ბათუმელები
დღეს, 13 მარტს, აჭარის სოფლის მეურნეობის სამინისტრომ ქედის მუნიციპალიტეტში 2015 წლის პროგრამების პრეზენტაცია გამართა. პრეზენტაციას, რომელსაც ქედის საკრებულოსა და გამგეობის წევრებთან ერთად, საინფორმაციო-საკონსულტაციო სამსახურის წარმომადგენლები და თემის რწმუნებულები ესწრებოდნენ აჭარის სოფლის მეურნეობის მინისტრმა ზაურ ფუტკარაძემ, სამინისტროს წარმატებასა და მთავარ გამოწვევებზე ისაუბრა.
შუახევის საკრებულოს წევრი ნაციონალური მოძრაობიდან სოსლან ზოიძე, საქართველოს პრემიერ მინისტრის ირაკლი ღარიბაშვილის განცხადებასთან დაკავშირებით, განცხადებას აკეთებს. მისი თქმით, ის რომ პრემიერის განცხადებით შუახევის მუნიციპალიტეტს ბიუჯეტის 100%-იანი შესრულება აქვს, სინამდვილეს არ შეესაბამება.
მას შემდეგ, რაც მუნიციპალიტეტების თვითმმართველ ორგანოებში რეორგანიზაცია გატარდა, არსებულ სამსახურებს კიდევ ერთი ახალი, გენდერული სამსახური დაემატა. ახლაშექმნილი სამსახურის მთავარი მიზანი მუნიციპალიტეტში მცხოვრები ქალების გააქტიურება და სამსახურებში გენდერული ბალანსის დაცვაა.
მცირემიწიან ფერმერთა 2015 წლის საგაზაფხულო სამუშაოების ხელშეწყობის პროექტით, აჭარის მაღალმთიანეთში, მიწის ხვნის ბარათს 11 690 ფერმერი მიიღებს. პროექტის ფარგლებში მიღებული ბარათით ფერმერებს მიწას ძირითადად შპს „მექანიზატორი~ დაუმუშავებს, შპს-სთან ერთად მიწის დამუშავებას ქედის მუნიციპალიტეტში ამხანაგობა „ქედა“ უზრუნველყოფს.
შუახევის მუნიციპალიტეტის სოფელ ნიგაზეულში მცხოვრები ენვერ ხიმშიაშვილის ოჯახი ხელისუფლებას დახმარებას სთხოვს. სახლი, სადაც სამი მცირეწლოვანი იზრდება, გამაგრებას საჭიროებს.
კარტოფილის კიბო ხულოს მუნიციპალიტეტის სამ სოფელში – დანისპარაულში, ბოძაურსა და დიდაჭარაში 2013-2014 წლებში გამოვლინდა. ეს ოფიციალური ინფორმაციაა. მეცნიერის თქმით კი, რომელიც უკვე წლებია აკვირდება კიბოს გავრცელებას, ის გაცილებით მეტ სოფელშია დაფიქსირებული. ამის მიუხედავად, დაავადების აღმოსაფხვრელად შესაბამისი სამუშაოები მუნიციპალიტეტში ამ დრომდე არ ჩატარებულა. კარტოფილის კიბო დაფიქსირებულია სვანეთშიც. კარტოფილის კიბო ადამიანზე არ გადადის, მაგრამ უსარგებლოს ხდის მიწას.
ბათუმი-ახალციხის ცენტრალური საავტომობილო გზის 82-ე კილომეტრზე გაბიონის მშენებლობა დღემდე არ დასრულებულა. აქ ავტომობილების გადაადგილება ჭირს. ცენტრალურ საავტომობილო გზაზე დამცავი კედლის მშენებლობა 2014 წლის გაზაფხულზე დაიწყო და წლის ბოლომდე უნდა დასრულებულიყო. კომპანიის დირექტორის თქმით, სამუშაოების შეჩერება მიწის მესაკუთრის მხრიდან შექმნილმა წინააღმდეგობამ გამოიწვია.
ხულოს მუნიციპალიტეტის სოფელ დიაკონიძეებში გააქტიურებულ გეოლოგიურ პროცესებს ადგილობრივები კვლავაც „შუახევი ჰესისთვის“ საჭირო გვირაბის მშენებლობას უკავშირებენ. ამ დროისთვის, გაჩენილი ბზარების გამო, საცხოვრებელი სახლი ორმა ოჯახმა დატოვა, 14-მა ოჯახმა კი სასმელი წყალი დაკარგა. აქ ამბობენ, რომ საცხოვრებელ სახლებს ბზარები მას შემდეგ გაუჩნდა, რაც აფეთქებები დაიწყო.
აჭარის მაღალმთიანი მუნიციპალიტეტების ბიუჯეტები ცენტრალური და აჭარის ბიუჯეტებიდან ფინანსდება. განსახორციელებელ პროგრამებსა და პრიორიტეტებს ადგილობრივი თვითმმართველობები განსაზღვრავენ და გათანაბრებითი თუ სპეციალური ტრანსფერის სახით მიღებული დაფინანსებით ახორციელებენ. 2015 წლის პროგრამების განსახორციელებლად აჭარის მაღალმთიანეთში ყველაზე მეტი თანხა ცენტრალური ბიუჯეტიდან ხულოს მუნიციპალიტეტმა მიიღო.
აგრონომი, აგროკონსულტანტი მცენარეთა მოსავლიანობაში, ყველის საერთაშორისო ექსპერტი და აგროჟურნალისტი ჰეზერ ბრიგსი ქართველი ჟურნალისტებისთვის ტრენინგის ჩასატარებლად გასულ კვირას თბილისში იმყოფებოდა. „ბათუმელები“’ მასთან ინტერვიუს გთავაზობთ.
ზღვის დონიდან 1 250 მეტრ სიმაღლეზე მდებარე სამთო-სათხილამურო კურორტ გომარდულში, რომელიც ბათუმიდან 74 კილომეტრში მდებარეობს, ტურისტებისთვის განკუთვნილ კოტეჯებში დამსვენებელს ამ დრომდე ვერ იღებენ. სააქციო საზოგადოება „გომარდულს“ სახელმწიფოს ვალი აქვს. აქაურები იმასაც ამბობენ, რომ კურორტამდე გზა თოვლისგან არ გაწმენდილა და შუქიც „ქარის ყოველ მოქროლაზე ქრება“.
სოფელ ბობოყვათში 90 ბავშვზე გათვლილი თანამედროვე სტანდარტების შესაბამისი სკოლამდელი დაწესებულების ასაშენებლად, ბიუჯეტიდან 455 555 ლარი დაიხარჯება.
სოციალურად დაუცველი ემინე აბულაძე ქმართან ერთად დაბა ხულოში სოციალურ სახლში ცხოვრობს. აბულაძეების საცხოვრებელი სახლი სტიქიის შედეგად 2005 წელს დაინგრა. უსახლკაროდ დარჩენილ ოჯახს რვა წლის შემდეგ, 2012 წელს ბინა ხელისუფლებამ სიმბოლურ ფასად გადასცა. უფასო სასადილოები მხოლოდ მუნიციპალიტეტების ცენტრებში ფუნქციონირებს. შესაბამისად, არ არსებობს მონაცემები, რამდენი ისეთი ადამიანი ცხოვრობს დაბისგან მოშორებულ სოფლებში, ვისაც კვების პრობლემა აქვს.
ბათუმის მაჟორიტარობისთვის საქართველოს პარლამენტში, სულ რვა კანდიდატი იბრძოლებს. კონკურენციის მიუხედავად, აქტიური საარჩევნო კამპანიით მხოლოდ რამდენიმე კანდიდატი გამოირჩევა.
ცაგო კახაბერიძე
საპარლამენტო არჩევნების შემდეგ გარემოს დაცვის სააგენტოს აჭარის სამსახურის უფროსის, ყოფილი პროკურორის ავთანდილ კილაძის წასვლიდან ცოტა ხნის შემდეგ მისი ადგილი მამუკა ჩანტლაძემ დაიკავა.
ქედის მუნიციპალიტეტის სოფელ ჯალაბაშვილებში სტიქიისაგან დაზარალებულ 12 ოჯახს სახლის ადგილმონაცვლეობისთვის 57 000 ლარი 2010 წელს აჭარის ბიუჯეტიდან გამოუყვეს. ფინანსურ კომპენსაციასთან ერთად ხელისუფლებას დამეწყრილი მოსახლეობისთვის სახელმწიფო საკუთრებაში არსებული მიწის ნაკვეთი უნდა გადაეცა, სადაც კრიტიკულ მდგომარეობაში მყოფი ოჯახები სახლებს ააშენებდნენ. ფართობის გადაცემა დღემდე ვერ მოხერხდა. მეორე კატეგორიაში მყოფი 12 ოჯახიდან მხოლოდ ერთმა შეძლო საცხოვრებლად უსაფრთხო გარემოს შექმნა, დანარჩენი კვლავ ავარიულ შენობებში აგრძელებენ ცხოვრებას.
შპს „ბურჯი ინვესტმა“ ქედაში ბალნეოლოგიური თვისებების მქონე მინერალური წყლის „კემისის“ ჩამოსხმა დაიწყო. მინერალური წყლის ჩამოსასხმელი საწარმო ქედაში, სოფელ ბალაძეებში მოეწყო. საწარმოს დირექტორი ქაზიმ ბალაძე ამბობს, რომ „კემისი“ ძირითადად აჭარის მაღალმთიანეთში იყიდება. კომპანიას მინერალური წყალი ბათუმის ბაზარზეც გააქვს.
ხულოს დრამატული თეატრის სამხატვრო ხელმძღვანელის, როინ სურმანიძის განცხადებით, 16 მსახიობიდან ექვსს ხელშეკრულება არ გაუფორმდება, რასაც თეატრის ხელმძღვანელი მსახიობების კვალიფიკაციის მოთხოვნებთან შეუთავსებლობით ხსნის. რა სამოქმედო გეგმა აქვს ხულოს დრამატულ თეატრს და რა არის თეატრისთვის მთავარი გამოწვევა 2015 წელს? ამ საკითხებთან დაკავშირებით „ბათუმელები“ თეატრის სამხატვრო ხელმძღვანელს როინ სურმანიძეს ესაუბრა.
ხულოს მუნიციპალიტეტში, ბათუმი-ახალციხის საავტომობილო გზასთან მდებარე სოფელ ვაშლოვანში, პატარა უბანში, რომელსაც ადგილობრივები ვაზისუბანს ეძახიან, ხის ერთსართულიან სახლში ალექსანდრე ჯაყელი მეუღლესთან და ავადმყოფ ძმასთან ერთად ცხოვრობს. ერთი შეხედვით რთულია დაიჯერო, რომ ამ შენობაში ადამიანები ცხოვრობენ. როგორც ოჯახის დიასახლისი, ნათელა გვიამბობს, სახლის საძირკველი დროთა განმავლობაში ჩამოიშალა, იატაკი მოირყა, მინები ჩაიმსხვრა. ამ სახლში ჯაყელები შიშით აგრძელებენ ცხოვრებას.
ქობულეთში, ჭავჭავაძის უბნის საკანალიზაციო სისტემებს სრული რეაბილიტაცა უტარდება.
ქობულეთის მუნიციპალიტეტში კონკურსის შედეგების მიხედვით საკონკურსო 105 პოზიციიდან კონკურსი ჩაშლილად 42 ადგილზე გამოცხადდა. კონკურსში გამარჯვებული კანდიდატების შესაბამის პოზიციებზე დანიშვნა კი ორი კვირის შემდეგ მოხდება.
დღეს, 23 იანვარს, 2 საათზე, ქედის მუნიციპალიტეტის ორი თემის – დანდალოსა და ცხმორისის მოსახლეობა საპროტესტო აქციას გამართავს. აქციის მონაწილეების მთავარი მოთხოვნაა, მუნიციპალიტეტში შეიქმნას ხელახალი კომისია მოსახლეობის ჩართულობით და ამ კომისიამ შეისწავლოს გასული წლის გაზაფხულზე თოვლისგან მიყენებული ზარალი.
ბატონო ბესიკ! ერთ წელზე მეტი გავიდა მას შემდეგ, რაც ხულოს მუნიციპალიტეტს გამგებლად მოევლინეთ. პირველ ეტაპზე თქვენმა დანიშვნამ ხულოს ხელმძღვანელად, დადებითი როლი შეასრულა მოსახლეობის განწყობაზე. ყველამ-პოზიციამაც და ოპოზიციამაც ჩათვალა, რომ მუნიციპალიტეტში დემოკრატიული პროცესების აღორძინების ხანა დაიწყებოდა და ეკონომიკა მეცნიერული მართვის რელსებზე გადავიდოდა. წესრიგი დამყარდებოდა კაპიტალური მშენებლობის საქმეში, ასპარზი დაეთმობოდა ინტელექტსა და პროფესიონალიზმს, თქვენი ცხოვრების განვლილი გზა და სამეცნიერო ხარისხი ხულოელებს ნამდვილად აძლევდა იმის საბაბს, რომ ავანსად ეფიქრათ ხულოში სასიკეთო ძვრების დაწყებაზე და ცხოვრების პირობების გაუმჯობესებაზე, თუმცა თქვენი გამგებლად ყოფნის ერთწლიანმა პერიოდმა ოცნებები გაუცრუა მოსახლეობას.
ამ დროისთვის აჭარის მუნიციპალიტეტებში აღარ თოვს. გამგებლების ინფორმაციით, გუშინ მოსულ თოვს მნიშვნელოვანი ზიანი არ გამოუწვევია. მათივე ცნობით, მუნიციპალიტეტებში შექმნილია სპეციალური შტაბები, რომლებიც უამინდობით გამოწვეულ პრობლემებზე 24-საათიან რეჟიმში მუშაობენ. თოვა შეწყდა ბათუმშიც.
ხელვაჩაურის მუნიციპალიტეტში გუშინ ღამის შემდეგ გადაუღებლად თოვს. ამ დროისთვის თოვლის საფარმა მუნიციპალიტეტის სოფლებში 10-15 სანტიმეტრს მიაღწია.
2014 წელს ქედის მუნიციპალიტეტში მცხოვრებმა ფერმერებმა გაცილებით ნაკლები მოსავალი მოიწიეს, ვიდრე წინა წლებში. ქედის მუნიციპალიტეტიდან მოწოდებული ოფიციალური ინფორმაციის თანახმად, წელს ქედაში საერთოდ არ ყოფილა ვაშლის, მსხლის, კაკლის, ხურმა-კარალოკისა და ჩაის მოსავალი.
დღეს, 26 დეკემბერს, ქედის მუნიციპალიტეტის სოფელ ვაიოში ადგილობრივი ხელისუფლების წარმომადგენლებმა, განათლებისა და ჯანდაცვის მინისტრებთან ერთად, 50 აღსაზრდელზე გათვლილი საბავშვო ბაღის შენობა გახსნეს.
ფატით სახედაფარული პატარძალი, ქალები ნაქსოვი წინდებით, ჩოხაში გამოწყობილი კაცები, ძველი ყოფის ამსახველი ნივთები: წუღები, თხილამურები, სკივრი, ქვევრი, ხალიჩები, ძველი მაგიდები მაყურებელს წლების წინ არსებულ რეალობაში აბრუნებდა – ქედის კულტურის ცენტრის სცენაზე დღეს „აჭარული ქორწილი“ გაიმართა.
დღეს 18 ნოემბერს ქედის საკრებულოს საააქტო დარბაზში 2015 წლის ქედის მუნიციპალიტეტის ადგილობრივი ბიუჯეტის პროექტის საჯარო განხილვა მოეწყო.
მტირალას ეროვნულ პარკამდე მისასვლელი ორკილომეტრიანი მონაკვეთის რეაბილიტაცია დაიწყო. სამუშაოებს საგზაო დეპარტამენტი ახორციელებს ქობულეთის მუნიციპალიტეტის ფინანსური მხარდაჭერით. როგორც მტირალას ეროვნული პარკის ადმინისტრაციაში აცხადებენ, სამუშაოების დასრულების შემდეგ ასფალტის გარეშე დარჩენილი საფარი მტირალას ვიზიტორთა ცენტრამდე 5 კმ-იანი მონაკვეთი იქნება.
