Batumelebi | ზაზა ხატიაშვილის მხარდამჭერი ბათუმელი ადვოკატების განცხადება ზაზა ხატიაშვილის მხარდამჭერი ბათუმელი ადვოკატების განცხადება – Batumelebi
RU | GE  

ზაზა ხატიაშვილის მხარდამჭერი ბათუმელი ადვოკატების განცხადება

 

ბათუმელი ადვოკატების ჯგუფმა ადვოკატ ნიკოლოზ მჟავანაძის წინააღმდეგ ხელმოწერების შეგროვება დაიწყო.  

 

 

ადვოკატთა ასოციაციის წარმომადგენელი ბათუმში ლელა ბჟალავა ადვოკატთა ასოციაციის ეთიკის ხელმძღვანელს, ციცინო ცხვედიანს მიმართავს და ფაქტზე რეაგირებას სთხოვს. მისი განმარტებით, ნიკოლოზ მჟავანაძემ დაარღვია ეთიკის ნორმები, როცა მან ადვოკატთა ასოციაციის კორპუსს და ასოციაციის თავმჯდომარეს ზაზა ხატიაშვილს საჯაროდ სიტყვიერი შეურაცხყოფა მიაყენა.

 

ადვოკატმა ნიკოლოზ მჟავანაძემ გუშინ პრესკონფერენციაზე განაცხადა, რომ მისთვის მიუღებელია ის განცხადებები, რაც ზაზა ხატიაშვილმა ადვოკატ გიორგი ონიანთან დაკავშირებით გააკეთა. ხატიაშვილმა აღნიშნა, რომ გიორგი ონიანის მიმართ პოლიტიკური დევნა ხორციელდება.

 

ნიკოლოზ მჟავანაძემ ასევე განაცხადა, რომ ზაზა ხატიაშვილმა ორი თვის წინ პუტინს ფინანსური დახმარების თხოვნით წერილი გაუგზავნა, რის გამოც იგი  ხატიაშვილის თანამდებობიდან მოხსნას ითხოვს.

 

ზაზა ხატიაშვილი ამ ბრალდებას აბსურდულს უწოდებს.  

 

ნეტგაზეთის მასალების სხვა გამოცემებში გადაბეჭდვის წესი
ნინო ინაიშვილი (მოხალისე)