Batumelebi

ინფექციონისტ ლალი საღარაძის თქმით, უბრალო გაცივებისგან განსხვავებით გრიპი მაღალი ტემპერატურით ხასიათდება და საშუალოდ 3-5 დღე მიმდინარეობს. „გრიპს ახასიათებს: თავისა და სახსრების ტკივილი, გულის რევა, ცრემლდენა, ცემინება, ცხვირიდან გამონადენი და ხველა”, – ამბობს ის.

ლალი საღარაძე ამბობს, რომ გამომწვევი ვირუსის მიხედვით, გრიპის ბევრი სახეობა არსებობს და ისინი კლინიკურადაც განსხვავებულად მიმდინარეობს: „ეს შეიძლება იყოს პარაგრიპი, რომელიც, მართალია, მსუბუქი ფორმით მიმდინარეობს, მაგრამ საყურადღებოა იმით, რომ ბავშვებში შეიძლება ე.წ. ცუკრუპი განავითაროს. არის ასევე რინოვირუსული ინფექცია, რომელიც მაღალი ცხელებით არ მიმდინარეობს და ახასიათებს რინორეა, ანუ ცხვირიდან გამონადენი. ადენოვირუსულმა ინფექციამ, რომლის დროსაც გამოხატულია კატარალური მოვლენები (ხველა, ცხვირიდან გამონადენი და სხვა), შეიძლება გამოიწვიოს კონიუქტივიტი, ანუ თვალის ლორწოვანი გარსის დაზიანება, ასევე შესაძლოა რესპირატორულ გამოვლინებებს თან ახლდეს დიარეაც“.

„აჭარის საზოგადოებრივი ჯანდაცვის ცენტრის“ დირექტორის, მარო ჩხაიძის თქმით, გრიპის აქტიური სეზონი წლის მეორმოცე კვირიდან იწყება. „ეს პერიოდი 7 ოქტომბრიდან უკვე დადგა და იგი მომავალი წლის მეოცე კვირის ჩათვლით გაგრძელდება“. მისივე თქმით, აჭარის საზოგადოებრივი ჯანდაცვის ცენტრის პირველადი შედეგებით გრიპის შემთხვევების მნიშვნელოვანი მატება არ აღინიშნება, თუმცა დაავადების პიკს მომავალი წლის თებერვალ-მარტში ელოდებიან.

გრიპის პროფილაქტიკური ღონისძეებებიდან ყველაზე ეფექტური საშუალება გრიპის ვაქცინაა. გრიპის ვაქცინაციის დროს ორგანიზმში გრიპის ვირუსის ცილები ხვდება, რის შედეგადაც ორგანიზმში სპეციფიკური ანტისხეულები გამომუშავდება. ლალი საღარაძის თქმით, ვაქცინის გაკეთება სწორედ ახლა – სექტემბრის ბოლოსა და ოქტომრბის დასაწყისშია რეკომენდებული, რათა ორგანიზმმა მოასწროს იმუნიტეტის გამომუშავება. როცა ანტისხეულების ტიტრი სისხლში მაღალია, ეს იმის მანიშნებელია, რომ ადამიანს აქვს იმუნიტეტი ამ დაავადების მიმართ. „გრიპის ვაქცინის გაკეთება აუცილებელიც კია ერთ წლამდე ასაკის ბავშვებისთვის, ხანდაზმულებისა და ხშირად მოავადე ადამიანებისთვის. ვაქცინის გაკეთების შემდეგ, შეიძლება მაინც დაავადდეს ადამიანი გრიპით, მაგრამ მისი კლინიკური მიმდინარეობა გაცილებით უფრო მსუბუქი იქნება, ვიდრე აუცრელი ადამიანის“, – ამბობს ლალი საღარაძე.

ვაქცინის გასაკეთებლად უბნის ექიმს ან საზოგადოებრივი ჯანდაცვის ცენტრს უნდა მიმართოთ. გარდა ამისა, სეზონური გრიპის ვაქცინები აფთიაქებშიც იყიდება. ლალი საღარაძის თქმით, ეს ფრანგული წარმოების ვაქცინებია და მათ ალერგიული რეაქციები არ ახასიათებთ. გრიპის საწინააღმდეგო ვაქცინის საშუალო ფასი 90 ლარია.

იმ შემთხვევაში, თუ გრიპი მძიმედ მიმდინარეობს, ექიმი კონსულტაციის შემდეგ ნიშნავს ანტივირუსულ პრეპარატებსა და ანტიბიოტიკებს. ლალი საღარაძის თქმით, ხშირად იმის შიშით, რომ გრიპი არ გართულდეს, ადამიანები გრიპის პირველი დღეებიდანვე იწყებენ ანტიბიოტიკების მიღებას, რაც აქვეითებს იმუნიტეტს და უფრო ხშირად სწორედ ამ პაციენტებს ურთულდებათ დაავადება.

გრიპის პროფილაქტიკისა და მასთან ბრძოლისთვის ზოგიერთი ხალხური მეთოდიც ეფექტურია. ინფექციონისტის თქმით, ნიორი შეიცავს ნივთიერებებს, რომელთაც შეუძლიათ პროფილაქტიკა ჩაუტარონ გრიპის ვირუსებს. „ასევე ეფექტურია ხილისა და განსაკუთრებით კი ციტრუსის, დიდი რაოდენობით მიღება, რადგანაც იგი დიდი რაოდენობით შეიცავს C ვიტამინს, რომელიც კარგი საშუალებაა ამ დაავადების თავიდან ასაცილებლად. ასე რომ, ეს მეთოდები სრულიად გამართლებულია“,- ამბობს ლალი საღარაძე.

ექიმის რეკომენდაცია: „უმჯობესია გრიპის მკურნალობისას სახლში დარჩეთ. ოთახი, სადაც გრიპიანი პაციენტი წევს, ხშირად უნდა განიავდეს, მიიღეთ დიდი რაოდენობით სითხე, ხილი, ცილოვანი საკვები ვიტამინები და სიმპტომური საშუალებები, მაგალითად, სიცხის დამწევები – მაღალი ტემპერატურისას (მაღალ ტემპერატურად მიიჩნევა 38-ზე მაღლა, ზოგი 37.5-ს დროსაც იღებს სიცხის დამწევს. ასეთი გამონაკლისი შეიძლება მხოლოდ მაშინ დავუშვათ, თუ პაციენტი ბავშვია და მას ტემპერტაურაზე კრუნჩხვითი რეაქცია აქვს), ცხვირში ჩასაწვთებელი საშუალებები – ცხვირიდან გამონადენის დროს, ხველის საწინააღმდეგო საშუალებები იმის მიხედვით, თუ როგორ ახველებს პაციენტს“.

გრიპის კლინიკური ნიშნების არსებობის შემთხვევაში ადამიანი უნდა მოერიდოს როგორც სამსახურში სიარულს, ისე ოჯახის წევრებთან ახლო კონტაქტს, რათა თავად არ გახდეს ინფექციის წყარო და სახლში თუ ქუჩაში აუცილებლად ატაროს ნიღაბი. გარდა ამისა, „აჭარის საზოგადოებრივი ჯანდაცვის ცენტრის“ რეკომენდაციით, გრიპის ვაქცინის გარდა პრევენციისთვის აუცილებელია ისეთი მარტივი ღონისძიებების ჩატარება, როგორიცაა ხელების ხშირად დაბანა და საცხოვრებელი ადგილებისა თუ სათავსოების ხშირი განიავება.

საშუალო სკოლებში საბაზო საფეხურიდან მოსწავლეებს საშუალება აქვთ სპორტის იმ სახეობაში იასპარეზონ, რომელიც სკოლას აქვს არჩეული. არჩეულ სახეობებს მატერიალურ-ტექნიკური ბაზა და სპორტის მასწავლებლის კვალიფიკაცია განსაზღვრავს. ბათუმის #2 საჯარო სკოლის დირექტორი მარიზა აბაშიძე ამბობს, რომ სპორტის გაკვეთილები ყველა კლასს კვირაში ორჯერ უტარდება, სპორტის მასწავლებლების ანაზღაურება კი სხვა საგნების პედაგოგების ანაზღაურების ანალოგიურია.

„ჩვენს სკოლაში სპორტის ოთხი მასწავლებელი ასწავლის, ყველა მათგანს სპორტის მიმართულებით აქვს განათლება მიღებული, ყოფილი სპორტსმენები არიან და ძალიან კარგად ამეცადინებენ ბავშვებს. ჩვენ მიერ არჩეული სახეობები ისეთია, რომ სპორტის მასწავლებელს საგაკვეთილო პროცესშივე უწევს აქტიური მუშაობა“, – ამბობს მარიზა აბაშიძე.

ქედის რესურსცენტრის მთავარი სპეციალისტი ნადიმ ზანაქიძე ამბობს, რომ მათ მუნიციპალიტეტში არჩეულ სპორტის სახეობას შუახევში სპორტისადმი ტრადიციული დამოკიდებულებაც განსაზღვრავს. „ისტორიულად სახეობები ზონებად იყო დაყოფილი, ქედის ზემოთ პოპულარული იყო ფრენბურთი, ცენტრალურ ნაწილში, სადაც ვაკეა _ ფეხბურთი და კალათბურთი, ქვემოთ – ხელბურთი. ახლა ამ სფეროში სპეციალისტები არ ჰყავთ და აქაც ფეხბურთსა და კალათბურთს ასწავლიან. ვაიოს სკოლის მოსწავლეები მაგიდის ჩოგბურთში არიან საქართველოს ნაკრების წევრები, პირველი მაისის სკოლას ჭადრაკში ჰყავს საქართველოს ნაკრების წევრები“, – ამბობს ნადიმ ზანაქიძე.

მოსწავლეებს სპორტის გაკვეთილები მაღალ კლასებში ნაკლებად მოსწონთ. ისინი ამბობენ, რომ უფრო მეტ დროს სწავლასა და გამოცდებისთვის მზადებას უთმობენ. შესაბამისად მიაჩნიათ, რომ სპორტის გაკვეთილი „დროს აკარგვინებს“. ამ ტენდენციაზე სპორტის მასწავლეებლებიც საუბრობენ. მათი თქმით, დამამთავრებელ კლასებში მოსწავლეების მხოლოდ 30 პროცენტი ერთვება საგაკვეთილო პროცესში აქტიურად. „მაღალ კლასებში კარგავენ ინტერესს, თუმცა ყოველთვის არიან ისეთი მოსწავლეები, რომლებსაც სპორტის გაკვეთილი ახარებთ და პირიქით. როცა შეფასება იყო, მეტი მოტივაცია ჰქონდათ, ნიშნის გამო მონაწილეობდნენ პროცესში,“ – ამბობს ირინე მამულაძე, ბათუმის #2 საჯარო სკოლის სპორტის მასწავლებელი. ირინა სკოლებში სპორტული ინვენტარის სიმცირის შესახებაც საუბრობს.

„მწირი ინვენტარი გვაქვს. სკოლისთვის რთულია ამ ინვენტარის შეძენა, მარტო ტანვარჯიშის ლეიბი 800 ლარად შეგვიფასეს. ინვენტარის არარსებობის გამო ავირჩიეთ კალათბურთი, ფეხბურთი და ფრენბურთი. შემიძლია ვთქვა, რომ წამყვანი ჯგუფები გვყავს ქალაქში – ჩვენი მოსწავლეები ხშირად იმარჯვებენ, მაგრამ ზოგიერთს არ მოსწონს სპორტის ის სახეობა, რომელსაც უმრავლესობა ირჩევს, ზოგს ბურთზე მეტად კოტრიალი უნდა, ამიტომ იყო კარგი, როცა პერიოდულად გავდიოდით ყველა სახეობას. მრავალფეროვნება საჭიროა, ბავშვებს ერთი და იგივე ბეზრდებათ“, – ამბობს ირინე, რომელსაც #1 სკოლის მასწავლებელი ზვიად აბაშიძეც ეთანხმება.

„ადრე ისეთი მატერიალური ბაზა გვქონდა, მოსწავლეებს ყველა სახეობაზე ვავარჯიშებდით, ახლა აღარაა ეს მოწყობილობები სკოლებში და ბავშვების უმეტესობას ურჩევნია მარტივი თამაშები ითამაშოს. ეს პირველი სკოლის მეორე კორპუსია, პირველში უკეთესი პირობები გვაქვს, ამ შენობაში დროებით ვართ. დაძალება არ შეიძლება ბავშვზე, რაც შეუძლია და რაც სურს, ის უნდა გააკეთოს, გაკვეთილი უნდა იყოს ხალისიანი, ყველა კლასში არიან აქტიური და პასიური ბავშვები. აქტიურ ბავშვებზე არაფერი მოქმედებს, აბიტურიენტობის პერიოდშიც კი ცდილობენ ჩაერთონ საგაკვეთილო პროცესში, ფორმას ატარებენ, არ აცდენენ გაკვეთილს. სამწუხაროდ, მშობლებსაც ასე მიაჩნიათ – მთავარი არის სწავლა და სპორტი მეორე ხარისხოვანი“, – ამბობს ზვიად აბაშიძე.

შუახევის რესურსცენტრის ინფორმაციით, მუნიციპალიტეტში  სპორტის 48 მასწავლებელი ასწავლის და ყველა მათგანს სპეციალობაში აქვს მიღებული უმაღლესი განათლება.

მსგავსი შედეგი არ აქვთ სხვა მუნიციპალიტეტებს. ემზარ ქოქოლაძე – ხელვაჩაურის რესურსცენტრის მთავარი სპეციალისტი საკადრო დეფიციტზეც საუბრობს: „პედაგოგების უმრავლესობა პედაგოგიური განათლებითაა, თუმცა დიდი რაოდენობით არიან სპორტის სპეციალისტებიც. უმეტესად ძველი კადრები ასწავლიან სკოლებში. არის სკოლები, სადაც შეთავსებით სხვა საგნის მასწავლებელი ასწავლის სპორტს – ის, ვისაც ცოტა საათი აქვს, მაგალითად, ხელოვნების მასწავლებელი. სადაც არის სპორტის პედაგოგი, იქ ხარისხი კარგია, მაგრამ სადაც არ ჰყავთ – დაბალია. ზოგ სკოლაში არც დარბაზია და არც მოედანი. სკოლა ყველა შემთხვევაში უნდა ატარებდეს სპორტის საათს, თუ დარბაზი არ აქვთ, ჭადრაკს ირჩევენ და იმას ასწავლიან“.

ხულოს რესურსცენტრის მთავარი სპეციალისტი ასლან შავაძე ამბობს, რომ სპორტის გაკვეთილების მონიტორინგის სპეციალური პროგრამა არ აქვთ: „ეს მიმართულება დახვეწის პროცესშია, სასერტიფიკაციო გამოცდების მსვლელობისას სპორტის მასწავლებლის საკვალიფიკაციო მოთხოვნებიც კი არ იყო განსაზღვრული. პროგრამა ახლა შემუშავდა, ყველაფერს უნდა ახლებური მიდგომა. ხულოში სპორტის პედაგოგების დეფიციტია, არასპეციალისტს კი სტანდარტს ვერ მოთხოვ“.

ბათუმის რესურსცენტრის უფროსი გოჩა დავითაძე დაწყებით კლასებში სპორტის გაკვეთილების აუცილებლობას უსვამს ხაზს: „ამ საგნის სწავლების მიზანია ჩააბას მოსწავლე ფიზიკურ აქტივობებში. ამ კლასებში მოსწავლეებმა უნდა გააცნობიერონ, თუ რამდენად მნიშვნელოვანია ჯანსაღი ცხოვრების წესის დაცვა ადამიანის სიცოცხლისთვის. საერთო სტანდარტი არსებობს, რომელსაც უნდა მიჰყვეს სკოლა. დაწყებით კლასებში განსაკუთრებული მნიშვნელობა ენიჭება ბავშვის ფიზიკურ მომზადებასა და საბაზისო მოძრაობითი უნარ-ჩვევების შეძენას. ამ საფეხურზე, ძირითადად, დაწყებითის მასწავლებლები ასწავლიან, მეხუთე კლასიდან კი – ფიზიკური აღზრდის განათლების მქონე პირები“.

ბათუმის თიბისი გალერეაში ახალგაზრდა მხატვრის აკაკი ჯაშის პერსონალური გამოფენა გრძელდება. გამოფენა 22 ოქტომბერს გაიხსნა და მისი ხილვა დამთვალიერებელს 7 ნოემბრის ჩათვლით შეეძლება.

გამოფენაზე ხელოვანის მიერ ბოლო ერთი წლის მანძილზე შესრულებული 30 ნამუშევარია წარმოდგენილი.

 
აკაკი ჯაში ახალგაზრდა მხატვარი, ფერმწერი და გრაფიკოსია. არის რამდენიმე პერსონალური გამოფენის ავტორი, მონაწილეობდა არაერთ ჯგუფურ გამოფენაში.  ნამუშევარი აქვს  სრულმეტრაჟიანი მხატვრული ფილმების: “ომი და ქორწილი” (რეჟისორი ზ.კოლელიშვილი)  და“ჩაიკა” (რეჟისორი მიგელ ანხელ ხიმენესი) მხატვრობაზე.

„ეს არ არის მწვანე შენობა, სამწუხაროდ,“ – უთხრა „ბათუმელებს“ სამშენებლო კომპანია  „თუზჯუოღლუ &ქესქინ“ -ის მენეჯერმა ჰალით თუზჯუოღლუმ. მისი კომპანია ბათუმში, კობალაძის, ტბელ აბუსერიძისა და აღმაშენებლის ქუჩის კვეთაში მრავალსართულიან საცხოვრებელ სახლს აშენებს. ჰალით თუზჯუოღლუს ვკითხეთ რამდენი პროცენტს შეადგენდა მშენებარე ბინის  გამწვანება საერთო ფართობში.

„ჩვენ საკმარისი ადგილი არ გვაქვს რომ გამწვანება გავაკეთოთ. თუმცა შევეცდებით და მაინც მოვახერხებთ მცირე გამწვანების გაკეთებას. ყველა მხრიდან შენობა აკრავს. ჩვენი ფართობი  4000 კვადრატული მეტრია და ჩვენ ვაშენებთ ზუსტად 4000 კვადრატულ მეტრს.  მთლიანად ვითვისებთ ამ ფართობს.

მთავარი პრობლემა ბათუმსა და თბილისში არის  ის, რომ როდესაც პიროვნება მოდის, ყიდულობს მიწას და უნდა იქ რამე გააკეთოს, თითქმის 50 % უნდა რომ იყოს შენობა. არ არის გამოყოფილი ადგილი, ნახევარი მაინც გამწვანებისთვის.  დიახ, გამწვანებას უნდა დაეთმოს ადგილი, მაგრამ თვითონ მერიამ, ბათუმის მთავრობამ უნდა გაითვალისწინოს ეს.

მაგალითისთვის თურქეთში ასე არ არის. იქ რომ გქონდეს 4000 კვმ ფართობი, მხოლოდ 1000 კვმ-ს თუ გამოიყენებ მშენებლობისთვის. დანარჩენი უნდა დაუთმო  გამწვანებას.

აქ რა ხდება? თქვენ არ უფრთხილდებით თქვენს ქალაქს, აშენებთ ძალიან მაღალ შენობებს, 22 სართულიან შენობებს. არ გაქვთ გამოყოფილი ადგილი პარკინგისთვის.  კანალიზაციის სისტემა არ არის გამართული ასეთი დიდი შენობებისთვის და მომავალში თქვენ გექნებათ ძალიან დიდი პრობლემა,“ – ამბობს  „ბათუმელებთან“ საუბარში „თუზჯუოღლუ &ქესქინ“ -ის მენეჯერი ჰალით თუზჯუოღლუ.

იანსარიძის ქუჩაზე აშენებს 18-სართულიან საცხოვრებელ სახლს სამშენებლო კომპანია „ახალი ბათუმი ჯგუფი“. როგორც კომპანიის დირექტორი რეზო ჭაღალიძე „ბათუმელებთან“ საუბარში ამბობს, იმ სახლებს შორის, რომელიც კომპანიას აუშენებია, ინასარიძის ქუჩაზე მშენებარე სახლი ყველაზე „მწვანეა“.

„მიწა ჯამში არის 2100 კვადრატი, შენობას ვაშენებთ 850 მეტრზე. დანარჩენი იქნება ეზო. ამის გარდა ქვემოთ იქნება ავტოსადგომები 26 ავტომანქანისთვის. შენობა არის 18-სართულიანი – 200 ბინაა. ბათუმში ჩვენს მიერ აშენებულ სახლებში, ეგ კორპუსია რომელსაც ყველაზე დიდი ფართობის ეზო აქვს დატოვებული,“ – ამბობს რეზო ჭაღალიძე.

მისივე თქმით არ არის დადგენილი სტანდარტი თუ რა შეფარდებით უნდა იყოს გამწვანება.

„რეგულაციები მაგის შესახებ არ არსებობს, 30 % უნდა დაეტოვებინათ ადრე ეზო. ახლა მშენებელს არ ავალდებულებს კანონი რა ფართობი დატოვოს. მერიამ უნდა გადაწყვიტოს რა ფართობზე იქნება მშენებლობა და რა დაეთმობა გამწვანებას,“ – ამბობს „ახალი ბათუმი ჯგუფის“ ხელმძღვანელი რეზო ჭაღალიძე.

ბათუმის მერიის არქიტექტურისა და ურბანული დაგეგმარების სამსახურის ხელმძღვანელი თქმით, მოქმედი კანონმდებლობით მშენებელი ვალდებულია საერთო ფართობის 10 % დაუთმოს გამწვანებას. გამწვანებაში ითვლება მცირე კორდიც.

„ბათუმი დაყოფილია კონკრეტულ უფლებრივ ზონებად, რომელსაც თავისი განაშენიანობის ინტენსივობის და გამწვანების კოეფიციენტები არეგულირებს. თუ გამწვანების კოეფიციენტი არის საცხოვრებელ, საზოგადოებრივ ზონებში ამ შემთხვევაში გამწვანების  კოეფიციენტი არის 10 %. მარტივად რომ ვთქვათ თუ მიწა არის 100 კვადრატი, ასეთ ტერიტორიაზე მინიმუმ 10 % უნდა იყოს გამწვანების კოეფიციენტი. გამწვანებაში იგულისხმება არა ამარტო ხის ნარგავები, ეს ვალდებულება არ არის დამკვეთის,   აუცილებელია იყოს 10 % წყალგამტარი შრე,“ – ამბობს ბათუმის მერიის არქიტექტურისა და ურბანული დაგეგმარების სამსახურის ხელმძღვანელი ირაკლი ახალაძე.

ახლადაშენებულ კორპუსებში გამწვანების ოდენობა არ მოსწონს ბათუმის გამწვანებისა და ლანდშაფტური დაგეგმარების სამსახურის ხელმძღვანელს ეთერ მაჭუტაძეს.

„ხიმშიაშვილზე ამდენი სახლებია აშენებული და ჯერჯერობით ვერაფერს ვხედავ გამწვანების ზოლი რომ იყოს დარჩენილი. საერთოდ კომპანია რომ იღებს ტერიტორიას, იმან უნდა ჩადოს გამწვანებაც. მე მაქსიმალურად სადაც დამთავრებულია ვცდილობ უკვე შევიდე და მწვანე ნარგავები დავრგო. სადაც მშენებლობა მიდის იქ ვერაფერს ვერ დარგავ. მე როგორც მოქალაქე  ისეთ სახლში არ შევალ და არ ვიცხოვრებ სადაც გამწვანება არ იქნება. ბოლოსდაბოლოს ჟანგბადი ხომ უნდა ისუნთქო,“ – ამბობს ეთერ მაჭუტაძე.

გარდა იმისა რომ ახლადაშენებული კორპუსები პრაქტიკულად გამწვანების გარეშეა, კიდევ ერთი პრობლემა იჩენს თავს. თუ თქვენ იყიდით ბინას „ზღვის ხედით“, შესაძლოა რამდენიმე თვეში საცხოვრებლის წინ კორპუსი ამოაშენონ და თქვენ ბინა ზღვის ხედით, აღარ გექნებათ.

ირაკლი ახალაძე: „ახალი რეგულაციით განსაზღვრულია  საზოგადოებრივ სივრცესთან მიმართებაში შენობის განთავსება, ასევე  ეზოს და გვერდით მდგომ შენობებთან დამოკიდებულება. თავის საკადასტრო ტერიტორიაზე შეუძლია ადამიანს ააშენოს ისე რომ გვერდით, სხვა საკადასტრო ტერიტორიაზე მეზობელს არ ჰკითხოს. მიუხედავად იმისა რომ იმას შეიძლება ფანჯარა ჰქონდეს შენს მხარეს და შეიძლება რაღაც ისეთი განათება შედიოდეს. ეს არის მისი უფლება. კანონი ასე ანიჭებს უფლებას. როგორც იმას შეუძლია ამის დაუკითხავად აკეთოს რაღაცა მშენებლობა, აწარმოოს. ასევე ამას შეუძლია იმის გარეშე.  კედელი შეუძლია პირდაპირ საზღვარზე დასვას. მთავარია ზიანი არ მიაყენოს მეზობელი ნაკვეთის არსებულ ინფრასტრუქტურას. პასუხისმგებლობა ზიანის შემთხვევაში ეკისრება მთლიანად ახალი მშენებლობის დამკვეთს“.

არღვევენ თუ არა სამშენებლო კომპანიები კანონს, როდესაც მშენებლობისათვის გამოყოფილ ფართობს სრულად ითვისებენ, შედეგად კი ეზოსთვის და გამწვანებისთვის ადგილი არ რჩება. ბათუმის მერიის არქიტექტურისა და ურბანული დაგეგმარების სამსახურის ხელმძღვანელი ამბობს რომ თუკი მშენებელ კომპანიას მშენებლობის ნებართვა 2009 წლამდე აქვს მიღებული, მაშინ კანონი არ ირღვევა. რადგან 2009 წლამდე არ არსებობდა რეგულაციები.

„იყო შემთხვევები როცა ეზოები თითქმის შევსებული იყო. ახლა თუ არის 50- 70 % ზონების მიხედვით ცარიელი ტერიტორიის დატოვების ვარიანტი, მაშინ იყო თითქმის 100 %-იანი ათვისება ტერიტორიის. არ იყო შეზღუდვა. ზოგი მაინც ტოვებდა, თავის სურვილით. ასეთ მშენებლობებს ვერ შევეხებით,“ – ამბობს ირაკლი ახალაძე.

მისივე თქმით ამჟამად ისეთ სახლზე, რომელსაც ეზო არ ექნება ნებართვა არ გაიცემა.

ირაკლი ახალაძე: „განაშენიანების კოეფიციენტი შენობა-ნაგებობების რაოდენობას განსაზღვრავს კონკრეტულ მიწის ნაკვეთზე. მაგალითად თუ მშენებლობა არის ჭავჭავაძის ქუჩაზე, იქ შესაძლებელია მაქსიმუმ 60 % -ის ათვისება. დანარჩენი 40 % უნდა დარჩეს თავისუფალი. ამ 40 დან 10 % გამწვანებული უნდა იყოს“.

„28 ოქტომბერს არის დანიშნული ეროვნული უშიშროების საბჭოს სხდომა, რომელიც დანიშნა საქართველოს პრეზიდენტმა რამდენიმე კვირით ადრე. მაგრამ სქართველოს მთავრობის ის წევრები, რომელიც უშიშროების საბჭოს წევრები არიან, ან ის წევრები, რომლებიც მიწვეული არიან ამ სხდომაზე, აკეთებენ სრულიად ანტისახელმწიფოებრივ განცხადებებს. მაგალითად, მაია ფანჯიკიძემ გააკეთა განცხადება, რომ ის შესაძლებელია 28 ოქტომბერს არ იყოს საქართველოში იმის გამო, რომ შეიძლება მიიპატიჟოს ერთ-ერთმა მეგობარმა სახელმწიფომ სადღაც მივლინებაში. ეს არის დესტრუქციული განცხადება, არამარტო ანტისახელმწიფოებრივი, არამედ ანტიკონსტიტუციური.

საქართველოს პარლამენტს მივმართე, რომ გამოიყენოს მისი კონსტიტუციური უფლება მოვალეობა და მიმართოს საქართველოს პრემიერ-მინისტრს, მაია ფანჯიკიძის, როგორც საქართველოს მთავრობის წევრის, თანამდებობრივი პასუხისმგებლობის დაყენების შესახებ. ეს დესტრუქციული განცხადება არ შეიძლება უპასუხოდ დატოვოს საქართველოს პარლამენტმა,“ – აცხადებს პარლამენტის ვიცე-სპიკერი მურმან დუმბაძე.

დუმბაძის განცხადებით, საქართველოს კონსტიტუციაში ჩაწერილია, რომ საქართველოს პარლამენტი უფლებამოსილია საქართველოს პრემიერ-მინისტრს მიმართოს საქართველოს მთავრობის რომელიმე წევრის, ან წევრების თანამდებობრივი პასუხისმგებლობის საკითხის დაყენების შესახებ. პრემიერ-მინისტრმა კი პარლამენტს გარკვეულ ვადაში უნდა აცნობოს წერილობით გადაწყვეტილების შესახებ.

მურმან დუმბაძე: „მე ვფიქრობ, საქართველოს პარლამენტი ამ ჩემს მოთხოვნას ყურად არ იღებს, მაგრამ მე ამით ვაფიქსირებ იმას, რომ თუკი პარლამენტი საქართველოს კონსტიტუციის ამ მუხლს იგნორირებას გაუკეთებს, ეს ნიშნავს, რომ საქართველოს პარლამენტი ისევე მორჩილი პარლამენტია, როგორიც გვქონდა ჩვენ უახლოესი წლების განმავლობაში“.  

ლექცია ეძღვნება ფემინიზმის მიმართ წინააღმდეგობის თეორიულად გააზრების ცდას. შემოთავაზებული თეორიული ჩარჩოს საილუსტრაციოდ და გასამყარებლად ლექციაზე წარმოდგენილია ანტიფემინისტური არგუმენტების, რამდენიმე ისტორიული, და თანამედროვე ნიმუშის ანალიზი – “რას ნიშნავს, იყო ფემინისტი? და რას ნიშნავს დღევანდელ სამყაროში მტკიცება, რომ არ ხარ ფემინისტი? არის დღეს შესაძლებელი, ისე გავემიჯნოთ ფემინისტურ იდეალებს და ფემინისტურ ბრძოლას, რომ ამით უპასუხისმგებლობა არ დავადასტუროთ?”.

ლექციის აუდიო ვერსიის მოსასმენად, გადადით ბმულზე – [Audio]

საჯარო ლექციები 17 ოქტომბრიდან12 დეკემბრის ჩათვლით, ყოველ პარასკევს, 5 საათზე, ბათუმის სახელმწიფო უნივერსიტეტში გაიმართება.

საჯარო ლექციების შესახებ დამატებითი ინფორმაციისთვის, გადადით ბმულზე.

გამწვანების აქცია „ეკო-პროექტის“ ფარგლებში გაიმართა, რომელიც ბავშვთა და ახალგაზრდობის ეროვნული ცენტრის ორგანიზებით, 2014 წლის მარტიდან საქართველოს 5 ქალაქში ხორციელდება. პროექტის ფარგლებში გამწვანების გარდა დაგეგმილია დასუფთავების აქციებიც. 

ღონიძიების მიზანია ახალგაზრდებში გარემოსდაცვითი ცნობიერების ამაღლება. აქცია ხორციელდება ბათუმის მუნიციპალიტეტის, სსიპ გარეოსდაცვითი ინფორმაციისა და განათლების ცენტრის და საქართველოს რკინიგზის მხარდაჭერით.

გამწვანების აქციაში მონაწილეობა ბათუმის ვიცე მერმა ბაგრატ მანველიძემაც მიიღო, აქციის დასასრულს მან ჟურნალისტებს განუცხადა, რომ მსგავსი აქციები ბათუმში ეტაპობრივად გაიმართება. 

მთავარ პარტიებს ასრულებენ – ინგა ჯახუტაშვილი, ირაკლი კახიძე, ბაჩო ნაკაშიძე, სულხან ჯაიანი, მამუკა ლომიძე, ზაზა ხამათაშვილი, არმაზ დარაშვილი, ნანა ძიძიგური, ნონა კორიფაძე, ლევან მაკარიძე და ირმა ჟღენტი.

ამიტომ ახალგაზრდა სოლისტებისა და მთლიანად დასის მხარდასაჭერად ბათუმში ქართველი საოპერო მომღერლები-ცისანა ტატიშვილი, მედეა ამირანაშვილი, თამარ გურგენიძე და თენგიზ მუშკუდიანი ჩამოვლენს.

“მარინა ჯახუტაშვილის დიდი სურვილი ბათუმისთვის შეენარჩუნებინა საოპერო დასი, საზოგადოდ მამულიშვილური საქმეა. ფაქტობრივად, მან თავიდან აღადგინა დასი, გაზარდა სრულიად ახალი თაობა. ამ დასში ბრწყინვალე ახალგაზრდები არიან, შესანიშნავი ხმებით, მდიდარი და მახვილი შემოქმედებითი ინტუიციით. ვოკალური და სამსახიობო პრინციპები, ისე ორგანულადაა შერწყმული მათ შემოქმედებაში, რომ როცა ვუსმენ და ვუცქერ, მავიწყდება, რომ საოპერო სპექტაკლზე ვარ. ვუსურვებ წარმატებას, რადგან დღეს ქართულ საოპერო სცენებს სწორედ ასეთი ხმების, ნიჭიერი ახალგაზრდები სჭირდება. ბათუმში შესანიშნავი მსმენელია და ეს ქალაქი ნამდვილად იმსახურებს ჰქონდეს ძალიან კარგი საოპერო თეატრი,” – ამბობს ცისანა ტატიშვილი.

პროექტში მონაწილეობას ღებულობენ ხელვაჩაურში მოქმედი კვების ობიექტები. ისინი პრეზენტაციაზე წარმოადგენენ თავიანთ პროდუქციას. მათი ფესტივალში ჩართვის მიზანია ახლოს გაეცნონ ლაზურ კულინარიას და სამომავლოდ თავიანთ წარმოებაში დანერგონ.

პროექტის ფარგლებში ასევე გამოიცემა 2015 წლის კალენდარი თანდართული ლაზური კერძების რეცეპტებით.

აჭარის განათლების, კულტურისა და სპორტის სამინისტროს ქვეპროგრამის ფარგლებში “კულტურული ცხოვრების გააქტიურება სოფლად” დაფინანსდა

პროექტს “კულტურათა დიალოგის ფესტივალი” აჭარის განათლების, კულტურისა და სპორტის სამინისტრო ააფინანსებს და მას ხელვაჩაურის კულტურის ცენტრი განახორციელებს.

გამარჯვებულად ჩაითვლება კონკურსანტი, თუ მას საკონკურსო კომისიის წევრთა მიერ ყველაზე მაღალი ჯამური ქულა მიენიჭება.

