ჯაბა ანანიძე, Author at Batumelebi

1000 ლარი ჯარიმა ქსეროქსზე დაბეჭდილი ყალბი მართვის მოწმობის გამოყენებისთვის

მოსამართლე ვიოლეტა ფორჩხიძემ 1000 ლარით დააჯარიმა ზ.ვ. ყალბი მართვის მოწმობის გამოყენებისთვის. შემთხვევა ბათუმში სამართალდამცველებმა ივლისში დააფიქსირეს. საქმის მასალების მიხედვით, ერთ-ერთ ქუჩაზე გაჩერებულმა ზ.ვ.-მ საპატრულო პოლიციის თანამშრომლებს უკრაინაში დამზადებული ავტომანქანის მართვის მოწმობა წარუდგინა. პოლიციელი მოწმობის ნამდვილობაში დაეჭვდა და იგი ექსპერტიზას გადაუგზავნა. ექსპერტიზის დასკვნის მიხედვით კი, „მართვის მოწმობის ბლანკი დამზადებულია სამრავლებელი ტექნიკის გამოყენებით და არ შეესაბამება ანალოგიური …

Continue reading “1000 ლარი ჯარიმა ქსეროქსზე დაბეჭდილი ყალბი მართვის მოწმობის გამოყენებისთვის “

მკვლელი შემოვლითი გზა – რას შეცვლის ხელისუფლება 15 წლის ლიკას დაღუპვის შემდეგ

გუშინ, 9 ოქტომბერს, დღის 4 საათზე, ქობულეთის შემოვლით გზაზე 15 წლის ლიკა სარჯველაძე დაიღუპა. ის მამასთან და 2 წლის ძმასთან ერთად გურიის ერთ-ერთ სოფელში მიდიოდა. ქობულეთის შემოვლით გზაზე მორიგი ავარია მოხდა და ორი მსუბუქი ავტომანქანა შეეჯახა ერთმანეთს. ლიკა ექიმებს შემთხვევის ადგილზე უკვე გარდაცვლილი დახვდათ. კლინიკაში ლიკას 2 წლის ძმა და მამა გადაიყვანეს. ბავშვს სახეზე ნაკაწრები …

Continue reading “მკვლელი შემოვლითი გზა – რას შეცვლის ხელისუფლება 15 წლის ლიკას დაღუპვის შემდეგ”

„სასამართლოს სურს, ტელევიზიის დირექტორი ახალმა ბორდმა აირჩიოს“ – უარი ენმ-ის მოთხოვნაზე

მოსამართლე ჯუმბერ ბეჟანიძემ უარი თქვა „აჭარის ტელევიზიის“ ბორდის კანდიდატების შესარჩევი კომისიის მუშაობის შეჩერებაზე. განჩინებაში მოსამართლემ პირდაპირ ჩაწერა, რომ ეს „მნიშვნელოვნად დამაზიანებელი იქნება საზოგადოებრივი მაუწყებლის ფუნქციონირებისთვის“. „მოსამართლე პირდაპირ წერს, რომ დავის განხილვის დასრულებამდე ახალ ბორდს ვეღარ აირჩევენ, თუკი კომისიის უფლებამოსილება გაუქმდება და იგი ვეღარ აირჩევს ახალ დირექტორს. რატომ სურს მოსამართლეს, რომ ახალმა ბორდმა აირჩიოს ტელევიზიის დირექტორი? …

Continue reading “„სასამართლოს სურს, ტელევიზიის დირექტორი ახალმა ბორდმა აირჩიოს“ – უარი ენმ-ის მოთხოვნაზე”

ავარიის შედეგად 15 წლის გოგო დაიღუპა, 2 წლის ბავშვი კი მამასთან ერთად კლინიკაში გადაიყვანეს

დღეს, 9 ოქტომბერს, ბათუმი-ქობულეთის შემოვლით გზაზე ავარიის შედეგად 15 წლის გოგო დაიღუპა, დაშავებული 2 წლის ბავშვი და მისი მამა კი ქობულეთის რეფერალურ ჰოსპიტალში გადაიყვანეს. ავტოსაგზაო შემთხვევა ბათუმი-ქობულეთის შემოვლით გზაზე დაახლოებით დღის 4 საათზე მოხდა. შინაგან საქმეთა სამინისტროს ინფორმაციით, ორი მსუბუქი ავტომანქანა შეეჯახა ერთმანეთს. დაწყებულია გამოძიება სისხლის სამართლის კოდექსის 276-ე მუხლის მე-6 ნაწილის შესაბამისად. საგანგებო სიტუაციების სამსახურის …

Continue reading “ავარიის შედეგად 15 წლის გოგო დაიღუპა, 2 წლის ბავშვი კი მამასთან ერთად კლინიკაში გადაიყვანეს”

