Batumelebi | ”ბესტსელერი” ბათუმში ”ბესტსელერი” ბათუმში – Batumelebi
RU | GE  

”ბესტსელერი” ბათუმში

 

ხვალ, 20 საათზე, მაღაზიაში “წიგნები ბათუმში”, ბექა ადამაშვილის წიგნის, “ბესტსელერის” პრეზენტაცია გაიმართება. 

 

“აქედანვე გაფრთხილებთ, რომ წიგნში ვერ შეხვდებით უწმაწურ ლექსიკას, პორნოგრაფიულ სცენებს, ან რაიმე ისეთ ეპატაჟურ გამოხტომას, რომელიც ავტორს მოგვიანებით საზოგადოების ყბის სიღრმის გამოკვლევის საშუალებას მისცემდა. სამაგიეროდ, შეხვდებით ნახატებსა და დიალოგებს, რომლებიც წინა წინადადებაში ნახსენებ მტკივნეულ დეფიციტს, ბოლომდე თუ ვერა, რაღაც დოზით მაინც შეგივსებთ. საერთო ჯამში, წიგნი მსუბუქია, გასართობი და, ავტორის უხეში გამოთვლით, ექვსი ათას სამას ოცდახუთი ამოსუნთქვით თავისუფლად იკითხება.

 

ორიორ სიტყვით ლოკაციებსაც შევეხოთ: ბესტსელერის მოქმედების ერთი ნაწილი საფრანგეთში მიმდინარეობს. თუმცა, ქვეყანა ამ შემთხვევაში პირობითია და მხოლოდ მთავარი გმირის – პიერ სონაჟის – სახელის ჟღერადობის მიხედვით შეირჩა. ამბის მეორე ნაწილი კი ლიტერატურულ ჯოჯოხეთში ვითარდება და ვინაიდან უფრო ადვილია დახატო ეშმაკი, ვიდრე მამალი, რადგან მამალი ყველას უნახავს, ეშმაკი კი – არავის, მისი აღწერა ავტორს გაცილებით უფრო გაუადვილდა” – ნათქვამია წიგნის ანოტაციაში.

 

ნეტგაზეთის მასალების სხვა გამოცემებში გადაბეჭდვის წესი
" ბათუმელები"