ბათუმელები
შსს-ს აჭარის მთავარი სამმართველოს ქობულეთის რაიონული სამმართველოს ხუცუბნის პოლიციის განყოფილების თანამშრომლებმა, ოპერატიული ინფორმაციის საფუძველზე ჩატარებული საგამოძიებო ღონისძიების შედეგად, 1958 წელს დაბადებული ნოდარ ხ. იარაღის უკანონო შეძენა-შენახვის ბრალდებით ქობულეთის რაიონის სოფელ ჭახათში დააკავეს.
ბათუმში, შავშეთის ქუჩაზე, ავტოსაგზაო შემთხვევა მოხდა. ადგილზე მისულმა პატრულის თანამშრომლებმა ბადრი ლორთქიფანიძე მოძრაობისას პრიორიტეტული ნიშნის – „დაუთმე გზა“ – მოთხოვნის დარღვევისთვის 250 ლარით დააჯარიმეს. საქმის მასალებიდან ირკვევა, რომ ავტოსაზგაო შემთხვევის დროს დაზიანდა ოსმან ხინკილაძის კუთვნილი მანქანა. ოსმან ხინკილაძემ მატერიალური ზარალის ანაზღაურებისთვის სასამართლოს მიმართა.
ბათუმში 23 წლის მამაკაცი საქართველოს ბანკის ფილიალში შეიჭრა, რომელიც ზუბალაშვილის 18 ნომერში მდებარეობს.
დღეს მოსამართლე თამარ ბეძანიშვილმა ადვოკატ დათო ჯაფარიძის შუამდგომლობა დააკმაყოფილა და სოფელ ორთაბათუმის რწმუნებული ოთარ ცენტერაძე წინასწარი პატიმრობიდან გაათავისუფლა. სანაცვლოდ სასამართლომ ბრალდებულს გირაოს სახით 40000 ლარის გადახდა დააკისრა.
რამდენიმე დღის წინ ბათუმში, ქალაქის ცენტრში, მამაკაცი დაჭრეს. მოქალაქეების დაკვირვებით, ბოლო პერიოდში ქალაქში იმატა დანაშაულმა. მოიმატა თუ არა კრიმინალურმა შემთხვევებმა ბათუმში და რა გეგმები აქვს საპატრულო პოლიციას დანაშაულის პრევენციასთან დაკავშირებით? ამ საკითხზე „ბათუმელებთან“ აჭარის საპატრულო პოლიციის უფროსმა თეიმურაზ კუპატაძემ ისაუბრა.
ხელვაჩაურის რაიონულ სასამართლოში კომპანია „ბუგატოსა“ და ნანული გორაძის პროცესი გაიმართა. აჭარისწყალზე ჰესების მშენებელი კომპანია „ბუგატო ინშაათ მადენჯილიქ სანაი ვე თიჯარეთი”, აჭარისწყალზე მცხოვრებ ნანული გორაძეს, მის მეუღლეს ნუგზარ ლორთქიფანიძესა და ქალიშვილს ნინო ლორთქიფანიძეს, რეპუტაციის შემლახავი ინფორმაციის გავრცელებისთვის უჩივის.
არავინ თქვას, რომ ბრძოლას აზრი არ აქვს. ვიბრძოლე და გავიმარჯვე!
მართალია, სრულად არა, მაგრამ, რაც მთავარია, ამიერიდან მე ჩემს შვილთან ერთად ვიქნები. არ შემეშინდება ყოველი გაზაფხულის მოსვლის, შვილის გაზრდის, ასაკის მატების.
ქობულეთში, აღმაშენებლის ქუჩის გადაკვეთისას, 11 წლის გოგონას „მერსედესის“ მარკის ავტომობილი დაეჯახა.
სამაშველო სამსახურის ინფორმაციით კრიტიკულ მდგომარეობაში მყოფი მოზარდი ბათუმში გადმოჰყავთ.
დღეს 21 წლის ბათუმელის, გიგა ფარტენაძის გარდაცვალებაზე გავრცელდა ინფორმაცია. გიგა ფარტენაძე პატიმარი იყო. გარდაცვლილის ძმა კობa ფრტენაძე ამბობს, რომ მას ბოლოს გუშინ ელაპარაკნენ.
აჭარის სიმღერისა და ცეკვის სახელმწიფო ანსამბლის მოცეკვავეები სასამართლოში შესატანად სარჩელს ამზადებენ.
ბათუმის საქალაქო სასამართლოში მე-3 საპყრობილის დირექტორის გიორგი ვეკუასა და მისი მოადგილის ზაზა ჯიქიას სისხლის სამართლის საქმის განხილვა დაიწყო. ბრალდება ბათუმის ციხეში პატიმრების წამებას ეხება. სასამართლო 116 ადამიანს დაკითხავს. საქმის მასალების მიხედვით, ამ ეტაპზე 50 დაზარალებულია, მათ შორის ციხის თანამშრომლები და პატიმრები.
თბილისში, შინაგან საქმეთა სამინისტროს ანტიკორუფციულ სააგენტოში (დეპარტამენტი), ბათუმის საკრებულოს წევრები და იურისტი დაკითხვაზე დაიბარეს. „ბათუმელებს“ ეს ინფორმაცია შინაგან საქმეთა სამინისტროში დაუდასტურეს, თუმცა ძალოვან უწყებაში ამბობენ, რომ გამოძიების ინტერესებიდან გამომდინარე არ დააკონკრეტებენ, რა საქმესთან დაკავშირებით დაიბარეს თბილისში საკრებულოს წევრები.
დღეს ხელვაჩურის რაიონულმა სასამართლომ იმსჯელა სასჯელისგან ხელოვნების უნივერსიტეტის პედაგოგის, ნათია შალიკაშვილის გათავისუფლებაზე, რომელიც ყაჩაღობის ბრალდებით 2008 წელს დააპატიმრეს.
ხვალ, 28 თებერვალს, ხელვაჩურის რაიონული სასამართლო იმსჯელებს გაათავისუფლოს თუ არა სასჯელისგან ხელოვნების უნივერსიტეტის პედაგოგი ნათია შალიკაშვილი, რომელიც ყაჩაღობის ბრალდებით 2008 წელს დააპატიმრეს. მას 2009 წელს 11 წელი და 4 თვე პატიმრობა მიუსაჯა მოსამართლე ლევან თევზაძემ, ხელვაჩაურის რაიონის სოფელ გემურაულში მომხდარი ყაჩაღობისთვის. ნათია შალიკაშვილი წინასწარი პატიმრობიდან ფეხმძიმობის გამო გაათავისუფლეს.
შსს-ს ინფორმაციით, აჭარის საპატრულო პოლიციის მთავარი სამმართველოს თანამშრომლებმა, ოპერატიული ინფორმაციის საფუძველზე ჩატარებული საგამოძიებო ღონისძიებების შედეგად, 1984 წელს დაბადებული რომან დ. ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის და ტარების ბრალდებით დააკავეს.
ბათუმელი ადვოკატების ჯგუფმა ადვოკატ ნიკოლოზ მჟავანაძის წინააღმდეგ ხელმოწერების შეგროვება დაიწყო.
საქართველოს კონსტიტუციის შექმნიდან 93 წელი გავიდა. ამ თარიღთან დაკავშირებით საქართველოს საკონსტიტუციო სასამართლოს თავმჯდომარე გიორგი პაპუაშვილი ბათუმის შოთა რუსთაველის სტუდენტებს შეხვდა. მან 1921 წლის 21 თებერვალს მიღებულ პირველ საქართველოს კონსტიტუციის მნიშვნელობაზე ისაუბრა.
თოჯინებისა და მოზარდ მაყურებელთა სახელმწიფო თეატრის დირექტორს, მედეა ჩარკვიანს, აღმკვეთი ღონისძიების სახით გირაო შეუფარდეს. 12 ათასი ლარი მედეა ჩარკვიანმა 25 დღის განმავლობაში უნდა გადაიხადოს.
ამ წუთებში აჭარის მთავრობის ყოფილი თავმჯდომარე ლევან ვარშალომიძე აჭარის პროკურატურაში დაკითხვაზე იმყოფება.
„ბათუმელების“ ინფორმაციით, მას ბათუმში, ხულოს ქუჩაზე, მდებარე ყოფილი აბანოს შენობის გასხვისებასთან დაკავშირებით კითხავენ.
საქართველოს მთავარი პროკურატურის ინფორმაციით, აჭარაში გარემოს დაცვის სამმართველოს თანამშრომლის წინააღმდეგ გამოძიება არ დაწყებულა.
