Batumelebi | ბათუმის მერი დასვენებას და მოვლენების გადაფასებას გეგმავს ბათუმის მერი დასვენებას და მოვლენების გადაფასებას გეგმავს – Batumelebi
RU | GE  

ბათუმის მერი დასვენებას და მოვლენების გადაფასებას გეგმავს

 

ბათუმის საკრებულოს სხდომამდე, სადაც მერის გადადგომას კენჭი უნდა უყარონ, ერთი დღით ადრე „ბათუმელებმა“ ჯერ კიდევ მოქმედ  მერს ჯემალ ანანიძეს, საკრებულოს თანხმობის შემთხვევაში მის უახლოეს გეგმებზე ჰკითხა.

 

„მილევად რეჟიმში ვარ, კონკრეტული შემოთავაზება არ მაქვს, არც ბიზნესი. მე ვფიქრობ ახლა უნდა დავისვენო და რაღაცეები გადავაფასო. თავშესაქცევად კი მაქვს უნივერსიტეტი, კვირაში სამჯერ მაქვს ლექციები“

 

 

„გადაფასების პერიოდის“ შემდეგ ჯემალ ანანიძე ბათუმის მერის თანამდებობაზე თვითმმართველობის არჩევნებში მონაწილეობას ორი ფაქტორის გათვალისწინებით არ გეგმავს.

 

„პირველი ისაა, რომ ამას მთელი ოთხი წლის გააზრება და გუნდური მუშაობა სჭირდება, რაც ძალიან რთულია.   გარდა ამისა თვითმმართველობის არჩევნებზე მერი უნდა წარადგინოს პარტიამ, საინიციატივო ჯგუფს ამის უფლება არ ექნება. მე კი არცერთი პარტიის წევრი არ ვარ.“ – უთხრა ჯემალ ანანიძემ „ბათუმელებს“.

 

ჯემალ ანანიძის განცხადებას თანამდებობიდან წასვლის თაობაზე  საკრებულო ხვალ, 13 თებერვალს განიხლავს. 

ნეტგაზეთის მასალების სხვა გამოცემებში გადაბეჭდვის წესი
ცაგო კახაბერიძე