Batumelebi

ვაკანტური რჩება განათლების სამინისტროს დაქვემდებარებული, კულტურული მემკვიდრეობისა და ძეგლთა დაცვის დეპარტამენტის ხელმძღვანელის თანამდებობა, რომელიც ბიძინა აფხაზავამ 27 აგვისტოს დატოვა. 

ამ დღესთან დაკავშირებით საქართველოს გარემოსა და ბუნებრივი რესურსების დაცვის მინისტრმა ელგუჯა ხოკრიშვილმა, სატყეო სექტორში შეტანილი წვლილისთვის მეტყევეები დააჯილდოვა. პირებს, რომელთაც სატყეო სექტორის განვითარებაში მნიშვნელოვანი წვლილი შეიტანეს, მინისტრმა სიმბოლური საჩუქრები და სპეციალურად ამ დღისთვის დამზადებული სიგელები გადასცა. დამსახურებელ მეტყევეებთან ერთად, დღეს ახალგაზრდა მეტყევეებიც დაჯილდოვდნენ.

დილით ქალაქში საზეიმო მსვლელობის გარდა, უკვე მეორე დღეა ევროპის მოედანზე სპეციალური კარავია გაშლილი, სადაც ბათუმის სამხატვრო სასწავლებლის მოზარდები ანიმაციის შექმნის პროცესში არიან ჩართულები – “ბავშვები აქტიურად არიან ჩართული ამ პროცესში, ისინი ხატავენ ანიმაციას, რომელსაც ჩვენ ვასკანირებთ და შეგვაქვს კომპიუტერში, სწორედ იქ ამოძრავდება ნახატები” – ამბობს ფესტივალის ერთ-ერთი წარმომადგენელი.

ფილმების ჩვენებაზე დასწრება ნებისმიერი მსურველისთვის უფასოა.

10-11 ოქტომბერს სეანსები კინოთეატრ „აპოლოში“ 10:00, 12:00, 14:00 და 18:00 საათზე გაიმართება.

11 ოქტომბერს 19:00 საათზე კი ფესტივალი საზეიმოდ დაიხურება.

მარი, რატომ გადაწყვიტეთ გამომცემლობის გახსნა?

ვგრძნობდით, რომ კიდევ რაღაც უფრო მეტი იყო საჭირო, არ შეიძლებოდა ერთ ადგილზე გაჩერება და თვითკმაყოფილებას მიცემა. თავიდან ვფიქრობდით, ხომ არ გავფართოვებულიყავით ან თბილისში ხომ არ გაგვეხსნა ფილიალი, მაგრამ გადავიფიქრეთ იმ მიზეზის გამო, რომ „წიგნები ბათუმში“ ერთადერთი იყოს და მსგავსი ამ ფორმატით არ განმეორდეს. გამომცემლობა გადავწყვიტეთ იქედან გამომდინარე, რომ ძალიან შემოქმედებითი, აქტიური პროცესია, უფრო მეტად, უშუალოდ ხარ ლიტერატურულ პროცესებში ჩართული, ვიდრე მაღაზიიდან.

პირველ რიგში რის გამოცემას გეგმავთ?

ადგილობრივი ავტორების გამოცემას ჯერ არ ვგეგმავთ. მართალია გამომცემლობას ქვია ”წიგნები ბათუმში” და იგი ბათუმთან ასოცირდება, მაგრამ ვიწყებთ უცხოელი ავტორებით. კონკრეტულად ფანტასტიკის სერია გვინდა წამოვიწყოთ, იმიტომ, რომ სამეცნიერო ფანტასტიკა ქართულ ენაზე ძალიან ჭირს, რთული მოსაძიებელია, მოთხოვნა არის ძალიან დიდი და აქედან გამომდინარე დავიწყებთ რამდენიმე ძალიან პოპულარული ავტორით. შემდეგ უკვე ვგეგმავთ მოზარდებისთვის განკუთვნილი წიგნების გამოცემას და სერიის გარეთ რა თქმა უნდა სხვა, არაფანტასტი, საქართველოსთვის უცნობი ისეთი თარგმანების გამოცემას, რაც რაღაცას შემატებს ქართველ მკითხველს.

რა მოლოდინი გაქვთ, რამდენად წარმატებული და მოთხოვნადი იქნება გამომცემლობა ბათუმში?

ვფიქრობ, მოთხოვნადი აუცილებლად იქნება იქედან გამომდინარე, რომ რაღაცნაირად კარგი ტონი გახდა წიგნის კითხვა, რაც ძალიან კარგია. მე რომ ვუყურებ ახალგაზრდებს, მოზარდებს განსაკუთრებით, სირცხვილადაც კი ითვლება, თუ რომელიმე პოპულარული წიგნი არ გაქვს წაკითხული. ეჯიბრებიან ბავშვები ერთმანეთს, ვინ მეტს მოასწრებს, ვინ მეტს წაიკითხავს და აქედან გამომდინარე ვფიქრობთ, რომ იქნება მოთხოვნადი. თან ისე ვარჩევთ წიგნებს, რომ ვიწრო ასაკობრივ წრეზე არ იქნება გათვლილი.

“აქედანვე გაფრთხილებთ, რომ წიგნში ვერ შეხვდებით უწმაწურ ლექსიკას, პორნოგრაფიულ სცენებს, ან რაიმე ისეთ ეპატაჟურ გამოხტომას, რომელიც ავტორს მოგვიანებით საზოგადოების ყბის სიღრმის გამოკვლევის საშუალებას მისცემდა. სამაგიეროდ, შეხვდებით ნახატებსა და დიალოგებს, რომლებიც წინა წინადადებაში ნახსენებ მტკივნეულ დეფიციტს, ბოლომდე თუ ვერა, რაღაც დოზით მაინც შეგივსებთ. საერთო ჯამში, წიგნი მსუბუქია, გასართობი და, ავტორის უხეში გამოთვლით, ექვსი ათას სამას ოცდახუთი ამოსუნთქვით თავისუფლად იკითხება.

ორიორ სიტყვით ლოკაციებსაც შევეხოთ: ბესტსელერის მოქმედების ერთი ნაწილი საფრანგეთში მიმდინარეობს. თუმცა, ქვეყანა ამ შემთხვევაში პირობითია და მხოლოდ მთავარი გმირის – პიერ სონაჟის – სახელის ჟღერადობის მიხედვით შეირჩა. ამბის მეორე ნაწილი კი ლიტერატურულ ჯოჯოხეთში ვითარდება და ვინაიდან უფრო ადვილია დახატო ეშმაკი, ვიდრე მამალი, რადგან მამალი ყველას უნახავს, ეშმაკი კი – არავის, მისი აღწერა ავტორს გაცილებით უფრო გაუადვილდა” – ნათქვამია წიგნის ანოტაციაში.

ცერემონიას დაესწრო იაპონიის სრულუფლებიანი ელჩი საქართველოში ტოშიო კაიტანი,ხულოს მუნიციპალიტეტის გამგებელი ბესიკ ბაუჩაძე, საკრებულოს თავმჯდომარის მოადგილე ოთარ ცეცხლაძე და პროექტთან დაკავშირებული ორგანიზაციის წევრები.

პროექტის საგრანტო შეთანხმებას ხელი მოეწერა 2013 წლის 7 თებერვალს. იაპონიის საელჩოსა და ასოციაცია „საქართველოს ბიზნეს კონსალტინგ ორგანიზაციას“ შორის. პროექტის მიზანია სოფელ დიოკნისის სოფლის მეურნეობის სექტორის გაუმჯობესება, სასოფლო-სამეურნეო დანიშნულების თანამედროვე მანქანების უზრუნველყოფითა და სარწყავი სისტემის არხის გაუმჯობესების თვალსაზრისით, რომელიც სარგებელს მოუტანს სოფლის 230 ფერმერს.

პროექტის ბიუჯეტი  89,776 დოლარია. 

„სიახლე გვაქვს სატარიფო  ცვლილებების შესახებ. აქამდე მოქმედი  შეღავათიანი 20 თეთრიანი ტარიფი გაუქმდა. 15 ოქტომბრიდან შემოვა 15 თეთრიანი ტარიფი რომლითაც ისარგებლებენ:  მასწავლებლები, სტუდენტები და ასაკით პენსიონრები,“ –  განაცხადა პაატა დუმბაძემ.

მისივე თქმით, შეღავათიანი ბილეთები აღარ დაიბეჭდება და შეღავათიანი  ტარიფით სარგებლობა ელექტრონულ ბარათებით იქნება შესაძლებელი.

ნულოვანი ტარიფით სარგებლობა შეეძლებათ ბათუმის ხანდაზმულთა სოციალური ცენტრის ბენეფიციარებს, ვეტერანებს და მათთან გათანაბრებულ პირებს.  0-დან 70 000-მდე ქულის მქონე ბენეფიციარებმა და შშმ პირებმა შეღავათიანი ტარიფით სარგებლობისათვის „ლიბერთი ბანკში“ უნდა მიიტანონ ცნობა სოციალური მომსახურების სააგენტოდან, რომ ბათუმის ბაზაში არიან რეგისტრირებულნი.

„ლიბერთი ბანკში“ შესაბამისი ცნობების წარდგენის შემდეგ ასევე შეღავათიანი ტარიფით ისარგებლებენ მოსწავლეები, მასწავლებლები და სტუდენტები.

ბათუმის ავტოტრანსპორტის დირექტორის თქმით ამ კატეგორიის ადამიანები  უნდა მივიდნენ ,,ლიბერთი ბანკში“  შესაბამის ცნობებთან  და პირადობის მოწმაბასთან ერთად, სადაც მათ დაუმზადებენ  15 თეთრიან  ელოქტრონულ ბარათს.

ბათუმის მერის განცხადებით მნიშვნელოვანია რომ მოსახლეობის გარკვეული კატეგორია ისარგებლებს მუნიციპალური ტრანსპორტით.

„ეს ძალიან ბევრ სირთულესთან იყო დაკავშირებული, მაგრამ მაინც მივიღეთ გადაწყვეტილება საკრებულოსთან ერთად და შევიტანეთ ცვლილებები,“- განაცხადა გიორგი ერმაკოვმა

„თოფუზი“ მეექვსედ ტარდება ჩვენს რეგიონში. ძალიან საინტერესო და მრავალფეროვანი პროგრამა აქვს ფესტივალს.  წელს კიდევ უფრო გაიზარდა (ხულო, შუახევი, ქედა დაემატა  ფესტივალს)   პროგრამა და გამრავალფეროვნდა.

ასევე საგანმანათლებლო ნაწილი საკმაოდ ძლიერი აქვს ამ ფესტივალს, ბავშვები ხატავენ და სწავლობენ ანიმაციური ფილმის კეთებას,“ – ამბობს აჭარის განათლების, კულტურისა და სპორტის სამინისტროს კულტურის დეპარტამენტის უფროსი ირინა სურმანიძე.

ფესტივალის მხარდამჭერი სწორედ აჭარის განათლების კულტურისა და სპორტის სამინისტროა.

„ანიმაციური ფილმების ფესტივალზე 40-ზე მეტი ქვეყნიდან გამოგვიგზავნეს საკონკურსო ფილმები.  ჟიური შედგება ხუთი წევრისაგან. ამასთან ცალკეა საბავშო ჟიური. თერთმეტი ბავშვისგან შემდგარი ჟიური აარჩევს საუკეთესო საბავშვო ფილმს,“- ამბობს ფესტივალის კოორდინატორი ნოდარ ქარელი.

ფესტივალის ოფიციალური გახსნის საღამო ბათუმის დრამატულ თეატრში დღეს 7 საათზე გაიმართება. ნაჩვენები იქნება ანიმაციური ფილმი „პიტერი და მგელი“.

ფილმების ჩვენებაზე დასწრება უფასოა და ნებისმიერ მსურველს შეუძლია. 10-11 ოქტომბერს სეანსები კინოთეატრ „აპოლოში“ 10:00, 12:00, 14:00 და 18:00 საათზე გაიმართება. 11 ოქტომბერს 19:00 საათზე კი ფესტივალი საზეიმოდ დაიხურება.

ვორქშოფი ერას მოედანზე

დანაშაულის პრევენციის ცენტრისა და იუსტიციის სახლის ერთობლივ პროექტში აჭარის რეგიონში მცხოვრები 29 მოსწავლე მონაწილეობდა. ბათუმში პროექტის დასრულება მოსწავლეებს მიულოცა და მათ სერტიფიკატები გადასცა იუსტიციის სახლის ფილიალების სამსახურის უფროსმა მაკა კურტანიძემ.

დანაშაულის პრევენციის ცენტრის წარმომადგენლის ქეთევან მჭედლიშვილის განმარტებით, პროექტში ჩართულნი იყვნენ 14-დან 18 წლამდე ასაკის მოსწავლეები. მისივე თქმით, პროექტის მიზანია, ახალგაზრდებში მოხალისეობრივი უნარ-ჩვევების განვითარება:

„ბავშვებმა მოინდომეს და დადგეს ფლეშმობი იუსტიციის სახლში. პროექტის მიზანია, მოხალისეობრივი უნარ-ჩვევების განვითარება და ზოგადად, ახალგაზრდებში ახალგაზრდებში ჯანსაღი ცხოვრების წესის წახალისება. ეს კი გულისხმობს იმას, რომ მოსწავლეები აქტიურად იყვნენ ჩართულნი სხვადასხვა ღონისძიებაში. სკოლის შემდეგ მათ ჰქონდეთ სხვადასხვა აქტივობებში მონაწილეობის საშუალება“, – აღნიშნა ქეთევან მჭედლიშვილმა.

ბათუმის იუსტიციის სახლის მენეჯერის თამარ სამსონიას თქმით, აღნიშნული პროექტი  მნიშვნელოვანია, რადგან ახალი თაობა ეცნობა იუსტიციის სახლის მუშაობის პროცესს:

„ეს პროექტი მნიშვნელოვანია. ახალი თაობა ჩართული იყო მოქალაქეთა მომსახურების პროცესში. პირადობის მოწმობის აქციაზე, მათ შესაძლებლობა ჰქონდათ გაცნობოდნენ ჩვენი მუშაობის დეტალებსაც. მოქალაქეებს ეხმარებოდნენ ფოტოების გადაღების პროცესში,“ – აღნიშნა თამარ სამსონიამ.

პროექტი „ერთი დღე იუსტიციის სახლის თანამშრომლად“ 20 აგვისტოდან 20 სექტემბრამდე საქართველოს სამ ქალაქში -თბილისში, ბათუმსა და მარნეულში მიმდინარეობდა. მასში სულ ჩართული იყო 14-დან 18 წლამდე ასაკის 200-მდე მოსწავლე. ახალგაზრდები იუსტიციის სახლის თამაშრომლებს მოქალაქეთა ნაკადის მართვაში ეხმარებოდნენ. დანაშაულის პრევენციის ცენტრმა, აღნიშნული პროექტი იუსტიციის სახლში პირადობის ახალი მოწმობების გაცემის აქციას დაამთხვია და სკოლის მოსწავლეებს საშუალება მისცა მოქალაქეთა მომსახურების პროცესში მოხალისედ ჩართულიყვნენ.

20 აგვისტოდან 20 სექტემბრამდე, საქართველოს იუსტიციის მინისტრის ინიციატივით გამოცხადებული იყო აქცია, რომლის ფარგლებშიც მსურველებს ახალი პირადობის მოწმობების აღება  34 ლარის ნაცვლად, 15 ლარად შეეძლოთ. აქციით „შეცვალე ძველი ახლით“ ქვეყნის მასშტაბით სულ 130 369 მოქალაქემ ისარგებლა.

გასული 9 თვის განმავლობაში, სმენადაქვეითებულ მოქალაქეთა სმენის აპარატებით უზრუნველყოფის პროგრამის ფარგლებში სმენის აპარატი გადაეცა 302 მოქალაქეს, რისთვისაც გამოიყო 85 845 ლარი.

სქოლიოზით დაავადებულ ბავშვთა რეაბილიტაციის პროგრამის ფარგლებში რეაბილიტაციის კურსი დაუფინანსდა 2 707 ბენეფიციარს, გამოყოფილმა თანხამ შეადგინა 369 300 ლარი.

შეზღუდული შესაძლებლობის მქონე და ხანდაზმულ პირთა გადაადგილების საშუალებებით უზრუნველყოფის პროგრამის ფარგლებში სავრძელ–ეტლი მიიღო 150–მა შშმ პირმა, რისთვისაც პროგრამის ბიუჯეტიდან გამოიყო 44 565 ლარი.

100 წელს გადაცილებულ 57 მოქალაქეს გადაეცა 1000–1000 ლარი, ჯამში გამოიყო 57 000 ლარი.

ცერებრალური დამბლით დაავადებულ ბავშვთა ფსიქოსომატური აბილიტაცია/რეაბილიტაციის პროგრამის ფარგლებში გაიცა 872 ვაუჩერი, გამოყოფილმა თანხამ შეადგინა 269 950 ლარი.

ომში დაყუპულთა დედებსა და მეუღლეებს გადაეცათ 76 0000 ლარი. 101 ახალშობილი ტყუპის ოჯახს გადაეცა 101 000 ლარი.

მიუსაფარ დედათა და ბავშთა საცხოვრებლით უზრუნველყოფის პროგრამის ფარგლებში მომსახურება გაეწია 16 ბენეფიციარს, გამოყოფილმა თანხამ შეადგინა 58 038 ლარი. 

„თავისუფალ ჟურნალისტთა სახლის“ და „ბათუმის ახალგაზრდული ცენტრის“ მოხალისეების უმრავლესობა სკოლის მოსწავლეები და სტუდენტები არიან. 

 „მაგდანას ლურჯა“,  „დიდი მოურავი“, „რობიზონ კრუზო“ , „უბედური რუსი“ და გალაკტიონ ტაბიძის ლექსების კრებული – ამ დროსათვის მოხალისეებმა ამ წიგნების შეგროვება შეძლეს პატიმრებისთვის და ყველა მსურველს ურჩევენ აქციაში ჩართვას. 

პატiმრებისათვის წიგნების ჩუქების მსურველებს შეუძლიათ წიგნები „თავისუფალ ჟურნალისტთა სახლში“ (აბაშიძის #48, გაზეთ „ბათუმელების“ რედაქცია), აჭარაში სახალხო დამცველის ოფისში (მაზნიაშვილის #9) ან პრესკაფეში მიიტანონ.  

„თბილისი-მახინჯაურის ღამის მატარებლის ნაცვლად, რომელიც მოძველებული ტიპის საკლასო ვაგონებით იყო დაკომპლექტებული, უახლესი ელექტრომატარებლები იმოძრავებს. საქართველოს რკინიგზის სტრატეგიის შესაბამისად, მოხდება ყველა მოძველებული ვაგონის ახალი ელექტრომატარებლით ჩანაცვლება, მოძრავი შემადგენლობის პარკის განახლება თანამედროვე, ევროპის განვითარებულ ქვეყნებში აპრობირებული ჩქარი ელექტრომატარებლებით.

1980 წელს დამზადებულ საკლასო მატარებელები ვერ აკმაყოფილებდნენ თანამედროვე სტანდარტებს. თბილისიდან ბათუმამდე მსვლელობის დრო იყო 8 საათი 30 წუთი. თანამედროვე ელექტრომატარებელი, რომელიც 2013-2014 წლებშია გამოშვებული, 5 საათსა და 15 წუთში ფარავს აღნიშნულ მარშუტს, რაც მგზავრობის ხანგრძლივობას სამ საათზე მეტით ამცირებს. ახალი მატარებლები აღჭურვილია როგორც ცხელი ასევე ცივი სასმელების და კვების აპარატებით, WI-FI სიტემით.

ბოლო თაობის მატარებლები გაცილებით უფრო კომფორტულია ვიდრე ძველი. გაუმჯობესებულია უსაფრთხოების პარამეტრები. 

