Batumelebi | ბათუმის მერის მოვალეობის შემსრულებელი თანამდებობიდან გადადგა ბათუმის მერის მოვალეობის შემსრულებელი თანამდებობიდან გადადგა – Batumelebi
RU | GE  

ბათუმის მერის მოვალეობის შემსრულებელი თანამდებობიდან გადადგა

 

ბათუმის მერის მოვალეობის შემსრულებელმა გიორგი ერმაკოვმა გადადგომის შესახებ განცხადება გააკეთა. მისივე განმარტებით მას შემდეგ რაც საკრებულო მის განცხადებას დააკმაყოფილებს ის წინასაარჩევნო კამპანიაში ჩაერთვება. 

„რამოდენიმეჯერ განვაცხადე, რომ ამ კვირაში მივიღებდი გადაწყვეტილბას, შესაბამისად  ეს კვირა იქნება ჩემი უკანასკნელი სამუშაო კვირა მერის მოვალეობის შემსრულებლის რანგში. კანონმდებლობით, გადადგომის ვალდებულება არ მქონია და შემეძლო ჩვეულებრივად გამეგრძელებინა მერის მოვალეობის შესრულება, მაგრამ იმის გამო რომ ჩემი როგორც მერის მოვალეობის შემსრულებლის საქმიანობა უკავშირდებოდა მხოლოდ და მხოლოდ მერის საქმიანობას და არა საარჩევნო საქმიანობას,  ვთქვი რომ როდესაც გადავდგებოდი  იმ მომენტიდან დავიწყებდი საარჩევნო კამპანიას.

დღეს ვწერ განცხადებას, საკრებულოს თავმჯდომარის სახელზე.  როდესაც უკვე დანიშნავს საკრებულო ახალ მერს, მე მექნება სრული უფლება ჩავერთო საარჩევნო კამპანიაში. ამ დროიდან მერის მოვალეობის შემსრულებელი აღარ ვიქნები. სავარაუდოდ 18- ში დავემშვიდობები თანამშრომლებს“ – განაცხადა გიორგი ერმაკოვმა.

ამ განცხადების გაკეთებამდე მან პროგრამა – „ერთი დღე ბათუმის მერად“ მიმოიხილა და ჟურნალისტებს პროგრამის მონაწილეები წარუდგინა.

ბათუმის საკრებულოს თავმჯდომარის ირაკლი ჩავლეიშვილის ინფორმაციით, საკრებულო მერის მოვალეობის ახალ შემსრულებელს სამშაბათს, 13 მაისს დანიშნავს.

ირაკლი ჩავლეიშვილი არ აკონკრეტებს, თუმცა „ბათუმელების“ინფორმაციით,  მერის მოვალეობის შემსრულებლად სავარაუდოდ ერთ-ერთი მოადგილე, ზურაბ პატარაია დაინიშნება.

ნეტგაზეთის მასალების სხვა გამოცემებში გადაბეჭდვის წესი
თამთა კახაბერიძე (მოხალისე)