Author Archives: ბათუმელები

დღეს, 13 ივნისს, ბათუმში, სასტუმრო შერატონში საზოგადოებრივმა მოძრაობამ „ივერია“ აჭარის საზოგადოებასთან შეხვედრა გამართა. მოძრაობის დამფუძნებელი, საქართველოს კულტურისა და ძეგლთა დაცვის ყოფილი მინისტრი ნიკა რურუაა. მისი თქმით „ივერიის“ წარმომადგენლები მთელ საქართველოში დადიან და ხვდებიან თანამოაზრეებს. ბათუმში ამ ტიპის შეხვედრა პირველად გაიმართა. 

„ბათუმი ჰიტ სეზონი 2015“, – ასე ჰქვია პროგრამას, რომლის განსახორციელებლად ბათუმის საკრებულომ ბიუჯეტიდან სამი მილიონ 400 ათასი ლარი გამოყო. ტურისტული სეზონის გახსნიდან ათი დღით ადრე, სპონტანურად გაჩენილმა თანხამ, როგორც „ბათუმის კულტურის ცენტრში“ ამბობენ, ექსტრემალური ვითარება გააჩინა. „ჰიტ სეზონის“ პროგრამა, რისთვისაც საკრებულომ და მერიამ სოლიდური ბიუჯეტი გამოყეს, საორიენტაციო ხასიათისაა და სეზონის ბოლომდე კორექტირებას ექვემდებარება. რატომ არ დაიგეგმა „ბათუმი ჰიტ სეზონი 2015“ წლის დასაწყისში და როგორ აპირებს „კულტურის ცენტრი“ „ჰიტური სეზონის“ ჩატარებას დამტკიცებული გეგმის გარეშე?

სამ თვეზე მეტია, რაც ბათუმის საკრებულოს ვებგვერდი  განახლების რეჟიმში მუშაობს. პროცესის პარალელურად თითქმის არაფერი შეუცვლიათ, გარდა ერთი გარემოებისა – ვებგვერდზე www.batumicc.ge ჯერ სხდომის ვიდეოჩანაწერების ატვირთვა შეწყვიტეს, შემდეგ კი ვიდეოარქივიც წაშალეს.

17 ივნისიდან ქვეყნის ფარგლებში მოქმედი ანალოგური სატელევიზიო სიგნალები აღარ იარსებებს. მოქალაქეს, რომელიც მაუწყებლობას სახლის ან სახურავის ანტენით იღებს, ციფრულ მაუწყებლობაზე გადასვლის შემდეგ დამატებითი მოწყობილობა „სეტ ტოპ ბოქსი“ დასჭირდება, თუ მისი ტელევიზორი არ არის ადაპტირებული DVB-T2 სტანდარტის სიგნალის მისაღებად. ანალოგურიდან  ციფრულ  მაუწყებლობაზე გადასვლასთან დაკავშირებით საზოგადოებაში დღემდე, სულ უფრო და უფრო მეტი კითხვა ჩნდება ციფრული მაუწყებლობისთვის საჭირო სეტ ტოპ ბოქსების შესახებ.

13-14 ივნისს ბათუმში, ქართული ინტერნაციონალური სამედიცინო და საზოგადოებრივი ჯანდაცვის ორგანიზაცია და “სამედიცინო კორპორაცია ევექსი” საერთაშორისო სამედიცინო კონფერენციას გამართავს, რომელშიც მსოფლოს სხვადასხვა ქვეყნიდან უცხოეთში მოღვაწე 25 ექიმი მიიღებს მონაწილეობას.

დღეს ბათუმის შოთა რუსთაველის სახელმწიფო უნივერსიტეტში სტუდენტური თვითმმართველობის თავმჯდომარის რიგით მეშვიდე  არჩევნები გაიმართა, რომლის შედეგებითაც თვითმმართველობის თავმჯდომარედ ბექა მაკარაძე აირჩიეს.

14 ივნისს, 1 საათზე,  შეზღუდული შესაძლებლობის მქონე პირთა უფლებების დაცვის დღესთან დაკავშირებით, შშმ პირთა მომსახურების საკითხებზე მუნიციპალური ტრანსპორტის მძღოლებს ტრენინგს ჩაუტარებს შპს ,,ბათუმის ავტოტრანსპორტის“ დირექტორის მრჩეველი თამაზ მჟავანაძე.

დღეს, აჭარის ფინანსთა და ეკონომიკის მინისტრის პირველმა მოადგილემ იონა წითელაძემ, აჭარაში ინვესტიციების შესახებ კომენტარი გააკეთა.

დღეს, 12 ივნისს, არასამთავრობო ორგანიზაცია ”საერთაშორისო გამჭვირვალობა – საქართველომ”, 2012 წლის 1 იანვრიდან 2014 წლის 31 დეკემბრის ჩათვლით საქართველოს მუნიციპალიტეტებში გაცემული პრემიისა და სახელფასო დანამატის შესახებ ანგარიში გამოაქვეყნა, რომლის მიხედვითაც ამ პერიოდში, აჭარაში პრემიისა და სახელფასო დანამატის სახით 18 მილიონ ლარზე მეტი გაიცა.

14 ივნისს, შეზღუდული შესაძლებლობის მქონე პირთა დაცვის დღეს, 18 საათზე, ბათუმის კოლონადებთან მუსიკალური საღამო – „ერთიანობა მრავალფეროვნებაშია“ მოეწყობა.

ამ წუთებში, ბათუმში ციხის საერთაშორისო რეფორმის სამხრეთ კავკასიის რეგიონული ოფისისა (PRI) და ,,დემოკრატიის ინსტიტუტის“ ორგანიზებით, პატიმრობის ალტერნატიული სანქციების შესახებ საჯარო დებატები მიმდინარეობს. შეხვედრას ესწრებიან საერთო სასამართლოების, სასჯელაღსრულების სამინისტროს, პროკურატურის, არასამთავრობო ორგანიზაციების, ბათუმის პრობაციის ბიუროს წარმომადგენლები და ადვოკატები. 

პედაგოგები მიიჩნევენ, რომ მშობლების დამოკიდებულება სკოლის მიმართ ინდიფერენტულია, შესაბამისად, დაბალია მშობლის ჩართულობა სასკოლო ცხოვრებაში. პედაგოგების თქმით, არის შემთხვევები, როცა მოსწავლე ისე ამთავრებს სწავლას, რომ მშობელი ერთხელაც არ მიდის სკოლაში. რატომ ვერ ახერხებს სკოლა გახდეს მშობლისა და მოსწავლისთვის ავტორიტეტული?

ბათუმის რუსთაველის უნივერსიტეტის იურიდიული ფაკულტეტის სტუდენტები და კურსდამთავრებულები მათ ფაკულტეტზე არსებულ სწავლების ხარისხს იწუნებენ. ფაკულტეტზე აკადემიური პერსონალის ნაკლებობაა. არ ტარდება საჯარო ლექციები. მაგისტრატები ამბობენ, რომ მაგისტრატურაში ბაკალავრიატის საგნებს გადიან. ამასთან, თუ სტუდენტს მაგისტრატურის გავლა სამოქალაქო სამართალში სურს, ამას ბათუმში ვერ შეძლებს. უნივერსიტეტს ამ მიმართულებით სასწავლო პროგრამა არ აქვს. „ბათუმელები“ დაინტერესდა, რატომ ვერ ახერხებს უნივერსიტეტი აკადემიური პერსონალის მოზიდვას მაშინ, როცა ბათუმში ცხოვრობენ საქართველოს საკონსტიტუციო სასამართლოს მოსამართლეები, ანუ მაღალი კვალიფიკაციის იურისტები.  

9-12 ივნისის ცათვლით, შვედეთის სამეფოში, ქალაქ გოტებურგში ევროპის რეგიონთა ასამბლეის 30 წლის იუბილესადმი მიძღვნილი ღონისძიებები მიმდინარეობს, რომელთაც აჭარის მთავრობის თავმჯდომარე არჩილ ხაბაძე და აჭარის განათლების, კულტურის და სპორტის მინისტრი გიორგი თავამაიშვილი ესწრებიან.

აჭარის ჯანდაცვის სამინისტროს ინფორმაციის სალიბაურის საჯარო სკოლის მოსწავლეეები თავს კარგად გრძნობენ. ბათუმის დედათა და ბავშვთა ცენტრიდან მათ სავარაუდოდ დღეს საღამოს გაწერენ.

10 ივნისს ბათუმში, გენერალ ასლან აბაშიძის ქუჩის N14-ში მდებარე საერთაშორისო მრავალფუნქციური უნივერსიტეტი „ბაუ გლობალი“ გაიხსნა. გახსნის ცერემონიალს არჩილ ხაბაძესთან ერთად დაესწრნენ თურქეთის რესპუბლიკის ელჩი საქართველოში  ზექი ლევენთ გუმრუქჩუ, „ბაუ ინთერნეიშენალ უნივერსითი ბათუმის“ რექტორი ისმეთ დინდარი, „ბაუ გლობალის“ თავმჯდომარე  ენვერ იუჯელი და მოწვეული სტუმრები.