დაპატიმრებაზე პროკურატურის მოთხოვნას სასამართლო ხშირად აკმაყოფილებს – საია

„შეინიშნება პროკურატურის მხრიდან პატიმრობის მოთხოვნის მაჩვენებლის ზრდის ტენდენცია და კრიტიკულად მაღალია სასამართლოს მხრიდან პატიმრობის მოთხოვნის დაკმაყოფილების მაჩვენებელი,“ – აღნიშნულია „ახალგაზრდა იურისტთა ასოციაციაის“ ახალ ანგარიშში, რომელშიც სასამართლო პროცესების მონიტორინგის შედეგებია შეჯამებული გასული წლის თებერვლიდან 2019 წლის თებერვლის ჩათვლით. საია-ს იურისტები სასამართლო პროცესებს აკვირდებოდნენ ბათუმში, თბილისში, ქუთაისში, გორსა და თელავში. ეს ორგანიზაცია მსგავს მონიტორინგს 2011 წლიდან ამზადებს. …

Continue reading “დაპატიმრებაზე პროკურატურის მოთხოვნას სასამართლო ხშირად აკმაყოფილებს – საია”

მოქალაქემ სასამართლოშიც ვერ გაიგო, რატომ არ აძლევს პოლიცია საზღვრის კვეთის უფლებას

„სასამართლომ სამართლებრივ ვაკუუმში მოაქცია ეს ადამიანები, ისინი ამ გადაწყვეტილებას ვერსად გაასაჩივრებენ“, – ასე აფასებს საია-ს იურისტი, პაატა დიასამიძე მოსამართლე ვიოლეტა ფორჩხიძის გადაწყვეტილებას, რომლითაც მან მოქალაქე გიგა ბ.-ს საჩივრის დაკმაყოფილებაზე უარი უთხრა. გიგა ბ. ერთ-ერთია მათ შორის, ვისაც საზღვრის დატოვების უფლებას არ აძლევენ. მას არც ერთი ოფიციალური უწყება არ ეუბნება, რატომ შეუზღუდეს კონსტიტუციით გარანტირებული გადაადგილების თავისუფლება. …

Continue reading “მოქალაქემ სასამართლოშიც ვერ გაიგო, რატომ არ აძლევს პოლიცია საზღვრის კვეთის უფლებას”

ტაქსი „მაქსიმი“ აქციაზე გასული მძღოლების მოთხოვნების შესრულებას არ აპირებს

„მგზავრობების ღირებულება ითვალისწინებს კონკურენციას, მოთხოვნასა და მიწოდებას, ბალანსს მძღოლების მხრიდან შემოსავლის მიღების სურვილსა და მგზავრების ინტერესებს შორის, რომლებისთვისაც მომსახურება ხელმისაწვდომი უნდა იყოს. მისი შეცვლა შესაძლებელია მხოლოდ ბაზრის მაჩვენებლების ანალიზის შემდეგ,“ – აცხადებენ კომპანია „მაქსიმში“. დღეს, 9 ოქტომბერს, ამ კომპანიაში დასაქმებულმა დაახლოებით 250-მა მძღოლმა მუშაობა შეწყვიტა. მძღოლებმა მგზავრობის ტარიფის გაზრდა მოითხოვეს. მათი აზრით, ზაფხულის პერიოდში გაზრდილი …

Continue reading “ტაქსი „მაქსიმი“ აქციაზე გასული მძღოლების მოთხოვნების შესრულებას არ აპირებს”

საზეიმო ღონისძიებებისთვის ფულის ხარჯვის მანკიერი პრაქტიკა ბათუმში – „გამჭვირვალობა“

„ყველაზე დიდი თანხა – 697 105 ლარი გამარტივებული შესყიდვების გზით ბათუმის კულტურის ცენტრმა დახარჯა,“ – აღნიშნულია „საერთაშორისო გამჭვირვალობა საქართველოს“ ახალ კვლევაში. ორგანიზაციამ ის გამარტივებული შესყიდვები შეისწავლა, რომლითაც ბოლო ორი წლის განმავლობაში ბათუმში საზეიმო ღონისძიებები ჩატარდა. კვლევის შედეგად გამოჩნდა, რომ საქმე „მანკიერ პრაქტიკასთან“ გვაქვს, რადგან საზეიმო ღონისძიებები წინასწარ განსაზღვრულია და ამ დროს საბიუჯეტო ორგანიზაციებს გამარტივებული შესყიდვა არ უნდა …

Continue reading “საზეიმო ღონისძიებებისთვის ფულის ხარჯვის მანკიერი პრაქტიკა ბათუმში – „გამჭვირვალობა“”

„მაქსიმის“ 250-მა მძღოლმა ბათუმში მუშაობა შეწყვიტა, ისინი ფასების გაზრდას ითხოვენ

ტაქსის კომპანია „მაქსიმის“ მძღოლები საპროტესტო აქციას მართავენ. მძღოლები კომპანიის ბათუმის ოფისთან შეიკრიბნენ და აცხადებენ, რომ აღარ იმუშავებენ, ვიდრე მგზავრობის ტარიფი არ მოიმატებს. „ზაფხულში იყო ფასი გაზრდილი დაახლოებით 80 თეთრით, მერე ისევ დააკლეს, არ უნდა დაეკლოთ, რადგან ყველაფერი გაძვირდა, მანქანის მოვლის ხარჯმა მოიმატა, საცობებია… თუკი მგზავრობის ტარიფი მოიმატებს, ჩვენს კონკურენტებზე იაფი გამოვა მაინც „მაქსიმით“ მგზავრობა,“ – …

Continue reading “„მაქსიმის“ 250-მა მძღოლმა ბათუმში მუშაობა შეწყვიტა, ისინი ფასების გაზრდას ითხოვენ”

ერთი ელექტროსამაჯურის შესაძენად 1790 დოლარი იხარჯება – რამდენი სამაჯური აქვს ხელისუფლებას?

რამდენიმე დღის წინ იუსტიციის სამინისტრომ ახალი ელექტროსამაჯურები იყიდა. 80 სამაჯური „არასაპატიმრო სასჯელთა აღსრულებისა და პრობაციის ეროვნულმა სააგენტომ“ შეიძინა და თითოეულში 1790 ამერიკული დოლარი გადაიხადა. ინფორმაცია იუსტიციის სამინისტროს პრობაციის ეროვნულმა სააგენტომ მოგვაწოდა. ამ უწყებას ვკითხეთ: რამდენი ელექტრონული სამაჯური აქვს იუსტიციის სამინისტროს და მათგან რამდენია დღეს გამოყენებული. ელექტრონულ სამაჯურებს 2018 წლის პირველი იანვრიდან იყენებენ. სამაჯურებს მაშინ უკეთებენ …

Continue reading “ერთი ელექტროსამაჯურის შესაძენად 1790 დოლარი იხარჯება – რამდენი სამაჯური აქვს ხელისუფლებას?”

„ეს უკავშირდება აპოკალიფსს“ – ციფრული პასპორტების წინააღმდეგ სასამართლო დავა იწყება

„ელექტრონული პირადობის მოწმობა და ბიომეტრიული პასპორტი ადამიანების ტოტალური კონტროლის საშუალებაა და უშუალოდ უკავშირდება აპოკალიფსის შესახებ ბიბლიურ წინასწარმეტყველებას,“ – მიიჩნევენ ნანა სეფაშვილი და ია რეხვიაშვილი. ისინი საქართველოს პარლამენტის და იუსტიციის სამინისტროს წინააღმდეგ დავობენ საკონსტიტუციო სასამართლოში. სასამართლო დღეს, 9 ოქტომბერს, განმწესრიგებელ სხდომაზე გადაწყვეტს, უნდა განიხილონ თუ არა ეს სარჩელი არსებითად. დავის საგანი „საქართველოს მოქალაქეთა და საქართველოში მცხოვრებ …

Continue reading “„ეს უკავშირდება აპოკალიფსს“ – ციფრული პასპორტების წინააღმდეგ სასამართლო დავა იწყება”

მოქალაქემ მშენებარე ავტობანის გვირაბი გადაკეტა

„მეორედ გადავკეტე გვირაბი, ყურადღებას არავინ გვაქცევს. თუ ისევ არავინ მოგვხედავს, თავს დავიწვავ“, – ამბობს ბათუმში, მახვილაურში მცხოვრები გიორგი დუმბაძე. მან დღეს ბათუმის შემოვლითი მშენებარე გზის გვირაბი გადაკეტა და მშენებელებს გადაადგილება შეუზღუდა. გიორგი დუმბაძის თქმით, მის საცხოვრებელ სახლს პრობლემები მას შემდეგ შეექმნა, რაც ავტობანისთვის გვირაბის გაყვანა დაიწყეს. „სახლი პირდაპირ გვირაბის თავზე დგას… ბოლო დროს შემოდის წყალი, …

Continue reading “მოქალაქემ მშენებარე ავტობანის გვირაბი გადაკეტა”

16 წლის ნიკიტას სარჩელი საკონსტიტუციოში – 18 წლამდე საპროტესტო აქციას ვერ ჩაატარებ

16 წლის ნიკიტა ადამია საქართველოს პარლამენტის წინააღმდეგ სასამართლო დავას აპირებს. სარჩელი უკვე დარეგისტრირდა საკონსტიტუციო სასამართლოში. ნიკიტა „შეკრების და მანიფესტაციების შესახებ“ კანონის იმ ჩანაწერს ასაჩივრებს, რომლის მიხედვითაც საპროტესტო აქციას ვერ ჩაატარებს პირი, ვისაც 18 წელი ჯერ არ შესრულებია. ნიკიტა ადამია სამოქალაქო აქტივისტის – ნატა ფერაძის შვილია. ნატა ფერაძის თქმით, მის შვილს არ ჰქონია კონკრეტული შემთხვევა, როცა …

Continue reading “16 წლის ნიკიტას სარჩელი საკონსტიტუციოში – 18 წლამდე საპროტესტო აქციას ვერ ჩაატარებ”

