ბათუმელები
6 ივლისის მონაცემებით, ბოლო 24 საათში საქართველოში COVID19-ის 2 ახალი შემთხვევა გამოვლინდა, განიკურნა 2 ადამიანი.
ჯამში ქვეყანაში 26 თებერვლიდან დღემდე COVID19-ის 953 შემთხვევაა დადასტურებული, მათგან 830 პაციენტი გამოჯანმრთელდა, 15 – გარდაიცვალა.
ამჟამად კარანტინში იმყოფება 3828 ადამიანი, ხოლო სტაციონარში მეთვალყურეობის ქვეშ – 192.
გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ინფორმაციით, 6 ივლისის 21 საათიდან 7 ივლისის 21 საათამდე აჭარაში მოსალოდნელია ცვალებადი მოღრუბლულობა, უმეტესად უნალექოდ.
იქროლებს ცვალებადი მიმართულების ქარი 10-15 მეტრი წამში.
ჰაერის ტემპერატურა სანაპირო და შიდამთიან რაიონებში იქნება:
მაღალ მთაში მოსალოდნელია:
ზღვის წყლის ტემპერატურა 27 გრადუსია.
ზეგ, 8 ივლისს, უმეტესად უნალექო ამინდი იქნება, მომდევნო 2 დღეს კი მოსალოდნელია დროგამოშვებით წვიმა.
_____________
ფოტო: „ბათუმელები“/ნინო კახიშვილი
აჭარის ჯანდაცვის სამინისტროს ინფორმაციით, ბათუმის ინფექციური საავადმყოფოს ლაბორატორიებში ჩატარებული 514 ლაბორატორიული კვლევის შედეგი, უარყოფითია.
ამავე წყაროს ცნობით, ცხელების კლინიკებში მოთავსებულია 26 პირი, მათი კვლევის პასუხები დღის ბოლოს გახდება ცნობილი.
ჯამში აჭარაში კორონავირუსზე PCR ტესტი ჩაუტარდა 23 996 პირს.
დღეს არსებული მონაცემებით, კარანტინში იმყოფება 2075 პირი. კარანტინი დატოვა 9593-მა პირმა.
დღეს, 6 ივლისს, ერთიანი ეროვნული გამოცდები დაიწყო. გამოცდების ეროვნული ცენტრის ინფორმაციით, საგამოცდო ცენტრები გახსნილია ბათუმში, ფოთში, ზუგდიდში, ოზურგეთში, ქუთაისში, ახალციხეში, გორში, თბილისში, რუსთავში, თელავსა და ხულოში.
ახალი კორონავირუსის გავრცელების პრევენციის მიზნით, გამოცდები ჯანდაცვის სამინისტროს მიერ შემუშავებული რეკომენდაციების შესაბამისად მიმდინარეობს.
გამოცდების ეროვნული ცენტრის ინფორმაციით, გამოსაცდელები და მეთვალყურეები დაიშვებიან ყოველი საგამოცდო სექტორის ფართობის მხოლოდ 50%-ზე.
„ყოველი სამუშაო მაგიდა წინა მხრიდან აღჭურვილი იქნება გამჭვირვალე დამცავი ფარით/ბარიერით; მაგიდებს შორის სიგანეში დაშორება იქნება მინიმუმ 2 მეტრი, ერთმანეთის მიმდევრობით განლაგებულ მაგიდებს შორის მანძილი კი – 1 მეტრზე მეტი“.
აბიტურიენტს პირბადეს მოხსნა შეუძლია საგამოცდო მაგიდასთან ადგილის დაკავების შემდეგ.
ბუნებრივი განიავების (ღია ფანჯარა) დროს ნებადართულია კონდიციონერების ჩართვა, თუ საგამოცდო სექტორში სიცხე 30 გრადუსს მიაღწევს. კონდიციონერის ჩართვის შემთხვევაში სავალდებულოა პირბადის გაკეთება.
ცენტრის ინფორმაციით, 2020 წლის ეროვნულ გამოცდებზე 39 300-ზე მეტი აბიტურიენტია რეგისტრირებული, თუმცა ამ დროისთვის უცნობია, გამოცდაზე გამოცხადდა თუ არა ყველა რეგისტრირებული პირი.
_______________________________________________________________
მთავარი ფოტო: ეროვნული გამოცდები/გამოცდების ეროვნული ცენტრი
გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ინფორმაციით, 5 ივლისის 21 საათიდან 6 ივლისის 21 საათამდე ბათუმსა და მთლიანად აჭარაში მოსალოდნელია ცვალებადი მოღრუბლულობა, უმეტესად უნალექოდ; იქროლებს ცვალებადი მიმართულების ქარი 10-15 მ/წმ-ში.
6 ივლისს მოსალოდნელი ჰაერის ტემპერატურა:
ზღვის პროგნოზი:
სამშაბათს და ოთხშაბათს [7 და 8 ივლისს], ბათუმსა და მთლიანად აჭარაში, რეგიონალური ჰიდრომეტეოროლოგიური ობსერვატორიის პროგნოზით, მოსალოდნელია უმეტესად უნალექო ამინდი.
ჯანდაცვის სამინისტრო კორონავირუსთან დაკავშირებულ ზოგად რეკომენდაციებს აქვეყნებს ზღვის სანაპირო ზოლისთვის.
ამ რეკომენდაციების თანახმად პლაჟის ტერიტორიაზე განთავსებული ინფრასტრუქტურის განკუთვნილ სათავსებში თვალსაჩინო ადგილას უნდა იყოს განთავსებული ინფორმაცია COVID19-ის გავრცელების პრევენციული ღონისძიებების შესახებ.
დადგენილებაში ნათქვამია რომ, მიზანშეწონილია, განისაზღვროს სანაპირო ზოლზე ფეხით მოსიარულეთა ბილიკები. ასევე თუ შესაძლებელია, პლაჟები უნდა დაიყოს ზონებად.
პლაჟები უნდა დასუფთავდეს პერიოდულად და დასუფთავებაში მონაწილე პერსონალი უნდა იყოს აღჭურვილი ხელთათმანებითა და დამცავი ფარით.
პირებს, რომლებიც აქირავებენ საპლაჟო ინფრასტრუქტურას – იქნება ეს საზღვაო ტრანსპორტი, შეზლონგი/ქოლგა,სკუტერი, ველოსიპედი თუ სხვა, მოეთხოვებათ დასაქმებულთა თერმოსკრინინგი სამუშაო დღის დაწყების წინ.
დასაქმებულები უნდა იყვნენ უზრუნველყოფილი სულ მცირე 60%-70% ალკოჰოლის შემცველი ხელის დასამუშავებელი ჰიგიენური საშუალებებით.
აკრძალულია შეზლონგებისთვის განკუთვნილი რბილი, შეწოვადი გადასაფარებლების გამოყენება. წყლის ტრანსპორტის – სკუტერის, ველოსიპედის, ნავის, ასევე, შეზლონგის, ქოლგის და სხვა ატრიბუტის გამოყენების შემდგომ, უნდა მოხდეს მათი დეზინფექცია.
დახურული სივრცის შესასვლელში უნდა იყოს განთავსებული დეზობარიერი, შესაბამისი სავალდებულო ნიშნის მითითებით.
ჯანდაცვის სამინისტრომ დადგენილებაში ასევე ჩაწერა მოთხოვნები ვიზიტორთა მიმართაც.
ვიზიტორებმა უნდა დაიცვან ვირუსის გავრცელების პრევენციულ ღონისძიებებთან დაკავშირებული წესები. დახველებისა და დაცემინების დროს უნდა მიიფარონ სუფთა ხელსახოცი ან იდაყვში მოხრილი მხარი. გამოყენებული ერთჯერადი ხელსახოცი კი უნდა მოათავსონ ურნაში.
აჭარის ჯანდაცვის სამინისტროს მონაცემებით დაავადებათა კონტროლის აჭარის სამმართველოსა და ბათუმის ინფექციური საავადმყოფოს ლაბორატორიებში ჩატარებული 363 ლაბორატორიული კვლევის შედეგი უარყოფითია.
ბათუმის რესპუბლიკურ საავადმყოფოში მკურნალობას გადის 5 კოვიდინფიცირებული პაციენტი. მათგან ორს, კორონავირუსი გუშინ, 4 ივლისს გამოუვლინდა.
დღეისათვის ცხელების კლინიკებში მოთავსებულია 42 პირი. მათი კვლევის პასუხები დღის ბოლოს გახდება ცნობილი.
ჯამში აჭარაში კორონავირუსზე PCR ტესტი სულ 23 482 პირს ჩაუტარდა. 5 ივლისის მონაცემებით კარანტინში იმყოფება 1646 პირი. კარანტინი დატოვა 9528-მა პირმა.
დღეს, 5 ივლისს, აჭარის უმაღლესმა საბჭომ რიგგარეშე სესიაზე, კონსტიტუციური კანონის ცვლილებები მესამე მოსმენით მიიღო.
ცვლილება ითვალისწინებს 21-წევრიან უმაღლეს საბჭოში 18 დეპუტატის პროპორციული წესით, ხოლო სამი დეპუტატის მაჟორიტარული წესით არჩევას. სამაჟორიტარო ოლქების საზღვრები კი საქართველოს პარლამენტის არჩევნებისთვის განსაზღვრულ საზღვრებს დაემთხვევა.
აჭარის კონსტიტუციაში ცვლილება არჩევნების შერეული წესით ჩატარებასთან დაკავშირებით, აჭარის უმაღლესმა საბჭომ 15 ხმით დაამტკიცა.
უმაღლესი საბჭოს არჩევნები 2020 წლის ოქტომბერში საპარლამენტო არჩევნებთან ერთად გაიმართება.
შინაგან საქმეთა სამინისტროს პრესსამსახურის ცნობით, შსს-ს აჭარისა და გურიის პოლიციის დეპარტამენტების თანამშრომლებმა, ერთობლივად ჩატარებული ოპერატიულ-სამძებრო და საგამოძიებო მოქმედებების შედეგად ხუთი პირი დააკავეს. გამოძიება დაკავებულებს თავისუფლების უკანონო აღკვეთასა და ჯგუფურად ჩადენილ ძალადობას ედავება.
„1996 წელს დაბადებული ი.ლ., 2001 წელს დაბადებული ლ.ლ., 1996 წელს დაბადებული მ.დ., 1983 წელს დაბადებული მ.ბ და 1992 წელს დაბადებული ი.დ. მოსამართლის განჩინების საფუძველზე, ოზურგეთში დააკავეს. მათ ბრალი წინასწარი შეთანხმებით ჯგუფის მიერ თავისუფლების უკანონო აღკვეთასა და ჯგუფურად ჩადენილ ძალადობაში ედებათ.
გამოძიებით დადგინდა, რომ ბრალდებულებმა 1988 წელს დაბადებულ ნ.ძ.-ს ქალაქ ბათუმში, შურისძიების მოტივით, თავისუფლება უკანონოდ აღუკვეთეს, კერძოდ, ძალის გამოყენებით ჩასვეს მ.ბ.-ს მართვის ქვეშ მყოფ ავტომობილში, წაიყვანეს ოზურგეთის მუნიციპალიტეტის სოფელ ბოხვაურში, ერთ-ერთი მოქალაქის საცხოვრებელ სახლში, სადაც ფიზიკურად გაუსწორდნენ,“ – ნათქვამია შს სამინისტროს მიერ გამოქვეყნებულ ოფიციალურ ინფორმაციაში.
წინასწარი შეთანხმებით ჯგუფის მიერ თავისუფლების უკანონო აღკვეთისა და ჯგუფური ძალადობის ფაქტზე გამოძიება საქართველოს სისხლის სამართლის კოდექსის 143-ე მუხლის მესამე ნაწილის „ა“ ქვეპუნქტით და 126-ე მუხლის პირველი პრიმა ნაწილის „ბ“ ქვეპუნქტით მიმდინარეობს.
დანაშაული 2- დან 10 წლამდე ვადით თავისუფლების აღკვეთას ითვალისწინებს.
დღეს, 4 ივლისს, ქედაში მომხდარი ავტოსაგზაო შემთხვევის შედეგად ერთი ადამიანი გარდაიცვალა. საგანგებო სიტუაციების მართვის სამსახურის ინფორმაციით, ავტომობილში, რომელიც ხევში გადავარდა, ოთხი ადამიანი იმყოფებოდა. სამი დაშავებული სასწრაფო დახმარების ბრიგადებმა ბათუმის სხვადასხვა საავადმყოფოში გადაიყვანეს.
შს სამინისტროს ინფორმაციით, მომხდარ ფაქტზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის ან ექსპლუატაციის წესის უსაფრთხოების დარღვევას გულისხმობს.
დღეს, 4 ივლისს, ბათუმში ერთ-ერთი ცხელების ცენტრის სანიტარს კორონავირუსი დაუდგინდა. როგორც “ბათუმელებს” აჭარის ჯანდაცვის სამინისტროში უთხრეს, მედპერსონალს კორონავირუსი, სავარაუდოდ, კოვიდინფიცირებული პაციენტისგან გადაედო.
ბოლო ერთ კვირაში აჭარაში სამი კოვიდინფიცირების შემთხვევა გამოვლინდა. ეპიდემიოლოგების ვარაუდით, სწორედ ამ სამი პაციენტიდან ერთ-ერთისგან გადაედო სანიტარს ვირუსი.
სამინისტროს მიერ მოწოდებული ინფორმაციით, ამ დროისთვის მიმდინარეობს სიღრმისეული ეპიდემიოლოგიური კვლევა. სანიტრის ოჯახის წევრები კარანტინში არიან გადაყვანილი. დგინდება ყველა ის კონტაქტი, ვისთანაც კოვიდინფიცირებულს ურთიერთობა ჰქონდა. უკვე დადგენილ კონტაქტებს კი თვითიზოლაციის რეკომენდაცია მიეცათ.
4 ივლისის მდგომარეობით, აჭარაში სულ 5 კოვიდინფიცირებული პაციენტია. მათგან ორი დღეს გამოვლინდა. ერთი სანიტარია, ერთი შემთხვევა კი – იმპორტირებული.
საქართველოში კორონავირუსის პანდემიის დაწყებიდან 4 ივლისამდე სულ 948 შემთხვევაა გამოვლენილი. მათ შორის გამოჯანმრთელებულია 825 პაციენტი, ხოლო გარდაიცვალა – 15.
4 ივლისის მონაცემებით, საკარანტინო სივრცეებში იმყოფება 3 569 პირი. სტაციონარში მეთვალყურეობის ქვეშ – 199. უცხოეთიდან საქართველოში სამკურნალოდ გადმოიყვანეს სამი პირი.
ამავე თემაზე:
ბათუმში კორონავირუსი 2 პირს დაუდასტურდა – 4 ივლისის მონაცემები
ბათუმში კორონავირუსის კიდევ ორ ახალი შემთხვევა დადასტურდა. “ბათუმელების” ინფორმაციით, ერთ-ერთი ინფიცირებული სამედიცინო დაწესებულების სანიტარია. როგორც ჩვენთვის გახდა ცნობილი, სანიტარს კორონავირუსი სამედიცინო პერსონალის გეგმიური შემოწმების დროს აღმოაჩნდა. მას ვირუსისთვის დამახასიათებელი რაიმე სიმპტომი არ ჰქონია.
რაც შეეხება მეორე შემთხვევას, ის იმპორტირებულია. საქართველოს მოქალაქე ქვეყანაში ყაზახეთიდან დაბრუნდა.
ორივე კოვიდინფიცირებული ბათუმის რესპუბლიკურ საავადმყოფოში მკურნალობს.
