ჯაბა ანანიძე, Author at Batumelebi

რა თქვა თორნიკე რიჟვაძემ “ოცნების ქალაქის” მეორე ეტაპზე

“დღესვე მეორე ფაზის შესაბამისი პროცედურების დაწყება,” – განაცხადა დღეს, 29 აპრილს, მთავრობის სხდომაზე “ოცნების ქალაქთან” დაკავშირებით თორნიკე რიჟვაძემ, აჭარის მთავრობის თავმჯდომარემ. თორნიკე რიჟვაძემ ხაზი გაუსვა იმას, რომ პირველ ეტაპზე 582 ოჯახი მიიღებს საცხოვრებელ ბინას, ვინც “ოცნების ქალაქში” ცხოვრობს. “ეს სტრატეგიული პროექტია,” – დასძინა თორნიკე რიჟვაძემ. მას არ დაუკონკრეტებია, რამდენი ოჯახი მიიღებს ბინას მეორე ეტაპზე და …

Continue reading “რა თქვა თორნიკე რიჟვაძემ “ოცნების ქალაქის” მეორე ეტაპზე”

„ისევ გავიქცევი“ – რას ჰყვება კაცი, რომელსაც ქუჩაში პოლიციელი გაეკიდა

„როგორც ვიცი, უფორმოდ პოლიციელებს ჩემთან მოსვლის უფლება არ აქვთ და ფორმით როცა დავინახავ, ისევ გავიქცევი,“ – გვითხრა ლაშა ხიმშიაშვილმა. ეს ის მოქალაქეა, რომელსაც ორი დღის წინ ბათუმში, ბარათაშვილის ქუჩაზე პირბადის გამო პოლიციელი გაეკიდა. სანამ პოლიციელი გაეკიდებოდა, ლაშა ხიმშიაშვილმა მას უთხრა, რომ თავადაც არასწორად უკეთია პირბადე. პოლიციელს მართლა არ ჰქონდა პირბადით ცხვირი დაფარული. ვიდეო, რომელზეც ლაშა …

Continue reading “„ისევ გავიქცევი“ – რას ჰყვება კაცი, რომელსაც ქუჩაში პოლიციელი გაეკიდა”

ხელვაჩაურის მერიის ადმინისტრაციის უფროსმა პოსტი დატოვა – მას ცოლზე ძალადობას ედავებიან

ხელვაჩაურის მერიის ადმინისტრაციის უფროსმა, მირზა ბახტაძემ თანამდებობა დატოვა. მას პროკურატურა ოჯახში ძალადობას ედავება და ბრალი 11 მარტს წარუდგინეს, თუმცა ამ დრომდე მირზა ბახტაძე თანამდებობის პირი იყო. „მან საკუთარი განცხადების საფუძველზე დატოვა ეს თანამდებობა,“ – უთხრეს „ბათუმელებს“ ხელვაჩაურის მერიის პრესცენტრში. მირზა ბახტაძისთვის სასამართლოს აღკვეთი ღონისძიების სახით გირაო აქვს შეფარდებული. ინფორმაცია იმის შესახებ, რომ მირზა ბახტაძეს ოჯახში …

Continue reading “ხელვაჩაურის მერიის ადმინისტრაციის უფროსმა პოსტი დატოვა – მას ცოლზე ძალადობას ედავებიან”

ბულვარში 16 სართულის აშენებაზე USAID საქართველოს დემოკრატიის ოფისის დირექტორი

დემოკრატიის, ადამიანის უფლებების და მმართველობის განყოფილების უფროსი USAID საქართველოში, ადამ შმიდტი გასულ კვირას ბათუმში იმყოფებოდა. ბატონ შმიდტს ბათუმის ბულვარში „ამბასადორ ბათუმის“ 16-სართულიანი კორპუსის აშენებაზე ვკითხეთ: რა უნდა გააკეთოს ადგილზე სამოქალაქო საზოგადოებამ, რომ ბულვარის გადარჩენა შეძლოს? ვრცელი ინტერვიუ ადამ შმიდტთან წაიკითხეთ აქ ადამ შმიდტმა ამ კონტექსტში ისაუბრა „ადგილობრივი დონის პოლიტიკოსების პასუხისმგებლობაზე თავიანთი მოსახლეობის წინაშე“: „ჩემი გამოცდილება …

Continue reading “ბულვარში 16 სართულის აშენებაზე USAID საქართველოს დემოკრატიის ოფისის დირექტორი”

„ბიძიად ვთვლიდი“ – გაუპატიურება ბათუმში, როცა კაცი ამბობდა, რომ ქალს მხოლოდ სცემა

„ბიძიად ვთვლიდი, ერთად ვცხოვრობდით, იცოდა, რომ საყვარელი მამაკაციც მყავდა…“ – უთხრა მოსამართლეს დაზარალებულად ცნობილმა ქალმა სალომემ [სახელები შეცვლილია] გაუპატიურების საქმეზე, რომელიც ბათუმის საქალაქო სასამართლოში მოსამართლე გიორგი გრატიაშვილმა განიხილა. დაზარალებულისგან განსხვავებით, ბრალდებული კაცი ირწმუნებოდა, რომ მან ქალს მხოლოდ სცემა სიტყვიერი დაპირისპირების შემდეგ და გაუპატიურებას ადგილი არ ჰქონდა. ამ ორი პირის გარდა ჩვენება სასამართლოს მხოლოდ ბრალდებულის დისშვილმა …

Continue reading “„ბიძიად ვთვლიდი“ – გაუპატიურება ბათუმში, როცა კაცი ამბობდა, რომ ქალს მხოლოდ სცემა”

ბათუმში მსაჯულებს არჩევენ – ქედაში მომხდარი მკვლელობის საქმე

“იმოქმედებს, კი,” – ჯერ თავის დაკვრით დაადასტურეს ნაფიცი მსაჯულობის კანდიდატებმა, შემდეგ კი სიტყვით, როცა მათ პროკურორმა ალექსანდრე ძირკვაძემ ჰკითხა: “დავუშვათ, დარწმუნდით, რომ ბრალდებულმა ნამდვილად ჩაიდინა დანაშაული, მაგრამ მოსალოდნელი სასჯელის სიმკაცრე ემოციურად იმოქმედებდა თქვენზე?” ბათუმის საქალაქო სასამართლოში “ქედაში მომხდარი მკვლელობის საქმეზე” ნაფიც მსაჯულებს არჩევენ. მსაჯულობის კანდიდატებს პროკურორმა და ადვოკატმა კითხვები დაუსვეს. საუბარია 2020 წლის 2 ოქტომბერს …

Continue reading “ბათუმში მსაჯულებს არჩევენ – ქედაში მომხდარი მკვლელობის საქმე”

„უძლიერესი კაცების“ ჩვენებები დაკავებული ძმების – წულუკიძეებისა და ჭელიძეების წინააღმდეგ

ყველაზე საინტერესო მონაკვეთი, რაც „წულუკიძეების და ჭელიძეების საქმეზე“ მოწმეთა და დაზარალებულთა ჩვენებებში შეიძლება იპოვოთ, ალბათ, ისაა, როცა „უძლიერეს მამაკაცთა ფედერაციის“ ხელმძღვანელი აღწერს, როგორ სცემეს ის რიონის ხეობაში, ნამახვანჰესის 12 აპრილის აქციაზე. „….რეზო წულუკიძემ შეგვაგინა დედის მისამართით, თან მოულოდნელად მან მომიქნია მარჯვენა მუშტი და პირველი დამარტყა სახეში, რითაც განვიცადე ძლიერი ტკივილი, მაგრამ გონება არ დამიკარგია… ყველა …

Continue reading “„უძლიერესი კაცების“ ჩვენებები დაკავებული ძმების – წულუკიძეებისა და ჭელიძეების წინააღმდეგ”

საქართველოს რკინიგზა სააღდგომოდ რეისებს ამატებს

ბათუმისა და სენაკის მიმართულებით აღდგომის დღეებში საქართველოს რკინიგზა დამატებით რეისებს ნიშნავს. გაზრდილი მგზავრთნაკადის გამო დამატებითი რეისები 29, 30 აპრილსა და პირველ მაისს დაინიშნა. დამატებითი რეისი თბილისიდან ბათუმის მიმათულებით 07:25 საათზე გამოვა და ბათუმში დღის პირველ საათზე ჩამოვა, ხოლო ბათუმიდან 13:40 საათზე გავა და თბილისში 19:12 საათზე ჩავა. რაც შეეხება სენაკის მიმართულებას: დამატებითი რეისი თბილისიდან 08:30 …

Continue reading “საქართველოს რკინიგზა სააღდგომოდ რეისებს ამატებს”

„არ დავთმობთ ბათუმის ბულვარს“ – წარწერა ქუჩაზე მოსამართლემ დარღვევად მიიჩნია

“შემოიტანეთ,” – თქვა თუ არა მოსამართლემ, მანდატურმა წინ დაუდო სტენსილის ესკიზი ანუ ხის დაფაზე ამოტვიფრული ასოები: “არ დავთმობთ ბათუმის ბულვარს”. ამ ფრაზის ქუჩაზე წითელი და მსხვილი ასოებით დაწერის მცდელობის გამო პოლიციელებმა მოქალაქე მზია ქედელიძე 500 ლარით დააჯარიმეს. “მე არ ჩამიდენია დანაშაული, ეს არ იყო დანაშაული,” – მიმართა მოსამართლეს მზია ქედელიძემ. “კანონის არ ცოდნა არ ათავისუფლებს …

Continue reading “„არ დავთმობთ ბათუმის ბულვარს“ – წარწერა ქუჩაზე მოსამართლემ დარღვევად მიიჩნია”

ადამ შმიდტი: არაფორმალური მმართველობა მიუღებელია

„როცა ვიზრდებოდი, მყავდა საყვარელი პოლიტიკოსი, წარმომადგენელთა პალატის ყოფილი სპიკერი, ტიპ ო’ნილი, რომელიც ამბობდა: ნუ მაწუხებთ ფედერალურ დონეზე, ყველანაირი პოლიტიკა არის ადგილობრივი,“ – გვითხრა ინტერვიუს დროს ადამ შმიდტმა. ის დემოკრატიის, ადამიანის უფლებების და მმართველობის განყოფილების უფროსია USAID საქართველოში. ბატონ შმიდტს ბათუმის ბულვარში 16-სართულიანი კორპუსის აშენებაზეც ვკითხეთ: რა უნდა გააკეთოს ადგილზე სამოქალაქო საზოგადოებამ, რომ ბულვარის გადარჩენა შეძლოს? …

Continue reading “ადამ შმიდტი: არაფორმალური მმართველობა მიუღებელია”

„წულუკიძეების საქმეზე“ მე-7 პირი, ელდარ ანთაძეც დააკავეს

„წულუკიძეების და ჭელიძეების საქმეზე“ დღეს, 23 აპრილს, ბათუმში ელდარ ანთაძეც დააკავეს. საუბარია რიონის ხეობის დაცვისთვის გამართულ აქციის მონაწილეებთან სოლიდარობაზე, რომლის შემდეგაც ბათუმიდან ჩასული 6 პირი დააკავეს. შინაგან საქმეთა სამინისტროს ინფორმაციით, „ბრალდებულმა და ამჟამად პატიმრობაში მყოფმა მისმა [ელდარ ანთაძის] 6-მა თანამზრახველმა 2021 წლის 12 აპრილს, ქალაქ ქუთაისში, გუმათჰესის დასახლებაში, ნამახვანჰესის მშენებლობასთან დაკავშირებით მიმდინარე საპროტესტო აქციაზე ყოფნისას, …

Continue reading “„წულუკიძეების საქმეზე“ მე-7 პირი, ელდარ ანთაძეც დააკავეს”

„ავტობუსის მოსაცდელთან სანადირო თოფიდან გაისროლა და 2 კაცი წაიქცა“ – განაჩენი

„მოვიდა და მითხრა, ამ კაცს ვეძებო, წადი და ხვალ მოძებნე, ასე ჯობია-მეთქი, ვუთხარი. მერე ხელკავი გავუკეთე და მისი გაბრუნება ვცადე. ამ დროს ვიგრძენი, რომ კოსტუმს შიგნიდან რაღაც ჰქონდა ჯიბეში, მკვრივი საგანი, გვერდზე გავიწიე, მოვტრიალდი და ამ დროს გავიგონე გასროლის ხმა, მე ამ დროს ალექსანდრეს [სტატიაში სახელები შეცვლილია] შევხედე და გასროლის ხმა კიდევ ერთხელ გავიგონე – …

Continue reading “„ავტობუსის მოსაცდელთან სანადირო თოფიდან გაისროლა და 2 კაცი წაიქცა“ – განაჩენი”

საკონსტიტუციოში „დეპუტატების მანდატების გაუქმების საქმის“ განხილვა მაისამდე გადაიდო

საკონსტიტუციო სასამართლოს პლენუმმა მაისამდე გადადო იმ პარლამენტარების საქმის განხილვა, რომლებსაც მანდატების გაუქმებაზე საპარლამენტო უმრავლესობამ უარი უთხრა. არსებითი განხილვა ამ საქმეზე 22 და 23 აპრილს უნდა შემდგარიყო. საქმის განხილვის გადადების მიზეზი ერთ-ერთი მოსარჩელის – თამარ კორძაიას შუამდგომლობა იყო, მან სასამართლოს გუშინ, 21 აპრილს მიმართა და საქმეში თავის წარმომადგენლად საბა ცაგარეიშვილი ჩართო. საბა ცაგარეიშვილის თქმით, მას არ …

Continue reading “საკონსტიტუციოში „დეპუტატების მანდატების გაუქმების საქმის“ განხილვა მაისამდე გადაიდო”

აჭარაში კორონავირუსის 101 ახალი შემთხვევა დაფიქსირდა – 22 აპრილი

ბოლო 24 საათის განმავლობაში აჭარაში კორონავირუსის 101 ახალი შემთხვევა დაფიქსირდა. აჭარის საზოგადოებრივი ჯანდაცვის ცენტრის მონაცემებით, კლინიკაში 22 აპრილის მონაცემებით, მკურნალობს 343 პაციენტი, აქედან მართვით სუნთქვაზეა – 6. გამოჯანმრთელდა 68 პაციენტი, ხოლო კლინიკა დატოვა – 19-მა. ბოლო 24 საათში ქვეყნის მასშტაბით გამოვლინდა ვირუსით ინფიცირების 1 226 ახალი დადასტურებული შემთხვევა.