კონკურსის მიზანია შეიქმნას ლოგო, რომელიც გამოყენებული იქნება სამინისტროს საქმიანობის პროცესში (სამინისტროს ვებ-გვერდზე, სოციალური მედიის პლატფორმებზე, სავიზიტო ბარათებზე, ბლანკებზე, პოსტერებზე და სხვა საინფორმაციო მასალებზე).

„შინაარსობრივად ლოგო (ან ლოგოს ესკიზი) სამინისტროს საქმიანობის სპეციფიკას უნდა ასახავდეს, უნდა იყოს ადვილად აღქმადი, დასამახსოვრებელი და პოზიტიური. თავდაპირველად მასალა JPEGდა PNG ფაილის სახით უნდა იყოს წარმოდგენილი, დამტკიცების შემთხვევაში კი ვექტორულ-გრაფიკულ (EPS) და PDF ფორმატში. ფერი უნდა იყოს CMYK (ლოგო გამოყენება უნდა შეიძლებოდეს თეთრი და ფერადი ფონებისთვის).

ტექნიკური თვალსაზრისით ლოგო უნდა იყოს ადვილად გამოსაყენებელი, დასამუშავებელი; მარტივად უნდა შეიძლებოდეს ზომის ცვლილება, მანიპულირება ნებისმიერი რეპროდუქციის მიზნით“ – ნათქვამია სამინისტროს ვებ გვერდზე გამოქვეყნებულ განცხადებაში.

დაინტერესებულმა პირებმა საკონკურსო წინადადება (ერთ დალუქულ კონვერტში), საფასურის (კანონის 19¹ მუხლის პირველი პუნქტით 50 ლარი) გადახდის დამადასტურებელი დოკუმენტთან ერთად უნდა წარადგინონ აჭარის ა.რ ფინანსთა და ეკონომიკის სამინისტროში. 

წინადადებები მიიღება 14  ნოემბრის 10 საათიდან, 14 ნოემბრის 16 საათამდე, შემდეგ მისამართზე: მ. კომახიძის ქუჩა №119. 

კონკურსი  2014 წლის 14 ნოემბრის 17 საათზე აჭარის ა.რ ფინანსთა და ეკონომიკის სამინისტროში ჩატარდება.

კონფერენციაზე  ცხრა სექცია იმუშავებს,  რომელშიც 300-მდე ქართველი და უცხოელი მომხსენებელი, მათ შორის 80 დოქტორანტი მიიღებს მონაწილეობას.

კონფერენცია მიზნად ისახავს სამეცნიერო დისკუსიებს ჰუმანიტარულ მეცნიერებათა სხვადასხვა დარგში, კვლევის ახალი მიმართულებების, მეთოდიკის გაცნობასა და გამოცდილების გაზიარებას.

„გენგეგმის არ არსებობა იყო შეგნებული პოლიტიკა, რადგან დოკუმენტი ითვალისწინებს რეგულაციებს, რაც დაინტერესებულ ჯგუფებს პირადი ინტერესების განხოციელებაში უშლის ხელს. ბიზნესმენებს, ვინც თავის თავს დეველოპერს უწოდებს, გააჩნიათ ლეგიტიმური ინტერესი, ააშენონ მეტი და გაყიდონ ძვირად. მათ უნდათ მინიმალურ ფართობზე მიიღონ მაქსიმალური მოგება. ისინი ცდილობენ მათ მიერ აშენებულ ობიექტზე არ გავრცელდეს რეგულაცია“, – ამბობს ბათუმის ყოფილი მთავარი არქიტექტორი გია რამიშვილი, რომელიც ახლა ბათუმის მერის მრჩეველია.

დოკუმენტის მომზადებას თვითმმართველ ორგანოს კანონი „სივრცითი მოწყობისა და ქალაქმშენებლობის საფუძვლების შესახებ“ 2005 წლიდან, ამ კანონის ხელმოწერის დღიდან ავალდებლებს.

წინა ორი მოწვევის ბათუმის საკრებულოს წევრი და ამ მოწვევის საკრებულოს „ნაციონალური მოძრაობის“ ოპოზიციური ფრაქციის თავმჯდომარე გიორგი კირთაძე  ამტკიცებს, რომ ბათუმს გენგეგმა აქვს: „მე არ ვიცი, ვინ უთხრა გიორგი ერმაკოვს, რომ გენგეგმა არ გვაქვს, დოკუმენტი შპს გეოგრაფიკმა მოამზადა და საკრებულომ დაამტკიცა 2009 წელს“.

ბათუმის მერიის ვებგვერდზე შპს „გეოგრაფიკის“ მიერ მომზადებული დოკუმენტი მართლაც იძებნება, თუმცა დოკუმენტი დასათაურებულია როგორც „მიწათსარგებლობის გენერალური გეგმა“, რაც არქიტექტორ გია რამიშვილის განმარტებით „გენგეგმის შემცვლელი ვერ იქნება.“

მიუხედავად იმისა, რომ „გეოგრაფიკის“ მიერ მომზადებული „მიწათსარგებლობის გენგეგმის“ პირველივე თავი „ბათუმის პერსპექტიული განვითარების ხედვის“ შესახებ ინფორმაციას მოიცავს, მოსაზრებას, რომ ის გენგეგმას ვერ ჩაანაცვლებს, ბათუმის მერიის არქიტექტირის სამსახურის ახალი ხელმძღვანელი ირაკლი ახალაძეც იზიარებს:

„მიწათსარგებლობის გენერალური გეგმა, რომელიც საკრებულომ 2009 წელს დაამტკიცა, განსაზღვრავდა ქალაქმშენებლობის განვითარების ზოგად პრინციპებს. 2009 წლიდან ბათუმს ხელვაჩაურისა და ქობულეთის მუნიციპალიტეტებიდან ტერიტორიები შემოუერთდა, ამიტომ დეტალებში გაწერილი კონცეფციები უკვე აღარ იყო საკმარისი. ამის გამო დღის წესრიგში გენერალური გეგმის დამუშავება დადგა“.

დოკუმენტებით ირკვევა ასევე, რომ ბათუმის საკრებულომ „გეოგრაფიკის“ მიერ მომზადებული „მიწათსარგებლობის გეგმა“ 2009 წლის 27 თებერვალს დაამტკიცა. 2011 წელს კი მასში ცლილებები და დამატებები შეიტანა. გია რამიშვილის თქმით, ამ ცვლილებით ქალაქის განაშენიანების პროცესი უმეტესწილად ისევ რეგულაციების მიღმა აღმოჩნდა.

„გენგეგმა არის სერიოზული ხელის შემშლელი მარტივად მოაზროვნე ადამიანებისთვის, ვისაც აქვთ გარკვეული ბიზნესგეგმები. ვინც ფიქრობს, რომ რეგულაციის არ არსებობა ხვალ მასაც ხელ-ფეხს გაუხსნის“, – განმარტავს გია რამიშვილი.

რა არის გენგეგმა და რით უშლის ის ხელს დეველოპერს ან ნებართვის გამცემს? – ამ კითხვაზე ბათუმის ყოფილმა მთავარმა არქიტექტორმა უპასუხა:

„ნორმალური რეგულაცია მშენებლობას არ ებრძვის, უყენებს პირობებს. ისე უნდა აშენდეს, რომ არ გააუარესოს ქალაქმშენებლობითი სიტუაცია, დღევანდელი მენაშენე არაფრით არ ჯობია ხვალინდელ მენაშენეს. ის, რომ შენ დღეს აშენებ, არ ნიშნავს, რომ მეზობელს, რომელსაც საშუალება არა აქვს დღეს, ხვალ შეეზღუდოს უფლება,  ან გაუუარესდეს პირობები. ეს არის გარკვეული თამაშის წესები. გენგეგმის მომზადების აუცილებლობა მგონი არავისთვის სადავო არ არის, სულ ცოტა შუა საუკუნეებიდან, როდესაც გაჩნდა ქალაქმშენებლობა, როგორც თემა, ურბანისტიკის ჩანასახიდან, როდესაც დაიწყეს იდეალური ქალაქების პროექტირება, ცხადი გახდა, რომ საჭიროა ერთიანი ხედვა არამარტო ინფრასტრუქტურის, არამედ, ზოგადად, მთელი სურათის ერთიანად დანახვა. გენგეგმის ძირითადი დანიშნულება სწორედ ქალაქის განვითარებაზე ზრუნვაა“.

ქალაქში მშენებლობასთან დაკავშირებული რეგულაციები 2012 წლის საპარლამენტო არჩევნების შემდეგ, ბათუმის მერიაში ახალი მთავარი არქიტექტორის, გიორგი რამიშვილის დანიშვნის შემდეგ გაჩნდა.

ახალი რეგულაციებით, ბათუმის ცენტრალურ ნაწილში დასაშვები იყო 6-7- სართულიანი მშენებლობები, მაღლივი შენობების აშენება კი მხოლოდ ქალაქის ცენტრალური ნაწილის მოშორებით და შემოერთებულ ტერიტორიებზე იყო შესაძლებელი. ამ რეგულაციების მოწინააღმდეგეები თავიდანვე გამოჩდნენ, გაჩნდა მოსაზრებები, რომ შეზღუდვა დეველოპერებს შეაშინებდა, შესაბამისად, ქალაქში ინვესტიციების შემოსვლა შემცირდებოდა. ამ საკითხთან დაკავშირებით პრეტენზიას, არაოფიციალურად, პირად საუბრებში აჭარის მთავრობის წევრებიც გამოთქვამდნენ და რეგულაციებს უწოდებდნენ „რამიშვილის რეგულაციებს, რომელიც სიმაღლეებზე ჭედავს“.

შედგება თუ არა კონსესუსი ქალაქის განაშენიანების ერთიანი ხედვის შემუშავებაზე ბათუმის ახალარჩეულ თვითმმართველობასა და საზოგადოებას შორის, აქვთ თუ არა მათ ამის სურვილი, ეს მომავალში გამოჩნდება. ირაკლი ახალაძის თქმით, რომელსაც გიორგი რამიშვილის მთავარი არქიტექტორის თანამდებობიდან გათავისუფლების შემდეგ ბათუმის არქიტექტურა აბარია, გენგეგმა უახლოეს მომავალში უნდა შეიქმნას. მანამდე კი შეიქმნება მუშა ჯგუფები, რომლებიც ამ კუთხით წინა მოსამზადებელ სამუშაოებს ჩაატარებენ. ირაკლი ახალაძე არ აკონკრეტებს, ეს უახლესი მომავალი სავარაუდოდ რომელ წელში იქნება.

გენგეგმასა და რეგულაციებთან დაკავშირებულ საკითხებზე „ბათუმელებმა“ გიორგი ერმაკოვის მოსაზრებების მიღებაც სცადა. თუმცა მან კომენტარი არ გააკეთა. „კომენტარი უკვე გააკეთა არქიტექტურის სამსახურის ხელმძღვანემა, ჩათვალეთ რომ ეს მერთან შეჯერებული, ერთობლივი მოსაზრებაა“, – განმარტეს მერის პრესსამსახურში.

დღეს, სასტუმრო რედისონის მიმდებარედ არსებული სკვერის გამწვანებაში ბათუმის ვიცე-მერმა, ბაგრატ მანველიძემ მიიღო მონაწილეობა.

დღის ბოლომდე ვიოლები და მიხაკები თამარ მეფის გამზირის გზაგამყოფ სკვერებში დაირგვება. ამ ეტაპზე, ქალაქის ტერიტორიაზე მთლიანობაში 600 ათასი ძირი შემოდგომა-ზამთრის პერიოდში მოყვავილე ერთწლიანი მცენარე დაირგვება – ინფორმაციას ამის შესახებ ბათუმის მერიის ვებგვერდი ავრცელებს.  მერიის პრესსამსახურის ინფორმაციით მცენარეების დარგვისათვის ბიუჯეტიდან 230 ათასი ლარია გათვალისწინებული.  

ინფორმაციას ამის შესახებ შინაგან საქმეთა სამაინისტრო ავრცელებს. სამინისტროს ინფორმაციით, სამართალდამცველებმა დაკავებულის პირადი ჩხრეკისას 75 აბი ნარკოტიკული საშუალება „სუბოტექსი“ და აბის ნატეხები ამოიღეს, რაც ექსპერტიზის დასკვნით 0,7243 გრ ბუპრენორფინს შეიცავს. დაკავებული აღიარებს ჩადენილ დანაშაულს.

გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე მიმდინარეობს (საქართველოს სსკ-ის 260-ე მუხლის მე-3 ნაწილის „ა“ ქვეპუნქტით, რაც 8-დან 20 წლამდე ან უვადო პატიმრობას ითვალისწინებს). 

პროგრამის მიმდინარეობისა და სამომავლო თანამშრომლობის შესახებ ისაუბრეს აჭარის ჯანდაცვის მინისტრმა ნუგზარ სურმანიძემ და UNFPA-ს წარმომადგენელმა თურქეთში, აზერბაიჯანში, სომხეთსა და საქართველოში ზაფიდ ჰაქიმ, გუშინ სამინისტროში გამართულ შეხვედრაზე. 

ჩვენი ერთობლივი პროექტი სოფლის ექიმების სამუშაო პირობების გაუმჯობესებას ითვალისწინებს. დღის განმავლობაში ექიმს პაციენტთან მისასვლელად, ფეხით 20–30 კილომეტრის გავლა უხდება, ამ პერიოდში კი მას შესაძლოა სხვა პაციენტი ელოდებოდეს. როცა მათ ავტომანქანებს  გადავცემთ გადაადგილებისათვის საჭირო დრო მაქსიმალურად შემცირდება და დღის განმავლობაში სამედიცინო მომსახურება ყველა პაციენტს მიეწოდება. 

ავტომანქანების მოვლისა და საწვავის ხარჯებს მუნიციპალიტეტების გამგეობები დაფარავს. ჩვენ, 2014 წელს მთაში დასაქმებულ სოფლის ექიმებს ხელფასის დანამატი 300 ლარით, ბარში დასაქმებულებს კი 150 ლარით გავუზარდეთ, ეს პროგრამა მომავალ წელსაც გაგრძელდება“. – აღნიშნა ნუგზარ სურმანიძემ.

