Batumelebi | მოსახლეობა სოფელში მისასვლელი ხიდის აღდგენას ითხოვს მოსახლეობა სოფელში მისასვლელი ხიდის აღდგენას ითხოვს – Batumelebi
RU | GE  

მოსახლეობა სოფელში მისასვლელი ხიდის აღდგენას ითხოვს

 

ქობულეთის მუნციპალიტეტის, სოფელ კვირიკეში,  მცხოვრებლები მდინარე ლაფჩასთან  დაზიანებული ხიდის აღდგენას ითხოვენ. 

 

სოფელ კვირიკეში ხიდი ექვსი თვის წინ ძლიერი წვიმის დროს ადიდებულმა მდინარემ წაიღო.  

 

ახლა, ხიდის ნაცვლად მდინარეში  წყლის სქელი მილია ჩადებული,  ზემოდან ქვიშაა დაყრილი და ასე მოძრაობს მსუბუქი ავტომანქანები. სატვირთო მანქანების გავლა კი ჭირს.

 

მოსახლეობა ხიდის აღდგენას მუნციპალიტეტს სთხოვს: ”არავინ  არ მოსულა არ უკითხია რა პრობლემები გვექმნება, მაინცდამაინც  რაღაც უბედურება უნდა მოხდეს  თუ არჩევნები უნდა იყოს რომ ხიდი გააკეთონ? ”_ ამბობს  ”ბათუმელებთან” კვირიკეშჳ მცხოვრები ემზარ ღაღაიშვილი.

 

 სოფლის რწმუნებულის გია ხარაზის  განმარტებით, ხიდის რესტავრაცია საგზაო დეპარტამენტის პრეროპგატივაა. მისივე ინფორმაციით, უახლოეს ათი დღის ვადაში დაიწყება სარემონტო სამუშოები. 

 

 

 

 

 

 

 

ნეტგაზეთის მასალების სხვა გამოცემებში გადაბეჭდვის წესი
ნინო ინაიშვილი მოხალისე