Batumelebi | შუახევსა და ხულოში, საოჯახო ბიზნესის მხარდაჭერის პროგრამის ფარგლებში ტრენინგები ჩატარდება შუახევსა და ხულოში, საოჯახო ბიზნესის მხარდაჭერის პროგრამის ფარგლებში ტრენინგები ჩატარდება – Batumelebi
RU | GE  

შუახევსა და ხულოში, საოჯახო ბიზნესის მხარდაჭერის პროგრამის ფარგლებში ტრენინგები ჩატარდება

’’დემოკრატიის ინსტიტუტი’’ შუახევისა და ხულოს მუნიციპალიტეტებში, საოჯახო ბიზნესის მხარდაჭერის პროგრამის ფარგლებში, ტრენინგების ჩატარებას იწყებს, რომლის მიზანიც დაინტერესებული ოჯახებისთვის მცირე ბიზნესის წამოწყების სწავლება კერძოდ, იდეების დამუშავება, ბიზნეს-გეგმის მომზადება და დაფინანსების მოძიება იქნება. 

 

ტრენინგები შუახევისა და ხულოს მუნიციპალიტეტების ათი სოფლის მცხოვრებლებს ჩაუტარდებათ: დიდაჭარა, დაიკონიძეები, ღურტა, იაკობაძეები, ვაშლოვანი, წაბლანა, წაბლიანი, ახალდაბა, ჩანჩხალო, მახალაკიძეები.

 

ტრენინგების დასრულებისთანავე ამავე სოფლებში მცხოვრები ოჯახებისთვის საგრანტო კონკურსი გამოცხადდება. პირველ ეტაპზე კონკურსის გზით არჩეული 20-მდე პროექტი დაფინანსდება (საშუალოდ ერთ სოფელში 2 პროექტი).

 

ერთი პროექტის (გრანტის) ღირებულება 1000-დან – 22.000 ლარამდე იქნება. დაფინანსე-ბის ოდენობა დამოკიდებულია პროექტში ჩართული ოჯახების რაოდენობაზე, პროექტის მასშტაბზე და დაგეგმილ შედეგებზე.

 

საოჯახო ბიზნეს-პროექტებს განიხილავს და დაფინანსების შესახებ გადაწყვეტილებას მიიღებს მმართველი საბჭო, რომლის შემადგენლობაშიც შედიან ’’დემოკრატიის ინსტიტუტისა’’ და შპს ’’აჭარისწყალი ჯორჯია’’-ს წარმომადგენლები.

ტრენინგები შუახევსა და ხულოს მუნიციპალიტეტებში, 9 ივნისს დაიწყება და 23 ივნისამდე გაგრძელდება.

პროექტი ხორციელდება შპს ’’აჭარისწყალი ჯორჯია’’-ს მხარდაჭერით.

 

ნეტგაზეთის მასალების სხვა გამოცემებში გადაბეჭდვის წესი
" ბათუმელები"