ბათუმელები
31 მაისს განვითარებულმა სტიქიამ ქედის მუნიციპალიტეტის სამ სოფელში: ზედა ბზუბზუში, ზედა მახუნცეთსა და პირველ მაისში ერთწლოვანი კულტურები და მრავალწლოვანი ხეხილის ბაღები დააზიანა. ზარალის შემსწავლელი გამგეობის მუდმივმოქმედი კომისია ზარალს აზუსტებს, დაზარალებულები კი კომპენსაციას ელოდებიან. ქედაში ამ ფაქტს მოახლოებულ არჩევნებს უკავშირებენ და არგუმენტად ის მოჰყავთ, რომ 31 მარტის სტიქიის შემდეგ არც ზარალი დაუთვლიათ და არც კომპენსაცია გაუციათ.
2014 წლის ადგილობრივი თვითმმართველობის არჩევნებზე ყოფილი გამგებელი, 52 წლის დავით დუმბაძე, ქედის პირველი არჩეული გამგებელი გახდა. პროფესიით იურისტი დავით დუმბაძე 22 წლის მანძილზე უშიშროების სამსახურში მუშაობდა. რის გაკეთებას გეგმავს დავით დუმბაძე ქედაში მისი გამგებლობის პერიოდში? მან „ბათუმელების“ შეკითხვებს უპასუხა.
ოსკარ უალდი, სტივენ კინგი, ანტონ ჩეხოვი, პროსპერ მერიმე – ეს იმ მწერლებისა მცირე ჩამონათვალია, რომელთა შემოქმედების გაცნობა დაბა ქედის მოსახლეობას დღეიდან ცხრა აპრილისა და თავისუფლების პარკში, ღია ცის ქვეშ შეეძლებათ.
მწირი ანაზღაურების გამო მაღალმთიანი აჭარის სამედიცინო ცენტრებს ექიმები ტოვებენ. „უნიმედი აჭარის ხულოს სამედიცინო ცენტრს“ ამ ეტაპზე არც ანესთეზიოლოგი ჰყავს და არც უროლოგი, განსაკუთრებული მოთხოვნის მიუხედავად ენდოკრინოლოგი და ოფთალმოლოგი კვირაში მხოლოდ ერთ დღეს მუშაობენ. საათობით მომლოდინე პაციენტები უკმაყოფილებას გამოთქვამენ, თავად ექიმები კი ამბობენ, რომ ხულოს საავადმყოფოში მუშაობა აღარ უღირთ და თავის დამკვიდრებას ბათუმის კლინიკებში ცდილობენ.
შუახევის მუნიციპალიტეტის სოფელ ზედაყანაში მცხოვრები შოთა და ზურაბ ჯაყელები ამბობენ, რომ შპს „აჭარისწყალი ჯორჯიამ“, რომელიც მდინარე აჭარისწყალზე, დაბა ხიჭაურთან ჰესს აშენებს, მათ სარგებლობაში არსებული მიწის ნაკვეთი ისე დაიკავა, რომ არც შეისყიდა და არც კომპენსაცია გადაუხადა.
მაჭახლის თემში, კულტურის სახლის შენობას კაპიტალური რემონტი უტარდება. უკვე დამონტაჟებულია გათბობის თანამედროვე სისტემა. შენობის რეაბილიტაციისთვის ბიუჯეტიდან 25 773 ლარია გამოყოფილი.
26 მაისს, ქობულეთის მუნიციპალიტეტის განათლების, კულტურის, სპორტის, ტურიზმისა და ძეგლთა დაცვის სამსახურის ორგანიზებით, შემდეგი ღონისძიებებია დაგეგმილი:
<!** Image 1 align="left" width="300" height="1683" >ღორჯომის ცენტრში არსებულ კულტურის სახლში შეიკრიბნენ გასულ კვირას ღორჯომელები და ადგილობრივი თვითმმართველობის არჩევნების შესახებ იმსჯელეს. შეკრებას არც ერთი ქალი არ ესწრებოდა.
მეთევზეები, რომლებიც აჭარის სოფლებში კალმახს აწარმოებენ, ამბობენ, რომ საქმის გაგრძელებას აზრი ეკარგება – ერთი კილოგრამი კალმახის ფასი ბაზარზე თითქმის იმდენივეა, რაც მისი წარმოებისთვის იხარჯება. სახელმწიფო პროგრამა დარგის განვითარების ხელშეწყობას არ ითვალისწინებს, ადგილობრივი მეწარმეები კი ამბობენ, რომ მათ პროდუქცია ექსპორტზე შემოსულ იაფ პროდუქტს კონკურენციას ვერ უწევს.
ხულოს მუნიციპალიტეტში უფასო სამედიცინო გამოკვლევები გრძელდება. 24 მაისს სხალთის თემში მცხოვრებთ საშუალება ექნებათ უფასო სამედიცინო კონსულტაციები გაიარონ და გამოკვლევები ჩაიტარონ.
,,ერთი დღე მუზეუმში” – ამ სახელწოდების ღონისძიება გაიმართა მუზეუმების საერთაშორისო დღესთან დაკავშირებით მაჭახლის ისტორულ – ეთნოგრაფიულ მუზეუმში. მუზეუმში მოსახლეობის მიერ შემთხვევით აღმოჩენილი არქეოლოგიური მასალებია დაცული. იგი ყოფილი მეჩეთის შენობაში არის განთავსებული.
ქედის კულტურის ცენტრში, სიმღერისა და ცეკვის ბავშვთა ფოლკლორული ანსამბლების ოლიმპიადის მეორე ტური ტარდება.
საქართველოს ბუნებრივი რესურსებისა და გარემოს დაცვის სამინისტრომ კინტრიშის ხეობაში, მდინარე კინტრიშზე ჰესის მშენებლობაზე დადებითი ეკოლოგიური დასკვნა გასცა. 6 მგვტ სიმძლავრის ჰესს მდინარე კინტრიშზე „ჰიდრო დეველოპმენტ კომპანი“ ააშენებს.
ქობულეთის მუნიციპალიტეტის კულტურის ცენტრისა და ასოციაცია „ღირსეული სიბერის“ ორგანიზებით ფაშიზმზე გამარჯვების დღისადმი მიძღვნილი ღონისძიებების ფარგლებში ომის ვეტერანებთან შეხვედრა გაიმართა.
ქობულეთის მუნიციპალიტეტის კულტურის ცენტრისა და ასოციაცია „ღირსეული სიბერის“ ორგანიზებით ფაშიზმზე გამარჯვების დღისადმი მიძღვნილი ღონისძიებების ფარგლებში ომის ვეტერანებთან შეხვედრა გაიმართა.
ხელვაჩაურის ახალგაზრდობის ცენტრი აცხადებს ქასთინგს სამსახიობო ნიჭით გამორჩეული 14 დან 24 წლამდე მოზარდებისა და ახალგაზრდებისათვის.
შპს „კოკატაური“ ქედის მუნიციპალიტეტში თანამედროვე სტანდარტების ახალ საწარმოს აშენებს. მინერალურ წყალთან ერთად საწარმოში მტკნარი წყალი ჩამოისხმება, აქვე გაიხსნება სასტუმრო და მინერალური წყლის აბანოები მოეწყობა.
ნაზიკო საფარიძე ქედაში, სოფელ დოლოგანში, ორსართულიანი ძველი ხის შენობის პირველ სართულზე ცხოვრობს. სახლი იმდენად ამორტიზებულია, რომ აქ მცხოვრებ ოჯახებს, მათ შორის ნაზიკო საფარიძესაც, გეოლოგებმა ჯერ კიდევ გასულ წელს ურჩიეს საცხოვრებლად სხვაგან გადასულიყო. ოჯახს არც ალტერნატიული ფართობი გააჩნია და არც ბინის დაქირავებისთვის საჭირო თანხა, ამიტომ ავარიულ შენობაში აგრძელებს ცხოვრებას. სამსულიანი ოჯახი, რომელიც უსახლკარო ოჯახების კატეგორიაში ირიცხება, თავს ტყეში დაკრეფილი ზღმარტლის გაყიდვით ირჩენს.
