Batumelebi | ბათუმში 31 დეკემბრის ღამეს სილამაზის სალონების ნაწილი უკვე დაკავებულია ბათუმში 31 დეკემბრის ღამეს სილამაზის სალონების ნაწილი უკვე დაკავებულია – Batumelebi
RU | GE  

ბათუმში 31 დეკემბრის ღამეს სილამაზის სალონების ნაწილი უკვე დაკავებულია


ბათუმის სილამაზის სალონებში 31 დეკემბრისათვის უკვე ემზადებიან, ცნობილ სალონებში საღამოს საათები უკვე დაკავებულია.  სალონებში ამბობენ, რომ ახალი წლის ღამეს, მომხმარებელთა მოთხოვნის შესაბამისად, გვიანობამდე მუშაობენ.  

სილამაზის სალონი შვარცკოფი

სილამაზის სალონ „შვარცკოფში“ 31 დეკემბერს ბოლო კლიენტი საღამოს 9 საათზეა ჩაწერილი. „31 დეკემბერს საღამოს საათები მთლიანად დაკავებულია, თავისუფალია მხოლოდ დღის საათები. ჩაწერა ჯერ კიდევ მიმდინარეობს. ახალი წლიდან 2 იანვარს ვიწყებთ მუშაობას“ – ამბობს რუსუდან ნიკოლეიშვილი, სალონ „შვარცკოფის“ ადმინისტრატორი.

მსურველებს სასურველი ვარცხნილობის გასაკეთებლად 31 დეკემბრამდე შეუძლიათ ჩაეწერონ სალონ „იმიჯში“. „სალონი ბოლო კლიენტის მომსახურებამდე მუშაობს. წინა საახალწლოდ ჩვენს სალონში ფასები არ იცვლება. ამ დღეებში უფრო სადღესასწაულო ვარცხნილობის გაკეთება სურთ“  –  ამბობს ლანა კურცხალიძე, „იმიჯის“ ადმინისტრატორი.

სილამაზის სალონი ალექსი

სალონი „ალექსი“ 31 დეკემბერს ღამის  10 საათამდე მუშაობს. როგორც აქ თქვეს,  31 დეკემბერს საღამოს საათებში მსურველები აქაც უკვე ჩაწერილნი არიან, „უფრო თმის დასავარცხნად მოგვმართავენ, იშვიათად იკეთებენ სადღესასწაულო ვარცხნილობას“ – ამბობს ზინა ოგანეზოვა, ადმინისტრატორი.

სილამაზის სალონებში ამბობენ, რომ 31 დეკემბრის საღამო ბოლო წლებში ტრადიციულად   დატვირთულია. შესაბამისად, იმატებს სილამაზის სალონების შემოსავალიც.

ნეტგაზეთის მასალების სხვა გამოცემებში გადაბეჭდვის წესი
ნაზი ზოსიძე