Batumelebi | გენო გელაძე ბათუმის ლოგოზე: სჯობს შევწყვიტოთ პროცესი და მოვიწვიოთ სპეციალისტები გენო გელაძე ბათუმის ლოგოზე: სჯობს შევწყვიტოთ პროცესი და მოვიწვიოთ სპეციალისტები – Batumelebi
RU | GE  

გენო გელაძე ბათუმის ლოგოზე: სჯობს შევწყვიტოთ პროცესი და მოვიწვიოთ სპეციალისტები

 

ამ წუთებში ბათუმის მერიაში ახალი ლოგოს შესარჩევად კომისიის სხდომა მიმდინარეობს სხდომას არასამთავრობო ორგანიზაციის წევრებიც ესწრებიან. 

 

„ამ დრომდე ხმას არ ვიღებდი და ყველაზე ცოტას ვსაუბრობდი, რადგან არაკომპეტენტური ვარ, მაგრამ მთელმა თბილისმა და ბათუმმა მომწერა, ეს რა აგირჩევიათო“ – განაცხადა სხდომაზე ბათუმის საკრებულოს თავმჯდომარემ, ირაკლი ჭეიშვილმა, რომელიც ლოგოს შესარჩევი კომისიის თავმჯდომარეა. 

 

არასამთავრობო ორგანიზაცია “დემოკრატიის ინსტიტუტის“ ხელმძღვანელის, კომისიის წევრის, გენო გელაძის თქმით კენჭისყრაზე კომისია აღარ უნდა შევიდეს. „უკვე სამართლებრივ ჩიხში ვართ, თუკი გასაჩივრდება პროცესი, წინა გამარჯვებულები იმსახურებენ ჰონორარს. ამიტომ სჯობს შევწყვიტოთ პროცესი და მოვიწვიოთ სპეციალისტები“ – განაცხადა გენო გელაძემ. იგი კონკურსის ხელახლა გამოცხადების კენჭისყრას ითხოვს. მისი თქმით, იმის გამო, რომ მერიამ ფული არ დაკარგოს, ლოგოს არჩევა არ ღირს. 

 

დღეს კომისიამ ბათუმის ახალ ლოგოს ხელმეორედ უნდა უყაროს კენჭი. შეგახსენებთ, რომ გამარჯვებული ლოგოს ავტორმა დღეს ლოგო კონკურსიდან მოხსნა. 

ნეტგაზეთის მასალების სხვა გამოცემებში გადაბეჭდვის წესი
ცაგო კახაბერიძე