში“ კინოჩვენებაზე დასწრება ბილეთებით იქნება შესაძლებელი. ბილეთის ფასი 3, 5 და 7 ლარია. ბილეთის შეძენა tkt.ge-ზე შეგიძლიათ.
„ლურჯი მოცვის“ შესახებ
„ლურჯი მოცვის“ მსოფლიო პრემიერა კოპენჰაგენის საერთაშორისო დოკუმენტური ფილმების ფესტივალზე – CPH:DOX შედგა მიმდინარე წლის მარტში. ფილმის ჩვენება საკონკურსო სექციის (Next:Wave Competition) ფარგლებში გაიმართა.
დოკუმენტური ფილმის რეჟისორი და სცენარის ავტორი ელენე მიქაბერიძეა, პროდიუსერი კი – ელენე მარგველაშვილი.
ქართული მართვის მოწმობების გადაცვლა ბერძნულ მართვის მოწმობაზე შესაძლებელი გახდა.
მართვის მოწმობების ურთიერთაღიარებისა და გადაცვლის შესახებ შეთანხმებას ხელი 27 სექტემბერს მოაწერეს შს მინისტრმა ვახტანგ გომელაურმა და საბერძნეთის ინფრასტრუქტურისა და ტრანსპორტის მინისტრმა ქრისტოს სტაიკურასმა.
„შეთანხმების ამოქმედების შემდგომ, მხარეთა მიერ გაცემული მოქმედი მართვის მოწმობის მფლობელები თეორიული ან პრაქტიკული გამოცდის ჩაბარების გარეშე შეძლებენ, მიიღონ თანაბარი ძალის მქონე მართვის მოწმობა იმ სახელმწიფოში, რომელიც მათ კანონიერ საცხოვრებელს წარმოადგენს.
შეთანხმებით განსაზღვრულია იმ სატრანსპორტო საშუალების კატეგორიები/ქვეკატეგორიები, რომელთა სამართავად გაცემული მართვის მოწმობები ექვემდებარებიან გადაცვლას, კერძოდ, AM, A1, A2, A, B1, B, BE, C1, C, D1, D1E, D, DE, CE და C1E კატეგორიების/ქვეკატეგორიების სამართავად გაცემული მართვის მოწმობების გადაცვლა თეორიული ან პრაქტიკული გამოცდების ჩაბარების გარეშე იქნება შესაძლებელი,“ – ნათქვამია შსს-ს მიერ გავრცელებულ განცხადებაში.
საქართველოს მთავრობასა და საბერძნეთის რესპუბლიკის მთავრობას შორის მართვის მოწმობების ურთიერთაღიარების და გადაცვლის შესახებ შეთანხმება მხარეთა მიერ შესაბამისი შიდა პროცედურების დასრულების შემდეგ შევა ძალაში.
მსგავსი ტიპის შეთანხმებები საქართველოს უკვე გაფორმებული აქვს ესპანეთის სამეფოსა და ირლანდიასთან.
უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2024 წლის 28 სექტემბრამდე პერიოდში, რუსეთის არმიის საბრძოლო დანაკარგი არის:
ცოცხალი ძალა – დაახლოებით 650 640 ადამიანი [გასულ დღე-ღამეში +1 470]
ტანკი – 8 860 ერთეული [+14]
ჯავშანტექნიკა – 17 438 ერთეული [+42]
საარტილერიო სისტემა – 18 733 ერთეული [+55]
MLRS – 1 203 ერთეული [+4]
საზენიტო საბრძოლო სისტემა – 961 ერთეული [+0]
თვითმფრინავი – 369 ერთეული [+0]
ვერტმფრენი – 328 ერთეული [+0]
უპილოტო საფრენი აპარატის ოპერატიულ-ტაქტიკური დონე – 16 093 ერთეული [+62]
ფრთოსანი რაკეტა [ჩამოაგდეს] – 2 610 ერთეული [+2]
გემი/ნავი – 28 ერთეული [+0]
წყალქვეშა ნავი – 1 ერთეული [+0]
მანქანები და საწვავის ავზები – 25 411 ერთეული [+0]
სპეცტექნიკა – 3 291 ერთეული [+99]
უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.