თანამედროვე ელექტრომატარებლებში გაზრდილია სამგზავრო ადგილებიც. ძველი მატარებლის შემადგენლობას ერთ რეისზე მხოლოდ 144 მგზავრი შეეძლო გადაეყვანა, ახალ მატარებელში ადგილების რაოდენობა 310-მდე გაიზარდა. ყოველდღიურად თბილისიდან და ბათუმიდან შესრულდება ორ-ორი რეისი, რომლებიც მგზავრებს შესაძლებლობას მისცემს ერთი დღის განმავლობაში ჩავიდნენ და უკან დაბრუნდნენ დედაქალაქსა თუ ბათუმში.  

ელექტრომატარებლების განრიგი მორგებულია საქალაქო ტრანსპორტის მოძრაობასთან. ტრადიციულად, ზაფხულის სეზონისათვის შავიზღვისპირეთის მიმართულებაზე მგზავრთა ნაკადის მომატებასთან ერთად, გაიზრდება დამატებითი ელექტრომატარებლების რაოდენობაც.

ასე რომ, ჩქარი ელექტრომატარებლები, რომლებიც ბათუმის მიმართულებით იმოძრავებს, სრულად აკმაყოფილებს უსაფრთხოებისა და კომფორტის სტანდარტებს. მგზავრებს შესაძლებლობა ექნებათ მიიღონ გაუმჯობესებული მომსახურების ხარისხი (უფასო WIFI, უფასო სასმელი წყალი და მატარებლებში განთავსებული ვენდინგ აპარატები) და რაც მთავარია მოკლე დროში ჩავიდნენ დანიშნულების ადგილზე.
ახალი ელექტრომატარებლით რეისის შესრულება საშუალოდ 40%-ით უფრო ნაკლები უჯდება კომპანიას, ვიდრე მოძველებული მატარებლით“ – აღნიშნულია განცხადებაში, რომელსაც საქართველოს რკინიგზა ავრცელებს. 

გამოძიებით დადგინდა, რომ გურამ ცეცხლაძემ 2014 წლის 3 ივლისს ბაირამ ჩოშქუნისგან  მიიღო შემოთავაზება ტვირთის გადაზიდვასთან დაკავშირებით. კერძოდ, მას სატვირთო მანქანით, რომელსაც თავად მართავდა, ბათუმიდან მოლდოვას რესპუბლიკაში 600  ბიდონი თხევადი საპონი უნდა გადაეტანა,  რის შემდეგაც შესაბამის ანაზღაურებას მიიღებდა.

საგამოძიებო მოქმედებების ჩატარების შემდეგ გამოძიებამ დაადგინა, რომ გ. ცეცხლაძემ არ იცოდა და არც შეიძლებოდა სცოდნონდა, რომ მისი მართვის ქვეშ მყოფ ა/მანქანაში ჩატვირთული ტვირთი შეიცავდა ნარკოტიკულ საშუალებას.“ – აღნიშნულია პროკურატურის განცხადებაში.

საქმეზე გრძელდება გამოძიება  სსკ-ის 260-ე მუხლის მე-3 ნაწილის „ა“ ქ/პუნქტით და სსკ-ის 262-ე მუხლის მე-4 ნაწილის „ა“ და „ბ“ ქ/პუნქტით. ამჟამად პატიმრობაში იმყოფებიან ევგენი გორგაძე და თურქეთის მოქალაქე  შეფიქ სემიზოღლუ. ასევე, თურქეთის მოქალაქე ბაირამ ჩოშქუნის მიმართ, რომელიც მიმალვაში იმყოფება, დაწყებულია სისხლისსამართლებრივი დევნა. 

სამინისტროს ინფრომაციით,  გასული 9 თვის განმავლობაში აღნიშნული პროგრამების დაფინანსებამ  სამინისტროს მხრიდან შეადგინა 2 596 465 ლარი.

სახსრების ენდოპროთეზირების პროგრამის ფარგლებში ქირურგიული ოპერაცია დაუფინანსდა 57 პაციენტს – დაფინანსებამ შეადგინა 172 323 ლარი.

გულის ქირურგიის პროგრამის ფარგლებში მომსახურება გაეწია 307 პაციენტს, გამოიყო 896 880 ლარი.

მაღალტექნოლოგიური დიაგნოსტიკური კველევბი დაუფინანსდა 1 578 მოქალაქეს, ჯამში 452 489 ლარით.

 ინდივიდუალური სამედიცინო დახმარების პროგრამით გაიცა 1 423 ვაუჩარი, გახარჯულმა თანხამ შეადგინა 1 074 773 ლარი.

„დაახლოებით ექვსი თვის წინ მე გავუკეთე ორგანიზება რკინიგზის დეპარტამენტის წარმომადგენლების,  ბატონი მურმანის და ჩემს ერთად შეხვედრას. პრობლემა დაისვა იმ მიმართულებით, რომ ღამის მატარებლის  ჩანაცვლება მოხდებოდა ჩქაროსნული მატარებლებით, რომელიც, ალბათ, უფრო ეფექტური იქნება და უფრო მისაღები, ერთადერთი გამონაკლისის გარდა, სწორად აღნიშნავს ბატონი მურმანი, რომ ღამის მატარებელს წოლის რეჟიმი ვერ ექნება. ახლა, როგორც ვიცი, ორი ჩქაროსნული მატარებელი მოძრაობს – დილის და საღამოს რეისები“ – განაცხადა არჩილ ხაბაძემ.

მისი თქმით, შეხვედრაზე დაიგეგმა, რომ ბათუმი-თბილისის და თბილისი-ბათუმის მიმართულებით მატარებელი იმოძრავებს დღეში ოთხჯერ – დილის ორი მატარებელი (9-ზე და 11-ზე ან 12 საათზე), საღამოს – 19 საათზე და ღამის 2 საათზე „რომ ღამის 2-ზე ბათუმიდან გამგზავრებული მგზავრი ჩასულიყო დილის 7 საათზე, როგორც ეს სტანდარტულად ხდებოდა ღამის მატარებლის შემთხვევაში“  – ამბობს არჩილ ხაბაძე.

