Batumelebi

სახანძრო სამსახურის უფროსის ხუსეინ სირაბიძის ინფორმაციით ხანძარი სავარაუდოდ ელექტროსადენების მოკლე ჩართვამ გამოიწვია.

საახალწლო ნაძვის ხე გუშინ საღამოს, საზეიმოდ გაიხსნა.

პირველ ეტაპზე 12 ავტომანქანა ხულოსა და შუახევის მუნიციპალიტეტების პირველად ჯანდაცვის ცენტრებმა მიიღეს. ჯამში მაღალმთიანი აჭარის პჯდ ცენტრები 21 ავტომანქანით აღიჭურვება. ღონისძიებას დაესწრება აჭარის ჯანდაცვის მინისტრი ნუგზარ სურმანიძე.

პროექტი გაეროს მოსახლეობის ფონდის (UNFPA) თანადაფინასებით ხორციელდება, ავტომანქანების შესაძენად აჭარის ჯანდაცვის სამინისტროს ბიუჯეტიდან გამოიყო 190 400 ლარი, თითოეული ავტომანქანის ღირებულება შეადგენს 11 500 ამერიკულ დოლარს.

პროექტში გათვალისწინებულია ადგილობრივი თვითთმართველი ორგანოების ჩართულობა, რომლის თანახმად მუნიციპალიტეტები დაფარავენ ავტომანქანების შენახვის, საწვავის ხარჯებს და მძღოლის ხელფასს.
პირველადი ჯანდაცვის ცენტრების ავტომანქანებით აღჭურვა უზრუნველყოფს მთის რეგიონის სოფლის ექიმების მობილობის გაზრდას და მომსახურების ხარისხის გაუმჯობესებას.

სოფლის მოსახლეობისათვის მაღალი ხარისხის პირველადი ჯანდაცვის მომსახურების მიწოდება პრიორიტეტულ მიმართულებას წარმოადგენს. ამ მიზნით სამინისტრომ 2014 წელს აამოქმედა ახალი პროგრამა, რომელიც ითვალსწინებს სოფლის ექიმების მატერიალურ სტიმულირებას ხელფასის დანამატის დანიშვნით, მაღალმთიანი მუნიციპალიტეტების სოფლის ექიმებისათვის 300 ლარით, ხელვაჩაურის და ქობულეთის სოფლის ექიმებისათვის 150 ლარით.

მიმდინარე წელს სოფლის ექიმებს ანაზღარება 30 %-ით საქართველოს ჯანდაცვის სამინისტრომაც გაუზარდა. ისინი ასევე მარაგდებიან ფარმაცევტული პროდუქტებით, სამედიცინო დანიშნულების საგნებით, სააღრიცხვო ბარათებით და საკანცელარიო ნივთებით.

თამარ მჟავანაძის ფოტო.

სახანძრო სამსახურის უფროსის ხუსეინ სირაბიძის ინფორმაციით ამ დროისათვის ცეცხლი ლიკვიდირებულია. 

“სახანძრო სამსახურში შეტყობინება დაახლოებით 00:50 საათზე შემოვიდა. ადგილზე გავიდა ორი ეკიპაჟი. 00:55 საათზე მოხდა ცეცლის ლიკვიდირება. დამწვარია 10-15 კვადრატამდე ფრაგმენტი. მოკვლევას აწარმოებს შინაგან საქმეთა სამმართველო” – ამბობს ხუსეინ სირაბიძე.

მისივე თმით ხანძარი სავარაუდოდ ელექტროსადენების მოკლე ჩართვამ გამოიწვია.  

საახალწლო ნაძვის ხე 25 დეკემბერს საღამოს საზეიმოდ გაიხსნა.

თამარ მჟავანაძის ფოტო.

ამ საკითხის განსახილველად ფრაქცია „თავისუფალი დემოკრატების“ მოთხოვნით საკრებულოს იურიდიულ საკითხთა და საფინანსო საბიუჯეტი კომისიის ერთობლივი, გაფართოებული სხდომა მოიწვიეს.

„ჩვენ არ მოგვეცა საშუალება განგვეხილა და შენიშვნები დაგვეწერა დამატებულ 17 მილიონზე, ან ამ 17 მილიონის ჩათვლით ერთიანად განგვეხილა ბიუჯეტი. მე მაქვს კითხვა, ხომ არ ირღვევა ჩემი, როგორც საკრებულოს წევრის და ჩემი ფრაქციის უფლება?! მაქვს ვალდებულება მონაწილეობა მივიღო ბიუჯეტის დაგეგმავში და ვაკონტროლო მისი შესრულება. ასევე, ხომ არ ირღვევა საზოგადოების უფლება, ჩაერთოს ბიუჯეტის დაგეგმავაში?!“ –  განაცხადა ფრაქცია „თავისუფალი დემოკრატების“ ხელმძღვანელმა კობა ჩხეიძემ სხდომაზე. მან იურიდული კომისიის თავმჯდომარისგან ლევან კინწურაშვილისგან მიიღო პასუხი, რომ მერიას იურიდიულად პროცედურა არ დაურღვევია და მერს ჰქონდა უფლება წარმოედგინა გაზრდილი ბიუჯეტი: „თუმცა მორალურად და ლოგიკურადაც გეთანხმებით და ამ მიმართულებით შეგვიძლია ვიმსჯელოთ“ – განაცხადა ლევან კინწურაშვილმა. 

მსჯელობა დიდხანს გაგრძელდა.

მოსაზრება, რომ საკრებულოს წევრის უფლებები შეილახა, კიდევ ერთი ოპოზიციური ფრაქციის თავმჯდომარემ, გიორგი ცინცქილაძემ დაადასტურა. იგივე პოზიცია დააფიქსირეს ფრაქცია „ნაციონალური მოძრაობის“ წევრებმაც.

თვითმმართველობის კოდექსის მიხედვით:

მომავალი წლის ბიუჯეტის პროექტს თანდართულ მასალებთან ერთად არაუგვიანეს 15 ნოემბრისა ქალაქის მერი წარუდგენს  საკრებულოს. საკრებულო ვალდებულია ბიუჯეტის პროექტი მისი წარდგენიდან 5 დღის ვადაში გაასაჯაროოს.

კანონმდებლობის მიხედვით საკრებულო საჯაროდ განიხილავს ბიუჯეტის პროექტს და ახალი საბიუჯეტო წლის დაწყებამდე, სიითი შემადგენლობის უმრავლესობით იღებს გადაწყვეტილებას მუნიციპალიტეტის ბიუჯეტის პროექტის დამტკიცების შესახებ.

შენიშვნების არსებობის შემთხვევაში  საკრებულო არაუგვიანეს 25 ნოემბრისა ბიუჯეტის პროექტს შენიშვნებით უბრუნებს მერს. ბიუჯეტის პროექტის იმავე ან შესწორებულ ვარიანტს არაუგვიანეს 10 დეკემბრისა მერი წარუდგენს მუნიციპალიტეტის საკრებულოს.

ბათუმის საკრებულომ ამ ჩანაწერით გათვალისწინებული ვადა სრულიად გამოიყენა და  საკრებულოს კორეტირებული ბიუჯეტი 10 დეკემბერს გადაუგზავნა, თუმცა ახალმა ვარიანტმა საკრებულოში არა ახალი ბიუჯეტის შენიშვნებთან შესაბამისობის, არამედ სულ სხვა საკითხი დააყენა დღის წესრიგში.

კობა ჩხეიძის განმარტებით „ეს ბიუჯეტი არის აბსოლუტურად განსხვავებული იმ ვერსიისგან“, რომელზეც იმსჯელეს: „ბიუჯეტის პირველად ვარიანტზე ჩვენ გვქონდა დაძლევადი შენიშვნები, ახლა რაც არ უნდა ვიმსჯელოთ, ჩვენი შენიშვნების გათვალისწინება ვერ მოხდება “ -ამბობს კობა ჩხეიძემ.

