სიახლეები

შპს ‘გლორიას’ განმარტება სტატიაზე – როდის გაიხსნება სემირამიდას ბაღები

09.06.2015 • 3076
შპს ‘გლორიას’ განმარტება სტატიაზე – როდის გაიხსნება სემირამიდას ბაღები

„შპს „გლორია“ გაეცნო გაზეთ  „ბათუმელებში“ გამოქვეყნებულ სტატიას და გადავწყვიტა პასუხი გაეცა იმ უზუსტობისთვის, რაც სტატიაში იყო ასახული.

პირველი, რაც მინდა ავღნიშნო არის ის, რომ მე, როგორც კომპანიის ფინანსური მენეჯერი, სრული პასუხისმგებლობით ვაცხადებ, რომ აზერბაიჯანელი ინვესტორი არ ტოვებს არც ბათუმს და არც საქართველოს.

სტატიაში ასახული  უზუსტობა გამოწვეული იყო იმით, რომ თურქულმა კომპანიამ „მაფა“, რომელსაც შპს „გლორიას“-თან გაფორმებული  სამშენებლო ხელშეკრულებით  დავალებული ჰქონდა შენობის გარე სამუშაოები, დაამთავრა მუშაობა და ამ ეტაპზე მათ (სს „მაფას“) მიერ შესრულებული  სამუშაოები დასრულებულია.

თუმცაღა, ეს ყველაფერი ხდება გეგმიურად: ალბათ მიაქციეთ ყურადღება, რომ ჩვენი სასტუმროს გარე დიზაინი რადიკალურად განსხვავდება ბათუმში მდებარე სხვა მრავალი სასტუმროსაგან (რასაც ხშირად აღნიშნავს ბათუმში ჩასული ქართველი თუ უცხოელი სტუმარი),  გარდა ამისა,  ჩვენი  სასტუმროს – „სემირამიდას ბაღების“, მშენებლობის პროცესში ბათუმში ბევრი 4 და 5 ვარსკვლავიანი სასტუმრო გაიხსნა. ჩვენმა დამფუძნებელმა გადაწყვიტა, რომ ბათუმისათვის შეეთავაზებინა განსხვავებული,  ბევრად უფრო მაღალი დონის და მაღალი კლასის მომსახურეობის სასტუმრო და აქედან გამომდინარე მოხდა პროექტის შიდა დიზაინის ცვლილება, რასაც მოჰყვა სხვა დიზაინერების დაქირავება. მშენებლობას დამფუძნებლის მიერ შერჩეული სამშენებლო კომპანია დაასრულებს.  

როგორც მოგეხსენებათ, შიდა დიზაინის ცვლილებას უფრო მაღალი კლასის მომსახურეობის მისაღებად,  უფრო მეტი დრო სჭირდება, ვიდრე ეს იყო გათვალისწინებული. სწორედ ამიტომ მოხდა აჭარის ფინანსთა და ეკონომიკის სამინისტროსთან შეთახმება მშენებლობის ვადის 2015 წლის 31 დეკემბრამდე გადავადებასთან დაკავშირებით.

დღესდღეობით, კომპანიას დაგეგმილი აქვს სასტუმროს გახსნა 2015 წლის 31 დეკემბრისათვის. იქედან გამომდინარე, რომ სასტუმროს გახსნამდე სულ რამოდენიმე თვეა დარჩენილი, უახლოეს მომავალში დაიწყება უკვე სასტუმროს პერსონალის შერჩევა და მათი დატრენინგება შესაბამისი დონის  მომსახურეობის მისაღებად“.

შეგახსენებთ, გაზეთ „ბათუმელებს“ სტატიის მომზადებისას ჰქონდა არა ერთი მცდელობა, მიეღო ზუსტი პასუხი კომპანიისგან, თუმცა განმარტება ვერ მივიღეთ.  

 

ბათუმში მშენებარე კომპლექსი გაზელი /სემირამიდას ბაღები/ ფოტო: თედო ჯორბენაძე

გადაბეჭდვის წესი


ასევე: