Batumelebi

 

სატენდერო დოკუმენტაციის მიხედვით ტენდერში გამარჯვებულმა კომპანიამ  ბათუმის ბრენდ-კონცეფციის, ლოგოს და სლოგანის, ასევე ვებგვერდის  შექმნასთან დაკავშირებით უნდა ჩაატაროს კვლევა, რაშიც სხვადასხვა სოციალური ჯგუფების მონაწილეობა უნდა უზრუნველყოს. 

 

სატენდერო დოკუმენტაციაში ვკითხულობთ, რომ ადგილობრივი ბიზნესასოციაციების, სამოქალაქო სექტორის, ბათუმში მყოფი ტურისტების, კულტურისა და მეცნიერების სფეროს წარმომადგენლების კვლევაში მონაწილეობამ „მათი მისწრაფებებისა და ღირებულებების  ბრენდის პლათფორმაში ასახვა უნდა უზრუნველყოს“. 

 

კონკურსის მონაწილეს მოეთხოვება კომისიას ჩააბაროს შუალედური ანგარიში კვლევის შესახებ და რეკომენდაციების მიღების შემდეგ გააგრძელოს კვლევა საბოლოო შედეგის მისაღებად.  

 

 

 

 

 

ბათუმში იაპონური ხეივანი რედისონის მიდმებარე ტერიტორიაზე გააშენეს.

 

საკურას გარდა ხეივანში იაპონური ჯუჯა ხეებიც დაირგო.

 

ბათუმის გამწვანებისა და ლანდშაფტური დაგეგმარების სამსახურის ხელმძღვანელი ეთერ მაჭუტაძე,  ამბობს რომ ეს ხეივანი ბათუმის  სავიზიტო ბარათი გახდება. მისი განარტებით საკურა ერთ წელში აყვავილდება.

 

 

 

 

 

 

პროექტის მიზანია  თანამედროვე ხელოვნების  ,,თხრობითი პერფომანსების” საშუალებით,  დემოკრატიული იდეებისა და ღირებულებების შესახებ საქართველოში ახალგაზრდების ცნობიერების ამაღლება.

თხრობით პერფომანსებს წარმოადგენენ „დემოკრატიის მთხრობელთა დასის“ წევრები.

დასში გაწევრიანებულია სხვადასხვა ასაკისა და პროფესიის ახალგაზრდა.

აღნიშნული სახით პერფომანსები ჩატარდება ასევე მაღალმთიან აჭარაშიც.

 

 

 

 

 “სირცხვილია, ჩვენ არ მოვყვებით ამ გაკვეთილს”, –  ამბობენ ბავშვები, “როცა გაკვეთილი, მაგალითად, სქესთა შორის ბიოლოგიურ სხვაობას ეხება. ზოგიერთი საერთოდ ტოვებს გაკვეთილს. კომპლექსდებიან მასწავლებლებიც და ხშირად გაკვეთილებს ახტებიან”, _ გვეუბნება თეონა.

“ბათუმელები” რამდენიმე სკოლის მოსწავლეებს გაესაუბრა. მოსწავლეების აზრით, სტერეოტიპული აღზრდის შედეგია ის, რომ მოსწავლეებს დღემდე არ აქვთ გაცნობიერებული სქესობრივი აღზრდის ბუნებრიობა და მისი მნიშვნელობა.
“ოჯახში აღზრდისა და საზოგადოებრივი აზრის შედეგია ის, რომ ბიჭები ან თუნდაც გოგონები, ვერ ისმენენ ანატომიის, ბიოლოგიის გაკვეთილებს. “ამას ვერ მოვყვები”, – მარტო ეს აკერიათ პირზე და რა არის მოსაყოლი? _ ჰორმონალური ცვლილებები მოზარდის ორგანიზმში” _ თემას გვანცა აგრძელებს, – “მე, პირადად, ძალიან მაინტერესებს, მაგრამ გაკვეთილზე ისეთი სიტუაცია იქმნება, ცოდნას ვეღარ იღებ. იძულებული ვხვდებით, მასწავლებელს ინდივიდუალურად მივმართოთ და რაღაც ინფორმაცია მივიღოთ”.

 

მოზარდის სქესობრივ აღზრდაზე ძირითადად გოგონები საუბრობენ. მოსაზრებას მეთერთმეტეკლასელი აკაკიც გვიზიარებს, თუმცა დისკუსიას მალევე ეთიშება. `არა მგონია, სკოლამ შეძლოს ამ ინფორმაციის მიწოდება. ჩემი აზრით, ოჯახმა უნდა ასწავლოს ბავშვს”, _ გვეუბნება ის, თუმცა დასძენს, რომ მას მშობლებთან ასაკობრივ ცვლილებებზე არასდროს უსაუბრია: `უხერხული თემაა. გამბედაობის ამბავია, თუმცა მე არ მქონია მცდელობა”.

 

“რაც ვიცი, ქუჩამ მასწავლა”, – გვეუბნება ის. თანატოლების ინფორმაციის წყარო კი ძირითადად ინტერნეტია.
მოსწავლეების აზრით, სქესობრივი აღზრდის გაკვეთილების არაეფექტურობას მოზარდების დამოკიდებულება იწვევს. “ბრაზდებიან ბიჭები, გოგონებთან ერთად ამას არ მოვისმენთო, შემდეგ გოგონებიც კომპლექსდებიან. მასწავლებელი გაკვეთილს რომ ხსნის, ბავშვების რეაქციას აკვირდება. ჩემი აზრით, ეს არ არის სწორი, რადგან მასწავლებელი რა პოზიციას დაიჭერს, ეს ძალიან მნიშვნელოვანია. შეიძლება ოჯახმა სტერეოტიპები ჩამოგიყალიბოს, რადგან არც ისინი არიან კარგად აღზრდილი ამ საკითხებში, მაგრამ სკოლა სტერეოტიპებს არ უნდა აყალიბებდეს. მე სკოლაში იმიტომ დავდივარ, რომ განათლება მივიღო”, _ გვეუბნება თეონა.

 

ის მიიჩნევს, რომ სკოლამ აუცილებლად უნდა განსაზღვროს სქესობრივი სწავლების პოლიტიკა და თუ პედაგოგი ვერ ახერხებს კომპლექსების დაძლევას, საკითხში ფსიქოლოგი ჩაერიოს.  “მესმოდა, რომ მენსტრუაციის შემდეგ გოგონები სიმაღლეში აღარ იზრდებიან. ვერ წარმოიდგენთ რამდენი ვიტირე, ცრემლებად ვიღვრებოდი მთელი კვირა, მეშინოდა აღარ გავიზრდებოდი, რადგან პატარა ვიყავი. არავის აუხსნია და არც წიგნში წერია ამაზე, რომ ეს ასე არ არის. ვფიქრობ, ამ ტიპის საკითხები ფსიქოლოგმა უნდა გვასწავლოს”.

 

მაიას აზრით, უნდა დამთავრდეს იმაზე საუბარი, რომ სქესობრივი აღზრდა სირცხვილი ან უზნეობაა. “საქართველოში, მგონი, ყველას ამ სტერეოტიპით ზრდიან, რომ ეს უზრდელობაა. მე ჩვეულებრივ ამბად მიმაჩნია და მინდა, რომ ანატომიის თუ ბიოლოგიის გაკვეთილზე მეტი გავიგო ჩვენი სხეულის განვითარების შესახებ. მე არ მინდა გაურკვეველ ან უხერხულ მდგომარეობაში აღმოვჩნდე მხოლოდ იმიტომ, რომ ვიღაცას სტერეოტიპები აკომპლექსებს. სკოლამ უნდა მომცეს სრულფასოვანი ცოდნა”.

 

მოსწავლეების აზრით, სქესობრივი განათლების დეფიციტის შედეგია მოზარდების ნაადრევი ქორწინებაც. “ქორწინების გარდა არის სხვა პრობლემებიც. წელს იყო შემთხვევა, როცა მშობლებმა მეცხრე თვეში გაიგეს, რომ მათი შვილი ფეხმძიმედ იყო. მსგავსი ფაქტები არ მოხდება, მასწავლებლები და მშობლები სრულფასოვან ინფორმაციას რომ გვაწვდიდნენ”, _ ამბობს თეონა.

 

თამთას აზრით, სტერეოტიპები იმდენად ძლიერად მუშაობს, რომ მოზარდები ხშირად ინფორმაციის მიღებითაც კი შეურაცხყოფილნი რჩებიან: “აქცია იყო სკოლაში კონტრაცეფციასთან დაკავშირებით და ბროშურები დაარიგეს. ბავშვები კი ბრაზდებოდნენ _ `მე რაში მჭირდება?”, “რატომ მომეცი?”.
სკოლებში სქესობრივი აღზრდის თემა არაერთხელ გახდა დისკუსიის საგანი. 2005 წელს განათლების სამინისტრომ დაიწყო საუბარი სქესობრივ აღზრდასთან დაკავშირებული სახელმძღვანელოს შექმნაზეც, თუმცა საზოგადოებრივი აზრის მოუმწიფებლობის გამო ამ საკითხის განხილვა შეწყდა.
პირველი საჯარო სკოლის ბიოლოგიის მასწავლებლის, ხათუნა ტოტოჩავას აზრით, მოზარდთა სქესობრივ აღზრდას სპეციალური საგანი არ სჭირდება. მისი აზრით, ანატომია და ბიოლოგია ამ თემებს თავისთავად მოიცავს: “ბიოლოგიაში ისწავლება ენდოკრინული სისტემა, რომელიც კავშირშია სასქესო ჯირკვლებთან. საუბარია მამრობითი და მდედრობითი სქესის ჰორმონებზე და მოსწავლეები სწავლობენ მათი მოქმედების მექანიზმს. იმას, თუ რა ხდება მათი პათოლოგიების შემთხვევაში. მე-11 კლასში კი გენეტიკას სწავლობენ, იმას, თუ რა აყალიბებს სქესს. მე, პირადად, არ მქონია უხერხულობა ამ საკითხების სწავლებისას. ყველაფერი მასწავლებელზეა დამოკიდებული, გააჩნია, როგორ მიაწვდი”.

