Batumelebi | „მე ვარ მედეა“ – პერფორმანსი ბათუმში „მე ვარ მედეა“ – პერფორმანსი ბათუმში – Batumelebi
RU | GE  

„მე ვარ მედეა“ – პერფორმანსი ბათუმში

 

„თანამედროვე ხელოვნების სივრცე“ და „გოეთეს ინსტიტუტი საქართველოში“  19 ივნისს ბათუმში პერფორმანსს – „მე ვარ მედეა“ წარმოადგენს.

არტისტები ნადია წულუკიძე და იოხენ შტეხმანი საკუთარ ინტეპრეტაციაზე დაყრდნობით, მედეას,  იკვლევენ „მე“–ს, როგორც ტკივილისა და გაუცხოების, ოჯახის, საზოგადოებისა და საკუთარი თავისაგან ტოტალური გარიყულობის შედეგს. 

 

არტისტები მუშაობის კრეატიულ პროცესს წარმოუდგენენ საზოგადოებას და მისცემენ დისკუსიაში ჩართვის საშუალებას.

იოხენ შტეხმანი – თანამედროვე ცეკვის ქორეოგრაფი და მათემატიკოსია ბერლინიდან, ნადია წულიკიძე კი თბილისსა და ამსტერდამში მოღვაწე არტისტია, რომელიც თავის შემოქმედებაში იყენებს მუსიკას, ცეკვასა და ვიზუალურ ხელოვნებას.

 

ამ ორი არტისტის თანამშრომლობა დაიწყო ამსტერდამში, DasArts თეატრლური სამაგისტრო პროგრამის პერიოდში. არტისტების პოსტ–დრამატული ნამუშევრები ექსპერიმენტულია, თუმცა აღსაქმელად ხელმისაწვდომი.

 

მათი ნამუშევრის ნახვა მსურველს 19 ივნისს, 19 საათზე, ბათუმში, „თანამედროვე ხელოვნების სივრცეში“ შეეძლება.  

 

ნეტგაზეთის მასალების სხვა გამოცემებში გადაბეჭდვის წესი
" ბათუმელები"