Author Archives: ბათუმელები

ბათუმურ სახალხო დღესასწაულებს, რომლის გამართვაში ბიუჯეტიდან იხარჯება თანხა, დღემდე აქვს, ერთი მხრივ, საორგანიზაციო პრობლემები, როცა ღონისძიებების ჩამონათვალით გაწერილ განრიგს ვერ მიჰყვება და მეორე მხრივ, მოქალაქეებს ასეთი ღონისძიებების ხარისხის მიმართაც აქვთ შენიშვნები. რამდენად პროფესიულად ეკიდება ქალაქის მერია სახალხო დღესასწაულებს, როგორია მათი მომზადების ხარისხი? – „ბათუმელებმა“ ამის შეფასება ბათუმის საკრებულოსთან არსებულ სამოქალაქო მრჩეველთა საბჭოს წევრს, ჟურნალისტ სოფო ჟღენტს სთხოვა.

აჭარის საზოგადოებრივი ჯანდაცვის ცენტრის ხელმძღვანელად კობა ნაკაიძე დაინიშნა. ახალი ხელმძღვანელი ჯანდაცვის ცენტრის თანამშრომლებს აჭარის ჯანდაცვის მინისტრის პირველმა მოადგილემ ლევან გორგილაძემ დღეს წარუდგინა.

დღეს, ბათუმის ვარდების სკვერში, გარემოს დაცვის საერთაშორისო დღე აღნიშნეს. 

ამ წუთებში, ბათუმის სახელმწიფო უნივერსიტეტში ინტერკულტურული ღონისძიება – “ერთიანობა მრავალფეროვნებაშია” მიმდინარეობს. 

ღონისძიებაში უნივერსიტეტის ქართველი, თურქი, სომეხი, რუსი და აზერბაიჯანელი სტუდენტები მონაწილეობენ. ღონისძიებაზე თითოეული ჯგუფი მამშობლიური ქვეყნის კულტურასა და მულტიკულტურულ მახასიათებლებს წარმოადგენს.

ბათუმის მერიის საფინანსო-საბიუჯეტო სამსახურის უფროსის მოადგილეს არჩილ ვანაძეს და ხულოს მუნიციპალიტეტის გამგებლის მოადგილეს ლაშა ბოლქვაძეს სასამართლომ გამოძიების დასრულებამდე 2000-2000-ლარიანი გირაო შეუფარდა. პროკურორი ორივე ბრალდებულისთვის 20 000-ლარიან გირაოს ითხოვდა, თუმცა მოსამართლემ მოთხოვნა მხოლოდ ნაწილობრივ დააკმაყოფილა. 

 ბათუმის საქალაქო სასამართლო სტაჟიორთა მისაღებად კონკურსს აცხადებს. სტაჟირების მსურველი უნდა იყოს უმაღლესი იურიდიული განათლების მქონე პირი, ან იურიდიული ფაკულტეტის დამამთავრებელი ან დამამთავრებელის წინა კურსის სტუდენტი.

ამომრჩევლისთვის ანგარიშის ჩაბარების შესაძლებლობა „ბათუმელებმა“ გასულ კვირას უმაღლეს საბჭოში  „ნაციონალური მოძრაობის“  ფრაქციის თავმჯდომარეს რობერტ ჩხაიძეს და ნინო ბურჯანაძის  „დემოკრატიული პარტიის“ ლიდერს გიორგი ცინცქილაძესაც მისცა. ჩხაიძე ჯერ ინტერვიუზე დაგვთანხმდა, შემდეგ კი მოუცლელობის მიზეზით უარი განაცხადა. იმავე მიზეზით არ შედგა ინტერვიუ ცინცქილაძესთან. ინტერვიუსთვის დრო ფრაქცია  „თავისუფალი დემოკრატების“   ხელმძღვანელმა სულხან ღლონტმა გამონახა. 