უკრაინის სამხედრო დანაკარგებზე ინფორმაცია განაახლა რუსეთმაც.
რუსეთის თავდაცვის სამინისტროს მიერ გავრცელებული მონაცემებით, ომის დაწყებიდან 2024 წლის 28 სექტემბრამდე პერიოდში სულ განადგურებულია უკრაინის:
646 თვითმფრინავი
283 ვერტმფრენი
32 331 უპილოტო საფრენი აპარატი
579 საზენიტო სარაკეტო სისტემა
18 447 ტანკი და სხვა ჯავშანტექნიკა
1 469 მრავალჯერადი სარაკეტო გამშვები
15 345 საველე არტილერია და ნაღმმტყორცნი
26 655 სპეციალური სამხედრო მანქანა
რუსეთის თავდაცვა, ამ მონაცემებთან ერთად, უკრაინის არმიის ცოცხალი ძალის დანაკარგების შესახებ სტატისტიკას არ აქვეყნებს.
ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.
—
რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.
27 სექტემბერს ბათუმში საავტორო კინოს საერთაშორისო ფესტივალი – BIAFF-ი გაიხსნა.
კინოფესტივალი, რომელიც უკვე 19 წელია იმართება ბათუმში, 3 ოქტომბრამდე გასტანს. ამ პერიოდში ნაჩვენები იქნება 30 სრულმეტრაჟიანი მხატვრული და დოკუმენტური ფილმი და 25 მოკლემეტრაჟიანი ფილმი 25-ზე მეტი ქვეყნიდან.
„ბათუმელები“, რომელიც წლებია „ბიაფის“ მხარდამჭერია, ტრადიციულად გთავაზობთ იმ ფილმების ჩამონათვალს, რომელთაც უკვე მიიქციეს სხვადასხვა კინოფესტივალზე ყურადღება და კარგი შეფასებაც დაიმსახურეს.
BIAFF-ზე კინოჩვენებები წელს კინოთეატრ CAVEA GRAND MALL-სა და ევროპის მოედანზე, ღია ცის ქვეშ გაიმართება. CAVEA GRAND MALL-ში კინოსეანსებზე დასასწრებად ბილეთები იყიდება, ევროპის მოედანზე კი კინოჩვენებებზე დასწრება თავისუფალია.
„ლურჯი მოცვი“ – რეჟისორი ელენე მიქაბერიძე
ქართველი რეჟისორის დოკუმენტური ფილმი მოგვითხრობს ოჯახის ამბავს, რომელიც საოკუპაციო ხაზთან ახლოს ცხოვრობს. ოჯახი სურს მოაშენოს მოცვის პლანტაცია იქ, სადაც კონფლიქტი ჯერ კიდევ მძვინვარებს. ფილმი ისეთ თემებს ეხება, როგორიცაა იდენტობა, გამძლეობა და კონფლიქტის გავლენა.
რეჟისორის თქმით, ფილმის გადაღება აფხაზმა ბიძაშვილებმა და ბავშვობამ შთააგონეს.
ფილმის მსოფლიო პრემიერა 2024 წლის 19 მარტს, კოპენჰაგენის საერთაშორისო დოკუმენტური ფილმების ფესტივალზე გაიმართა.
„რედაქცია“ – რეჟისორი რომან ბონდარჩუკი
უკრაინელი რეჟისორის, რომან ბონდარჩუკის ფილმი ახალგაზრდა კაცზეა, რომელიც ხანძრის განზრახ გაჩენის მოწმე გახდება და მოულოდნელად იწყებს მუშაობას სენსაციურ ადგილობრივ საინფორმაციო გამოცემაში ჟურნალისტად.
ფილმის პრემიერა წელს შედგა ბერლინის საერთაშორისო ფესტივალზე.
„სიყვარულით ჰილდესგან“ – რეჟისორი ანდრეას დრეზენი
ეს ისტორიული, გერმანული ფილმი ახალგაზრდა ქალზეა. 1942 წელს, ბერლინში, ჰილდე უერთდება ანტინაცისტურ ჯგუფს და უყვარდება ჯგუფის მისი ერთ-ერთი წევრი. ისინი დაუვიწყარ ზაფხულს ატარებენ, სანამ გესტაპოს არ დაიჭერთ და ქალი, რომელიც რვა თვის ორსულია, ციხეში ხვდება.
ფილმი წელს ბერლინალეს კინოფესტივალის „ოქროს დათვზე“ იყო ნომინირებული.
„საყვარელი“ – რეჟისორი ლილია ინგოლფსდოტირი
ნორვეგიელი რეჟისორის ფილმი არა სიყვარულის ძიებაზე, არამედ განშორებაზეა, ოთხი შვილის დედაზე, რომელიც ცდილობს იპოვოს ბალანსი ოჯახსა და კარიერას შორის, თუმცა ქალი განქორწინების წინაშე დგება და მისთვის ახალი ეტაპი იწყება.
ფილმი წელს რამდენიმე კინოფესტივალზე იყო ნომინირებული სხვადასხვა ჯილდოზე.
„რეალობა“ – რეჟისორი ოლეგ სენცოვი
უკრაინელი რეჟისორის, ოლეგ სენცოვის დოკუმენტური ფილმი ომს ასახავს, რომელიც ამჟამად მიმდინარეობს უკრაინაში. ფილმი რეჟისორმა, რომელიც თავადაც იბრძვის და უკრაინას იცავს, ჩაფხუტის კამერით გადაიღო. რეჟისორის თქმით, მას ნამდვილად არ სურდა გადაღება – კამერა ტექნიკის შემოწმებისას შემთხვევით ჩაირთო. კადრები მან მეხსიერების ბარათზე რამდენიმე კვირის შემდეგ აღმოაჩინა და ფილმად აქცია.
ფილმში არ არის დამატებითი ეფექტები, არაფერია ახსნილი გარდა იმისა, რასაც რეალურ დროში ვხედავთ და გვესმის ეკრანზე.
„ანტიკვარიატი“ – რეჟისორი რუსუდან გლურჯიძე
რუსუდან გლურჯიძის „არიტკვარიატი“ წელს საქართველომ „ოსკარზე“ წარადგინა.
ფილმი, რომელზეც რეჟისორი ბოლო წლების განმავლობაში მუშაობდა, 2006 წელს რუსეთიდან ქართველების მასობრივი დეპორტაციით არის შთაგონებული.
„ანტიკვარიატი“ საქართველოს, შვეიცარიის, გერმანიისა და ფინეთის კოპროდუქციაა. „ეს არის გულისამაჩუყებელი იგავი მიგრანტების იმედებისა და მისწრაფებების შესახებ უცნობ სამყაროში“ – ვკითხულობთ ფილმის მოკლე აღწერაში.
„მე, კაპიტანი“ – რეჟისორი მატეო გარონე
იტალიელი რეჟისორის ეს ფილმი თანამედროვე ოდისეაა, რომელიც მოგვითხრობს ორი სენეგალელ ახალგაზრდაზე, რომლებიც ტოვებენ სახლს და ევროპაში სურთ წასვლა, რომ სიღარიბეს თავი დააღწიონ.
2023 წელს გადაღებულ ფილმი ათობით კინოფესტივალზე იყო ნომინირებული და ჯამში, 35 ჯილდო აქვს მიღებული. ფილმი წელს იტალიამ „ოსკარზე“ წარადგინა.
„პანოპტიკონი“ – რეჟისორი გიორგი სიხარულიძე
ქართველი რეჟისორის ფილმში მოქმედება 2018 წლის საქართველოში ხდება. ფილმი მთავარი გმირი 16 წლის მოზარდია, რომლის მამა თავს ღმერთს უძღვნის, მოზარდი კი საკუთარ ადგილს ეძებს.
ფილმმა წელს კარლოვი ვარის საერთაშორისო ფესტივალზე ეკუმენური ჟიურის ჯილდო მიიღო.
„ქიმერა“ – რეჟისორი ალიჩე რორვახერი
ეს იტალიური კომედიური დრამა გვიამბობს ბრიტანელ ყოფილ არქეოლოგზე, რომელიც ციხიდან გამოსვლის შემდეგ თანამზრახველებს – საფლავების მძარცველთა გუნდს უერთდება.
ფილმი კინოფესტივალზე ნაჩვენები იქნება სექციაში „დიდოსტატთა კოლექცია“.
„გლეხები“ – რეჟისორები: DK უელჩმანი და ჰიუ უელავენი
პოლონური ისტორიული დრამა ანიმაციური ტექნიკითაა გადაღებული. ფილმი ნობელის პრემიის ლაურეატის, ვლადისლავ რეიმონტის ამავე სახელწოდების ნოველის ადაპტაციაა. ფილმი მე-19 საუკუნის მიწურულს პოლონური სოფლის ცხოვრებას ასახავს.
ფილმმა კრიტიკოსების ინტერესი და არაერთგვაროვანი შეფასება გამოიწვია.
„ის არაა, რასაც შენ ფიქრობ“ – რეჟისორი ვუსლათ სარაჩოღლუ
თურქი რეჟისორის ფილმი გვაცნობს სამ და-ძმას, რომლებიც მამის სიკვდილის შემდეგ ხვდებიან მშობლიურ ქალაქში და ხელახლა გაიცნობენ ერთმანეთს. ამ პროცესში ისინი ხვდებიან, რომ განსხვავებულად ახსოვთ ერთობლივი წარსული და არაფერი არ არის ისე, როგორც მათ ეგონათ რომ იყო.
„მომაკვდავი“ – რეჟისორი მათიას გლასნერი
გერმანული რეჟისორის დრამა გვიამბობს სიკვდილის პირას მყოფი წყვილისა და მათი ორი შვილის შესახებ, რომლებიც საკუთარი პრობლემებით არიან დაკავებულნი.
ფილმის პრემიერა წელს შედგა ბერლინის კინოფესტივალზე, სადაც ფილმმა „ვერცხლის დათვი“ მიიღო.
______________
მთავარ ფოტოზე: კადრი გიორგი სიხარულიძის ფილმიდან „პანოპტიკონი“
დღეს, 27 სექტემბერს, ბათუმში ოფიციალურად გაიხსნა საავტორო კინოს მე-19 საერთაშორისო ფესტივალი.
კინოფესტივალი წელს კინოთეატრი CAVEA GRAND MALL-ის [მისამართი: ბათუმი, შერიფ ხიმშიაშვილის 29] დარბაზებში გაიმართება, რადგან კინოთეატრ „აპოლოში“ რემონტია. „კავეაში“ კინოჩვენებაზე დასწრება ბილეთებით იქნება შესაძლებელი, ბილეთის ფასი 3, 5 და 7 ლარია. ბილეთის შეძენა tkt.ge-ზეშეგიძლიათ.
კინოჩვენებების ყოველდღიური განრიგი შეგიძლიათ ნახოთ ამ ბმულზე.
გარდა ამისა, 29 სექტემბრიდან გაიმართება კინოჩვენებები ევროპის მოედანზე, სადაც დასწრება თავისუფალია. ევროპის მოედანზე კინოჩვენება 20 საათზე დაიწყება, ყოველ საღამოს 2 სეანსი გაიმართება.
წელს კინოფესტივალზე წარმოდგენილი იქნება 30 სრულმეტრაჟიანი მხატვრული და დოკუმენტური ფილმი და 25 მოკლემეტრაჟიანი ფილმი 25-ზე მეტი ქვეყნიდან.
კინოფესტივალზე, ტრადიციულად, იქნება 2 საკონკურსო სექცია: მხატვრული და მოკლემეტრაჟიანი ფილმების და სექციები: „დიდოსტატთა კოლექცია“, „ფოკუსი უკრაინა“, „ქართული პანორამა“ და „ქართული კინოკლასიკა“.
საავტორო კინოს ბათუმის საერთაშორისო ფესტივალი მესამე წელია სახელმწიფო დაფინანსების გარეშე იმართება. წელს ფესტივალის მხარდამჭერები არიან: NDF-ი, იტალიის საელჩო, ბრაზილიის საელჩო, ნორვეგიის კინოს ინსტიტუტი, დანიის კულტურის ინსტიტუტი, ასოციაცია „ვისტულა“, შვედეთის საელჩო, ლიეტუვის საელჩო და ბათუმის თოჯინების თეატრი.
