„51 ჰაიკუ“ – ანუ ამდენივე მოკლე სტრუქტურის ლექსი აერთიანებს წიგნს, რომლის პრეზენტაციაც დღეს ბათუმის „პრესკაფეში“ შედგა. თაი ჰოკიარა ავტორის ფსევდონიმია. მას სახელის გამხელა არ სურს, ამბობს, რომ „ფსევდომანია“.
პრეზენტაციაზე ჰაიკუები წიგნიდან ავტორმა და მოწვეულმა სტუმრებმა წაიკითხეს. წიგნის ავტორმა ჯერ გამოუქვეყნებელი ჰაიკუებიც გააჟღერა.
ავტორის თქმით, მას კიდევ დაწერილი აქვს იმდენივე ახალი ჰაიკუ, რამდენიც წიგნშია და ახლო მომავალში მათ გამოქვეყნებას გეგმავს.
თაი ჰოკიარა მოთხრობებსაც წერს.