ქობულეთში, რუსთაველისა და ჯავახიშვილის ქუჩებზე წყლის, საკანალიზაციო სისტემისა და ტროტუარების სარემონტო სამუშაოები მიმდინარეობს. კეთილმოწყობით სამუშაოებს, რომლისთვისაც ბიუჯეტიდან 735 998 ლარია გათვალისწინებული ტენდერში გამარჯვებული კომპანია „წყალკანალ რემშენი“ აწარმოებს. უბნის კეთილმოწყობის პროექტის ფარგლებში საკანალიზაციო სისტემის მოწესრიგების შემდეგ ქუჩის რეაბილიტაცია დაიწყება. კომპანიის წარმომადგენლის თქმით, სამუშაოები კიდევ ხუთ თვეს გაგრძელდება. კომპანია შეეცდება საკურორტო სეზონს ხელი არ შეუშალოს, თუმცა სამუშაოებს ვერ გააჩერებს, რადგან ხელშეკრულებით ნაკისრი ვალდებულება შეთანხმებულ ვადებში უნდა შეასრულოს, წინააღმდეგ შემთხვევაში დაჯარიმდება. 

დღეს, 4 ივნისს, ქედის კულტურის ცენტრში ქორეოგრაფიულ ანსამბლ „ბეთლემის“ ათი წლის იუბილესთან დაკავშირებით საზეიმო ღონისძიება გაიმართა. ანსამბლმა მაყურებელს წლების განმავლობაში დამუშავებული რეპერტუარი წარუდგინა. „ბეთლემის“ ყველაზე პატარა წევრი 13-ის, უხუცესი კი 70 წლისაა.

ფინანსთა სამინისტროს საგამოძიებო სამსახურმა, სამსახურეობრივი გულგრილობის ჩადენის ბრალდებით სისხლის სამართლის პასუხისგებაში მისცა ხულოს მუნიციპალიტეტის გამგებლის მოადგილე, ლაშა ბოლქვაძე და ბათუმის მერიის საფინანსო ეკონომიკური სამსახურის უფროსის მოადგილე, არჩილ ვანაძე. 

ლიტერატურული ფესტივალი “ინსომნია” წელს ბათუმში გაიმართება. ფესტივალის მხარდამჭერი იქნება გამომცემლობა და წიგნის მაღაზია “წიგნები ბათუმში”, რომელიც გამარჯვებულ შვიდეულს ბათუმში ეპატიჟება.

შს სამინისტროს ცნობით, აჭარის მთავარი სამმართველოს ქობულეთის რაიონული სამმართველოს თანამშრომლებმა, ჩატარებული ოპერატიულ-საგამოძიებო ღონისძიებების შედეგად, 1996 წელს დაბადებული ილია ო. და 1995 წელს დაბადებული თორნიკე ჭ. ჯგუფური ქურდობის ბრალდებით დააკავეს.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტისა და გერმანიის ევროპული ბიზნესის სკოლის ორგანიზებით I საერთაშორისო საზაფხულო სკოლა “ტურიზმი: ეკონომიკა და ბიზნესი“ ტარდება. საზაფხულო სკოლა 3 ივნისს გაიხსნა და ხუთი დღის მანძილზე გაგრძელდება. 

შეზღუდული შესაძლებლობის მქონე 45 წლის ქალს ორთვიანი წინასწარი პატიმრობა შეუფარდა მოსამართლე ვიოლეტა ფორჩხიძემ. ის ნარკოტიული ნივთიერების შეძენაში, საზღვარზე გადმოტანასა და გასაღებაშია ბრალდებული.

ბათუმის საქალაქო სასამართლოს მოსამართლე ლაშა თავართქილაძეს უსამართლო გადაწყვეტილების მიღებაში ადანაშაულებენ „თავისუფალი დემოკრატების“ წევრები.

ბათუმის ბულვარში სასმელი წყლის ახალი შადრევნები დაამონტაჟეს. შადრევნები როგორც დიდებისთვის ასევე პატარებისთვის იქნება აპრობირებული.