საგნობრივ ოლიმპიადებში, ლიტერატურულ მარათონსა და ნორჩ-გამომგონებელთა კონკურსში კარგი შედეგები აქვს ბათუმის #1 საჯარო სკოლასაც. ამ სკოლის სამმა მოსწავლემ მოიპოვა გამარჯვება ოლიმპიადაში, ოთხმა მოსწავლემ მოახერხა მინიმალური კომპეტენციის ზღვარის გადალახვა, სკოლის სამ მასწავლებელს კი განათლების სამინისტროს სიგელი გადაეცა.
ბათუმის #10 საჯარო სკოლაში სამმა მოსწავლემ მოიპოვა გამარჯვება ოლიმპიადაში, ერთმა მოსწავლემ მოახერხა მინიმალური კომპეტენციის ზღვარის გადალახვა, სკოლის ერთ მასწავლებელს კი გადაეცა სიგელი. #10 სკოლის ერთი მოსწავლე გახდა ლიტერატურული კონკურსის პირველი საპრიზო ადგილის გამარჯვებული.
ბათუმის #2 საჯარო სკოლის სამმა მოსწავლემ მოიპოვა გამარჯვება ოლიმპიადაში, ექვსმა მოსწავლემ მინიმალური კომპეტენციის ზღვარის გადალახვა შეძლო, სკოლის სამ მასწავლებელს კი გადაეცა სიგელი.
აჭარის მაღალმთიან მუნიციპალიტეტებს შორის ყველაზე კარგი შედეგი აქვს შუახევს. შუახევის სოფელ ნიგაზეულის საჯარო სკოლის ერთმა მოსწავლემ საგნობრივ ოლიმპიადაში მესამე ადგილი მოიპოვა, ამავე სკოლის ერთმა მოსწავლემ გადალახა მინიმალური კომპეტენციის ზღვარი.
ოლიმპიადის მინიმალური კომპეტენციის ზღვარი გადალახა სოფელ შუბნის სამმა მოსწავლემ და ხიჭაურის წმინდა გრიგოლ ხანძთელის სკოლის ერთმა მოსწავლემ. ლიტერატურულ მარათონში კი ნიგაზეულის სკოლის მოსწავლემ პირველი ადგილი დაიკავა, ხოლო სოფელ ბუთურაულის საჯარო სკოლის მოსწავლემ _ მეორე. შუახევის მუნიციპალიტეტის სოფელ ნიგაზეულის საჯარო სკოლის მასწავლებელს გადაეცა სიგელი აჭარის განათლების სამინისტროს მიერ.
აჭარის განათლების სამინისტროს მიერ სკოლებში ჩატარებულ საგნობრივ ოლიმპიადაში VII-XII კლასის 9161-მა მოსწავლემ მიიღო მონაწილეობა. ოლიმპიადა ჩატარდა ორ ტურად. საგნობრივ ოლიმპიადაში I, II და III ადგილი აჭარის სკოლების 28 მოსწავლემ დაიკავა, მათ დიპლომები და ლეპტოპები გადასცეს. იმ მოსწავლეებმა კი, რომლებმაც გადალახეს მინიმალური კომპეტენციის ზღვარი, მიიღეს სიგელები და წიგნები.
ლიტერატურულ მარათონში ყველაზე მეტი, ხუთი გამარჯვებული ქობულეთის მუნიციპალიტეტიდან გამოვლინდა. ლიტერატურული მარათონის მეორე ტურში გადავიდა 52 მოსწავლე, ხოლო ფინალში გამარჯვება მოიპოვა 11-მა მოსწავლემ. გამარჯვებულ მოსწავლეებს დიპლომებთან ერთად გადაეცათ ვაუჩერები მხატვრული ლიტერატურის შესაძენად.
საგნობრივი ოლიმპიადა და ლიტერატურული მარათონი ჩატარდა აჭარის ა.რ. განათლების, კულტურისა და სპორტის სამინისტროს, „განათლების ხარისხის გაუმჯობესების“ პროგრამის „კონკურსებისა და ოლიმპიადების“ ქვეპროგრამის ფარგლებში.