 „ჩვენ შეგვიძლია ვთქვათ, რომ ეს არის ჩვენს შენიშვნებზე დაყრდნობით შესწორებული ბიუჯეტი? –  მე მგონია, რომ ჩვენ საერთოდ ახალი ბიუჯეტი შემოგვივიდა“ – განაცხადა გიორგი კირთაძემ კომისიის სხდომაზე.

იურიდიულ და საფინანსო-საბიუჯეტო სხდომაზე ამ საკითხის განხილვა სხდომაზე გადაწყვიტეს: „სხდომაზე დააყენეთ ეს საკითხი დღის წესრიგში და ვნახოთ“ – მიმართა ლევან კინწურაშვილმა კოლეგებს.

დღეს სხდომაზე დაფიქსირებული პოზიციებით შესაძლებელია ვივარაუდოთ, რომ 2015 წლის ბიუჯეტის პროექტს 29 დეკემბრის სხდომაზე საკრებულოს „ქართული ოცნების“ უმრავლესობა მხარს დაუჭერს, რაც იმას ნიშნავს, რომ ბიუჯეტი დამტკიცდება.

რასთან გვაქვს საქმე ამ შემთხვევაში და შეილახა თუ არა საკრებულოს წევრის უფლება მიიღოს მონაწილეობა ბიუჯეტის დაგეგმვაში და განახორციელოს კონტროლი? – ამ კითხვით ექსპერთს თვითმმართველობის საკითხებში და თვითმმართველობის კოდექსის ერთ-ერთ ავტორს დავით ლოსაბერიძეს მივმართეთ:

„ამ შემთხვევაში მესმის საკრებულოს იმ წევრებისაც, რომლებსაც პრეტენზია აქვთ და იურიდიული კომისიის თავმჯდომარისაც, რომელიც ამბობს, რომ პროცედურა არ დარღვეულა. ეს არის საქართველოს საფინანსო კანონმდებლობის პრობლემა. არც ის ვადაა საკმარისი, რასაც კანონმდებლობა ითვალისწინებს უკან დაბრუნებული ბიუჯეტის კორექტირებისათვის. მსგავსი პრობლემა დგება წლის ბოლოს ცენტრიდან მუნიციპალიტეტის ბიუჯეტში სპეციალური ტრანსფერის გადაცემის შემთხვევაშიც. ვერც საზოგადოება და ვერც არასამთავრობო ორგანიზაციები იტყვიან ალბათ, რომ არიან  კმაყოფილი ბიუჯეტის დაგეგმვის პროცესში ჩართვის შესაძლებლობით ისევ და ისევ მოკლე ვადების გამო. ეს საკანონმდებლო კაზუსია, თუმცა საკრებულოები იღებენ პოლიტიკურ გადაწყვეტილებებს და ამ შემთავეაშიც თუ ბათუმის საკრებულო ბიუჯეტს დაამტკიცებს, ეს იქნება პოლიტიკური გადაწყვეტილება“ – განაცხადა დავით ლოსაბერიძემ „ბათუმელებთან.“

სასტუმრო „შერატონ ბათუმში“ ახალ წელს საბანკეტო დარბაზში შეგიძლიაღ შეხვდეთ. სასტუმრო სტუმრებს ქართულ სუფრას, ცოცხალი მუსიკას, ქართული ცეკვების წარმოდგენას, დიჯეისა და სიურპრიზებს ჰპირდება. ბილეთის ფასი ერთი ადამიანისთვის 85 ლარია. საღამო  22:00 საათზე დაიწყება.

სასტუმრო „რადისონში“ ახალი წლის ღამეს ორი ღონისძიებაა დაგეგმილი: სასტუმროს შენობის მე-19 და პირველ სართულზე. ღონისძიება ორივე დარბაზში ერთდროულად, საღამოს 9 საათზე დაიწყება და ღამის 3 საათამდე გაგრძელდება.  იქნება ცოცხალი მუსიკა, გათამაშებები და კონკურსები. ღონისძიებაზე დასასწრებად ადგილების წინასწარ დაჯავშნა აუცილებელია. ბილეთის ფასი მე-19 სართულზე, ბარში 265 ლარია  ერთი პერსონისთვის. ფასში შედის სხვადასხვა კერძი, სასმელი და გართობა.  

სასტუმრო „დივან სუითი“ 31 დეკემბრის ღამეს სტუმრებს ქართული და ევროპული კერძების გაერთიანებულ მენიუს და ულიმიტო ადგილობრივ სასმელს სთავაზობს. ღონისძიებას მუსიკალურად გააფორმებს ბენდი The Pickupers-ი, იქნება ასევე დიჯეი, აქ მისული სტუმრები ნახავენ  ჯგუფ „პლატინას“ ცეცხლოვან სანახაობებს. გათამაშდება საჩუქრები: ნომერი ორი ადამიანისთვის, ორი დღით, სასტუმრო „დივანში“და სხვა პრიზები. სასტუმრო „დივანში“ საახალწლო ღონისძიებაზე დასწრების ფასი 190 ლარია.

სასტუმრო „პრეზიდენტ პლაზა“ სტუმრებს 31 დეკემბერს სთავაზობს შოუპროგრამას, რომელშიც მონაწილეობას მიიღებს უკრაინული ჯგუფი, ასევე იქნება დიჯეი. აქ, დაახლოებით 200 კაცზე გათვლილ დარბაზში, ღონისძიებაზე ერთი პერსონის დასწრების ფასი 150 ლარია.  საღამო დაიწყება 22 საათზე. ადგილების დაჯავშნა ჯერ კიდევ შესაძლებელია.  

ორ რესტორანში – „თბილისსა“ და „ბაკურიანში“ აქვს საახალწლო ღონისძიება დაგეგმილი სასტუმრო „ინტურისტს“.  რესტორან „ბაკურიანში“ იქნება დისკოს ტიპის საღამო და დიჯეი, რესტორან „თბილისში“ კი დაუკრავს ბენდი. აქ მისულ სტუმრებს ჰპირდებიან სიურპრიზსა და საჩუქრებს. რესტორან „თბილისში“ საახალწლო ღონისძიებაზე დასწრება 120 ლარი ღირს, ხოლო  „ბაკურიანში“ – 50 ლარი. ღონისძიება ორივე რესტორანში დაიწყება 23 საათზე. ადგილების დაჯავშნა ჯერ კიდევ შესაძლებელია, თუმცა როგორც ადმინისტრაციაში გვითხრეს, ადგილები შეზღუდულია.  

გარდა სასტუმროებისა, 31 დეკემბერს საახალწლო ღონისძიებები დაგეგმილია რესტორნებსა და კაფე-ბარებშიც.  

„სან–რემო“ 120 ლარად გთავაზობთ ახალი წლის ღამის გატარებას. იქნება ქართული მენიუ, იმღერებს ბენდი. გათვალისწინებულია საჩუქრები.  ღონისძიება დაიწყება 22 საათზე და დილამდე გაგრძელდება.

 „პიერ–ბათუმში“ ახალი წლის ღამის გატარება 100 ლარი ღირს. არის როგორც ქართული კერძები, ასევე თევზის ასორტი. მენიუს მიხედვით ფასი განსხვავებულია.  იქნება ცოცხალი მუსიკა. „პიერ-ბათუმში“  ღონისძიება 22 საათზე დაიწყება.

 რესტორან „კოშკში“ ახალი წლის ღამეს, 23:00 საათზე, ცოცხალი ბენდი დაუკრავს ქართულ და უცხოურ ჰიტებს. საფასური: 60 ლარი ერთ ადამიანზე.

 რესტორან „მიუნჰენში“ ახალი წლის ღამეს იმღერებენ ახალგაზრდა ქართველი მომღერლები –  ანი ღონღაძე და ნიკო ბერიძე. იქნებიან მსახიობებიც. აქ სტუმრებს სთავაზობენ როგორ ქართულ, ასევე ევროპულ კერძებს. იქნება გათამაშება. „მიუნჰენში“  საახალწლო ღონისძიებას 130 ლარად შეგიძლიათ დაესწროთ.  აქ ღონისძიება ღამის 23.30-საათზე დაიწყება.

ახალ წელს “Old Boulevard”-ში ვაჟა ტუღუშთან, არჩილ ჩიქოვანთან და ირაკლი ჯანაშიასთან ერთად შეგიძლიათ შეხვდეთ. შოუს წამყვანი იქნება ზაალ გოგუაძე. დასაწყისი 23:00 საათზე. ერთი პერსონის ფასი 100 ლარია.

რესტორან „ბავარეში“ 31 დეკემბერს საახალწლო შოუ–პროგრამა 22 საათზე დაიწყება. DJ, ფეირვერკები, თოვლის ბაბუა, მომღერლები: ზაალ  და მამუკა დევაძეები, აკრობატები, ქართული და ლათინო ამერიკული ცეკვები, გათამაშებები და სიურპრიზები – აი რას გპირდებათ რესტორანი. მენიუს ფასი 60 ლარია ერთ ადამიანზე.  

კაფე “La Brioche“-ში 31 დეკემბერს საახალწლო წვეულება 22:00 საათზე დაიწყება.   DJ Goldman და მსოფლიო ჰიტები, გართობა, სიურპრიზებისა და დაუვიწყარი განწყობის ღამე. მენიუს ფასი:  ერთი პერსონა – 40 ლარი.

Caffe Monet-ში  31 დეკემბერს  ნიჭიერის ფინალისტი ბათუმელი ნინიკო კახაძე იმღერებს. სუფრა გაშლილი იქნება საახალწლო ტკბილეულით (არაყი და შამპანური), ასევე იქნება ამერიკული სტილით შემწვარი ინდაური, ქართული გოჭი და გემრიელი კერძები, ნამცხვრები, ხილი, თხილის, ჩირის, ყველისა და ძეხვის ასორტი, სალათების მრავალფეროვნება, ლობიანი, ხაჭაპური. ფასი: 1 პერსონა – 80 ლარი.

რესტორან „ყირამალაში“, 31 დეკემბერს საახალწლო კონცერტი მოწვეული სტუმრებით და სახალისო კონკურსებით გაიმართება.  ფასი: 100 ლარი. საღამო 22 საათზე დაიწყება.

31 დეკემბერს საახალწლო შოუ–პროგრამა იქნება რესტორან „გრანდ გრილში“. საღამოზე წარმოდგენილი იქნება ქართული ნაციონალური ცეკვები, პოპულარული ჯგუფი თურქეთიდან, მრავალფეროვანი მენიუ ხორცეულითა და თევზეულით, ალკოჰოლური და უალკოჰოლო სასმელები. საღამო 20 საათზე დაიწყება. ფასი: 140 ლარი.

31 დეკემბერს საახალწლო პროგრამაა რესტორან „მეგრულ–ლაზურში“. საღამოზე წარმოდგენილი იქნება ქართული ნაციონალური ცეკვები, ცეცხლოვანი შოუ და ფეიერვერკები. საღამო წარიმართება მეგრულ-ლაზურის სიმღერების ფონზე. ღირებულება: ერთი ადამიანი – 130 ლარი (დიდი ჯგუფის შემთხვევაში შესაძლებელია ფასდაკლებაც).

31 დეკემბერს რესტორან „Vox“-ში ბიძინა მახარაძე და ვახტანგ ტატიშვილი იქნებიან „იუმორინადან“. დასაწყისი: 22:00 ბილეთის ფასი: 130 ლარი (სრული მენიუ).

31 დეკემბერს რესტორან „ალექსანდრიაში“ საახალწლო შოუ-პროგრამას წარუძღვება იუმორისტი ამიკო ჩოხარაძე მეგობრებთან ერთად. დასაწყისი: 23:30. ბილეთის ღირებულება: 50-100 ლარი.  

კონკურსანტების ცოდნას ხულოში კომისიის ცხრა წევრი აფასებს. კომისიის თავმჯდომარე მუნიციპალიტეტის გამგებელი ბესიკ ბაუჩაძეა. კომისიის შემადგენლობაში შედის გამგებლის პირველი მოადგილე ლაშა ბოლქვაძე, გამგეობის საფინანსო სამსახურის უფროსი ნადიმ ვასაძე, ხულოს მუნიციპალიტეტის რესურსცენტრის უფროსი და ღორჯომის თემის მაჟორიტარი დეპუტატი ედუარდ მიქელაძე, ხულოს საკრებულოს ჯანდაცვისა და სოციალური საკითხთა კომისიის თავმჯდომარე ნარგიზ დეკანაძე  და მოწვეული წევრები: ირაკლი ქუთათელაძე, ოთარ დიასამიძე, გიორგი აბუსელიძე და გელა მამულაძე.

ხულოს მუნიციპალიტეტის თვითმართველ ორგანოში სულ 47 ვაკანტური ადგილია, აქედან 45 მუნიცპალიტეტის  გამგეობაში და 2 საკრებულოში. ვაკანტური თანამდებობის დასაკავებლად კონკურსის პირველ ეტაპზე 800-მდე განაცხადი შევიდა, საიდანაც მეორე ეტაპზე მხოლოდ 285 კონკურსანტი გადავიდა, ტესტირება მხოლოდ 100 კონკურსანტმა გადალახა.

გასაუბრება ხულოს მუნიციპალიტეტში გუშინ დაიწყო და კვირას დასრულდება. გასაუბრებას არასამთავრობო ორგანიზაცია „სამართლიანი არჩევნების“ წარმომადგენელი თეონა კაკაციძე ესწრება.

როგორც აჭარის მთავრობის პრესსამსახურის მიერ გავრცელებულ რელიზშია ნათქვამი, მიმდინარე ეტაპზე შესრულებულია სამუშაოთა 50 პროცენტი. აშენებულია 17კმ-ს სიგრძის გაზსადენი, მათ შორის 12 კმ – სოფელი საჩინოში, 5 კმ – სოფელ ბუკნარში. სულ  ასაშენებელია 34,290 გრძივი კმ გაზსადენი.

აღნიშნული სამუშაოების შემდეგ მოხდება ინდივიდუალური გაზიფიცირება, რომელიც შესაძლებელი იქნება შეღავათიანი 400 ლარიანი პროგრამით.

აჭარის მთავრობის თავმჯდომარის არჩილ ხაბაძის თქმით  სამი წლის განმავლობაში მოხდება აჭარის სამი მუნიციპალიტეტის – ქობულეთის, ბათუმისა და ხელვაჩაურის გაზიფიკაცია. კომპანია  „სოკარ-ჯორჯიას“ 20-დან 40 მილიონამდე ინვესტიციას ჩადებს აღნიშნულ პროექტში.

გუშინ, 24 დეკემბერს  პროკურორმა სასამართლოს მიმართა, საპყრობილეში აკრძალული ნივთის შენახვის გამო პატიმარისთვის ბრალის წარდგენის შუამდგომლობით. სასამართლომ პროკურატურის შუამდგომლობა არ დააკმაყოფილა.

