არასამთავრობო ორგანიზაცია „თავისუფალ ჟურნალისტთა სახლის“ და „ბათუმის ახალგაზრდული ცენტრის“ მოხალისეები ბათუმის #3 საპყრობილეს პატiმრებისთვის წიგნებს აგროვებენ. წიგნების პატიმრებისათვის შეგროვების იდეა სახალხო დამცველის წარმომადგენელს აჭარაში, გიორგი ჩარკვიანს ეკუთვნის.
„თავისუფალ ჟურნალისტთა სახლის“ და „ბათუმის ახალგაზრდული ცენტრის“ მოხალისეების უმრავლესობა სკოლის მოსწავლეები და სტუდენტები არიან.
„მაგდანას ლურჯა“, „დიდი მოურავი“, „რობიზონ კრუზო“ , „უბედური რუსი“ და გალაკტიონ ტაბიძის ლექსების კრებული – ამ დროსათვის მოხალისეებმა ამ წიგნების შეგროვება შეძლეს პატიმრებისთვის და ყველა მსურველს ურჩევენ აქციაში ჩართვას.
პატiმრებისათვის წიგნების ჩუქების მსურველებს შეუძლიათ წიგნები „თავისუფალ ჟურნალისტთა სახლში“ (აბაშიძის #48, გაზეთ „ბათუმელების“ რედაქცია), აჭარაში სახალხო დამცველის ოფისში (მაზნიაშვილის #9) ან პრესკაფეში მიიტანონ.
მესამე საპყრობილე 244 პატიმარზეა გათვლილი.
