ნეტგაზეთი • RU

აჭარის პოლიციის უფროსად ბესიკ ამირანაშვილი დაინიშნა

 

„ბათუმელების“ ინფორმაციით, აჭარის პოლიციის მთავარი სამმართველოს უფროსად ბესიკ ამირანაშვილი ინიშნება. ქონებრივი დეკლარაცია ბესიკ ამირანაშვილს 2014 წელს შევსებული აქვს როგორც კახეთის სამხარეო მთავარი სამმართველოს უფროსს. 2014 წლის ბოლოს ბესიკ ამირანაშვილი იმერეთის სამხარეო მთავარი სამმართველოს უფროსის პოზიციაზე დაინიშნა.

 

ინფორმაციის გადამოწმების მიზნით „ბათუმელები“ შს სამინისტროს პრესცენტრს დაუკავშირდა. ბესიკ ამირანაშვილის დანიშვნასთან დაკავშირებით სამინისტროს განმარტებას მოგვიანებით მოგაწვდით. 

 

ბესიკ ამირანაშვილი 30 წლისაა. როგორც „ბათუმელებისთვის“ გახდა ცნობილი, იგი 14-კაციან გუნდთან ერთად ჩამოდის ბათუმში სამუშაოდ.

 

 პოლიციელების ინფორმაციით, ბესიკ ამირანაშვილი სამსახურში შემდეგ სამშაბათს გამოცხადდება.

 

რაც შეეხება ლევან ხარაბაძეს, რომელიც დავით თამაზაშვილის გათავისუფლების შემდეგ აჭარის პოლიციის მთავარი სამმართველოს უფროსის მოვალეობის შემსრულებელი იყო, ის სამუშაოდ სხვაგან გადადის.

 

 

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"