 

ფსიქოლოგი ირმა ფეიქრიშვილი, რომელიც ორ კერძო სკოლაში _ “მასტერ კლასსა” და “მომავლის სკოლაში” მუშაობს, “ბათუმელებთან” ამბობს, რომ ფსიქოლოგთან მოზარდების მიმართვიანობის დინამიკა მაღალია. “სქესობრივი მომწიფების ასაკი გაახალგაზრდავდა, ამან უფრო გაართულა ურთიერთობა მშობლებთან და გაძლიერდა სტერეოტიპებიც. მშობლებთან დისტანცირებას მოჰყვა ინფორმაციის მიღების ალტერნატიული საშუალებებით _ ინტერნეტის, ტელევიზიის ჩანაცვლება, სადაც ხშირად ვაწყდებით ბევრ არაკომპეტენტურ ინფორმაციას. სტერეოტიპების გამო მოზარდი ხშირად მალავს პრობლემას, რაც შემდგომში აისახება მის ფსიქოლოგიურ მდგომარეობაზე. მსგავს ფაქტებთან ხშირად მაქვს შეხება”.

 

ფსიქოლოგის აზრით, სტერეოტიპების მსხვერპლი მშობლები პრობლემაა, რადგან რეპრესიულ აღზრდას მძიმე შედეგები მოაქვს: “მქონდა შემთხვევა, როცა მშობელმა მიიჩნია, რომ მოზარდის ფსიქოლოგიური დაძაბულობის მიზეზი სექსუალური მოთხოვნილება იყო და მეძავებთან წაიყვანა, რაც ასევე გახდა მოზარდის პროტესტის მიზეზი. პარადოქსული მდგომარეობაა. თანამედროვე მშობლები უფრო ცდილობენ მიიღონ განათლება, რომ შემდეგ ეს სტერეოტიპები არ აღმოჩნდეს მათთვის დამღუპველი. მშობლები არა მარტო სქესობრივ, არამედ, ზოგადად, ბავშვის აღზრდასთან დაკავშირებით უნდა იყვნენ ინფორმირებული, ამიტომ ოპტიმალური იქნება მშობლებისთვის სალექციო კურსის გავლა, რომელიც სკოლის ფსიქოლოგებსაც შეუძლიათ, რომ უზრუნველყონ.

 

ირმა ფეიქრიშვილის აზრით, სქესობრივი აღზრდა რთული და ფაქიზი პროცესია, ამიტომ უნდა იყოს ხანგრძლივი და ეტაპობრივი. “ამ ეტაპების შემუშავება განათლების სამინისტრომ სწორედ ფსიქოლოგების მეშვეობით უნდა შეძლოს. არსებობს უნიკალური მეთოდი “ზღაპრის თერაპიაც”, რომელიც გარკვეული წესების დაცვით არის აგებული და აქტიურად გამოიყენება ფსიქოლოგიაში. შესაძლებელია ამ ელემენტების გამოყენებაც”.

ფსიქოლოგს მიაჩნია, რომ სკოლის, ოჯახისა და სახელმწიფოს როლი სწორედ ამ მექანიზმების შესამუშავებლად უნდა გაერთიანდეს.

 

 

 

აქციის მონაწილეები მიიჩნევენ, რომ ეკლესიის გუმბათის ჩამონგრევის გამო სამართლებრივი პასუხისმგებლობა არავის არ უნდა დაეკისროს. ადგილობრივების ნაწილი ასევე ტაძრის მშენებლობის გაგრძელებას მოითხოვს. 

 

აქციის ერთ-ერთი მონაწილე შოთა პატარიძე „ბათუმელებთან“ ამბობს: „აქციის ძირითადი პრინციპი არის, რომ მამა მარკოზის გვერდში ვუდგავართ, ინფორმაციამ გაჟონა, რომ ადანაშაულებენ მამა მარკოზს, მისი პასუხისმგებლობა რომ არ დადგეს იმიტომ ვდგავართ აქ. 150-200 კაცამდე ვიყავით შეკრებილები”.

 

ნესტან გოგიშვილიც აქციაზე იმყოფება: „ჩვენ მხარს ვუჭერთ მამა მარკოზს, ვითხოვთ  კვლავ  დაუბრუნდეს ეკლესიის მშენებლობას.”

 

ხელვაჩაურის გამგეობაში კი განმარტეს, რომ ეკლესია უნებართვოთ შენდებოდა. 

 

უბედური შემთხვევა 7 მაისს მოხდა, ტაძრის გუმბათის ჩამონგრევის შედეგად ორი ახალგაზრდა გარდაიცვალა, ორი კი დაშავდა.

 

 

 

 

 

 

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკი) მიერ დადგენილი ლიცენზიატის (ენერგოკომპანიის) მიერ გაწეული მომსახურების კომერციული ხარისხის წესები და სტანდარტები უკვე ერთი წელია მოქმედებს.

 

როგორც სემეკში აცხადებენ, წესების მიზანია ენერგოკომპანიის მიერ ყველა კატეგორიის  მომხმარებლისთვის გაწეული მომსახურების ხარისხის გაუმჯობესება დადგენილი სტანდარტების შესაბამისად.

 

ენერგოკომპანია ვალდებულია უზრუნველყოს თავის მომსახურების ცენტრებში შესაბამისი მატერიალურ-ტექნიკური ბაზის შექმნა, რათა ჯეროვნად მოხდეს ამ წესებით გათვალისწინებული მომსახურების კრიტერიუმების დაკმაყოფილება.

 

აჭარის ტერიტორიაზე ელექტროენერგიის ერთადერთი ლიცენზიანტი ენერგოკომპანია სს „ენერგო-პრო ჯორჯიაა“

 

მომსახურების კომერციული ხარისხის ორი სტანდარტი

 

სემეკმა მომსახურების კომერციული ხარისხის ორი სტანდარტი დააწესა: ა) საერთო სტანდარტი; და ბ) გარანტირებული სტანდარტი.