ინფორმაციის გადასამოწმებლად აჭარის ჯანდაცვის სამინისტროს მივმართეთ, სადაც გვითხრეს, რომ ახალ შემთხვევებზე 20:00 საათზე გააკეთებენ განცხადებას რესპუბლიკურ საავადმყოფოში.
4 ივლისის მონაცემებით, ბათუმის რესპუბლიკურ საავადმყოფოში 5 პაციენტი მკურნალობს კორონავირუსზე.
საქართველოში კორონავირუსის პანდემიის დაწყებიდან 4 ივლისამდე სულ 948 შემთხვევაა გამოვლენილი. მათ შორის გამოჯანმრთელებულია 825 პაციენტი, გარდაიცვალა – 15. 4 ივლისის მონაცემებით, საკარანტინო სივრცეებში იმყოფება 3 569 პირი, სტაციონარში მეთვალყურეობის ქვეშ კი – 199. უცხოეთიდან საქართველოში სამკურნალოდ გადმოიყვანეს სამი პირი.
აჭარის მთავრობა სტიქიისა და ხანძრის შედეგად დაზარალებულ 30 ოჯახს ავტონომიური რესპუბლიკის ბიუჯეტის სარეზერვო ფონდიდან 308 518 ლარს გამოუყოფს. ინფორმაციას ამის შესახებ აჭარის ჯანდაცვის სამინისტრო ავრცელებს.
დახმარების გაცემა გათვალისწინებულია ბათუმის, ხულოს, ხელვაჩაურისა და ქობულეთის მუნიციპალიტეტებში დაზარალებულ ოჯახებზე.
ხულოს მუნიციპალიტეტში მცხოვრებ სტიქიითა და ხანძრით დაზარალებულ 17 ოჯახს გამოეყოფა 118 518 ლარი. ბათუმში ხანძარის შედეგად დაზარალებული 8 ოჯახი მიიღებს 20 000 -20 000 ლარს. ქობულეთის მუნიციპალიტეტში ხანძრის შედეგად დაზარალებულ 1 ოჯახს გამოეყოფა 10 000 ლარი, ხოლო ხელვაჩაურის მუნიციპალიტეტში სტიქიითა და ხანძრით დაზარალებულ 4 ოჯახს 60 000 ლარი.
დაზარალებული მოსახლეობის დახმარების გადაწყვეტილება სტიქიის სალიკვიდაციო შერეული სამთავრობო კომისიის სხდომაზე მიიღეს. კომისიის წევრების რეკომენდაცია აჭარის მთავრობის თავმჯდომარეს დასამტკიცებლად უახლოეს დღეებში გადაეგზავნება.
2020 წელს სტიქიისა და ხანძრის შედეგად დაზარალებული ოჯახების დასახმარებლად აჭარის ავტონომიური რესპუბლიკის რესპუბლიკური ბიუჯეტით გათვალისწინებული სარეზერვო ფონდიდან ჯამში 1 725 780 ლარი გამოიყო.
ევროპული საქართველოს ერთ-ერთი ლიდერი გიგი უგულავა პრემიერ-მინისტრ გიორგი გახარიას მიმართავს და მოუწოდებს თურქეთთან საზღვარი გახსნას. გიგი უგულავას თქმით, ხელისუფლებამ მსგავსი სისტემა უნდა დანერგოს, რაც ტრაილერის მძღოლებთან მიმართებაში აქვს და საზღვარზე შემომსვლელი ყველა პირი შეამოწმოს.
„უკვე წლებია ჩვენი თანამოქალაქეები, იმის გამო, რომ აქ ვერ შოულობენ სამუშაოს, დადიან თურქეთში სეზონურ სამუშაოებზე. მე ვსაუბრობ ათიათასობით ადამიანზე, რომლებსაც საკუთარი სახელმწიფო ვერ უზრუნველყოფს სამუშაო ადგილით და მიდიან მეზობელ ქვეყანაში თხილისა და ჩაის საკრეფად. ჩაის სეზონი თითქმის გასულია. აგვისტოში იწყება თხილის სეზონი. ეს არის ამ ადამიანებისთვის ერთადერთი შემოსავლის წყარო და ამ სამი თვის განმავლობაში, ერთი ჩვენი თანამოქალაქე დაახლოებით რვიდან ათი ათას ლარამდე აგროვებს, რითაც ოჯახს ინახავს მთელი წლის განმავლობაში.
ჩვენ კარგად გვესმის ეპიდვითარება და ვხედავთ რა ხდება მსოფლიოში. ამავე დროს ჩვენ უნდა დავუჯეროთ პირველ რიგში ექიმებს და ეპიდემიოლოგებს და არა ხელისუფლებას, რომელიც უკვე აშკარად კორონავირუსს იყენებს პოლიტიკური მიზნებისთვის. გახსენით თურქეთთან საზღვარი, მანამ სანამ დასავლეთ საქართველოში პირდაპირი მნიშვნელობით შიმშილი არ დაწყებულა. ჩვენ ერთად უნდა შევიმუშავოთ მექანიზმები, თუ როგორ უნდა მოიქცეს ჩვენი თანამოქალაქე და თანაცხოვრება კოვიდთან, რასაც ჩვენი ეპიდემიოლოგები მოგვიწოდებენ, სწორედ ამას ნიშნავს. უნდა ვიმუშაოთ და ამავე დროს დავიცვათ წესები. ჩვენი მოვალეობაა მივცეთ ადამიანებს მუშაობის საშუალება თუნდაც თურქეთში,“ – განაცხადა გიგი უგულავამ საგანგებო ბრიფინგზე.
გიგი უგულავა ამ ბრიფინგით 3 ივლისს საქართველოს პრემიერ-მინისტრის, გიორგი გახარიას მიერ გაკეთებულ განცხადებას გამოეხმაურა. გახარიამ თქვა რომ ჯერ არ აპირებენ სახმელეთო საზღვრების გახსნას არცერთ ქვეყანასთან.
ამავე თემაზე:
როგორ ვარჩინო ოჯახი? როდის გაიხსნება საზღვარი? – აქცია სარფში [ფოტო, ვიდეო]
ბათუმის შოთა რუსთაველის სახელმწიფო უნივერსიტეტში ახალი რექტორის ასარჩევად არჩევნები გაიმართება. რექტორობის კანდიდატთა რეგისტრაცია 1-ელ ივლისს დაიწყო და 7 ივლისის ჩათვლით გრძელდება.
4 ივნისის მონაცემებით რექტორობაზე განაცხადი მხოლოდ უნივერსიტეტის მოქმედ რექტორს, მერაბ ხალვაშს აქვს გაკეთებული. „ბათუმელებთან“ საუბარში მერაბ ხალვაშმა დაადასტურა რომ აპირებს ისევ იბრძოლოს რექტორის პოსტის დასაკავებლად.
რექტორობის კანდიდატთა რეგისტრაცია 7 ივლისს, დღის 4 საათზე მთავრდება.
ბათუმის შოთა რუსთაველის სახელმწიფო უნივერსიტეტის რექტორის არჩევნები 15 ივლისს ჩატარდება.
ახალი რექტორი პოსტს 20 ივლისს დაიკავებს.
ბათუმის ბულვარში მომდევნო კვირიდან ატრაქციონები ამუშავდება. ბულვარის ადმინისტრაციის პრესსამსახურის ინფორმაციით, მიმდინარეობს ატრაქციონების მფლობელებთან შესაბამისი ხელშეკრულებების გაფორმება.
„იჯარის ხელშეკრულებებს აუქციონის გარეშე, პირდაპირი წესით გავაფორმებთ და დოკუმენტაციის მოწესრიგების შემდეგ, მომდევნო კვირიდან, ბულვარის ტერიტორიაზე ყველა ატრაქციონი იმუშავებს. რაც შეეხება ბულვარის საკუთრებაში არსებულ ტრენაჟორებს და საბავშვო გასართობ ატრაქციონებს, მათით სარგებლობა უკვე დაშვებულია,“ – გვითხრეს ბულვარის პრესსამსახურში.
იზოლაციისა და კარანტინის წესებით, ამ დრომდე აკრძალულია სპორტული, კულტურული და გასართობი ღონისძიებების ორგანიზება/ჩატარება, მათ შორის გასართობი პარკების/ატრაქციონების ფუნქციონირება.
მთავრობის ახალი დადგენილებით, ეს აკრძალვა ორშაბათიდან, 6 ივლისიდან, მოიხსნება გასართობ პარკებსა და ატრაქციონებზე.
2020 წლის 6 ივლისიდან საქმიანობის აკრძალვა „არ ვრცელდება სამუზეუმო საქმიანობასა და გასართობი პარკების/ატრაქციონების ფუნქციონირებაზე, რომლებიც უნდა განხორციელდეს „სამუშაო ადგილებზე ახალი კორონავირუსის (COVID-19) გავრცელების თავიდან აცილების მიზნით რეკომენდაციების დამტკიცების თაობაზე“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ბრძანების შესაბამისად,“ – აღნიშნულია მთავრობის დადგენილებაში.
ამ თემაზე:
საქართველოს იუსტიციის მინისტრის 3 ივლისის ბრძანებით, გომისმთასა და კიდევ 6 დასახლებულ პუნქტში [საერთო ფართობი – 85 292 ჰა], სახელმწიფომ მიწის ნაკვეთების სისტემური რეგისტრაცია 2020 წლის ივლისში უნდა დაიწყოს და ამავე წლის ბოლოს [31 დეკემბრის ჩათვლით] დაასრულოს.
სისტემური რეგისტრაციის გეოგრაფიული არეალების საკადასტრო და გრაფიკული მონაცემების მიხედვით, რომელიც მინისტრის ბრძანებას თან ერთვის, დაბა გომისმთაზე მიწის ნაკვეთების სისტემური რეგისტრაცია განხორციელდება მხოლოდ იმ ტერიტორიაზე, რომელსაც ოზურგეთის საკრებულომ სტატუსი მიანიჭა.
გომისმთის დანარჩენ ნაწილზე, რომელიც შუახევისა და ქობულეთის ადმინისტრაციულ საზღვრებშია, მიწის სისტემური რეგისტრაცია ამ ეტაპზე არ განხორციელდება.
აღსანიშნავია, რომ კურორტზე ელექტროენერგიის ქსელი ყველა დასახლებისთვის [სამივე მუნიციპალიტეტის ტერიტორიაზე], შუახევის მუნიციპალიტეტმა მოაწყო, თუმცა, ვინაიდან კანონით რეგისტრირებული საკუთრება აქ არავის აქვს, კომპანია „ენერგო-პრო ჯორჯია“ შუქის სახლებში შეყვანაზე უარს ამბობს.
[checklist]
[/checklist]
მიწის სისტემური რეგისტრაციის პროექტის ფარგლებში, საჯარო რეესტრი თავად ახდენს მიწების აზომვას, საკადასტრო ნახაზების მომზადებას, ყველა საჭირო დოკუმენტების მოძიებას, ნახაზების ჩასწორებას და მიწის ნაკვეთის საკუთრებაში დარეგისტრირებას. ეს ყველაფერი კი მოქალაქეებისთვის არის უფასო.
ოზურგეთის მუნიციპალიტეტის ტერიტორიაზე კურორტ გომისმთასთან მისასვლელი გზის რეაბილიტაციაც იგეგმება. საქართველოს საავტომობილო გზების დეპარტამენტმა შესაბამისი ტენდერი გამოაცხადა. დაახლოებით 20 კილომეტრი გზის რეაბილიტაციისთვის ბიუჯეტიდან 23 837 700 ლარია გამოყოფილი.
გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ინფორმაციით, 4 ივლისის 21 საათიდან 5 ივლისის 21 საათამდე ბათუმსა და მთლიანად აჭარაში მოსალოდნელია ცვალებადი მოღრუბლულობა, უმეტესად უნალექოდ.
იქროლებს ცვალებადი მიმართულების ქარი 10-15 მეტრი წამში.
ჰაერის ტემპერატურა სანაპირო და შიდამთიან რაიონებში იქნება:
მაღალ მთაში მოსალოდნელია:
ზღვის წყლის ტემპერატურა: +26 გრადუსი; ტალღის სიმაღლე 5-10დმ (2-3ბალი).
მომდევნო 2 დღეს, 6-7 ივლისს, აჭარაში მოსალოდნელია ცვალებადი მოღრუბლულობა, უმეტესად უნალექოდ.
აჭარის ჯანდაცვის სამინისტროს მონაცემებით, დაავადებათა კონტროლის აჭარის სამმართველოსა და ბათუმის ინფექციური საავადმყოფოს ლაბორატორიებში ჩატარებული 475 ლაბორატორიული კვლევის შედეგი უარყოფითია.
4 ივლისის მონაცემებით, ცხელების კლინიკებში მოთავსებულია 37 პირი, მათი კვლევის პასუხები დღის ბოლოს გახდება ცნობილი.
აჭარაში კორონავირუსზე PCR ტესტი სულ 23 119 პირს ჩაუტარდა.
დღეისათვის აჭარაში კარანტინში1641 პირი იმყოფება.
„ძლივს დადის, მანქანებს უვარდება, მგონი ბრმაა“; „გზის პირას ვნახე საგურამოს ტყესთან, ჯიშიანი გვინდაო რომ იძახით, რატომ აგდებთ მაშინ გარეთ?“; „ძალიან კეთილი და საყვარელია, აშკარად დაკარგულია ან გამოგდებული, იქნებ ვინმემ იჩუქოთ“ – ასეთ პოსტებს ხშირად წერენ ფეისბუქზე, დაკარგული ძაღლებისა და ცხოველთა უფლებების დაცვის ჯგუფებში. სამივე პოსტი ჰასკებზეა. ქუჩაში ნაპოვნი ჰასკების შესახებ გაცილებით მეტ ცნობას და ფოტოებს წააწყდებით სოციალურ ქსელში. რატომაა ქუჩაში ამდენი ჰასკი, როცა ადამიანები თავიდან დიდი ენთუზიაზმით იძენენ „ლამაზ, ცისფერთვალა“ ძაღლს?
ციმბირული ჰასკის სამშობლო ჩრდილოეთია, ყინვა და თოვლით დაფარული სივრცეები მისთვის ბუნებრივი გარემოა. ამ ჯიშის ძაღლებმა საქართველოში ე.წ. „მომღიმარი სახისა“ და ცისფერი თვალების გამო არაერთი ადამიანის ყურადღება მიიქციეს. ჰასკი თავდაპირველად ძვირადღირებული ჯიში იყო, თუმცა წლების განმავლობაში, უკონტროლო მოშენების შედეგად ამ ჯიშის ძაღლის ლეკვები გაიაფდა, ხოლო თბილისსა და ბათუმში უკვე არაერთ ჰასკის შეხვდებით ყურზე სანიშნე ნომრით, რაც იმას ნიშნავს, რომ ძაღლი ქუჩისაა, არავინ ზრუნავს მასზე და საჭირო აცრები მუნიციპალიტეტმა ჩაუტარა.
თბილისში მდებარე ძაღლების თავშესაფრის მეპატრონე, თამაზ ელიზბარაშვილი ამბობს, რომ ჰასკებისთვის საქართველოს კლიმატი არასასურველია:
„+30 გრადუსი და საქართველო ჰასკისთვის ჯოჯოხეთია. ბინასა და პატარა ეზოში ის ენერგიას ვერ ხარჯავს, წარმოიდგინეთ, ამ საოცარად ენერგიულ ძაღლებს ჩრდილოეთში მარხილებში აბამენ. შეუძლიათ დიდი მანძილის გარბენა. ჩვენს კლიმატს ვერ უძლებს ჰასკი, იბნევა და ცდილობს გაქცევით უშველოს თავს. ვფიქრობ პანდემია ქუჩის ჰასკების მომრავლებასთან არაფერ შუაშია, ზოგადად ცუდი პირობებიდან ყველაზე უფრო გამქცევი ძაღლია ჰასკი, მაგრამ სად გარბიან საბრალოები, თვითონაც არ იციან“ – ამბობს თამაზ ელიზბარაშვილი.
ჰასკები რომ ბათუმის ქუჩებშიც გამოჩნდნენ, ამას გვიდასტურებენ ბათუმის ცხოველთა თავშესაფარშიც. არის შემთხვევები, როცა ჰასკის ლეკვი იზრდება, მეტი ვარჯიში, სირბილი და სივრცე სჭირდება, მეპატრონეს კი, რომელმაც ჰასკი გარეგნობის გამო შეიძინა, აღარ სურს მისი მოვლა და ქუჩაში ტოვებს. ერთი თვის წინ „ბათუმელებსაც“ დაუკავშირდნენ ტელეფონზე კითხვით – „ჰასკის ვეღარ ვუვლი და სად ჩავაბარო?“
ცხოველთა უფლებების დამცველი, თინათინ ჭავჭანიძე გვეუბნება, რომ სხვადასხვა პერიოდში საქართველოში სხვადასხვა ჯიშის ძაღლია „მოდაში“, რომელიც უკონტროლო მომრავლების შედეგად იაფდება და საბოლოოდ ქუჩაში ხვდება. მისი აზრით, სწორედ ამ მოდის მსხვერპლად იქცა ჰასკი საქართველოში.
„ჯერ ლაბრადორებს უშვებდნენ ქუჩაში, რაღაც დროის შემდეგ კოკერსპანიელებს, იორკშირულ ტერიერებსაც კი შეხვდებით. ვხედავთ, რომ მთავარი დამნაშავე არის ადამიანი – უპასუხისმგებლობის გამო, მაგრამ კანონის მიღების გარეშე ვერაფერს გავხდებით. მხოლოდ თავშესაფრები ვერ გვიშველის, თუ პოპულაციის გამრავლება არ გაკონტროლდება და არ მოხდება ძაღლების აღრიცხვა-დაჩიპვა, უნდა დაწესდეს ჯარიმები ძაღლის ქუჩაში გაგდებისთვის, ეს ყველაფერი არის კანონპროექტში, რომელიც შევადგინეთ, მაგრამ არ მიიღეს“ – ამბობს თინათინ ჭავჭანიძე.
მისი თქმით, დიდ პრობლემას ქმნიან მონადირეებიც, რომლებსაც ხშირად მხოლოდ სანადირო სეზონისთვის აჰყავთ ძაღლები, სეზონის დასასრულს კი მათ ხშირად აგდებენ ქუჩაში.
„მონადირეები ძირითადად გართობისთვის კლავენ, შესაბამისად არც ძაღლების გაგდება უჭირთ ქუჩაში. მიზეზი ბევრია: ძაღლი დაბერდა, ვერ ინადირა კარგად, სეზონი დამთავრდა, აღარ სჭირდებათ და ა.შ. მონადირეთა კავშირში რამდენიმე ათასი ადამიანია გაერთიანებული, წარმოიდგინეთ ყოველ მათგანს ნადირობის სეზონზე თითო ძაღლი მაინც აჰყავს, რომელთა ბედიც მერე გაურკვეველია“ – ამბობს თინათინ ჭავჭანიძე.
მისი თქმით ძაღლების თავშესაფრები და იქ მათი სტერილიზაცია, მერე კი ბუნებრივ გარემოში დაბრუნება პრობლემას ვერ აგვარებს, რადგან თბილისში მაგალითად, რაიონებიდანაც ჩამოჰყავთ ძაღლები და ტოვებენ, შესაბამისად თუ თავშესაფარში ასტერილებენ დავუშვათ 10 ძაღლს, პარალელურად ჩამოყვანილი ერთი, გაუსტერილებელი აჩენს წელიწადში საშუალოდ ათს.
საქართველოსგან განსხვავებით, განვითარებულ ქვეყნებში ძაღლების მოშენება-გამრავლება და გაყიდვა ყველას არ შეუძლია. განვითარებულ ქვეყნებში კანონი არეგულირებს, თუ რა ჯიშის ძაღლების მოშენება და გაყიდვაა ნებადართული. ძაღლის ყიდვის ან თავშესაფრიდან აყვანის მსურველს სხვადასხვა საბუთის წარდგენა სჭირდება, მათ შორის ჯანმრთელობის ცნობა და ფსიქოტესტი. თუ ძაღლის ან ლეკვის მსურველმა ვერ დააკმაყოფილა მოთხოვნები, მას არ აძლევენ უფლებას იყიდოს ძაღლი.
როგორც თამაზ ელიზბარაშვილი გვეუბნება, პრობლემაა ძაღლთსაშენებისა და ძაღლების კლუბების მიერ პოპულაციის უკონტროლოდ გამრავლებაც, რაც კერძო პირებისთვის სარფიანი შემოსავალია და ზრდის ქუჩის მიუსაფარ ძაღლთა რაოდენობას.
„ევროპასა და ამერიკაში ძაღლების ქუჩაში გაგდება აზრადაც არავის მოუვა. დანიშნულები არიან და სკანერით უცებ ირკვევა ვისია, ამისთვის 5000 ევროა საშუალოდ ჯარიმა. 18 წელია თავშესაფარი მაქვს. არ მახსოვს ტურისტული სეზონი, უცხოელებს არ წაეყვანოთ საქართველოდან მიუსაფარი ძაღლები, ეცოდებათ და მიჰყავთ, ჩვენ დოკუმენტაციის მომზადებაში ვეხმარებით ხოლმე.
ხშირად მეკითხებიან უცხოელები, როგორ დაგვემართა, რომ აქამდე არ გვაქვს კანონი, რომელიც მიუსაფარი ძაღლების რაოდენობას შეამცირებდა ქუჩაში და ვუხსნი მათ, რომ შინაური ცხოველების თემა ჩვენი პარლამენტისთვის პრიორიტეტი არ არის, კანონპროექტი გვაქვს და თაროზეა შემოდებული“ – ამბობს თამაზ ელიზბარაშვილი.
_____________
ამავე თემაზე:
„რატომ უნდა ვაჭამო, რა სარგებელი აქვს ძაღლს ან კატას?“ – უფროსები, ბავშვები და ცხოველები
ბათუმში, ფრიდონ ხალვაშის გამზირის მიმდებარე დასახლებებში მცხოვრებლების თქმით, აქვთ ინფორმაცია, რომ ავტობანის მშენებლობის გამო დროებით ბათუმი-ახალციხის მაგისტრალი უნდა გადაიკეტოს. ეს მაგისტრალი ფაქტობრივად ერთადერთი გზაა, რომელიც მაღალმთიანი აჭარის მუნიციპალიტეტებს ბათუმთან აკავშირებს.
მოსახლეობა ამბობს, რომ ავტომაგისტრალზე ისედაც საცობებია განსაკუთრებით დილა-საღამოს და მისი გადაკეტვის შემთხვევაში სერიოზული პრობლემა იქნება იმ მონაკვეთზე, რომელსაც დროებით ალტერნატიულ გზად განიხილავენ. „ეს „ალტერნატიული გზა“ არის გაცილებით ვიწრო, მოუწესრიგებელი და გადის სამრეწველო ზონაში. თან არც ის ვიცით, როდის და რა პერიოდით გადაიკეტება ცენტრალური მაგისტრალი“, – ამბობს მოსახლეობა.
მახვილაურის დასახლებაში, ხალვაშის გამზირზე ხიდი უნდა აშენდეს, რომლითაც ბათუმის შემოვლითი გზა ამ გამზირზე გადაივლის.
გადაიკეტება თუ არა ბათუმი-ახალციხის მაგისტრალი ხალვაშის გამზირზე ხიდის მშენებლობის გამო? – საქართველოს საავტომობილო გზების დეპარტამენტში „ბათუმელებს“ უთხრეს, რომ მაგისტრალის გადაკეტვა არ იგეგმება.
ავტობანის მშენებლობაზე დასაქმებულ ერთ-ერთ კომპანიაში კი გვითხრეს, რომ უახლოეს ერთ-ორ თვეში ავტომაგისტრალი არ გადაიკეტება: „როცა ხიდის მშენებლობა დაიწყება, გამოჩნდება საჭირო იქნება თუ არა გადაკეტვა. შესაძლოა ხიდი ისე აშენდეს, რომ პარალელურად ხალვაშის გამზირზე ტრანსპორტმა იმოძრაოს“.
ბათუმის შემოვლითი ახალი გზის 13-კილომეტრიანი მონაკვეთის მშენებლობა, კონტრაქტით, 2020 წლის აგვისტოში უნდა დასრულებულიყო, თუმცა, ეს ვადა გადაიწევს.
დაახლოებით ორი კვირის წინ, საქართველოს საავტომობილო გზების დეპარტამენტში „ბათუმელებს“ სამუშაოების დასრულების კონკრეტული თარიღი ვერ დაუსახელეს.
„გზის მშენებლობის პროცესში გარკვეული შეფერხებები გამოიწვია პანდემიამ და საზღვრების ჩაკეტვამ. ამ დროისთვისაც მობილიზებულია თურქეთის მხარეს საჭირო ტექნიკა და საზღვრის გახსნას ელოდებიან“, – გვითხრეს მაშინ დეპარტამენტში.
ამ თემაზე:
განათლების სამინისტრო ახალ სასწავლო წელს სკოლის შენობებში სწავლის განახლების ვერსიებს განიხილავს. ყველაზე აქტიურად განიხილება შერეული მოდელი, რაც გულისხმობს მოსწავლეების სკოლაში დღეგამოშვებით ყოფნას. ასევე საუბარია იმაზე, რომ სკოლის შენობებში გაკვეთილი მხოლოდ I-II კლასელებს ჩაუტარდეთ, უფროსკლასელები კვირაში 2 ან 3 დღით დაესწრებიან გაკვეთილებს, დანარჩენი დღეები კი სწავლას დისტანციურად, ონლაინ გააგრძელებენ.
„ბათუმელები“ რამდენიმე საჯარო სკოლის დირექტორს ესაუბრა და მათ ჰკითხა, როგორია სკოლების მზაობა ამ ვერსიებიდან რომელიმეს მისაღებად, შეძლებენ თუ ვერა სკოლები კლასში მოსწავლეების განთავსებას დისტანციის დაცვით?
როგორც საჯარო სკოლების დირექტორები ამბობენ, იმ შემთხვევაში, თუკი ჯანდაცვის სამინისტროს რეკომენდაცია იქნება, რომ საკლასო ოთახში მოსწავლეები მინიმუმ 1 მეტრის ან 1.50 დისტანციით განთავსდნენ, მაშინ ეს დიდკონტიგეტიანი კლასების დაყოფას გამოიწვევს, რისი საშუალებაც სკოლებს არ აქვთ.
„ჩვენ არ გვაქვს კლასების გაყოფის საშუალება და საერთოდ, არც გვიფიქრია კლასების დაყოფაზე, სად უნდა წავიყვანოთ განაყოფი? აქ ინფრასტრუქტურის პრობლემაა“, – ამბობს ბათუმის მე-16 საჯარო სკოლის დირექტორი, „ახალი სკოლის მოდელის“ ქოუჩი თამთა კვარაცხელია.
კლასების გაყოფის შემთხვევაში, დგება მასწავლებლების დამატებითი ანაზღაურების საკითხიც, რადგან იმ შემთხვევაში თუ, ვთქვათ, გაიყოფა ერთი პირველი კლასი, მასწავლებლის შრომა გაორმაგდება. შესაბამისად, უნდა გაორმაგდეს მასწავლებლის ანაზღაურებაც.
„დამატებით ანაზღაურებაზე საერთოდ არ მიფიქრია, არ ვიცი“, – ამბობს თამთა კვარაცხელია.
მასწავლებლისთვის დამატებითი ანაზღაურების გაცემა, კლასების გაყოფის შემთხვევაში, არც ბათუმის პირველ საჯარო სკოლას შეუძლია. სკოლის დირექტორი ნატალია მგელაძე ამბობს, რომ ისინი გამოცდების ეროვნული ცენტრის პრაქტიკას გაიზიარებენ და მერხებს დამცავი ფარებით აღჭურვავენ.
„მირჩევნია სკოლა აღვჭურვო შესაბამისად და დამცავი ფარები დავამონტაჟო მერხებზე, ვიდრე ზედმეტი საათები ავანაზღაუროთ. ეს ჩვენი გადასაწყვეტი მაინც არ არის, რადგან ვაუჩერი, რომელსაც სკოლა იღებს, დამატებითი საათების ანაზღაურებისთვის საკმარისი არ იქნება“, – ამბობს ნატალია ზოიძე.
იგი ამბობს, რომ საკლასო ოთახები არ გადაუზომიათ, თუმცა შერეული მოდელის არჩევის შემთხვევაში, დიდი ზომის საკლასო ოთახებში განათავსებენ მერხებს და შეეცდებიან მერხებს შორის ერთმეტრიანი დისტანცია დაიცვან.
ჩაქვის #2 სკოლის დირექტორი, ბადრი დავითაძე ამბობს, რომ სკოლაში სულ 205 მოსწავლე ჰყავს, უმეტეს კლასებში – 17 ან ცოტა მეტი მოსწავლე. „ორი კლასია, სადაც 26 და 30-მდე ბავშვი ზის და თუ რეკომენდაციებში ვერ ჩაჯდა ეს რაოდენობა, მაშინ ამ კლასის გაყოფა მოგვიწევს. თუმცა, დამატებით ჩატარებულ საათებს სკოლა ვერ აუნაზღაურებს მასწავლებელს“, – გვეუბნება ის.
მისი თქმით, ერთი კლასის გაყოფის შემთხვევაში სკოლას 6 500 ლარი დასჭირდება, ორი კლასისთვის კი 12 ათას ლარზე მეტი იქნება საჭირო. „ეს თანხა სულ რჩება სკოლას და მაშინ გამოდის, სხვას ვერაფერს ვეღარ შეიძენს სკოლა, ვერც სადეზინფექციო საშუალებებს“, – ამბობს ბადრი დავითაძე.
დირექტორი მომხრეა, რომ სექტემბერში სწავლა სკოლის შენობებში სრულად განახლდეს, თუმცა ნაწილობრივ განახლების შემთხვევაში, შესაძლოა შაბათი დღეც გამოიყენონ.
„დაწყებითი კლასის მოსწავლეებს ძალიან გაუჭირდათ, ამიტომ ვფიქრობ, რომ მათ უნდა ისწავლონ სკოლის შენობებში, უფროსკლასელებს კი კვირაში 2-ჯერ მაინც ჩაუტარდეთ გაკვეთილი“, – გვეუბნება ის.
ქობულეთის #2 საჯარო სკოლის დირექტორი ნანი ცივაძე ამბობს, რომ „სწავლა დისტანციური იქნება თუ შენობაში, სკოლა ორივე ვარიანტს თავს გაართმევს“.
„ჩვენი სკოლა „მილენიუმმა“ გაარემონტა და პატარა საკლასო ოთახები არ არის. დაახლოებით 50 კვადრატია ყველა ოთახი, ამიტომ მოსწავლეების დისტანციურად განლაგებას შევძლებთ“, – ამბობს ცივაძე.
მისი თქმით, დაწყებითი საფეხურის მოსწავლეები აუცილებლად უნდა დაბრუნდნენ სკოლის შენობაში. „კლასში ისინი უკეთ აღიქვამენ მასწავლებელს. სახლში სწავლა უფრო უჭირთ, მაშინ მშობელი უნდა დაუჯდეს და ასწავლოს. სხვა კლასები ერთ დღეს მოვლენ სკოლაში და მეორე დღეს ექნებათ ონლაინგაკვეთილი“, – ამბობს ცივაძე.
