Batumelebi | საზღვრის უკანონო გადაკვეთისთვის შსს-მ ერთი პირი დააკავა საზღვრის უკანონო გადაკვეთისთვის შსს-მ ერთი პირი დააკავა – Batumelebi
RU | GE  

საზღვრის უკანონო გადაკვეთისთვის შსს-მ ერთი პირი დააკავა

 

 

  საქართველოს შინაგან საქმეთა სამინისტროს (შსს) თანამშრომლებმა სახელმწიფო საზღვრის უკანონოდ გადაკვეთის ბრალდებით 1988 წელს დაბადებული, სომხეთის რესპუბლიკის მოქალაქე ალიკ ბ. დააკავეს.

 

 

შსს-ს ცნობით, ბრალდებულმა, სასაზღვრო-საკონტროლო გამტარი პუნქტისა და საბაჟო კონტროლის გვერდის ავლით, გადმოკვეთა საქართველოს სახელმწიფო საზღვარი და სომხეთის რესპუბლიკიდან საქართველოში უკანონოდ გადმოიტანა ცეცხლსასროლი და ცივი იარაღები.

 

გამოძიება საქართველოს სისხლის სამართლის კოდექსის 344-ე მუხლის (საქართველოს სახელმწიფო საზღვრის უკანონო გადაკვეთა)1-ლი ნაწილითა და 214-ე მუხლის (საბაჟო წესის დარღვევა) მეოთხე ნაწილით მიმდინარეობს. საქართველოს სახელმწიფო საზღვრის უკანონო გადაკვეთა ისჯება თავისუფლების აღკვეთით ოთხიდან ხუთ წლამდე, ხოლო საბაჟო წესის დარღვევა – ხუთიდან რვა წლამდე ვადით.

 

ნეტგაზეთის მასალების სხვა გამოცემებში გადაბეჭდვის წესი
''ბათუმელები''