ბათუმელები
ასლან აბაშიძის დაცვის ყოფილი უფროსი დავით ხალვაში მოსამართლისგან აღკვეთი ღონისძიების შეცვლას ითხოვს 100 ათასი ლარის სანაცვლოდ. სასამართლო დღეს გადაწყვეტს გაათავისუფლოს თუ არა ბრალდებული გირაოს სახით. ამ წუთებში ადვოკატი დავით ჯაფარიძე უსაბუთებს სასამართლოს, თუ რატომ უნდა გაათავისუფლოს სასამართლომ ბრალდებული.
„დოდო დიასამიძის სარჩელი მედეა ვასაძის წინააღმდეგ არ დაკმაყოფილდეს“ – ბათუმის საქალაქო სასამართლოს გადაწყვეტილება მოსამართლე ლევან მიქაბერიძემ გამოაცხადა. სასამართლომ მიიჩნია, რომ დეპუტატის წინააღმდეგ მოქალაქის მიერ შეტანილ სარჩელში არ იყო საკმარისი მტკიცებულებები, რაც მის ფიზიკურ და მორალურ ზიანს დაადასტურებდა.
საქართველოს საკონსტიტუციო სასამართლოში საზაფხულო სკოლა გაიხსნა. კონკურსის წესით შერჩეული 25 სტუდენტი, ათი დღის განმავლობაში მოსამართლეების, არასამთავრობო ორგანიზაციების წარმომადგენლებისა და ქართველი და უცხოელი პროფესორ-მასწავლებელბის , მათ შორის სასექსის უნივერსიტეტის პროფესორის რიჩარდ ვოგლერისა და ოკლაჰომას უნივერსიტეტის პროფესორის სტეფან ჰენდერსონის ლექციებს მოუსმენენ
საპროცესო შეთანხმების გაფორმების ორმაგ სტანდარტზე საუბრობენ აჭარაში მომუშავე ადვოკატები. იურისტები ამტკიცებენ, რომ სხვა რეგიონებთან შედარებით აჭარაში საპროცესო შეთანხმების გაფორმება ჭირს. ყველა ადვოკატს თავისი არგუმენტი და ვერსია აქვს, ზოგიერთი საჯაროდ საუბარს ერიდება… ადვოკატებს ეთანხმება ბათუმის საქალაქო სასამართლოს თავმჯდომარე დავით მამისეიშვილი, რომელიც საპროცესო შეთანხმების კლებადობაზე საუბრობს.
10 წლის გოგონასთან გაუკუღმართებული სქესობრივი კავშირის დამყარებაში ბრალდებულის, 76 წლის მამაკაცის საქმეს ბათუმის საქალაქო სასამართლოს მოსამართლე ხვიჩა კიკილაშვილი განიხილავს. მოსამართლემ გასულ კვირას პროცესი დახურა.
მოქალაქე მამუკა მახარაძე, რომელმაც გუშინ განაცხადა, რომ ის აჭარის უმაღლესის საბჭოს დეპუტატის ძმა „ხანჯლით დაჭრა“, დღეს ამბობს, რომ ქედის საავადმყოფოს ექიმი ფრიდონ სირაბიძე არ აძლევს მისი საავადმყოფოში მიყვანის დროს გადაღებულ რენტგენის ფირს, რომელზეც ჭრილობის ზომა უნდა იყოს აღბეჭდილი. მამუკა მახარაძე ქედაში ცხოვრობს.
<!** Image 1 align="left" width="300" height="514" >
ბათუმის საპყრობილეში პატიმარმა ვენები იმის გამო გადაიჭრა, რომ ამ ფორმით მისი თანასაკნელის კარცერში გადაყვანა გააპროტესტა. ბოლო 45 დღის განმავლობაში ბათუმის მე-3 საპყრობილეში რამდენიმე პატიმარმა დაიზიანა თავი. დაიწყო თუ არა თვითდაზიანების ფაქტებზე გამოძიება? – მთავარი პროკურატურა ამ კითხვაზე პასუხს არ სცემს. „ბათუმელების“ კითხვებს საქართველოს სასჯელაღსრულებისა და პრობაციის სამინისტრომ წერილობით უპასუხა.
სარფის საბაჟოზე დიდი ოდენობით ნარკოტიკული ნივთიერების შემოტანისთვის ბრალდებულს ბათუმის საქალაქო სასამართლოს მოსამართლემ, დავით მამისეიშვილმა აღკვეთი ღონისძიების სახით 20 ათასი ლარის გადახდა შეუფარდა. პროკურორმა ირაკლი დონდოლაძემ სასამართლო პროცესზე თქვა, რომ ბრალდებულმა ნარკოტიკული ნივთიერება აბების სახით შემოიტანა. დაკავებულს ბრალად ედება სსკ-ის 260 და 262-ე მუხლებით გათვალისწინებული დანაშაულის ჩადენა. ერთი ბრალდება 7-დან 14 წლამდე, მეორე კი 8-დან 12 წლამდე პატიმრობას ითვალისწინებს.
ექვსი თვე გავიდა მას შემდეგ, რაც მოქალაქე შოთა გუჯაბიძემ პოლიციას კანონდარღვევის, კულტურული მემკვიდრეობის ძეგლის, ბათუმის ცენტრალურ ქუჩაზე მდებარე წმ. ბარბარეს ეკლესიის ფასადის უნებართვოდ შეცვლის შესახებ აცნობა. ეკლესიის ფასადი ექვსი თვის მანძილზე მთლიანად შეიცვალა. საქართველოს შინაგან საქმეთა სამინისტროში კი აცხადებენ, რომ საქმეზე ამ დრომდე მოკვლევა მიმდინარეობს.
ასლან აბაშიძის დაცვის ყოფილი უფროსის, დავით ხალვაშის ადვოკატი ამტკიცებს, რომ ბრალდებული ბიზნესმენ თამაზ გელაძის გატაცებისა და მისთვის 800 ათასი დოლარის ღირებულების ქონებისა და ფული გამოძალვის საქმეში უდანაშაულოა. დღეს ბათუმის საქალაქო სასამართლოში დავით ხალვაშის საქმეზე მოსმენა ბიზნესმენის გატაცების ეპიზოდთან დაკავშირებით გაიმართა.
<!** Image 2 align="left" alt="დავით ხალვაში სასამართლო პროცესზე" sub="დავით ხალვაში სასამართლო პროცესზე" width="450" height="1080" >
ქედის საკრებულოს თავმჯდომარის მოადგილე, გურამ ქობულაძე დააკავეს. ის ქედის მუნიციპალიტეტში მიწის საკუთრების აღიარების კომისიის თავმჯდომარე იყო. შინაგან საქმეთა სამინისტროს მიერ გავრცელებული ინფორმაციით სამართალდამცავები მას დიდი ოდენობით ქრთამის აღებას ედავებიან.
ოცი ლარის ღირებულების სიგარეტის მოპარვაში ბრალდებულს ხელვაჩაურის რაიონული სასამართლოს მოსამართლე ამირან ძაბუნიძემ აღკვეთი ღონისძიების სახით ორიათასლარიანი გირაო შეუფარდა. განსასჯელის ადვოკატი ამბობს, რომ პროკურორმა მისი უფლებამოსილება არასათანადოდ გამოიყენა, მოსამართლე კი, უსამართლოდ მოიქცა.
ბათუმის საარქივო სამმართველოს უფროსის დაკავებასთან დაკავშირებით შს სამინისტრო განცხადებას ავრცელებს. განცხადებაში საუბარია ქრთამის აღებაზე. შს სამინისტროს განცხადებას უცვლელად გთავაზობთ:
<!** Image 1 align="left" width="300" height="538" >
29 აპრილს, 3 საათზე სასჯელაღსრულებისა და პრობაციის მინისტრი სოზარ სუბარი სამინისტროს სხვა წარმომადგენლებთან ერთად ბათუმის N3 დაწესებულებას გახსნის. დაწესებულების გახსნას სამოქალაქო სექტორისა და მედიის წარმომადგენლებიც დაესწრებიან.
“ბათუმელების” ინფორმაციით, ასლან აბაშიძის დაცვის უფროსი დავით ხალვაში (მეტსახელად ქელფეთა) ქართველმა სამართალდამცავებმა სარფში 22 აპრილს დააკავეს.
ხულოს მუნიციპალიტეტის არქივის უფროსი თემურ ბერიძე სასამართლომ დამნაშავედ არ ცნო, შესაბამისად, ყოველგვარი ჯარიმის გარეშე გაათავისუფლა. ბათუმის საპატრულო პოლიციის თანამშრომლებმათემურ ბერიძე გუშინ იმ მოტივით დააკავეს, რომ მან თითქოს პოლიციელებს შეაგინა.
<!** Image 1 align="" alt="თემურ ბერიძე" sub="თემურ ბერიძე" width="300" height="576" >
ბათუმში კვერცხების სროლისთვის დაკავებულ პირს მერაბ ღოღობერიძეს, ბათუმის საქალაქო სასამართლომ სამდღიანი პატიმრობა შეუფარდა.
ხელვაჩაურის მუნიციპალიტეტში მიწის რეგისტრაციის დროს სავარაუდო კანონდარღვევებთან დაკავშირებით სამართალდამცავებმა 9 მოქალაქე დააკავეს. აღნიშნული ფაქტის გამო იუსტიციის სამინისტრო განცხადებას ავრცელებს, რომელსაც უცვლელად გთავაზობთ:
პროკურორმა დავით კირჩხელმა ველოსიპედის ქურდობისთვის ბრალდებული 35 წლის მამაკაცისგან გირაოს სახით 2 ათასი ლარის გადახდა მოითხოვა. ადვოკატმა კი იმის გამო, რომ ბრალდებული ადრე ნასამართლევი არ ყოფილა, აქვს მუდმივი საცხოვრებელი მისამართი და გამოძიებასთან თანამშრომლობს, გირაოს სახით 1000 ლარის გადახდა მოითხოვა. ველოსიპედის ღირებულება 140 ლარია.
ხელვაჩაურის საკრებულოში ადასტურებენ, რომ მალხაზ ფარტენაძეს – ხელვაჩაურის მუნიციპალიტეტეის საკრებულოს თავმჯდომარეს აღკვეთი ღონისძიების სახით გირაოს – 50 ათასი ლარის გადახდა შეუფარდეს. მალხაზ ფარტენაძე თანხის გადახდამდე რჩება პატიმრობაში.
დღესვე აღკვეთ ღონისძიებად შეუფარდეს გირაოს გადახდა ქობულეთის მუნიციპალიტეტის სოფელ ხალას რწმუნებულს – მალხაზ დიასამიძეს. სასამართლომ მას 8 ათას ლარის გადახდა დააკისრა გირაოს სანაცვლოდ.
საქართველოს სახალხო დამცელის ანგარიში 633 გვერდიანია.
ანგარიშში ცალკე თავი ეთმობა საკნებში პატიმრების მდგომარეობას. უჩა ნანუაშვილი, წერს რომ პატიმრების განცხადებები, ეხება სასჯელაღსრულების დეპარტამენტის წარმომადგენლების მხრიდან პატიმრების მიმართ უსაფუძვლო და არაპროპორციული ძალის გამოყენების ფაქტებს. ანგარიშში წერია, რომ ადგილი აქვს საკნებში ძალის გამოყენებას, როდესაც ძალის გამოყენების აუცილებლობა არ იყო განპირობებული თავისუფლებაშეზღუდული პირის ქმედებით, რაც ლახავს ადამიანურ ღირსებას და ადამიანის უფლებათა დაცვის ევროპული კონვენციის მე-3 მუხლის დარღვევაა.
საანგარიშო პერიოდში პატიმრები ხშირად მიუთითებდნენ, რომ ადმინისტრაციის თანამშრომლები მათ მიმართ ფიზიკურ ძალას იყენებენ მაშინაც კი, როდესაც პატიმრები არ ეწინააღმდეგებოდნენ ადმინისტრაციის კანონიერ მოთხოვნებს. უფრო მეტიც, პატიმრების განმარტებით, მათ მიმართ ფიზიკური ძალის გამოყენება წინ უსწრებდა ადმინისტრაციის სიტყვიერ მითითებას კონკრეტული მოქმედების შესრულებაზე. ასეთი პრაქტიკის დამკვიდრების ტენდენცია, განსაკუთრებით, პატიმრების ერთი დაწესებულებიდან მეორე დაწესებულებაში გადაყვანის დროს იკვეთება- წერს სახალხო დამცველი.
ბათუმის საქალაქო სასამართლო აგრძელებს რუსეთის ხელისუფლების მიერ ტერორიზმის მუხლით ძებნილი იუსუფ ლაკაევისა და მასთან ერთად დაკავებული ბრალდებული საქართველოს მოქალაქეების საქმის განხილვას. ძიების ვერსიით, არალეგალმა ლაკაევმა ბათუმში პოლიციელი დაჭრა. სასამართლოში მოწმედ დაბარებულ პროკურორებს კითხვები გასულ კვირას ბრალდებულმა დაუსვა.
საქართველოს ფინანსთა სამინისტროს საგამოძიებო სამსახური სოფელ ხალას რწუმებულის დაკავების მიზეზებს განმარტავს:
ხელვაჩაურის საკრებულოს თავმჯდომარის მალხაზ ფარტენაძის ადვოკატის დალი ჭანიძის ინფორმაციით მალხაზ ფარტენაძე მისთვის წაყენებულ ბრალდებას უარყოფს.
ბათუმის საქალაქო სასამართლომ დაკავებული ტაქსის მძღოლისთვის აღმკვეთი ღონისძიების საკითხი განიხილა და აღკვეთ ღონისძიებად წინასწარი პატიმრობაც შეუფარდა. დაკავებული 76 წლის მამაკაცია, რომელსაც შს სამინისტროს ინფორმაციით, ბრალად ედება ათი წლის გოგონასთან გარყვნილი ქმედება და გაუკუღმართებული სქესობრივი კავშირი.
გეგუთის ციხეში გარდაცვლილი პატიმრის ოჯახის წევრები სამართლდამცავ ორგანოებს მიმართავენ, გამოიძიონ 25 წლის ავთანდილ მაისურაძის სიკვდილის მიზეზი.
ბათუმის საკრებულოს წევრმა მამული ჟღენტმა საქალაქო სასამართლოს გადაწყვეტილება სააპელაციო სასამართლოში გაასაჩივრა. ბრალდებულის ადვოკატი მიიჩნევს, რომ მამული ჟღენტს აღმკვეთი ღონისძიების სახით 15 ათასი ლარის გადახდა არ უნდა დაკისრებოდა.
საკრებულოს წევრის ადვოკატის, აკაკი თოიძის განცხადებით, საჩივარი სააპელაციო სასამართლოში დღეს შეიტანეს.
გეგუთის ციხეში გარდაცვლილი 26 წლის პატიმარი ავთანდილ მაისურაძე ბათუმელია. ის სასჯელაღსრულების და პრობაციის სამინისტროს მიერ გავრცელებული ინფორმაციით, 2014 წლის 23 მარტს, დაახლოებით 8:10 საათზე, სასჯელაღსრულების N14 (გეგუთის) დაწესებულებაში გარდაიცვალა.
ოფიციალური ინფორმაციის მიხედვით, მომხდარი მალევე ეცნობა ოჯახს. სიკვდილის გამომწვევი მიზეზის დასადგენად კი დანიშნულია სასამართლო-სამედიცინო ექსპერტიზა.
<!** Image 1 align="" alt="ციხე" sub="ციხე" width="600" height="398" >
აღალარლი დაშგინიმ საქართველოს პრეზიდენტის ადმინისტრაციაში უკვე გააგზავნა წერილი ციხიდან. მას აზერბაიჯანის ხელისუფლება გადასახადების დამალვისთვის ეძებს, ლტოლვილი კი ამბობს, რომ პოლიტიკური ნიშნით დევნიან. აზერბაიჯანში გადასახადების დამალვის მოტივით პოლიტიკურ ოპონენტებს ხშირად რომ ასამართლებენ, ამას საერთაშორისო ორგანიზაციებიც ადასტურებენ. ბრალდებულის ადვოკატი პაატა ბერიძე მიიჩნევს, რომ ქართულმა მხარემ აზერბაიჯანის მოქალაქე უკანონოდ დააპატიმრა.
განზრახ მკვლელობა დამამცირებელ გარემოებაში, სხვა დანაშაულის დაფარვის მიზნით, უმწეო მდგომარეობაში მყოფის მიმართ, ჯგუფურად, ანგარებით და შეკვეთით – ამ დანაშაულის ჩამდენებს გუშინ ბათუმის საქალაქო სასამართლოში განაჩენი გამოუტანეს.
„რას ნიშნავს „ვაჰაბისტი?“ – ეს კითხვა ბათუმის სასამართლოში ბრალდებულმა მოწმეს, ამ შემთხვევაში შს სამინისტროს ოპერატიულ თანამშრომელს დაუსვა. მოწმემ უპასუხა, რომ არ იცის რას ნიშნავს „ვაჰაბისტი“. ამის შემდეგ ბრალდებულმა მოსამართლეს სთხოვა, აღკვეთოს სამართალდამცავების მხრიდან მის მიმართ შეურაცხყოფა სიტყვა „ვაჰაბიტის“ გამოყენებით. ამაზე მოსამართლემ უთხრა, რომ ის ვერაფერს შეცვლის.
24 წლის ბათუმელი პატიმრის, გიგა ფარტენაძის გარდაცვალების ფაქტზე გამოძიება მიმდინარეობს, თუმცა მკვლელობის გამო ბრალი ჯერ არავისთვის წარუდგენიათ. ეს ინფორმაცია „ბათუმელებს“ პროკურატურის პრესსამსახურის თანამშრომელმა, ეკა ჩიჩუამ მოაწოდა. ოჯახის წევრებს გამოძიების ინტერესებიდან გამომდინარე ექსპერტიზის დასკვნას არ აცნობენ.
განსასჯელები: ფირუზ წულუკიძე, თემურ ბახუნტარიძე, იუსუფ ლაკაევი (ლაკაევი სასამართლო სხდომას არ ესწრება).
პროკურორი: ლადო თურმანიძე
ადვოკატები: ირაკლი შავაძე, გიორგი ხიმშიაშვილი, გია ტაბლიაშვილი
მოსამართლე: დავით მამისეიშვილი
არასამთავრობო სექტორი კამპანიის – „ეს შენ გეხება! – ისევ გვისმენენ“ – ფარგლებში ხელმოწერების შეგროვებას იწყებს. ისინი ამ ფორმით პარლამენტს მიაწვდიან საზოგადოების პოზიციას. კამპანიის მიზანია ფარული მიყურადების და თვალთვალის სფეროში არსებული სიტუაციის შეცვლა. როგორც „საერთშორისო გამჭვირვალობა – საქართველოს“ იურისტი ანა ბერძენიშვილი ამბობს, ახალი საკანონმდებლო ინიციატივა იქნება გარანტი იმისა, რომ იმ სისტემით, რა სისტემითაც დღეს ხდება ფარული მიყურადება და თვალთვალი, შემდეგში აღარ მოხდება.
ბათუმის საქალაქო სასამართლოში სასწრაფო დახმარების ექიმები 52 წლის განსასჯელის დასახმარებლად გამოიძახეს. დაკავებული პროსტიტუციისთვის ადგილის გამოყოფაშია ბრალდებული, სასამართლო პროცესზე ის ჯერ შეუძლოდ გახდა, რის გამოც მოსამართლე დავით მამისეიშვილმა პროცესის გადადების გადაწყვეტილება მიიღო, როცა დარბაზიდან ბრალდებული ბადრაგს გაჰყავდათ, მან გონება დაკარგა.
მოსამართლე თამარ ბეჟანიშვილმა 25 წლის ახალგაზრდას, რომელსაც ბრალად განზრახ მკვლელობის მცდელობა ედებოდა, 3 წელი და ექვსი თვე პატიმრობა მიუსაჯა. ბრალდების მიხედვით, გასული წლის 16 ოქტომბერს ბათუმში, აბუსერიძის 41 ნომერში, ორმა ახალგაზრდამ ტაქსი გააჩერა და სოფელ ახალშენში წაყვანა სთხოვა. ტაქსის მძღოლმა მგზავრებს 13 ლარი მოსთხოვა. ახალგაზრდებმა მძღოლს 8 ლარად აყვანა სთხოვეს, რაც გზაში შელაპარაკების მიზეზი გახდა. კამათი ფიზიკური შეურაცხყოფაში გადაიზარდა. ერთ-ერთმა მგზავრმა ტაქსის მძღოლს დანით სხვადასხვა ჭრილობა მიაყენა (გულ-მკერდისა და ფეხის არეში).