შეხვედრაზე მინისტრმა გაეროს მოსახლეობის ფონდის წარმომადგენელს ავტომანქანების შეძენისათვის თანამონაწილეობა მომავალ წელსაც შესთავაზა. ზაფიდ ჰაქის განმარტებით, თუ UNFPA ვერ შეძლებს თანდაფინანსებას, მოხდება დონორი ორგანიზაციის მოძიება. პროექტის განხორციელების შემთხვევაში 2015 წელს მაღალი გამავლობის ავტომანქანების შეძენა ქობულეთისა და ხელვაჩაურის პირველადი ჯანდაცვის ცენტრებისათვის იგეგმება.

აჭარის უმაღლესი საბჭო სატენდერო კომისიის წევრის,  პლატონ მანჯგალაძის განმარტებით  46375 ლარი ავტომანქანის ყიდვას და ერთი წლის განმავლობაში საწვავსა და   სარემონტო სამუშაოებს მოხმარდება.  

როგორც მან “ბათუმელებს” განუმარტა, ავტომანქანის ღირებულება ოცი ათასი დოლარი, ანუ 35 ათასი ლარის ფარგლებშია. 

სატენდერო კომისიის წევრის განმარტებით ეს იქნება უმაღლესი საბჭოს მორიგე მანქანა და მას კონკრეტულად რომელიმე დეპუტატი ან აპარატის თანამშრომელი არ გამოიყენებს. 

აქცია ერთდროულად გაიმართება საქართველოს სამ ქალაქში, თბილისში, ქუთაისსა და ბათუმში.  ეროვნული პლატფორმა სოლიდარობას უცხადებს უკრაინელ ხალხს, გამოხატავს სრულ მხარდაჭერას თავისუფლებისმოყვარე უკრაინელი ხალხის ევროპული არჩევანის, სუვერენიტეტისა და ტერიტორიული მთლიანობისადმი.

აქციის მონაწილეებს დაურიგდებათ ჰიმნის ტექსტი და შესრულდება უკრაინის სახელმწიფო ჰიმნი.  

აჭარაში მდებარე 32 კვების ობიექტის სერვისს წელს, ივლის-აგვისტოში, იდუმალი სტუმარი აკვირდებოდა – ასე შეეცადა აჭარის ტურიზმის დეპარტამენტი, შეემოწმებინა მომსახურების ხარისხი და დაედგინა იმ ტრენინგებისა და გადამზადების კურსების ეფექტურობა, რასაც დეპარტამენტი სამი წლის მანძილზე პერიოდულად უტარებს აჭარაში მდებარე რესტორნებისა და კაფეების მენეჯმენტსა და მოსამსახურე პერსონალს.

რას ფიქრობენ „იდუმალი სტუმრები“ სერვისის შესახებ? – კვლევის პირველი შედეგები აჭარის ტურიზმისა და კურორტების დეპარტამენტმა დღეს გამოაქვეყნა.

კვლევის შედეგებით ირკვევა, რომ დატვირთულ ტურისტულ სეზონზე, ყველაზე მნიშვნელოვანი მომსახურების სისწრაფეა და ობიექტებს ამ კუთხით საკმაოდ დაბალი შეფასებები ეძლევა. „ადგილი ჰქონდა, როგორც შეკვეთის დაგვიანებით მირთმევის შემთხვევებს, ასევე, ხურდის დაგვიანებით დაბრუნებასაც.“ – აღნიშნულია კვლევაში.

კვლევის თანახმად, პრობლემებია მიმტანებთან კომუნიკაციის დროსაც.  „მომხმარებლები თვლიან, რომ მიმტანების გარკვეული ნაწილი ვერ მეტყველებს გამართულად – უჭირთ კერძის შესახებ დეტალური ინფორმაციის მიწოდება, რიგ შემთხვევებში არ იციან კონკრეტული კერძით გამასპინძლების საშუალება აქვს თუ არა დაწესებულებას… მაღალი პროცენტით სახელდება მომსახურე პერსონალის „ფუჭად გაწეული“ მომსახურების გამო, გაღიზიანების შემთხვევები“ – ვკითხულობთ კვლევაში.

„იდუმალ სტუმრებს“ თითქმის არ ჰქონიათ შენიშვნები კერძების ხარისხის მიმართ. მათი დაკვირვებით, ასევე, ნაკლებად თვალშისაცემია ობიექტების სისუფთავის ნორმების დარღვევა.

„ძირითად დადებითად ხასიათდება სტუმრის მიღების/მისალმების ნაწილი. თუმცა, განსხვავებული სურათია დამშვიდობების ნაწილში. დაკვირვების მესამედ ნაწილზე მეტ ობიექტში, მომხმარებლებს არ მიუღიათ ღიმილიანი დამშვიდობება და არც ხელახალი მიპატიჟება. ამასთან, კვების ობიექტების მხოლოდ 30%-ში ჰქონდათ მიმტანებს სამკერდე ნიშნები“ – აღნიშნულია კვლევაში.

რაც შეეხება რეკომენდაციებს, „იდუმალი სტუმრის“ რეკომენდაციები ასეთია:

მნიშვნელოვანია, კვების ობიექტებზე დაკვირვების გზით, განისაზღვროს მომსახურე პერსონალის, სამზარეულოში აღჭურვილობის და მზარეულთა რაოდენობის დამატების საჭიროება.

სასურველია, მომსახურე პერსონალმა მიიღოს ინფორმაცია, გამოუვალ სიტუაციაში, როდესაც ვერ ხორციელდება დროის ეფექტურ მონაკვეთში მომსახურების მიღება,  მომხმარებელთან სათანადო კომუნიკაციის სტანდარტის შესახებ – აუხსნას მიზეზი, შეატყობინოს კერძის მიღების სავარაუდო დრო, შესთავაზოს სხვა პროდუქტით გამასპინძლება და ა.შ.  

მნიშვნელოვანია, მომსახურე პერსონალს ჰქონდეს სრულყოფილი ინფორმაცია მენიუში შემავალი კერძების შემადგენლობის შესახებ. გარდა ამისა, გამოიჩინოს ინიციატივა და დაეხმაროს მომხმარებელს კერძის შერჩევაში, მომხმარებლის გემოვნებას/რაციონს შეუსაბამოს კვების ობიექტის მენიუში არსებული რომელიმე კერძი.

განსაკუთრებით ყურადღება უნდა გამახვილდეს მომსახურების სისწრაფეზე. მნიშვნელოვანია, მომსახურე პერსონალმა მისალმებისთანავე მოიპოვოს მომხმარებლის კეთილგანწყობა და შეძლოს მისი შენარჩუნება სწრაფი და გულისხმიერი მომსახურებით.

აჭარის ტურისმისა და კურორტების დეპარტამენტის კვლევის მიზანია კვების ობიექტებში მომსახურების (სერვისის) ხარისხის პრობლემატიკის დადგენა, ბოლო 3 წლის განმავლობაში ჩატარებული გადამზადების კურსების ეფექტურობის განსაზღვრა და ანალიზის საფუძველზე 2014-2015 წლების გადამზადების კურსების დაგეგმვა.