წელს ქობულეთის მე-2 საჯარო სკოლაში 120 პირველკლასელი ეყოლებათ, 8 მოსწავლე კი რუსულ სექტორში იქნება. ამის მიუხედავად, დირექტორი ამბობს, რომ „სკოლა ორ ცვლაშიც ჩვეულებრივად იმუშავებს“.
იმ შემთხვევაში, თუკი ჯანდაცვის რეკომენდაციები მაინც დააყენებს კლასების დაყოფის წინაშე, დირექტორი ამბობს, რომ მასწავლებლების დამატებითი ანაზღაურების საკითხი აუცილებლად დადგება. „თუ მასწავლებელი დაიტვირთება ორმაგად, ანაზღაურებაც უნდა იყოს შესაბამისი“, – ამბობს ის, თუმცა ეს საკითხი, მისივე თქმით, განათლების სამინისტროს გადასაწყვეტია და ამ დეტალებზე სამინისტროს რეკომენდაციებს დაელოდებიან.
რაც შეეხება კლასების საკითხს, მაგალითად, თამთა კვარაცხელია არ არის მომხრე, რომ საკლასო ოთახში მხოლოდ დაწყებითი საფეხურის მოსწავლეებისთვის განახლდეს სწავლება. „არა მგონია ეს სწორი იყოს. მე-11 კლასელმა რა ქნას, რომელსაც სჭირდება მაქსიმალურად მიიღოს ცოდნა, რადგან ამთავრებს სკოლას და უნდა, რომ მაქსიმალურად ბევრი მიიღოს“, – ამბობს თამთა კვარაცხელია. მისი თქმით, ეს საკითხი აუცილებლად უნდა შეთანხმდეს მასწავლებლებთან და ერთად იმსჯელებენ, როცა აგვისტოში სკოლაში დაბრუნდებიან.
ნატალია მგელაძის აზრით კი, მნიშვნელოვანია, გარკვეულ საგნებში გაკვეთილები საკლასო ოთახში ჩატარდეს. „შევეცდებით, რომ წინ წამოვწიოთ ისეთი საგნები, სადაც მასწავლებლის უშუალო ჩართულობა არის მნიშვნელოვანი და ის 3 დღე, როცა, ვთქვათ, მოსწავლე მოვა სკოლაში ქიმია, ფიზიკა, ბიოლოგია ან მათემატიკა ჩავუსვათ ცხრილში.
პარალელურად ამაზეც დავიწყეთ ფიქრი გაკვეთილების ცხრილი როგორ უნდა შედგეს და იმაზეც, როგორ გავაძლიეროთ მასწავლებლები. სამთვიანმა პერიოდმა გვიჩვენა რა მიმართულებით გვჭირდება გაუმჯობესება. იგივე TEAMS-ს, რომელსაც აქტიურად იყენებდნენ დისტანციური სწავლების პერიოდში, ძალიან ბევრი ფუნქცია აქვს, რომლის ათვისებაც ბოლომდე ვერ მოასწრეს მასწავლებლებმა და გვინდა ამ პროგრამის პოტენციალი სრულად ამოვწუროთ“, – ამბობს ნატალია მგელაძე.
რა ფორმით განახლდება სექტემბერში სკოლის შენობებში სასწავლო პროცესი, ამის თაობაზე განათლების სამინისტროს ოფიციალურ რეკომენდაციებს სკოლები აგვისტოში ელოდებიან.
_________________________________________________
მთავარი ფოტო: ლელა დუმბაძე/„ბათუმელების“ არქივი
ამავე თემაზე:
სკოლებში სწავლა შეიძლება დღეგამოშვებით განახლდეს, განიხილება სხვა მოდელიც – მინისტრი
რატომ არ გაასამართლეს ბათუმის ციხის ყოფილი უფროსები, რომლებსაც ბრალი 6 წლის წინ წარუდგინეს და ვის უნდა მოსთხოვონ პასუხი ყოფილმა პატიმრებმა, რომლებსაც ციხეებში აწამებდნენ? – ინტერვიუ ლადო მგალობლიშვილთან ამ თემაზე საუბრით დავიწყეთ, რადგან ახლახან, ერთ-ერთ სატელევიზიო ინტერვიუს დროს მან წინა ხელისუფლების დროინდელი ბათუმის ციხე მეორე მსოფლიო ომის დროინდელ საკონცენტრაციო ბანაკებს შეადარა. აღმოჩნდა, რომ დეპუტატს ინფორმაციაც კი არ აქვს, ციხის ყოფილი უფროსები ჯერ კიდევ რომ არ გაუსამართლებიათ.
ლადო მგალობლიშვილი აჭარის უმაღლესი საბჭოს წევრია და „ქართულ ოცნებას“ წარმოადგენს. იგი ამბობს, რომ მისი გააქტიურება ტელევიზიებსა თუ ფეისბუქში არ უკავშირდება მისი მხრიდან პარლამენტში გადასვლის მცდელობას. დეპუტატი ირწმუნება, რომ კონსულტაციები ჯერ ამ საკითხზე არ დაწყებულა და ფეისბუქაქტივობებსაც საკუთარი ჯიბიდან აფინანსებს.
უმაღლესი საბჭოს დეპუტატს „ბათუმელები“ რამდენიმე პრობლემაზე ესაუბრა.
მე რა ინფორმაციაც მაქვს, ბათუმის ციხის ხელმძღვანელობა – ზაზა ჯიქია და გიორგი ვეკუა მიეცა პასუხისგებაში. მერე როგორ განვითარდა მოვლენები, არ ვიცი. ბრალი რომ წაუყენეს, ეგ ვიცი ნამდვილად. არ ვიცი, ალბათ მისცემდნენ სასჯელს, ბრალი რადგან წაუყენეს.
ესე იგი, სასამართლო სხდომები მიმდინარეობს. მთავარია, რომ ადამიანები, რომლებიც მონაწილეობდნენ წამებასა და არაადამიანურ მოპყრობაში, უნდა იყვნენ დასჯილები… ეს მეტყველებს იმაზე, რომ სასამართლო გადატვირთულია და არ ეცალა. მთავარია, რომ ბრალი წაუყენეს, სასამართლო განხილვა მიმდინარეობს, რა თქმა უნდა, უფრო მალე რომ დასრულებულიყო ეს სხდომა, უკეთესი იქნებოდა, ამაზე არ ვდავობთ.
სასამართლო არ არის პოლიტიკური ხელისუფლების შემადგენელი ნაწილი და მე პასუხს, როგორც მმართველი პარტიის წარმომადგენელი, არ ვაგებ. ეს არის ხელისუფლების სხვა შტო… სასამართლოსთან დაკავშირებით რაც შემიძლია გითხრათ, არის ის, რომ გამამართლებელი განაჩენები ხშირად დგება, ადმინისტრაციულ დავებს იგებენ მოქალაქეები. რა თქმა უნდა, არის ხარვეზები, მაგალითად, სასამართლოების გადატვირთულობა. სწრაფი მართლმსაჯულების ვერგანხორციელება არის გამოწვევა. ჩემი მოკრძალებული აზრით, სასამართლო ხელისუფლებამ ამ საკითხზე უნდა იმუშაოს. სასამართლო ხელისუფლებაში პოლიტიკური ხელისუფლება არ ერევა.
მე ამ საკითხს ვუყურებ ასე: თუ ჩვენი პოლიტიკური გუნდი ჩათვლის, რომ პარლამენტში, ან უმაღლესში ჩემი ყოფნა იქნება საჭირო, მე ამ შემოთავაზებას, რა თქმა უნდა, მივიღებ. ამასთან დაკავშირებით რაიმე კონკრეტული კონსულტაცია ჯერ არ მქონია… ეს ოთხი წელი ისედაც ხშირად ვმონაწილეობდი სატელევიზო გადაცემებში, ამას წინათ ანგარიში გავაკეთე, რადგან, ფაქტობრივად, ამოგვეწურა 4 წელი, მე ამომრჩევლის წინაშე გავაკეთე ანგარიში. ხარჯებს რაც შეეხება, ეს გაღებულია ჩემგან, პირადად ჩემი რესურსებია ყველაფერი. ეს ვიდეოც პირადი რესურსებით მომზადდა. კომიტეტის ანგარიში რადგან არის, შეგვეძლო ბიუჯეტის ხარჯითაც მოგვემზადებია, მაგრამ ასე ვარჩიე მაინც.
ამას წინათ ჯანდაცვის მინისტრთან ერთად შევხდით ამ მოქალაქეებს და დავპირდით, რომ საკითხს ცენტრალურ ხელისუფლებასთან დავაყენებდით. ეს საკითხი გადაწყვეტილია. მანდ აღრიცხვა არ არის საჭირო. საჭიროა, რომ ამათ წარადგინონ ცნობები საზღვრის კვეთის შესახებ და ავტომატურად მიიღებენ თანხებს. ეს საკითხი მოგვარებულია ზუსტად ამ კომუნიკაციის შედეგად.
ეს ხალხი ითხოვდა ერთჯერადი კომპენსაციის მიღებას, ეს იყო მათი მოთხოვნა და ჩვენ ეს მოთხოვნა შევასრულეთ. ახლა 300 ლარი კი არა, შესაძლოა, 1000 ლარიც არ ეყოს. არ ვამბობ, რომ 300 ლარი საკმარისია და თვეების განმავლობაში იცხოვრებს, მაგრამ რა შესაძლებლობაც იყო, ის გაკეთდა, ისედაც არის სხვა დახმარებები სოციალურად დაუცველებისთვის.
ეს ადამიანები ითხოვდნენ კომპენსაციას და ამ კომპენსაციას ისინი მიიღებენ. ამ პრობლემის მოგვარებაზე ვსაუბრობ, თორემ, გასაგებია, რომ 300 ლარი არ ეყოფათ… რაც შეუძლია ხელისუფლებას მწირი საბიუჯეტო რესურსებით, დახმარებებს ნამდვილად გავცემთ, მაგრამ რესურსი არის შეზღუდული. თქვენ იცით, რომ კლება გვაქვს ბიუჯეტში.
ძალიან მალე გვეცოდინება, ატვირთავენ სისტემაში თავიანთ მონაცემებს და გვეცოდინება.
აქამდე ამას აკეთებდა საქსტატი… მას აქვს ინფორმაცია, ზოგადად, საქართველოში თვითდასაქმებული ადამიანების შესახებ. ეს ხალხი შედის თვითდასაქმებულებში. როგორც ვიცი, საქსტატს ზოგადად ამ ხალხის შესახებ აქვს ინფორმაცია: რამდენი ადამიანი გადადის და ასე შემდეგ. მე ახლა კონკრეტიკაში ვერ შევალ. სავარაუდოდ ესენი უნდა ითვლებოდნენ თვითდასაქმებულებში…
უშუალოდ აჭარიდან რამდენი გადადის, ამის დადგენა შეუძლებელია იმიტომ, რომ ადამიანი ერთ სეზონზე წავა ჩაის საკრეფად, მეორე სეზონზე არ მიდის და ამის დადგენა 100 პროცენტით შეუძლებელია. ჩვენ მათი საჭიროებები ისედაც ვიცით. ვინმემ რომ გვითხრას ქვეყანაში, პირობითად, რამდენია დასაქმებული, რამდენი დაუსაქმებელი და რამდენი თვითდასაქმებული, ეს რაოდენობა საქსტატის მიერ ითვლება და ეს ინფორმაცია ჩვენ ვიცით… ადამიანი სამუშაოს თურქეთში პოულობს, თუ საქართველოში, ამის ცოდნა არაფერს იძლევა.
უმუშევრობის მაჩვენებელი არ იზრდებოდა, პირიქით, კლება მიმდინარეობდა. უბრალოდ, ამ კოვიდმა არამხოლოდ საქართველოში, სამუშაო ადგილების შემცირება მთელ მსოფლიოში გამოიწვია. სიღარიბის მიმართულებითაც ჩვენ კლება გვქონდა, მაგრამ მე არ ვიცი მსოფლიოში ქვეყანა, სადაც სიღარიბე და უმუშევრობა პრობლემა არ იყოს.
ჩვენი სოციალური პოლიტიკა არის ის, რომ 70 წელზე მეტი ასაკის ადამიანებს მოვუმატეთ პენსია. ასევე მომავალი წლიდან მათ მოემატებათ პენსია იმის მიხედვით, თუ რამდენი იქნება ინფლაცია. შესაბამისად, სახელმწიფო მაქსიმალურად ცდილობს, რომ პენსიონერს მისცეს პენსია.
მესმის, რომ ბევრი ადამიანი არის რთულ მდგომარეობაში და ითხოვს საზღვრის გახსნას, მაგრამ ჩვენ იქედან სხვა რისკები გვაქვს, არის პანდემიის სერიოზული რისკი.
სახელმწიფო მინიმალურ დონეზე, იმ დონეზე ეხმარება ჩვენს მოქალაქეებს, რომ მშიერი, როგორც ასეთი, პირდაპირი მნიშვნელობით, მოქალაქეები არ არიან საქართველოში. მინიმალურ დონეზე ადამიანს საარსებო რაც სჭირდება, ამას სახელმწიფო ეხმარება ჩვენს მოქალაქეებს.
სად პენსია რომ აქვს ადამიანს შემოსავალი და სად – დამატებითი შემოსავლები. მეტი შემოსავალი ადამიანს ყოველთვის ურჩევნია ნაკლებს. მას უნდა მეტი შემოსავალი ჰქონდეს.
მე 300 ლარი? ეს როგორი შეკითხვაა იცით? ეს მთლად შინაარსს არ გამოხატავს. შესაძლოა, ადამიანმა 300 ლარი იმყოფინოს. არის ხალხი 400 ჰყოფნის, 500 ლარი ჰყოფნის. ეს ძალიან ისეთი ისაა, რა ჰქვია, პირობითი და შედარებითია ყველაფერი.
ვერ დამისახელებთ მსოფლიოში რომელიმე პარლამენტს, სადაც დეპუტატის გარდა, ვინმე სხდომაზე შედიოდეს. უმაღლესი საბჭოც არის საკანონდებლო ორგანო, ასეთი პრეცედენტი მსოფლიოში არ არსებობს, რომ შედიოდეს მოქალაქე და იქ გამოდიოდეს სიტყვით.
საქართველოს პარლამენტში ხშირად ვარ მომხსენებელი და მომხსენებლის ფლიგელს იქით გადასვლის უფლება არ მაქვს. საქართველოს პარლამენტში და სხვა ქვეყნების პარლამენტში სხდომებზე შესვლის უფლება არ გააჩნიათ მოქალაქეებს: მოქალაქე ირჩევს დეპუტატს და ის დეპუტატი წარმოადგენს შემდეგ მოქალაქეს.
მე არასოდეს არ ვიტყვი არც ერთ ჟურნალისტზე, რომ ის დასაჭერია. ეს არაა ჩემი კომპეტენცია, მე ვისაუბრო დეპუტატმა, ვინმე დასაჭერია თუ არა. ეს არაა ჩემი გადასაწყვეტი… კონკრეტულად მე ნამდვილად არ ვფიქრობ, რომ თუნდაც ამ შემთხვევაში შორენა ღლონტი მისაცემი იყოს სისხლის სამართლებრივ პასუხისგებაში, ეს არის ჩემი სუბიექტური აზრი, მაგრამ ეს არაა ჩემი შესაფასებელი.
დღეს, 3 ივლისს, ჯერ კიდევ არ ვიცით, როგორ შეიცვლება ქალაქის მთავარი საფინანსო დოკუმენტი – კორონავირუსის პრევენციის მიზნით გარკვეული ღონისძიებების გაუქმებისა და იმ კომერციული ობიექტების გაჩერების შემდეგ, რომლებსაც სოლიდური თანხები შეჰქონდათ ბიუჯეტში.
არ ვიცით, რამდენია შემოსავალი და გასავალი, რამდენი დააკლდა ბათუმის ბიუჯეტს იმ შეღავათების გათვალისწინებით, რაც ასევე კორონავირუსით გამოწვეული ზიანის შემსუბუქების მიზნით დაუწესა მთავრობამ კერძო კომპანიებს.
ბათუმის საკრებულოს ოპოზიცია ბიუჯეტის ახალ პარამეტრებზე ინფორმაციას საკრებულოს გასულ სხდომაზე სთხოვდა, თუმცა უშედეგოდ. ვიცე-მერი ჯაბა ტუღუში, რომელიც სხდომას ესწრებოდა, მხოლოდ ზოგადი ინფორმაციით შემოიფარგლა [სხდომა 30 ივნისს გაიმართა]. მისი თქმით, ივნისის დასაწყისში მერიამ მიიღო განახლებული მაჩვენებლები ფინანსთა სამინისტროდან ბიუჯეტის შემცირებაზე.
ჯაბა ტუღუშის ინფორმაციით, რაც მან სხდომაზე განაცხადა, დღგ-ს ნაწილში გადასახდელები 7 მილიონით შემცირდება, ასევე ქონების ნაწილში იქნება კლება. ბიუჯეტს მნიშვნელოვანი თანხა დააკლდება სათამაშო ბიზნესის მოსაკრებლის სახითაც: „ორი კვარტალის მონაცემებით, 16 მილიონით უკვე მინუსში ვართ“.
ვიცე-მერმა ასევე განაცხადა, რომ მერიის საფინანსო სამსახური მთავრობასთან ერთად სესხების რესტრუქტურიზაციაზე მუშაობს. მისი თქმით, სასესხო ვალდებულება 27 მილიონი ლარია.
სამთო იალაღებზე მგზავრთა უფასოდ გადაყვანისთვის შუახევის ბიუჯეტში 33 890 ლარია გათვალისწინებული. მომსახურების შესყიდვაზე მუნიციპალიტეტმა ტენდერი გამოაცხადა, სადაც წინადადებების მიღება 8 ივლისს დაიწყება და 10 ივლისს დასრულდება.
მგზავრებს ტრანსპორტი უფასოდ (გადაყვანა-გადმოყვანა) მოემსახურება შემდეგ სამთო იალაღებზე: კატრიანი, გრძელგორი, ყავრიანი, ჩირუხი, ღომა, თაგინური, ჯანჯღნარი, მერიაყელი, შედრეკილი და თეთრობი.
ზუსტი მარშრუტები და რეისების რაოდენობა:
| მარშრუტი | რეისის რაოდენობა |
| დ. შუახევი-კატრიანი, ყავრიანი-დ. შუახევი | 13 |
| ხიჭაური,ახალდაბა, ბარათაული-გრძელგორი-ხიჭაური,ახალდაბა, ბარათაული | 12 |
| ხიჭაური-თაგინური-ხიჭაური | 14 |
| ცხემლისი-თაგინური(ნაფოცხვარა)-ცხემლისი | 8 |
| ჭალა-წყაროთა-თაგინური-ჭალა-წყაროთა | 8 |
| ოლადაური-ჩირუხი-ოლადაური | 10 |
| ტბეთი, გოგაძეები-ჩირუხი-ტბეთი, გოგაძეები | 8 |
| ქიძინიძეები, ჯაბნიძეები–ჩირუხი-ქიძინიძეები, ჯაბნიძეები | 8 |
| დღვანი, ლომანაური გოგინაური–ჩირუხი-დღვანი, ლომანაური გოგინაური | 6 |
| შუბანი-ჩირუხი-შუბანი | 8 |
| კვირიაული-ცინარეთი-ღომა-საყენდრია- კვირიაული-ცინარეთი | 14 |
| წაბლანა-ღომა-საყენდრია-წაბლანა | 7 |
| ს. ნიგაზეული-ჯანჯღნარი-ს. ნიგაზეული | 8 |
| ხიჭაური-მერიაყელი-ხიჭაური | 14 |
| ინწკირვეთი-შედრეკილი-ინწკირვეთი | 8 |
| დ. შუახევი-თეთრობი-დ. შუახევი | 4 |
| ბრილი-ხაბელაშვილები-თაგინური-ბრილი-ხაბელაშვილები | 6 |
| დღვანი, ლომანაური გოგინაური–საბერწია-დღვანი, ლომანაური გოგინაური | 8 |
| კარაპეტი, მაწყვალთა- მაწყვალთის მთა-კარაპეტი, მაწყვალთა | 8 |
| მახალაკიძეები-სანალია-მახალაკიძეები | 5 |
| კობალთა-ძველი მთა-კობალთა | 6 |
მოიალაღეებს ტრანსპორტი უფასოდ ხულოშიც მოემასხურება.
ამ თემაზე:
ხულოში მოიალაღეებს ივლისიდან ოქტომბრამდე ტრანსპორტი უფასოდ მოემსახურება
ბოტსვანაში, სამხრეთ აფრიკაში, 350-ზე მეტი სპილო დაიღუპა უცნობი მიზეზით – წერს „ევრონიუსი“.
გამოცემის ცნობით, სპილოების დახოცვის პირველი შემთხვევები მდინარე ოკავანგოს დელტაში, მაისის დასაწყისში დაფიქსირდა, მაისის ბოლოს თითქმის 170 სპილო დაიღუპა, ივნისში კი ეს რიცხვი გაორმაგდა. დახოცილი სპილოების ნახევარზე მეტი წყალთან ახლოს იპოვეს.
ბრიტანული საქველმოქმედო ორგანიზაციის – „ნაციონალური პარკის გადარჩენის“ დირექტორის, ნაილ მაკანის განცხადებით, სპილოების ასეთი მასობრივი სიკვდილი დიდი ხანია არ დაფიქსირებულა. მისი თქმით, ეს სიტუაცია შესაძლოა ემუქრებოდეს ადამიანების ჯანმრთელობასაც.
თვითმხილველები ჰყვებიან, რომ სპილოები უცნაურად იქცევიან – დადიან წრეზე, ვერ ახერხებენ მიმართულების შეცვლას და მისუსტებული არიან.
ბოტსვანაში სპილოების მასობრივი დახოცვის მიზეზი ჯერჯერობით უცნობია. „ევრონიუსის“ ცნობით, განიხილება მოწამვლისა და დაავადების ვერსიები. გამოცემის ცნობით, მეცნიერები არ გამორიცხავენ COVID19-საც, თუმცა ამის ალბათობა ძალიან დაბალია.
_____________
ფოტო: ევროპის პრესფოტო სააგენტო. EPA/STR
„უკვე მეოთხე წელია ველი სასამართლოს გადაწყვეტილებას და შედეგი არაა,“ – ამბობს 78 წლის ციალა პერტია, რომელიც 29 წელი არარეგისტრირებულ ქორწინებაში იყო და მეუღლის გარდაცვალების შემდეგ საცხოვრებელი ბინის მემკვიდრეობით გადაცემას ითხოვს. ცოლ-ქმარს შვილი არ ჰყოლია. ქონებას ახლა გარდაცვლილი კაცის ძმისშვილი ითხოვს.
ციალა პერტიას შესახებ „ბათუმელები“ 2017 წელს წერდა, მაშინ იგი ბათუმის საქალაქო სასამართლოს გადაწყვეტილებას ელოდა. სარჩელი ბათუმის საქალაქო სასამართლომ, ასევე ქუთაისის სააპელაციო სასამართლომ არ დააკმაყოფილა. ახლა ციალა პერტია უზენაესი სასამართლოს გადაწყვეტილებას ელის, ასევე საკონსტიტუციო სასამართლოს, რომელმაც უნდა იმსჯელოს, რამდენად კონსტიტუციურია, როცა კანონი მეუღლეთა უფლება-მოვალეობების წარმოშობას მხოლოდ რეგისტრირებულ ქორწინებას უკავშირებს.
„უზენაესი ახლა რეალურად ელოდება საკონსტიტუციოს გადაწყვეტილებას, ამიტომ გაჭიანურდა პროცესი. საკონსტიტუციომ 2019 წლის 28 მაისს მიიღო სარჩელი არსებითად განსახილველად… გადაწყვეტილება ამ დრომდე მიღებული არ არის,“ – გვითხრა ადვოკატმა დავით დიდმანიძემ, რომელიც ციალა პერტიას ინტერესებს იცავს.
ადვოკატი ამ კუთხით ევროსასამართლოს პრაქტიკაზე ამახვილებს ყურადღებას და, მაგალითად, გვაჩვენა „კორინი ნიდერლანდების წინააღმდეგ“, სადაც აღნიშნულია, რომ „ქორწინება გასცდა ფორმალურ ურთიერთობებს, ასევე ის, რომ დე-ფაქტო ოჯახური კავშირები იზოლირებულად არ უნდა განვიხილოთ…“
„ამის მიუხედავად უზენაესმა სასამართლომ ერთ-ერთ საქმეზე, 2016 წელს მიიჩნია, რომ ეს პრეცედენტი სამართლებრივად არ არის ვარგისი, ვინაიდან ქორწინების რეგისტრაციის გარეშე მემკვიდრეობის წარმოშობას სამოქალაქო კოდექსი გამორიცხავს,“ – აღნიშნავს ადვოკატი დავით დიდმანიძე.
ადვოკატმა საკონსტიტუციო სასამართლოს წარუდგინა უზენაესი სასამართლოს ადმინისტრაციული პალატის მიერ 2018 წელს მიღებული ერთ-ერთი გადაწყვეტილებაც, რომლის მიხედვითაც სასამართლომ ფაქტობრივი თანაცხოვრება გაითვალისწინა.
„…სასამართლომ გადაწყვეტილება დააყრდნო იმ მნიშვნელოვან ფაქტორს, რომ მიუხედავად იმისა, მოსარჩელე არარეგისტრირებულ ქორწინებაში იმყოფებოდა კონკრეტულ პირთან, საქმეში არსებული ფაქტობრივი გარემოებები ქმნიდა იმის უპირობო საფუძველს, რომ მოსარჩელე საქართველოს ტერიტორიული მთლიანობის, თავისუფლებისა და დამოუკიდებლობისთვის საბრძოლო მოქმედებებში დაღუპული მ.ნ-ს მეუღლე და ოჯახის წევრი იყო. დავა ეხებოდა კომპენსაციის მიღებას,“ – აღნიშნავს ადვოკატი დავით დიდმანიძე.
ციალა პერტია ამბობს, რომ ბინიდან მის გამოსახლებას ვერ შეძლებენ, ვიდრე სასამართლოს ყველა ინსტანციაში საქმის განხილვა არ დასრულდება, მაგრამ მას გამოსახლებით ხშირად ემუქრებიან.
აჭარის ჯანდაცვის სამინისტროს ინფორმაციით, აჭარაში კორონავირუსის ერთი ახალი შემთხვევა დადასტურდა. სამინისტროს ინფორმაციით, შემთხვევა იმპორტირებულია, პაციენტი საკარანტინო სივრციდან გადაიყვანეს.
ახალი შემთხვევა დღეს, დილით დასახელებულ შემთხვევებში შედის.
ამჟამად აჭარაში, ბათუმის რესპუბლიკურ საავადმყოფოში, სამ პაციენტს მკურნალობენ კორონავირუსზე, ახალი შემთხვევის ჩათვლით.
აჭარის ჯანდაცვის სამინისტროს ინფორმაციით, აჭარაში, ცხელების კლინიკებში, მოთავსებულია 36 პირი, მათი კვლევის პასუხები დღის ბოლოს გახდება ცნობილი.
ჯამში აჭარაში კორონავირუსზე PCR ტესტი ჩაუტარდა 22 644 პირს.
__________
ფოტოზე: ბათუმის რესპუბლიკური საავადმყოფო
საქართველოს პრემიერ-მინისტრი გიორგი გახარია ამბობს, რომ საქართველოს მთავრობა სახმელეთო საზღვრების გახსნას ჯერ არ აპირებს.
„სახმელეთო საზღვრების გახსნასთან დაკავშირებით ჯერ ჩვენ ნაჩქარევ ნაბიჯებს ვერ გადავდგამთ. არ გადავდგამთ. სახმელეთო საზღვარზე მიმოსვლა საქართველოს მოქალაქეებისთვის, ისევე როგორც ყველაფერი დაკავშირებული ტვირთების გადაზიდვასთან, მიმდინარეობს ყველანაირი შეფერხების გარეშე.
კონტროლი საკმაოდ ეფექტურია, მაგრამ სახმელეთო საზღვრების ფართოდ გახსნას ჯერ არ ვგეგმავთ,“ – თქვა გიორგი გახარიამ დღეს, 3 ივლისს, ქუთაისის შემოვლითი გზის გახსნისას.
ორი დღის წინ, პირველ ივლისს, აჭარაში, სარფის სასაზღვრო გამშვებ პუნქტთან აქცია გაიმართა. აქციის მონაწილე ქალები საქართველო-თურქეთის საზღვრის გახსნას ითხოვდნენ.
___
აქცია სარფში, საზღვრის გახსნის მოთხოვნით
როგორ ვარჩინო ოჯახი? როდის გაიხსნება საზღვარი? – აქცია სარფში [ფოტო, ვიდეო]
მიწის თანამესაკუთრეების ბანკში ყველას ერთად მისვლა აგრობარათის ასაღებად დღეიდან საჭირო აღარაა. უკვე საკმარისია ერთმა თანამესაკუთრემ ბანკში წარადგინოს ყველა თანამესაკუთრის მიერ ხელმოწერილი თანხმობის [რომ მან აიღოს ბარათი] დოკუმენტი, რომლის შინაარსისა და ხელმოწერების ნამდვილობაზეც პასუხისმგებელი იქნება თავად დოკუმენტის წარმდგენი.
შესაბამისი ცვლილება პროგრამაში მთავრობამ 2 ივლისს შეიტანა. რომლის მიხედვითაც:
„თანასაკუთრებაში არსებული მიწის ნაკვეთ(ებ)ის შემთხვევაში, სუბსიდია გაიცემა ერთ-ერთ თანამესაკუთრეზე, რომელიც ბანკში წარადგენს საქართველოს კანონმდებლობის შესაბამისად ნოტარიულად დამოწმებულ თანხმობის დოკუმენტს, რითაც დასტურდება მისი უფლებამოსილება, თანამესაკუთრეების სახელით მიიღოს და განკარგოს პროგრამით გათვალისწინებული სუბსიდია, ან ყველა თანამესაკუთრის მიერ ხელმოწერილ თანხმობის დოკუმენტს, რომლის შინაარსისა და ხელმოწერების ნამდვილობაზეც პასუხისმგებელი იქნება დოკუმენტის წარმდგენი თანამესაკუთრე და რითაც დასტურდება მისი უფლებამოსილება, თანამესაკუთრეების სახელით მიიღოს და განკარგოს პროგრამით გათვალისწინებული სუბსიდია.“
ამ ცვლილებამდე, აგრობარათის მისაღებად „ლიბერთი ბანკში“ ერთდროულად უნდა მისულიყო მიწის ყველა თანამესაკუთრე და წერილობით უნდა დაედასტურებინათ, რომ თანახმა იყვნენ აგრობარათი ერთ-ერთ თანამესაკუთრეზე გაცემულიყო.
დღეიდან შესაძლოა ასეთი წერილობითი დადასტურება [თანხმობის დოკუმენტი] ბანკში მიუსვლელად გაკეთდეს და ხელმოწერილი ბანკში ერთ-ერთმა თანამესაკუთრემ მიიტანოს [ვისაც გადასცემენ სუბსიდიის მიღების უფლებას].
წერილობითი დადასტურება/განცხადება თანხმობაზე, შეგიძლიათ დაწეროთ, მაგალითად, ამ ფორმით:
ამ თემაზე:
გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ინფორმაციით, 3 ივლისის 21 საათიდან 4 ივლისის 21 საათამდე აჭარაში მოსალოდნელია ცვალებადი მოღრუბლულობა, უმეტესად უნალექოდ.
იქროლებს ცვალებადი მიმართულების ქარი 10-15 მეტრი წამში.
ჰაერის ტემპერატურა სანაპირო და შიდამთიან რაიონებში იქნება:
მაღალ მთაში მოსალოდნელია:
ზღვის წყლის ტემპერატურა 25 გრადუსია.
მომდევნო 2 დღეს, 5-6 ივლისს, მოსალოდნელია უნალექო ამინდი.
_____________
ფოტო: „ბათუმელები“/მანანა ქველიაშვილი
3 ივლისის მონაცემებით, ბოლო 24 საათში საქართველოში COVID19-ის 4 ახალი შემთხვევა გამოვლინდა, განიკურნა 4 ადამიანი.
თბილისის ინფექციური საავადმყოფოს კლინიკური დირექტორის, მარინა ეზუგბაიას განცხადებით, ოთხივე ახალი შემთხვევა შემოტანილია: 2 დაინფიცირებული სატვირთო მანქანის მძღოლია, 2 მოქალაქე კი საქართველოში ასევე სხვა ქვეყნებიდან შემოვიდა.
ჯამში, ქვეყანაში 26 თებერვლიდან დღემდე COVID19-ის 943 შემთხვევაა დადასტურებული, მათგან 821 პაციენტი გამოჯანმრთელდა, 15 – გარდაიცვალა.
ამჟამად კარანტინში იმყოფება 3080 ადამიანი, ხოლო სტაციონარში მეთვალყურეობის ქვეშ – 242.
_____________
ფოტოზე: ლუგარის საზოგადოებრივი ჯანმრთელობის კვლევითი ცენტრის სამედიცინო პერსონალი. წყარო: nplg.gov.ge
შუახევის მუნიციპალიტეტში, საზაფხულო იაილაზე – ჩირუხში, რომელიც ზღვის დონიდან 2148 მეტრ სიმაღლეზე მდებარეობს „წინასწარ შერჩეულ ადგილზე (არანაკლებ 100-150 კვ.მ) უნდა მოეწყოს ეკოსტანდარტების გათვალისწინებით ავთენტური და ეკოლოგიური მასალით დამზადებული საპიკნიკე ინფრასტრუქტურა, რომელიც შექმნის რეკრეაციულ გარემოს, სადაც იქნება როგორც კოცონის და პიკნიკის, ისე მოსასვენებელი სივრცე საქანელებით და ჰამაკებით“.
აჭარის ტურისტული პროდუქტების განვითარების სააგენტომ სამუშაოების შესყიდვაზე ტენდერი უკვე გამოაცხადა. სატენდერო თანხა 42 ათასი ლარია.
ტენდერის ფარგლებში ჩირუხის გარდა ხელვაჩაურის მუნიციპალიტეტში: ერთი გადაბმული ტიპის ხის მაგიდა-სკამები, სამი ჰამაკის ძელი – ორი ჰამაკითა და ერთი ორადგილიანი საქანელა დაიდგმება, ქობულეთის მუნიციპალიტეტში კი – ერთი ორადგილიანი საქანელა.
ჩირუხში მოეწყობა ერთი საპიკნინე, სადაც განთავსდება ერთი დახურული ფანჩატური; გადაბმული ტიპის ხის მაგიდა-სკამები; საცეცხლური; სამი ჰამაკის ძელი – ორი ჰამაკით; ორადგილიანი საქანელა; ნატურალური თლილი ქვით მოპირკეთებული ბილიკი; მზის ენერგიაზე მომუშავე სანათები არანაკლებ 6 ცალი. ერთი შეშის შესანახი ლითონის ყუთი, თავისივე საკეტით.
ტენდერით, ამავე ადგილას გათვალისწინებულია უკვე მარკირებულ ჩირუხი-ხიხიანი-გოდერძის ალპურ მარშრუტზე ნიშნულების დაფების დამატება არსებულ ბოძებზე, პიკნიკის მარკირება.
„საპიკნიკე, რომელიც განთავსდება ალპურ მარშრუტზე, გათვალისწინებული იქნება როგორც მოლაშქრეებისთვის, ისე მთის მოყვარული ვიზიტორებისთვის, რომელთაც საშუალება ექნებათ ღია სივრცეში, ბიომრავალფეროვან და ავთენტურ გარემოში განიტვირთონ, დაისვენონ და ულამაზესი პანორამული ხედებით დატკბენ. მსგავსი პროექტის განხორციელებით შექმნილი რეკრეაციული გარემო ტურისტისტებისთვის კიდევ უფრო კომფორტული გახდება და ტურისტული პოტენციალის უფრო მეტად ათვისებას შეუწყობს ხელს,“ – აცხადებს სააგენტო.
ჩირუხის მთაში „გამორჩეული, სახასიათო, უნიკალური და განსხვავებული ტურისტული პროდუქტისა და ინფრასტრუქტურული პროექტის შექმნაზე“ ტურისტული პროდუქტების განვითარების სააგენტოს შპს „არტსტუდიო-პროექტისთვის“ 198 ათასი ლარი აქვს გადახდილი.
ხელშეკრულებაში შეტანილი ცვლილების მიხედვით, „სატენდერო დოკუმენტაციით გათვალსიწინებული შესყიდვის ობიექტის საბოლოო დოკუმენტაცია წარმოდგენილი უნდა იქნეს 2020 წლის 1-ელ ოქტომბრამდე, კერძოდ :
ამ თემაზე:
200 000 ლარი ჩირუხის მთაში ტურისტული პროდუქტის შესაქმნელად – სააგენტო იდეას და პროექტს შეისყიდის
საბიუჯეტო ორგანიზაციებისთვის პირბადეებს ყიდულობენ. ამ დროისთვის ცნობილია, რომ 4 680 000 სამედიცინო პირბადეს შპს „ნიუ ტექნოლოჯი იმპექსი“ სახელმწიფოს 1 146 600 ლარად სთავაზობს, ხოლო ამავე რაოდენობის არასამედიცინო პირბადეს – 950 ათას 40 ლარად. სახელმწიფოს მიერ გამოცხადებულ ტენდერში არ არის მითითებული, ნიღბები სამედიცინო უნდა იყოს თუ არასამედიცინო.
დოკუმენტების მიხედვით, სახელმწიფო შესყიდვების სააგენტოს კონსოლიდირებული ტენდერი, ზოგადად, ნიღბების შესყიდვაზე აქვს გამოცხადებული 1 მილიონ 170 ათასი ლარით. ტენდერი შერჩევა-შეფასების ეტაპზეა, ამიტომ ჯერ უცნობია გაიმარჯვებს თუ არა კომპანია „ნიუ ტექნოლოჯი იმპექსი“. ამასთან, ვინაიდან ტენდერი აუქციონის გარეშეა გამოცხადებული, ჯერ უცნობია მონაწილეობს თუ არა მასში სხვა პრეტენდენტ[ებ]ი.
რომელ პირბადეზე შეაჩერებს არჩევანს შესყიდვების სააგენტო? – ამ კითხვაზე „ბათუმელებს“ სატენდერო კომისიაში ზოგადი პასუხი გაგვცეს, რომ „პრეტენდენტის შემოთავაზებაზე იმსჯელებს კომისია და გადაწყვეტილება აისახება შესაბამის ოქმში“.
[toggle title=”პირბადეების ტექნიკური მახასიათებლები ნახეთ აქ:“]
ტენდერით მოთხოვნილი პირბადის ტექნიკური პარამეტრები: „ერთჯერადი ნიღაბი (პირბადე), ქარხნულად დამზადებული, არანაკლებ სამშრიანი, ყურზე რეზინის სამაგრებით, ცხვირის არეში რეგულირებადი ფირფიტა-ფიქსატორით ცხვირსა და სახეს შორის სიცარიელის შესავსებად, ნიღაბი სრულად უნდა ფარავდეს ცხვირსა და პირს.“
„ნიუ ტექნოლოჯი იმპექსის“ მიერ შეთავაზებული პირბადეები:
Faceguard – ქარხნულად დამზადებული, ერთჯერადი გამოყენების, მაღალი ხარისხის სამედიცინო დანიშნულების პირბადე გამოირჩევა შემდეგი თვისებებით:
99% დაცვა ვირუსებისა და ბაქტერიებისგან (ფილტრაციის მაჩვენებელი წვეთოვანი ნაწილაკების 99%-ის შეკავების უნარი) ყურის ელასტიური რეზინის მარყუჟი (ცხვირსა და სახეს შორის სიცარიელის შესაბამისი შევსებით), კანისთვის უსაფრთხო მასალა, ცხვირის არეში რეგულირებადი ფირფიტა-ფიქსატორი (ნიღაბი სრულად ფარავს ცხვირსა და პირს), ანტიალერგიული. Faceguard-ის ვარგისიანობის ვადა შეადგენს 24 თვეს.
Faceguard – ქარხნულად დამზადებული, ერთჯერადი გამოყენების, მაღალი ხარისხის არასამედიცინო დანიშნულების პირბადე გამოირჩევა შემდეგი თვისებებით: ფილტრაციის ეფექტურობა 0,6%-დან 70%-მდე (მასალა არ არის წელვადი), ყურის ელასტიური რეზინის მარყუჟი (ცხვირსა და სახეს შორის სიცარიელის შესაბამისი შევსებით), შიდა შრე- ჰიდროფილური, უზრუნველყოფს გამოყოფილი ნაწილაკების შეჩერებას, შუა შრე-არაწელვადი მასალისგან, ფილტრაციის ეფექტურობით 0,6%-დან 70%-მდე. გარე შრე – ჰიდროფობური, ახდენს მის ზედაპირზე მოხვედრილი ნაწილაკების შეკავებას.კანისთვის უსაფრთხო მასალა, ცხვირის არეში რეგულირებადი ფირფიტა-ფიქსატორი (ნიღაბი სრულად ფარავს ცხვირსა და პირს), ანტიალერგიული, პირბადე არის ქარხნულად დამზადებული. პირველადი შეფუთვის გაუხსნელად პირბადე Faceguard-ის ვარგისიანობის ვადა შეადგენს 24 თვეს.
[/toggle]
„ნიუ ტექნოლოჯი იმპექსი“ სააგენტოს Faceguard-ის პირბადეებს სთავაზობს, რომელსაც თავად აწარმოებს. სატენდერო დოკუმენტების მიხედვით, პირბადეების Faceguard-ის საწარმო 2020 წლის აპრილში„საპარტნიორო ფონდისა“ და TBC ბანკის მხარდაჭერით გაიხსნა.
„ნიუ ტექნოლოჯი იმპექსისგან“ სხვადასხვა სახის 185 455 ლარის პირბადეები უკვე შეისყიდეს საბიუჯეტო ორგანიზაციებმა [საქართველოს ეროვნულმა ბანკმა – 10 600 ლარის პირბადე, სახელმწიფო ინსპექტორის სამსახურმა – 1 575 ლარის, შეფასებისა და გამოცდების ეროვნულმა ცენტრმა – 172 000 ლარის, საქართველოს ტექნიკურმა უნივერსიტეტმა – 1 280 ლარის პირბადე].
შპს „ნიუ ტექნოლოჯი იმპექს“-ის წილების 90%-ს დავით მიმინოშვილი, ხოლო 10%-ს საპარტნიორო ფონდი ფლობს, რომელიც სახელმწიფო ფონდია; ფონდმა ეს წილი საჩუქრად მიიღო.
„პროექტის სრული კონცეფცია „საპარტნიორო ფონდმა“ შეიმუშავა და ჩინურ მხარესთან აქტიურ მოლაპარაკებასაც ფონდი აწარმოებდა. მსოფლიო პანდემიიდან გამომდინარე, იყო სირთულეები, გაძნელებული იყო ტრანსპორტირება, ასევე ჩინეთიდან იქ არსებული სიტუაციის გამო აკრძალული იყო დანადგარებისა და ნედლეულის მიწოდება. ხოლო „საპარტნიორო ფონდის“ ჩინეთის პოლიტიკურ და ბიზნეს წრეებთან მრავალწლიანი საქმიანი ურთიერთობებიდან გამომდინარე, შესაძლებელი გახდა, ჩინეთიდან ეპიდემიის გამო არსებული საგანგებო მდგომარების პირობებში, გამონაკლისის დაშვება და მოკლე დროში საქართველოში დანადგარებისა და ნედლეულის ჩამოტანა. ამ მნიშვნელოვანი წვლილისთვის კომპანიამ „საპარტნიორო ფონდს“ 10 %-იანი წილი გადასცა,“ – განაცხადა „ნიუ ტექნოლოჯი იმპექსის“ დამფუძნებელმა დავით მიმინოშვილმა. ფონდის განცხადებით კი, მას ამ პროექტში ფინანსური თანამონაწილეობა არ მიუღია.
შპს „ნიუ ტექნოლოჯი იმპექსი“ ზაალ იაკობიძემ და დავით მიმინოშვილმა 3 თვის წინ, 2020 წლის 2 აპრილს დააფუძნეს და მეორე დღესვე დაარეგისტრირეს. პარტნიორთა წილები კაპიტალში განისაზღვრა შემდეგნაირად: ზაალ იაკობიძე – 50% და დავით მიმინოშვილი – 50%. ახალი კომპანიის იურიდიულ მისამართად კი, სხვა კომპანიის [„ოაზისი 9“ – რომლის პარტნიორებიც თავად არიან] საკუთრებაში არსებული უძრავი ქონების მისამართი მიუთითეს.
დოკუმენტების მიხედვით, „ნიუ ტექნოლოჯი იმპექს“-ის დაფუძნებიდან 20 დღეში – 2020 წლის 22 აპრილს, ზაალ იაკობიძემ კუთვნილი წილი 100 ათას ევროდ [ექვივალენტი ლარში] მიჰყიდა დავით მიმინოშვილს, რომელიც კომპანიის ერთპიროვნული მფლობელი გახდა.
ხელშეკრულებაში აღნიშნული იყო, რომ „ნასყიდობის ფასის გადახდა განხორციელდება ხელშეკრულების გაფორმებიდან 20 სამუშაო დღის ვადაში უნაღდო ან ნაღდი ანგარიშსწორებით“.
ამ გარიგებიდან 6 დღეში, 2020 წლის 28 აპრილს, დავით მიმინოშვილმა „საპარტნიორო ფონდს“ შპს „ნიუ ტექნოლოჯი იმპექსის“ წილის 10% აჩუქა.
პარტნიორთა კრების გადაწყვეტილებით, რომელსაც „საპარტნიორო ფონდიც“ ეთანხმება – მიმინოშვილს ეკისრება ვალდებულება 2 წლის განმავლობაში შეისყიდოს ეს წილი „ამ გადაწყვეტილების კონფიდენციალურ ვერსიაში მითითებულ ფასად“.
„საპარტნიორო ფონდს“ კი არ აქვს უფლება მესამე პირებზე გაასხვისოს კუთვნილი წილი, გარდა იმ შემთხვევისა, როდესაც ამაზე არსებობს დამფუძნებლის თანხმობა, ან ის არ ასრულებს ვალდებულებას ამ წილის შესყიდვაზე.
წილის 10%-ის ჩუქება საჯარო რეესტრში 30 აპრილს დარეგისტრირდა, ამონაწერში კი ვალდებულებებიც ჩაიწერა. მეორე დღეს, 1-ელ მაისს, საჯარო რეესტრს „საპარტნიორო ფონდმა“ ამ ვალდებულებების შესახებ ჩანაწერის წაშლა მოსთხოვა:
„მოგმართავთ სს „საპარტნიორო ფონდის“ (ფონდი) იურიდიული დეპარტამენტის დირექტორი. სამწუხაროდ 30 აპრილს დაშვებულია ხარვეზი, რომელიც გთხოვთ გამოასწოროთ. კერძოდ:
1. ვალდებულების ნაწილში დაფიქსირებულია ფონდის ვალდებულება დ. მიმინოშვილის მიმართ, რაც არ გახლავთ მართებული, ვინაიდან:
ა) პარტნიორის გადაწყვეტილების 2.1 პუნქტი ითვალისწინებს დ. მიმინოშვილის ვალდებულებას და არა ფონდის ვალდებულებას. ის, რომ დ. მიმინოშვილი ვალდებულია შეისყიდოს ფონდის წილი, არ გულისხმობს ფონდის ვალდებულებას გაყიდოს ეს წილი;
ბ) 2.3 პუნქტში მითითებული პირობა არ წარმოადგენს ვალდებულების გრაფაში დასაფიქსირებელ საკითხს, ვინაიდან მაგ ლოგიკით პარტნიორის ნებისმიერი ვალდებულება, რომელიც წესდებაში ფიქსირდება (პირველი უარის თქმის უფლება და ა.შ.) უნდა ფიქსირდებოდეს ვალდებულების გრაფაში;
გ) განმცხადებელს არ მოუთხოვია ვალდებულების გრაფაში რამის დაფიქსირება და ამას არც ფონდი დათანხმებია. ზემოაღნიშნულიდან გამომდინარე, გთხოვთ გამოასწოროთ ხარვეზი და წაშალოთ ვალდებულების გრაფაში არსებული ჩანაწერი“, – აღნიშნული იყო საჯარო რეესტრში „საპარტნიორო ფონდის“ მიერ შეტანილ განცხადებაში.
რეესტრმა არსებული ჩანაწერი წაშალა. განცხადების შეტანიდან მეორე დღეს, 2020 წლის 1-ელ მაისს, საჯარო რეესტრიდან ახალ ამონაწერში ვალდებულების გრაფა ცარიელია.
დავით მიმინოშვილი წილებს არაერთ კომპანიაში ფლობს, მათ შორის: შპს „ოაზისი 9“, შპს „ბემონი“, შპს „ვესტ პოინტი“, შპს „სენტა პეტროლიუმი“, შპს „სენტა ინსპექტირების ცენტრი“, შპს „პროფერთი გრუპ Property Group“.
[toggle title=”აღნიშნული ტენდერის ფარგლებში, რომელმა ორგანიზაციამ რამდენი პირბადე უნდა შეისყიდოს 2020 წელს ნახეთ აქ:“]
| შემსყიდველი ორგანიზაცია | შესასყიდი რაოდენობა (ცალი) |
| ეროვნული სკრინინგ ცენტრი | 11,259 |
| სსიპ სოფლის მეურნეობის სახელმწიფო ლაბორატორია | 25,020 |
| სსიპ ,,ლაბორატორიული კვლევითი ცენტრი” | 6,255 |
| სსიპ გიორგი აბრამიშვილის სახელობის საქართველოს თავდაცვის სამინისტროს სამხედრო ჰოსპიტალი | 62,551 |
| შპს „საქართველოს ფოსტა“ | 31,276 |
| შპს რეგიონალური ჯანდაცვის ცენტრი | 25,020 |
| შპს ,,ქ. ბათუმის რესპუბლიკური კლინიკური საავადმყოფო” | 56,296 |
| შპს ,,სენაკის ბავშვთა სავადმყოფო | 1,877 |
| სსიპ შემოსავლების სამსახური | 225,184 |
| ა(ა)იპ შუახევის სოციალური სერვისების ცენტრი | 375 |
| ა.ა.ი.პ,,რუსთავსერვის ცენტრი” | 938 |
| სსიპ – ცხოველთა მონიტორინგის სააგენტო | 5,004 |
| ა(ა)იპ კოლეჯი ,,პრესტიჟი” | 313 |
| შპს აღმოსავლეთ საქართველოს ფსიქიკური ჯანმრთელობის ცენტრი | 18,765 |
| შპს “ქ.ბათუმის N1 პოლიკლინიკა” | 1,251 |
| შპს ქ. რუსთავის კანისა და ვენსნეულებათა დისპანსერი | 1,626 |
| თბილისის სახელმწიფო სამედიცინო უნივერსიტეტი (პირველი საუნივერსიტეტო კლინიკა) | 43,786 |
| შპს “ქუთაისის N4 შერეული პოლიკლინიკა | 1,251 |
| შპს”მესტიის საავადმყოფო-ამბულატორიული გაერთიანება” | 3,753 |
| სსიპ კორნელი კეკელიძის სახელობის საქართველოს ხელნაწერთა ეროვნული ცენტრი | 6,255 |
| შპს ,,სენაკის დევნილთა პოლიკლინიკა | 782 |
| შპს საავადმყოფო-პოლიკლინიკური გაერთიანება | 1,251 |
| შპს “ბავშვთა ჯანმრთელობის ცენტრი” | 15,638 |
| ქედის მუნიციპალიტეტის მერია | 1,877 |
| ტუბერკულოზისა და ფილტვის დაავადებათა ერ.ცენტრი | 75,061 |
| შპს ,,ბათუმის წყალი” | 1,564 |
| სსიპ ,,კოლეჯი ახალი ტალღა” | 3,128 |
| შპს”სანდასუფთავება | 6,255 |
| სახელმწიფო დაცვის სპეციალური სამსახური | 3,128 |
| ლევან სამხარაულის სასამართლო ექსპერტიზის ეროვნული ბიურო | 3,128 |
| სპეციალური პენიტენციური სამსახური | 156,378 |
| შპს ,,ქედის ავტოსატრანსპორტო საწარმო” | 532 |
| შპს,,აფხაზეთიდან იგპ ჯვარის ამბულატორია” | 626 |
| სსიპ შოთა მესხიას , ზუგდიდის სახელმწიფო სასწავლო უნივერსიტეტი | 1,877 |
| ა(ა)იპ ხაშურსერვისი | 626 |
| შპს ,,ქ. თბილისის ფსიქიკური ჯანმრთელობის ცენტრი” | 23,144 |
| სსიპ საქართველოს ოლიმპიური რეზერვების მზადების ეროვნული ცენტრი | 125 |
| თსსუ გ.ჟვანიას სახ. პედიატრიის აკადემიური კლინიკა | 21,893 |
| შპს ამბულატორიულ-პოლიკლინიკური გაერთიანება | 1,251 |
| ა(ა)იპ ხულოს სოციალური სერვისების ცენტრი | 1,877 |
| შპს `ქუთაისის დ. ნაზარიშვილის სახელობის საოჯახო მედიცინის და საოჯახო მედიცინის რეგიონული სასწავლო ცენტრი” | 1,877 |
| სს ინფექციური პათოლოგიის, შიდსისა და კლინიკური იმუნოლოგიის ს/პ ცენტრი | 18,765 |
| შპს ფსიქიკური ჯანმრთელობისა და ნარკომანიის პრევენციის ცენტრი | 62,676 |
| შპს დევნილთა საოჯახო მედიცინის ცენტრი | 12,510 |
| შ.პ.ს. “სალიხ აბაშიძის ინფექციური პათოლოგიის შიდსის და ტუბერკულოზის რეგიონული ცენტრი” | 15,638 |
| სსიპ გარემოს ეროვნული სააგენტო | 626 |
| შპს საქართველოს მელიორაცია | 4,438 |
| სსიპ რუსთავის N7საჯარო სკოლა | 94 |
| ა(ა)იპ ,,ქობულეთის ჯანდაცვისა და სოციალური სერვისების ცენტრი” | 9,383 |
| სსიპ ბათუმის შოთა რუსთაველის სახელმწიფო უნივერსიტეტი | 3,128 |
| სსიპ საქართველოს ეროვნული არქიცი | 9,383 |
| სოფლის მეურნეობის სამეცნიერო -კვლევითი ცენტრი | 1,595 |
| სსიპ ივანე ბერიტაშვილის ექსპერიმენტული ბიომედიცინის ცენტრი | 1,251 |
| სსიპ ქალაქ რუსთავის N13 საჯარო სკოლა | 125 |
| შპს ,,წყალთა სახეობის ცენტრი – ტონუსი | 313 |
| შპს „შიდა ქართლის პირველადი ჯანდაცვის ცენტრი“ | 1,877 |
| ა(ა) იპ კოლეჯი “ჰორიზონტი” | 1,251 |
| აკად.ნ. ყიფშიძის სახელობის ცენტრალური საუნივერსიტეტო კლინიკა | 93,827 |
| შპს “საქართველოს გაერთიანებული წყალმომარაგების კომპანია” | 62,551 |
| თბილისის სახელმწიფო სამედიცინო უნივერსიტეტის აპ. ურუშაძის სახელობის სტომატოლოგიური კლინიკა | 6,255 |
| თბილისის სახელმწიფო სამედიცინო უნივერსიტეტის #2 სტომატოლოგიური კლინიკა | 1,877 |
| თბილისის სახელმწიფო სამედიცინო უნივერსიტეტის ი. ქუთათელაძის ფარმაკოქიმიის ინსტიტუტი | 1,251 |
| თბილისის სახელმწიფო სამედიცინო უნივერსიტეტის N1 სტომატოლოგიური კლინიკა | 4,379 |
| თბილისის სახელმწიფო სამედიცინო უნივერსიტეტის ოდონტოლოგიის დეპარტამენტი | 3,128 |
| თბილისის სახელმწიფო სამედიცინო უნივერსიტეტის პირის ღრუს ლორწოვანისა და პაროდინტის დაავადებათა დეპარტამენტი | 3,128 |
| თბილისის სახელმწიფო სამედიცინო უნივერსიტეტი | 39,407 |
| შპს რუსთავის ფსიქიკური ჯანმრთელობის ცენტრი | 3,753 |
| ახალგ.მუნ.სკოლ.სააღმზრდ.დაწესებულებათა გაერთიანება | 2,314 |
| (204473346) საქართველოს შინაგან საქმეთა სამინისტროს ჯანმრთელობის დაცვის სამსახური | 1,576,270 |
| (204871594-დღგ) შპს თბილისის ბავშვთა ინფექციური კლინიკური საავადმყოფო | 12,510 |
| (424066977) სსიპ სამცხე-ჯავახეთის სახელმწიფო უნივერსიტეტი | 626 |
| (204862078) საქართველოს ფინანსთა სამინისტრო | 1,877 |
| შ.პ.ს. “ჰერმესი” | 1,877 |
| სსიპ კოლეჯი “ოპიზარი” | 188 |
| ა(ა)იპ „თბილისის ზოოლოგიური პარკი” | 1,251 |
| ა(ა)იპ შუახევის ბაგა-ბაღების გაერთიანება | 1,877 |
| სსიპ ჟიული შარტავას სახელობის ქალაქ რუსთავის N4საჯარო სკოლა | 250 |
| შ.პ.ს. “ვ.სანიკიძის სახელობის ომის ვეტერანთა ჰოსპიტალი | 18,765 |
| შპს აფხაზეთიდან იძულებით გადაადგილებულ პირთა ზუგდიდის პოლიკლინიკა | 751 |
| სსიპ თბილისის აპოლონ ქუთათელაძის სახელობის სახელმწიფო სამხატვრო აკადემია | 1,564 |
| იმერეთში სახელმწიფო რწმუნებულის ადმინისტრაცია | 626 |
| ქ. ბათუმის მუნიციპალიტეტის მერია | 2,189 |
| სსიპ გარდაბნის მუნიციპალიტეტის სოფელ ნაზარლოს საჯარო სკოლა | 63 |
| სიღნაღის მუნიციპალიტეტის მერია | 3,753 |
| ლაგოდეხის მუნიციპალიტეტი | 1,877 |
| მარტვილის.კომპ.სას. სკოლა | 63 |
| სსიპ ქალაქ თბილისის N61 საჯარო სკოლა | 500 |
| შპს N3 სამკურნალო პროფილაქტიკურ ცენტრი | 313 |
| შპს ,,პარკინგსერვისი” | 188 |
| ა(ა)იპ ამბროლაურის მუნიციპალიტეტის დასუფთავების და კეთილმოწყობის სამსახური | 626 |
| ააიპ თელავის მუნიციპალიტეტის სასპორტო გაერთიანება | 63 |
| ა(ა)იპ „ქუთგანათების სერვისი“ | 313 |
| ქალაქ ქუთაისის მუნიციპალიტეტის მერია | 6,255 |
| გარემოსდაცვითი ზედამხედველობის დეპარტამენტი | 25,020 |
| საქართველოს უზენაესი სასამართლო | 626 |
| სსიპ “სტატისტიკის ეროვნული სამსახური” | 3,128 |
| თიღვის მუნიციპალიტეტის გამგეობა | 626 |
| ქალაქ ფოთის მუნიციპალიტეტი | 1,251 |
| შპს “მთის კურორტების განვითარების კომპანია” | 10,842 |
| სსიპ “აკრედიტაციის ერთიანი ეროვნული ორგანო-აკრედიტაციის ცენტრი” | 626 |
| სსიპ გიორგი ლეონიძის სახელობის ქართული ლიტერატურის სახელმწიფო მუზეუმი | 31 |
| ა(ა)იპ “სპეციალური სერვისები” | 3,128 |
| დმანისის მუნიციპალიტეტის მერია | 1,877 |
| სსიპ იაკობ გოგებაშვილის სახელობის თელავის სახელმწიფო უნივერსიტეტი | 626 |
| ა(ა)იპ დუშეთის მუნიციპალიტეტის კეთილმოწყობის სამსახური | 626 |
| ა(ა)იპ „ქ. ბათუმის სოციალური სერვისების სააგენტო“ | 1,251 |
| სსიპ ლევან საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრი ლუგარის ს/ჯ კვლევითი ცენტრი | 175,143 |
| საქართველოს სახელმწიფო უსაფრთხოების სამსახური | 3,128 |
| სსიპ ,,საქართველოს ტექნიკური უნივერსიტეტი” | 1,877 |
| სსიპ სამოქალაქო ავიაციის სააგენტო | 438 |
| სსიპ საზღვაო ტრანსპორტის სააგენტო | 2,502 |
| სსიპ ვაჟა-ფშაველას სახელობის ქალაქ რუსთავის N23 საჯარო სკოლა | 938 |
| აჭარის (ზემო აფხაზეთის) მუნიციპალიტეტი | 313 |
| ზუგდიდის მუნიციპალიტეტის მერია | 1,126 |
| გარდაბნის მუნიციპალიტეტის სოფელ ახალი სამგორის საჯარო სკოლა | 313 |
| შპს ,,ენგურჰესი” | 3,128 |
| შპს ,,ვარდნილჰესების აკსკადი” | 626 |
| საქართველოს იუსტიციის უმაღლეს საბჭოსთან არსებული სსიპ საერთო სასამართლოების დეპარტამენტი | 84,444 |
| საქართველოს განათლების, მეცნიერების, კულტურისა და სპორტის სამინისტრო | 813,604 |
| შპს “გარდაბნის თბოსადგური” | 18,765 |
| სსიპ ნიკოლოზ მუსხელიშვილის სახელობის ფიზიკა-მათემატიკის ქალაქ რუსთავის #26 საჯარო სკოლა | 125 |
| სსიპ ბათუმი ბულვარი”” | 1,877 |
| სსიპ შეფასებისა და გამოცდების ეროვნული ცენტრი | 12,510 |
| სსიპ სკოლის გარეშე სახელოვნებო საგანმანათლებლო დაწესებულება ქ. რუსთავის სამუსიკო სასწავლებელი | 125 |
| ხაშურის მუნიციპალიტეტის მერია | 626 |
| სსიპ ილია წინამძღვრიშვილის სახელობის კოლეჯი | 250 |
| საქართველოს თავდაცვის სამინისტრო | 62,551 |
| სსიპ დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტო | 9,695 |
| საქართველოს იუსტიციის სამინისტრო | 1,877 |
| შპს “თბილსერვის ჯგუფი” | 168,888 |
| სსიპ წიაღის ეროვნული სააგენტო | 1,877 |
| შპს „მარაბდა-კარწახის რკინიგზა” | 188 |
| შპს „თბილისის სატრანსპორტო კომპანია“ | 187,654 |
| ააიპ მარტვილის მუნიციპალიტეტის ,,კეთილმოწყობის ცენტრი” | 313 |
| სსიპ ვეტერანების საქმეთა სახელმწიფო სამსახური | 12,510 |
| ბოლნისის მუნიციპალიტეტი | 6,255 |
| სსიპ საქართველოს ეროვნული მუზეუმი | 55,170 |
| ს.ს. ,,საქართველოს ნავთობისა და გაზის კორპორაცია” | 9,383 |
| გურჯაანის მუნიციპალიტეტი | 3,128 |
| სსიპ საჯარო რეესტრის ეროვნული სააგენტო | 31,276 |
| სსიპ ,,საქართველოს მეცნიერებათა ეროვნული აკადემია | 3,753 |
| ზესტაფონის მუნიციპალიტეტის მერია | 3,128 |
| სსიპ კოლეჯი „მერმისი“ | 626 |
| სსიპ გენერალ გიორგი კვინიტაძის სახელობის კადეტთა სამხედრო ლიცეუმი | 1,251 |
| სსიპ საქართველოს სტანდარტებისა და მეტროლოგიის ეროვნული სააგენტო | 626 |
| სსიპ საქართველოს ფინანსთა სამინისტროს მომსახურების სააგენტო | 626 |
| ა(ა)იპ”კეთილმოწყობისა და მომსახურების ცენტრი” |
3,128 |
| შპს `საქართველოს გაზის ტრანსპორტირების კომპანია” | 3,128 |
| სსიპ განთიადის საჯარო სკოლა | 188 |
| ა(ა)იპ ხელვაჩაურის მუნიციპალიტეტის სასპორტო სკოლა | 125 |
| საფეხბურთო კლუბი ,,მაჭახელა” | 188 |
| ააიპ „თბილისის პარასპორტის განვითარების ცენტრი“ | 250 |
| ა(ა)იპ აჭარის განათლების ფონდი | 313 |
| სსიპ კოლეჯის ,,ბლექსი | 626 |
| რუხის რესპუბლიკური საავადმყოფო | 62,551 |
| ააიპ „გურჯაანის მუნიციპალური სერვისი“ | 56 |
| სსიპ სოხუმის ილია ვეკუას ფიზიკა-ტექნიკის ინსტიტუტი | 626 |
| სსიპ სახელმწიფო სამხედრო სამეცნიერო-ტექნიკური ცენტრი “დელტა” | 4,691 |
| ა(ა)იპ„0ზურგეთის მუნიციპალიტეტის მომსახურების ცენტრი“ | 626 |
| ააიპ ზესტაფონის დასუფთავებისა და კეთილმოწყობის სერვისცენტრი | 6,255 |
| ააიპ „გარდაბნის მუნიციპალიტეტის სკოლამდელი სააღმზრდელო დაწესებულება“ | 3,128 |
| საქართველოს სახელმწიფო უსაფრთხოების სამსახურის სსიპ – საქართველოს ოპერატიულ-ტექნიკური სააგენტო | 626 |
| სსიპ-გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის ეროვნული კვლევითი ცენტრი | 125 |
| შპს “საქართველოს გაზსაცავის კომპანია” | 626 |
| შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატი | 626 |
| სსიპ აკაკი წერეთლის სახელმწიფო უნივერსიტეტი | 1,251 |
| სსიპ ,,სასწავლო უნივერსიტეტი-ბათუმის სახელმწიფო საზღვაო აკადემია” | 6,255 |
| სს ,,ელექტროენერგეტიკული სისტემის კომერციული ოპერატორი” | 188 |
| ააიპ დედოფლის წყაროს მუნიციპალიტეტის სკოლამდელი და სკოლის გარეშე სააღმზრდელო ცენტრი | 2,502 |
[/toggle]
ახალი კორონავირუსის პანდემიის გამო მთავრობას გადაწყვეტილი ჰქონდა, საქართველოში სამედიცინო პირბადეების წარმოების ხაზის გამართვა და პირბადეების წარმოება, რისთვისაც 6 600 000 აშშ დოლარი უნდა დაეხარჯა. „საპარტნიორო ფონდმა“, რომელიც სახელმწიფო ფონდია, 6,6 მილიონი აშშ დოლარის ტენდერის გარეშე დახარჯვის თანხმობის მისაღებად შესყიდვების სააგენტოსაც მიმართა, თუმცა, მოგვიანებით, ფონდმა თავისი განცხადება სააგენტოდან გამოიხმო.
საპარტნიორო ფონდის განცხადებაში აღნიშნული იყო, რომ „პირბადეების წარმოებაში ბევრი კერძო კომპანია ჩაერთო და ფონდმა იმ კერძო ინვესტორებთან ერთად დაიწყო პროექტის განხორციელება, რომლებმაც გამოხატეს მზადყოფნა პროექტის 100%-ით დასაფინანსებლად“. შესაბამისად, „საპარტნიორო ფონდმა“, მთავრობასთან შეთანხმებით, მიზანშეწონილად აღარ მიიჩნია პროექტის განსახორციელებლად ფონდის ფინანსური რესურსის გამოყოფა“
კერძო ინვესტორების შესახებ ფონდის განცხადებაში არაფერი იყო ნათქვამი, თუმცა იმ დღეებში საქართველოს მთავრობამ გაავრცელა ინფორმაცია, რომ 4 მილიონ პირბადეს ჯანდაცვის სექტორისთვის ბიძინა ივანიშვილის „ფონდი ქართუ“ შეიძენდა. ამ პირბადეების საქართველოში წარმოება კი შპს „რესპირატორმა“ დაიწყო. სახელმწიფო ამ კომპანიასაც დაეხმარა.
ამ თემაზე:
სახელმწიფო პირბადეების წარმოებას იწყებს, რისთვისაც 6,6 მილიონ დოლარს დახარჯავს
„ჩვენი ხელფასები დაახლოებით 400 ლარით შემცირდა, ღამით მუშაობა ისევ გვიწევს, ზეგანაკვეთურს კი აღარ გვიხდიან,“ – ამ მიზეზით საპროტესტო აქციას ბათუმის მერიასთან დღეს, 2 ივლისს, შპს „ბათუმის წყლის“ თანამშრომლები მართავენ. ისინი შრომითი პირობების გაუმჯობესებას ითხოვენ.
„ჟურნალისტებთან ბევრი იმალება, ზოგი იმ ხის ძირას დგას, ზოგი აგერაა… არავის უნდა სამსახურის დაკარგვა, მაგრამ რა გვექნა? ასე მუშაობა აღარ შეიძლებოდა. დღეს შესვენების მერე სამსახურში აღარ დავბრუნდით, იმედი გვაქვს, რომ მერიიდან შეგვხდება ვინმე,“ – გვითხრა აქციის ერთ-ერთმა მონაწილემ, რომელმაც არ ისურვა ვინაობის გამხელა.
ნური ტუღუში: „მშრომელი ადამიანი უნდა დაფასდეს, ამას მოვითხოვთ ჩვენ. ზემოდან არ უნდა გვიყურებდნენ… გვეუბნებიან, კრიზისია, კრიზისიაო… თუ ეს ასეა, მათთვის არ არის ეს კრიზისი?… ვისთვის და უფროსობისთვის“.
აქციის მონაწილეების თქმით, მათ 24-საათიანი სამუშაო განრიგი აქვთ და ხშირად ღამითაც უწევთ მუშაობა.
„ბოლო სამი თვე აღარ დაუმატებიათ რამე… ჩვენ რამდენჯერმე ვცადეთ ადმინისტრაციისგან პასუხის მიღება, მაგრამ ეს არ მოხერხდა,“ – გვითხრა როინ ავჯიშვილმა.
აქციის მონაწილეებმა გვაჩვენეს „ბათუმის წყლის“ ის ოთახიც სამსახურში, სადაც მათ ზოგჯერ მუშაობა ღამით უწევთ.
„დააკვირდით, გარეთ თოვლია, ფანჯარას მინებიც კი არ აქვს, აქ ღამე ყოფნა – არ ვიცი,“ – გვითხრა აქციის კიდევ ერთმა მონაწილემ.
„ჩვენი ორგანიზაცია მუშაობს 24-საათიან რეჟიმში და ვერ მოვუწყობთ აქ მოსასვენებელ ოთახებს. ეს ნიშნავს, რომ გამომყავს ღამით თანამშრომელი და ხელფასს ვუხდი იმაში, რომ იწვეს და იძინოს… აქ დევს სავარძელი და მოსასვენებელი დივანი, ფანჯარა შესაძლოა იმტვრევა და რემონტდება,“ – გვიპასუხა მარიკა გვიანიძემ, იგი შპს „ბათუმის წყლის“ გენერალური დირექტორია. „ბათუმის წყალი“ მერიის მიერ დაფუძნებული ორგანიზაციაა.
მარიკა გვიანიძე ამბობს, რომ თანამშრომლებს ზეგანაკვეთური სამუშაოს ანაზღაურებას ჩვეულებრივად უხდის და იმ თანამშრომლებისთვის, რომლებიც ახლა საპროტესტო აქციაზე დგანან, პანდემიის გამო არ გაუცია პრემია.
„თქვენ თუ რომელიმე თანამშრომელი მოგცემთ თანხმობას, მე მოგაწვდით მათ ხელშეკრულებას და ხელფასის ჩარიცხვების შესახებ ინფორმაციასაც… ჩვენ არ გაგვიცია პრემია მარტსა და ივნისში. კვარტალურად გაიცემა პრემია და მე ისე გავაკეთე, რომ ისინი ხელფასის 100 პროცენტით პრემიას იღებდნენ კვარტალში ერთხელ, ზოგჯერ ზემდგომებზეც მაღალი ანაზღაურება გამოსდიოდათ,“ – გვითხრა მარიკა გვიანიძემ.
„ჩვენი ზარალი იყო სერიოზული,“ – ამბობს მარიკა გვიანიძე, თუმცა „ბათუმელებთან“ საუბრის დროს მან უარი თქვა ციფრების დაკონკრეტებაზე – რა ოდენობის შემოსავალი დაკარგა „ბათუმის წყალმა“. მარიკა გვიანიძის თქმით, კერძო და საჯარო უწყებები მუშაობის შეჩერების დროს წყლის გადასახადს აღარ იხდიდნენ.
მარიკა გვიანიძე ამბობს, რომ პრემია არც მას აუღია. „ბათუმის წყლის“ გენერალურმა დირექტორმა არ გვითხრა, რამდენია მისი ხელფასი.
„ეს პირადი ინფორმაციაა, ასეა ეს,“ – დაგვემშვიდობა მარიკა გვიანიძე.
მარიკა გვიანიძე, როგორც თანამდებობის პირი, ავსებს ქონებრივ დეკლარაციას. 2019 წელს შევსებული დეკლარაციის მიხედვით, მარიკა გვიანიძის შრომის ანაზღაურება 2018 წლის 11 სექტემბრიდან [როცა იგი ამ პოზიციაზე დანიშნეს] ამავე წლის 31 დეკემბრის ჩათვლით 21 087 ლარი გამოვიდა. ამ მონაცემების მიხედვით, მარიკა გვიანიძის ხელფასი თვეში მინიმუმ 5 ათასი ლარია.
ნახეთ პირდაპირი ჩართვის ჩანაწერი „ბათუმის წყლის“ თანამშრომლების აქციიდან:
ხელვაჩაურის მუნიციპალიტეტის სოფელ ახალსოფელში მეზობლები სახელმწიფოს საკუთრებაში არსებული გზის გამო დავობენ. ვახტანგ თედორაძე ამბობს, რომ მეზობელმა ნაკვეთებს შორის არსებული გზა თვითნებურად ჩაკეტა. მას ალტერნატიული შესასვლელი აქვს, მაგრამ ხელი მაინც ეშლება – ვეღარ გამოიყენებს სახლის მიმდებარედ საკუთრებაში არსებულ ნაკვეთს მიზნობრივად, რაც ოჯახისთვის შემოსავლის წყარო შეიძლება გამხდარიყო.
მისი მეზობელი მერაბ ფერცელიძე კი აცხადებს, რომ გზად დარეგისტრირებული ნაკვეთი მას ეკუთვნის, წინაპრებისგან მიიღო მემკვიდრეობით და არაფერი იცოდა იმის შესახებ, რომ მისი საკუთრება სახელმწიფომ გზად დაარეგისტრირა.
არ ვიცი, როგორ, როდის და ვისი მითითებით დარეგისტრირდა გზად. ჯერ ვერ გავარკვიე“, – ამბობს ფერცელიძე და დასძენს, რომ აქ გზის მოწყობა ერთგვარი კეთილი ნების გამოხატვა იყო მისი მხრიდან და მხოლოდ რამდენიმე წლის წინ, „წინა ხელისუფლების დროს“ გაიგო, რომ ნაკვეთი სახელმწიფომ გზად დაარეგისტრირა. ის აპირებს სახელწიფოს ისევ მიმართოს და ნაკვეთის, როგორც მისი საკუთრების დარეგისტრირება მოითხოვოს: „მაქვს ძველი დოკუმენტები“.
პრობლემის მოგვარების მოთხოვნით ვახტანგ თედორაძემ ხელვაჩაურის მერიას რამდენჯერმე მიმართა როგორც ზეპირად, ასევე წერილობით და რეაგირება მოითხოვა: „მითხრეს, რომ ყველაფერს გაარკვევდნენ, თუმცა გზის გახსნა ამ დრომდე ვერ მოხერხდა“.
რა გააკეთა მუნიციპალიტეტის მერიამ იმისთვის, რომ სახელმწიფოს საკუთრებაში არსებული გზა მეზობლებს შორის უფრო მწვავე კონფლიქტის საგანი არ გახდეს? – ვკითხეთ ხელვაჩაურის მერიას. მერიაში დაგვიდასტურეს, რომ ამ ფაქტის შესახებ ინფორმაცია აქვთ და კანონმდებლობით გათვალისწინებული რეაგირებაც მოახდინეს, თუმცა შედეგი მაინც არ დადგა.
„ჩვენ გავაფრთხილეთ, დავაჯარიმეთ, ყველაფერს თავისი ვადა აქვს. საქმე აღსრულებაშიც გადავაგზავნეთ, ახლა უკვე სასამართლოშიც. ვნახოთ, სასამართლო რას გადაწყვეტს. ეს უკვე ჩემს კომპეტენციას სცილდება“, – გვითხრა ხელვაჩაურის მერმა ჯუმბერ ვარდმანიძემ.
