Batumelebi | ხოფის ბაზრობაზე ხანძრით დაზარალებულებს მთავრობა არ დაეხმარება ხოფის ბაზრობაზე ხანძრით დაზარალებულებს მთავრობა არ დაეხმარება – Batumelebi
RU | GE  

ხოფის ბაზრობაზე ხანძრით დაზარალებულებს მთავრობა არ დაეხმარება

 

აჭარის მთავრობა ხოფის ბაზრობაზე ხანძრით დაზარალებული პირების დახმარებას არ აპირებს – ამის შესახებ „ბათუმელებთან“ წლის შემაჯამებელ ინტერვიუში განაცხადა აჭარის მთავრობის თავმჯდომარემ, არჩილ ხაბაძემ.  

 

არჩილ ხაბაძე
არჩილ ხაბაძე

„არ ვაპირებთ ბიზნესმენებისთვის კომპენსაციების გაცემას. თავის დროზე დაეზღვიათ ბიზნესი. ბრალდებული ვინც იქნება, აგებს პასუხს, დირექტორი იქნება თუ შემდუღებელი.  არ ვამბობ, რომ არაფერი არ უნდა გავაკეთოთ, ავიღებთ აღდგენის ხარჯებს. კომპენსაციაზე საუბარი არ იქნება“ – განაცხადა მთავრობის თავმჯდომარემ.

 

„სავაჭრო ცენტრ 2009“-ის (იგივე „ხოფის ბაზრობა“) დირექტორის, არჩილ კახიძის თქმით, „სავაჭრო ცენტრის ზარალი დაახლოებით ასი ათასი ლარია, ხოლო მოიჯარეების ზარალი ჩვენთვის უცნობია, რადგან მათი საქონელი იყო და ჯერ ინფორმაცია არ მოუწოდებიათ“. სპეციალური კომისია არც სავაჭრო ცენტრშია შექმნილი.

 

როგორც ბაზრობის ადმინისტრაციაში აცხადებენ, ჯიხურების და სავალი ნაწილის ჩათვლით, ხანძრის შედეგად 850 კვ.მ ფართობია დამწვარი, რაც 64 სავაჭრო ობიექტს მოიცავს. შესაბამისად, ამდენივე მოიჯარეა დაზარალებული.

 

ხანძრის შედეგად დაზარალებული პირების დასახმარებლად ინიციატივა მხოლოდ ჯგუფ „ბათომის“ წევრებს ეკუთვნის.  საქველმოქმედო ანგარიშზე თანხის გადარიცხვა დეკემბრის ბოლომდე   გაგრძელდება. დაზარალებულთა დასახმარებლად ანგარიში გახსნილია „თიბისი“ ბანკში: GE87TB7915336080100002  


ხანძარი ხოფის ბაზრობაზე
ხანძარი ხოფის ბაზრობაზე

ნეტგაზეთის მასალების სხვა გამოცემებში გადაბეჭდვის წესი
"ბათუმელები"