ოფიციალური ინფორმაციით, პატიმარმა თავი ბათუმის მესამე საპყრობილეში ყოფნის დროს დაიზიანა. მისი ადვოკატი, მარინა კაკაურიძე „ბათუმელებთან“ ამბობს, რომ მას სხეულის სხვადასხვა ნაწილზე ოთხმოცზე მეტი ნაკერი ადევს. ჭრილობები ახლა მოშუშების ეტაპზე აქვს.

თვითდაზიანების შემდეგ პატიმარი ბათუმის მესამე საპყრობილიდან თბილისის მეშვიდე დაწესებულებაში  გადაიყვანეს. აკრძალული ნივთის, სამართებლის  ნატეხის შენახვის გამო კი პროკურორმა მისთვის ბრალის წარდგენის შუამდგომლობით სასამართლოს მიმართა.

ადვოკატის ინფორმაციით, 25 წლის პატიმარს ხელებზე დიდი ფრჩხილები აქვს,  მარცხენა ხელის გულის მტევანი სავარაუდოდ სწორედ ამ ფრჩხილით დაიზიანა[მეშვიდე დაწესებულებაში ყოფნისას].

ამის პარალელურად სასჯელაღსრულების  დეპარტამენტმა  პატიმრის ფსიქიატრიულ დეპარტამენტში გადაყვანის გადაწყვეტილება მიიღო. ის რამდენიმე დღის განმავლობაში ექიმების მეთვალყურეობის ქვეშ იმყოფებოდა. ექსპერტიზის დასკვნა ბ-ს ჯანმრთელობის  მდგომარეობის  შესახებ სავარაუდოდ ამ კვირის ბოლოს იქნება, მანამდე კი არსებობს ფსიქიატრის შუალედური რეკომენდაცია [დასკვნა] იმის შესახებ,  რომ პატიმარი საჭიროებს  ფსიქიატრის მუდმივ მეთვალყურეობას.

ადვოკატი მარინა კაკაურიძე ამბობს, რომ გუშინ, 24 დეკემბერს თბილისის საქალაქო სასამართლომ არ დააკმაყოფილა  პროკურორის შუამდგომლობა, ადვოკატის არგუმენტების მოსმენის შემდეგ დაცვის მხარეს პროკურორიც დაეთანხმა: „იმის გამო, რომ ბრალდებული პატიმრობაში იმყოფება, მას არ აქვს შესაძლებლობა ხელი შეუშალოს გამოძიებას, ზეგავლენა მოახდინოს მოწმეებზე ან მიემალოს გამოძიებას. მისთვის  აღკვეთი ღონისძიების შეფარდების საკითხის გადადება ვითხოვე, რადგან ჯერ არ გვაქვს ექსპერტიზის დასკვნა. დამეთანხმა პროკურორი და მოსამართლემ დააკმაყოფილა ჩვენი შუამდგომლობა“.

საქართველოს სასჯელაღსრულებისა და პრობაციის  სამინისტროს განმარტებით, უწყება დღესვე  გამოითხოვს ინფორმაციას პატიმრის ჯანმრთელობის შესახებ   და დეპარტამენტი გაითვალისწინებს სამხარაულის ეროვნული ბიუროს ექსპერტების რეკომენდაციას. 

„არ ვაპირებთ ბიზნესმენებისთვის კომპენსაციების გაცემას. თავის დროზე დაეზღვიათ ბიზნესი. ბრალდებული ვინც იქნება, აგებს პასუხს, დირექტორი იქნება თუ შემდუღებელი.  არ ვამბობ, რომ არაფერი არ უნდა გავაკეთოთ, ავიღებთ აღდგენის ხარჯებს. კომპენსაციაზე საუბარი არ იქნება“ – განაცხადა მთავრობის თავმჯდომარემ.

„სავაჭრო ცენტრ 2009“-ის (იგივე „ხოფის ბაზრობა“) დირექტორის, არჩილ კახიძის თქმით, „სავაჭრო ცენტრის ზარალი დაახლოებით ასი ათასი ლარია, ხოლო მოიჯარეების ზარალი ჩვენთვის უცნობია, რადგან მათი საქონელი იყო და ჯერ ინფორმაცია არ მოუწოდებიათ“. სპეციალური კომისია არც სავაჭრო ცენტრშია შექმნილი.

როგორც ბაზრობის ადმინისტრაციაში აცხადებენ, ჯიხურების და სავალი ნაწილის ჩათვლით, ხანძრის შედეგად 850 კვ.მ ფართობია დამწვარი, რაც 64 სავაჭრო ობიექტს მოიცავს. შესაბამისად, ამდენივე მოიჯარეა დაზარალებული.

ხანძრის შედეგად დაზარალებული პირების დასახმარებლად ინიციატივა მხოლოდ ჯგუფ „ბათომის“ წევრებს ეკუთვნის.  საქველმოქმედო ანგარიშზე თანხის გადარიცხვა დეკემბრის ბოლომდე   გაგრძელდება. დაზარალებულთა დასახმარებლად ანგარიში გახსნილია „თიბისი“ ბანკში: GE87TB7915336080100002  

ინფორმაციას ამის შესახებ შინაგან საქმეთა სამინისტრო ავრცელებს. 
1961 წელს დაბადებული ხ. მ. ფეთქებადი ნივთიერების მართლსაწინააღმდეგო შეძენის-შენახვის ბრალდებით ხელვაჩაურის რაიონში, ხოლო 1965 წელს დაბადებული, წარსულში ნასამართლევი ნ.ფ. ნარკოტიკული საშუალების უკანონო შეძენა-შენახვის ბრალდებით და 1940 წელს დაბადებული, წარსულში მრავალჯერ ნასამართლევი ა. ფ. ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის, ტარების და ნარკოტიკული საშუალების უკანონო შეძენა-შენახვის ბრალდებით ბათუმში დააკავეს. 

სამინისტროს ინფორმაციით, სამართალდამცველებმა ხელვაჩაურის რაიონში, ხ. მ-ს საცხოვრებელი სახლის ეზოში მდებარე დამხმარე სათავსოს ჩხრეკისას ასაფეთქებელი ნივთიერებები ამოიღეს. ექსპერტიზის დასკვნით, ამოღებულია 578 გრ ტროტილი, ასევე, 4 კგ და 344 გრამი ტროტილისა და გვარჯილის ნარევი, რომელიც ვარგისია გამოყენებისთვის. სამართალდამცველებმა ა.ფ-ს მართვის ქვეშ არსებული ავტომანქანის, საცხოვრებელი ბინის და პირადი ჩხრეკისას კუსტარულად დამზადებული რევოლვერი 7 საბრძოლო ვაზნით, საბჭოთა წარმოების, „ტოზ 8 ემ“-ის მოდელის კუსტარულად გადაჭრილი შაშხანა და ნარკოტიკული საშუალება ამოიღეს, რომელიც ექსპერტიზის დასკვნით 10,083 გრ გამომშრალი მარიხუანაა. ნ. ფ-ს პირადი ჩხრეკისას კი ამოღებულია 14 შეკვრად დაფასოებული ნარკოტიკული საშუალება, რომელიც ექსპერტიზის დასკვნით 23, 167 გრ გამომშრალი მარიხუანაა.

შინაგან საქმეთა სამინისტროს მიერ გავრცელებულ განცხადებაში წერია, რომ გამოძიება ხ.მ-ს მიმართ ცეცხლსასროლი იარაღის, საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა, შენახვის ფაქტზე (საქართველოს სსკ-ის 236-ე მუხლის 1-ლი ნაწილით), ა. ფ-ს მიმართ – ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის, ტარების და ნარკოტიკული საშუალების უკანონო შეძენა-შენახვის ფაქტზე (საქართველოს სსკ-ის 236-ე მუხლის 1-ლი და მე-2 ნაწილებით და 260-ე მუხლის 1-ლი ნაწილით), ხოლო ნუგზარ ფ-ს მიმართ ნარკოტიკული საშუალების უკანონო შეძენა-შენახვის ფაქტზე მიმდინარეობს (საქართველოს სსკ-ის 260-ე მუხლის 1-ლი ნაწილით).

„ქრისტეს შობა ქრისტიანებისთვის დიდი დღესასწაულია. მგონია რომ არის ისეთი დღესასწაული, რომელიც ამტკიცებს  ჩვენში რწმენას, რომელიც გვეუბნება რომ ღმერთი მოდის ჩვენთან. ჩვენთან არის, ჩვენს გვერდზე და ჩვენ ღვთის გარეშე არ შეგვიძლია რომ არ ვიცხოვროთ.  ეს დღესასწაული მნიშვნელოვანია ჩვენთვის. ჩემს მრევლთან ერთად ეს დღესასწაული ყოველთვის იყო როგორც რწმენის დამტკიცების, ურთიერთობის დამტკიცების. ვინაიდან რწმენა ეკლესიის გარეშე ხშირად რჩება როგორც იდეოლოგია, ეკლესიასთან ერთად რწმენა ხდება როგორც ხორცი, როგორც სისხლი,“ – უთხრა „ბათუმელებს“ დასავლეთ საქართველოში კათოლიკური ეკლესიის ვიკარმა პადრე გაბრიელ ბრაგანტინმა.

თამაზ ბაკურიძე აცხადებს, რომ მისთვის მიუღებელია თვითნებურად შესახლებული ოჯახების შესასწავლად შექმნილი კომისიის მუშაობის ფორმატი, ამიტომაც ამბობს უარს კომისიის წევრობაზე. მისი თქმით, კომისიის წევრობაზე შეთავაზება უმაღლესი საბჭოს ვიცე-სპიკერ დავით ბაციკაძისგან მიიღო.

„კომისიის მუშაობაში მე მონაწილეობას არ მივიღებ, იმიტომ, რომ მათი მუშაობის ფორმა ჩემთვის არის მიუღებელი.  მე ვიქნები მხოლოდ დამკვირვებლის სტატუსით. ამ ფორმით მათი მუშაობა [კომისიის] ხალხთან დაპირისპირებას მოიტანს და მეტს ვერაფერს,“- ამბობს თამაზ ბაკურიძე.

თამაზ ბაკურიძემ მთავრობას და კომისიის წევრებს ციფრებით მანიპულირებაშიც დასდო ბრალი:

„მე მოვითხოვ სათითაოდ მოხდეს თითოეული ოჯახის აღწერა და მათი პრობლემების შესწავლა. იქ არის ისეთი ოჯახები, ვისაც დახმარება არ სჭირდება და სხვისი გაჭირვებით სარგებლობენ, ამიტომ ციფრებით თამაშს ჯობია სათითაოდ შეისწავლონ ყველა ოჯახის პრობლემა და შესაბამისად დაეხმარონ მათ,“ – თქვა მან.

დავით ბაციკაძე ამბობს, რომ მას თამაზ ბაკურიძისთვის კომისიის წევრობა არ შეუთავაზებია: „არავითარი კომისიის წევრობა არ შემითავაზებია. უბრალოდ ხვალ უნდა შევხვედროდით და უნდა დავლაპარაკებოდით. მე მას შევთავაზე იმ კომისიის მონიტორინგი, რომელმაც ვერა და ვერ დაამთავრა ამ ხალხის აღრიცხვა და მათი საქმეების შესწავლა. როგორც ვხვდები თამაზ ბაკურიძეს არ აწყობს ამ პრობლემის მოგვარება.“ 

სამთავრობო კომისიამ ოჯახების ინდივიდუალურად შესწავლა გუშინ, 23 დეკემბერს დაიწყო. 

კომისიის სხდომა

„ჩვენ ვიმუშავეთ და ოციდან ხუთი ლოგო შევარჩიეთ, ახლა შეგვიძლია ამ ხუთიდან გავაკეთოთ არჩევანი, არ ვიცი რატომ ვუბრუნდებით იგივეს თავიდან, არ მინდა დავიჯერო, რომ ასე უცებ ვცვლით გადაწყვეტილებებს“ – განაცხადა შოთა გუჯაბიძემ სხდომაზე.

კომისიის კიდევ ერთი წევრი მირანდა ჩარკვიანი კენჭისყრაზე იმ ლოგოს (“ყირამალა”) დაყენებას ითხოვდა, რომელმაც 23 დეკემბერს გამარჯვებულად გამოცხადებული ლოგოს შემდეგ ყველაზე მეტი ხმა დააგროვა,  თუმცა კენჭისყრაზე ეს საკითხი არ დამდგარა.

სხდომის დაწყებისთანავე ირაკლი ჭეიშვილმა განაცხადა, რომ ამ დრომდე ის ნაკლებად აქტიურობდა და ყველაზე ცოტას ლაპარაკობდა, რადგან ლოგოების საკითხში არაკომპეტენტურია: „… მაგრამ  გუშინ ნახევარმა ბათუმმა და თბილისმა მომწერა ეს რა აირჩიეთო.“

ამ განცხადების შემდეგ ირაკლი ჭეიშვილმა კომისიის წევრებს უთხრა, რომ მას ერთ-ერთმა კონკურსანტმა „ფეისბუქის“ საშუალებით მიწერა, რომ ლოგოს პრეზენტაციის გაკეთების და კონცეფციის ახსნის საშუალება არ მიეცა: „ეს არის ირაკლი თოფურია, მან პრეზენტაცია გადმომიგზავნა“. ეს ლოგო კომისიის მიერ გუშინ 23 დეკემბერს შერჩეულ ხუთეულში არ ყოფილა.

კომისიის თავმჯდომარის განცხადება ნათია აფხაზავამ გააპროტესტა, მან აღნიშნა, რომ თუ ვინმეს პრეზენტაციის გაკეთების საშუალება მიეცემა, ეს იმის მანიშნებელი იქნება, რომ კომისიამ კონკურსანტები არათანაბარ პირობებში ჩააყენა.

კომისიამ გენო გელაძის წინადადაებით კენჭი უყარა კონკურსის ჩაშლის საკითხსაც თუმცა ამ წინადადედებას ინიციატორის გარდა მცხოლოდ ერთმა ნათია აფხაზავამ დაუჭირა მხარი.

გენო გელაძე ახალი კონკურსის გამოცხადებას საპრიზო თანხის გაზრდისა და კომისიაში სპეციალისტების ჩართვით ითხოვდა.

საბოლოოდ კომისიამ გადაწყვიტა არჩევანი ისევ შერჩეულ ოც ლოგოს შორის გააკეთოს, ოღონდ მას შემდეგ რაც ავტორები ან მათი წარმომადგენლები კომისიასთან პრეზენტაციით წარსდგებიან.

არაოფიციალური ინფორმაციით კომისიის წევრებიდან ზოგიერთს და მათ შორის თავმჯდომარეს, ირაკლი ჭეიშვილს „ყირამალას“ გამარჯვება მხოლოდ იმიტომ არ უნდა, რომ სიმბოლო „ნაციონალური მოძრაობის“ დროს შეიქმნა და ბათუმის სიმბოლოებს შორისაც სწორედ წინა მთავრობის დროს დამკვიდრდა.

„ამ დრომდე ხმას არ ვიღებდი და ყველაზე ცოტას ვსაუბრობდი, რადგან არაკომპეტენტური ვარ, მაგრამ მთელმა თბილისმა და ბათუმმა მომწერა, ეს რა აგირჩევიათო“ – განაცხადა სხდომაზე ბათუმის საკრებულოს თავმჯდომარემ, ირაკლი ჭეიშვილმა, რომელიც ლოგოს შესარჩევი კომისიის თავმჯდომარეა. 

არასამთავრობო ორგანიზაცია “დემოკრატიის ინსტიტუტის“ ხელმძღვანელის, კომისიის წევრის, გენო გელაძის თქმით კენჭისყრაზე კომისია აღარ უნდა შევიდეს. „უკვე სამართლებრივ ჩიხში ვართ, თუკი გასაჩივრდება პროცესი, წინა გამარჯვებულები იმსახურებენ ჰონორარს. ამიტომ სჯობს შევწყვიტოთ პროცესი და მოვიწვიოთ სპეციალისტები“ – განაცხადა გენო გელაძემ. იგი კონკურსის ხელახლა გამოცხადების კენჭისყრას ითხოვს. მისი თქმით, იმის გამო, რომ მერიამ ფული არ დაკარგოს, ლოგოს არჩევა არ ღირს. 

დღეს კომისიამ ბათუმის ახალ ლოგოს ხელმეორედ უნდა უყაროს კენჭი. შეგახსენებთ, რომ გამარჯვებული ლოგოს ავტორმა დღეს ლოგო კონკურსიდან მოხსნა. 

ხე-ტყის უკანონო ტრანსპორტირებისთვის  2014 წელს 39 პირი დაჯარიმდა, სამართალდარღვევა ადმინისტრაციული კანონით ისჯება  და 1000 ლარიან ჯარიმას ითვალისწინებს. მათგან აჭარის გარემოსდაცვითი ზედამხედველობის სამსახურმა ზოგიერთი დააჯარიმა, ზოგს კი გაფრთხილება მისცა.

ხე-ტყის პირველადი გადამამუშავებელი სახერხი საამქროს ტექნიკური რეგლამენტის მოთხოვნების დარღვევისათვის 76 პირი დაჯარიმდა, ამ შემთხვევაში კოდექსი 2000 ლარით დაჯარიმებას ითვალისწინებს.  დაჯარიმებული პირი თუ ტექნიკური რეგლამელამენტის მოთხოვნებს ისევ დაარღვევს, ჯარიმა გაუორმაგდება. გასულ წელს მსგავსი შემთხვევა, ანუ განმეორებითი დარღვევა გარემოსდაცვითი ზედამხედველობის სამსახურის ინპექტორებმა ცხრაჯერ დააფიქსირეს.

სამშენებლო და საყოფაცხოვრებო ნარჩენების დაყრის, ნარჩენებისა და ნაგვის გატანის, გატანა-გადაზიდვისა და დასუფთავების წესების დარღვევა სხვადასხვა შემთხვევაში 200 დან 1000 ლარამდე დაჯარიმებას ითვალისწინებს, გასულ წელს  ამ მიზეზის გამო  ჯარიმა თერთმეტჯერ გამოწერეს.

სასარგებლო წიაღისეულის უკანონოდ, ლიცენზიის გარეშე მოპოვების ფაქტი მიმდინარე წელს 204 – ჯერ დაფიქსირდა, დარღვევა 1000-დან 1500 ლარამდე ჯარიმებას ითვალისწინებს. ხოლო ლიცენზიის პირობების დარღვევისთვის მიმდინარე წელს ჯარიმა ოცდასამჯერ გამოწერეს. ამ შემთხვევაში დამრღვევი 500 ლარით ჯარიმდება.

სატრანსპორტო საშუალების გარეცხვა ზღვაში, ტბაში ან წყალსაცავში ორმოცდაათ ლარიან ჯარიმას ითვალისწინებს, ამ წესის დარღვევისთვის გასულ წელს თორმეტი პირი დაჯარიმდა.

„მეგობრებო, მინდა კომენტარი გავაკეთო ბათუმის ახალ ლოგოსთან დაკავშირებით. ყველა ვხვდებით, რომ გარემოებები საკმაოდ კომიკურად განვითარდა (ჩემი კოლეგებიც, არაკოლეგებიც და ა.შ.). უპირველეს ყოვლისა, მოგახსენებთ: ჩემი ლოგოს გამარჯვების ფაქტი არ დამიშვია – გავაკეთე არა პირველობის მიზნით, არამედ საკუთარი დიზაინერული „ვალი“ მოვიხადე ქალაქ ბათუმის წინაშე და კონკურსში გელა გელაშვილის სახელით მივიღე მონაწილეობა. რა თქმა უნდა, არც მიაქტიურია საკუთარი ლოგოს გა-PR-ების მიზნით და არც არავისთვის მითქვამს, რომ ლოგოს ავტორი მე ვარ. გავაკეთე – ავტვირთე – შევეშვი. ჩემს და გასაოცრად და თურმე სავალალოდაც, ლოგომ გაიმარჯვა და მეტიც – პლაგიატიც აღმოჩნდა. არ დაგიმალავთ, მსგავსი იდენტურობისას, ნებისმიერს რომ ეთქვა დამთხვევააო, რთულად დასაჯერებელი იქნებოდა. თუმცა არაერთი ჩვენგანი (დიზაინერებს ვგულისხმობ) აღმოჩენილა მსგავს უხერხულ ვითარებაში. იმასაც დავძენ, რომ ლოგოს „დაპლაგიატების“ ფაქტი ჩემთვის პირველია და ყოველთვის, მხოლოდ მივესალმები სიახლეებს – კარგია რომ განვიცადე ეს ზეციური ნეტარება.  როგორც წესი, აქამდე თქვენთვის კარგად ნაცნობ ჩემს ნამუშევრებს აპლაგიატებდნენ, რასაც ვებრძვი მთელი ჩემი შეგნებული პროფესიონალური მოღვაწეობის მანძილზე. ალბათ მართლაც რთულად დასაჯერებელია, მაგრამ იმედია ვაცნობიერებთ, რომ ჩემს კარიერას სასწორზე არ დავდებდი არცერთი კონკურსის და არა კონკურსის გამო. ძირითადი სათქმელი ვთქვი და აქვე დავძენ, რადგან მოხდა მსგავსი დამთხვევა, არ აქვს მნიშვნელობა ეს ბათუმის ლოგოა თუ რომელიმე ახლადშობილი პატარა კომპანიის – ვხსნი ჩემს კანდიდატურას კონკურსიდან და წარმატებებს ვუსურვებ მეორე ადგილზე გასულ კანდიდატს! გემშვიდობებით და გთხოვთ, ასე ძალიანაც ნუ მლანძღავთ,“ – წერს ანუკა მაღალაშვილი ფეისბუქზე.

სპეციალური კომისია ბათუმის ახალი ლოგოს შესარჩევად ბათუმის მერიაში დღეს საღამოს 7 საათზე შეიკრიბება.  

კომისიის ერთ-ერთი წევრი, ნათია აფხაზავა დღეს საღამოს გასამართ სხდომაზე კომპანია „ეისითისთან“ კონტრაქტის გაწყვეტის საკითხის დაყენებას აპირებს.

„არასერიოზული პროცესები მიმდინარეობს ბათუმის ლოგოს ირგვლივ. მე ვფიქრობ, რომ უნდა დასრულდეს ეს პროცესი. კომპანია „ეისითი“  ვერ ახერხებს ამ პროცესების მართვას და ეფექტურად წარმართვას.  თავიდანვე ჩემი მოთხოვნაც იყო, რომ კონტრაქტი შეჩერებულიყო და ამ საკითხის დასმას ვაპირებ კომისიაზე და არა ისე, რომ მეორე ადგილას გასული ლოგო გახდეს ბათუმის ლოგო.

