Batumelebi | მძღოლები ისევ გაიფიცებიან მძღოლები ისევ გაიფიცებიან – Batumelebi
RU | GE  

მძღოლები ისევ გაიფიცებიან

 

 

დღეს საქართველოს პროფესიული კავშირების აჭარის რესპუბლიკურმა გაერთიანებამ მძღოლების უფლებების დასაცავად ბრიფინგი გამართა, რომელიც შპს „სინოჰიდროსა“ და შპს „ბათუმის ავტოტრანსპორტში“ დასაქმებული მძღოლების მოთხოვნებს შეეხებოდა.  ავტობანზე დასაქმებული მძღოლების მოთხოვნა დაკმაყოფილდა, ავტობუსის მძღოლები კი საპროტესტო აქციას  12 თებერვლისთვის გეგმავენ.  

პროფკავშირების განცხადებით, ხელფასების გაზრდით მოტივით, „ბათუმის ავტოტრანსპორტსა“  და შპს „სინოჰიდრო“-ში დასაქმებულმა მძღოლებმა,  პირველი საპროტესტო აქცია გასული წლის თებერვალში გამართეს. გაფიცული მძღოლები დამსაქმებლისგან ხელფასების გაზრდას მოითხოვდნენ.

„ავტოტრანსპორტის ხელმძღვანელობასთან წერილობით შევთანხმდით, რომ მძღოლებს ხელფასები  გაეზრდებოდათ, თუმცა ეს პრობლემა ამ დრომდე არ მოგვარდა. გია ლორიამ პასუხიც კი არ მოგვწერა თუ რატომ არ დააკმაყოფილა მძღოლების მოთხოვნა“ – აცხადებს  პროფკავშირების აჭარის გაერთიანების ხელმძღვანელი, ილია ვერძაძე.

შპს „აჭარის ავტოტრანსპორტის“ ხელმძღვანელობისგან განსხვავებით, მძღოლების მოთხოვნები დადებითად გადაწყვიტა შპს „სინოჰიდროდის“ ხელმძღვანელობამ და ავტობანის მშენებლობაზე დასაქმებულ მძღოლებს, ხელფასი გაუზარდა.

შპს „აჭარის ავტოტრანსპორტის“  ხელმძღვანელის გია ლორიას განცხადებით, ოპტიმიზაციის ხარჯზე კომპანიის შემოსავლები არ გაზრდილა.

„ხელფასები უნდა გაზრდილიყო თანხების ოპტიმიზაციის ხარჯზე, მაგრამ არ მოხერხდა, რადგან გამოჩნდა სხვა ხარჯები, გაძვირდა საშენი და ტექნიკური მასალები და ამან გადაფარა ხელფასების საკითხი. მძღოლები მითხოვდნენ ხელფასის 50 თეთრით გაზრდას, რაც წელიწადში ნახევარი მილიონი ლარი გამოდის. ამხელა თანხის   ოპტიმიზაციას კი ვერ გავაკეთებთ“-აცხადებს გია ლორია.

ავტოტრანსპორტის ხელმძღვანელის განცხადებით, ავტობუსის მძღოლების ხელფასი თვეში საშუალოდ 600-700 ლარია.

ხელფასების გაზრდას მოითხოვდნენ ავტობანის მშენებლობაზე დასაქმებული მძღოლებიც.

„შპს „აჭარის ავტოტრანსპორტის“ ხელმძღვანელობისგან განსხვავებით, შპს „სინოჰიდრომ“ მძღოლების მოთხოვნები დადებითად გადაწყვიტა და მათი ხელფასები 4 ლარით გაიზარდა“-აცხადებენ პროფკავშირებში

ბრიფინგი აჭარის პროფკავშირებში

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე