ქრისტიანული სამყაროს დიდი ნაწილი დღეს, 25 დეკემბერს, შობას აღნიშნავს. საქართველოში საშობაო წირვა ქვეყნის მასშტაბით რამდენიმე ეკლესიაში გაიმართა. მათ შორის კათოლიკურ, ევანგელურ-ბაპტისტურ და ევანგელურ-ლუთერულ ეკლესიებში. ასევე საქართველოს სახარების რწმენის ეკლესიაში. ბათუმში კათოლიკებმა შობა სულიწმინდის სახელობის კათოლიკურ ეკლესიაში აღნიშნეს.
„ქრისტეს შობა ქრისტიანებისთვის დიდი დღესასწაულია. მგონია რომ არის ისეთი დღესასწაული, რომელიც ამტკიცებს ჩვენში რწმენას, რომელიც გვეუბნება რომ ღმერთი მოდის ჩვენთან. ჩვენთან არის, ჩვენს გვერდზე და ჩვენ ღვთის გარეშე არ შეგვიძლია რომ არ ვიცხოვროთ. ეს დღესასწაული მნიშვნელოვანია ჩვენთვის. ჩემს მრევლთან ერთად ეს დღესასწაული ყოველთვის იყო როგორც რწმენის დამტკიცების, ურთიერთობის დამტკიცების. ვინაიდან რწმენა ეკლესიის გარეშე ხშირად რჩება როგორც იდეოლოგია, ეკლესიასთან ერთად რწმენა ხდება როგორც ხორცი, როგორც სისხლი,“ – უთხრა „ბათუმელებს“ დასავლეთ საქართველოში კათოლიკური ეკლესიის ვიკარმა პადრე გაბრიელ ბრაგანტინმა.
