Batumelebi | ხანძრისა და სტიქიის შედეგად დაზარალებულ ოჯახებს სახელმწიფო დაეხმარება ხანძრისა და სტიქიის შედეგად დაზარალებულ ოჯახებს სახელმწიფო დაეხმარება – Batumelebi
RU | GE  

ხანძრისა და სტიქიის შედეგად დაზარალებულ ოჯახებს სახელმწიფო დაეხმარება

აჭარის მთავრობა სტიქიისა და ხანძრის შედეგად დაზარალებულ 30 ოჯახს ავტონომიური რესპუბლიკის ბიუჯეტის სარეზერვო ფონდიდან 308 518 ლარს გამოუყოფს. ინფორმაციას ამის შესახებ აჭარის ჯანდაცვის სამინისტრო ავრცელებს.

დახმარების გაცემა გათვალისწინებულია ბათუმის, ხულოს, ხელვაჩაურისა და ქობულეთის მუნიციპალიტეტებში დაზარალებულ ოჯახებზე.

ხულოს მუნიციპალიტეტში მცხოვრებ სტიქიითა და ხანძრით დაზარალებულ 17 ოჯახს გამოეყოფა  118 518 ლარი. ბათუმში ხანძარის შედეგად დაზარალებული 8 ოჯახი მიიღებს 20 000 -20 000 ლარს. ქობულეთის მუნიციპალიტეტში ხანძრის შედეგად დაზარალებულ 1 ოჯახს გამოეყოფა 10 000 ლარი, ხოლო ხელვაჩაურის მუნიციპალიტეტში სტიქიითა და ხანძრით დაზარალებულ 4 ოჯახს  60 000 ლარი.

დაზარალებული მოსახლეობის დახმარების გადაწყვეტილება სტიქიის სალიკვიდაციო შერეული სამთავრობო კომისიის სხდომაზე მიიღეს. კომისიის წევრების რეკომენდაცია აჭარის მთავრობის თავმჯდომარეს დასამტკიცებლად უახლოეს დღეებში გადაეგზავნება.

2020 წელს სტიქიისა და ხანძრის შედეგად დაზარალებული ოჯახების დასახმარებლად აჭარის ავტონომიური რესპუბლიკის რესპუბლიკური ბიუჯეტით გათვალისწინებული სარეზერვო ფონდიდან ჯამში 1 725 780 ლარი გამოიყო.

ნეტგაზეთის მასალების სხვა გამოცემებში გადაბეჭდვის წესი
ავტორი