აჭარის მუნიციპალიტეტებს შორის ხულო კარტოფილის მთავარი მწარმოებელია. ეს ბოსტნეული ხულოში ოჯახების შემოსავლის ერთ-ერთი მთავარი წყაროა, თუმცა გლეხები ამბობენ, რომ ხულოს კარტოფილი ბაზარზე კონკურენციას თურქეთიდან შემოტანილ კარტოფილს ვეღარ უწევს – ხულოში კარტოფილის მოყვანა ძვირი ჯდება, ხოლო თურქეთიდან შემოტანილის ფასი გაცილებით დაბალია. მომხმარებელი კი ძირითადად ფასის მიხედვით ირჩევს პროდუქტს. რაში ხედავენ გამოსავალს თავად გლეხები და ეკონომიკის სპეციალისტები?
სასწრაფო სამედიცინო დახმარების ჯგუფს ხულოს მუნიციპალიტეტში ამორტიზებული ავტომობილები აქვს. როგორც სასწრაფოზე მომუშავე ჯგუფი ამბობს, პრობლემები გამოძახებისას ხშირად ექმნებათ, გამოძახებაზე მიმავალი მანქანა არაერთხელ გაფუჭებულა და საკუთარი ძალებით შეუკეთებიათ კიდეც.
ქობულეთის მუნიციპალიტეტის გამგებელმა გიორგი რომანაძემ ქობულეთის უმწეოთა სასადილო მოინახულა და სასადილოს მესვეურებს აღდგომის დღესასწაული მიულოცა.
აჭარის სოფლის მეურნეობის სამინისტროს მიზნობრივი პროგრამის ფარგლებში მრავალფუნქციურ მოტობლოკებს ტენდერში გამარჯვებული ფირმები „D&S CROUP “-ი და „აგროინვესტსერვისი“ იტალიიდან შემოიტანენ.
ქობულეთის რკინიგზის სადგურის მიმდებარე ტერიტორიას, რომელსაც იქ მცხოვრები რამდენიმე ოჯახი სარგებლობს, აჭარის ფინანსთა და ეკონომიკის სამინისტრო აუქციონზე ყიდის. ამ ტერიტორიაზე სავაჭრო ჯიხურებიცაა განთავსებული. საუბარია 4785 კვ/მ მიწის ნაკვეთზე, რომლის საწყისი ღირებულება 400 ათასი ლარია.
მერისის ვაჟთა ვოკალური ანსამბლი „მოყვარე” რამდენიმე წელია დაფინანსების გარეშეა. მიუხედავად იმისა, რომ ანსამბლს სახელმწიფო სერტიფიკატიც აქვს და სპეციალისტები მისი რეპერტუარითაც ინტერესდებიან, ადგილობრივმა თვითმმართველობამ ანსამბლის წევრებისთვის ხელფასი ბიუჯეტში არ გაითვალისწინა.
ხულოს საკრებულოს თავმჯდომარის ნოდარ თავართქილაძის ბრძანებით მიმდინარე წლის 14 აპრილს ხულოს მუნიციპალიტეტის საკრებულოს რიგგარეშე სხდომა დაინიშნა. სხდომაზე ძირითადი საკითხები ადგილობრივ ბიუჯეტში ცვლილებების შეტანას ეხება.
ქობულეთის მუნიციპალიტეტის გამგეობა 9 აპრილს დაგეგმილ ოფიციალურ ღონისძიებათა ანონსს აქვეყნებს
ქობულეთში, კომახიძის ქუჩის კეთილმოწყობის პროექტი წყალსადენის ქსელისა და საკანილიზაციო სისტემის რებილიტაციას ითვალისწინებს.პროექტის განხორციელებისთვის ადგილობრივი ბიუჯეტიდან 313 400 ლარი დაიხარჯება.