 

საერთო სტანდარტი წარმოადგენს მომსახურების ისეთ სახეს, რომლის შესრულებაც არ არის დამოკიდებული ერთი კონკრეტული მომხმარებლის მიმართ გაწეულ მომსახურებაზე და რომლის შეუსრულებლობის შემთხვევაში ენერგოკომპანია არ უნაზღაურებს მომხმარებელს კომპენსაციას.

 

საერთო სტანდარტით გათვალისწინებული მომსახურების შეუსრულებლობის შემთხვევაში სემეკი უფლებამოსილია ენერგოკომპანიის მიმართ გამოიყენოს საქართველოს კანონმდებლობით გათვალისწინებული ზომები.

 

გარანტირებული სტანდარტის დარღვევის შემთხვევაში კი კომპანია მომხმრებელს კომპენსაციას უხდის.

 

საერთო სტანდარტი

 

ენერგოკომპანია ვალდებულია საზოგადოებრივი მაუწყებლის საშუალებით აცნობოს მომხმარებლებს დაგეგმილი სარემონტო სამუშაოების შესახებ, არა უმეტეს 5 და არანაკლებ 2 დღით ადრე სამუშაოების დაწყებამდე. ენერგოკომპანია ვალდებულია, ზუსტად მიუთითოს სამუშაოების დაწყების დრო და ხანგრძლივობა; სტანდარტის შესასრულებლად გამორთვების საერთო რაოდენობიდან 100 პროცენტი უნდა იყოს დროულად ინფორმირებული;

 

ენერგოკომპანია არ არის ვალდებული, აცნობოს მოსახლეობას ელექტრომომარაგების იმ გეგმური წყვეტის შესახებ, რომელიც აუცილებელია მოსახლეობის ინდივიდუალური გამრიცხველიანების სამუშაოების შესრულებისას, თუ ეს წყვეტა არ იქნება 1 საათზე მეტი ხანგძლივობისა.

 

ენერგოკომპანია ვალდებულია უზრუნველყოს ელექტროენერგიის არაგეგმური წყვეტის აღმოფხვრა არა უმეტეს 6 სამუშაო საათისა, ხოლო თუ აღნიშნული საჭიროებს რთული სამუშაოების შესრულებას, კომპანია ვალდებულია, აცნობოს ამის შესახებ როგორც სემეკს, ასევე ქსელიდან გამორთულ მომხმარებლებს და მიუთითოს გათიშვის ზუსტი მიზეზი და ელექტრომომარაგების აღდგენის სავარაუდო დრო; ამ შემთხვევაში სტანდარტის შესასრულებლად  ელექტროენერგიის მიწოდება დროულად უნდა აღუდგეს  გამორთული მომხმარებლის 80 პროცენტს;

 

ენერგოკომპანია ვალდებულია უზრუნველყოს ქოლ-ცენტრში (ცხელი ხაზი 24-საათიან რეჟიმში) მომხმარებლის შემომავალ ზარზე პასუხი მისი დაფიქსირებიდან 30 წამის განმავლობაში; სტანდარტის შესასრულებლად  შემოსული ზარების 80 პროცენტს პასუხი უნდა გაეცეს  დროულად.

 

სს „ენერგო-პრო ჯორჯიას“ ცხელი ხაზის ნომერია 032 2471707 რაც მითითებულია ელექტროენერგიის გადახდის ქვითრებზეც.

 

გარანტირებული სტანდარტი და კომპენსაცია მომხმარებლის სასარგებლოდ

 

ენერგოკომპანია ვალდებულია უზრუნველყოს გადაუხდელობისთვის გათიშული მომხმარებლისთვის ელექტრომომარაგების აღდგენა დავალიანების გადახდის ასახვიდან, ან მომხმარებლის მიერ ამ დავალიანების გადახდის დამადასტურებელი ქვითრის წარდგენიდან ან ლიცენზიატსა და მომხმარებელს შორის დავალიანების ეტაპობრივ გადახდაზე შეთანხმებიდან არა უმეტეს 8 საათისა;

 

ამ სტანდარტის დარღვევის შემთხვევაში, ყოველ გადაცილებულ დღეზე ენერგოკომპანია  კომპენსაციის სახით საყოფაცხოვრებო მომხმარებელს უხდის 20 ლარს (დაბალი ძაბვა);  არასაყოფაცხოვრებო მომხმარებელსკი 30 ლარს (დაბალი ძაბვა),  საშუალო ძაბვაზე   –     40 ლარს, ხოლო მაღალი ძაბვის შემთხვევაში 50 ლარს ყოველ გადაცილებულ დღეზე.

 

ენერგოკომპანია ვალდებულია მომხმარებლის წერილობით მიმართვაზე გასცეს დასაბუთებული პასუხი წერილობითი ფორმით, მიმართვის მიღებიდან არა უმეტეს 10 დღისა.

 

ამ სტანდარტის დარღვევისთვის საყოფაცხოვრებო მომხმარებელს ენერგოკომპანია უხდის 30 ლარს ყოველ გადაცილებულ დღეზე (ამასთან, კომპანია არ არის ვალდებული, უპასუხოს ისეთი სახის წერილებს, რომელთა შინაარსიც არ არის პირდაპირ კავშირში კომპანიასა და მომხმარებელს შორის არსებულ ურთიერთობასთან).

