Batumelebi | საკონსტიტუციო სასამართლოს თავმჯდომარე სტუდენტებს შეხვდა საკონსტიტუციო სასამართლოს თავმჯდომარე სტუდენტებს შეხვდა – Batumelebi
RU | GE  

საკონსტიტუციო სასამართლოს თავმჯდომარე სტუდენტებს შეხვდა

 

საქართველოს კონსტიტუციის შექმნიდან 93 წელი გავიდა. ამ თარიღთან დაკავშირებით საქართველოს საკონსტიტუციო სასამართლოს თავმჯდომარე გიორგი პაპუაშვილი ბათუმის შოთა რუსთაველის სტუდენტებს შეხვდა. მან 1921 წლის 21 თებერვალს მიღებულ პირველ საქართველოს კონსტიტუციის მნიშვნელობაზე ისაუბრა.

 

„1921 წელს მიღებული კონსტიტუცია, იმ დროისთვის ერთ-ერთი პროგრესული დოკუმენტი იყო. ეს დოკუმენტი გამოხატავს დემოკრატიული რესპუბლიკის არსს, ითვალისწინებს საპარლამენტო სისტემას, ადამიანის უფლებების დაცვას, თვითმმართველობის განვითარებას და ა.შ. სამწუხაროდ, ბოლშევიკური აგრესიის შემდეგ, როგორც საქართველოს დემოკრატიულმა რესპუბლიკამ, ასევე კონსტიტუციამ შეწვიტა არსებობა.

 

ჩვენ აქტიურად ვეწევით ამ კონსტიტუციის პოპულარიზაციას, მასზე საუბარს. სტუდენტებმა და არა მარტო იურისტებმა უნდა იცოდნენ საქართველოს განვითარებასთან დაკავშირებული უახლესი წარსული. ამგვარი დოკუმენტი ჩვენს სამართლებრივ ისტორიაში არა გვაქვს“-აღნიშნა გიორგი პაპუნაშვილმა.

 

„მოხარული ვიქნებით, რომ მსგავსი შეხვედრები უფრო ხშირად ჩატარდეს, რადგან უფრო მეტს გავიგებთ საკონსტიტუციო სამართალწარმოების შესახებ“- ამბობს თამარ სურმანიძე იურიდიული დარგის მე-3 კურსის სტუდენტი.

 

 

უნივერსიტეტის პრესსამსახურის ინფორმაციით, საკონსტიტუციო სასამართლოსთან მსგავსი შეხვედრა სისტემური ხასიათისაა და ყოველწლიურად იმართება.

 

დერეფანში გამოფენილი იყო საკონსტიტუციო სასამართლოს შექმნის ამსახველი ფოტო მასალაც.

 

საქართველოს კონსტიტუცია 1921 წელს, საქართველოს დამფუძნებელმა კრებამ ჩამოაყალიბა.

 

 

საკონსტიტუციო სასამართლოს თავმჯდომარე სტუდენტებთან

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი