ქობულეთის მუნიციპალიტეტში კონკურსის შედეგების მიხედვით საკონკურსო 105 პოზიციიდან კონკურსი ჩაშლილად 42 ადგილზე გამოცხადდა. კონკურსში გამარჯვებული კანდიდატების შესაბამის პოზიციებზე დანიშვნა კი ორი კვირის შემდეგ მოხდება.
ქობულეთის მუნიციპალიტეტის ინფორმაციით, გამგეობასა და საკრებულოში ვაკანტური თანამდებობების დასაკავებლად გამოცხადებული კონკურსი სამ ეტაპად ჩატარდა. პირველ ეტაპზე 499 დარეგისტრირებული აპლიკანტიდან 399 შეირჩა. მეორე ეტაპზე, რომელიც საკანონმდებლო სფეროსა და ზოგად უნარებში ტესტირებას ითვალისწინებდა, ბარიერი 184-მა კონკურსანტმა გადალახა.
