Batumelebi | უფასო გამოკვლევები უფასო გამოკვლევები – Batumelebi
RU | GE  

უფასო გამოკვლევები

 

 აჭარის   ჯანმრთელობისა და სოციალური დაცვის მინისტრი ნუგზარ სურმანიძე მოსკოვის ტრავმატოლოგიისა და ორთოპედიის ცენტრალური ინსტიტუტის პროფესორ სოვოლოდ გოროხოვთსა და სამედიცინო ცენტრ „მედინას“ დირექტორ ჯუმბერ უნგიაძეს შეხვდა. 

 

ტრავმატოლოგ–ორთოპედი ბათუმში სამედიცინო ცენტრ „მედინას“ მოწვევით იმყოფება და ახორციელებს სამედიცინო საქმიანობას.

ვიზიტის ფარგლებში პროფესორი გოროხოვი უფასო სამედიცინო გამოკვლევებს ჩაატარებს ქედის, შუახევის, ხულოსა და ქობულეთის მუნიციპალიტეტებში.

კონსულტაციები ჩატარდება შემდეგი განრიგით: 

I. 2014 წლის 13 თებერვალი, ხუთშაბათი,   ქედა, მახუნცეთის პირველადი ჯანდაცვის ცენტრი, 10:30-დან 14:00-საათამდე. 

II. 2014 წლის 14 თებერვალი, პარასკევი,  შუახევი, ზამლეთის პირველადი ჯანდაცვის ცენტრი, 10:30-დან 14:00-საათამდე. 

III. 2014 წლის 19 თებერვალი, ოთხშაბათი, ხულო, მუნიციპალიტეტის ცენტრში არსებული პირველადი ჯანდაცვის დაწესებულება, 10:30-დან 14:00-საათამდე 

IV. 2014 წლის 20 თებერვალი, ხუთშაბათი, ქობულეთი, ჩაისუბნის პირველადი ჯანდაცვის ცენტრი, 10:30-დან 14:00-საათამდე.

პროგრამით სარგებლობა ნებისმიერ მსურველს შეუძლია.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"