მომხდარი ფაქტის შესახებ, აჭარის გარემოს დაცვის სამმართველოს უფროსს, თანამშრომელმა იანვრის დასაწყისში წერილობით მიმართა. ფაქტს, „ბათუმელებთან“ საუბარში სამმართველოს უფროსი, ვახტანგ წულაძეც ადასტურებს.
სამშენებლო კომპანია „ორბისა“ და მოქალაქე ლია ლიბერმანის სასამართლო სხდომა გაიმართა.
ხელვაჩაურის მუნიციპალიტეტის სოფლების – სილაბაურისა და კაპრეშუმის თემის რწმუნებულებს სასამართლომ გირაოს სახით 20 ათასი ლარი შეუფარდა. გადაწყვეტილება ბათუმის საქალაქო სასამართლოში დღეს დილით გამართულ წინა სასამართლო სხდომაზე მოსამართლე თამარ ბეჟანიშვილმა მიიღო.
საქართველოს ფინანსთა სამინისტროს საგამოძიებო სამსახურის თანამშრომლები ბათუმში, ანბანის კოშკის მშენებლობის საპროექტო-სამშენებლო სამუშაოების წარმოების სისწორისა და საბიუჯეტო თანხების მიზნობრივად ხარჯვის კანონიერებას სწავლობენ.
<!** Image 1 align="left" width="360" height="720" >
ბათუმში, ბარათაშვილის და მელაშვილისა ქუჩების კვეთაში მდებარე „პუმას“ მაღაზია გაქურდეს. მომხდარ ფაქტს ადასტურებს როგორც მაღაზიის მენეჯერი ბიძინა მაკარაძე, ასევე შს სამინისტრო. ქურდობა 18 იანვარს მოხდა.
<!** Image 1 align="" sub="„პუმას“ მაღაზია ბათუმში" width="360" height="360" >
2013 წელს ბათუმის საქალაქო სასამართლოს წარმოებაში იყო 15 271 სისხლის, სამოქალაქო, ადმინისტრაციული და სხვა კატეგორიის საქმე.
წუხელ ბათუმში ბიზნესმენი, რუსეთის მოქალაქე ევგენი კოზლოვიჩი მოკლეს. გარდაცვლილის გვამი ახლობლებმა რუსთაველის ქუჩაზე საკუთარ საცხოვრებელ ბინაში აღმოაჩინეს და შემთხვევის ადგილზე პოლიცია გამოიძახეს.
სამშენებლო კომპანია „ორბის“ სასამართლოში მოქალაქე ლია ლიბერნამი უჩივის. მომჩივანი კომპანიის დირექტორთან, ირაკლი კვერღელიძესთან გაფორმებული ხელშეკრულების ბათილად ცნობას და კომპანიისთვის გადახდილი თანხის უკან დაბრუნებას ითხოვს. საუბარია 70 ათას ლარზე, რომელიც მოქალაქემ კომპანიას ბინის შესაძენად გადაუხადა.
„პრესცენტრს მიმართეთ და გაგცემენ პასუხს“, – თქვა აჭარის ახალმა პროკურორმა შოთა ტყეშელაშვილმა და ტელეფონი გათიშა. 2012 წლის საპარლამენტო არჩევნების შემდეგ ეს იყო პირველი შემთხვევა, როცა აჭარის პროკურატურის მაღალი თანამდებობის პირმა „ბათუმელები“ პრესცენტრში გადაამისამართა.
შს სამინისტრომ 4 ნოემბერს 11:30 საათზე, თბილისში, „ნეტგაზეთის“ ოფისში წერილი მოგვაწოდა. დოკუმენტი ხათუნა ქველიძის ხელმოწერით იტყობინება, რომ შს სამინისტრო 7 თვის დაგვიანებით, ანუ 16 აპრილს `ბათუმელების~ მიერ წერილობით დასმულ კითხვებს სცემდა პასუხს. 4 ივლისს, 12 საათზე თბილისის საქალაქო სასამართლოში ჩანიშნული იყო პროცესი, რომელზეც მოსამართლეს სწორედ იმაზე უნდა ემსჯელა, რატომ არ მოგვაწოდა შს სამინისტრომ 16 აპრილიდან კანონით დადგენილი 10 დღის ვადაში საჯარო ინფორმაცია.