მთავრობის თავმჯდომარე იმ მიზეზზეც საუბრობს, რაც, მისი თქმით, საქართველოს რკინიგზამ ღამის რეისის გაუქმების მიზეზად დაასახელა შეხვედრაზე:  

„მთავარი მიზეზი იყო რკინიგზის დეპარტამენტის თხოვნა: სამეგრელოს მიმართულებით მატარებლის ვაგონები არის ამორტიზებული, არ აკმაყოფილებს სტანდარეტებს, ამიტომ უნდა მოხდეს მათი ექსპლუატაციიდან ამოღება შემდგომი რეაბილიტაციისთვის ან  ჩანაცვლება. შესაბამსიად ის ვაგონები, რომლებიც ბათუმი- თბილისის მიმართულებით მოძრაობდნენ, უნდა გადასულიყო სამეგრელოს მიმართულებით. რკინიგზის პრობლემაც უნდა გავითავისოთ, მაშინ სამეგრელო დარჩება მომსახურების გარეშე.“

არჩილ ხაბაძე აღნიშნავს, რომ მისთვის გაუგებარია, რატომ მოხდა ამ თემის პოლიტიკური ანგაჟირება: „იმ შეხვედრის შემდეგ მე არ მახსოვს, რომ ბატონ მურმანს ეს საკითხი კიდევ დაესვას. ამის გარდა, დავსვით საკითხი [რკინიგზის] თანამშრომლების გათავისუფლებასთან დაკავშირებით და ამაზეც მოგვცა თანხმობა რკინიგზამ, რომ ის თანამშრომლები, ვინც ღამის მატარებლის გაუქმების შედეგად დაკარგავდა სამსახურს, დასაქმდებოდნენ სისტემაში. ეს საკითხიც დავსვი მე, ბატონი მურმანი რატომღაც ამას არ ახსენებს“ – აღნიშნავს არჩილ ხაბაძე.

შეგახსენებთ, გასულ კვირას გაზეთ „ბათუმელებთან“ მურმან დუმბაძემ განაცხადა, რომ ის რომ იყოს არჩილ ხაბაძის ადგილზე, ბათუმი-თბილისის ღამის მატარებელს ვერ გააუქმებდნენ. 

საქართველოს რკინიგზა განმარტებას, თუ რატომ გაუქმდა ბათუმი-თბილისის ღამის მატარებელის რეისი ან აღდგება თუ არა, ამ დრომდე არ აკეთებს. ამ დროსათვის ბათუმი-თბილისის მიმართულებით ორი ჩქაროსნული მატარებელი მოძრაობს. ბილეთის ფასი 18-25 ლარია.  

„მივმართავ როგორც აჭარის ხელისუფლებას, ასევე   მუნიციპალიტეტის ხელმძღვანელობას, რომ აღიწეროს ზარალი. მე თვითონ  დავაყენებ ამ საკითხს უახლოეს საკრებულო სხდომაზე  და მაინტერესებს მათგან არგუმენტი, თუ  რატომ არ მოხდა ამდენი ხნის მანძილზე  ზარალის დათვლა“ – განაცხადა ჯუმბერ კახიძემ.

იგი ამბობს, რომ სტიქიისგან დაზარალებულ მოსახლეობას შეხვდა: „ვნახეთ რამდენიმე ათეული ოჯახი, რომლებიც სერიოზულად არიან დაზარალებულნი და დღემდე  ელოდებიან, რომ მივა ვიღაც და შეაფასებს [მათ ზარალს], ან  კოპენსაციის თანხა გაჟღერდება, მაგრამ კომპენსაციის თანხა  არ ჟღერდება არც აჭარის ხელისუფლების და არც ქალაქის მთავრობის მიერ. არის ოჯახები, სადაც განცხადებაც დაიწერა, მაგრამ არავინ არ მისულა, დღემდე უნდა იყოს დათვლილი ზარალის მიახლოებითი ოდენობა მაინც, რომ მოხდეს ცვლილება ბიუჯეტში“- ამბობს ჯუმბერ კახიძე.

დღესვე ჯუმბერ კახიძის განცხადებას აჭარის მთავრობის თავმჯდომარე არჩილ ხაბაძე გამოეხმაურა:  

„მე ვთხოვ  „ერთიან ნაციონალურ მოძრაობას“, დემაგოგურ განცხადებებს აჯობებს თავად ჩაერთონ ამ პროცესებში,  იმიტომ, რომ სტიქია იყო მასშტაბური.  ვითვლით ზარალს, ზუსტი ციფრები არ არის ჯერ ცნობილი,  600-ზე მეტი განცხადებაა შემოსული, სატელეფონო შეტყობინები – ერთი ამდენი“ – განაცხადა არჩილ ხაბაძემ დღეს, ჩაქვში, სადაც მთავრობის თავმჯდომარე ციტრუსის საადრეო ჯიშის მოსავლის კრეფას ესწრება.

სექტემბერში სამინისტროში ოთხი განაცხადი შევიდა, მათგან სამი სამინისტრომ მოიწონა. დაფინანასება მიიღო ბათუმის თოჯინების თეატრმა, რომელიც ოქტომბერში ბულგარეთში, საერთაშორისო ფესტივალზე გაემგზავრება; ხულოს დრამატულმა თეატრმა, რომელმაც საქართველოს სხვადასხვა რეგიონში გასტროლები გამართა და ბათუმის დრამატულმა თეატრმა – თბილისში, საერთაშორისო თეატრალურ ფესტივალში მონაწილეობისათვის, თუმცა თბილისში, რუსთაველის თეატრის სცენაზე სპეციფიური დეკორაციის განთავსება ვერ მოხერხდა, ამიტომაც ბათუმის დრამატულმა თეატრმა თანხა ბიუჯეტში დააბრუნა –  განმარტა „ბათუმელებთან“ პროექტის კოორდინატორმა ანასტასია გამსახურდაშვილმა.

აჭარის განათლების სამინსიტროს მიერ გამოცხადებული კონკურსი გრძელდება. მონაწილეობის მისაღებად განაცხადება მიიღება 2014 წლის ყოველი თვის ბოლო  სამუშაო დღის ჩათვლით, 2014 წლის საკონკურსო ბიუჯეტის ამოწურვამდე.

ფესტივალებში, კონკურსებში და სხვა ღონისძიებებში მონაწილეობის ხელშეწყობის კონკურსს აჭარის განათლების, კულტურისა და სპორტის სამინისტრო წელს პირველად ახორციელებს. 2014 წლის საკონკურსო ბიუჯეტი განსაზღვრულია 81 000 ლარით, თითოეულ პროექტზე საშუალოდ გაიცემა 13 500 ლარი. 2014 წლის საკონკურსო ბიუჯეტის ამოწურვამდე საშუალოდ ექვსი პროექტი დაფინანსდება.  

კონკურსის პირობებში აღნიშნულია, რომ განსაკუთრებული ყურადღება დაეთმობა პროექტებს, რომელთა განხორციელება მნიშვნელოვანი იქნება ხელოვანთა შემოქმედებითი ზრდისა და ქვეყნის პოპულარიზაციის თვალსაზრისით. უპირატესობა მიენიჭება თანადაფინანსების მქონე პროექტებს.  

სხვადასხვა ინფორმაციით, უმაღლესი საბჭოს „ქართული ოცნების“ ფრაქციიდან ოთხი თუ ხუთი მოწვეული სპეციალისტი იმის გამო დაითხოვეს, რომ აჭარის მთავრობის ადმინისტრაციიდან გათავისუფლებული ნუგზარ კეკელიძე დაესაქმებინათ უმაღლეს საბჭოში (გასულ კვირას გათავისუფლებული ნუგზარ კეკელიძე საკუთარ თავს მურმან დუმბაძის ჯგუფის წევრად მიიჩნევს და მის გათავისუფლებას სწორედ ამ მოტივს უკავშირებს).