უკვე ვფიქრობ, რომ  მუნიციპალიტეტის იმიჯისთვის და ზოგადად ამ პროცესებში საზოგადოების  მონაწილეობის კომპონენტის გათვალისწინებითაც  არამიზნობრივია იმ ლოგოს მიღება, რომელიც მეორე ადგილას გავიდა,“- ამბობს ნათია აფხაზავა.

ბათუმის ახალი ლოგოს შესარჩევად სხდომა დღეს, 24 დეკემბერს საღამოს 7 საათზე გაიმართება. მეორე ადგილზე გასული ლოგო გელა წულაძის „ყირამალაა.“

სასამართლოს გადაწყვეტილებით, პირს, რომელსაც სასამართლო გამამართლებელ განაჩენს გამოუტანს, შეეძლება მისი საქმე ზემდგომ ინსტანციაში გაასაჩივროს. სისხლის სამართლის კოდექსი აქამდე პირს ამის უფლებას უზღუდავდა.

2014 წლის 13 ივნისს საქართველოს უზენაესი სასამართლოს სისხლის სამართლის საქმეთა პალატამ შეაჩერა ბ. ი-ს საკასაციო საჩივრის განხილვა. საქმის მიხედვით, ბ. ი. გამართლებულია მისთვის წარდგენილ ბრალდებაში, თუმცა იგი სააპელაციო სასამართლოს გადაწყვეტილებას ასაჩივრებს მის მიერ გირაოს სახით შეტანილი თანხის სახელმწიფო ბიუჯეტში გადარიცხვის ნაწილში.

საქართველოს კონსტიტუციის 42-ე მუხლის პირველი პუნქტის შესაბამისად, ყოველ ადამიანს უფლება აქვს, თავის უფლებათა და თავისუფლებათა დასაცავად მიმართოს სასამართლოს. აღნიშნული კონსტიტუციური ნორმის საწინააღმდეგოდ, საქართველოს სისხლის სამართლის საპროცესო კოდექსის (1998 წლის 20 თებერვლის კანონი) შესაბამისი ნორმები გამორიცხავენ გამართლებული პირის მიერ საკასაციო (ისევე როგორც სააპელაციო) საჩივრის შეტანის უფლებას, კერძოდ, ამავე კოდექსის 546-ე მუხლის თანახმად, საკასაციო გასაჩივრების სუბიექტები არიან  518-ე მუხლში მითითებული პირები, ხოლო სსსკ-ის 518-ე მუხლის 1-ლი ნაწილის შესაბამისად, სააპელაციო საჩივრის შეტანის უფლება აქვთ სახელმწიფო ბრალმდებელს, ზემდგომ პროკურორს, დაზარალებულს, მსჯავრდებულს, დამცველს, მსჯავრდებულისა და დაზარალებულის კანონიერ წარმომადგენლებს.

იოსებ კევლიშვილი აჭარის გარემოს დაცვითი ზედამხემხედველობის სამსახურის ხელმძღვანელად დანიშვნამდე გაერთიანებული წყალმომარაგების კომპანიაში კახეთის რეგიონის ორგანიზაციას ხელმძღვანელიბდა, მანამდე კი  საქართველოს სოფლის მეურნეობის მელიორაციის სამსახურში მუშაობდა. იგი პროფესიით ინჟინერ-მშენებელია.

იოსებ კევლიშვილის განმარტებით გარემოსდაცვითი ზედამხედველობის სამსახური მომავალ წელს მუშაობას ხე-ტყის მასალის უკანონო მოპოვებისა და ლიცენზიების მოპოვების კანონიერების კონტროლის მიმართულებით გააგრძელებს, ხოლო რეაგირება ქუჩაში ნარჩენების დატოვების ფაქტებზე გამკაცრდება.    

ნაძვის მოჭრა კანონით დასჯადია და პირს, რომელიც ნაძვს უკანონოდ მოჭრის,  ჯარიმა დაეკისრება. კერძოდ, სახელმწიფო ტყის ფონდის ტერიტორიაზე ხე-ბუჩქნარისა და ტყის კულტურების მოსპობა და დაზიანება გამოიწვევს დაჯარიმებას 200-დან 400 ლარამდე. თუ ნაძვს დაცულ ტერიტორიებზე მოჭრით, ჯარიმის ოდენობა 400-დან 500 ლარამდე იქნება, ასევე კანონდარღვევა ეროვნული პარკის, ბუნების ძეგლის, საერთაშორისო მნიშვნელობის ჭარბტენიან ტერიტორიაზე ან საქართველოს „წითელ ნუსხაში“ შეტანილი სახეობების მიმართ, გამოიწვევს დაჯარიმებას 500-დან 600 ლარამდე.

გარემოსა და ბუნებრივი რესურსების დაცვის სამინისტროს ინფორმაციით, გარდა ადმინისტრაციული პასუხისმგებლობისა, სამართალდამრღვევს დაეკისრება გარემოსთვის მიყენებული ზიანის ანაზღაურებაც. თუ ზიანის თანხა შეადგენს ან აღემატება 1000 ლარს, დგება პირის სამართლებრივი პასუხისმგებლობა.

ნაძვის ხეების რეალიზაცია ერთადერთ შემთხვევაშია დასაშვები – თუ იგი მოპოვებულია სანერგეებში, პლანტაციებში, საკარმიდამო ნაკვეთში ან იმპორტირებულია. ასეთ შემთხვევაში აუცილებელია რეალიზატორმა წარმოადგინოს სათანადო დოკუმენტები, ხოლო საკარმიდამო ნაკვეთში მოპოვების შემთხვევაში – ცნობა, რომელსაც გასცემს ადგილობრივი მუნიციპალიტეტი.

გარემოსდაცვითი ზედამხედველობის დეპარტამენტის თანამშრომლები პრევენციულ ღონისძიებებს ე.წ. ცხელ წერტილებში – სახელმწიფო ტყის ფონდის მიმდებარე ტერიტორიებსა და მისასვლელ გზებზე, ქალაქის შემოსასვლელებთან და დასახლებულ პუნქტებში, ასევე საავტომობილო გზებზე განახორციელებენ.

 სამმართველომ სპაციალურად წინასაახალწლო დღეებში საზოგადოებაში  გარემოსდაცვითი ცნობიერების ამაღლების მიზნით ვიდეო რგოლი მოამზადა. 

ბათუმელი გიორგი თბილისში სწავლობს, ჯავახიშვილის უნივერსიტეტის სტუდენტია. გიორგიმ  დღეს მოსამართლეებს უთხრა, რომ კაცებს, ქალებისგან განსხვავებით, კონსტიტუციით გარანტირებული თანასწორობის უფლებაც ერღვევათ. მისი შეფასებით, სამხედრო-სააღრიცხვო სპეციალობის არმქონე მამაკაცებისთვის სამხედრო აღრიცხვაზე ყოფნის ვალდებულება დისკრიმინაციულია. 

გიორგი კეკენაძე სადავო ნორმის დისკრიმინაციულ ხასიათზე საუბრისას აღნიშნავს, რომ არის სტუდენტი, უნივერსიტეტის დასრულების შემდეგ ეწურება სამხედრო სამსახურის გადავადების ვადა და ექვემდებარება სამხედრო სამსახურში გაწვევას. ამიტომაც განსხვავებით ქალებისაგან, როგორც მოსარჩელე, ისე, ზოგადად, ამავე კატეგორიის მამაკაცები, ერთი წლის განმავლობაში მოკლებულნი იქნებიან პროფესიული კვალიფიკაციის ამაღლებისა და კარიერული წინსვლის შესაძლებლობას. 

სასამართლო პროცესზე საქართველოს პარლამენტის წარმომადგენელმა განაცხადა, რომ საქართველოს პარლამენტი ისევე როგორც იუსტიციისა და თავდაცვის სამინისტროები არ იზიარებენ მოსარჩელის პოზიციას. ამიტომაც მისი შეფასებით სადავო ნორმები არაკონსტიტუციურად სასამართლომ არ უნდა ცნოს.