პროკურატურის ყოფილი თანამშრომელი პროკურორებს სასამართლოში უჩივის

პროკურატურის ყოფილი თანამშრომელი ნინო ბასილაძე აჭარის პროკურატურას, ასევე გენერალურ პროკურატურას სასამართლოში უჩივის. ნინო ბასილაძე მიიჩნევს, რომ უსამართლოდ შეაფასეს, როგორც საჯარო მოხელე და ეს მას შემდეგ მოხდა, როცა კანონით გათვალისწინებული უფასო დეკრეტული შვებულებით სარგებლობა ითხოვა. რამდენიმე დღის წინ ამ საქმის განხილვაზე უარი თქვა მოსამართლე კობა გოცირიძემ და საქმე თბილისის სასამართლოს გადაუგზავნა. ნინო ბასილაძე 2011 წლიდან მუშაობდა …

Continue reading “პროკურატურის ყოფილი თანამშრომელი პროკურორებს სასამართლოში უჩივის”

აჭარის ტელევიზიის ბორდის კონკურსის შეჩერებაზე სასამართლოში სარჩელი შევიდა

„ერთიანი ნაციონალური მოძრაობა“ იმ საკონკურსო კომისიის გაუქმებას ითხოვს, რომელიც პირველ ოქტომბერს აჭარის უმაღლესი საბჭოს თავმჯდომარემ, დავით გაბაიძემ ჩამოაყალიბა და რომელმაც საზოგადოებრივი მაუწყებლის აჭარის ტელევიზიისა და რადიოს ბორდის წევრების კანდიდატები უნდა შეარჩიოს. დეპუტატებმა, რომლებიც უმაღლეს საბჭოში ამ პარტიას წარმოადგენენ, სარჩელით უკვე მიმართეს ბათუმის საქალაქო სასამართლოს. „დავით გაბაიძეს არ გაუვლია ჩვენთან კონსულტაცია… რეგლამენტი მას ავალდებულებს, ყველა ფრაქციასთან …

Continue reading “აჭარის ტელევიზიის ბორდის კონკურსის შეჩერებაზე სასამართლოში სარჩელი შევიდა”

75 წლის კაცის მოგებული საქმე ხელვაჩაურის მიწის კომისიამ სასამართლოში გაასაჩივრა

ხელვაჩაურის მიწის კომისიამ სააპელაციო წესით გაასაჩივრა საქმე, რომელიც 75 წლის იუსუფ წულუკიძესთან წააგო. ხელვაჩაურის რაიონულმა სასამართლომ მოქალაქის სარჩელი დააკმაყოფილა და მიიჩნია, რომ ხელვაჩაურის მიწის კომისიის გადაწყვეტილება უკანონოა. იუსუფ წულუკიძე მამაპაპისეული მიწის აღიარებას წლების განმავლობაში ითხოვს და მიწის კომისიამ მას უარი უთხრა იმ მოტივით, რომ მიწა, სადაც იუსუფ წულუკიძე ახლა მარტო ცხოვრობს, სახელმწიფოს საკუთრებაა. იმის გამო, რომ …

Continue reading “75 წლის კაცის მოგებული საქმე ხელვაჩაურის მიწის კომისიამ სასამართლოში გაასაჩივრა”

რა შეჭამოს თხამ? – პრობლემა, რომელსაც ხელისუფლება არ იმჩნევს

ხელვაჩაურში, სოფელ კირნათში მცხოვრები თამაზ ცინცაძე ერთ-ერთია მათ შორის, ვისაც თხები ჰყავს და პრობლემა შეექმნა მას შემდეგ, რაც თხებს ვეღარ აძოვებს იმ ტერიტორიაზე, რომელიც „მაჭახელას ეროვნულ პარკად“ გამოცხადდა. პრობლემის მოგვარებაზე არავინ ზრუნავს. კირნათში 6 ოჯახს დაახლოებით 200 სული თხა ჰყავს. მათ გაზაფხულზე თხები ჯავახეთში გადაჰყავთ, შემოდგომაზე – უკან ბრუნდებიან. „200 კილომეტრი ფეხით უკვე გამოვიარე და …

Continue reading “რა შეჭამოს თხამ? – პრობლემა, რომელსაც ხელისუფლება არ იმჩნევს”

ფოთის ყოფილი პროკურორი, რომლის მანქანაც დაცხრილეს, ბათუმში მოსამართლედ დანიშნეს

„მე მივაწოდე ინფორმაცია პროკურატურას ამ ფაქტის შესახებ, გამოძიება დასრულებული არ არის… ეს უკავშირდებოდა ჩემს საპროკურორო საქმიანობას,“ – გვიპასუხა მასამართლე ალექსანდრე გოგუაძემ დღეს, 4 ოქტომბერს, ერთ-ერთი სასამართლო სხდომის დასრულების შემდეგ. ალექსანდრე გოგუაძე ბათუმის საქალაქო სასამართლოს ადმინისტრაციულ კოლეგიაში იუსტიციის უმაღლესმა საბჭომ რამდენიმე დღის წინ – 18 სექტემბრიდან გაამწესა. მოსამართლედ გამწესებული ალექსანდრე გოგუაძე 2013 წლიდან 2016 წლის ჩათვლით …

Continue reading “ფოთის ყოფილი პროკურორი, რომლის მანქანაც დაცხრილეს, ბათუმში მოსამართლედ დანიშნეს “

ბათუმში სექსუალური შევიწროების 4 შემთხვევიდან 2 ლიფტში მოხდა

მას შემდეგ, რაც სექსუალური შევიწროება დასჯადი გახდა, ბათუმის საქალაქო სასამართლომ 4 საქმე განიხილა ამ მუხლით. სექსუალური შევიწროება ადმინისტრაციული წესით დასჯადი 2019 წლის 3 მაისს გახდა. ბათუმის საქალაქო სასამართლოს მიერ განხილული 4 საქმიდან, 2 შემთხვევაში სექსუალური შევიწროება ლიფტში მოხდა. კიდევ ერთ შემთხვევაში ქალს საჯაროდ შუა თითს უჩვენებდნენ, ბოლო შემთხვევაში კი „ფეისბუქით“ გაუგზავნეს სექსუალური შინაარსის შეტყობინებები და …

Continue reading “ბათუმში სექსუალური შევიწროების 4 შემთხვევიდან 2 ლიფტში მოხდა”

პოლიციელებს ხელფასი მინიმუმ 125 ლარით გაეზრდებათ

შინაგან საქმეთა სამინისტროს თანამშრომლებს ხელფასი არანაკლებ 125 ლარით გაეზრდებათ. ამის შესახებ ინფორმაციას შინაგან საქმეთა სამინისტრო ავრცელებს. ცვლილება მომავალი წლის პირველი ივლისიდან ამოქმედდება. სამინისტროს პრესცენტრში გვითხრეს, რომ ამ ეტაპზე არ არის ცნობილი, კონკრეტულად ვის რამდენით გაუზრდიან ხელფასს. ცნობილია, რომ ხელფასი ამ უწყებაში შემავალი ყველა სტრუქტურული ერთეულის თანამშრომლებს მოემატებათ.

ვინ აღმოფხვრის დისკრიმინაციას, თუკი მერია მეჩეთის აშენებაზე ისევ უარს იტყვის?

„რა მოხდება იმ შემთხვევაში, თუკი მერია ისევ უარყოფით გადაწყვეტილებას მიიღებს ბათუმში ახალი მეჩეთის მშენებლობის საკითხზე? გამოვა, რომ მერია ისევ დისკრიმინაციულ გადაწყვეტილებას მიიღებს და სასამართლო ვერ ჩაერევა მერიის დისკრეციულ უფლებამოსილებაში,“ – ამბობს ანზორ ხატიაშვილი, „ტოლერანტობის და მრავალფეროვნების ინსტიტუტის“ იურისტი. ეს ორგანიზაცია და „ადამიანის უფლებების სწავლების და მონიტორინგის ცენტრი“ სასამართლოში მუსლიმი თემის ინტერესებს იცავენ. იურისტები უზენაესი სასამართლოს …

Continue reading “ვინ აღმოფხვრის დისკრიმინაციას, თუკი მერია მეჩეთის აშენებაზე ისევ უარს იტყვის?”

აჭარაში ხე-ტყის უკანონო მოპოვების 24 ფაქტი დაფიქსირდა

აჭარაში სექტემბერში ხე-ტყის უკანონო მოპოვებისა და ტრანსპორტირების 24 შემთხვევა დაფიქსირდა. ინფორმაციას გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტი ავრცელებს. გავრცელებული ინფორმაციის მიხედვით, ხე-ტყის უკანონო მოპოვების ყველაზე მეტი – 97 ფაქტი კახეთში დაფიქსირდა. ქვეყნის მასშტაბით გამოვლენილი 261 შემთხვევიდან 13 სისხლის სამართლის დანაშაულის ნიშნებს შეიცავდა. ჯამში ამოღებულია უკანონოდ მოპოვებული 653 მ3–მდე ხე-ტყე. ასევე დაფიქსირდა სახერხი საამქროს ტექნიკური რეგლამენტის დარღვევის 21 ფაქტი, მათ შორის, ორი – თბილისის ტერიტორიაზე. ასევე, ამოღებულია 21 …

Continue reading “აჭარაში ხე-ტყის უკანონო მოპოვების 24 ფაქტი დაფიქსირდა”

ინაშვილი ნატო-ს დელეგაციის ვიზიტის წინ ნატო-ს წინააღმდეგ გამოკითხვის შედეგს აქვეყნებს

ბათუმში ნატო-ს დელეგაციის ვიზიტამდე ერთი დღით ადრე ირმა ინაშვილმა საკუთარი პარტიის მიერ ორგანიზებული გამოკითხვის შედეგები გაასაჯაროვა. „პატრიოტთა ალიანსის“ ლიდერმა და პარლამენტის ვიცე-სპიკერმა სასტუმრო „რედისონში“ 77 ათასი ანკეტა წარმოადგინა და თქვა: „გამოკითხულთა 69 პროცენტი ანუ 53 130 ბათუმელი, მხარს უჭერს სამხედრო მიუმხრობლობას“. „ეს კითხვარი შედგენილია მოსკოვში“ – ასე შეაფასა „პატრიოტთა ალიანსის“ გამოკითხვა „ბათუმელებთან“ ბათუ ქუთელიამ, საქართველოს ატლანტიკური …

Continue reading “ინაშვილი ნატო-ს დელეგაციის ვიზიტის წინ ნატო-ს წინააღმდეგ გამოკითხვის შედეგს აქვეყნებს”

რამდენი პირი გაასამართლეს პოლიციელზე თავდასხმისთვის და რამდენი გამართლდა

აგვისტოს ჩათვლით პოლიციელზე თავდასხმის ბრალდებით საქართველოში 25 პირი გაასამართლეს. ოცდახუთივე პირის მიმართ გამამტყუნებელი განაჩენი დადგა. 2012 წელს იმავე მუხლით მხოლოდ 2 პირი გასამართლდა, 2013 წელს – 1. ოფიციალური სტატისტიკა უზენაესმა სასამართლომ მოგვაწოდა. სისხლის სამართლის კოდექსის 353-ე პრიმა ერთი მუხლი გულისხმობს „პოლიციელზე, სპეციალური პენიტენციური სამსახურის მოსამსახურეზე, ან ხელისუფლების სხვა წარმომადგენელზე, ანდა საჯარო დაწესებულებაზე თავდასხმას“. ეს მუხლი …

Continue reading “რამდენი პირი გაასამართლეს პოლიციელზე თავდასხმისთვის და რამდენი გამართლდა”

იყო თუ არა საღებავი „სუდანი“ ტყემალში – რა დაადგინა სახელმწიფო უწყებამ

ჯანმრთელობისთვის საშიში საღებავი „სუდანი“ დაახლოებით ორი თვის წინ აღმოაჩინეს ტყემალში და სურსათის კიდევ 5 ნიმუშში, რომელსაც საქართველოში აწარმოებენ. კვლევის შედეგები 15 აგვისტოს „სტრატეგიული კვლევებისა და განვითარების ცენტრმა” [momxmarebeli.ge] გამოაქვეყნა. მაშინ კომპანიების წარმომადგენლებმა ტელევიზიებით საზოგადოებას უთხრეს, რომ ამ კვლევას არ ენდობოდნენ და ალტერნატიულ კვლევას ჩაატარებდნენ, რომლის შედეგიც ერთ თვეში გახდებოდა ცნობილი. კვლევის შედეგების გამოქვეყნებიდან მალევე მაღაზიების …

Continue reading “იყო თუ არა საღებავი „სუდანი“ ტყემალში – რა დაადგინა სახელმწიფო უწყებამ”

პატიმარი ბათუმის ციხის ადმინისტრაციას სასამართლოში უჩივის

პატიმარი ნუგზარ თაბაგარი სასჯელაღსრულების მესამე დაწესებულების ანუ ბათუმის ციხის ადმინისტრაციის გადაწყვეტილებას სასამართლოში ასაჩივრებს. პატიმრის თქმით, მას უსამართლოდ მოექცნენ, როცა ხანმოკლე პაემნის და სატელეფონო საუბრის უფლება შეუზღუდეს. პატიმარი ციხეში გამოცემული აქტების ბათილად ცნობას ითხოვს, რომლითაც მას დისციპლინური სახდელები დაუწესეს. ნუგზარ თაბაგარი ერთ-ერთი მთავარი მოწმეა “გიორგი ოქროპირიძის საქმეში”. მკვლელობისთვის გასამართლებული ამ პირის საქმეში არაერთი კითხვის ნიშანია. თაბაგარი …

Continue reading “პატიმარი ბათუმის ციხის ადმინისტრაციას სასამართლოში უჩივის”

ევროპის მოედანზე „აჭარის ტელევიზიის“ მხარდასაჭერად შეიკრიბნენ

„აჭარის ტელევიზიის“ მხარდასაჭერად დღეს, 30 სექტემბერს, ევროპის მოედანზე შეიკრიბნენ. ამ ტელევიზიის თანამშრომლებმა საერთაშორისო ორგანიზაციებს მიმართეს და თქვეს, რომ არსებობს სარედაქციო დამოუკიდებლობაში ჩარევის საფრთხე. „აჭარის ტელევიზია“ რეალურად ერთადერთი ტელევიზია დარჩა ქართულ არხებს შორის, რომელსაც ყოველთვის საინტერესო გადაცემები აქვს. საინფორმაციო კუთხით როცა რაღაცას ვუყურებდი, ვფიქრობდი, რომ ეს არის აზრი, რომელიც არ არის მიკერძოებული. ჩემი აზრით, ბოლო წლებში …

