Batumelebi | ეროვნულ გამოცდაზე აბიტურიენტს შეუძლია პირბადე მოიხსნას – გახარია ეროვნულ გამოცდაზე აბიტურიენტს შეუძლია პირბადე მოიხსნას – გახარია – Batumelebi

ეროვნულ გამოცდაზე აბიტურიენტს შეუძლია პირბადე მოიხსნას – გახარია

საქართველოს პრემიერ-მინისტრი გიორგი გახარია ამბობს, რომ ეროვნულ გამოცდაზე შესულ აბიტურიენტს შეუძლია პირბადე მოიხსნას.

„იქედან გამომდინარე, რომ განათლების სამინისტრო ტექნიკურად კარგად მოემზადა ამ გამოცდების ჩასატარებლად, აბიტურიენტს, რომელიც აუცილებლად პირბადით უნდა მივიდეს თავის საგამოცდო მერხთან, რომელიც იქნება უზრუნველყოფილი დეზობარიერით, გამოცდის ჩაბარების პერიოდში შეუძლია პირბადე მოიხსნას, რადგან იქ დისტანცია იქნება დაცული,“ – განაცხადა გახარიამ.

გახარიას თქმით, „იმ შემთხვევაში, თუკი საგამოცდო ოთახში ტემპერატურა ავა +30 გრადუსამდე, შესაძლებელი იქნება კონდიციონერების ჩართვა. ეს რეკომენდაცია ჩვენ მიღებული გვაქვს ჯანდაცვის მსოფლიო ორგანიზაციისგან“.

ერთიანი ეროვნული გამოცდები საქართველოში 6 ივლისს დაიწყება. გამოცდები ჩატარდება 24 საგამოცდო ცენტრში. ერთიან ეროვნულ გამოცდებზე 55 ათასზე მეტი პირი დარეგისტრირდა, მათ შორის 39 300-ზე მეტი აბიტურიენტია, 3 600-ზე მეტი სტუდენტი და 12 600-ზე მეტი მაგისტრობის კანდიდატ.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com