Batumelebi | აჭარაში ჯანმრთელობის დაცვის პროგრამებით 3365-მა მოქალაქემ ისარგებლა აჭარაში ჯანმრთელობის დაცვის პროგრამებით 3365-მა მოქალაქემ ისარგებლა – Batumelebi
RU | GE  

აჭარაში ჯანმრთელობის დაცვის პროგრამებით 3365-მა მოქალაქემ ისარგებლა

 

2014 წლის 1 იანვრიდან 1 ოქტომბრამდე აჭარის ა/რ ჯანმრთელობისა და სოციალური დაცვის სამინისტროს ჯანმრთელობის დაცვის 4 პროგრამით სამედიცინო მომსახურება 3 365 მოქალაქეს გაეწია – ინფორმაციას ამის შესახებ აჭარის ჯანდაცვის სამინისტრო ავრცელებს. 

 

სამინისტროს ინფრომაციით,  გასული 9 თვის განმავლობაში აღნიშნული პროგრამების დაფინანსებამ  სამინისტროს მხრიდან შეადგინა 2 596 465 ლარი.

 

სახსრების ენდოპროთეზირების პროგრამის ფარგლებში ქირურგიული ოპერაცია დაუფინანსდა 57 პაციენტს – დაფინანსებამ შეადგინა 172 323 ლარი.

გულის ქირურგიის პროგრამის ფარგლებში მომსახურება გაეწია 307 პაციენტს, გამოიყო 896 880 ლარი.

მაღალტექნოლოგიური დიაგნოსტიკური კველევბი დაუფინანსდა 1 578 მოქალაქეს, ჯამში 452 489 ლარით.

 ინდივიდუალური სამედიცინო დახმარების პროგრამით გაიცა 1 423 ვაუჩარი, გახარჯულმა თანხამ შეადგინა 1 074 773 ლარი.

 

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"