აჩუქე წიგნი სოციალურად დაუცველ ბავშვებს – აქცია ბათუმში 23 აპრილს გაიმართება

სოციალურად დაუცველი, ქუჩაში მყოფი და კანონთან კონფლიქტში მყოფი ბავშვებისთვის ფონდი „იალქანი“ წიგნებს აგროვებს. წიგნების დატოვება თქვენი მინაწერით და ხელმოწერით ევროპის მოედანზე შეგიძლიათ 23 აპრილს, პარასკევს. 23 აპრილი იუნესკოს მიერ დაწესებული წიგნის საერთაშორისო დღეა. წიგნების დატოვება ევროპის მოედანზე დღის 3 საათიდან შეგიძლიათ საღამოს 7 საათამდე. ამ დროს „იალქნის“ წარმომადგენლები დღის ცენტრში დამზადებულ ხელნაკეთ ნივთებს გაყიდიან და …

Continue reading “აჩუქე წიგნი სოციალურად დაუცველ ბავშვებს – აქცია ბათუმში 23 აპრილს გაიმართება”

ტიტე აროშიძე ბულვარში 16 სართულის აშენებაზე: მაშინ მეც გამოვიყვან ასობით ადამიანს

„ამბასადორის” ტერიტორია კერძო მესაკუთრეზე გასხვისდა 2010 წელს [ისევე, როგორც “რივიერას” ტერიტორია]…“ – სოციალურ ქსელ ფეისბუქში ამ შინაარსის ამსახველი სტატუსით გამოეხმაურა ბულვარის დასაცავად 18 აპრილს გამართულ საპროტესტო აქციას ტიტე აროშიძე. ის აჭარის უმაღლესი საბჭოს თავმჯდომარის მოადგილეა და ბათუმის მაჟორიტარი დეპუტატი. რატომ ცდილობს დეპუტატი ბულვარში 16-სართულიანი კორპუსის აშენებაც წინა ხელისუფლებას დააბრალოს, როცა ნებართვა „ოცნების“ ხელისუფლების დროს გაიცა? …

Continue reading “ტიტე აროშიძე ბულვარში 16 სართულის აშენებაზე: მაშინ მეც გამოვიყვან ასობით ადამიანს”

ჩვენს ეზოში აშენებენ კორპუსს, რომლის ქვეშ მდინარემ ამოხეთქა – მოქალაქეები

„ვიძახდით, აქ მშენებლობა არ გამოვა, არა-მეთქი, მაგრამ მოგისმინა ვინმემ?“ – უკმაყოფილობას და გაოცებას ვერ მალავს თამარის დასახლებაში მცხოვრები რუსუდან კომახიძე. ის 1937 წელს აშენებულ 5-სართულიან კორპუსში ცხოვრობს, რომლის გვერდითაც, სკოლასთან მისვლამდე, გაჩერებული მშენებლობაა. „ეს მშენებლობა ერთ წელზე მეტია გაჩერებულია, რადგან საძირკველში მდინარე ამოვიდა, ვეღარ გააჩერეს… მდინარე აქ ადრეც იყო. მშენებელი საერთოდ აღარ ჩნდება, მოსახლეობას კი, …

Continue reading “ჩვენს ეზოში აშენებენ კორპუსს, რომლის ქვეშ მდინარემ ამოხეთქა – მოქალაქეები”

ბათუმის რესპუბლიკურს ჩეხეთის მთავრობამ 190 ათასი ევროს აპარატურა გადასცა

ჩვილის სხივური გამათბობელი, ელექტროკუაგულაციის დანა, რეანიმაციული პედანტი და სამშობიარო საწოლი – ეს სამედიცინო აპარატურა გადასცა დღეს, 21 აპრილს, ჩეხეთის საელჩომ ბათუმის რესპუბლიკურ საავადმყოფოს. ჯამში ბათუმის რესპუბლიკურს 190 ათასი ევროს ღირებულების სამედიცინო აპარატურა გადასცეს. თანამედროვე სამედიცინო ინვენტარი საავადმყოფოს ჩეხეთის განვითარების სააგენტოსთან გაფორმებული ხელშეკრულების საფუძველზე ჩეხეთის საელჩომ გადასცა. შეხვედრას დღეს ჩეხეთის რესპუბლიკის საგარეო ურთიერთობის მინისტრის მოადგილე მიქელა მარსოვა, ჩეხეთის …

