მოსამართლეს დაკავებულმა გირაოს შეფარდება სთხოვა. მოსამართლემ ჰკითხა ბრალდებულს შეძლებს თუ ვერა ის გირაოს თანხის გადახდას. დაკავებულმა უპასუხა, რომ მშობლებს აქვთ ბათუმში უძრავი ქონება, ბინა, რომელიც დაახლოებით 50 ათასი დოლარის ღირებულებისაა და სწორედ ამ ქონების იპოთეკით აპირებს გირაოს თანხის გადახდას.
დავით მამისეიშვილმა ბრალდებულს დაავალა კვირაში ერთხელ გამოცხადდეს გამომძიებელთან, ასევე ჩამოერთვა პირადობის მოწმობა და პასპორტი იმის გამო, რომ ქვეყნიდან არ გავიდეს. მოსამართლემ განუმარტა ბრალდებულს, რომ თუ ის მიმალვას ცდის ან გამოძიებას თავს აარიდებს, გირაოში გადახდილი 20 ათასი ლარი დაეკარგება. მოსამართლემ ასევე ჰკითხა ბრალდებულს, ხომ არ უცემიათ ის პოლიციელებს დაკავების დროს.
მოსამართლემ გირაოს გადასახდელად 35 დღე განუსაზღვრა ბრალდებულს, რომელიც ტაქსის მძღოლად მუშაობს ბათუმში. ის ციხეს 20 ათასი ლარის გადახდის შემდეგ დატოვებს.