ხელვაჩაურის მუნიციპალიტეტის საკრებულო „სოფლის მხარდაჭერის პროგრამას“ სავარაუდოდ ერთ კვირაში დაამტკიცებს. შესაბამისი განკარგულების განხილვა ხელვაჩაურის საკრებულოს სხდომის დღის წესრიგშია შეტანილი.
ბიძინა ივანიშვილი საპარლამენტო არჩევნების წინ ქედაში, სოფელ ზესოფლის მცხოვრებთ დაჰპირდა, რომ მისი გამარჯვების შემთხვევაში სოფლისთვის ტრაქტორს იყიდდნენ. 6 დეკემბერს მინისტრმა დავით ნარმანიამ ზესოფლის მოსახლეობას ტრაქტორი მართლაც აჩუქა და თქვა, რომ ეს ბიძინა ივანიშვილის წინასაარჩევნო დაპირების შესრულება იყო. ნარმანიას ქედიდან წასვლის შემდეგ კი ქედის გამგეობამ ტრაქტორი შპს-ს გადასცა.
3 აპრილს, სსიპ ქალაქ ქობულეთის N3 საჯარო სკოლაში სასკოლო კლუბ „ნიუბის“ მიერ ორგანიზებული ინტელექტუალური მარათონი გაიმართა, რომელშიც ქობულეთის მუნიციპალიტეტის 30 საჯარო და კერძო სკოლის გუნდი იღებდა მონაწილეობას.
ქობულეთში კულტურის სახლის მშენებლობა დაიწყო, რომლისთვისაც ბიუჯეტიდან 2 300 000 ლარია გამოყოფილი.
რესპუბლიკურმა პარტიამ დღეს ქედის და შუახევის მუნიციპალიტეტებში რაიონული ორგანიზაციის კომიტეტი და სამდივნოს შემადგენლობა ფარული კენჭისყრით დააკომპლექტა. პარტიის წევრებისგან არჩეულმა კომიტეტებმა დახურულ პარტიულ ყრილობაზე რაიონული ორგანიზაციის თავმჯდომარეებიც აირჩიეს.
როცა ზეგარდანზე ვფიქრობ, გონებაში ამოტივტივდება ხოლმე ფრაზა: გმირი დედების სამყარო! დიახ, არც მეტი არც ნაკლები, გმირი დედების სამყაროში შევაღწიე, სამყაროში, სადაც განსაკუთრებული დედაშვილობა და სიყვარული იციან, სადაც მიწასაც კი რძის სუნი და ორთქლი ასდის… და ჭაღარაშერეული გმირი დედები შვილთაშვილებს ვეღარ ითვლიან!
როგორ ემზადება თვითმართველობის არჩევნებისთვის „ქართული ოცნება“ და „ნაციონალური მოძრაობა“ მაღალმთიან აჭარაში, რა კრიტერიუმით არჩევენ საპარლამენტო პარტიები კანდიდატებს და როგორ დაკომპლექტდება პროპორციული თუ მაჟორიტარული სიები – ამ საკითხის გარკვევას „ბათუმელები“ შეეცადა.
დაბა შუახევში, ყოფილი „კოლმშენის“ საცხოვრებელ სახლში ორი ოჯახი, სულ 6 მოქალაქე ცხოვრობს. სახლი, სადაც უსახლკარო ოჯახები ცხოვრობენ, ავარიულია.
გეოლოგიურ დასკვნაში, რომელსაც აჭარის გეოლოგიური სამსახურის უფროსი ტარიელ ტუსკია აწერს ხელს, წერია, რომ საცხოვრებელი სახლი ამორტიზებულია და აღდგენას არ ექვემდებარება.
ქედის მუნიციპალიტეტის ადგილობრივი ბიუჯეტი გასული წლის ანალოგიური პერიოდის ბიუჯეტისგან 4 მილიონი ლარით გაზრდილია – დამტკიცებული ბიუჯეტი ამ ეტაპზე 9 331 800 ლარია, აქედან 4 559 000 ლარი ქედაში ინფრასტრუქტურის მოწესრიგებას მოხმარდება.