Continue reading “ბათუმის რესპუბლიკურს ჩეხეთის მთავრობამ 190 ათასი ევროს აპარატურა გადასცა”

ნავთობგადამამუშავებელი ქარხნის ტერიტორიას ნარჩენებისგან გაწმენდენ – ჩეხეთის გრანტი

ბათუმში ნავთობგადამამუშავებელი ქარხნის ტერიტორიის კვლევა და არეალის ნარჩენებისგან დასუფთავება იწყება. ამ თემაზე დღეს, 21 აპრილს, აჭარის მთავრობის თავმჯდომარე თორნიკე რიჟვაძე ჩეხეთის საგარეო საქმეთა მინისტრის მოადგილეს მიკაელა მარკსოვას შეხვდა და მემორანდუმს ხელი მოაწერა. მემორანდუმის თანახმად, ბათუმში, თამარის დასახლებაში, ეკოლოგიური მდგომარეობის გაუმჯობესებაზე ჩეხი ექსპერტები იმუშავებენ. „ბათუმში ჩეხეთის საგარეო საქმეთა მინისტრის მოადგილეს ვმასპინძლობთ. მნიშვნელოვანია ჩეხეთის, როგორც ევროკავშირის ლიდერი ქვეყნის …

Continue reading “ნავთობგადამამუშავებელი ქარხნის ტერიტორიას ნარჩენებისგან გაწმენდენ – ჩეხეთის გრანტი”

„ვითხოვთ ხელფასის მომატებას და ადამიანურ პირობებს“ – ხულო-ზარზმის გზის მშენებლები გაიფიცნენ

„ვითხოვთ ხელფასის მომატებას და ადამიანურ პირობებს. შეიძლება არმატურის ქსოვაზე მუშაობდე და ხუთ დღეში ერთხელ გიცვლიდნენ ხელთათმანს?“ – ამბობს ხულოში, სოფელ დანისპარაულში მცხოვრები არჩილ ანთაძე. ის ხულოში გამართული საპროტესტო აქციის მონაწილეა. კომპანია „სინოჰიდროში“ დასაქმებული 100-მდე ადამიანი დღეს, 21 აპრილს, გაიფიცა. ეს კომპანია ხულო-ზარზმის საავტომობილო გზას აკეთებს. „კომპანიაში მივედით ამ დილით და გვითხრეს, თუ არ გინდათ, წადითო, …

Continue reading “„ვითხოვთ ხელფასის მომატებას და ადამიანურ პირობებს“ – ხულო-ზარზმის გზის მშენებლები გაიფიცნენ”

ლექტორის სასამართლო, რომელმაც კოლეგები პლაგიატში ამხილა და სამსახურიდან გაუშვეს

“900-მდე განცხადებით მივმართეთ საზღვაო აკადემიის ადმინისტრაციას, მაგრამ პასუხი ვერ მივიღეთ – რა სამართლებრივი საფუძვლებით გაათავისუფლეს სამსახურიდან ვაჟა ანანიძე,” – მიმართა მოსამართლე როინ კახიძეს ანა ბერძენიშვილმა. ის “საერთაშორისო გამჭვირვალობა საქართველოს” იურისტია და სასამართლოში ბათუმის საზღვაო აკადემიიდან გათავისუფლებული პროფესორის, ვაჟა ანანიძის ინტერესებს იცავს. ვაჟა ანანიძე ის პროფესორია, რომელმაც გასულ წელს საზღვაო აკადემიის რექტორი და კიდევ რამდენიმე პროფესორი …

Continue reading “ლექტორის სასამართლო, რომელმაც კოლეგები პლაგიატში ამხილა და სამსახურიდან გაუშვეს”

„საქართველოს იმიჯი ოდნავ გამოსწორდა“ – ინტერვიუ პოლიტოლოგთან

„პოლიტიკური კრიზისი დასასრულს მიუახლოვდა,“ – განაცხადა გუშინ, 20 აპრილს, თბილისში ჩამოსულმა ევროსაბჭოს პრეზიდენტმა მას შემდეგ, როცა შეთანხმების დოკუმენტს მმართველმა პოლიტიკურმა გუნდმა და ოპოზიციის ერთმა ჯგუფმა ხელი უკვე მოაწერეს. რა იცვლება ოპოზიციის პარლამენტში შესვლით, რა ელოდება უმრავლესობას, რომელიც 6-მა დეპუტატმა უკვე დატოვა „გახარიას გუნდში“ გადასვლის მოტივით და რა გამოაჩინა მოლაპარაკებების ხანგრძლივმა პროცესმა: გაიზარდა თუ შემცირდა დასავლეთში …

Continue reading “„საქართველოს იმიჯი ოდნავ გამოსწორდა“ – ინტერვიუ პოლიტოლოგთან”

ევროსაბჭოს პრეზიდენტი ხვალ ისევ ჩამოვა საქართველოში

ევროსაბჭოს პრეზიდენტი შარლ მიშელი ხვალ, 20 აპრილს, ისევ ეწვევა საქართველოს. „ხვალ ჩამოვალ საქართველოში და შევხვდები თითოეულ თქვენგანს… შემდეგ ნაბიჯებზე ჩვენ ერთად ვისაუბრებთ, როგორ გავაძლიეროთ კავშირები საქართველოსა და ევროკავშირს შორის,” – აღნიშნა შარლ მიშელმა. დღეს, 19 აპრილს, პრეზიდენტის სასახლეში ოპოზიციური პარტიებისა და ხელისუფლების წარმომადგენლებმა მიშელის მიერ შეთავაზებულ დოკუმენტს ხელი მოაწერეს. შეთანხმების დოკუმენტს ხელი მოაწერეს: “ლელომ”, “რესპუბლიკელებმა”, …

Continue reading “ევროსაბჭოს პრეზიდენტი ხვალ ისევ ჩამოვა საქართველოში”

„7 აფთიაქში ვიყავი და წამალი არ მომცეს“ – რატომ ვერ იღებენ პენსიონერები „უფასო წამლებს“

„7 აფთიაქში ვიყავი და წამალი არ მომცეს. ვიცი, რომ ეს მედიკამენტები უფასოდ უნდა მივიღო, მაგრამ მითხრეს, რომ თუ ფულს გადავიხდი, მაშინ მომცემენ, ისე ვერა,“ – ამბობს ნინო ხინთიბიძე. ის 72 წლის ასიე ჯინჭარაძის შვილია. დედა-შვილი მარტო ცხოვრობს. ისინი სოციალურად დაუცველები არიან. მიუხედავად იმისა, რომ სახელმწიფო საპენსიო ასაკის მქონე ადამიანებს და სხვადასხვა ჯგუფს მედიკამენტებს უფასოდ აწვდის, …

Continue reading “„7 აფთიაქში ვიყავი და წამალი არ მომცეს“ – რატომ ვერ იღებენ პენსიონერები „უფასო წამლებს“”

პრეზიდენტი რურუას შეწყალებაზე: მზად ვარ მივიღო სკანდალური გადაწყვეტილება

„მზად ვარ მივიღო ჩემთვის სკანდალური გადაწყვეტილება, ამ გადაწყევტილებას ვღებულობ შემდეგი პირობით: ეს ნაბიჯი ამ კრიზისის დასრულებისთვის ბოლო აკორდი უნდა იყოს და გზა უნდა გაუხსნას იმას, რომ ყოველგავრი სხვა მოთხოვნის გარეშე ქვეყანა და პარლამენტი შეუდგეს ნორმალურ პოლიტიკურ რეჟიმს,“ – განაცხადა დღეს, 19 აპრილს პრეზიდენტმა სალომე ზურაბიშვილმა გიორგი რურუას შეწყალების საკითხზე. პრეზიდენტმა თქვა, რომ შეწყალების აქტს მას …

Continue reading “პრეზიდენტი რურუას შეწყალებაზე: მზად ვარ მივიღო სკანდალური გადაწყვეტილება”

„სირცხვილიას“ კიდე ერთი აქტივისტი სასამართლომ გაამართლა

„სირცხვილიას“ კიდევ ერთი აქტივისტის – ირაკლი კუკანიას საქმეზე ბათუმის საქალაქო სასამართლომ ადმინისტრაციული საქმისწარმოება შეწყვიტა. „სირცხვილიას“ ბათუმის ოფისში პოლიციელები 3 აპრილს ღამით შეიჭრნენ და 3 პირი დააკავეს. პოლიციელებმა სასამართლო პროცესზე ვერ განმარტეს, კონკრეტულად რა სამართალდარღვევის გამო დააკავეს აქტივისტები. დღეს, 19 აპრილს, ირაკლი კუკანია მოსამართლე როინ კახიძემ გაამართლა. მას ადვოკატი ლელი ბჟალავა იცავდა. 12 აპრილს მოსამართლე ირმა …

Continue reading “„სირცხვილიას“ კიდე ერთი აქტივისტი სასამართლომ გაამართლა”

ბათუმში, ბაგრატიონის ქუჩაზე მაღაზიაში მანქანა შევარდა

ბათუმში, ბაგრატიონის ქუჩაზე მდებარე მაღაზია „ნოვაში“ მსუბუქი ავტომანქანა შევარდა. „ბათუმელების“ ინფორმაციით, ავტოსაგზაო შემთხვევის შედეგად არავინ დაშავებულა. დაზიანებულია მაღაზიის შენობის ფასადი და სწრაფი გადახდის აპარატი. შემთხვევის ადგილზე იმყოფებოდა საპატრულო პოლიციაც. შინაგან საქმეთა სამინისტროს ინფორმაციით, დაწყებულია ადმინისტრაციული სამართალწარმოება.

ბათუმში ხანძრის შედეგად სახლი დაიწვა

ბათუმში, აკაკი შანიძის ჩიხში სახლი დაიწვა. ადგილზე მეხანძრე-მაშველები მუშაობას განაგრძობენ. ხანძრის შედეგად არავინ დაშავებულა. მოქალაქის თქმით, სახანძროს ადგილზე მისვლამდე ცეცხლი გვერდით მდებარე სახლებზეც გადავიდა, თუმცა მისი ჩაქრობა მოსახლეობამ მოახერხა.

წულუკიძეებს და ჭელიძეებს წინასწარი პატიმრობა შეუფარდეს

ბათუმში დაკავებულ ძმებ წულუკიძეებს და ჭელიძეებს ქუთაისის საქალაქო სასამართლომ აღკვეთი ღონისძიების სახით წინასწარი პატიმრობა შეუფარდა. სასამართლო სხდომა გუშინ, 16 აპრილს, ღამით ჩატარდა. წულუკიძეების ადვოკატის, ირაკლი შავაძის ინფორმაციით, მოსამართლემ პატიმრობა შეუფარდა 20 წლის ბრალდებულსაც, როცა კანონით არასრულწლოვნის შემთხვევაში მძიმე დანაშაულებზე განრიდება უნდა განიხილონ. კანონის ეს ნორმა 21 წლამდე ასაკის ადამიანებს ეხებათ. გუშინ, 16 აპრილს, ვიდრე მოსამართლე …

Continue reading “წულუკიძეებს და ჭელიძეებს წინასწარი პატიმრობა შეუფარდეს”

გოლეთიანი წულუკიძეების საქმეზე: მუსლიმი ძმების უარყოფითი განწყობა მოწინააღმდეგების ინტერესშია

„ის, რაც ჩვენ გვაზიანებს, არის ის, რომ ჩვენს მუსლიმ ძმებს ჩვენი მისამართით უარყოფითი დამოკიდებულება გაუჩნდათ, ეს არის დამაზიანებელი მოძრაობისთვის, ამ საქმისთვის, ამიტომ ეს შედის ჩვენი მოწინააღმდეგების ინტერესებში და მათგან არის მართული,“ – მიმართა დღეს, 16 აპრილს ფეისბუქლაივით რიონის ხეობის მცველმა, ვარლამ გოლეთიანმა დაკავებულ წულუკიძეებს და ჭელიძეებს, რომლებიც 12 აპრილს ნამახვენჰესის წინააღმდეგ საპროტესტო აქციაში მონაწილეობდნენ, 15 …

Continue reading “გოლეთიანი წულუკიძეების საქმეზე: მუსლიმი ძმების უარყოფითი განწყობა მოწინააღმდეგების ინტერესშია”

„ხალიჩაში გაახვია და ჭოროხის პირას დააგდო“ – ბათუმში მომხდარი მკვლელობის განაჩენი

„…ჭარნალიდან გირეკავთ, ჭოროხისპირას ვარ და აქ მოკლული კაცის გვამია… მე მონადირე ვარ… ის ნოხშია გახვეული, ფეხები ზეწრით შეკრული, დანაც აქვე გდია, სამანქანე გზიდან 200 მეტრი იქნება, მეტი არა,“ – ეს შეტყობინება 112-ზე გასული წლის 12 მაისს შევიდა. ამ დროისთვის პოლიციელები უკვე 13 დღე ეძებდნენ უგზო-უკვლოდ გაუჩინარებულ ნეჯეთ ე. – ს. გამოძიება 30 აპრილს იყო დაწყებული …

Continue reading “„ხალიჩაში გაახვია და ჭოროხის პირას დააგდო“ – ბათუმში მომხდარი მკვლელობის განაჩენი”

ქუთაისის პოლიციასთან ძმები წულუკიძეების და კიდევ 4 პირის გათავისუფლებას ითხოვენ – Live

ქუთაისის სამხარეო პოლიციის შენობის წინ საპროტესტო აქცია მიმდინარეობს. აქციის მონაწილეები რიონის ხეობის დაცვის აქციაში მონაწილეობის შემდეგ 6 პირის და, მათ შორის, ძმები წულუკიძეების დაკავებას აპროტესტებენ. ისინი 15 აპრილს დააკავეს. ფირუზ და რეზო წულუკიძეს, ასევე კიდევ 4 ბრალდებულს დღეს, 16 აპრილს, წარუდგინეს ბრალი სისხლის სამართლის კოდექსის 225-ე მუხლის მიხედვით, რაც გულისხმობს ჯგუფური ძალადობის ორგანიზებას, ხელმძღვანელობას ან …

Continue reading “ქუთაისის პოლიციასთან ძმები წულუკიძეების და კიდევ 4 პირის გათავისუფლებას ითხოვენ – Live”

რა უნდა გააკეთოთ, როცა ქალზე ძალადობენ – დისკუსია FB-ში დღეს გაიმართება

რა უნდა იყოს ჩვენი რეაქცია ძალადობის შემთხვევებზე – ამ თემაზე დღეს, 16 აპრილს, ფეისბუქში ლაივშეხვედრა გაიმართება. დისკუსია საღამოს 7 საათზე დაიწყება. Facebook Live დისკუსიის დროს კითხვებს უპასუხებენ უფლებადამცველი თამარ გურჩიანი, ექსპერტი ქალთა მიმართ და ოჯახში ძალადობის საკითხებზე – გოგა ხატიაშვილი და თამარ დეკანოსიძე – ორგანიზაცია „თანასწორობა ახლა“. შეხვედრის მოდერატორი იქნება ბათუმის დემოკრატიული ჩართულობის ცენტრის კოორდინატორი …

Continue reading “რა უნდა გააკეთოთ, როცა ქალზე ძალადობენ – დისკუსია FB-ში დღეს გაიმართება”

ბათუმში წმინდა ნიკოლოზის ტაძრის გაქურდვა სცადეს

15 აპრილის ღამეს ბათუმში წმინდა ნიკოლოზის ტაძრის გაქურდვა სცადეს. ჩამტვრეულია ტაძრის სარკმლის მინა, თუმცა ტაძრიდან, „ბათუმელების“ ინფორმაციით, დაკარგული არაფერი არ არის. ტაძრის ქურდობის მცდელობის შესახებ ინფორმაცია არ აქვთ ბათუმის და ლაზეთის ეპარქიაში. წმინდა ნიკოლოზის ტაძრის წინამძღვარმა, სერგი რუხაძემ კი გვიპასუხა, რომ წირვის შემდეგ შეძლებს საუბარს. შინაგან საქმეთა სამინისტროს ინფორმაციით, გამოძიება ქურდობის მცდელობის მუხლით დაიწყო. დაკავებული …

Continue reading “ბათუმში წმინდა ნიკოლოზის ტაძრის გაქურდვა სცადეს”

14 ადამიანი დარჩა უსახლკაროდ ხანძრის შედეგად – შუახევის მერია

“14 სული დარჩა ხანძრის შედეგად უსახლკაროდ, სამივე ოჯახი ტარიელაძეა… ახლა ვმუშაობთ ამ ადამიანების უსაფრთხო ადგილას გადაყვანაზე,” – უთხრა “ბათუმელებს” ომარ ტაკიძემ, ის შუახევის მერის მოვალეობის შემსრულებელია. ხანძარი 5 აპრილს ღამით ხის სახლს გაუჩნდა შუახევის სოფელ ბარათაულში. ხანძრის შედეგად სამი სახლი და დამხმარე ნაგებობები, ასევე 16 სული პირუტყვი დაიწვა. შუახევის მერის მოვალეობის შემსრულებლის თქმით, ხანძრის შედეგად …

Continue reading “14 ადამიანი დარჩა უსახლკაროდ ხანძრის შედეგად – შუახევის მერია”

ქალი, რომელსაც სახლი დაეწვა: მესამე თვეა არავინ დამეხმარა

„სახლი როცა დაიწვა, მაშინ თქვეს, 25 ათასი ლარით დაგეხმარებითო. 25 თეთრიც კი არ მიუცია ვინმეს ჩემი შვილებისთვის. მესამე თვეა ღია ცისქვეშ ვართ, პასუხი არსაიდან არ ჩანს,“ – ამბობს ბათუმში მცხოვრები თამილა ჯოყილაძე. მისი სახლი 7 თებერვალს დაიწვა. თამილა ქმართან და ორ მცირეწლოვან შვილთან ერთად ნათესავთან ცხოვრობს. მას ქირის ფულსაც არ უხდიან. თამილა ჯოყილაძეს დახმარებაზე უარი …

Continue reading “ქალი, რომელსაც სახლი დაეწვა: მესამე თვეა არავინ დამეხმარა”