ბათუმელები
12 ივნისს, დღის სამ საათზე, ბათუმის ხელოვნების უნივერსიტეტის ჰოლში უჩვეულო დეფილეა დაგეგმილი. უნივერსიტეტის სამოსის დიზაინის სპეციალობის მეორე კურსის სტუდენტები ანტიკური ეპოქის სამოსს წარმოადგენენ, რომლის ისტორიის შესწავლასა და შექმნაზე იენის უნივერსიტეტის პროფესორის ანნეგრეტ პლონტკე-ლუნინგის ხელმძღვანელობით ბოლო თვეების მანძილზე მუშაობდნენ.
დღეს 9 ივნისს სასტუმრო „რედისონში“ მე-11 საერთაშორისო ფორუმი გაიხსნა. კონფერენცია ყოველწლიურია და მსოფლიოს სხვადასხვა ქვეყანაში ტარდება.
14 ივნისს, 18:00 საათზე, ბათუმის თიბისი გალერეაში (ზუბალაშვილის #37) გაიმართება შეხვედრა პრემია “საბას” ლაურეატ, მწერალ გურამ დოჩანაშვილთან.
გაზეთ „ბათუმელებში“ გამოქვეყნებულ სტატიას: „როდის გაიხსნება „სემირამიდას ბაღები“ – ტოვებს თუ არა აზერბაიჯანელი ინვესტორი ბათუმს“, სასტუმროს მშენებლობის დამკვეთი შპს „გლორიას“ ფინანსური მენეჯერი ლიკა სვანიძე გამოეხმაურა, რომელიც აცხადებს, რომ „აზერბაიჯანელი ინვესტორი არ ტოვებს არც ბათუმს და არც საქართველოს“. ფინანსური მენეჯერის წერილს „ბათუმელები” უცვლელად გთავაზობთ.
შუახევის მუნიციპალიტეტის სოფელ მახალაკიძეებში მცხოვრები მოქალაქე გენადი მახარაძე „ბათუმელებთან“ საუბარში აცხადებს, რომ „შუახევიჰესის“ მშენებლობის გამო სოფლის გზაზე მოძრავმა მძიმეწონიანმა მანქანებმა, გზის დაზიანება გამოიწვია. „კომპანიის წარმომადგენლებმა გზის გაწმენდა რომ დაიწყეს, მიწის მასა აიღეს და ჩემს ბოსტანში გადმოყარეს. ასი მეტრის მანძილზე მთლიანად გამინადგურეს სავარგულები“- ამბობს გენადი მახარაძე. მან კომპენსაციის მოთხოვნით მიზნით მშენებელ კომპანიას მიმართა, თუმცა კომპანიის წარმომადგენლები ვითარების შესასწავლად ადგილზე არ მისულან.
ციტრუსის გარდა, „ალდაგი“ წელს აჭარაში პირველად კივს, სუბტროპიკულ ხურმასა და ფეიხოასაც დააზღვევს. ფერმერები დაზღვევას სახელმწიფოს თანადაფინანსებით მიიღებენ. ამის შესახებ „ალდაგი“ საინფორმაციო კამპანიას საქართველოს მასშტაბით ახორციელებს, რის ფარგლებშიც გასულ კვირას კომპანიის წარმომადგენლები ბათუმში ფერმერებს შეხვდნენ და აგროდაზღვევის განახლებული პროგრამის შესახებ ინფორმაცია მიაწოდეს.
ხელოვნებათმცოდნეები მას მოედნის მთავარ შენობას უწოდებდნენ, იგი ერთადერთი იყო ბათუმში, რომელსაც ეროვნული მნიშვნელობის კულტურული მემკვიდრეობის ძეგლის სტატუსი ჰქონდა, თუმცა იგი გაყიდეს, დაანგრიეს და მისგან ახლა მხოლოდ ფასადი დარჩა, რომლის უკან მრავალსართულიანი კომპლექსი შენდება. მე-20 საუკუნის დასაწყისში აგებული ბათუმის ფოსტის შენობის ფასადი ახლა ხარაჩოებშია. 10 ქართველი რესტავრატორი ცდილობს ისტორიული შენობისგან დარჩენილ ერთადერთ კედელს ძველი იერსახე და სიცოცხლე დაუბრუნოს.