პარლამენტის წარმომადგენელმა სასამართლოში დღეს შუამდგომლობაც დააყენა. ის ითხოვს თავდაცვის სამინისტროს თანამშრომლის [ექსპერტის] დაკითხვას სადავო ნორმებზე.ხოლო იუსტიციის სამინისტროს ოფიციალური წერილობითი პოზიცია მოსამართლეებს დღეს გააცნო. 

„ეს არ არის პლაგიატი“ – ამბობს კომპანია „ეისითის“ კონსალტინგის დირექტორი ირინა დუმბაძე. ეს კომპანია უზრუნველყოფდა ბათუმის ლოგოს შესარჩევი კონკურსის ჩატარებას.

„რაც დაიდო სოციალურ ქსელებში, ეს არის „shutterstock“-ზე, საიტზე, საიდანაც დიზაინერები ყიდულობენ სიმბოლოებს, რომ ინტეგრირება მოახდინონ თავიანთ ნამუშევრებში, ზოგი რაღაც დეტალს იყენებს და ასე შემდეგ. „shutterstock“-ზე დადებული სიმბოლო ნიშნავს იმას, რომ თქვენც შეგიძლიათ იყიდოთ და გამოიყენოთ და ეს არ არის პლაგიატი. პლაგიატი სხვა რამეა, ესაა როცა კომპანიას აქვს თავისი ლოგო და შენ გადმოიღებ პირდაპირ“ – ამბობს ირინა დუმბაძე, რომელიც ფიქრობს, რომ ლოგოტიპი თავისი ვიზუალით შეესაბამება ბათუმს. 

„ბათუმელებმა“ ლოგოს ავტორთან დაკავშირება სცადა, თუმცა მისი ტელეფონი ამ დროისთვის გამორთულია.  

გამარჯვებული ლოგოტიპის საპრიზო პრემიაა 1200 ლარი. „ეისითი“ ბათუმის მერიის მიერ 2014 წლის შვიდ მაისს, ბათუმის ბრენდკონცეფციაზე გამოცხადებულ ტენდერში გამარჯვებული კომპანიაა, რომელმაც სამუშაო 32 ათას ლარად შეასრულა. ბათუმის ლოგო ინტერნეტში ხმის მიცემის საშუალებით კომპანიამ 8 ივნისს გამოავლინა, თუმცა საზოგადოებამ ლოგო ბათუმისთვის შეუფერებლად მიიჩნია და პეტიციაც კი შედგა ლოგოს შეცვლის მოთხოვნით, ამიტომ კომპანიამ ბათუმის ლოგოს კონკურსი ხელახლა გამოაცხადა, ლოგოს შესარჩევად კომისიამ იმუშავა და შედეგები 23 დეკემბერს გახდა ცნობილი.   

„გამომდინარე იქიდან, რომ საქართველოში ერთადერთი ოლიმპიური სტანდარტის მოედანი, რომელიც შეესაბამება საერთაშოსო სტანდარტებს, არის ბათუმში, მიზანშეწონილად მიგვაჩნია, რომ ოპტიმალურად იყოს გამოყენებული ყინულის მოედნის შესაძლებლობები. ანუ სპორტის ის სახეობები, რომელიც თამაშდება  ყინულზე, მაქსიმალურად გვქონდეს ათვისებული. ამავდროულად ძირითადი მიზეზი, რატომაც დაიწყო ლაპარაკი იმაზე, რომ ჰოკეის გუნდი შეიქმნას, არის ის, რომ კლუბი გათავისუფლებული იქნება ადმინისტრაციის ხარჯებისგან, განსხვავებით სხვა კლუბებისგან, რომლებიც საჭიროებენ ადმინისტრაციულ ხარჯებს, ისეთს, როგორიცაა, მაგალითად კლუბის დირექტორის დანიშვნა, ბუღალტერიის წარმოებისათვის სხვა ახალი რესურსების მოზიდვა და ა.შ. ეს კლუბი იქნება სპორტულ ახალგაზრდული კლუბის ბაზაზე და ამ კლუბის ბიუჯეტი მოხმარდება მხოლოდ კლუბის სპორტულ განვითარებას და არაფერს სხვას,“- აცხადებს ირაკლი ბერიძე, ბათუმის სპორტულ-ახალგაზრდული ცენტრის დირექტორი. 

მისივე თქმით ბათუმში ჰოკეის გუნდის ჩამოყალიბების იდეას ძალიან დიდი მხარდაჭერა აქვს საქართველოს ჰოკეის ფედერაციის მიერ, რომელსაც სპორტისა და ახალგაზრდულ საქმეთა სამინისტრო აფინანსებს.  

„საქართველოს ყინულის ჰოკეის ფედერაციისგან გვაქვს მიღებული დასტური იმასთან დაკავშირებით, რომ ისინი ინვენტარის გარკვეულ ნაწილს საჩუქრად გადმოსცემენ ბათუმის კლუბს, თუ ეს კლუბი შეიქმნება. ამავდროულად ისინი  გვპირდებიან და ეს დოკუმენტურადაც არის დადასტურებული,  ბათუმელ ახალგაზრდებს, მათ ვინც იქნებიან ასისტენტები ჰოკეის მთავარი მწვრთნელის, ზაფხულში, 2015 წლიდან გაუშვებენ ფინეთში გადამზადებაზე და მოამზადებენ თავიანთი ხარჯებით,“ – ამბობს ირაკლი ბერიძე.  

ირაკლი ბერიძის თქმით ამ დროისათვის ბათუმის სპორტულ-ახალგაზრდულ ცენტრში მხოლოდ ფიგურულ ციგურაობაზე 500 აღსაზრდელი ჰყავთ.  

„ყინულის ჰოკეი იქნება კიდევ ერთი დამატებითი სპორტის სახეობა, რომელიც ყინულის მოედანზე ბავშვს მოიყვანს. ვთვლით, რომ ეს იქნება ბათუმელი მშობლებისათვის და  ბავშვებისათვის სტიმული, რომ ყინულზე სასრიალოდ მოვიდნენ. ძალიან კარგად გვაქვს გათავისებული ის პასუხისმგებლობა, რაც უკავშირდება არაპროფესიული სპორტის სახეობისთვის ბათუმში ადგილის დათმობას, მაგრამ ვთვლით, რომ საპილოტე ვერსია ამ კლუბის მუშაობისა 2015 წელს უნდა დაიწყოს და ჩვენ უნდა გამოვაცხადოთ მიღება ჰოკეის კლუბში. ეს იქნება კარგი საშუალება, რომ ბავშვი სპორტით დაკავდეს და თან ჯანსაღი სპორტით, ისეთით, როგორიც არის ჰოკეი,“- აცხადებს ირაკლი ბერიძე.

საქართველოში ყინულის ჰოკეის ეროვნული ფედერაცია 2004 წლის ოქტომბერში შეიქმნა.  საქართველოს პირველი ეროვნული ჩემპიონატი 2008 წელს ჩატარდა, რომელშიც მონაწილეობა ოთხმა გუნდმა მიიღო. დღეისათვის ყინულის ჰოკეის მოთამაშეთა ოდენობა ქვეყნის მასშტაბით 270 მოთამაშეს აჭარბებს, აქედან 170-ზე მეტი მოზარდია. დღეისათვის საქართველოში ორი სტანდარტული და ორი მომცრო ზომის მოედანი ფუნქციონირებს. ირაკლი ბერიძის თქმით, ბაკურიანის და ბათუმის ყინულის მოედნებზე საერთაშორისო ტურნირების ჩატარებაა შესაძლებელი.