Continue reading “ევროპის მოედანზე „აჭარის ტელევიზიის“ მხარდასაჭერად შეიკრიბნენ”

აშენდება თუ არა მეჩეთი ბათუმში – რას შეცვლის სასამართლოს გადაწყვეტილება

„უფრო თამამი შეიძლებოდა ყოფილიყო მოსამართლე“, – ასე აფასებს TDI-ის იურისტი, ანზორ ხატიაშვილი მოსამართლე ჯუმბერ ბეჟანიძის გადაწყვეტილებას „ბათუმში ახალი მეჩეთის აშენების საქმეზე“. დღეს, 30 სექტემბერს ბათუმის საქალაქო სასამართლომ უკანონოდ და დისკრიმინაციულად მიიჩნია ბათუმის მერიის მიერ 2017 წელს გაცემული სამართლებრივი აქტები, რომლითაც მუსლიმ თემს ბათუმში ახალი მეჩეთის აშენებაზე უარი უთხრეს. სასამართლომ სარჩელი არ დააკმაყოფილა მერიისთვის მშენებლობის პირველი …

Continue reading “აშენდება თუ არა მეჩეთი ბათუმში – რას შეცვლის სასამართლოს გადაწყვეტილება”

შეაჩერებს თუ არა კანონის შეცვლა მუშების დაღუპვის სერიას [ვიდეო]

მშენებლობებზე დაღუპულთა თუ დაშავებულთა სტატისტიკა ისევ მძიმეა. ასეა იმის მიუხედავად, რომ კანონი შეიცვალა, შეიქმნა შრომის ინსპექცია, მშენებარე ობიექტებზე კი, შრომის უსაფრთხოების მენეჯერები გამოჩნდნენ… მხოლოდ 2011-2018 წლებში საქართველოში საწარმოო შემთხვევების შედეგად 1081 ადამიანი დაშავდა და 376 დაიღუპა. 2019 წელს სამშენებლო ობიექტებზე 13 მუშა გარდაიცვალა. ერთ-ერთი დაღუპული – 16 წლის მოზარდი იყო. ბოლო საკანონმდებლო ცვლილება „შრომის უსაფრთხოების შესახებ“ …

Continue reading “შეაჩერებს თუ არა კანონის შეცვლა მუშების დაღუპვის სერიას [ვიდეო]”

შრომის უსაფრთხოების ნორმების დაცვა 5-7%-ით გააძვირებს მშენებლობას – მშენებელი

„უსაფრთხოების ნორმების დაცვა დაახლოებით 5-7 პროცენტით გააძვირებს პროექტს… გააჩნია. ზოგიერთ შემთხვევაში, 10 პროცენტამდეც გაიზრდება,“ – ამბობს ამირან ბერიძე. ის სამშენებლო კომპანია „გუმბათი ჯგუფის“ დირექტორია. მას ვესაუბრეთ ხარჯებზე, რომლის გაღებაც სამშენებლო კომპანიებს უწევთ მას შემდეგ, რაც კანონი შეიცვალა და შრომის უსაფრთხოების რეგულირება გამკაცრდა. მიმდინარე წლის პირველი სექტემბრიდან შრომის ინსპექციას ნებისმიერ სამშენებლო ობიექტზე შეუძლია შესვლა და იქ …

Continue reading “შრომის უსაფრთხოების ნორმების დაცვა 5-7%-ით გააძვირებს მშენებლობას – მშენებელი”

სასამართლომ დაადგინა, რომ ბათუმის მერია მუსლიმ თემს დისკრიმინაციულად მოეპყრო

მოსამართლე ჯუმბერ ბეჟანიძემ უკანონოდ და დისკრიმინაციულად მიიჩნია ბათუმის მერიის მიერ გამოცემული სამართლებრივი აქტი, რომლითაც მუსლიმ თემს ბათუმში ახალი მეჩეთის აშენებაზე უარი უთხრეს. მუსლიმი თემის სარჩელის განხილვა „ბათუმში ახალი მეჩეთის აშენების საქმეზე“ დღეს, 30 სექტემბერს, დასრულდა. სასამართლომ სარჩელის მესამე მოთხოვნა არ დააკმაყოფილა, რაც გულისხმობდა მერიისთვის ნებართვის გაცემის დავალდებულებას. “ეს მუნიციპალიტეტის დისკრეციული უფლებამოსილებაა,” – აღნიშნა მოსამართლემ. მოსამართლემ …

Continue reading “სასამართლომ დაადგინა, რომ ბათუმის მერია მუსლიმ თემს დისკრიმინაციულად მოეპყრო”

მტვერი ქალაქში „ლუჟკოვის სახლის“ დემონტაჟის გამო

ბათუმში, ხიმშიაშვილის ქუჩაზე, ე.წ. „ლუჟკოვის სახლის“ დემონტაჟის გამო მტვრის ბუღი დგას. ბათუმის ბულვართან ახლოს მდებარე ამ სახლის დემოტაჟი კომპანიამ „ალიანს სიტი“ ივნისში დაიწყო. ქალაქის მერიამ „ლუჟკოვის სახლის“ დანგრევაზე ნებართვა იმ დროს გასცა, როცა კომპანიას მასთან ახალი პროექტი შეთანხმებული არ ჰქონდა, თუმცა დამტკიცებული იყო გენგეგმა, რომელიც სამომავლოდ გარკვეული პარამეტრების მშენებლობას უშვებს. ამ პარამეტრების მიხედვით, კომპანია „ლუჟკოვის …

Continue reading “მტვერი ქალაქში „ლუჟკოვის სახლის“ დემონტაჟის გამო”

„ხის სახლიაო და არ დამირეგისტრირეს“ – მოქალაქე ბათუმის საკუთრების კომისიას სასამართლოში უჩივის

ჩაქვში მცხოვრები სულხან დუმბაძე ბათუმის მიწის საკუთრების კომისიას სასამართლოში უჩივის. დავის საგანი მიწის საკუთრებად აღიარებაა, რაზეც კომისიამ უარი იმ მოტივით თქვა, რომ მიწაზე ხის სახლი დგას. მოქალაქის ინტერესებს სასამართლოში „საერთაშორისო გამჭვირვალობა საქართველო“ იცავს. „ხის სახლიაო და არ დამირეგისტრირეს… ჩვენი ოჯახი 90-იანი წლებიდან ჩაქვში ვართ. სახლი, რომელიც ჩვენი საკუთრებაა და სადაც ახლა ვცხოვრობთ, ძალიან პატარაა, ძმაც …

Continue reading “„ხის სახლიაო და არ დამირეგისტრირეს“ – მოქალაქე ბათუმის საკუთრების კომისიას სასამართლოში უჩივის”

ორი საათიდან ბათუმის ბულვარში ფრანებს გაუშვებენ

ფრანების ფესტივალი ბათუმში დღეს, 29 სექტემბერს გაიმართება. ფრანებს დღის ორი საათიდან გაუშვებენ. ფესტივალი ცენტრალური პარკის პირდაპირ, ზღვის სანაპიროზე გაიმართება. ფესტივალზე სტუმრებს შეეძლებათ თავადაც გაუშვან თავიანთი ფრანები. ფესტივალი გუშინ, 28 სექტემბრისთვის იყო დაგეგმილი, მაგრამ იგი ძლიერი წვიმის გამო გადაიდო. ფესტივალი ტარდება ბათუმის მერიის მხარდაჭერით „შენი იდეა ბათუმს • Idea Batumi“ პროექტის ფარგლებში. ორგანიზატორები: ბათუმის სპორტული ცენტრი და კლუბი Kitedreams …

Continue reading “ორი საათიდან ბათუმის ბულვარში ფრანებს გაუშვებენ”

„მერე გვეტყვიან რიჟვაძეს მოსთხოვეთ პასუხიო“ – საპროტესტო აქცია „ოცნების ქალაქში“

„ოცნების ქალაქში“ საპროტესტო აქციაა. შეკრებილები საცხოვრებელი სახლების მშენებლობის დროულად დაწყებას ითხოვენ. „იმ ადგილას შევიკრიბეთ, სადაც მთავრობამ ტერიტორია მოასწორა. არ გვინდა, მოტყუებული დავრჩეთ. დღეს აქ მშენებლობის ლენტი უნდა გაჭრილიყო. მერე მთავრობაც შეიცვლება და გვეტყვიან, რიჟვაძეს მოსთხოვეთ პასუხიო,“ – გვითხრა აქციაზე მყოფმა ცისანა აფხაიძემ. მისივე თქმით, ისინი პერმანენტულ აქციებს გამართავენ, თუკი მთავრობა დაპირებული სახლების მშენებლობას არ დაიწყებს. …

Continue reading “„მერე გვეტყვიან რიჟვაძეს მოსთხოვეთ პასუხიო“ – საპროტესტო აქცია „ოცნების ქალაქში“”

პოლიციამ სამი ველოსიპედის ქურდობისთვის ერთი პირი დააკავა

პოლიციამ სამი ველოსიპედის ქურდობის ბრალდებით 1976 წელს დაბადებული რ.მ ბათუმში დააკავა. შინაგან საქმეთა სამინისტროს ინფორმაციით, სამართალდამცველებმა ორი ნაქურდალი ველოსიპედი ნივთმკიცების სახით ამოიღეს. ველოსიპედები აგვისტოსა და სექტემბერში მოიპარეს. გამოძიება სისხლის სამართლის კოდექსის 177-ე მუხლის მეორე ნაწილის მიხედვით მიმდინარეობს, რაც სასჯელის სახით თავისუფლების აღკვეთას ითვალისწინებს 4-დან 7 წლამდე.