 

მომხმარებელს უნდა შეეძლოს წერილობითი ფორმით მიმართოს ენერგოკომპანიას მისი ნებისმიერი მომსახურების ცენტრის საშუალებით;

 

ენერგოკომპანია ვალდებულია უზრუნველყოს ძაბვის ხარისხის ან/და აღრიცხვის ხელსაწყოების ადგილზე შემოწმება მომხმარებლის მიმართვიდან არა უმეტეს 10 სამუშაო დღისა.

 

ამ სტანდარტის დარღვევის შემთხვევაში, ყოველ გადაცილებულ დღეზე ენერგოკომპანია  კომპენსაციის სახით საყოფაცხოვრებო მომხმარებელს უხდის 10 ლარს (დაბალი ძაბვა);  არასაყოფაცხოვრებო მომხმარებელს კი 20 ლარს (დაბალი ძაბვა),  საშუალო ძაბვაზე   – 30 ლარს, ხოლო მაღალი ძაბვის შემთხვევაში 40 ლარს ყოველ გადაცილებულ დღეზე.

 

(ამასთან, თუ მომსახურების გასაწევად საჭიროა მომხმარებლის მფლობელობაში არსებულ ტერიტორიაზე შესვლა, მომხმარებელი ვალდებულია, უზრუნველყოს კომპანიის  წარმომადგენლების დაშვება თავის მფლობელობაში არსებულ ტერიტორიაზე წინასწარ განსაზღვრულ დროის მონაკვეთში);

 

ენერგოკომპანია ვალდებულია აბონენტად რეგისტრაციის შესახებ განაცხადის მიღებიდან არა უგვიანეს ხუთი სამუშაო დღისა დაარეგისტრიროს მომხმარებელი აბონენტად და უზრუნველყოს მისი ელექტროენერგიით მომარაგება.

 

ამ სტანდარტის დარღვევისთვის საყოფაცხოვრებო მომხმრებელს ენერგოკომპანია კომპესაციის სახით უხდის 20 ლარს, ყოველ გადაცილებულ დღეზე, ხოლო არასაყოფაცხოვრებო მომხმრებელს 40 ლარს;

 

(ეს სტანდარტი ვრცელდება მხოლოდ იმ საცხოვრებელი ბინის, საწარმოს ან სხვა ობიექტის ელექტროენერგიით მომარაგებაზე, რომელზეც ხდება (ან ხდებოდა) მოქმედი კანონმდებლობის შესაბამისად მისი ელექტროენერგიით მომარაგება);

 

ენერგოკომპანია ვალდებულია უზრუნველყოს ახალი მომხმარებლის გამანაწილებელ ქსელზე მიერთება და ელექტროენერგიით უზრუნველყოფის დაწყება ქსელზე მიერთების უზრუნველყოფის პერიოდში, რაც განსაზღვრულია კომისიის მიერ დადგენილი შეთავაზებული პაკეტით, რომელიც მომხმარებელმა უნდა მიუთითოს გამანაწილებელ ქსელზე ახალი მომხმარებლის მიერთების მოთხოვნის შესახებ განაცხადში.

 

ამ სტანდარტის დარღვევის შემთხვევაში ენერგოკომპანია კომპენსაციის სახით ახალ მომხმარებელს უხდის გამანაწილებელ ქსელზე მიერთების საფასურის 50 %-ს (ქსელზე მიერთების უზრუნველყოფის პერიოდის/ვადის ყოველ გადაცილებაზე);

 

მომსახურების მოთხოვნების დარღვევისას კომპენსირება ხდება პირდაპირი წესით იმ მომხმარებელზე, რომლის მიმართაც დაფიქსირდა დარღვევა. კომპენსაცია მომხმარებელს უნდა დაერიცხოს მის სააბონენტო ბარათზე კრედიტის სახით შემდგომი ანგარიშსწორებისთვის. ამასთან, კომპენსაცია უნდა აისახოს მომხმარებლის ბარათზე მომსახურების შესრულებიდან არა უგვიანეს მეათე დღისა.

 

სემეკის დადგენილებით დაუშვებელია აღნიშნული კომპენსაციის ანაზღაურების წესის გარდა სხვა წესის გამოყენება ან ლიცენზიატსა და მომხმარებელს შორის კომპენსაციის ოდენობის ეტაპობრივ გადახდაზე შეთანხმება.

 

გარანტირებული სტანდარტით გათვალისწინებული მომსახურების შეუსრულებლობის შემთხვევაში კომისია უფლებამოსილია, ენერგოკომპანიის მიმართ გამოიყენოს საქართველოს კანონმდებლობით გათვალისწინებული ზომები, მიუხედავად იმისა, გადაუხადა თუ არა კომპანიამ მომხმარებელს აღნიშნული სტანდარტის დარღვევისთვის გათვალისწინებული კომპენსაცია.

 

 

ავთო მაისურაძის დედამ,  ინგა მაისურაძემ დღეს ბათუმის დემოკრატიული ჩართულობის ცენტრში ჟურნალისტებს უთხრა, რომ არ აცნობენ მას შვილის საქმის მასალებს, მათ შორის დედისთვის დღემდე უცნობია  ექსპერტიზის დასკვნის შედეგები. 

ოჯახი  სასჯელაღსრულების მინისტრს სთხოვს წერილის საჯაროობას, რომელიც გარდაცვალებამდე პატიმარმა დატოვა. სისხლის სამართლის საქმის გამოძიების დაჩქარებას-ეს გარდაცვლილი პატიმრის ოჯახის მთავარი მოთხოვნაა.  

დღეს გამართულ ბრიფინგზე ასევე, უფლებამდაცველმა თამაზ ბაკურიძემ განაცხადა რომ  ამ შემთხვევაში პასუხიმსგებლობა  სახელმწიფოს ეკისრება. 

გარდაცვლილი პატიმრის დედა ყვება, რომ მისი შვილის სხეული ნაწამები იყო: “ნეკნები ჩამტვრეული ჰქონდა და სხეულზე ჩალურჯებები აღენიშნებოდა”. 

 

ავთო მაისურაძე იარაღის უკანონო ტარებისა და შენახვის ბრალდებით დააკავა პოლიციამ; მას სამართლებრივ დახმარებას ახალგაზრდა იურისტთა ასოციაციის იურისტები უწევდნენ. გიორგი ხიმშიაშვილი, რომელმაც საქალაქო სასამართლოს გადაწყვეტილება ავთო მაისურაძის საქმეზე ზემდგომ ინსტანციაში გაასაჩივრა, განცხადებაში წერს, რომ მაისურაძეს დაუკავშირდნენ აჭარის მთავარი სამმართველოს პოლიციის მაღალჩინოსნები და მისთვის გაურკვეველ საკითხზე “გასაუბრების” მიზნით დაიბარეს სამმართველოში, უფროსის მოადგილის დემურ დეკანაძის კაბინეტში.

 

მაისურაძესა და პოლიციას შორის საუბარი წარიმართა თანამშრომლობით ურთიერთობებზე, აპირებდნენ ერთ-ერთ დაჯგუფებაში მის აგენტად ჩანერგვას. მაისურაძის მხრიდან წინააღმდეგობის გაწევის შემთხვევაში პოლიციასთან “გარკვეული პრობლემების წამოწევით” დაემუქრნენ.

 

საჩივარში წერია, რომ მაისურაძე არ დაეთანხმა ამ შეთავაზებას. ამ შეხვედრიდან ათ დღეში, შაფათავასა და ქედის ქუჩების მიმდებარე ტერიტორიაზე ფეხით მოსიარულე მაისურაძეს მიუახლოვდა აჭარის მთავარი სამმართველოს ორი თანამშრომელი – დემურ დეკანაძე და მისთვის უცნობი პიროვნება. მიუხედავად იმისა, რომ მოწოდებას შეჩერების თაობაზე არ შეწინააღმდეგებია, პოლიციის თანამშრომელთა მხრიდან ადგილი ჰქონდა ძალისმიერი მეთოდების გამოყენებას, კერძოდ, მაისურაძეზე ხელების გადაგრეხას და სამსახურებრივი მანქანის საბარგულზე მის ფეხებგართხმულ დაკავებას, რასაც მოჰყვა სამართალდამცველთა მიერ პისტოლეტის ტიპის ცეცხლსასროლი იარაღის ჩადება – წერს საჩივარში ადვოკატი.

 

გიორგი ხიმშიაშვილის განმარტებით, ცეცხლსასროლ იარაღს, რომელიც ამოიღეს ბრალდებულის პირადი ჩხრეკისას, არ ჩატარებია დაქტილოსკოპიური ექსპერტიზა, ამასთან არ გადამოწმებულა იარაღის რეგისტრაციის (კუთვნილების) შესახებ ინფორმაცია შს სამინისტროს მომსახურების სააგენტოს ერთიან ბაზაში, მაშინ, როდესაც ცეცხლსასროლი იარაღი არის ქარხნული წესით დამზადებული და გააჩნია სერიული ნომერი. გამომძიებელმა ექსპერტიზას მხოლოდ იარაღის ვარგისიანობის დადგენის შესახებ მიმართა, ანუ მას სხვა ინფორმაციის გარკვევა არც უცდია.

 

მაისურაძის ოჯახი სოციალურად დაუცველია და ამიტომაც ის სახელმწიფოს სთხოვდა ადვოკატის აყვანაში დახმარებას. თუმცა მაისურაძემ სასამართლოს პირველ ინსტანციაში ადვოკატის მომსახურებით ვერ ისარგებლა.

 

გიორგი ხიმშიაშვილი ამბობს, რომ ქუთაისის სააპელაციო სასამართლოში პროცესი 2012 წლის საპარლამენტო არჩევნების შემდეგ, ახალი მთავარი პროკურორის პირობებში დაინიშნა, ამიტომაც თითქმის მორიგებულ საპროცესო შეთანხმებაზე მაისურაძემ უარი თქვა. საქმე იმდენად მნიშვნელოვნად ჩათვალეს ახალგაზრდა იურისტებმა, რომ წერილი პირადად გაუგზავნეს არჩილ კბილაშვილს, ყოფილ მთავარ პროკურორს, თუმცა სტანდარტული პასუხის მიღებისა და დაპირების გარდა მთავარ პროკურატურას ავთო მაისურაძის საქმის ხელახალი გამოძიება არ დაუწყია.

 

25 წლის ავთო მაისურაძის სისხლის სამართლის საქმე უკვე მიიღო სტრასბურგის სასამართლომ განსახილველად.

 

2014 წლის 31 იანვრის მდგომარეობით, სასჯელაღაღსრულების დეპარტამენტის დაწესებულებებში 9349 ბრალდებული და მსჯავრდებულია მოთავსებული. თავისუფლების აღკვეთის დაწესებულებაში 2012 წლის 1 იანვრიდან 2014 წლის 31 იანვრის ჩათვლით თვითმკვლელობამდე მიყვანის ფაქტზე გამოძიება 139 საქმეზე დაიწყო, მათ შორის 2014 წლის 31 იანვრამდე – 13 საქმეზე, 2013 წელს – 59, 2012- 2011 წელს კი – 40 საქმეზე.

 

სამინისტროს მიერ მოწოდებული ინფორმაციით, 2010 წლის 1 იანვრიდან 2014 წლის 31 იანვრის ჩათვლით 6971 პატიმარს აღენიშნებოდა თვითდაზიანება და ტრავმები. მათ შორის 2012 წელს 1690 პატიმარს, ხოლო 2013 წელს – 3251 პატიმარს.

 

„რამოდენიმეჯერ განვაცხადე, რომ ამ კვირაში მივიღებდი გადაწყვეტილბას, შესაბამისად  ეს კვირა იქნება ჩემი უკანასკნელი სამუშაო კვირა მერის მოვალეობის შემსრულებლის რანგში. კანონმდებლობით, გადადგომის ვალდებულება არ მქონია და შემეძლო ჩვეულებრივად გამეგრძელებინა მერის მოვალეობის შესრულება, მაგრამ იმის გამო რომ ჩემი როგორც მერის მოვალეობის შემსრულებლის საქმიანობა უკავშირდებოდა მხოლოდ და მხოლოდ მერის საქმიანობას და არა საარჩევნო საქმიანობას,  ვთქვი რომ როდესაც გადავდგებოდი  იმ მომენტიდან დავიწყებდი საარჩევნო კამპანიას.

დღეს ვწერ განცხადებას, საკრებულოს თავმჯდომარის სახელზე.  როდესაც უკვე დანიშნავს საკრებულო ახალ მერს, მე მექნება სრული უფლება ჩავერთო საარჩევნო კამპანიაში. ამ დროიდან მერის მოვალეობის შემსრულებელი აღარ ვიქნები. სავარაუდოდ 18- ში დავემშვიდობები თანამშრომლებს“ – განაცხადა გიორგი ერმაკოვმა.

ამ განცხადების გაკეთებამდე მან პროგრამა – „ერთი დღე ბათუმის მერად“ მიმოიხილა და ჟურნალისტებს პროგრამის მონაწილეები წარუდგინა.

ბათუმის საკრებულოს თავმჯდომარის ირაკლი ჩავლეიშვილის ინფორმაციით, საკრებულო მერის მოვალეობის ახალ შემსრულებელს სამშაბათს, 13 მაისს დანიშნავს.

ირაკლი ჩავლეიშვილი არ აკონკრეტებს, თუმცა „ბათუმელების“ინფორმაციით,  მერის მოვალეობის შემსრულებლად სავარაუდოდ ერთ-ერთი მოადგილე, ზურაბ პატარაია დაინიშნება.

 

სააგენტოს ხელმძღვანელის, ბიძინა აფხაზავას განმარტებით, ბულვარს გასართობი ადგილის ფუნქციაც უნდა ჰქონდეს. მისი აზრით, ადგილი, რომელიც საშინელებათა ოთახისთვის შეირჩა, ბულვარის იერსახეს არ არღვევს:

 

„იქ არ მოიჭრება ხეები და არც მწვანე ნარგავები განადგურდება, პირიქით  მოთხოვნებში ჩადებულია, რომ რაც შეიძლება მეტი ხე დარგონ ამ ტერიტორიაზე.“

 

 აჭარის ფინანსთა და ეკონომიკის სამინისტროს  ინფორმაციით, „საშინელებათა ოთახს“  ებრაული კომპანია „vsm“ ააშენებს.  შეთანხმების თანახმად კომპანიამ ბულვარში 500 000 დოლარის ინვესტიცია უნდა განახორციელოს. 

 

ბათუმის ბულვარის ადმინისტრაციის ხელმძღვანელის, გიორგი ზირაქაშვილის ინფორმაციით, „საშინალებათა ოთახის შენობა დაბალ ფუნდამენტზე აშენდება, რაც მძიმე კიონსტრუქციის დადგმას არ ითვალისწინებს.

 

„ შეიძლება ეს ვიღაცამ მძიმე კონსტრუქციად მიიჩნიოს, ვიღაცამ არა, მაგრამ ჩვენი ინფორმაციით,  მძიმე კონსტრუქცია არ იქნება, ძირითადი ინვესტიცია მოდის ძვირადღირებულ აპარატურაზე.“

 

 

 

 

 გამოფენაზე მოსულ სტუმრებს საშუალება ექნებათ, ასევე, შეიძინონ ახალი წიგნი – ,,მოგზაურობა ძველ ბათუმში’’. წიგნში გამოქვეყნებული მასალები მომზადებულია ისტორიულ ცნობებზე, დოკუმენტებსა და მოგონებებზე დაყრდნობით.