სპეციალისტების გათავისუფლების საკითხს „ფეისბუქში“ გამოეხმაურა ერთ-ერთი მათგანი -ლელა ტოროტაძე, რომელმაც დაწერა: „აქამდე ვფიქრობდი დამეკომენტარებია თუ არა, მაგრამ ვერ მოვითმინე მაინც, განსაკუთრებით სტატიის ბოლო შეკითხვაზე პასუხის გამო [კომენტარი გაკეთებულია ნუგზარ კეკელიძესთან „ბათუმელების“ მიერ ჩაწერილ ინტერვიუზე, რომელიც მის გათავისუფლების მოტივებზე საუბრობს] ვერ მოვითმინე ალბათ უფრო… არ იცის ხო კეკელიძემ წავა თუ არა ფრაქციაში, ჯერ კიდე ფიქრობს, მე ვიცი სამაგიეროდ რომ წავა… მაგის ფრაქციაში მისვლის გამო 4 ადამიანი (ეს მე ვინც ვიცი), გამოგვიშვეს ფრაქციიდან და დაგვტოვეს ისე, ვალი ქონია ბანკში და ხომ უნდა გადაიხადოსო, იმ სახლში გაშვებული ხალხის ვალებზე და იმათ პრობლემებზე იფიქრა ვინმემ? დაიკიდეთ ყველა ხო? და ამან თურმე არ იცის მივა თუ არა ფრაქციაში, მაგ სიმართლით იარეთ ყველამ, არა უშავს, ჩვენ ქუჩაზეც მოვა გაზაფხული როცა იქნება, ღმერთი ზემოდან იხედება და ყველა მიიღებს, რასაც იმსახურებს“.

„ბათუმელები“ დაუკავშირდა ორ გათავისუფლებულს – ლელა ტოროტაძესა და თამაზ ხუხუნს. ორივე მათგანმა კატეგორიული უარი განაცხადა კომენტარის გაკეთებაზე.

უმაღლესი საბჭოს „ქართული ოცნების“ ფრაქციის თავმჯდომარის აკაკი ძნელაძის განმარტებით კი, ფრაქციის აპარატის თანამშრომლებს ხელშეკრულება აღარ გაუგრძელეს იმის გამო, რომ ფრაქციის წევრებს მათ მუშაობასთან დაკავშირებით გარკვეული მოსაზრებები ჰქონდათ:

„ფრაქცია მარტო მე ხომ არა ვარ, იყო რაღაც მოსაზრებები. რამდენადაც ვიცი, ისინი უმუშევრები არ დარჩებიან. დასაქმედებიან მერიაში. მე ვთხოვე მერიას ლელა ტოროტაძის დასაქმებასთან დაკავშირებით. სხვებიც დასაქმდებიან, ერთი ქობულეთის საკრებულოში გადავიდა“.

ფრაქციის თავმჯდომარის ინფორმაციით, ხელშეკრულება ფრაქციის ხუთ სპეციალისტს არ გაუგრძელეს.

დასაქმების თხოვნით უმაღლესი საბჭოს „ქართული ოცნების“ ფრაქციას განცხადებით უკვე მიმართა აჭარის მთავრობის ადმინისტრაციის ყოფილმა უფროსმა ნუგზარ კეკელიძემ. ახლა ის დასაქმებისთვის საჭირო დოკუმენტების შეგროვებით არის დაკავებული.

აჭარის მთავრობის ადმინისტრაციიდან გათავისუფლებულმა ნუგზარ კეკელიძემ უმაღლეს საბჭოში მის მისვლასა და ხუთი ადამიანის უმუშევრად დარჩენას შორის არსებულ კავშირზე „ბათუმელებთან“ განმარტა: „ფეისბუქში ამოვიკითხე, რომ ხუთი ადამიანის გათავისუფლება მე მიკავშირდება. არ მესმის რატომ, იქ წონის მიხედვითაა თანამდებობა და უფრო დიდი ადგილი მჭირდება, ალბათ ამიტომ.

ხელფასი რამდენი მექნება? – არ დავინტერესებულვარ. ხელფასი რომ იყოს ჩემთვის მნიშვნელოვანი, მთავრობაში ვიქნებოდი წყნარად. რამდენჯერმე იყო ჩემთან ადამიანი მოსული, რომელმაც გამაფრთხილა გავჩუმებულიყავი, აკეთონ რაც უნდათ და როგორც უნდათო. რომ გავჩუმებულიყავი, პრობლემა არ მექნებოდა. ახლაც თანამდებობაზე ვიქნებოდი და უზარმაზარი ხელფასი მექნებოდა“.

მისი ადვოკატის, ემზრ პაქსაძის ინფორმაციით პროკურატურამ დაკავებულის მიმართ სისხლის სამართლებრივი დევნა შეწყვიტა, რადგან  წინასწარ გამოძებაში მოპოვებული მტკიცებულებებით პირის ბრალეულობა არ მტკიცდებოდა. ბრალის დამტკიცების შემთხვევაში გურამ ცეცხლაძეს  სამუდამო პატიმრობა ელოდა. 

რა ეტაპზეა რეკორდული თხევადი ჰეროინის საქმის გამოძიება, როდის გადასცემს პროკურატურა საქმეს სასამართლოს და რა იყო მთავარი არგუმენტი, რის გამოც გურამ ცეცხლაძეს ბრალი მოუხსნეს “ბათუმელები” ამ კითხვებზე პასუხის მიღებას პროკურატურისგან  ამ წუთებშიც ელოდება. 

 გამოძიების ინფორმაციით, ჰეროინი საქართველოში წითელი ხიდის გავლით შემოიტანეს. საჭესთან ევგენი გორგაძე იჯდა. (გორგაძე ბრალდებულია და პატიმრობაში იმყოფება)გვერდით კი შეზიფ შემიზოხლუ, რომელიც ახლა დაკავებულია, ის ქართველ მძღოლთან ერთად ტვირთს დაყვებოდა. ამ ორ პირთაბ ერთად დააკავეს გურამ ცეცხლაძეც, ესეც მძღოლია, ოღონდ იმ მანქანის, რომლითაც საქართველოდან ტვირთის გატანა იგეგმებოდა. მანქანა, რომელიც მას უნდა ემართა, უკრაინელების მიერ დაფუძნებული ქართული გადამზიდავი კომპანიის საკუთრებაა.

საქმის მასალებით ირკვევა, რომ თურქეთის მოქალაქე, რომელიც ახლა ძებნილია, იცნობდა ევგენი გორგაძეს, ბრალდებულს, რომელიც აჭარაში ცხოვრობს და თურქეთის მოქალაქესთან მძღოლად მუშაობდა. გორგაძის მიერ წინასწარ გამოძიებაში მიცემული ჩვენებით ირკვევა, რომ მან მსგავსი ტვირთი ოთხჯერ გაიტანა საქართველოდან. მისივე მტკიცებით, გზაში ბაირამ ჩოშგუნი არ დაყვებოდა, თუმცა ის ყველა იმ ქალაქში ჩადიოდა ვერტმფრენით, სადაც ტვირთი მიჰქონდათ. მძღოლის ინფორმაციით, ამაში მას საეჭვო არაფერი მოჩვენებია, რადგან ეგონა, რომ ასე მეპატრონე ტვირთს აკონტროლებდა.

მისივე ინფორმაციით, მანქანა, რომლითაც იმავე გზაზე ტვირთი ოთხჯერ გაიტანეს, ქართული ნომრებით იყო და ერევანში გაფუჭდა, ამიტომაც მოუწიათ სხვა მანქანის დაქირავება. გაქცეულ ბრალდებულს მეორე მანქანაც ჰქონდა, ბათუმამდე ტვირთი სწორედ ამ მანქანით ჩამოიტანეს.

საექსპერტო-კრიმინალისტიკური სამსახურის წინასწარი ცნობით, ამოღებულ 30-კილოგრამიან 93 კასრში მოთავსებული სითხის 80% სუფთა ჰეროინი იყო. გამოძიება ნარკოტიკული საშუალების უკანონო ტრანზიტით საერთაშორისო გადაზიდვის ფაქტზე მიმდინარეობს

ეს პროგრამა მიზნად ისახავს მეცხოველეობის სექტორის მდგრად საბაზრო ეკონომიკაზე გადასვლის ხელშეწყობას საქართველოს სამ რეგიონში: ქვემო ქართლში, სამცხე-ჯავახეთსა და აჭარაში.

როგორც პროექტის ხელმძღვანელები ამბობენ, პროგრამის მიზანია  ხორცის, რძისა და თაფლის საწარმოოს განვითარება და გაძლიერება.

პროგრამის განხორციელება აჭარაში დაიწყო  მიმდინარე წლის მარტში და დასრულდება 2019 წლის თებერვალში.  აჭარასა და ქვემო ქართლში ამ პროექტის ფარგლებში 7,181,000 შვეიცარული ფრანკი დაიხარჯება.

პროგრამა მთლიანად ფინანსდება შვეიცარიის განვითარებისა და თანამშრომლობის სააგენტოს მიერ. ის ფერმერებისთვისაა გათვლილი თუმცა დეტალები, როგორ ისარგებელებენ ამ პროგრამით გლეხები, რამდენიმე დღეში გახდება ცნობილი.

  გავრცელებული პრესრელიზის თანახმად, შეხვედრას აჭარის მთავრობის თავმჯდომარეც უნდა დასწრებოდა, თუმცა მოწვეულ სტუმრებს არჩილ ხაბაძის სახელით აჭარის განათლების მინისტრი მიესალმა.

პრეზენტაციის შემდეგ მოეწყო ფოტო გამოფენა, რომელიც მიეძღვნა შვეიცარიის განვითარებისა და  თანამშრომლობის სააგენტოს სამხრეთ კავკასიაში  მოღვაწეობის 15 წლისთავს.

130 მოსწავლეზე გათვლილი პანსიონი აღიჭურვა 140000 ლარის ღირებულების ახალი ინვენტარით. სამზარეულოსთვის და საძინებლისთვის საჭირო ნივთებით, ტელევიზორითა და კონდინციონერით. მოეწყო ცენტრალიზებული გათბობის სისტემა. საგანმანათლებლო დაწესებულებაში ამ ეტაპისთვის დასაქმებულია 20 ადამიანი, მათ შორის 6 აღმზრდელი, 2ექთანი, 4 ძიძა, 3 მზარეული, 5 ტექნიკური პერსონალი.

  1977 წელს აშენებული სკოლა-პანსიონის საძილე კორპუსის  სრული  რეაბილიტაცია  2014 წლის 1 ივნისს დაიწყო. სამუშაოები, რომლის საერთო ღირებულებამ 368 725 ლარი შეადგინა,ტენდერში გამარჯვებულმა კომპანია შპს “უნივერსალმა“ შეასრულა. 

შენობა, რომელიც„საჯარო სკოლების მშენებლობა-რეაბილიტაციის„ ფარგლებში კეთილმოეწყო, დღეს აჭარის მთავრობის თავმჯდომარე არჩილ ხაბაძემ რეგიონის განათლების მინისტრთან გიორგი თავამაიშვილთან ერთად დაათვალიერა.

  მთლიანად ქედის მუნიციპალიტეტში სტიქიის შედეგად ზარალის ოდენობამ  372362   ლარი შეადგინა. გზების რეაბილიტაციაზე აჭარის გზების დეპარტამენტის ქედის განყოფილება მუშაობს-ინფორმაციას ამის შესახებ აჭარის მტავრობის პრესსამსახური ავრცელებს. 

მთავრობის ინფორმაციით, ინფრასტრუქტურული სამუშაოები მიმდინარეობს ასევე სოფელ მახუნცეთის აწჰესის დასახლებაში, სადაც ბუნების ძეგლის მახუნცეთის ჩანჩქერის მიმდებარე ტერიტორია კეთილეწყობა.  იწმინდება მისასვლელი გზა, კეთდება ავტოსადგომი,  გადასასვლელი ხიდი,სკვერი და ტურიზმის განვითარებისთვის  საჭირო სხვა აუცილებელი ობიექტები.

ფოტო ბათუმელების არქივიდან

ბინებს ხულოს მუნციპალიტეტის, სოფელ პარტნარის მცხოვრებლები მიიღებენ. ბინის ფასი 20 ათას ლარს არ უნდა აღემატებოდეს და საქართველოს ტერიტორიის ნებისმიერ ადგილას უნდა მდებარეობდეს.

ამ 16 ოჯახის გარდა ბინები კიდევ საქართველოში მცხოვრებ რვა ეკომიგრანტ ოჯახსაც  შესაძლოა უყიდონ, ჯერჯერობით მოლაპარაკებები მიმდინარეობს.

ინფორმაცია “ბათუმელებს” ამის შესახებ აჭარის ჯანდაცვის მინისტრია მოადგილემ, რამაზ ჯინჭარაძემ დაუდასტურა.

მისივე თქმით, მათ ჰყავთ რამდენიმე უცხოური კომპანია რომელიც პროექტების ინსპექტირებას ახდენს და აწვდის გერმანელ პარტნიორებს ამ პროექტებს, რის შემდეგაც გერმანიის განვითარების ბანკი ღებულობს გადაწყვეტილებას დააფინანსოს თუ არა  პროექტი.

”ამასთან დაკავშირებით გვქონდა საუბარი, კომპანია ” ეგისი” – სთან რომლის პროექტირებაზე მუშაობს და შევთანხდით რომ კომპანია ”ეგისი”-ს მიერ წარმოდგენილ და ჩვენს მიერ შემუშავებული პროექტები იქნება დაფინანსებული გერმანული მხარის მიერ, უშუალოდ ეს საკითხები შეეხებოდა სანიაღვრე  სისტემას და კონკრეტულად  დამქაჩ ნაგებობებს.”- დასძინა გიორგი ერმაკოვმა. 

სასწავლო წლის დაწყებასთან ერთად, საზოგადოებრივი ჯანდაცვის ცენტრის წარმომადგენლებმა განაახლეს ვიზიტები აჭარის ზოგადსაგანმანათლებლო დაწესებულებებში. 

 შეხვედრაზე საუბრები IX – XII კლასების მოსწავლეებთან ჯანსაღი ცხოვრების წესის დამკვიდრების ხელშეწყობის ღონისძიების ფარგლებში ხორციელდება.   გაკვეთილის თემაა ,,მავნე ჩვევები“.

შეხვედრის მიზანია, ბავშვებმა იქონიონ კომპეტენტური ინფორმაცია თამბაქოს, ალკოჰოლის, ნარკოტიკების მოხმარების მავნებლობის შესახებ, დარწმუნდნენ, რომ ყოველთვის არსებობს მავნე ჩვევაზე უარის თქმის იმაზე უკეთესი მიზეზი, ვიდრე დაწყებისა. 

პროგრამის დაწყებიდან დღემდე ბათუმის, ხელვაჩაურის, ქობულეთის, ქედის, შუახევისა და ხულოს მუნიციპალიტეტების სკოლებში განხორციელებულია 120 ვიზიტი, ჯანმრთელობის გაკვეთილი მოსმენილი აქვს 5 000 – მდე მოსწავლეს

ამ ეტაპზე, ყოფილ პატიმართა რეაბილიტაციის პროგრამა პატიმრებს სამი ტიპის მომსახურებას სთავაზობს: ფიზიკური და ფსიქიკური პრობლემების მოგვარება, პროფესიული გადამზადება და დამსაქმებელთან რეკომენდაცია ან დამსაქმებლის მოძიება.

„უნდა გითხრათ, რომ  ეს  კომპლექსური საკითხია, ამაზე არა მარტო სახელმწიფო სტრუქტურებმა უნდა ითანამშრომლონ, არამედ არასამთავრობო სექტორმა და საერთაშორისო ორგანიზაციებმა  და რაც მთავარია,  კერძო სექტორმა“ – განაცხადა ჯონი კვინიკაძემ.  

მისივე თქმით, ამ ეტაპზე, პროგრამის ფარგლებში 98 ყოფილი პატიმარია დასაქმებული. „უნდა გითხრათ, რომ ძალიან ხშირად ჩვენ შეთავაზებულ სამსახურზე უარს გვეუბნებიან სხვადასხვა მიზეზის გამო, ზოგ შემთხვევაში გასაგებიც არის, მრავალი წელი ადამიანი იჯდა  საპატიმროში და გადაჩვეულია,  უჭირს 8 საათიან რეჟიმში მუშაობა“ –  აღნიშნა ჯონი კვინიკაძემ.    

„ეს არის სოციალური პრობლემა, რომელიც უნდა მოგვარდეს“ – განაცხადა გიორგი ერმაკოვმა, რომელმაც ყოფილი პატიმრების სხვადასხვა, მიმდინარე პროგრამებში ჩართვის შესაძლებლობებზე ისაუბრა.  

პატიმრებზე სახელმწიფომ განსაკუთრებული ზრუნვა 2012 წლის დეკემბრიდან დაიწყო, როდესაც იუსტიციის მინისტრის ინიციატივით, ცენტრის ბაზაზე „ყოფილ პატიმართა რეაბილიტაციისა და რესოციალიზაციის პროგრამა“ დაფუძნდა. ცენტრი სახელმწიფო ბიუჯეტიდან მილიონ-ნახევარი ლარით ფინანსდება. ამჟამად, ფილიალები თბილისის გარდა მუშაობს გორში, ქუთაისსა და ბათუმში, უახლოეს ხანში კი გაიხსნება ზუგდიდსა და მარნეულში.

ჯერ საკონსტიტუციო სასამართლოს მეორე კოლეგია მხარეების არგუმენტებს ისმენს.

საქართველოს მთავრობის წარმომადგენელს ქეთევან კრაწაშვილს მიაჩნია, რომ სახალხო დამცველის სარჩელი სამართალწარმოების ნორმებს ვერ აკმაყოფილებს და საკონსტიუციო სასამართლომ ამიტომ ის განსახილველად არ უნდა მიიღოს.  

სახალხო დამცველის წარმომადგენელის განმარტებით,  დავის საგანს წარმოადგენს  “სოციალური დახმარების შესახებ” საქართველოს მთავრობის 2006 წლის 28 ივლისის № 145 დადგენილების 10(3)-ე მუხლის კონსტიტუციურობა საქართველოს კონსტიტუციის მე-14 მუხლსა და  36-ე მუხლის მე-2 პუნქტთან მიმართებით. 

“სოციალური დახმარების შესახებ” საქართველოს მთავრობის დადგენილება არეგულირებს ბავშვის რეინტეგრაციისა და მინდობით აღზრდისთვის სოციალურ შემწეობასთან დაკავშირებულ საკითხებს. მოსარჩელე აღნიშნავს, რომ სადავო ნორმები დისკრიმინაციულია ბავშის ბიოლოგიურ მშობელთან მიმართებით, რადგან გასაჩივრებული რეგულაცია მათთვის აწესებს უფრო დაბალ სოციალურ შემწეობას, ვიდრე ეს მინდობით  ბავშვის აღზრდასთან არის გათვალისწინებული.

მოსარჩელის განმარტებით, იმის გამო რომ სახელმწიფოს მხრიდან ბავშვის ბიოლოგიურ მშობლებისთვის უფრო ცუდი პირობების შეთავაზება ხდება, ვიდე მინდობით ბავშის აღმზრდელებისთვის, ირღვევა კონსტიტუციის 36-ე მუხლი, რომელიც ოჯახურ ცხოვრეას იცავს. 

სახელმწიფო მინდობით აზრდის შემთხვევაში დედობილსა და მამობილს 450 ლარს უხდის, ხოლო ბიოლოგიურ მშობლებს 90 ლარს. (130 იმ შემთხვევაში თუ შეზღუდული შესაძლებლობის მქონეა ბავშვი)