დღეს, „დემოკრატიული ჩართულობის ცენტრში“ გამართულ ბრიფინგზე ადვოკატმა ირაკლი შავაძემ 2013 წლის 13 სექტემბერს ბათუმში, სპეცოპერაციის შედეგად დაკავებული პირების, ფირუზ წულუკიძისა და თემურ ბახუნტარიძის მიმართ განხორციელებული არაადამიანური მოპყრობის ფაქტი გააპროტესტა.
ადვოკატის განცხადებით, აღნიშნული პირების დაკავების დროს ადგილი ჰქონდა დაკავებული პირების მიმართ ცემას და არაადამიანურ მოპრობას, რომელიც ირაკლი შავაძის განცხადებით, დასტურდება როგორც ბრალდებულების გარეგნული დათვალიერებით, ასევე სამედიცინო დოკუმენტებით.
ვიდეომასალაში ისმის – „თავმჯდომარე…“ „ბატონი ირაკლი ჭეიშვილი…“ ამ ორ მოხელეს აჭარის მთავრობიდან გურამ სალაძე ახსენებს. ვიდეოს მიხედვით, გურამ სალაძე თემურ ბერიძეს უხსნის, რომ მისი სამსახურიდან გაშვება არჩილ ხაბაძემ და ირაკლი ჭეიშვილმა დაავალეს. გურამ სალაძე და თემურ ბერიძე საარქივო სამმართველოში მუშაობენ. სალაძე არჩევნების შემდეგ დანიშნული უფროსია, ბერიძე კი – წინა ხელისუფლებიდან მოყოლებული მუშაობს არქივში. ვიდეომასალა „ბათუმელების“ რედაქციაში ინახება.
<!** Image 1 align="left" alt="თემურ ბერიძე" sub="თემურ ბერიძე" width="300" height="576" >
ხუთი თვის წინ გაუჩინარებული ბათუმელი რ.ბ. 31 აგვისტოს სახლში დაბრუნდა. მას ოჯახი და პოლიცია აპრილის შემდეგ ეძებდა. რამდენი ადამიანია ამ დროისთვის საქართველოში გაუჩინარებული? – ამ კითხვით „ბათუმელებმა“ შს სამინისტროს მიმართა, თუმცა სამინისტრომ კანონი დაარღვია, სტატისტიკური ინფორმაცია რედაქციას ამ დრომდე არ მიუღია.
კატარღა „ივერიის“ ბორტის წამყვან სპეციალისტს სამსახური 5 ივლისს დაატოვებინეს. მიზეზი შარდში აღმოჩენილი ნარკოტიკული ნივთიერება გახდა. ეს ბიომასალა აჭარის საექსპერტო-კრიმინალისტიკურმა სამსახურმა შეამოწმა. იგივე ბიომასალა, განმეორებითი ექსპერტიზისთვის, სამხარაულის საექსპერტო ბიუროს გადაუგზავნეს. სამხარაულის ბიუროს დასკვნის მიხედვით კი, სასაზღვრო პოლიციელის ბიომასალაში აკრძალული ნივთიერება არ აღმოჩნდა.
არის თუ არა პროკურორის სახელი და გვარი პირადი ინფორმაცია? – მოქალაქე ხათუნა ბერიძე დარწმუნებულია, რომ – არა. მისი აზრით, დაუშვებელია საჯარო მოხელის ვინაობა იყოს პირადი, ანუ საიდუმლო ინფორმაცია. ხათუნა ბერიძე პროფესიით იურისტი არ არის, ის თარჯიმანია. მაგრამ სხვაგვარად ფიქრობენ იურისტები სასამართლოებიდან – ისინი პროკურორების ვინაობასაც კი პირად ინფორმაციად მიიჩნევენ.
ბათუმში, ყოფილი ბლაგოვგრადისა და გამსახურდიას ქუჩების კვეთაში 35 წლის მამაკაცი დაჭრეს. ის დღის 2 საათზე სასწრაფო დახმარების მანქანამ ბათუმის რესპუბლიკურ საავადმყოფოში გადაიყვანა. საავადმყოფოს ექიმის გია კიკაბიძის ინფორმაციით ჭრილობა ბასრი იარაღით თავისა და გულმკერდის არეში იყო მიყენებული: იყო შემავალი ჭრილობა, რომელიც დამუშავდა და პაციენტი სახლში გაიგზავნა. “
ადგილზე გამოძახებული იყო პოლიცია.