 

წიგნი დასურათებულია კერძო ფოტოკოლექციებში დაცული უნიკალური ფოტომასალით, რომელიც ძველი ბათუმის ყოფა-ცხოვრებას, ქუჩებსა და ისტორიულ ფაქტებს ასახავს. ღონისძიება ტარდება არასამთავრობო ორგანიზაცია „პრესკაფეს“ ორგანიზებით.

 

ორგანიზაციის ხელმძღვანელი, ასლან ჭანიძე, ამბობს, რომ მსგავს აქციებში მათი მონაწილეობის მიზანია კითხვის პოპულარიზაცია და წიგნიერების დონის გაზრდა საქართველოს მოქალაქეებში.

 

წიგნების გამოფენა გაყიდვა 10 საათზე დაიწყება და 19:00 საათმდე გაგრძელდება.

 

 

 

 

• „მინდა გამოვხატო ჩემი მწუხარება იმ ორი ადამიანის გარდაცვალების გამო, რომლებიც ეკლესიის მშენებლობის დროს დაიღუპნენ მე და ჩემი მეუღლე ვიმყოფებით ბათუმში, ხვალ ვმასპინძლობთ ბათუმში ამერიკის საზღვაო ძალების გემს, მაგრამ როგორც კი გავიგეთ ამ ტრაგედიის შესახებ, გადავწყვიტეთ მოვსულიყავით საავადმყოფოში და შეგვეთავაზებინა რაიმე ფორმის დახმარება, თუ იქნებოდა ამის საჭიროება, ვინაიდან გემს ეყოლება ექიმები. თუმცა ჩანს, რომ ადგილობრივი ხელისუფლება შესაბამისად, კარგად უმკლავდება ვითარებას, სათანადო ზრუნვა აღმოეჩინა დაზიანებულ ადამიანებს, რომელბიც საავადმყოფოში მოვიდნენ. შეგვიძლია მორალური მხარდაჭერა გამოვთქვათ და კიდევ ერთხელ მივუსამძიმროთ დაღუპულთა ოჯახებს“, – აღნიშნა რიჩარდ ნორლანდმა. 

 

ტყის ფონდის განახლება, ნარჩენების მართვა, კვლევები, ახალი ტექნიკა, მიუვალ ტყეებში გზის მიყვანა, გეოლოგიური და სხვა სახის კვლევა, თუ გარემოს დაცვითი პროექტების მონიტორინგი – სამმართველომ პრიორიტეტებს შორის დაასახელა.

შეხვედრას არასამთავრობო ორგანიზაციების წარმომადგენლები, ჟურნალისტები და გარემოსდაცვითი საკითხებით დაინტერესებული მოქალაქეები ესწრებოდნენ. შეხვედრის შემდეგ მათ კითხვების დასმის საშუალება მიეცათ.

 

 

 

ლევან სიგუამ საკონტიტუციო სასამართლოში  სარჩელი შეიტანა. მას მიაჩნია,  რომ  სადაოა ნორმა საჯარო სმასახურის შესახებ  კანონის 79-ე მუხლის  „ვ“ ქვეპუნქტი და 99-ე მუხლი, რომელიც  ადმინისტრაციული გადაცდომის გამო  საჯარო მოხელის  თანამდებობიდან გადაყენებას ითვალისწინებს. სადაოდ ხდის მოქალაქე ასევე ზოგადი ადმინისტრაციული კოდექსის  107-ე მუხლის პირველ ნაწილს.

 

მოსარჩელე მიიჩნევს, რომ ეს მუხლები არაკონსტიტუციურია და ეწინააღმდეგება  საქართველოს კონსტიტუციის მე-17 (ღირსების უფლება) და  21-ე მუხლებს (საკუთრების უფლება), ასევე 42-ე მუხლის მე-3 პუნქტს (დაცვის უფლება).

 

ამ წუთებში საკონსტიტუციო სასამართლო სარჩელის დასაშვებობის საკითხს განიხილავს; მოსარჩელის ინტერესებს ახალგაზრდა იურისტთა ასოცაიციის იურისტი გიორგი გოცირიძე იცავს.

  

სამსახურიდან დათხოვნილი ლევან სიგუა ამ დროისთვის, უზენაესი სასამართლოს გადაწყვეტილების საფუძველზე, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროში  ისევ მუშაობს. 

სამსახურში აღდგენის გადაწყვეტილება, უზენაესმა სასამრთლო ერთი თვის წინ მიიღო. ამის მიუხედავად ლევან სიგუა საკონსტიტუციო სასამართლოში სარჩელის განხილვას მაინც ითხოვს.

 

 

 

 

 

“ბათუმელებს” ეს ინფორმაცია შინაგან საქმეთა სამინისტროს პრესსამსახურის თანამშრომელმა სალომე წერეთელმა დაუდასტურა.

 

 კონკრეტულად რა ბრალდებითაა დაკავებული არქივის უფროსი შს სამინისტრო ამ ინფორმაციას  გვაწვდის. უწყებაში ამბობენ რომ დეტალურ ინფორმაციას დაკავების შესახებ მოგვიანებით გაავრცელებენ. 

 

 

გურამ სალაძეს აჭარის ავტონომიური რესპუბლიკის მთავრობის საქვეუწყებო დაწესებულების  საარქივო სამმართველოს უფროსის თანამდებობა ეკავა. ის  2012 წლიდან პოლიტიკური გაერთიანება ქართული ოცნება – დემოკრატიული საქართველოს წევრია.