Author Archives: ბათუმელები

დღეს,  11 ივნისს,  ხელვაჩაურის მუნიციპალიტეტის სოფელ სალიბაურის N2 საჯარო სკოლაში  სასწრაფო სამედიცინო დახმარების ბრიგადა დაახლოებით 10:00 საათზე გამოიძახეს. ადგილზე მისულ ექიმებს სკოლის  ექვსი მოსწავლე  შეუძლოდ დახვდათ.

ბათუმის მერიის საფინანსო-საბიუჯეტო სამსახურის უფროსის მოადგილეს არჩილ ვანაძესა და ხულოს მუნიციპალიტეტის გამგებლის მოადგილეს ლაშა ბოლქვაძეს სასამართლომ აღკვეთი ღონისძიების სახით გირაო 2000-2000 ლარი შეუფარდა, მათ ფინანსური პოლიცია სამსახურებრივი გულგრილობისა და დაკისრებული მოვალეობის არაჯეროვნად შესრულებას, სისხლის სამართლის 132-ე მუხლის პირველი ნაწილით ედავება, რაც სამ წლამდე პატიმრობას გულისხმობს.

10 ივნისს ბათუმში, „ერთიანი ნაციონალური მოძრაობის“ ოფისში მისულ პარტიის წევრებს ოფისზე წარწერები: „ნაცმოძრაობა დამთავრდა“, „ოდესაში მკვლელი იმალება“ და მიხელ სააკაშვილის ფოტოები წარწერით: „საქართველოს სირცხვილი“  დახვდათ. ენმ-მა პოლიციას მიმართა და ის კადრებიც აჩვენა სამართალდამცავებს, რომლებიც პარტიის ოფისზე დამაგრებულმა ვიდეოთვალმა დააფიქსირა.  

10 ივნისს ქედის მუნიციპალიტეტში ისტორიული და ღირშესანიშნავი ტერიტორიების გაცნობის მიზნით საჯარო სკოლის მოსწავლეებისთვის ლაშქრობა და საინფორმაციო ტური გაიმართა. 

ქედის მუნიციპალიტეტის გამგეობამ  გამგეობასა და ადმინისტრაციულ ერთეულებში ვაკანტური თანამდებობების დასაკავებლად კონკურსი გამოაცხადა.

აჭარის განათლების სამინისტროს „სასკოლო კლუბების ხელშეწყობის“ ქვეპროგრამის კონკურსის შედეგები უკვე ცნობილია. 103 პროექტიდან 14 გამარჯვებული გამოვლინდა. სასკოლო კლუბების ხელშეწყობის ფარგლებში დაფინანსებას ბათუმში სამი სკოლა მიიღებს: #1, #23 და #20 საჯარო სკოლები. ხელვაჩაურში დაფინანსდებიან განთიადის, მახოსა და სოფელ ხელვაჩაურის საჯარო სკოლები; ქედაში – ძენწმანის, გეგელიძეებისა და ჯალაბაშვილების საჯარო სკოლები, შუახევში – სოფელ პაპოშვილების საჯარო სკოლა; ხულოში – დაბა ხულოსა და სოფელ ბოძაურის საჯარო სკოლები, ქობულეთში კი ქობულეთის #3 და ციხისძირის საჯარო სკოლა.  

დღეს, 10 ივნისს, საქართველოს საკონსტიტუციო სასამართლოს პლენუმი გიგი უგულავას წარმომადგენლების დასაბუთებას უსმენს, თუ რატომ მიაჩნია  თბილისის ყოფილ  მერს, რომ სისხლის სამართლის კოდექსით გათვალისწინებული აღკვეთი ღონისძიების გამოყენების ფორმა პატიმრობაში მყოფი პირისთვის არაკონსტიტუციურია. 

აჭარის ჯანდაცვის სამინისტრომ პროგრამის –  „შეზღუდული შესაძლებლობების სტატუსის მქონე პირთა და ხანდაზმულთა უზრუნველყოფა დამხმარე საშუალებებით“ – ფარგლებში 120 შშმ პირსა და ხანდაზმულს გადასცა სავარძელ-ეტლი. აღნიშნული პროგრამა 2015 წლის იანვარში ამოქმედდა და წლის განმავლობაში სავარძელ-ეტლს 200 ბენეფიციარი მიიღებს. უკვე მეორე წელია პროგრამა სოციალური ვაუჩერის მეშვეობით ხორციელდება, რაც ბენეფიციარს მისთვის სასურველი ეტლის არჩევის საშუალებას აძლევს. პროგრამის ბიუჯეტი  60 000 ლარია, ხოლო ერთი ერთეული სავარძელ-ეტლის შესაძენად გათვალისწინებულია 300 ლარი.

ქედის მუნიციპალიტეტის საკრებულოს რიგითი დეპუტატები სადეპუტატო უფლებამოსილების შესრულებისთვის ანაზღაურების გაზრდას ითხოვენ. დეპუტატებმა ხელფასების გაზრდასთან დაკავშირებით საკრებულოში ინიცირება შეიტანეს, თუმცა მაისში შეტანილი საკითხი საკრებულოს ჯერ არ განუხილავს. დეპუტატის ანაზღაურება ქედის საკრებულოში 550 ლარია.

შუახევის მუნიციპალიტეტის გამგეობაში სოციალური სამსახურის მთავარი სპეციალისტის პოზიცია კვლავ ვაკანტური რჩება. კონკურსის მეორე ეტაპზე, რომელიც  ტესტირებას ითვალისწინებდა, აღნიშნული პოზიციის დასაკავებლად 36-ქულიანი ბარიერი ვერც ერთმა კონკურსანტმა ვერ გადალახა, მათ შორის ვერც ამ პოზიციაზე დასაქმებულმა მოვალეობის შემსრულებელმა. 

9 ივნისს ბათუმში ხელი მოეწერა საიჯარო ხელშეკრულებას, რომლის თანახმადაც აჭარის მთავრობამ ანბანის კოშკი სიმბოლურ ფასად – 1 ლარად, 20 წლით გადასცა  ესპანურ კომპანიას. რა ფუნქცია ექნება ანბანის კოშკს? მთავრობის თავმჯდომარის, არჩილ ხაბაძის განმარტებით, ანბანის კოშკში ძირითადად გასართობი ობიექტები განთავსდება.  

ბათუმის მე-3 საპყრობილეში ორმა პატიმარმა ფრჩხილის საკვნეტი გადაყლაპა. პატიმრები ამბობენ, რომ ამ ფორმით სამედიცინო პერსონალის ყურადღების მიქცევას ითხოვენ: “ჩვენს მიმართა გამოხატავენ აგრესიას და ზიზღს, იძულებულები ვართ ასე მოვიქცეთ, ჩვენი სიცოცხლე დასრულდება სავალალოდ, რაზეც მთელ პასუხისმგებლობას ვაკისრებთ  მე-3 დაწესებულების ხელმძღვანელობას, როგორც სამედიცინო პერსანოლს, ასევე ადმინისტრაციას” – წერია “ბათუმელებისთვის” გამოგზავნილ წერილში, რომელიც რედაქციამ დღეს, 9 ივნისს მიიღო. წერილს ხელს ორი პატიმარი, კ.მ და გ.მ აწერს. 

დღეს, 9 ივნისს, „ბათუმელებში“ გამოქვეყნებულ ინფორმაციას – „დაზიანებული ნარგავების გამო მოქალაქე კომპენსაციას ითხოვს“, კომპანია „აგე ბათუმი“ გამოეხმაურა. განცხადების ტექსტს „ბათუმელები“ უცვლელად გთავაზობთ. 

ანბანის კოშკი  9 ივნისს ესპანურ კომპანია boost spain L.S-ს 20-წლიანი იჯარით გადაეცა. ამის შესახებ აჭარის მთავრობის თავმჯდომარემ, არჩილ ხაბაძემ განაცხადა ჟურნალისტებთან. აჭარის მთავრობის პრესსამსახურის ცნობით ხელშეკრულებას ხელი იუსტიციის სახლში მოეწერა. 

აჭარის ტურიზმისა და კურორტების დეპარტამენტი ევროპის სოფლად ტურიზმის ფედერაციის (Eurogîtes) გენერალურ ასამბლეაზე ფედერაციის ასოცირებულ წევრად მიიღეს. ინფორმაციას ამის შესახებ აჭარის ტურიზმისა და კურორტების დეპარტამენტი ავრცელებს. ასამბლეა 4 ივნისს კვიპროსში გაიმართა.