’’დემოკრატიის ინსტიტუტი’’ შუახევისა და ხულოს მუნიციპალიტეტებში, საოჯახო ბიზნესის მხარდაჭერის პროგრამის ფარგლებში, ტრენინგების ჩატარებას იწყებს, რომლის მიზანიც დაინტერესებული ოჯახებისთვის მცირე ბიზნესის წამოწყების სწავლება კერძოდ, იდეების დამუშავება, ბიზნეს-გეგმის მომზადება და დაფინანსების მოძიება იქნება.
10 ივნისს ბათუმში ახალი უნივერსიტეტი ”ბაუ ინთერნეიშენალ უნივერსითი, ბათუმი” გაიხსნება, რომელიც მომავალ მედიკოსებს “ბათუმის საერთაშორისო საუნივერსიტეტო ჰოსპიტალთან ერთად” მოამზადებს. ”ბაუ ინთერნეიშენალ უნივერსითი, ბათუმის” მედიცინის ფაკულტეტის დეკანის, პროფესორ ლეილა ახვლედიანის თქმით, უნივერსიტეტი და ჰოსპიტალი ერთ შენობაშია განთავსებული, რაც სტუდენტებს საშუალებას მისცემს, პირველივე კურსიდან ჩაერთონ კლინიკურ პრაქტიკაში.
„თანამედროვე ხელოვნების სივრცე“ და „გოეთეს ინსტიტუტი საქართველოში“ 19 ივნისს ბათუმში პერფორმანსს – „მე ვარ მედეა“ წარმოადგენს.
არტისტები ნადია წულუკიძე და იოხენ შტეხმანი საკუთარ ინტეპრეტაციაზე დაყრდნობით, მედეას, იკვლევენ „მე“–ს, როგორც ტკივილისა და გაუცხოების, ოჯახის, საზოგადოებისა და საკუთარი თავისაგან ტოტალური გარიყულობის შედეგს.
7-9 მაისს საქართველოს პრევენციის ეროვნულმა მექანიზმმა სასჯელაღსრულების N3 დაწესებულებაში განმეორებითი ვიზიტი განახორციელა. მონიტორინგმა პატიმრების უფლებრივ მდგომარეობასთან დაკავშირებით პრობლემები გამოკვეთა; მათი ინფორმაციით, ფაქტობრივად არ შესრულებულა პრევენციის ეროვნული მექანიზმის მიერ 2014 წლის 23-24 ოქტომბერს განხორციელებული მონიტორინგის შედეგად შემუშავებული და გაცემული რეკომენდაციების უმრავლესობა. უწყების ცნობით, დაწესებულებაში მწვავედ დგას არასათანადო მოპყრობის პრევენციის საკითხი.
პრევენციის ეროვნული მექანიზმის ანგარიშს სასჯელაღსრულებისა და პრობაციის სამინისტრო ეხმაურება. “ბათუმელებისთვის” გამოგზავნილ განცხადების ტექსტს რედაქცია უცვლელად გთავაზობთ:
7-9 მაისს საქართველოს პრევენციის ეროვნულმა მექანიზმმა სასჯელაღსრულების N3 დაწესებულებაში განმეორებითი ვიზიტი განახორციელა. მონიტორინგმა პატიმრების უფლებრივ მდგომარეობასთან დაკავშირებით მნიშვნელოვანი პრობლემები გამოკვეთა; ფაქტობრივად არ შესრულებულა პრევენციის ეროვნული მექანიზმის მიერ 2014 წლის 23-24 ოქტომბერს განხორციელებული მონიტორინგის შედეგად შემუშავებული და გაცემული რეკომენდაციების უმრავლესობა.
ბათუმის სამშობიარო სახლში ცხრა თვის ფეხმძიმე ქალს ნაყოფი დაეღუპა. ქალის ოჯახის წევრები ექიმის ბრალეულობაზე საუბრობენ, სამშობიარო სახლის დირექცია კი ბრალდებებს უარყოფს.
23-25 მაისს ბათუმის სპორტულ-ახალგაზრდულ ცენტრში ფიგურულ ციგურაობაში საქართველოს ჩემპიონატი ჩატარდა. ჩემპიონები ხუთ ასაკობრივ კატეგორიაში (ნოვისებში, ნოვისების ა კატეგორიაში, 2004-2006; 2006-2007, 2007-2008 წლებში) გამოვლინდნენ. მასში მონაწილეობდნენ მოციგურავეები ბათუმიდან, თბილისიდან, ქუთაისიდან, ზუგდიდიდან.
8 ივნისს ორგანიზაცია ბორჯღალმა კონკურს „გააცოცხლე წარსული მომავლისათვის“ გამარჯვებულები დააჯილდოვა. სოფელ გოგიაშვილების მე-11 კლასის მოსწავლე თამთა ცინცაძე, სოფელ დიოკნისის საჯარო სკოლის მე-12 კლასის მოსწავლე საბა ძირკვაძე და კოლოტაურის საჯარო სკოლის მე-9 კლასის მოსწავლე მაკა გოგუაძე კონკურსის გამარჯვებულები გახდნენ.
ქედელი ფერმერებისთვის მარწყვი შემოსავლის ერთ-ერთ წყაროდ წლების განმავლობაში ითვლებოდა. ბოლო ორი წელია მისი წარმოება შემცირდა, მიუხედავად იმისა, რომ ბათუმის ბაზარში ქედაში მოყვანილი მარწვი ყველაზე მოთხოვნადია. ეს კენკროვანი მცენარე ქედაში ძირითადად მუნიციპალიტეტის მაღალი ზონის სოფლებში მოჰყავთ. სახელმწიფო მარწყვის კულტურის წარმოებას ხელს უწყობს, თუმცა არა ქედაში, არამედ აჭარის სხვა მუნიციპალიტეტებში.
ლიფტი, რომელშიც ოთხი ბავშვი იმყოფებოდა, მეშვიდე სართულიდან დაეშვა და პირველ სართულზე დაენარცხა. ლიფტში მყოფი ოთხივე მოზარდი სკოლის მოსწავლე იყო. ოთხივე გადარჩა. ეს შემთხვევა 2014 წლის 7 ოქტომბერს ბათუმში, ტაბიძის ქუჩის 31-ში, ცხრასართულიანი კორპუსის მე-2 სადარბაზოში მოხდა. ლიფტი, რომელიც იმ ღამით ჩაწყდა, მინიმუმ ორი ათეული წლის იყო.
ბათუმის მერიამ სამთო ახალგაზრდული ბანაკების ორგანიზების შესყიდვაზე ტენდერი გამოაცხადა. ტენდერში გამარჯვებულმა უნდა უზრუნველყოს სამი ბანაკის ორგანიზება – მასთან დაკავშირებული ყველა სერვისით [ტრანსპორტირება, ბანაკების მოწყობა, კვება, ყოველდღიური ლაშქრობების სპორტული შეჯიბრებებისა და ინტელექტულურ- შემოქმედებითი საღამოების ორგანიზება და სხვა]. აღნიშნული ღონისძიებისთვის მერიას 38 ათასი ლარი აქვს გათვალისწინებული. პროგრამაში მონაწილე ახალგაზრდები კი მერიის სპეციალურმა კომისიამ უნდა შეარჩიოს.
საქართველოს შინაგან საქმეთა სამინისტროს (შსს) თანამშრომლებმა სახელმწიფო საზღვრის უკანონოდ გადაკვეთის ბრალდებით 1988 წელს დაბადებული, სომხეთის რესპუბლიკის მოქალაქე ალიკ ბ. დააკავეს.
საავტომობილო გზების დეპარტამენტის ინფორმაციით, ამ დროისთვის ქედის მუნიციპალიტეტის ცხმორისი-გეგელიძეების და შუახევის მუნიციპალიტეტის შუახევი-უჩამბას საავტომობილო გზაზე, ასფალტბეტონიანი საფარი დაიგება. ჩასატარებელი სამუშაოების ღირებულება ქედის გზის მონაკვეთზე 868 730 ლარია, შუახევი-უჩამბას გზის დაგებაზე კი 940 450 ლარი დაიხარჯება.
თურქეთში მცხოვრებ ეთნოსებს შორის ქართველები ერთ-ერთი დიდი ჯგუფია. ნაწილი ისტორიულ ტაო-კლარჯეთის ტერიტორიაზე ცხოვრობს, ნაწილი კი მუჰაჯირობის შედეგად არის გადასახლებული, რომლებიც მთელი თურქეთის ტერიტორიაზე არიან გაბნეულები. ქართველები არიან ტრაბზონში, ბურსაში, ანკარაში, იზმირსა თუ სტამბოლში.
დღეს, კინტრიშის ნაკრძალში, ხეობის პოპულარიზაციის მიზნით ინფო ტური მოეწყო, რომელიც ”ტურიზმის კვირეულის 2015“ – ის ფარგლებში დაიგეგმა.
აჭარის ავტონომიური რესპუბლიკის ჯანმრთელობისა და სოციალური დაცვის სამინიტროს – „სოფლის ექიმამდელი სამედიცინო დახმარების“ პროგრამის ფარგლებში, დღეს თემის სამედიცინო პუნქტების მედდებს გლუკომეტრის აპარატები და ტესტ-ჩხირები გადაეცემა.
ბათუმის საქალაქო სასამართლოში გრძელდება პატიმრების წამებასა და არაადამიანურ მოპყრობაში ბრალდებულების – გიორგი ვეკუასა და ზაზა ჯიქიას საქმის განხილვა. გიორგი ვეკუა ბათუმის მესამე საპყრობილის დირექტორი იყო, ზაზა ჯიქია კი – მისი მოადგილე. ბოლო სასამართლო პროცესზე ერთი დაზარალებული მოსამართლემ 400 ლარით დააჯარიმა. დაზარალებულები მოსამართლეს ბრალდებულების დაპატიმრებას სთხოვენ. საქმეს ბათუმის სასამართლო უკვე ორი წელია განიხილავს.
აჭარის სამინისტროებსა და უწყებებს შორის სპორტული შეჯიბრის ორგანიზებაში ბათუმის მერია 3 500 ლარს გადაიხდის. შესაბამისი ელექტრონული ტენდერი მერიამ უკვე გამოაცხადა. სამინისტროებსა და უწყებებს შორის ტურნირი მინი-ფეხბურთში (24 თამაში) ქ. ბათუმის სპორტულ-ახალგაზრდულ ცენტრში ჩატარდება.
საქართველოს ბიზნესომბუდსმენის შესახებ საქართველოს კანონი მესამე დღეა ამოქმედდა. კანონი განსაზღვრავს საქართველოს ბიზნესომბუდსმენის უფლებამოსილებას, საქმიანობის ძირითად პრინციპებსა და ფორმებს, ხოლო კანონის მიზანია საქართველოს ტერიტორიაზე პირის მიერ სამეწარმეო საქმიანობის განხორციელებასთან დაკავშირებული უფლებებისა და კანონიერი ინტერესების დაცვის ხელშეწყობა.
შემოსავლების სამსახურის ინფორმაციით, 7 ივნისის 19 საათისთვის მოქალაქეებს დაუბეგრავი მინიმუმის სახით მთლიანობაში უკან დაუბრუნდათ 90 მილიონ 380 ათას 872 ლარი. თანხა დაუბრუნდა 317 714 მოქალაქეს.
ბათუმის მერიას აჭარის ფინანსთა და ეკონომიკის სამინისტრომ ბათუმში, ზვიად გამსახურდიას ქუჩაზე, ახალაშენებულ კორპუსში ცხრა ბინა გადასცა. ამავე სახლში ორი ბინა სამინისტროს ანუ აჭარის საკუთრებაშია. გარემონტებული ბინები (საერთო ფართობი – 426,42 კვ/მ) ხელისუფლებას კომპანია „კინოს უბანმა“ ადრე ნაკისრი ვალდებულებების სანაცვლოდ ჩააბარა.
პრემიერ-მინისტრმა ირაკლი ღარიბაშვილმა დღეს, ბათუმში, 5-ვარსკვლავიანი სასტუმრო “ლეო გრანდი” გახსნა. მაღალი კლასის სასტუმრო კომპლექსში 35 მლნ დოლარის ინვესტიცია განხორციელდა.
ტურიზმის დეპარტამენტში აცხადებენ, რომ ბათუმში 2015 წლის საკურორტო სეზონისათვის მზადება დასასრულს მიუახლოვდა; ტურისტების მოზიდვისა და ტურისტული პროდუქტების განვითარებისათვის კი ტურიზმის დეპარტამენტმა მაისის თვეში რამდენიმე ღონისძიება განახორციელა.
პრემიერ-მიმისტრმა ირაკლი ღარიბაშვილმა დღეს ბათუმში, “ორბი ჯგუფის” პროექტის “Orbi Beach Tower”-ის მშენებლობას ჩაუყარა საფუძველი. კაჩინსკების ქუჩაზე ახალი სასტუმრო კომპლექსის მშენებლობა, ფაქტობრივად, 2015 წლის მარტში დაიწყო. მშენებლობა 2016 წლის ოქტომბერში უნდა დასრულდეს.
შსს-ს ინფორმაციით, პროსტიტუციისათვის ადგილის გადაცემის ბრალდებით ბათუმში საქართველოს 2 მოქალაქე: სასტუმრო „ანას“ და სასტუმრო „სთარის“ დროებითი მფლობელები დააკავეს, ხოლო ამავე დანაშაულში ამხილეს და პასუხისგებაში მისცეს 5 პირი, მათ შორის ორი თურქეთის მოქალაქეა.
„აჭარ ენერჯი-2007“-ს, რომელიც აჭარაში, მდინარე ჭოროხზე ჰიდროელექტროსადგურებს აშენებს, საქართველოს ეკონომიკისა და მდგრადი განვითარების მინისტრმა „აუცილებელი საზოგადოებრივი საჭიროებისათვის“ კერძო საკუთრებაზე ექსპროპრიაციის უფლება მიანიჭა. ექსპროპრიაციას დაექვემდებარა ხელვაჩაურის მუნიციპალიტეტის ტერიტორიაზე ოთხი მქალაქის საკუთრებაში არსებული უძრავი ქონება – მიწის ნაკვეთები, ჯამში 9750 კვ/მეტრი.
„ახალგაზრდა იურისტთა ასოციაცის“ ოფისის კარებთან ადამიანების გრძელი რიგები განახლდა. რიგების მიზეზი საქართველოს პარლამენტის კანონია, რომლის მიხედვით, საბჭოთა რეჟიმის მიერ რეპრესირებული მოქალაქეები გაზრდილ კომპენსაციას მიიღებენ. კომპენსაციის მინიმალური ოდენობა 1000, მაქსიმალური კი – 2000 ლარი.
მე-12 კლასელების გამოსაშვები გამოცდები ბათუმში სულ 41 მოსწავლისთვის დასრულდა დრამატულად – ზოგიერთმა გამოცდა ვერც ერთ საგანში ვერ ჩააბარა, ზოგიერთმაც მხოლოდ ერთში ან ორში. თუმცა ამ ახალგაზრდებისთვის განათლების შესაძლებლობა აქ არ სრულდება – მათ შეუძლიათ მომავალ წელსაც ჩააბარონ გამოსაშვები გამოცდები. მეტიც, შეუძლიათ გაისად ისწავლონ მე-12 კლასშიც, მაგრამ მათ ოჯახებს ამ შემთხვევაში ცუდი „სიურპრიზი“ ელით – შვილების სასკოლო განათლება თავადვე უნდა დააფინანსონ, განთალების სამინისტრო მათზე ვაუჩერს აღარ გასცემს.
ცნობილი ქართველი პიანისტის, ელისო ბოლქვაძის მიერ დაარსებული ბათუმის მუსიკალური ფესტივალი BATUMI MUSICFEST, დღეს 6 ივნისს ევროპის ფესტივალების ასოციაციის (EFA) სრულუფლებიან წევრად მიიღეს.
